لولادة الإمام علي بن موسى الرضا عليه السلام

هب النسيم الساكن. 
بمولد إمامي الثامن
حرك الغصن الغافي
وناغه الغدير الصافي. بمولد إمامي الثامن
★★★★★
گلبي الحزين اتهنه.
من شاف مايتمنه
مولد حضارة وجنه 
مدري شسولف عنه
من سطع نور الگمره 
انزاح الظلام وشره  بمولد إمامي الثامن
★★★★★
بيه فرحت المعموره.
وصارت باحسن صوره
انزاح الظلام بنوره.   
بيه الخلگ مسروره
ابشارة الباري وعطفه.  
علناس انزل لطفه.  بمولد إمامي الثامن
★★★★★
بشر الباري بأسمه. 
ابن العلم والعصمه
بالدنيا خير ونعمه. 
وباچر شفاعه ورحمه
نور ومحبته جناحي.
ماتنوصف افراحي.  بمولد إمامي الثامن
★★★★★
للدين انته البشرى.
وعيد السلام ونصره
وثوبه وهواه وعطره 
يبن الوصي والزهره
محله الوكت وانسامه.
مختلفه عندي ايامه.   بمولد إمامي الثامن
★★★★★
حتماً حفلنه يحله.   
هليوم ماكو مثله
محله جماله وشكله.
بمولد الخير وأصله
ابغبطه الحقل وازهاره. 
وضي البدر وانواره.    بمولد إمامي الثامن

++++++++++++++++++++++++

ألشاعر حسن لعيبي الحريشاوي

الاداء الرادود ابو هاشم الربيعي

نبعث تهانينه .. للرضا والينه
    يا سلطان    يا سلطان
🧡💦💫💜💫💦🧡
١/
المـن الليـلـــه الفـرح .. للرضا للرضا
المـن الگـلــب انشـرح .. للرضا للرضا
والمحب صوته صدح .. للرضا للرضا
ألـف هنيـالـه المـدح .. للرضا للرضا

عالهادي صلّينه .. للرضا والينه
       يا سلطان    يا سلطان
🧡💦💫💜💫💦🧡
٢/
ابثامـن أنـوار السمـه .. يا هلا يا هلا
انهنــي لأمـه فاطمـه .. يا هلا يا هلا
و المحـافــل قائـمــه .. يا هلا يا هلا
مـا تهمـنــه اللّايمــه .. يا هلا يا هلا

وانعلّگ الزينه .. للرضا والينه
     يا سلطان    يا سلطان
🧡💦💫💜💫💦🧡
٣/
نحي هالليلـه الحفل .. للصبح للصبح
يا  گمرنـه  المكتمـل .. للصبح للصبح
الرايـد اويانـه يظـل .. للصبح للصبح
حيل يصفگ ما يمل .. للصبح للصبح

بالفرحه خلّينه .. للرضا والينه
      يا سلطان    يا سلطان
🧡💦💫💜💫💦🧡
٤/
الرضا نحضر مولده .. هالمسه هالمسه
و ما نسينـه موعده .. هالمسه هالمسه
ذكرى تبقـى خالـده .. هالمسه هالمسه
انهني جينـه والـده .. هالمسه هالمسه 

والمحفله جينه .. للرضا والينه
       يا سلطان    يا سلطان
🧡💦💫💜💫💦🧡
٥/
يحمله وما تنوصف .. فرحته فرحته
ومن عيونه تنعـرف .. فرحته فرحته
تعتلـي و كلهـا لطف .. فرحته فرحته
و الموالي ما تخـف .. فرحته فرحته

ونتمنى وفّينه .. للرضا والينه
      يا سلطان    يا سلطان
🧡💦💫💜💫💦🧡
٦/
عيد لاصحاب العبـا .. يعتلي يعتلي
رغـم كيـد الناصبـه .. يعتلي يعتلي
الرضا باقي مذهبـه .. يعتلي يعتلي
ومنهجه بكل مرتبـه .. يعتلي يعتلي

