☘لاستشهاد الزهراء ع ☘


الوزن / نصاري

لسان حال الشاعر 👉
يروي حال مولاتي زينب ع


تلوبح بالهمس وتدك على الراس
امها من الظلع گطعتها الانفاس


تون   بليلها   مهضومه  وتلوع
گلبهه من الحزن ياناس مفجوع
على الراحت غفل طفتها الشموع
حرموهه الزچيه گوم الارجاس...

✍☘ام فراس الساعدي ☘
🏴🏴🏴🏴🏴

مهضومه عليهه وتربي لعيون
اطفال ازغار عدهه وبيهم اشلون
يبجون اعلى امهم حضن يردون
ماواحد رحمها طيبة الساس...

✍ام مرتضى الخزرجي
🏴🏴🏴🏴🏴

گطعته النفس طبگت رمشهــا
نص ليل من طلعو نعشـــــــها
عله زينب حزن لمها ويطشها
زغيره عله اليتم مجروحه الاحساس...

✍🏻#نبضي_حسين
🏴🏴🏴🏴🏴

زغيره عله اليتم واليتم فرهود
شيرده زچــيه عليهم اردود
بيت بلايه اُم بالــكدر موعود
مصايب تورده تشيب الراس...

✍🏻#نبضي_حسين
🏴🏴🏴🏴🏴

الدار مكدّره والنور طافي
نامت باللحد والجفن غافي
شالت من وكت ام گلب وافي
يضل للموت حُبها ابداً مينقاس...

✍️☘️ام فراس الساعدي ☘️
🏴🏴🏴🏴🏴

تمت بااقلام رابطة كفيل زينب

https://www.tg-me.com/alkalm313

☘ لاستشهاد الزهراء ع☘

النص// الشيعتي
المقاصير// شبگها

كأني بلسان حال مولاتي زينب ع
شتگول:-


مامصدكه امي راحت حگي لو ابچي عليهه
علصدر والراس الطم دوم اتذكر حجيهه

مااظن  هانت العشره
مكسره بصدري العبره

ليلي ونهاري احشم ياخلك دلوني بيهه
🏴🏴🏴🏴🏴

صعبه كلش بويه عندي للكبر من تاخذوهه
والنعش  يمشي بظلمة  ليل لمّن تحملوهه
بويه حطهه بحضن جدي بهيده لالاتلجموهه

احجي وي امي بهمسه
ارد اشم ريحتهه هسه

استعجلَت نومة الحفره بويه فدوه اخذوني ليهه

✍☘ام فراس الساعدي ☘
✦▬▬❖•◐❁❁◐•❖ ▬▬✦

بليل حمل نعش امي راحت ابعيد الحنينه
ايتام ضلينه ابزغرنه راحت امنه من ايدينه
نبجي ابعوز الحضنها والهضم خيم اعلينه

ريت كون اترد اليه
دارنا ظلمه وخليه

ابروحي لوصح افتديها ابوسهه واشتم ايديها

✍ام مرتضى الخزرجي
✦▬▬❖•◐❁❁◐•❖ ▬▬✦
بويه الُاميمه اشتريها بعمري يا حامي دخيلك
انكسر جنحي بزغر عمري حنين انت واشتكيلك
عيوني اتدور عليها مثلي ادري نخمد حيلك
كل ركن بالبيت ينعه
خالي امصلى البضعه
يا فگدهه الما احمله وحشه دارج يم ابيها

✍🏻#نبضي_حسين
✦▬▬❖•◐❁❁◐•❖ ▬▬✦

وحشه دار الزهره صارت من عكب ذيج الرزيه
شمصعب افراك الحنينه اعليهاانوحن كل مسيه
كل غروب بحيره اضلن ناري بگلبي سريه
لحظه اتمنى اشوفن
طيف امي يمر عليه

تنظر عيوني مكانج
يمه محتاجه الحنانج

أذكر اشلون من اغمض جفني تحضني امن اجيها

📚🖌️ام زهراء
✦▬▬❖•◐❁❁◐•❖ ▬▬✦

تمت بااقلام رابطت كفيل زينب

https://www.tg-me.com/alkalm313

قصيده لسيدتي ومولاتي الزهراء عليها السلام
طور انشالله نزور العقيله


انشالله

انشالله گبرج نطوفه انشالله
نزوره وي مهدينه ابن الطاهره
الشيعه تتمنى تشاهدلج ضريح
وتنظر انوار المناره الزاهره

