الاداء ملا جواد الغرباوي

السلام عليك يا سفير الحسين عليه السلام
..........
هاشم ماوصلها اعلوم واخبار امن ارض كوفان..
مسلم ظل وحيد اهناك واعليه حايطه العدوان..
**
هاشم ما وصلها اعلوم لاطارش وصل يمها...
اتلوح اعلى الشگر واتغير واتجرد صوارمها..
اتسير ابعجل للكوفه وتوچب دون ابن عمها..
هاشم والنعم بيها..
معروفه ابمساميها..
من اتسل مواضيها..
تنزل صاجعه بالكون لوغاروا على الميدان..
*
لاچن للأسف ياحيف ماجاهم خبر عنه...
ومايدرون بالكوفه اسيوف الغدر حاطنه..
مسلم مايعرف الخوف بس اوحيد المچنه..
يطرب لويصك الويد..
عنده الموزمه  چالعيد..
لاچن ياهظيمه اوحيد..
واهل الجور حاطو بيه بسيوف اونبل وابزان..
***
اتقلد لامته المغوار وهد عالجيش ابوطاهر...
ايصيح الموت هالجاكم والسيف ابعزم شاهر..
آنه احسين ودًّاني اوجيت الحيكم امسافر..
لاچنكم نكرتوا اعهود..
واعلى الغدر عدتو اردود..
اضمايركم بعدهن سود..
عفتو الحسن بين اعداه او خنتو ابداحي البيبان..
***
وحيد وضيف انه ابحيكم يالماتِعرِفو الانصاف..
مابالي ابكتايبكم لودارت على آلاف..
لملي الكون بجثثكم واحصد روسكم يجلاف..
من هاشم شبل آنه..
الشجاعه تجري بدمانه.
اسمعوني ياخوانه..
لسجل ملحمه بيكم بيهه اتسولف الشجعان...
**
شبل الهاشمي لو هد ياهو اليگدر ايمنعه...
كلمن يجبل الحربه من امطهمه ايقلعه...
ابسيفه ايقسم الآجال كل واحد سگاه جرعه..
يشبه عمًّه بالحملات..
لو كر تشرد الجيمات..
ابسيفه طير الهامات..
بيهه يلعب ابكيفه ومنه اختلست الشجعان..
**
بس صح المثال الگال الكثره تغلب المغوار..
مسلم بالنزال اوحيد لا خوته ولا لاانصار..
حفروله حفيره اهناك ويلي وكادته الاشرار...
للطاغي خذو مأسور..
حزين اوخاطره مكسور..
يم احسين فكره ايدور..
بس لايعتني ابظعنه الأرض الغدر والطغيان..
**
يَم احسين ظل فكره ماهو امبالي بجروحه..
اليثرب ينظر ابحسره وعينه ابدمع مشبوحه..
من فوگ القصر ذبوه يويلي اوعرًّجت روحه.
وحزًّو راس ابوالنوماس..
جرًّوه او تشوفه الناس..
وين احسين والعباس..
وين اشبول ابوطالب ماتنهض العالي الشان..
**-
خادم اهل البيت عليهم السلام
سيد ناصر الموسوي

اداء
الرادود الحسيني ابوجليل الدردوشي

الملا ابو جليل

مســلم غريب ابكوفان
والوحده مايمه اخوان
فزعـــت عليه الجيمان ـ وينك يحيدر عينه

¢¢¢¢¢¢¢

گــــوم انــــتهض ياحيدره اتحزم اوشد اذراعه
مــاكو الــــيسند ابـــغربته وبعيــده عنه اسباعه
جـــيش ابـــو طاهر بس مره من عافته الطماعه
افزعله دگ ظهر ابظهر وطوي الجيوش ابساعه

يالقــــــالع البــاب ابزود
بالفزعه فعلك مشـــهود
صير اويه مسلم هادود ـ الحامل كتاب احسينه
¢¢¢¢¢¢¢¢¢

ويــنك يبو الحمله علي يالحـاضر بكل شده
احضر المسلم بالعجل بالكوفه ضل الوحده
وبسيـــفك اشكف كربته والعايل اعليه رده
شد ساعدك وي ساعده وقمع الجيش الضده
سل صــارمك ذوالفقار
وخلي الجحافل طشار
مسلم وحــيد اومحتار ــ حط يمنتك بيمينه

