#نعي
للأمام الجواد روحي فدته

يـبـو صـالـح يـراعي الثـار والـدم
خلصوا هـلـك بين الچتـل والسم
الـخـبـر تـدري يمهدي وبـيـه تعلم
الجواد الليله حالـه أشحمّلك هـم

شباب ابـن الـرضـا وچـبـده تمرد
وتـضـل نـاره سـريـه وعيب تبرد
وسـف چـف العـده ياحيـف تمتد
على الزاچي الجواد ومـالـه أحـد

يـراعـي الـثـار يـمـتـه الثـار ينجاب
وتگص چف التعده النسل الأطياب
أنـتـه الـدم هـلـك ضـلـيـت طَـلاب
سـل سيفـك يمهدي وذب الـگـراب

✍خـادم ال محمد ع
الشاعر رعد الچريخي

#اللهم_عجل_لوليك_الفرج

ابوذيات عن الامام محمد الجواد عليه السلام

الصبر ثوبك يبو الطيبات ورداك
عشرين على خمسه وذبل ورداك
راواك  اللئيم  الحتف ورداك
يبو الهادي  يبن خير البريه

يگلبي علجواد اليوم ونهاك
ولا علنوح لحظه اعترض ونهاك
بالسم يبوالهادي  ارداك ونهاك
العاداك وكسر گلب الزجيه

الجواد انته الكرم طبعك وجودك
سبب للناس والدنيا  وجودك
اشرب جيت من چفك وجودك
يجود وخير بارض الكاظميه

الشاعر حسن لعيبي الحريشاوي

قصیدة الی استشهاد جواد الائمه علیهم السلام اجمعین🏴🖤


آه علیك یابوالهادي  آه علیك
ــــــــــــــــــــــــــــــــــــــــ
الك یـبن الرضا گلبي تـصدع
بسهم الفاجعه انصاب وتگطع
بجمر واحزان هالذاب وتلـوع
تعال وشوف بگليبی اشسادي
ــــــــــــــــــــــــــــــــــــــــ
حزن نوخ عليه اليوم بعدك
الم سم التـكطع بيه جبـدك
على سطح المنيه صار لحدك
ثلـث تيام وتحيـطك اعــادي
ــــــــــــــــــــــــــــــــــ
انـوار العلـم منك تشـــع نور
يبن حمايها انته ويبن البدور
ياعالــي منيع بعــالي السـور
باعله الصوت واویـلا ننادي
ــــــــــــــــــــــــــــــــــ
جدك حیدره داحي البیبـان
وعمك ابوفاضل گمر عدنان
شلون العدو یسمونك یریسان
اه بأه صــار الحــزن بــــادي
ــــــــــــــــــــــــــــــــــ
يافجـر النوايـب فجـر الدمـوع
وداعك یالجواد بگلب مصدوع
ظل خالي مكانك بس الشموع
ذابـن والـحزن خلـف رمـــادي
ـــــــــــــــــــــــــــــــــ
اویلي اعلیک یالحجه یمسموم
مثل جدك ابوالسـجـاد مظلـوم
ذبیح اعله الوطیه بحر السموم
وزینب من حـده بیها الحـــادي
---------------------------.

نزلة.   مسلم بن عقيل عليه السلام     2023

يمسلم.       مصرعك اذاني
يمسلم.       ابچي دم خلاني
.............

وصلت اخبارك يبويه بالدرب من جينه
الناعي وي عمي يسولف عمي دمعت عينه
يعني لاشك انت ميت والخبر ياذينه
گتله ياعمي اسالك وينه مسلم وينه

يمسلم       مصابك البچّاني
يمسلم.       ابچي دم خلاني
.............

گلّي يا بنتي حميدة آنه ابوچ ابداله
والدچ نال الشهاده الله يدري بحاله
المات لجل الدين اسمه كل زمن يتعاله
مسلم الغالي مكانه  غيره محّد ناله

يمسلم.      دمك بشرياني
يمسلم.       ابچي دم خلاني
.............

بياذنب مجتمعه كلها ضدك اهل الكوفه
صدگت من گال هسه بالغدر معروفه
وحدك وجيش آل اميه حاوطك بسيوفه
قاتلت وحسين عمي اقسمت متعوفه

يمسلم.        موتك بوجداني
يمسلم.       ابچي دم خلاني
...............

آه يا مسـلم يبـويه  رادو يأذّونك
من سطح قصر الاماره للأرض يرمونك
بويه وبحبل التخاذل گامو يسحبونك
الله يلعن آل اميه عجزوا يذلّونك

يمسلم.        موقفك ربّاني
يمسلم.       ابچي دم خلاني
.............

دمي گام يفور بويه من عظيم صوابك
طفله لكن شاب راسي من مرار مصابك
راح اضل للموت بويه ابچي دم بغيابك
شلون اهيد وانت عني مندفن بترابك

يمسلم.        منظرك اضناني
يمسلم.       ابچي دم خلاني
.............

