قصيده لصادق أهل البيت عليهم السلام
على طور سلطان المنابر حجي باسم يازمن وين الاحباب

المستهل👇👇

لصادق العتره هليوم
گلبي لمصابه مالوم
مو دمع نبجي ادموم
مو دمع نبچي ادموم

🔹◾🔹◾🔹◾🔹

كون روحي طير واتحط على گبره
وانعى واشعل شمعته والفاتحه اقره
وارجع لقبر الرسول انحب بعبره
واهل دمعاتي واصيحن اه يزهره

هذا ابنج يفاطم
بالترب ويلي نايم
واهوه مركز للعلوم
مو دمع نبچي ادموم

🔹◾🔹◾🔹◾🔹

بيا ذنب ظلموا العتره الهاشيمه
الله فضلهم على كل البريه
انظل نواليهم الى حد المنيه
ارزقني ربي خدمة الزهره الزجيه

ارد اعيش اعله حبهم
وتالي اموت ابدربهم
حبكم بگلبي للدوم
مو دمع نبچي ادموم

🔹◾🔹◾🔹◾🔹

جعفر الصادق حسافه تسمه عدوان
ظل يلوب من الالم والگلب خلصان
يالله ياشيعه نعازي فاطمه الان
ونذكرالصار وجراله ونبجي باحزان

صادق العتره ياناس
وسفه سموه الارجاس
ضيعت حلو الرسوم
مو دمع نبچي ادموم

◾🔹◾🔹◾🔹

روحي لسادس أمام أمست حزينه
تبجي عالمهدوم گبره بالمدينه
صرح عالي للعلم باسمه بنينه
هذا صادق أهل بيت الله ونبينه

گلبي لفراگه لهاب
وجرحي ابدن فلا طاب
أبجي واصرخ يمسموم
مودمع نبچي ادموم

✍ الخادمه ام زيد الشمري

🔹◾🔹◾🔹◾🔹

ابجعفر الصادق اواسي نبي الرحمه
والعن المنصور ومن فكر بسمه
وخله دنيانه عكب عينه مظلمه
وحرموا الامه من اوجوده وعلمه

اتكدرت بعده المدينه
الناس عاشت حزينه
عالامام الولي المعصوم
مو دمع نبچي ادموم

🔹◾🔹◾🔹◾🔹

ريت هالساعه اروح المقبرتهم
ازورن اولاد الزجيه اربعتهم
ابقى شيعي جعفري دوم أنه الهم
والعن الظلموهم وهدمو گبرهم

الحسن وي زين العباد
وجعفر وباقر الاسياد
الكل منهم گبره مهدوم
مو دمع نبچي ادموم

✍ الخادمه ام زهراء

🔹◾🔹◾🔹◾🔹

تمت بعون •اللّـہ‌ تعالى
بااقلام خادمات اهل البيت عليهم السلام
✍الخادمه ام زيد الشمري
✍ الخادمه ام زهراء

نسال •اللّـہ‌ القبول
ونسالكم الدعاء بتعجيل فرج مولانا صاحب العصر والزمان عج..

((ابلا لطم))


ابلا لــطم
ابلا دموع .. هـذا العمر هضيمه
ابلا جـــمر
ابلا خشوع .. روحي بهجر يتيمه

هــــــذا محرم جرحه اگبالي
وهـــاي الدموع بخدي تلالي
تامـــرني روحي ودمعةّ عيني
ابچي اعله غالي وانت الغالي

غالي وانعاك يحسين وياك
مـــاعوفك لا ومگدر انساك

يا ... ياحسين

"""""""""""""""""""""""""""""""""""''''''''''

حسرتي
عبـــرتي .. كــــل ماألي الأمامي
لطــمتي
زيـــارتي .. المعشوگي والغرامي

ناصب عزائي اباب جــــــروحي
محجوزه روحي الدمعي ونوحي
مـــاعندي غيره وابچي الغـــيره
مــــالك هـــيامي ومالك روحي

ماأدري أويـن والدنيـــا منين
ماأعرف ناس اعرف الحسين

يا ... ياحسين

"""""""""""""""""""""""""""""""""""''''''''''

يــاحسين
كلي عين .. بس للخيم دمعتي
بالشجون
يالحــنون .. يـالدمعتي خدمتي

لا سامـــــح الله ومــــا تقبلها
هم تبقى عيني دمعـــه تهلها
و أفني حياتي وماريد اسمي
تقــبلها احبـك مـــاتـــقــبلها

متهمني الناس ياتــاج الراس
ويهمني يشوف حالي العباس

يا ... ياحسين

"""""""""""""""""""""""""""""""""""''''''''''