¢¢¢¢¢¢¢
انــتهض يالتوهه الحرب وانته النصر عنوانك
طــش الجيــــــوش ألاكته ولويهم ابذرعانك
وفــني الاشرار ابحملتك من تدخل ابميدانك
مـسلم بعازة صـــــارمك دارو عليه عدوانك

احظـر يراعي الشدات
مسلم يجر بالحسرات
اوگفـــله يابو الوگفات.. لحسين ضحه اسنينه
¢¢¢¢¢¢¢¢

فــــزعت علي خــــيل وزلم متعنيه تطلب راسه
عــالذبح كـــــله اتأمرت كلهه أطلعت جســاسه
نقضت الــبيعه البايعت بس هاني ضل من ناسه
وبعينه ضــــاگت دنيته امن الطاغيه وارجاسه

طب غاضب وطش الگوم
والكوفه ســــــواهه ادموم
بالحــــرب مثلك جيــــدوم.. روحه فداهه الدينه

¢¢¢¢¢¢¢¢


طلعت رســايلهم چذب خوانه اهل الكوفه
يابو الحميه والوفه ماضــنك انته اتعــوفه
ضل حاير ايهل الدمع بحسين همه وخوفه
خايف يجيب العـــايله والناس كلهه تعوفه

بحسـين مشغول البال
لوبيـــده يبعث مرسال
ويخبره بالكوفه انذال ــ ويشرح الشافه ايعينه

¢¢¢¢¢¢¢¢¢

تم بعون الله تعالي
بقلم ام زين العابدين اللامي
من يود يقرا القصيده يذكر هذا
الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه


الفاتحه الى روح والدي ووالدتي 💔 💔

مسلم غريب ابكوفان
والوحده مايمه اخوان

كلمات الشاعرة/ ام زين العابدين اللامي
بصوت / مسلم المطيري

#قصيدة_لمسلم_ابن_عقيل_ع

ساكت وگف مهضوم و اليحچي دمعه
مُسلم شُبـگ لحسين رايــــــــد يودعـه
و ابلا كـــــــلام // حاچه الامام
و اليحـــــــچي دمـــــــعه
ـــــــــــــــــــــــــــــــــــــــــ
وداع ابين وَلّد العـــــــــم
دار ابدمعة مذروفه
أنحنّه مُســلم لابو السجاد
يريد أيقبّل اچفوفه
عزيز هواي عندّه حســين.
و صعبة يگدر يعوفه
هذا اخــــــــــر لقاء وَيّاه
و بعد للموت ميشوفه

وَالـــد حــــــميدة بـــاس وَالـــــد رقية
و حضن ابحضن عالگاع طاحوا سوية
و ابصــــدره نام // حاچه الامام
و اليـــــــحچي دمعه
ـــــــــــــــــــــــــــــــــــــــــ
صَب دمعاته ابو ابراهيم
فوگ ادموع ابو سكينه
واحدهم عـــــــلى الثاني
غرگت بالدمـــــــع عينه
وصية چانت لمُـــــــسلم
حچاهــا بـــينه ما بينه
و بعدها رد حِضَّن صدره
و باس عمامــــة حسينه

عن طــفلته وصّـــاه بنته الوحيدة
جاوبه حسين و گال بنتي حميدة
و صاحلها گام // حاچه الامام
و اليـــــــحچي دمعه
ـــــــــــــــــــــــــــــــــــــــــ
عگب ما خَلَّص التوديع
بده يوصّي ابـــو الاكبر
گله الكوفه اريـــــــدنها
تســــويها مثــــل خيبر
اعرفك زين ابـــن عمي
شُجاع و فــارس معتبر
اريد هناكه يا مســـــلم
يشوفونك عـــلي حيدر

صـــولة علي بصفين منّك ردتها
باهل الغدر يا ريت كونك عدتها
حاضر تمام // حاچه الامام
و اليـــــــحچي دمعه
ـــــــــــــــــــــــــــــــــــــــــ
و بعد يا مُسلم اسمعني
الأزــــــقة لَمّن اطبّها
مثل گـــاع ابرجل فلاح
اريدك هيچي تگلبها
راويــهم عـــــــذاب الله
و جهنم فوگهم صبها
مِـــــــنْ زَقّـــوم وَكِلّهم
و حَميم أعداك شربها