يتّمتني وذاب گلبي لا تظن مرتاحه
مثل طير وطاح بالبر والكسر بجناحه
بويه واليفگد عزيزه ما تطيب اجراحه
واني من يوم الفگدتك فارگتني الراحه

يمسلم        فگدك الأعياني
يمسلم.       ابچي دم خلاني

سيد زيد الفحام
___

الشاعر سيد زيد الفحام بصوت خادمكم حسين عدنان الكوبعي

📜 القصيدة: لبيك راعي الثار
🎤 أداء: مسلم الوائلي
~~~
يا جمعه التجمعنه وتشهر فقارك
يالمهدي ويا ساعه اتناديك انصارك

گلب اليريدك نار
لبيك راعي الثار
~~~~
كلما حلم ملگاك يتبده بالعين
اركض ودور عليك يم باب الحسين
نار الجفه وملگاك يالمهدي نارين
تدري الگلب مولاي ما يحمل اثنين

يبو جف الدافي من هجرك كافي
اركضلك حافي لو شفتك جاي

كل واحد يرسملك يالمهدي اشواگه
وانه ادري اعله احبابك روحك مشتاگه

بس للعشگ اسرار
لبيك راعي الثار
~~~
يا رايح ويا راد حفظتني الدروب
يتشابه بملگاك وجهي ويه الغروب
يوميه الك مرسال من دمعي مكتوب
يا يوسف الزهراء ما بينه يعگوب

يالذابل لونك بالغربه شلونك
يا يوم عيونك تضحك مولاي

يا يوم اعله عيونك تتبده عيوني
يا يوم بنظراتك يتغير لوني

صوت المدامع صار
لبيك راعي الثار
~~~~~~
سفره العمر والليل يخلص مواعيد
مو بالوجه بالروح طلعت تجاعيد
بالعيد إلي بفرگاك ما ينحسب عيد
آخ بوجعها الروح ما تقبل تهيد

يالمهدي احلامي تطلع گدامي
وركضلك ضامي واروه بملگاك

جم دمعه وجم جمعه بهجرك محسوبه
جم عاشگ عالفرگه وعالحب مكتوبه

مهما الزمان اندار
لبيك راعي الثار
~~~~~~
يالمهدي هاي الروح هجرك گضاها
مو من وجعها تلوج من مستحاها
يبست ومامش غيم يگطع ضماها
يوم التشوفك جاي تمطر سماها

يا يوم انشوفك نركض ونطوفك
وتشيل جفوفك وتصيح الثار

يا يوم الثاراتك مرفوعه الرايه
دمعات الينتظرك يالمهدي ولايه

جار الزمن ما جار
لبيك راعي الثار
~~~
كون الوجع يندار يالمهدي بيه
حته اعرف شياذيك كل مغربيه
هلبت ملامح طيف مو إلا جيه
حته اكشخ وينگال سير عليه

يا روح الزهره ياليذبح هجره
رايد بس نظره بحلامي وياك

يالمهدي وكل عاشگ يتأمل نظره
يالشايل بعيونك نظرات الزهره

بالملگه صدرك حار
لبيك راعي الثار
°°°°°°°°°°°°°°°°°°°°°

الاداء ملا مسلم الوائلي

#محرم١٤٤٢

يزينب وين ودوچ الملاعـــين
¢¢¢¢¢¢¢¢¢

وين الدگ صدر والجابچ اوياه
وين الرايتــه اترفـــرف ابيمناه
ظعن حسين هذا اشلون ينساه
نايم عالنــــهر من غيــــر چفين

¢¢¢¢¢¢¢¢¢¢¢¢¢

چنتـــي مـدلله وبجال اخـــوتچ
اولا واحد يزينب سمع صـــوتچ
مــن هـــذا الامــــر زادت بلوتچ
وسفه المجلس الظالم تدخلين
¢¢¢¢¢¢¢¢¢¢¢¢

الله يسـاعدج يا عظـــم بلواچ
گليــلي يزينـب وين منـــــواچ
عمت عينه زمـــانچ وين وداچ
وي اجـــــناب تاليهه تروحــين 
¢¢¢¢¢¢¢¢¢¢¢

مشيتي ويالغرب والروس جدام
عــبايه محركه مـــن نار الخــيام
الـوكت وياچ جار اوشــد الحزام
اخذ من عندچ العباس وحسـين
¢¢¢¢¢¢¢¢¢¢¢¢

وسفه شلون من سموچ اسيره
يالچنتي ابوكت عباس امــيره
هايه اعليــــچ يا زينب چبـيره
اســـيره بس ابــد لا ما تذلــين
¢¢¢¢¢¢¢¢¢¢¢¢


تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه،
الفاتحه الى،روح والدي ووالدتي،💔💔

لشاعرة ام زين العابدين اللامي


اداء الرادود ستار الصالحي

ميمر
{ يا أهل العزم }


         شــدوا الــحِــزم     يــهــل الـــعـــزم
         بــي نــفــتــخــر     هـــــذا الاســـــم

