يلماخذ كل اهلي وياك تانيني
__________________
انه العليله والمرض ماذيني _
يلماخذ كل اهلي وياك تانيني

يابويه ليش بغربتي اتخليني
يلماخذ كل اهلي وياك تانيني

بس رد عليه بويه بس حاجيني
يلماخذ كل اهلي وياك تانيني

يابويه اموت امن البعد تدريني
يلماخذ كل اهلي وياك تانيني

ماخذ روحي ياضعن الطف
__________________
يابويه اطيبن بس اشم الرايه
يلماخذ كل اهلي وياك تانيني

حضرو مچاني بهالهوادج هايه
يلماخذ كل اهلي وياك تانيني

وياك اخذني افرشلك امصلايه
يلماخذ كل اهلي وياك تانيني

موتدري بويه بالابو وفيايه
يلماخذ كل اهلي وياك تانيني

بويه اخذوني والموت اهون
__________________
خليلي عبدالله يخفف نوحي
يلماخذ كل اهلي وياك تانيني

بلكت يبويه شويه تشفه اجروحي
يلماخذ كل اهلي وياك تانيني

هذا الضعن يابويه ماخذ روحي
يلماخذ كل اهلي وياك تانيني

بويه ردتها ماردت مذبوحي
يلماخذ كل اهلي وياك تانيني

تبجي اعيوني عالماردو

__________________
موگتلي اوديلج علي جاوينه
يلماخذ كل اهلي وياك تانيني

معقوله بويه ابلا ابو ضلينه
يلماخذ كل اهلي وياك تانيني

اشلون المفارگ بويه تغمض عينه
يلماخذ كل اهلي وياك تانيني

تخلص يبويه بس بواجي اسنينه
يلماخذ كل اهلي وياك تانيني

بچت عيني يافرگتكم
___________________
يابويه ريتك لوتشاهد حالي
يلماخذ كل اهلي وياك تانيني

طفله وغريبه وضلت ابلا والي
يلماخذ كل اهلي وياك تانيني

يوميه اناطر يمته يلفي الغالي
يلماخذ كل اهلي وياك تانيني

هالمر شهر بس انه ماكو اهلالي
يلماخذ كل اهلي وياك تانيني

والخلانه چا يمته يرد
___________________
✍️احمد علي البغدادي
محرم الحرام 1445 هـ

الاداء احمد البغدادي

يا ناس أنه كل اهلي غياب
ــــــــــــــــــــ
علباب اناطر وانتحب والدمعه بالعين
وانشد أنه اطيور السمه هم شفتن حسين
فاركَني عمي او والدي وبالدار ضليت
ودرب اليوصّل كربله مااعرف منين
يوميه اكَول باجر .. يردلي الذي مسافر
صرت اكسر الخاطر ... عذّبني الافراكَ
كَلبي اليحن ذايب ..متحمّله امصايب
بدر الضعن غايب ...والشوفه اشتاكَ
ــــــــــــــــ
طبع اليسافر عن هله ميطوّل هواي
مدّه وينادي امن البعد يهل النزل جاي
لجن ابوي الي مشه وبذيج الضعون
تأخر عليّه وأصبحت مشدوهة الراي
شكَد ناطرت ضعنه ... ونّه بأثر ونّه
انشد صرت عنّه ... ريح الهوه الهاب
بعطره يرد ليّه ... ارد اكَعد بفيّه
متأمّله الجيه ... من ضعن الاحباب
ـــــــــــــــ
مزروعه عيني اعله الدرب بلجن يردون
ولورفّت الرايه شفت اجريهه العيون
اركض عليهم ركضت العطشان للماي
واندب هله ومية هله يمكحل الجفون
ما ايست منه ... ولا اكَطع الضنه
انطر اشوفنه .... واشكيله هل حال
بحضنه يخلّيني ... ويمسح دمع عيني
يهوّدلي اونيني ... لو فاطمه كَال
ــــــــــــــــ
ماينحمل جرح البعد يل عفتوا هل دار
بس الصور ضلّت الي يا اهلي تذكار
كل ساع اكَلّب ذكرياتي واجرع الويل
محتار كَلبي يا هلي أي والله محتار
لا انت لا عمي ... وعبد الله مو يمي
والزينبك همي ... وهمي الخواتي
دار الكرم خالي ... وانه انشده بالي
ارحمني ياوالي ... كَربت مماتي
ـــــــــــــــــــ