للجنه يهدينه .. للرضا والينه
     يا سلطان    يا سلطان
🧡💦💫💜💫💦🧡

(وَأنا الجاهِلُ الَّذي عَلَّمتَه)

✍🏼الشاعر علي نوري الحلفي

الاداء الرادود ابو هاشم الربيعي

ياعلي ابن موسى الرضا
...
امامي غرامي وهيامي
يبو احلى الاسامي
الولاده عباده وسعاده
كرم والله وزياده

كبل مااذكر اسمك يا حناني
سبع مرات يتوضه لساني
محب لزيارتك يالضامن آني
واليه بمشهدك اجمل اماني
اشوكت هذا الحلم
جوازي ينختم .. وازورك سيدي
ياعلي بن موسى الرضا
...
اكلمك ارسمك واشمك
عبد خليني يمك
ربيبك حبيبك قريبك
واصير ابن شبيبك

وتسولفلي عله احسين وجماله
وتظمني مثل ذيچ الغزاله
اشاره انطيني منك لورساله
يعيد الخير وامتاني هلاله

ضريحك كعبتي
اعله بابك سجدتي..يسلطان العشك
ياعلي بن موسى الرضا
...
ودادي ومرادي وانادي
الرضه سر اعتقادي
يجنه ومحنه تلمنه
الك هذا حفلنه

علكنه اشموعنه بضوء المناره
ولادة حظرتك اول بشاره
البشاره الثانيه انريد الزياره
تجاره حبك ومابي خساره

نريدك ياسحر
تسهل هالامر.. والفرحه تكتمل
ياعلي بن موسى الرضا
....
تهاني وأماني وصواني
شمع جايبلك آني
حظوري سروري الشعوري
يمن بيدك اموري

حظوري ابمحفلك واجب عليه
يبو الكبه الجميله الرضويه
الليله اربعطش شمعه ضويه
تنور اكلوب كل الجعفريه

يكامل بالوصف
احبك واعترف... مالكني بالغرام
ياعلي ابن موسى الرضا
....
مزارك مدارك مبارك
واريد اسكن جوارك
زماني نفاني ولواني
دخيل اعيونك آني

العاشك أنته محبوبه وانيسه
تشوفه الوحده وتصبح جليسه
العالم كله حب وانته رئيسه
حنانك يالرؤوف اشلون اقيسه

يرحمه أمن السمه
يشمعة فاطمه.. بابك يضل مناي
ياعلي ابن موسى الرضا
...

اللهم عجل لوليك الفرج

محمد الجماسي

الاداء ملا امير الفتلاوي

((بيا شوگ))

ضعت بيا شوگ
ويم بابك عيونك تلگاني
بالحب محـروگ
ويحسين وأسمك بلساني
ويااترف حب وعشت ويا
كلشي آنه انسه ومـا انسا ...

"""""""""""""""""""""""""""""""""""''''''''''

بصحوتي
يحسين بنومتي
مافارگ دمعتي .. وحاجتي بس الك
طلبتي
يالتدري بالطلبتي
بالمجلس حسرتي .. وانته بس اسئلك

اسئلك جاهل واجالك تايه بهذا الزمن
تـــايهّ من ايد امه آنه وانته يالحضنك وطن
انطيني ايدك ياغرامي سيدي بروح الحسن

خلينــي وياك
وبسمك ياريت واتسمه
وبحبي انخاك
مخنوگ وأسمك اشتمه
وبس انته الگلبي شگد حاچا
كلشي آنه انســــه ومــا انـسا ...

