لطميه وزن فائزي للزهراء عليها السلام

هاليوم شالت فاطمه الزهره الزجيه
ظلت مباني حيدره وحشه وخليه

┈┉┅━━▪️🔹━━┉┉┈

هاليوم ظلت خاليه دار ام الحسين
وزينب تون وتريدهه بس تهمل العين
محد يكللها يزينب لاتموتين
وهي تريد الوالده سوده عليه

*✍🏻أم عبــــــــــد اللـــــــــه العـــــــــابدي*

┈┉┅━━▪️🔹━━┉┉┈
┉
تبچـي ام عون وتنتحب والدمـع يجـري
وتگلها يمـه ابموتـتج ياعظـمـه كسـري
ياريـتـه كـونه يـبدلچ وفديـج عمـري
والبيـن اخذها وابعدت و
ماالها جيه

✍🏻 *_الشاعــرة ام مهــدي العيــداني_*༺༺༻༻

┈┉┅━━▪️🔹━━┉┉┈

شالت بعيد ام الحسن ماالها رجعه
مهظومه مكسورة ضلع فاطمه البضعه
صوتچ بعد يالطاهره محد يسمعه
ياحيف فارگنه الدهر وانه اشبديه

✍️ ام مهدي الفرطوسي

┈┉┅━━▪️🔹━━┉┉┈

ظليت اصد لدارهه ودمعي اهله
وحشه ويهدني فراكهه وبيه شخله
غيابج علي كلش صعب مگدر احمله
رديلي اترجاج ليش كطعتي بيه

✍🏻العلويه ام اياد

┈┉┅━━▪️🔹━━┉┉┈

بياحال زينب ضاله يهضم وضعها
كلما تصد لهدومها يكثر وجعها
وتتذكر شلون النذل لمن دفعها
ولاذت وره الباب وتهل دمعه جريه


*✍🏻أم عبــــــــــد اللـــــــــه العـــــــــابدي*


┈┉┅━━▪️🔹━━┉┉┈

والعتبة الباب انظر واتذكر الصار
واذكر الاعادي الحاقده من شبوا النار
ومقيدينه يااسف حيدر الكرار
وبگلوبنه تسعر بقت جمر الرزيه

📚🖌️ ام زهراء

┈┉┅━━▪️🔹━━┉┉┈
ماننسه جمرتها ام حسن لظهور الامام
وياخذ بثار العالمه وتشهد الايام
ويشيل سيفه بيمنته ونرفع الإعلام
وجرح الزجيه يطيب من أهل الرديه

✍️ام علي المالكي

┈┉┅━━▪️🔹━━┉┉┈

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

فزاعيه جنوبيه القفله هوسه
للسيدة معصومه ع لقضاء الحوائج


اريد انخاج وانتي الماتقصرين
احلفج بالزجيه وجاه الحسين

✿──↻✿...✿↺──✿

يمولاتي كريمه وبت الاكرام.
اشكي همومي واشكيلج الالام
الصعب تكضينه منج ثلث تنعام

حاشاج ابحيره / تخليني

الخادمة ✍️زينةالگريشاوية

✿──↻✿...✿↺──✿

اريد انخاچ بت الاصل والزود
ابجاهچ عد رسول الله والجدود
احلفج بالحسين اوداعت العود

سهليها /الحاجه اليمچ

✍️ام علي المالكي

✿──↻✿...✿↺──✿

اريد انخاچ يا بت السلاطین
ابوچ الکاظم او جدچ حمه الدین
اگضي حاجتی ولا لا تقصرین

وبجاه الکاظم/تگضيها

العلويه ام سيد مهدي الموسوي

✿──↻✿...✿↺──✿

گلبي من القهر والهم يعاني
ودولبنــي يمــولاتي زماني
بجاه النبي والسبع المثاني

كل شده بزودج /حليها

الخـ✍️ــادمه ام زيد الشمري

✿──↻✿...✿↺──✿

اندبچ والگلب كاتلته الهموم
من صغري لحد هاليوم مالوم
امشي اعليچ اخوچ المات مسموم

گلبي المهموم / اتفرحينه

✍️ام محمد تقي الموسوي

✿──↻✿...✿↺──✿

اريد تفرحي قلبي المحزون
بحقج ياسميه زهــرةالكون
اريدج لليندبج انتي العون

تكضيها /والحاجه العندي

📚🖌️ام زهراء

✿──↻✿...✿↺──✿

يـمج حاجتي يابنت الأجـواد
اريــد اللــيله وتمسـحين الفاد
تشافين الجرح كل دوه مافاد