كل خوفي طف النايبه يجرحني همه
واسمع ابويه ابكربله ضل يجري دمه
وعباس دامي اعله النهر وبلا يه جفين
والنار ويلي تشتعل تحركَ اخيمّه
وزينب بلا والي ... تندب يكفّالي
ياهوالي يبرالي ... عكَبك يعباس
والنوكَ جابوهه ... وأمتون ضربوهه
وعبال سبّوهه ... مو شيّب الراس
ـــــــــــــ
الشاعر محمد حسن ضيغم

#تجليبه
للعليله عليها السلام

اذا لجل المرض تمشي وتخليني
يبويه خلاف عينك من يداريني
آه يحسين... عگبك موتي
.......
اذا چان السبب تتركني يالغالي
مريضه والدرب ما يرحم  ابحالي
يبويه الموت عندي هواي اشوالي
ولا تبعد عليه يا نظر عيني
.......
لا تبعد عليه فرگتك صعبه
ولا تتركني وحدي وروحي متعذبه
انت بغربه لو اني العشت غربه
يالفراگك غربتي او وحشة اسنيني
.......
يالفراگك غربتي ودمعة العينين
صبر گلبي بغيابك حرت اجيبه منين
يمن فدوه اروحنلك يبويه حسين
وحشه البيت وانه الوحشه تأذيني
......
وحشه البيت والوحشه اسكنت بالدار
ونار البعد تسعر ما طفت هالنار
شفت ويه الضعن راحن بنات ازغار
وأنه الوحدي بقيت وانت تدريني
........
تدريني بقيت ابغربتي الوحدي
لا ام لا ابو لا ظل اخو عندي
عگبك جرح گلبي ما نشف يدي
يسلوة عيني يالشوفك يسليني
.......
يسلوة عيني وشمحلاها هالسلوه
عفتها خلاف عينك روحي تتلوه
وبنار البعد يالغالي تتچوّه
تمنيت الاجل كل لحظه يلفيني
........
خادم العليله
حسام ناجي الحلي

بقلم حسام ناجي الحلي

اداء ستار الصالحي

نعي بحق العليله ((ع))


اخذوني يبويه وياكم اخذونــــي
اخافن لو مشيتو بويه تنسونـــي
اذا تمشون اكولت اهلي ملونـــي
واوصي بناس غربه اليدفنـــونــي
خدامه اصيرن كون ترضـــونـــي
ولا يجفي الضعن ويخيب اضنوني
اجلب بالمحامل بس تصعدونـــي
و وكت الليل فوك النوك خلونـــي
هلي يهل الشيم كلكم تسمعونـــي
اسوم الله عليكم لا تعوفــــونـــي
عليله وهذا حالي وزين تدرونــي
بعدكم والبواجي تجـــرح عيوني
ومـــا اصبر عليكم من تجافوني
وي حادي الضعن يحنان مشوني
تدرون بغربتي يعمـــن عيونــي
ومن كثر المصايب تهدل امتوني
وتزيدون العلل بيه وتلجمونـــي
عليلتكم طبت هاليوم احسبونــي


ابوذيه

يبويه حسين ضعن النوك وانه
عليله وحل عليه البعــــد وانه
اشوفن كل خواتي مشــن وانه
بكيت بدمعتي وناري سريه

يعمـري شظل بعــد وتعيــش دفناي
وصحت بويه اعله صدرك حيل دفناي
ردت انت التهيــــــل تــــراب دفناي
وتقره الفاتحه بعطفك عليه



الشاعر رعد الجريخي

الاداء ملا ستار الصالحي

نار الفراگ الفراگ چوت گلب العليله.
،،،،،،،،،،،،،،،،،،،،،،،،،،،،،،،،،،،، ١

اهلي راحوا عني گصدوا كربله.
راح أبوي وأخذ كل العايله.
واني چنت بجال أبوي مدلله.
فراگ ابو السجاد من يتحمله.

فراگ الحسين. الحسين. أحس لوعه ثجيله.

،،،،،،،،،،،،،،،،،،،،،،،،،،،،، ٢

باب للحاجات خلاني الجليل.
لو نخاني يشفه من همه العليل.
الدمعته اعلمصابي بالمجلس تسيل.
راح أشفعله وأعوفه. مستحيل.

صحت عباس يعباس. واضل دمعي أسيله.

،،،،،،،،،،،،،،،،،،،،،،،،،،،،،، ٣

ما رجعلي الغالي لارد الگمر.
عن أبوي أنذبح أسمع هالخبر.
وعمي العباس طايح عالنهر.
وظهر أبوي حسين من شافه أنكسر.