"""""""""""""""""""""""""""""""""""''''''''''

بيا حلم
اتمناك بحلم
وانضرلك تبتسم .. ياحبيبي وانسعد

مو هدم
مو مسلوب الهدم
وعيله وزينب تلم .. والكفر صارت تهد

هيچي امنيتي وحلمها مو جرح فوگ الرمح
شگد تمنيت آنه اشوفك صوره مابيها جرح
مو اشوفك صوره طايح والعده صاحو ذبح

ياحلمي وليش
مو هذا الطايح معشوگي
وملتم الجيش
ويگـــــــطع بيه وبعروگي

بكل طعنه وگلبي يصيح احا
كلشي آنـه انســـه ومـــا انسا ...

"""""""""""""""""""""""""""""""""""''''''''''

بخدمتك
كل وكتي بخدمتك
وما فارگ حضرتك .. ودمعتك تسوه العمر

خيمتك
كل فكري بخيمتك
وبنصـــــــها عيلتك .. وجمرتك تچوي الجمر

عيله محبوسه بخدرها وتستحي من الركض
تركض ومجبوره تركض يا ما طاحت عالارض
صلوّ بفرض الشهاده وصلوّ بحبك فرض

بالحب مسموح
من تنطي چفوفك للجمره
الصاير مذبوح
يتـــــباها بحبك كـل مـــره
ويصيح بجرحك موتي الگا
كلـــشي آنــه انسه وما انسا ...

"""""""""""""""""""""""""""""""""""''''''''''

عالهزل
ياهيه العل هزل
هاي الــلا ماتذل .. بالعشگ صارت نبي

والحبل
چفها ذل الحبل
بالحب لا ما تمل .. للمحب فدوه السبي

واليحب يتبع حبيبه حتى لو صعب الدرب
حتى لو من بيته يطلع حتى لو هم ينضرب
زينب وشامخ عشگها للقصر صارت تطب

الحد التابوت
ماعافت حبها ودمعتها
ومابعد الموت
بالجنه تظل قرايتها
وتگول حسين الصار اشلا
كلشي آنه انسه ومــا انسا ...


عبد زينب
محمد الابراهيمي

الاداء ملا احمد المجلي القلعاوي

مجلس عزائك  عايش  بخيره
ما عندي غيره و لا ردت غيره
مجروح ادگ ابابك
رايد دمع  لمصابك
################
يالماگل اخدودك رمل
                        و حر الشمس فيالك
بمجلس عزائك سيدي
                         الطم و اريد اقرالك
و رايد بعد ابچي صدگ
                       و انحب و ادگ لحالك
عطشانة عيني للدمع
                       بگد ما  عطش  دلالك

مجمورة تلهب بسمك اجروحي
و  لمن  تذكرك  تختنگ  روحي
اطلب طلب بثوابك
رايد  دمع  لمصابك
ما عندي غيره و لا ردت غيره
###################
ما انسى لحظة مصيبتك
                        و ادريك ما تنساني
عن صافي نية بس الك
                       صليت فرض احزاني
ممنون منك سيدي
                       بگلبي گلت و الساني
الفضل كله لمجلس
                       صاحب بخت سواني

طير  المجالس   اهلي  سموني
لنِّي بخدمتك   عالي    شافوني
يالما نسيت احبابك
رايد  دمع  لمصابك
ما عندي غيره و لا ردت غيره
‏####‎################
الخدمة عندي اكبر شرف
                         لابسها تاج اعله الراس
من حقي اذا بيها افتخر
                           كلها ترافة و احساس
بس لازم احصل عالشرط
                          حتى اختلف عن الناس
كاس  الوفى  اتذوقه
                         من چف  ادين  ام عباس

مثل ام عضيدك ارد اضحيلك
و بگد   دمعها   رايد   ابچيلك
فدوة رحت  لترابك
رايد   دمع لمصابك
ما عندي غيره و لا ردت غيرك
‏##################‎###
من اختنگ تصبح هوى
             و لو اعطش تصير الماي
اسمك سلب مني الفرح
             يا سبب نوحي و مَبچاي
مرات اشوفنك ضوه
                تارس  دليلي و عيناي
و مرات اشوفنك جرح
                ياگل و  يشرب  وياي

