قصیده حق  ایام محرم





یلا شدو احزامكم

هذا شهر ايمامكم

شدو رایه برایه      حسین هوه الغایه



یل ترید اتسر امامک یلا بین  الطمتک

حته  نثبتله  ونگله  حسین شاهد  شیعتک

کل سنه انجددد  عزاک  مانمل   من  خدمتک

ماتمل خدامک           محزمه  الیامک‌

بلخدمه‌‌اکضو   ایامکم          یلا شدو احزامکم






وبخدمتک سیدي  علقیت گلوبنه

امل عدنه بیها راح  تمسح انه ذنوبنه

شننسه منک یلحنین  یل سترت عیوبنه

مجلسک کلمن حضر       بگبره یلگاه منتظر

یلا شدو حزاکم         هذا شهر ایمامکم





خدمتک هیه المدرسه وخرجته  بلعلم

الي  یخسر هل دراسه کلي هسه شيفتهم

قرت دنیه وطمعها   تالی منه ماسلم

دنیه راح توصله وین        الماعرف قدر الحسین

ابخدمه خلصو ایامکم        یلا شدو حزامکم



الماعرف قدرک امامی وین بی یصفه دهر

هناک  گلی  من یحضره لووگف بین الحشر

سيدي من الشفاعه ومنك المذنب خسر

انه نادم یاذیج       باجر بگبره یصیح

بخدمه اکضو ایامکم       یلا شدو احزاکم




رایحه بس الخدامه  باجر تاحمینه

والخدم ابن الزجیه مکانه یعرف وینه

یکون یم عابس بکانه یکضی یمه سنینه

يگظي كل عمره ندم           البحیاته   ماخدم

وبخدمه  خلصو ایامکم      یلا شدواحزامکم



✍کلمات  انتظار   الریاحی

يهلي جنازتي لحسين ودوها      امانه وعالگمر عباس طوفوها
...........
لفوني بعلم بي ريحة الخدمه              حتى من اختنگ بالحفره اشتمه 
واكتبو علگبر خادم لبو اليمه    ودمعاتي عله الشباج طشوها
...................
لا تستتعجلون بدفنتي ياناس.
آخر مره اشوف حسين والعباس
چنت احتاجهم لو ضاگت الانفاس   
واصعب مشكله چانو يحلوها
.................
چنت يمهم أحس براحه ومدلل                                  
وبعاشر محرم احضر المقتل
وبالتطبير اقدم هامتي الاول         واگلهم في سبيل حسين طبروهه
................
الي إشگد ذكريات بالارض هايه       
چنت احزن اذا تتبدل الرايه
واجي بالاربعين إويهلي مشايه   
وبطويريج طبع اجدامي تلگوها
.................
احب العلگمي واگعد جروفه       واحس عباس چن يحضني بچفوفه
ويگلي هالدرب للموت لتعوفه       
وزينب بالدمع والنوح واسوها
.................
اروحن للخيام بروحت الخجلان    
واشمن بالمحامل ريحة الدخان
يهلي ولو يجهز حفرتي الدفان     
جثتي  بالثياب السود غطوها

الشاعر محمد الجماسي

✍محمد الجماسي

في شجاعة أبا الفضل العباس سلام الله عليه (وزن عگيلي )

العسكر تتراجف صوبينه. 
شعامل بيهم عم سكينه
★★★★★
عم سكينه شعامل بيهم
بالحيره الگوم مخليهم
چاوين الگاع توديهم
امركب هلموت ابچفينه
شعامل بيهم عم سكينه
★★★★★
ياهو اليتعنه ويدناله
راحت چاوين الخَيَّالَه
يتمرجل يازلمه اگباله
تجدح نار الغيظ ابعينه
شعامل بيهم عم سكينه
★★★★★
هز العدوان وميدانه
من صد لسكينه الحيرانه
ومن صاحت ياعم عطشانه
وانته من الماي اتروينه
شعامل بيهم عم سكينه
★★★★★
لوتصفه الگوم المنتشره
بگد ذرات رمال الصحره
ميهاب الي ناذر عمره
وبايعهن لحسين اسنينه
شعامل بيهم عم سكينه
★★★★★
الرفع الحگ ودفع الباطل
مجرب سيفك يابو فاضل
تفخر زينب انته الكافل
وحماي الحره امسمينه
شعامل بيهم عم سكينه