گبرج/مخفي عنه يم حسن
گبرج/ينتظر محيي السنن
گبرج/ينبني گبه وصحن

ضايع گبرج ومخفي علينه
مايعرف مكانه بس ولينه
اخفاه الولي حيدر ابو تراب
بطلب منج يريحانة نبينه

انشالله——انشالله

الخـ✍️ــادمه ام زيد الشمري

❃❥❀━((🧿))━❀❥❃

كلنه نتمنه نشم عطر الگبر
او لو نقدملچ فدى كل العمر
فدوه لترابچ يمولاتي نروح
هالگلب مابيه بعد يحمل صبر

گلبي/بسمچ الطاهر يدگ
گلبي/بكل ثواني يحترگ
گلبي/والله من شوگه يطگ

نظل نحلم نزورچ يم الحسين
وماندري الگبر يالطاهره وين
متى المهدي يجي ويداوي الجروح
زحف كلنه نجيچ ونهمل العين

انشالله——-انشالله

✍️ام محمد تقي الموسوي

❃❥❀━((🧿))━❀❥❃

ضايعه الشيعه يزهره ضايعه
تذكرج والعين لجلج دامعه
يمتى يظهر يشفي دلاله الحزين
بصوته يقراها الزياره الجامعه

وينه/يظهر المهدي بعـجل
وينه/هــو ينطــينه الامــل
وينه/نخاف ويحين الاجل

ريحانة نبينه نزورج اشلون
احبابج ترى الگبرج يدورون
مو طار العمر تدرينه خلصان
يايوم وتشوفه الگبر العيون

انشالله——-انشالله

أم صــــ✍️ـــادق المنصوري

❃❥❀━((🧿))━❀❥❃

كلنه منتظرين غايبنه الحبيب
لمهدي وندعي اله في كل مغيب
يفزع ويمحي بعد هاي الفتن
وسيف من حيدر علي ويا يجيب

يشيله/ورايتــه بيده ترف
يشيله/بطلعته يمر النجف
يشيله/بياعلي لسانه هتف

حمله لشيعته يسوي ونزورج
وكلنه بالصحن نوفي نذورج
ياروح النبي وزهره حياته
مشتاگين كلنه لذاك نورج

انشالله——انشالله

✍🏻خـادمـة الزهـراءام احمد العبوديه زبير

❃❥❀━((🧿))━❀❥❃

يمته نوصل للضريح نزوره
نلثم اترابه ونشم اعطوره
يم حسن والله محتاجه اجيج
انتي ياكوثر نبينه ونوره

نشكي/الروح ظلت حايره
نشكي/المن الصار وجره
نشكي/الك يبن الطاهره

يبو صالح متى يومك نشوفه
وگبر امك نحضنه ومانعوفه
بقت حسره بگلبنه تدري مولاي
العمر خلص اخافن مانطوفه

انشالله——-انشالله

📚🖌️ام زهراء

❃❥❀━((🧿))━❀❥❃

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

قصيده لباب الحوائج عبدالله الرضيع عليه السلام

المستهل والقفله وسيله
النص شيعتي👇👇

راسه فوگ الرمح ازغر راس انظره
شايله الذباح ست شهور عمره

بشوفته راح النظر
شنهو ذنبه يابشر

خله بگلوب التحبه الف حسره

❥ــــــ☆ـــــــ●ـــــــ☆ــــــ❥

شهور عمره ياحسافه وفطمته النبله اللعينه
مثل طير انكسر جنحه فرفر ويجهر ونينه
سنته مادارت بعدها وحرمله غمض له عينه
صابه ملعون برگبته وطفه شمعاته وسنينه

بسهم گطعوله النحر
شنهو ذنبه يابشر

شاله بيده حسين وينادي يزهره

الخـ✍️ــادمه ام زيد الشمري


❥ــــــ☆ـــــــ●ـــــــ☆ــــــ❥

بالسهم صابه يويلي برگبته وگطع وريده
شاغت رويحته وسفه وهد گماطه وطلع ايده
شاف ابوه حسين طفله يفرفح بحاله شديده
من العطش يبست چبدته الماي عگبه مااريده

ماشرب ماي النهر
شنهو ذنبه يابشر

رد خيامه ظهره محني اشكثر صبره

✍ام اسعد الشمري

❥ــــــ☆ـــــــ●ـــــــ☆ــــــ❥

لبة حشاي وجنيني وسفه راح بسرعه مني
ريتني بداله چتيلة والسهم گبله ضربني
مادريت بهالمصيبة والدهر بوليدي ذبني
اه يادنيا شعملتي اتمرمرت بالغالي ابني

