الاداء ملا عدي الربيعي

هاك أخذهم .. اربعتهم            قـــــــــــــــربتاً وطاعـــــــــــــــتاً حبيبي
۞۞۞۞
ماردت عبّاس يمـــــــــــــــــشي ابطـــــــــوله       كـــــــــــــــــــــــون بجنازه يجــــــــــــــــــــــي وهلهوله
وابوچفوف امگطعه ايصيحوله       مثل حيدر هــــــــــــــــــــــــــــــــامته ايطبروله
مااريده .. المو وريده             ينگطع وانه اقنع بنصيبي
۞۞۞۞
مااريده ايگلـــــــــــــــــــــــــــــــــــــــي اسف يمه            هاي الآسف من اخوكم زحمه
الـمايضحي العين اخوه مـــو زلمه          آنه اريد أصبـــــــــــــــــــــــــــــغ عباتي بدمه
حيل احبه .. والله أحسبه       الينذبح منهم صدگ طبيبي
۞۞۞۞
ادري ابو فاضل كفو طاريه            يحترگ لــــــــــــــــــــو يسمع بمسبيه
امحملتهم آنه مســــــــــــــــــــــــــــــــــــــــؤوليه         ورضعــــــــــــــــــــــــــــــــــــــــــــــــتهم باللّبن حنيه
لو اجوني .. ووماوفوني             يحرم اعليهم صدگ حليبي
۞۞۞۞
مااريدن كون ترمــــــــــــــــــــــــــــش عينه        يوگف بسيفه حرس لسكينه
وجعفــــــــــر اليشبه علي بتكـوينه       ايداري سجّادك مشه وايعينه
ومن يصلي .. هيچي يدعي           آ يعلة سيدي دطيبي
۞۞۞۞
وابني عبدالله عبد للســــــــــــــــــــــــــــــــاده            بالصلاه يفــــــــــــــــــــــرشلك السجاده
وافـــــــــــــــرح أنه بلحظة استشهاده           وياخذ أمن الطف اريد امراده
ذوله ولدي .. وكلشي عندي          الك فدوه ياذهب مشيبي
۞۞۞۞
احسين كون أنته عليهم الراضي      ياشـــــــــــــــــــــــــــــــــــراره اتـــــــــــــــــهيج استنهاضي
أنته حـــــــــــــــــــــــــــــــاكم بالقيامه وقاضي     وانته حــــــــــــــــــــــــاضر للمحنه وماضي
من مكانك .. كل حنانك          آنه أخذته وبس الك نحيبي

محمد الجماسي

#اللهم_عجل_لوليك_الفرج

الاداء ملا بهاء البحراني

نعي مفجع
ام البنين

هـاي ام الـبـنـيـن اشـضـال عـدهـه
ليل انهـار دمـعـتـهـه اعـلـه خـدهـه
لا تـنـشـف الـعــيـن ولا تـســدهـه
اربــع ولــد راحــوا والــدهـــه

*-------------------------*-------------------*

ضـل الـنـوح عـدهـه بـهـل مـديـنـه
وياهو الـيـجـي اتنشـده الـحـزيـنـه
هـلـبـت ظـعـن مــر اعـلــه عـيـنــه
ونـيـنـه ثاري الـبعـد يكتل ونـيـنـه


*-------------------------*------------------*
  
وطـول الـلـيـل تـتـسـلـه ابـچـيـهـه
لا واحــد نــشــد لا مــر عــلـيــهــه
اتــانـي الـولــد بـلـگــت تـجــيــهــه
بس بحـسيـن وخـوانــه حـچـيـهـه

*---------------------------*-------------------*

✍خادم ام البنين (ع)
الشاعر رعد الجريخي

☆ مقدمة الليلة الرابعة من شهر محرم الحرام ☆
☆ مولاتي ام البنين ☆

حان الحسين اغيابه .. آ يحسين وامصابه
لجله العين سچَّابـــه .. آ يحسين وامصابه
•┈┈┈┈•✿❁✿•┈┈┈┈•
ليلـــة حِـــزن ام البنَّيـــن الليلـــــــه
اتودَّع ابو اليمَّه اوحيـود العَيلـــــــه
اتخاطِب گلُبها اوعالصَبُر تحچيلـــه
ياگلبي فَگد حسين ما لَك حيلــــــه

مِن بيته ينسَد بابـــه .. آ يحسين وامصابه
لجله العين سچَّابـــه .. آ يحسين وامصابه
•┈┈┈┈•✿❁✿•┈┈┈┈•
ام البنَّيــن البالوِفــــه مَوصوفـــــــه
اِتذَّكِر ابنــها ابوگفتــــه المَعروفـــــه
بالطف تگلَّه حسين موش اتعوفــــه
ومن يعطَش اتجيب النهر واجروفه

نار العِطش لهَّابــــــه .. آ يحسين وامصابه
لجله العين سچَّابـــه .. آ يحسين وامصابه
•┈┈┈┈•✿❁✿•┈┈┈┈•
صاحت وِلِدها البِالمَفاخِـــــر تِزهــي
وگامت تِسولِف والسـوالف شِنهـــي
ارد افتِخــر بيكـم وأبيَّض وَجهــــي
اعليكم فقـط يآمـــر حسين اوينهي

كلكم فِــــده لترابـــه .. آ يحسين وامصابه
لجله العين سچَّابـــه .. آ يحسين وامصابه
•┈┈┈┈•✿❁✿•┈┈┈┈•
ليلـــــــة الرابع ليلـــــــــة أم العباس
أم الوفــــه والمرجلـــــه والاحساس
ماينگِطع دايم فضلـــــها اعله الناس
ابموتة وِلِدها اول مَرَه اتشيل الراس

ما ذبَّت العِصَّابـــــــه .. آ يحسين وامصابه
لجله العين سچَّابـــه .. آ يحسين وامصابه
•┈┈┈┈•✿❁✿•┈┈┈┈•
أُم البنَّين ابيـــوم مَر بيــــــها البيــــن
مِن بَعــد ما عاشت بالآهات اسنيــــن
اِتمنَّت گَبل مَتموت مَوجــــود حسين
واتشوفه بآخِر لَحضه واِتغَمض العين

واتشم عطور اثيابـه .. آ يحسين وامصابه
لجله العين سچَّابـــه .. آ يحسين وامصابه
•┈┈┈┈•✿❁✿•┈┈┈┈•

الشاعر علي الخيگاني

الاداء ملا جواد الغرباوي