الشاعر حسن لعيبي الحريشاوي

📜 القصيدة: عباس خويه آحا
🎤 أداء: مسلم الوائلي
🖋 كلمات: المرحوم الحاج معين السباك
~~~~
عباس خويه آحا
عباس خويه آحا
~~~
يا من يدليني على بدر العشيره
عندي بصيره ويه الولي وارد استشيره
يرضى خواته ميسره صاحب الغيره
وراس المشد بالنوح يا جلة الوليان
~~~~~
وينه اليدليني بطريج العلگمي منين
عباس اريد اباصره عن النساوين
جا من عگب عينه الحرم وجوها وين
بلجن يدليني اعله رايه ليث الأكوان
~~~~~
جنه يگللها يزينب لا تجيني
ما اريدج اتشوفين راسي وسهم عيني
ولا اريدج اتشوفين يسراي ويميني
لا ينصدع گلبج يزينب يم الأحزان
~~~~~~
ردت عليه وتصيح يالدگيت صدرك
تحمي الضعينه يبن ابوي وجيت بأمرك
يالنايم اعله العلگمي اختك تعذرك
ما گصرت دون الخدر يا بدر عدنان
°°°°°°°°°°°°°°°°°°°°°°

الاداء ملا مسلم الوائلي

((وين الدموع))


هذا محرم ويــــن الدمـوع
كَون اليحب يصير مفجوع
هاي الزجيه وتنشر الثـوب
وتصيح يبني حسين وتلوع

هايه وتصيح حسين مطـروح
مــن القــفى يانــاس مذبـوح
وعــــــياله بيــن الخيل والنار
وصوت العقيله بضيم مبحوح

من النار .. ركض ويل عل الگاع طيحتهم
من الخيل .. بچي وخوف بالضياع طشتهم

مـولاتي .. دمـعاتي .. للضامي
يازهراء .. حسراتي .. بيــــامي

"""""""""""""""""""""""""""""""""""''''''''''

هـــــذا محرم والعزه وين
باچر يطب الكربله حسين
باچر يدگ خـــــيام العيال
باچر الحـيره تشيب العين

باچـــــــر عقيلةّ آلــ عدنان
تسمع سوالف مال عطشان
باچـــر عيال حسين بالهيم
تركض وگلب الحره لهـفان

الجرح موت .. مداليل تجي الخيل ملهوفه
الجرح موت .. الجمر نار هل الناس مچتوفه

ياجمـره .. ياعـــبره .. بالـخدر
ياطيحه .. ياصيحه .. من تعثر

"""""""""""""""""""""""""""""""""""''''''''''

هذا محرم بالفعل كــــون
ياريت هيج ونبچي العيون
مو بس مـدامع عالعفيفات
نلطم بحسره فوگ المتون

هذا قميص حسين مسـلوب
جابته الزهره بدمه مخضوب
تعثر ويمها المهدي مجــروح
ويصيح فوگ الوجه مگـلوب

الدمع دم .. يبجي هواي والعيون حيرانه
الدمع دم .. الجرح ماي والضنون عطشانه

ياضـيمه .. اعله الخيمه .. المحروگه
والحيره .. بتعـــــــــبيره .. مخنــوگه

"""""""""""""""""""""""""""""""""""''''''''''

ياهو اليواسي الزهره يانـاس
ياهَو اليصير بدمعه نبـــراس
جابت وياها جفوف بالشوگ
وي القميص چفوف عــباس

مهجةّ الزهره خلصت بــآه
ومن المصيبه تصيح ويلاه
عباس يبني الضعن چاوين
جاوين يبني الضعن الگــاه

الضعن راح .. سبايه عالنوگ يوليـدي
الضعن راح .. بالسياط يعباس يوليدي

مچتـوفات .. تعـــبانات .. عالهزله
عطشانات .. محروگات .. عالهزله

"""""""""""""""""""""""""""""""""""''''''''''

هذا محرم يخـــتلف حـيل
كون اللطـم بحوافر الخيل
مانهجع ولاتسكت دمـــــوع
والعشگ مايعرف صبح ليل

كون اليحب بروحه الــونين
والدمعه ترسم نحر الحسين
نثبت وجود حسين مذبــوح
ولازم مجالس عبر الســـنين

عزائات .. عله حسين والاهات مسموعه
عزائات .. عالنوگ والجـــــروح بضلوعه

يامـــــولاي .. عـــلى الماي .. دمعـاتي
جرح نوگ .. جرح السوگ .. صيحاتي


عبد زينب
#محمد #الابراهيمي

ملا حسين السوداني