مابقت بس الصور
شنهو ذنبه يابشر

شلون انسه وبالصدر ملتهبة جمره

✍️خادمة العقيلة ام احمد

❥ــــــ☆ـــــــ●ـــــــ☆ــــــ❥

المهد خالي انظره والدمع عالوجنه هالي
يلي عطره من محمدوالوجه نوره يلالي
اعليه حاتفني زماني صفى حظني اليوم خالي
عگب عبدالله وذبحته ساهرت سود الليالي

بدمه ياوسفه اعتفر
شنهو ذنبه يابشر

من القهر مكسور گلبي ومن يجبره

📚🖌️ام زهراء

❥ــــــ☆ـــــــ●ـــــــ☆ــــــ❥

ابد بالتاريخ ماكوا اليرضع أتحلل ذبحته
زغير والنبله چبيره وغورگت عينه ابدمعته
ابني فص الماس يلمع وانطفى بدمه شمعته
بعده ست شهور عمره ذبحته النبله ابرگبته

گلبي ياناس انفطر
شنهو ذنبه يابشر

ياحسافه ماروى من الماي قطره

✍️ام علي المالكي

❥ــــــ☆ـــــــ●ـــــــ☆ــــــ❥
حرمله يسألونه تالي شلون سهمك سدديته
يگول شفت الرگبه تلمع من بعيد وعاينيته
انكسر خاطري لحظه والهدف ماغيريته
والده گلبه كسرته من البچي بلل لحيته

حرمله گلبه ابتشر
شنهو ذنبه يابشر

العيشه من بعد الرضيع اصبحت مره

أم صـــ✍️ـــــادق المنصوري

ــــــ☆ـــــــ●ـــــــ☆ــــــ❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

قصيده لمولاتي أم البنين تخاطب أبا الفضل عليهما السلام


يبني ياعباس زينب هايه
إيد ليها وإيد شيل الرايه

هاي أمانة حيدره
دوم كون مخدره

إيد ليها وإيد شيل الرايه

❥ــــــ☆ـــــــ●ـــــــ☆ــــــ❥

يبني ياعباس تدري من علي هاي الوصيه
خلي عينك ياحبيبي عالعقيله الهاشميه
لاتفارگ طول زينب وأمشي وياها سويه
مدلله خلها الحنينه الغاليه بنت الزچيه

لاتخلها محيره
دوم كون مخدره

إيد ليها وإيد شيل الرايه

أم عـ✍️ـلي الموسوي

❥ــــــ☆ـــــــ●ـــــــ☆ــــــ❥

لاتخلي الهاشميه عالوجن دمعتها تجري
هاي درة علي الحره فدوه عمرك وي عمري
افدي جفينك وروحك والكريم يعظم اجري
الله فضلهم ييمه في كتابه وانتي تدري

وللاخبار مناطره
دوم كون مخدره

إيد ليها وإيد شيل الرايه

الخـ✍️ــادمه ام زيد الشمري

❥ــــــ☆ـــــــ●ـــــــ☆ــــــ❥

كون من تمشي ييمه بطولك تصيرلها خيمه
لاشمس لا من يناظر هايه دره بت عليمه
والهوه لو مرها يبني ضمه بكتارك نسيمه
مادمت موجود بالك زينب تشوف الهضيمه

وانته سبع الكنطره
دوم كون مخدره

إيد ليها وإيد شيل الرايه

✍ام اسعد الشمري

❥ــــــ☆ـــــــ●ـــــــ☆ــــــ❥

تدري بزينب ييمه اخيال محد شايف الها
لا تقصر يبني عنها كون بعيونك تخلها
يمه انه اوصيك بيها الدمعه عالخد لاتصلها
هاي بت فاطمه الزهره وجدها خاتم كل رسلها

هاي لبوة حيدره
دوم كون مخدره

إيد ليها وإيد شيل الرايه

✍️ام علي المالكي

❥ــــــ☆ـــــــ●ـــــــ☆ــــــ❥

زينب ام الخدر هايه وتدري بيها يابو فاضل
خلها بعيونك ييمه يابعد امك يكافل
افديها بچفوفك يغالي ولاتخلي الحمل مايل
بيك ارفع راسي انه من أشوفك ترد عايل

اعداك يرعب منظره
دوم كون مخدره

إيد ليها وإيد شيل الرايه

*الحاجه ام احـــ✍ـــمد الحچامي*

❥ــــــ☆ـــــــ●ـــــــ☆ــــــ❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

