لا يروحي
اشگد محزنه .. ؟!




مظفر

توقع قريب
الباصات على اهبه العودة الى العراق
وطفل دفنت امه بالسيدة زينب بدمشق
ان شاء الله يردون كلهم
وانت تتشله لسطح الباص
وتحمل حزنهم والجنط والعمر وشويه اماني
وتضحكلهم وانت ترحي گزاز
عالضلو اجباري بتربة الغربة
وينطروهم اهلهم
تلتفت ليغاد وتصعد طفل بوسته امه والقفل من الشباچ ونذرتله وغفت غفوة طويله
تمسح بوصلة قميصك خشمة الصغيرون
تاخذ چفة بايدك نهر من خباز
تضحكلك مثل فانوس زفة بلا فتيله
تنزل الدمعه على خدة گزازة خضرة
يغوص بالكرسي
مثل صندوگ فضة صغير
ضامم ضحچة امة بالحرير بليل صدرة
وين
وين نروح عمي
گلبي الليلة يوجعني اريد امي
تشوف بعينة حفرة شلون حفرة
تگعد تسكتة
الگمر لو غاب يرجع عيب تبچي
شوف يوليدي البيارغ كلهة خضرة
وگضن الباصات يمشن
وامك تنطرك ورة الچولة الچبيرة
امي انه
ويصفن بحفرة بعيدة 
ويبتسم لله ببراءة
وخشمة الصغيرون نايم
چنة حضرة
امي خبازة
اخدهة بچفك بهيدة
تراهي الدنية عضتخة بچثير چلاب
وتگب بحزن نضرات ليل غبرة
امي
يصفن غاد
ودولاب الهوة يدور بنظرتة
بلاد فوگ بلاد
بلاد العرب اوطاني وبليه بلاد
امي وامك تگله وجميع الناس
وتبوسگ گبلنه
وترجف شفافة برجفة شفافك ببغداد
اي بغداد 
من تجيب اسمهة شفافك تضوگ الثرية
ويمتلي گلبك طرب وعناد
ويگلك بعد احلم
ويذبلك على الخبازة حامض حلوة 
مثل شفافة تاخذهة بدمعتك
تنزل بسرعة
تضم الدمع لچن تمزل الدمعه 
تضحكلك صواني شموع
وانت تبتسم شمعه
ويهوميلك عليش نزلت
تسكت
صار الملاگة صعب
والغربة صارت صعب تندار
واخاف يصير المزاود واضل ساكت
و بحر غاد
مو كلمن يحب بغداد يحب بغداد
يا ناس العشگ اسمة عشگ
ويفض نوبات العشگ نهرين
ودشداشة طفل يركض يريد الله
يگله امة خبازة
وليالي طويله لولتلة
من البصرة لثلج الله وطنة
والگمر نوبات يگول اسود
وطنة وين اكو طيبين
واطفال وعرب واكراد
وطنة وين اكو نخلة ونهر
وبيوت تتلگة الغريب من الگلب
وتگله انت البيت واحنة ظيوف عندك والملح والزاد




مظفر النواب

عليمن تبچي ياگلبـي
وتداوي جراح
وليا جرح تسهر
عليمن تبچي ياگلبـي

•مظفر النواب

أن عذابي وعشقي
أعطياني حق التفرد والبدء

•مظفر النواب

خلص قداحك واجيت
تعتذر مني ..
وبچیت
لا تدنج
خل اشوفك صدگ تبچي
وامسح دموعك
واخلي دموعي تجري
بين اديك


•مظفر النواب

ننثر كِلنّه
ونزرع كِلنّه
ونحصد كِلنه بحكم المنجل
يو لا فلسفنه الدنيه وما بيها
الما يخجل منك لا تخجل

•مظفر النواب

اول ما حبيتك انت
وبعدين انت
وبعدين الناس وماتغزل
وان غِزلت وانت بلا مغزل
مرفوض الثوب من الأول

•مظفر النواب

يساگي الشمس من عينك




مظفر النواب

يامعود دخيل امروتك السمرة
دخيل الشوگ احب چفك
احب ايديك وشوف شفاف لو جمرة

مظفر النواب

أشبگك شبگة النسمات للنعناع



مظفر النواب

يجي يوم ونرد لأهلنه

يجي يوم إنلم حزن الأيام
وثياب الصبر
ونرد لأهلنه

يجي يوم
الدرب يمشي بكيفه
وياخذنه الوطنه

يجي يوم
أنفرّگ الغربة على العالم ملبس
والحزن طاسات حنّه

يجي يوم
زغارنا يعگدون خيط الشمس بدرابين كل الناس
بلچي هناك حي الله طفل عن اهله غايب

يجي ذاك اليوم
لاچن انه خايف گبل ذاك اليوم
تاكلني العگارب