وشبت النار النار على خيام العقيله.

،،،،،،،،،،،،،،،،،،،،،،،،،،،،،،، ٤

مايردلي حسيني گالوا منذبح.
الخيل تسحگ صدره راسه اعلرمح.
بجسم أبوي الف وتسع ميت جرح.
عگبه عمري صار ليل ابلا صبح.

تبچي. العيون العيون. العمر فدوه السبيله.

،،،،،،،،،،،،،،،،،،،،،،،،،،،،،،،،،،، ٥

ينسبن بعده أخواتي بالصبر.
وزينب أيضربونهه ويضحك شمر.
بكل مدينه مصاب وأحزان التجر
احجار يرمون الضعن من كل كتر.

اليفگد احباب الاحباب.ينام شلون ليله.

،،،،،،،،،،


حيدرموسى الرميثي

الاداء ملا ستار الصالحي

نعي لسان السيده العليله عليها السلام قبل سفر العائله

***

يمكن هلي باجـــــــر يشيلون

ويه الصبح جنـــــهم يحملون

حجي السـمعته من يضعنون

بالدار ماواحـــــــــــد يخلون

***

انظر خواتي من يجــــهزن

اهدوم السفر كلهن يولـــمن

ايصدن عليــه وليش يبـجن

ومن التفت كلــــهن يسـكتن

***

شمضموم لي طمننـي واحجن

وحدر الشـــــيال اهواي تبجن

شنهو الخــبرموش آنه اختجن

علمنــــي باللــــــي بيه تدرن

****

وكأنما خاطبت اختها سكينه عليها السلام

يسكينه حاجينــــــــــي يخيه

كلبي انعصـــــر هالمغربيه

شو آنه محـــــــــد دز عليه

ولمي غراضج كــــــال ليه

****

حاجيني يختي يالحنيــنه

وردي جواب التسمعينه

كلنه نـــروح بهالضعينه

وما واحد يظل بالمـدينه

***

وكأنها لم تسمع جواب من اختها سكينه عليها السلام فذهبت الى زينب عليها السلام

***

جيتج يعمـــــه ياعــــيوني

ومن الدمع تمطر اجفوني

انجان كتيلـــــــي اشلوني

ياعمــــــه اخافن تخلوني

***

روحي تكلـــي وتنعه تنحب

جنهه اتعلِــــــم ياعمه زينب

وهالليله كـــــام  الجبد يلهب

وكلبي بحزن من هسه شيب

***

تذبحني ياعمه ســــكتج

وتجرح وتكتلني دمعتج

بآهــات جريتي حسرتج

جم مره يالحره نشدتج

***

وكأنما كلمتها السيده زينب عليها السلام

***

تعاي اهنا يمي يالحزينه

وخليني اشــمج يالحنينه

عمه يفاطم مـــــو بدينه

مالج مجــان بالهضعينه

****

عمه وحكــج مــو ثجيله

وعندي مجانــج يالجليله

اتصيرين بعيون العقيله

لاجن سفر وانتـي عليله

***

مكتوب يالبيــــه تسألي

وحدج يبعد اهلي تظلي

ومحد يظل يمــج يسلي

وادموع عالراحو تهلي

***

كبل الصبح عمـــه نسافر

واجمالنه بغبشـــــه تهاجر

ادري صـعب يحبيبه باجر

عيونج تصد تكسر الخاطر

***

وكأنما جوابتها العليله عليها السلام

***

اشلون اظل وحــدي عمه

خاف البصر يهفت ويعمه

والـــدار مابيـــهاش زلمه

لاعلويـــه لاعبد الله اشمه

***

ادعيلي كون اصبر بعدكم

لوشال لو حمـــل ضعنكم

كلبي ايتفتت من هجــركم

ويبطــــي اضننه  سفركم

****

واشلون روحي عمه تركد

وحسين عني ايصـير مبعد

مكدر اكوم ومكــــدر اكعد

بالدار ابجــــــــي لمن يرد

****

واشلون عمه اشــــتم الانفاس

وكلبي حزين وجرحه حساس

لو رحل عمـــي وشال عباس

هوه الحنــين وشـــيلة الراس

***

وشلون من تمشــــــــــي رقيه

بفراكـــــــــــــــهه اتمنه المنيه

احنيـــــــنه وزغـيره الفاطميه

اعليهه تظل عينــــــــي جريه

****



أبو علي الركابي

أداء الرادود ابو رقيـه