باب افتح السجيل يابن الكرامة
بيهم اريد ايصيـــــر يوم القيامة
قبل القيــام // حاچه الامام
و اليـــــــحچي دمعه
ـــــــــــــــــــــــــــــــــــــــــ
شما كثرت عســـــاكرهم
قليـــــــلة و انته الهواية
أطفي اللمــــعة البسيفك
بالـــــــدم و اصبغ الراية
عله خشوم العِدة بيدك
كـــــــون اتنَّبّت الثــــاية
گبالك فَنّهم يصـــمدون
أخذ من عندي الحچاية

بسم الله صيح ابصوت عالقبلة أذبح
ياهو اليريد ايموت جــــدّامي يصبح
عهد التـــــــزام // حاچه الامام
و اليحـــــــچي دمعه
ـــــــــــــــــــــــــــــــــــــــــ
هاي الكوفة ديرة ناس
عليها امفصّلة الذّلة
و الأعــوج طبع هيهات
غير السيف مَيعدله
بس عنـــــدك مَرة بيها
تعادل جيشهم كله
عليها ربّنه مـن عرشه
طوعة سَلّم و صلّه

عنّي ابلسان الحـــــــال سَلّم عليها
گللها ابو السجـــــــاد شاكر سَعيها
مسك الختام // حاچه الامام
و اليحـــــــچي دمعه
ـــــــــــــــــــــــــــــــــــــــــ
الحمدلله
#علي_حسين_الكناني

ساكت وگف مهضوم واليحچي دمعة
مسلم شبگ الحسين رايد يودعه
وبلا كلام ... حاچه الأمام
واليحچي دمعة

😭😭😭😭😭

✍️ علي حسين الكناني
🎙️ قيصر أبو منتظر الإمارة

نزلة.   مسلم بن عقيل عليه السلام    

يمسلم.       مصرعك اذاني
يمسلم.       ابچي دم خلاني
.............

وصلت اخبارك يبويه بالدرب من جينه
الناعي وي عمي يسولف عمي دمعت عينه
يعني لاشك انت ميت والخبر ياذينه
گتله ياعمي اسالك وينه مسلم وينه

يمسلم       مصابك البچّاني
يمسلم.       ابچي دم خلاني
.............

گلّي يا بنتي حميدة آنه ابوچ ابداله
والدچ نال الشهاده الله يدري بحاله
المات لجل الدين اسمه كل زمن يتعاله
مسلم الغالي مكانه  غيره محّد ناله

يمسلم.      دمك بشرياني
يمسلم.       ابچي دم خلاني
.............

بياذنب مجتمعه كلها ضدك اهل الكوفه
صدگت من گال هسه بالغدر معروفه
وحدك وجيش آل اميه حاوطك بسيوفه
قاتلت وحسين عمي اقسمت متعوفه

يمسلم.        موتك بوجداني
يمسلم.       ابچي دم خلاني
...............

آه يا مسـلم يبـويه  رادو يأذّونك
من سطح قصر الاماره للأرض يرمونك
بويه وبحبل التخاذل گامو يسحبونك
الله يلعن آل اميه عجزوا يذلّونك

يمسلم.        موقفك ربّاني
يمسلم.       ابچي دم خلاني
.............

دمي گام يفور بويه من عظيم صوابك
طفله لكن شاب راسي من مرار مصابك
راح اضل للموت بويه ابچي دم بغيابك
شلون اهيد وانت عني مندفن بترابك

يمسلم.        منظرك اضناني
يمسلم.       ابچي دم خلاني
.............

يتّمتني وذاب گلبي لا تظن مرتاحه
مثل طير وطاح بالبر والكسر بجناحه
بويه واليفگد عزيزه ما تطيب اجراحه
واني من يوم الفگدتك فارگتني الراحه

يمسلم        فگدك الأعياني
يمسلم.       ابچي دم خلاني

سيد زيد الفحام
___

الشاعر سيد زيد الفحام بصوت خادمكم حسين عدنان الكوبعي