خـدام ابـــو الـيـمـه حـسـيـن نــتــفـاخـر أيسمونه

                              *---------------*---------------*

    شـــكــــراً يــــرب شـــهـــر الـــحــــزن.. عادنّه
    وصــــار الـلـــطـــم لٱجــل الـــســبــط.. عادنّه
    يـخـسـر تــــره كــلـــمــــن حـــچـــه و.. عادنّه

           تـــاج الــشــرف     بـيــنــه انـعـرف
           احـنــه الـخــدم     بــيــرغــنــه رف

العاشگ يصير ومجنون عـقـلـه اكتمل بـجــنــونـه

                              *---------------*---------------*

    نـــقـــســـم وحــق مــن بـالـــهـــزل.. مسراهه
    نـار الــعـــشـــگ وســـط الـگـــلـــب.. مسراهه
    هــــايــه الـــمــــســــيــره ولـلأبــــد.. مسراهه

           هـــذا الــــدرب     كــلــش صــعــب
           بــس لـلـمـحـب     راحــــت گــلــب

الــچــاويــتــه نار الخيمات يعرف صدگ مضمونه

                              *---------------*---------------*

    اصــفـــوف الــعــزه شــــوگ الـگـلـب.. هاملهه
    ودمــــعـــــة حـــزن فــــوگ الـجـفـن.. هاملهه
    هـــــاي الـــخـــدم عـــالــي انــــرفــع.. هاملهه

           مــاكــو عــــــذر     الــدگ الــصــدر
           عــمــر الــخَــدم     فــــدوه ونــــذر

بـهـذا الـنـهـج مـعـتـقـديــن وخــل العده ايلومونه

                              *---------------*---------------*

    الـــعـــاده الـلـطـم مــــن الـــبــــشــــر.. ماعِدّه
    عَــــدّه الــــزمـــــن عــــنـــــه الاجــــر.. ماعَده
    جـــــرح ابـمـحـب مـــثـــل الــخــــدم.. ماعِده

            الـحـَس بـحـرگ     گــلــبــه الـيـدگ
            يــعــرف صـدگ     مـعـنـى العـشـگ

العاف الــمــدامــع والـنـوح بـيـهـن رمـاد اعـيـونـه

                              *---------------*---------------*

    نــــــــــــور الــــمـــآتـــــم بــالارض.. شع ليهه
    وكــل الـخـــدم صـــيـــت وشــرف.. شع ليهه
    حــرگـه بـــگـــلـــبـــنــه وهـالـخلـگ.. شع ليهه

            شــوگ الــدمــع     بــي نــنــجــمــع
           الـعــاده الـلـطـم     خــل يــسـتـمــع

انـزيـد الـمـآتـم والـنـوح رغـمـاً عـلـى الــعــادونــه

                              *---------------*---------------*

    مـــن الــمــــجــــالـــس كــــل مـحـب.. مايلهه
    عــــطــشــه الــضـــمـــايـــر والـلـطــم.. مايلهه
    يـخـســر تــــــره الـــــــراح وبــــعــــد.. مايلهه

           الـعـاش إبــألــم     جــرح الـخــيــم
           شــامــخ يـضـل     ثـــابـــت قــــدم

الـعـافــوا نـهـجـنــه ومـاشين ويــن الدرب يلگونه

                              *---------------*---------------* 


✍خادم الحسين ع
    الشاعر رعد الچريخي

لشاعر رعد الجريخي

اداء الرادود ستار الصالحي

🔸موشح للإمام الباقر
(عليه السلام) :

من يعزِّي فاطمه ابأشبالها ..
اندفنوْا اعْله ايْمينها و اشْمالها ..

بالبقيع اشبولها متوسِّده
او سِده اعليها الما عله واحد سِده
هذا چبده يشتكي سمِّ العِده
او ذاك جِيده يتشكي امْن أغلالها ..

رِدِت خيَّال اليشِد مُهره او يعِج
للبقيع اْو يصرخ ابصوته او يضِج
الباقر ابهاليوم سمَّوه اِبسَرِج(١)
هاي موته الما جِرَت أمثالها ..

لمَن حسِّ الباقر ابموته دِنه
وصّه إبنه الصَّادق اِيْحطله ابْـ مِنه
نايحات اليبْچَن اِعليْه كل سَنَه
و لمصابه يرتفِع وِلْوَالها ..(٢)

هذا غير التنحب اعْليه من هَله
و الجواري البالصّوايح معْوله
علّگن سُود الأعلام ابمنزله
و بالمدينه ارتفع نوح الوالهه ..

ارتفع منها النَّوح من غمَّض العَين
او لحَّد الگاللــهـا كُفِّي امْن الونين
لاچَن النايحه الناحَت عالحسين
لو بچت تلگه الَسياط اگبالها .. !

ايسكتّوها ابضرب من تبدي العِويل(٣)
او غصب عن اِجنازة الوالي تِشيل
نصْبت الماتم عله اظْهور الهِزيل
تنعه و اهْيه امچَتّفه بحبالها

الشاعر عادل اشكناني