دگيته/ الباب الليله

أم صــ✍️ــــادق المنصوري

✿──↻✿...✿↺──✿

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

قصيده لسيده معصومه عليها السلام

المستهل والقفله تجليبه
النص نصاري👇👇


تون اخت الرضا وتريد اهاليها
بعيده دروبها والضيم ماذيها

┈┉┅━━❀❀━━┉┉┈

تمنت كون اهلهه ليها يلفون
يغسلون الغريبه وهم يشيعون
بهيده للمگابر بيها يمشون
ويهيل اترابها هليوم واليها

┈┉┅━━❀❀━━┉┉┈

رادت كون ابو محمد الدفان
وبيدينه يهيل الولي التربان
ماتت يااسف والگلب خلصان
والناس الغريبه اتحيرت بيها

✍️ ام مهدي الفرطوسي

┈┉┅━━❀❀━━┉┉┈

رادته الرضا ساعه دفنها
ويجيب الولي بيده چفنها
برض طيبه اهلها ابعاد عنها
لوحدها بغربه محدمدد ايديها

*✍🏻أم عبــــــــــد اللـــــــــه العـــــــــابدي*

┈┉┅━━❀❀━━┉┉┈

تون من القهر والجسم نحلان
های اخت الرضا الساکن خریسان
یمن یخبر الساده بني عدنان
یگللهم اسرعوا لحگو اعلیها

✍️ العلويه ام سيد مهدي الموسوي

┈┉┅━━❀❀━━┉┉┈

لحكوها كضت بديار غربه
بنت الكاظم وياناس صعبه
من سمعت بخوها انصاب گلبه
لطمت عالوجه والحزن غاطيها

📚🖌️ام زهراء

┈┉┅━━❀❀━━┉┉┈

لايمها الرضا ويحفر كبرهه
اويلي عالكضت من كد قهرهه
معصومه اريد احيي ذكرهه
وانصب مأتم ودمعاتي اجريهه

✍️الخادمة زينة الگريشاوية

┈┉┅━━❀❀━━┉┉┈

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

قصيده لام البنين عليها السلام لطلب الذريه


يم عباس اجيتج والدمع يجري
اريدن حاجتي وتسهيل كل عسري

❥❥ـــــــــــ❁❂❁ـــــــــــ❥❥

ادگ بابج اجيت ودمعتي بعيني
واطلب طلبتي وماظن تفشليني
ذريه اريد بسرعه تنطيني
خدم لحسين اخليهم وحگ عمري

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

خدم انذرهم يضحو فده حسينج
اعلمهم وفه يشابه وفه ابنينج
نخيتج يالعفيفه وانه عد عينج
احلفج بالگمر تجزي بفرح صبري

✍ام اسعد الشمري

❥❥ـــــــــــ❁❂❁ـــــــــــ❥❥

اطلب حاجتي منچ يبدويه
بجاهچ طلبتي من الله ذريه
خدم عند الزچيه بصافي النيه
وابو الاحرار حبه بالدمه يسري

✍️ ام مهدي الفرطوسي

❥❥ـــــــــــ❁❂❁ـــــــــــ❥❥

خدام الزجيه وافتخر بيهم
يسرون الگلب لحسين أهديهم
يم عباس احلفج بالتحبيهم
تنطيني واريدن ينجبر كسري

أم ✍️ علي الموسوي

❥❥ـــــــــــ❁❂❁ـــــــــــ❥❥

تنطيني واريدن حاجتي منچ
بچفوف البطل ياحره احلفنچ
تگضين الكلايف بس اندبنچ

حليها المشاكل ينجلي قهري

*الحاجه ام احـــ✍ـــمد الحچامي*

❥❥ـــــــــــ❁❂❁ـــــــــــ❥❥

آنه اتوسلچ عندي طلب هاليوم
اريدلي ضنه حيل الگلب مهموم
ادگ بابچ يطيبه ابداعت الجيدوم
اريدنه سند للكبر والگبري


✍️ام علي المالكي

❥❥ـــــــــــ❁❂❁ـــــــــــ❥❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

( لطميه فزاعيه السيده فاطمة المعصومة عليها السلام )