بلا سـؤال
والحـــبال .. مــــاترحم الاميره
هذا جيش
ويلي ليـش .. زينب علي اسيره

مــــاأنسه زينــــب مـــن تتلوه
أتشاهد قميصه انشگ بحذوه
وصاحت يخــويه الدنيا شبيها
عگــــبك يخــــويه لا متســوه

اتــولاني الليل من شفت الخيل
وبالخيمه النار وانـــه بــــلا حيل

يا ... ياحسين

"""""""""""""""""""""""""""""""""""''''''''''

مــاتشوف
والطفوف .. والمعركه بخيامك
هيه خـيل
وهيه ويل .. يل بالگلب سهامك

زينب چبيره وگــــوه تـباوع
تشاهد ضعنها بهيمه وضايع
سوط ومــــلامه ويـــاحيرتها
وجفن العقيله بحزنه ودامع

بالــــهم تنوح بگلب المجروح
وتخلي اسباع وكـافل مــذبوح

يا ... ياحسين


عبد زينب
محمد الابراهيمي

الاداء ملا احمد الزيادي

((الهودج يشيل))


ضعن ناوي أعله سفره
عمــــــايم كلها خـضره
بده الهــــودج يشيل
وحده بضعنه الكفيل .. قاصد نينوى
"""""""""""""""""""""""""""""""""""'''''''''''

ودع والهــــواشم بالمــــــدامع حال
وضلت طفله عنده والليالي اطوال
لزمت باب گلبه والضــعن من شال

تانوتي تصـــيح بصوت
عثره بعـــثره ركضـــتها
وزينب من بعيد تشوف
فوگ الگــــــاع طيحتها
أنه من عدكـــم خذوني
بـــويه حسين صيحــتها
يـــاعمي گـــــمر هاشـم
وصف ما ألـــها حــيرتها

حبل حيره ويضبها
جمر يســري بگلبها
متـــــن طفله ويميل
وحده بضعنه الكفيل .. قاصد نينوى

"""""""""""""""""""""""""""""""""""'''''''''''

يافــــرگتّ أهلها والدمع مــرسوم
وتلوم الزمن بالحــسره مـــن اتلوم
سفرتكم طويله يالـــگلت چــم يوم

ماشين بهضــم ماشــين
ويـــــن الــروح مــنواها
لاميته آنه مـــــن الضيم
ولا بيـــــــاش انــســـاها
ضعونك گوطرت بالليل
گلـــي ويـــن والگـــــاها
ضل بس الجسد بالبيت
بس گلبي مشه ويــــاها

هيه الروح وحـده
وعد حسين عنده
ودمع گـــــلبي يسيل
وحده بضعنه الكفيل .. قاصد نينوى

"""""""""""""""""""""""""""""""""""'''''''''''

منتضره خبـــر تتمنى دگت باب
وهلبت لن يرد حسين والاحباب
ماتدري ببوها بــــالخدود اتراب

طايــــح والشـــمر ياويـل
متــــربع عـــــلى صــدره
وزينب من خيمها تشوف
مــــــن إيگــــــطع بنحره
تـــركض والخـــــيام بنار
ويـــــادرب الركض عثره
وياحافي الجدم ياحــيف
زيــــنب تسحگ الجمـره

خويه حسين نادت
يلحگ عـــود رادت
انــــذبح ذاك الدليل
وحده بضعنه الكفيل .. قاصد نينوى

"""""""""""""""""""""""""""""""""""'''''''''''

بعد ماكو خبر والعيله فوگ النــوگ
وعفيفات الشرف ياوسفه طرم سوگ
مذبوحه السوالف خل يموت الشـوگ

عمتچ عالهزل بالسوگ
بحــزنچ موتي يَـــعّليله
رساله بــالخيم راحــت
بعد شنــــــهي تــوديله
لا ضل جاسم وعــباس
والاكبر منهــــدم حـيله
وللشام الضعن مگيــود
منهــــو بهاي نشــكــيله

بعد ياهو اليجيلچ
برمح ذاكه خليلچ
الزمـــــن بيكم يعيل
وحده بضعنه الكفيل .. قاصد نينوى

عبد زينب
محمد الابراهيمي

لحن (الهودج يشيل)
بصوت
ملا سيف اللامي

السماح السماح .. يا عزيز فاطمة
➖➖➖➖
كلبـــك خيـمه     ونار اذنـوبي
تحرك صـدرك     يا محبـــوبي
اندم واغلـــط     وارجع تايب
بس هم ادري     لكلبك جايب

مو امان الدنيا وعيـــــونك امــــــان
بين كلبــــــك وايدك انطيني مكـان
كبـــل لا دنـــــيانه تاخــذنه بعـــــيد
خل نكض بيدك قبــل فــوت الاوان

جيتك بتعبي ارد اطيح
نادم لعــالمـــــك جـــاي
ادري هـم اتلمـــني راح
غير اضل  بمســتحاي