قصيده وزن الدارمي لمولاتي ام البنين عليها السلام

┈┉┅━━❀❀━━┉┉┈

ام البنين اليوم شابح نظرهه
رادت ابو السجاد يحفر كبرهه

┈┉┅━━❀❀━━┉┉┈
يحفر كبرهه حسين هذا التريده
بكثر العتب والنوح صارت ونيده
ياكسرت ام عباس كسره شديده
ماتت ألم وفراگ گصر عمرهه

*✍🏻أم عبــــــــــد اللـــــــــه العـــــــــابدي*

┈┉┅━━❀❀━━┉┉┈

ماتت من الحسرات سوده عليه
تنحب على المظلوم كل مغربيه
رادته هذا اليوم يمها الشفيه
من القهر والضيم خلص صبرها

الخـ✍️ــادمه ام زيد الشمري

┈┉┅━━❀❀━━┉┉┈
من القهر والضيم ام عباس ونت
وبآخر اللحضات للعطشان حنت
تـريد الولد دفان هذا التمنت
ينصب عزيه كون بيده بزرها

أم صــــ✍️ـــادق المنصوري

┈┉┅━━❀❀━━┉┉┈

وتگول كون اليوم طارش يجيني
ويدگ عليه الباب وتشوفه عيني
حتى من شوف حسين اگطع ونيني
كل دمعه عالمظلوم عالخد اثرها

✍️ام علي المالكي

┈┉┅━━❀❀━━┉┉┈

رادت ولدها اليوم كلهم يجوها
واعله الچتف تنشال ويشيعوها
امگابل اويه احسين لو وسدوها
جوه الترب ياحيف محد حضرها

✍️ام محمد تقي الموسوي

┈┉┅━━❀❀━━┉┉┈

دمعاتها اعله حسين مابطلتهن
وهيه بفراش الموت يجرن وحدهن
بس المنية اليوم سوت وشلهن
تبقى تلوج الروح للساعة وحشرها

✍️خادمة العقيلة ام احمد

┈┉┅━━❀❀━━┉┉┈

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

ابوذيات لليالي الفاطمية


وجنها:جن الليل
وجنها:وجناتها
وجنها :أي الجن

تسجّت عالنعش والليل جنها
يوسفه واللطم حمَّر وجنها
انس ناحت علی الزهرا وجنها
وملايك بالسما نصبت عزية


يسلها:يسألها
يسلها:يسيل منها
يسلها:ينحلها

ينوحن عالگبر يبچي ويسلها
يفاطم عبرتك منهو اليسلها
يضنوة هالگلب روحي تسلها
شگولن يا ظلم اصبح عليه


وريده: الوريد
وريده:اريده
وره ايده: واری يده

أفادي من الألم گطعن وريده
واننشد عالصبر يمك واريده
تجاسر بالضرب او وره ايده
يعرفن گيدت يدي الوصية



زينب حسن البزال
لبنان الجريح / أرض المقاومة والاباء
#المنتدى_الفاطمي
https://www.tg-me.com/alkalm313

◾ بسمه تعالی
استفتاء بخصوص التعداد السكاني سماحة المرجع الديني الشيخ محمد اليعقوبي (دام ظله):

السلام عليكم ورحمة الله وبركاته:
ما هو رأي سماحتكم في عدم الإدلاء بمعلومات صحيحة من قبل المواطنين للموظف المختص فيما يتعلق بالتعداد السكاني؟ جزيتم خيرا.

◾ بسمه تعالی
السلام عليكم ورحمة الله وبركاته: نحت المواطنين على الإدلاء بإجابات صحيحة ودقيقة على استمارة التعداد العام للسكان، لما يترتب على هذا التعداد من حقوق للمواطنين، وخطط تنموية للمحافظة التي يسكنون فيها، وأي إخفاء للمعلومات الضرورية لذلك لا يقتصر ضرره على الشخص نفسه بل على أهله وأبناء
المحافظة آنياً ومستقبلياً.
وعلى الدوائر الحكومية المنظمة للتعداد أن تحتفظ بسرية المعلومات ولا يجوز لها تسريبها إلى جهة داخلية أو خارجية ولأي غرض غير الهدف المعلن وهو الإستفادة من المعلومات
لوضع الخطط التنموية لإزدهار البلد وخدمة المواطنين. ويجب على موظفي التعداد أن يبذلوا وسعهم لتسجيل المعلومات الكاملة والدقيقة، ويكون عملهم صدقة جارية في ميزان أعمالهم الصالحة، والله ولي التوفيق.