امشنه للرضا انعازيه
وانواسيه بمعصومه

انگله بالدرب ماتت
من جتک المظلومه

┈┉┅━━❀❀━━┉┉┈
امشنه انروح وانگله
علی اخته المدمع انهله
صارت بالگلب خله
وروح الشیعه مالومه

✍️ العلويه ام سيد مهدي الموسوي

┈┉┅━━❀❀━━┉┉┈

روح الشيعه منكسره
تجر حسره باثر حسره
تعازي فاطمه الزهره
تواسي الچبده مسمومه

*✍🏻أم عبــــــــــد اللـــــــــه العـــــــــابدي*

┈┉┅━━❀❀━━┉┉┈

تعنت ساكن خريسان
تشوفه والگلب ولهان
تخاف اعليه من العدوان
بدربها اوصلت اعلومه

📚🖌️ام زهراء

┈┉┅━━❀❀━━┉┉┈
سمعت بالخبر ونت
صاحت يلأخوا حزنت
ودمعها عالوجن صبت
غريبه گضت مهمومه

✍️ام علي المالكي

┈┉┅━━❀❀━━┉┉┈
ننوح ونبچي اعليها
البعيده عن اهاليها
نعازي الرضا واليها
على اخته المشت مهضومه

✍️ ام مهدي الفرطوسي

┈┉┅━━❀❀━━┉┉┈

غريبه گضت وجعانه
واعله الرضا حزنانه
الدنيا شلون خوانه
خذت التعجب رسومه

الخـ✍️ــادمه ام زيد الشمري

┈┉┅━━❀❀━━┉┉┈

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

بقصيده لمولاتي معصومه وحزنها على الامام الرضا
عليهما السلام

المستهل والقفله تجليبه
النص نصاري👇👇
___________________

معصومه تون والدمعه تجريها
سألت ليش طوس تون اهاليها

❥❥ـــــــــــ❁❂❁ـــــــــــ❥❥

من بعيد شافت سود الاعلام
وشافت ناس تبجي وتلطم الهام
سألت والگلب بالحزن محتام
ليش الناس كثرانه نواعيها

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

ليش الناس تبجي مدري شصار
قم أمسوده چا شنهي الاخبار
كالوه يالرضا سموه الاشرار
نعت معصومه وزادت بواچيها

📚🖌️ام زهراء

❥❥ـــــــــــ❁❂❁ـــــــــــ❥❥

ردو فاطمه عضيدج غدر راح
لطمت والگلب دم ينزف جراح
جن وانس تبجي وزاد الصياح
لبو محمد دموع العين تجريها

✍ام اسعد الشمري

❥❥ـــــــــــ❁❂❁ـــــــــــ❥❥

اعليه مكدره والحال ياحال
ابو محمد رحل بضعونه وشال
ونت من گلب منهه الدمع سال
شال بعيد مايرجع بعد ليها

✍️ ام حسين العامري

❥❥ـــــــــــ❁❂❁ـــــــــــ❥❥

عليه تبجي التحبه وتلطم اليوم
على الميت اخوها بزاد السموم
مايمه اخوته ومات مهضوم
ماتت من هظمها وشبقى بيها

ام ✍️ علي الموسوي

❥❥ـــــــــــ❁❂❁ـــــــــــ❥❥

ونت عالرضــا ودموعـها تسيل
وتصيــح الاهل كــلهم مچاتيل
خلصان الگلب ما بعد بيه حيل
ميــت بالغرب وتريــد واليـــها

أم صـــ✍️ــــادق المنصوري

❥❥ـــــــــــ❁❂❁ـــــــــــ❥❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

( لطمیه في شهادة مولاتي السيدة فاطمة الزهراء عليها السلام ولسان حال مولاتنا زينب عليها السلام )
((الوزن نصاري))
__________________

افراگ الوالده نحلي حـیلي
علیها معلمه او ما نام لیلي

❥ــــــ☆ـــــــ●ـــــــ☆ــــــ❥

آیـــلوالــده يــم المحــنه
افراگچ يلعزیزه مو كتلنه
شیعودچ بعد يا يمه النه
بگیت انحب واگل للعین سيلي

❥ــــــ☆ـــــــ●ـــــــ☆ــــــ❥

يمه اویاچ اریدن يا لحنینه
بعد هیهات یحـبیبه تجینه
اشلون اصبر انه وروحي حزينه
وعلی فراگچ ترى ذايب دلیلي