الـسّـمـاح الـسّماح ..يا عـزيـزَ فاطمه
➖➖
بفيــك كاعــــد     والجم روحـــك
تمــسح دمــعي    وارضه بنــوحك
وبــلا عيــــــب     اجرح بحساسك
وجزِي ولا جن     شيّــــب راســك

انــــت ذاك الـمــاله خيــــمه ولالـه راس
التحــترك خيــمــة بناتــه لخاطــر الناس
ليش ما حاركها روحي من البجي ويـاك
والله مولاي اعتـرفلك ناقــص احــساس

المثلي هسـه بكلبه نار
تحترك ما تطـــفه دوم
وانا ناسي ابجي عليك
خلصتها ايامــي نـــوم

الـسّـمـاح الـسّماح ..يا عـزيـزَ فاطمه
➖➖

ادري الحــبك   كون يضـحـكي
وانته اشـايف    منـي بجرحـي
مو مـــن كلبي    وياك محـــزم
جذبة دموعي    ولاني المهتم

اني كل عــام اليـــمر طــالب رضاك
لجن ما مره صــــدك كلبـــي شفـاك
بيك اردن للعطش والجــــم اجروح
انت يمي ادواك واني اجـفي بدواك

ادري جرحك ما يطـيب
وانا المزيـــدك عــــذاب
كون غاسل كلبــي زيــن
جان جرحك هسه طاب

الـسّـمـاح الـسّماح ..يا عـزيـزَ فاطمه

➖➖

جيتك نــادم      كــــاســر كلبــك
جيـت وادري     تلمــني بدربـــك
ادري تسامح      بــس الصـــعبـه
الزم روحـــي      وكلبـــي وذنبـه

وياك جم مره  الكلـت بيها ارد اتـوب
وبعد ما اغلط وكافــــي من الذنـوب
وانسه والدنيا خـــذت بيدي ونسيت
هناك عود اصحه واريدن بيك اذوب

عيبي وياك من اتـوب
هم ارد واغلط واجيك
والتكـتلك يا حســـين
ما تــــرد اليعـــتـنـيـك

الـسّـمـاح الـسّماح ..يا عـزيـزَ فاطمه
➖➖
ادري بكلشي     وكلشي اتصور
تسامح ادري     وكلبك اخـضـر
اطلب منــك      اخـــــر مــــره
تسامح كلبي     وتجـبر كســره

راح اجــيك بـــروح مالـــيها الغـــرام
تنسه اخليـــها بــــــعد تاكــل حـــرام
وراح اضل امشي برضاك ومو رضاي
بشر ثانــي ويــاك راح ابـــدي بهــيام

ما يهمــــني رضــا النــاس
راح اضل امشي برضــاك
كلشي اهجره بروحي راح
وامشـي اضــلن بس وراك