محمد اليعقوبي ١٥ جمادي الأولى / ١٤٤٦ ٢٠٢٤/١١/١٨

*الروايه الاخيره من الليالي الفاطميه*

*قصيده بعنوان (آهـــات حــزيــنه)*
__

ارجــع وارد عليـــج چلمات
يالحبج سره بالگلب حسره

اتاني بكل وكت واحسب بالايام
روايه وكل روايه ألـج منــتضره

اريد انصب عزه واجريها الدموع
واقيمن فاتحه الفاطــمه وأقره

اواسي حيدره وزينب بالمصاب
مأجورين يـهل البيت والـــعتره

مقيد بالوصيه حــيدر الكرار
عليهم چان يالسيفه ينشره

الله يساعده حيدر بهاليوم
من شاف الضلع مكسور بالعصره

غسل زهرته بيديه ياناس
روحه فرفحت والعين تجره

واليدفن اعزازه شلون يرتاح
ناموا بالگبر بس ظلت الحسره

صعبه الورد وينام نص اللحود
ويضمه التراب ابليل گبره

وسفه فاطمه من أطمچ الگاع
وفگد حيدر احبابه وحزن دهره

يعاتب زمانه ليش يخون وياه
اخذ منه زهرته وخلص عمره

وعلى تراب اللحد يگعد ومحتار
يشم ريحة ورد من فاطمه الزهره

يقره الفاتحه ونوب آيات
وبصدره بقت متكسره العبره

عفثتيني يزهره يگلها ياحيف
اولادج بچوا وياي عالغبره

يحبيبه ويگلها الله وياج
وناري عليج ماتنطفي جمره

__

تمت بعونه تعالى
بقلمي المتواضع خادمة الحسين
ام صـــــ✍️ــــادق المنصوري

#المنتدى_الفاطمي
https://www.tg-me.com/alkalm313

*قصيده للزهراء ع بعنوان*

*(لــمســة حــــنـين)*
__

عجز قلمي ولساني وشكتب عليج
ابدي من العفاف وحرت مدري امنين

اوصفج وانه ادري مقصره وياج
قبليني لو كتبت عليج بيتين

أگولن فاطمه ومن اسمج انخاه
متقصرين ابد يم گلب الحنين

مو مره اطلبت وشكثر مرات
يقين امشي وراج وعمية العين

على حروفچ تنام جفون عيناني
يكون بطيفي لو مره تمرين

حن الگلب ليج وشايل اشواگ
ريت بحضرتج هليوم موجودين

نقرالج قصيده بدمعة العين
ونظل نلطم عليج ايام وسنين

نذر عمري بخدمتج ساعة الموت
بهذيج الحفره ياريتج تحضرين

علينه ذنوب حيل هواي صعبات
تعرفين اليودج وانتي  تدرين

تلقطين المحب مثل مايلقط الطير
وتعرفين اليحبج واليضد حسين

عليج الضلع ويه الداسته الخيل
بضهور المهدي يازهره تفرجين

يدلينه الگبر ونروح وياه
ونبنيلج مناره وبعد صحنين

بعده القلم وشما يكتب احتار
اصيله وبالنسب لمن تنسبين

بنت اشرف بشر مخلوقه بالكون
وام سيد الشباب الجنه والدين

زوجة حيدره الماسجد للأصنام
شبيهه اوياه علم ونسل طيبين

نعرفج زين بنت النبي المختار
مكسورة ضلع سطروج عالوجنين

حرگوا  بابج وشعلوها بالنار
ذوله اهل السقيفه بغدر معروفين

ياوسفه النذل ويعصرج على الباب
وبسمار النبت بالضلع صوبين

ومحسن من سگط هز العرش فوگ
بثار الدنيا والاخره أتطلبين

بجفوفه يعظ وتالي حيل ندمان
ومنج عنه يطلب كون تعفين

بس فات الاوآن وبعد ميفيد
ومره العمر لاميعيد مرتين

والغصب منج فدك ريته ماربحان
خسر كل دنيته وآخرته بعدين
__
*تمـــــــ✍️ـــــت بعونه تعالى*
*بقلم خادمة الحسين ع*

*أم صـــــ✍️ـــادق المنصوري*

*لا اجيز شرعا" تغيير كلمات القصيده او حذف اسمي منها*
بتاريخ /12/جمادي الاول/1444🌙
*نسألكم الدعاء لي ولوالدي*
#المنتدى_الفاطمي
https://www.tg-me.com/alkalm313