✍️ العلويه ام مهدي الموسوي

❥ــــــ☆ـــــــ●ـــــــ☆ــــــ❥

اون الفركتج والدمع سجاب
اشوفج وين يالنمتي بالتراب
مااسمع بعد يادكت الباب
هايالوالده كعدي احجيلي

✍️ام حسين العامري

❥ــــــ☆ـــــــ●ـــــــ☆ــــــ❥

آيمصابها نحل اعظامي
بعد ماشوفها حتى ابمنامي
چانت دنيتي وزهرت احلامي
اگلها الروح ويه الشفجه شيلي

✍️ام علي المالكي

❥ــــــ☆ـــــــ●ـــــــ☆ــــــ❥

بفراكج اجر ونه اعله ونه
تعودين لونكطع الضنه
بعدنه ازغار والوكت يتمنه
ونارج بالكلب يمه يويلي

✍️ام مصطفى الاسدي

❥ــــــ☆ـــــــ●ـــــــ☆ــــــ❥

دليلي اتگطع وحيلي تهدم
اون اعليج والدمعات من دم
ياريحه الجنه وربي يعلم
برحيلج مافتر لحظه عويلي

الخـ✍️ــادمه ام زيد الشمري

❥ــــــ☆ـــــــ●ـــــــ☆ــــــ❥

اون بالليل عالشالت حــياتي
اريد اصرخ ييمه الحد مماتي
يسموني ام حزن صارت صفاتي
بس كون بحلم شخصج يجيلي

✍ام اسعد الشمري

❥ــــــ☆ـــــــ●ـــــــ☆ــــــ❥

تمت باقلام شاعـ✍️ــرات رابطة خادمات سيد الشهداء عليه السلام
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

لطميه للزهراء عليها السلام على طور (ناذر اسنيني... الخدمة احسيني... يدنيا)


بالكلب جمره... والدمع يجره... يزهراء

نذكر العصره... اضلوع متكسره... يزهراء

❥❥ـــــــــــ❁❂❁ـــــــــــ❥❥
نذكر العصره يزهره ودفعت الباب
والضلع مكسور ويلي ومتنج انعاب
حك دمعنه من يضل لليوم سجاب

بحزن وبلوعه... الروح مفجوعه... يزهراء
نذكر العصره... اضلوع متكسره... يزهراء

✍️ ام حسين العامري
❥❥ـــــــــــ❁❂❁ـــــــــــ❥❥
بحزن وبلوعه ذكرنه ذيـج الجروح
ابد ماننسه الجرالج نبچي ونــوح
كل سنه نعشج نشيعه يم علي نروح

نعلگ الشمعه ،،،،وتنزل الدمعه،،،يزهراء
نذكر العصره،،،اضلوع متكسره،،،يزهراء

أم صـــ✍️ـــــادق المنصوري

❥❥ـــــــــــ❁❂❁ـــــــــــ❥❥
نروح لرض النجف كلنه نهل دمه العين
نشيعج بالحسره يم الحسن وحسين
حاضر المهدي ويساعدنه بالونين

حاضر ويانه ،،، يصيح مولانه يزهراء

نذكر العصره،،،ضلوع متكسره،، يزهراء

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥
دفعوا الباب ابغضهم ونبت بسمار
كسروا اظلوع الزچيه وشعلوا النار
الحسن وحسين يويلي الدمع مدرار

وزينب زغيره،،،ظلت ابحيره ،،،يزهراء
نذكر العصره،،،،،اضلوع متكسره،،،،،يزهراء

ام علي المالكي

❥❥ـــــــــــ❁❂❁ـــــــــــ❥❥

زينب زغيره ويتيمه وتصرخ الويل
حملو نعشج يزهره عنها باليل
ضلت بحيره وتنادي ياعلي دخيل

تصيح خلوها .. لاتبعدوها .. يزهراء
نذكر العصره... ضلوع متكسره ... يزهراء

ام ✍️ علي الموسوي
❥❥ـــــــــــ❁❂❁ـــــــــــ❥❥
مانسينه الظلم ذاك اوذيج الهموم
دمعة حسين واخيته تجري بدموم
والحسن يومه وفجعته ويلي بسموم

نرفع الرايه،،،جينه وفايه
يزهراء
نذكر العصره،،،اضلوع متكسره
يزهراء

✍ام اسعد الشمري

❥❥ـــــــــــ❁❂❁ـــــــــــ❥❥

مانسينه الظلع يازهره اوكسرته
ولا نسينه النذل بالباب اوعصرته
اوابد ماننسه هجومه ولا ضربته