الـسّـمـاح الـسّماح ..يا عـزيـزَ فاطمه
➖➖

✍️حيدر عبدالله السعيدي

نعي لسان السيده العليله عليها السلام قبل سفر العائله

***

يمكن هلي باجـــــــر يشيلون

ويه الصبح جنـــــهم يحملون

حجي السـمعته من يضعنون

بالدار ماواحـــــــــــد يخلون

***

انظر خواتي من يجــــهزن

اهدوم السفر كلهن يولـــمن

ايصدن عليــه وليش يبـجن

ومن التفت كلــــهن يسـكتن

***

شمضموم لي طمننـي واحجن

وحدر الشـــــيال اهواي تبجن

شنهو الخــبرموش آنه اختجن

علمنــــي باللــــــي بيه تدرن

****

وكأنما خاطبت اختها سكينه عليها السلام

يسكينه حاجينــــــــــي يخيه

كلبي انعصـــــر هالمغربيه

شو آنه محـــــــــد دز عليه

ولمي غراضج كــــــال ليه

****

حاجيني يختي يالحنيــنه

وردي جواب التسمعينه

كلنه نـــروح بهالضعينه

وما واحد يظل بالمـدينه

***

وكأنها لم تسمع جواب من اختها سكينه عليها السلام فذهبت الى زينب عليها السلام

***

جيتج يعمـــــه ياعــــيوني

ومن الدمع تمطر اجفوني

انجان كتيلـــــــي اشلوني

ياعمــــــه اخافن تخلوني

***

روحي تكلـــي وتنعه تنحب

جنهه اتعلِــــــم ياعمه زينب

وهالليله كـــــام  الجبد يلهب

وكلبي بحزن من هسه شيب

***

تذبحني ياعمه ســــكتج

وتجرح وتكتلني دمعتج

بآهــات جريتي حسرتج

جم مره يالحره نشدتج

***

وكأنما كلمتها السيده زينب عليها السلام

***

تعاي اهنا يمي يالحزينه

وخليني اشــمج يالحنينه

عمه يفاطم مـــــو بدينه

مالج مجــان بالهضعينه

****

عمه وحكــج مــو ثجيله

وعندي مجانــج يالجليله

اتصيرين بعيون العقيله

لاجن سفر وانتـي عليله

***

مكتوب يالبيــــه تسألي

وحدج يبعد اهلي تظلي

ومحد يظل يمــج يسلي

وادموع عالراحو تهلي

***

كبل الصبح عمـــه نسافر

واجمالنه بغبشـــــه تهاجر

ادري صـعب يحبيبه باجر

عيونج تصد تكسر الخاطر

***

وكأنما جوابتها العليله عليها السلام

***

اشلون اظل وحــدي عمه

خاف البصر يهفت ويعمه

والـــدار مابيـــهاش زلمه

لاعلويـــه لاعبد الله اشمه

***

ادعيلي كون اصبر بعدكم

لوشال لو حمـــل ضعنكم

كلبي ايتفتت من هجــركم

ويبطــــي اضننه  سفركم

****

واشلون روحي عمه تركد

وحسين عني ايصـير مبعد

مكدر اكوم ومكــــدر اكعد

بالدار ابجــــــــي لمن يرد

****

واشلون عمه اشــــتم الانفاس

وكلبي حزين وجرحه حساس

لو رحل عمـــي وشال عباس

هوه الحنــين وشـــيلة الراس

***

وشلون من تمشــــــــــي رقيه

بفراكـــــــــــــــهه اتمنه المنيه

احنيـــــــنه وزغـيره الفاطميه

اعليهه تظل عينــــــــي جريه

****

وكأنما السيده فاطمه العليله بعد ما رجلو وبقيت وحدها في الدار

***

مرت شـــهور وآنه وحدي

والدار ويـــه الكلب يحدي

يانوك جيبـــي الأهل ردي

ماظل بعد كل صبر عندي

***

يانوكنه اشــــــــعطلج عني

جيبي النحبهــــــم زاد وني

عجلي بمشيتج وادني مني

بالموت انازع ميتــه جني

***

يانوكنه الشــــــــالت باهلنه

سيري بعـجل ردي الوطنه

ليمت ترد اهـــــــل المحنه

طال الهجر خلص صبرنه

***

دار الأهل كلـــــــه فرشته

ولأحباب كلبي هالعـــدلته

وورود بيت العــــز نثرته

وثوب الحزن عني شمرته

****



أبو علي الركابي

أداء الرادود ابو رقيــــــه

احنه خدام   ونرفع الهام
ويا علي نصيح   طول الايام
****
علي عنوان الكرامه   ويسري ويه دمانه
احنه ما ننسه الصميده   وهوه ما ينسانه
علي ميثاق العداله   وعالوفه ربانه
علي لجل الدين ضحه    وثبتاها اركانه

راية الدين   بيد ابو حسين
وحطماها  بجف الاصنام
**
احنه خدام ابو الحمله   وللمنيه نعاهد
ويا علي قائدنه انته   وماكو غيرك قائد
بالخدامه وفقتنه   ودللتنه وزايد
واحنه ما نترك خدمتك   جينه ليك نعاهد

واليخدمون   ما يتعبون
والمجالس   تبقه كل عام
****
علي انته الدنيه كلها   واليعوفك يخسر
واحنه واحدنه بخدمتك   مثل جون وقنبر
احنه نقسم ما نعوفك   لحد كطع المنحر
وصرخة الاحرار تبقه   بكل زمن تتكرر

لجل ابو اتراب   نفدي الاركاب
والوفه اليوم   صعبه ينسام
*
يا علي انته فخرنه   وبسمك تباهينه
نحيه ونموت اعله دربك   تدري يا والينه
سيدي بيوم القيامه   رايح تنجينه
وعالسراط انته يحيدر   باجر تمشينه

كلنه بحماك   يا علي اهناك
وتشفع النه   يبن الاكرام
*
احنه من نخدم يحيدر   نخدم اعله النيه
ويا علي هاي المجالس   قمة الروحيه
اسود اتعلمنه نلبس   واللطم يوميه
ويا علي تعشك لطمنه   حته الحسينيه

وهالعزائات   يعني ثورات
والها يراد   شدت احزام
**
انته سر الله ونبيه   وانته خيمة جفوفك
ونقسم بنور الولايه   يا علي منعوفك
من تضيك الدنيه بينه   وننتخي بحروفك
اول الناس انته تحضر   يا ولينه نشوفك

وانته مولاي   امجرب اهواي
ومن نذكرك   ننسه الالام
***
تمت
تحسين الخفاجي

الشاعر تحسين الخفاجي بصوت حسين عدنان الكوبعي