عايش حبيبي جرحك ابالي
تبراله عيني و عينه  تبرالي
ما يشفى جرح اصوابك
رايد   دمع     لمصابك
ما عندي غيرة و لا ردت غيرة
#######################
انطيني من طولك جرح
                        رايد  احس   بالامك
يا ليتني ابطفك چنت
                     تسحگ عليَّ بچدامك
بالف و تسعمية گلب
                      انزف  هضم  جدامك
و بحافر الخيل انمرد
                      و احترگ مثل اخيامك

يا ريته  مني  ينسلب   ثوبي
و عالگاع انام ابدال محبوبي
ريت انخضب بخضابك
رايد   دمع    لمصابك
ما عندي غيره و لا ردت غيره
####################
دمعة مصابك سلوتي
                      تجلي المرارة البيه
افرح اذا ابچي الك
                      و استلذ باللطمية
لغيرك اذا اگصد عزه
                     تختلف عندي النية
لمجلسك تاخذني رگض
                      غصباً عليَّ  رجليه

مجلس عزائك  عالارض. جَنة
و مثل العسل ما ينشبع منه
باقي انتظر لجْوابك
رايد  دمع  لمصابك
ما عندي غيره ولا ردت غيره
####################
الحمدلله
علي حسين الكناني

1441هـ

الاداء ملا امير الفتلاوي

لكيتك بين الف خيال يحسين.
صدرك للحوافر صار تجوه
ترفس واليذبحك سيفه مثلوم.
لو سيفه عدل ويذبحك اشوه
يمن كثر السحك ماضلت خدود.
خربت كل معانيك الحلوه
هواي جروح بيك نشدهه وتطيب.
بس السهم البعينك والله بلوه

ومن الضهر لليل. تسحك عليك الخيل.
حيل انسحك عطشان. بس بلذبح مو حيل

#######

دورنه ولكينه الضاعن ويل الخيل.
بس ياخويه اصبعك مالكيناه
هيه المشكله هواي التفرهد بيك
والبايك هدومك ماعرفناه
ادورك بلحجر واسمعهم يكولون
شتدورين وابن امج سحكناه
حركو كلب اخوي بصفه ويصيحون
اختك طلعت وبيتك حركناه

بين الزلم صوبين. زينب هوت مرتين
واخوتهه مايدرون. جا مايكوم حسين

#####
اجيتك راكضه والحال مو زين
فحطانه وخنكني رماد الخيام
خويه ارتاحي كلي وكتله يحسين
ياراحه التجيني وكلك سهام.
صعبه اليحجي وبكلبه السهم مكسور
والبعينه سهم مايكدر ينام
لو مسحوكه انه وميته وياك
ولا بت فاطمه تحاوطهه الازلام

بين السحك والنار. ماتت يخويه زغار
ماندري وين نروح. خلاني دهري احتار
######

لاميت واكلك خويه معذور
ولاتكدر تكوم وتمشي وياي
يلعطشان يابس ريجك وذبلان
والينذبح لازم يشرب الماي
والعريان مالازم شمس فوكاه
ولاجواه رمل يرادله فياي
عرفته حسين من ذبحوه مكلوب
متعذب بذبحه مرافس هواي
ويصيح اسمعهه هواي. ياناس اريدن ماي
حر الشمس كتال. مافوك اخوي فياي
######

شتموني وبجيت وكامو يضحكون
مهضومه وعلي مهضومه اجيتك
ماتعرفني يمكن بس يلحسين
هاي التمشي كوه زينب اختك
جا هيه الجبيره علا الركض وين
ركضت ركاض كلساع وجزيتك
عثرت بجثه ابني وكتله ياعون
يمه اعذرني خافن عوريتك

نايم ييمه شلون .وخالك يدور عون
امك غريبه اليوم. والوادم يشمتون


امين السلطان