من حرگ بابچ،،، اوابد ماهابچ،،،،يزهراء
نذكر العصره،،، اضلوع متكسره،،،،،يزهراء

*الحاجه ام احـــ✍ـــمد الحچامي*

❥❥ـــــــــــ❁❂❁ـــــــــــ❥❥تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

قصيده نادم ويرجو العفو من صاحب العصر والزمان عج
طور مسلم الوائلي
ابچو عليها ولاتقصرون 👇👇


واگف على بابك يرجواي
يانور عيني وامل دنياي
كلي ذنوب وجيتك اليوم
منك اريد العفو مولاي/2/

جيتك ودمعاتي عالخد سايله
وهضم روحي شايله
اي وحگ حيدر علي

ذنوبي كثرت ياحبيبي الغالي
وبالحزن دلالي
يابعد ناسي وهلي

عيوني كل لحظه تناطرعالدرُب
زادت هموم الگلُب
يمتى اشوفك يالولي

اتاني/طلعتك ياصاحب العصر بعجل
اتاني/روحي بفراگك يمولاي بوجل

آه يبن الحسن//آه يبن الحسن

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

جيــتك اجـر بجدمي نحلان
عندي ذنوب وحيــل ندمــان
اطلب سماح وگلبي مجروح
بس لا اظن من عندي زعلان(2)

جيت ندمان وثگيله ذنوبي
وانته الي محبوبي
والك رافع رايه
روحي ملهوفه اشوف عيونك
هايم ومجنونك
بس اريد احچايه
كون تقبلني اصيرن خادم
جيت محني ونادم
والذنوب هوايه

اعاني/بغيبتك مولاي مل مني الصبر
اعاني/خاف ماشوفك وخلصان العمر

آه يبن الحسن//آه يبن الحسن

أم صـــ✍️ــــادق المنصوري

❥❥ـــــــــــ❁❂❁ـــــــــــ❥❥

اهوايه الذنوب وبالگلب نار
اظلم يدربي وحيل محتار
يالمهدي جيتك وانه ندمان
سامحني واقبل مني الأعذار(2)

والله لو تزعل علي ياسيدي
عمري بالهم يبتدي
ظلمه تصبح دنيتي
انه من دونك عيون إبلا نظر
گلبي تعبان احتظر
مااوصف حالتي
نظره منك ياابن خير العمل
وانته للضايع امل
ياملاذي ابحيرتي

عماني / الشوگ اخذ من عيني مولاي الضوه
عماني /گمت احس بريتي مخنوگ الهوه

آه يبن الحسن //آه يبن الحسن

✍️ام محمد تقي الموسوي

❥❥ـــــــــــ❁❂❁ـــــــــــ❥❥

جيتك وگلبي ليك مشتاگ
طال البعد ماذيني الفراگ
ادري بذنوبي سيدي اهواي
مبعدتني عنك والصدر ضاگ(2)

كون تقبل خدمتي بجاه الشهيد
وگلبي من نوحه يهيد
وتعلم انته بحالي

نادم لتقصيري وارد احجيلك
ومن همومي اشكيلك
منفطر دلالي

ضيم هالدنيه صفت بغيابك
شوكت بين احبابك
انظرك يالغالي

عساني/اول الناس التتاني رايتك
عساني/ عيوني تتكحل يمهدي بطلعتك

آه يبن الحسن//آه يبن الحسن

📚🖌️ ام زهراء

❥❥ـــــــــــ❁❂❁ـــــــــــ❥❥

خجلان منك سيدي وجيت
محفره خدودي دموم هليت
التوبه اعله ايدك طيب الروح
لغيرك ابد مايوم انه اشكيت(2)

باب للباري واجيت احجيلك
من الزمان اشكيلك
ونفسي الأماره
ياملاذ الخايف انته المنتظر
لشوفتك راح النظر
المحب تلهب ناره
فراگ يعقوب وعميت عيوني
عاشگك يدروني
وانتظر البشاره

دهاني /هالزمان ومنه حيل انه اتعبت
دهاني /دخيل يامهدي بعباتك جلبت

آه يبن الحسن//آه يبن الحسن

✍️ام احمد العبوديه زبير

❥❥ـــــــــــ❁❂❁ـــــــــــ❥❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

الصبر حدب

قصيده ثقيله الموالي يبث شوق انتظاره لصاحب الزمان عجل الله فرجه الشريف
*



آنه يوميه بدمع للغايب
آنه مو ذاك الكبر بس شايب

من الفراك
من الفراك 
*
الغيبه طالت والصبر حدب ظهر
الدقيقه بيومها عدت شهر
وانه وي اليل عشرتنه سهر

يمته تلحك يمته وتحسر سنين
ودعي عجل بالفرج بسم الحسين
وانه واثق ما اردن خايب
أنه يوميه بدمع للغايب

من الفراك
من الفراك
*
ارد اكحل عيني  لحضه بشوفته
يعتبر انجاز عمري محبته
ابو صالح سر الهي بغيبته

هوه اخر نور مشكات الوجود
هوه رحمه وهوه نعمه ابلا حدود
من اذكره ابطولي انهض طايب
آنه يوميه بدمع للغايب

من الفراك
من الفراك
✍طالبةالزهراء القريشي
**
من أذكره يفيض بعيوني الدمع
كلبي من افراكه ذايب جن شمع
يمته أسمع جلمة المهدي طلع

يمته يكرمنه ألآله أبهل حبيب
فاضت كلوب البشر طال المغيب
وبدعاء الندبة نبقى نعاتب
آنه يوميه بدمع للغايب

من الفراك..
من الفراك..
✍🏻آلّشآعرهً آلــــّعــلّويِـــه آلّمٌوسويِــــۿ
**
يضيج خلكي ومن اذكره ينشرح
هوه بلسم لو نغز بيه  الجرح
هوه معنى ولذه احجايه ملح

خاف يلفيني غفل مر الممات
حسره وتضل شوفته طول  الحياة
شوك بالدلال احسن صايب
آنه يوميه بدمع للغايب

من الفراك
من الفراك

✍🏻ام عباس السكيني
*
مثل بلسم هوه لجروحي الدوه
يا اعز انسان واغلى من الهوه
وانه نار افراكه لكليبي جوه

يمته اكرن عيني بانوار الامان
روحي تهده وترتقي لتاج الزمان

همت بيه وكلبي لجله ذايب
اني يوميه بدمع للغايب

من الفراك
من الفراك
   ✍ام حيدر العباديه عماره
*
تمت القصيده باقلام شاعرات رابطه الطفوف
لانجيز حذف الاسماء

#المنتدى_الفاطمي
https://www.tg-me.com/alkalm313

قصيده ثقيله في مظلومه فاطمه الزهراء عليها السلام

يا فاطمه يا فاطمه
ابكل وكت مظلومه

ابكسر الضلع/صار الوضع/ماينحجي

سوط بظهر/مر الدهر/كتم البجي

يا فاطمه يا فاطمه
*****
من حكها تبجي اعل الابو...بس السقيفه ما رضت
اتحزموا حزمة اخو..انفوسهم باطل مضت
اصدورهم غيض الحمو.احقادهم لا ما كضت
حكو الباطل بالطمع
الكرسي كل همهم طلع

يا فاطمه الملجومه
ابكل وكت مظلومه
يا فاطمه
يا فاطمه
**
طاح الغصن فوك الترب من عنده ممرود الثمر
المرده بجفوف الغرب اتحدو لهذا الامر
ناموسهم وشله شرب طاحت ولا طفت جمر

اهل الكفر زادو حطب
اليل ضل يعصف غضب

يا فاطمه المحرمومه
ابكل وكت مظلومه

يا فاطمه يا فاطمه
✍طالبةالزهراء
**
بصدورهم دفنوا حقد بغضنا لحماي الحمه
امكشره النياب وتهد وحوش عالبابج فاطمه
بالعار والذله ترد اهل الصحيفه المضلمه

تجدح اعيون اهل الكفر
ابثار صفين وبدر

يا فاطمة المهظومه
ابكل وكت مظلوم

يا فاطمه يا فاطمة
✍️العلويه الاء
**
بس ما طبگ جفن النبي اهل الضغينه تحاشدوا
هجموا على دار الوحي ويا مسعى باطل بي سعوا
تاريخهم ما ينمحي نار لجهنم هل صفوا

الي لرضاها الله رضا
اصوابهم بيها مضا

يا فاطمه المهمومه
ابكل وكت مظلومه

يا فاطمه يا فاطمه
✍️العلويه الاء
****
عصروها بالباب ام الحسن
وبالعصرة لن محسن وكع
وخلوها عالحايط تون
وبسمار نابت بالضلع
وصاحت بيوية بكل حزن
كونك تشاهد هالوضع

هاي الصحابة الظالمة
كسرو ظلع من فاطمة

يافاطمة المعصومة
بكل وكت مظلومة
يافاطمة يافاطمة

✍ضحى البلوشي
**
تمت القصيده باقلام شاعرات رابطه
#الطفوف #منتدى_القلم الفاطمي
اللهم عجل لوليك الفرج

#المنتدى_الفاطمي
https://www.tg-me.com/alkalm313

فزاعيه لتشييع الزهراء سلام الله عليها

جينه نشيع ام حسين
يا حيدر تلاكنه
**
اجينه الهمه بالرجلين
بيارغنه على الصوبين
نبجي وهم نهل العين
نحس المهدي ويانه
✍طالبةالزهراء
*****
المهدي تهمل ادموعه
تبچي الشيعه مفجوعه
هتاف ابحرگه مسموعه
كلها اعليها حزنانه
✍ام علي المالكي
****
حضرنه انشيع الزهره
نعين المهدي بالعبره
الله يعظم اباجره
على امه ينوح مولانه
✍️العلويه الاء
*****
گصدنه لحضرته ننعه
انريد نشيع البضعه
وندري اونينه ايسمعه
ونتعناك عوانه
✍علويه آلاء
**
وشيعتها تدگ دمام
وتراهه اعيونهم متنام
جدمها اعلى المشي تحتام
والله انشالله احمانه
✍️ام كرار البهادلي
**
نشیعها ابدمع مدرار
انواسی حیدر الکرار
ابمصاب الظلع والمسمار
وصوت الحزن یعلانه
✍🏻المیرزه ام ليلي الخاقانی
**
تمت القصيده باقلام شاعرات رابطه
#الطفوف #منتدى_القلم الفاطمي
اللهم عجل لوليك الفرج

#المنتدى_الفاطمي
https://www.tg-me.com/alkalm313

بصايتك


ثقيله للامام صاحب الزمان عجل الله فرجه الشريف


يلمهدي اغفه بصايتك
ضليت ادور احجايتك
طال البعد طال
مني الدمع سال

**
خافن اموت وما اللحك غايتي
يا خيمه انته وموطني وولايتي
ابغربه اعيش ويمته اجيك برايتي
يم بابك اكعد حته أخذ راحتي

بويه الحمل مال
مني الدمع سال
اتمنه خيط  برايتك
يالمهدي اغفه بصايتك
✍طالبةالزهراء
*****
يا ديره بنفاسك حضت يبن الحسن
يا وطن روحي العاشت بلايه وطن
يا ماي وخلافك يموت اكبر غصن
ياريح سرع المهره بس ابلا رسن

ما يوصف الحال
مني الدمع سالي
مولاي وين ولايتك
يالمهدي اغفه بصايتك
✍️العلويه الاء
**
اتمنى خيط وياك أشده بالعلم
خافني اموت ومااحقق هالحلم
المده طالت سيدي وزاد الظلم
لشوكت أحنه ننتظر زاد الالم

مو تدري بالحال
مني الدمع سال
ننتظر كلنه لطلعتك
يالمهدي اغفه بصايتك
✍ام علي المالكي
***
مجبور اناشد والگلب يخفگ عشگ
چايمته اسمع طلعتك صارت صدگ
لاموني چي منتظرك بنبضي اليدگ
شوك ابوريدي وكلي الك كون احترگ

بغيابك اهوال
مني الدمع سال
حسراتي تچوي بفرگتك
يالمهدي اغفه بصايتك

✍️ وعد الڪفيل
**
تسری ویه دمنه واسمک الهمنه دوه
عطرک نشمه مثل نسمات الهوه
انطرظهورک والگلب مني انچوه
شیعتک تدعی بلفرج کلها سوه

مایهده هلبال
منا الدمع سال

اجنودک نضل بهدایتک
يالمهدي اغفه ابصایتک

✍🏻المیرزه ام ليلي الخاقانی
ء**
تمت القصيده باقلام شعرات رابطه #الطفوف
#منتدى_القلم الفاطمي اللهم عجل لوليك الفرج

#المنتدى_الفاطمي
https://www.tg-me.com/alkalm313