قصيده تحكي قصه عاشق قد ذاب عشقا بسيدي ومولاي الامام الحجه عجل الله فرجه الشريف

المستهل👇👇

يابو صالح جيت نادم
وگلبي بالاشواگ هايم
سيدي طال البُعد
انتظر يمتى ترد

گلبي بالاشواگ هايم ٢

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

ارجو منك_تقبل التوبه يعشگي وياهيامي
يابو صالح _جيتك ونادم وعذبني غرامي
امنياتي _لو اشوفك يبن فاطم ياامامي
تدري بيه _عاشگك وابعث الك حبي وسلامي

الليله جمعه وانتظرتك
اتكحل عيوني بنظرتك
ذبل بالفرگه الورد
انتظر يمتى ترد
گلبي بالاشواگ هايم٢

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

الليله جمعه_واگف ابابك وگلبي هواي مشتاگ
ولو نظره_تطفي ناري وتدري جمر البُعد حراگ
عذباني_فراگك وماينحمل مولاي الفراگ
يمتى تظهر_يسأل گليبي عليك ودمعي دفاگ

نظره منك ياامامي
ياامل عشگي وغرامي
احسب ايام اعد
انتظر يمتى ترد
گلبي بالاشواگ هايم٢

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

الك شوگي _شوگ كل گطره مطر لرض الصحاري
كون يمك_وبذني اسمع تطلب ابثارك وثاري
ثار جدك _وثار ايتامه ألي هامت بالبراري
يبن فاطم _رايدك يوم الحساب تكون جاري

وانتظر منك عطيه
يبن مولاتي الزچيه
گلبي بالهم ينمرد
انتظر يمتى ترد
گلبي بالاشواگ هايم ٢

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

بكل زياره_للحسين اقره العهد وادعي لظهورك
تبقى عندي_امنيه يالمهدي اشوفن مره نورك
لو يغالي_امسح تراب الجدم واشتم عطورك
الفرج يمتى_وتسر گلب الشيعه يالحجه بحضورك

جيت مشتاگ لوجودك
يلي ماتنحد حدودك
بنظره منك انسعد
انتظر يمتى ترد
گلبي بالاشواگ هايم ٢

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

الخـ✍️ــادمه ام زيد الشمري

نسال •اللّـہ القبول
ونسالكم الدعاء بتعجيل فرج مولانا صاحب العصر والزمان عج

https://www.tg-me.com/alkalm313

قصيده رجوع زينب "عليها السلام"
للمدينه استقبلتها
ام البنين" ع"
ولسان حالها يگول👇

يمه زينب جايه  ودمعج يسيل
يمه زينب جايه  بدون  الكفيل

وين اخوج وكافلج
خالي ردلي محملج
يمه زينب،،،،،،،،،،،،،،،،،يمه زينب

ـــــــــــــــــــــــــــــــــــــــــــــــــــ

رجعت اضعونج خليه
بس حرم تنعى وتون
من    بعيد   وعاينتها
مخيم  اعليها  الحزن
وحده تنحب.. وحده تبچي
وبالنعي  يتناوبن

يمه زينب.. واليبـاريچـن عليـل
يمه زينب.. جايه ودمعچ يسيل
يمه زينب،،،،،،،،،،،،،،،، يمه  زينب

✍️ ام محمد التميمية
ــــــــــــــــــــــــــــــــــــــــــــــــــــــ
هدمو دارچ دريتي
ردتج المن بعد

مدللات اوياج ردن
بيهن شخله الفگد

راحه مايلگن تره
ماكو لاسگف وذره
طاح للدار العمد

يمه زينب... ضجة وصياح وعويل
يمه زينب... جايــه ودمعــچ يسيل
يمه زينب،،،،،،،،،،،،،،،،،،،،،، يمه زينب

✍️ وعد الڪفيل
ــــــــــــــــــــــــــــــــــــــــــــــــــــــــــ

داري ودراج خليه
صبحت من الزلم

وبيت الي يلمنه ييمه
طاح سگفه ونهدم

وين ننصب فاتحه
وين نقره النايحه

كلشي ماعدنه سلم

يمه زينب ،، راح كلشي ويالكفيل
يمه زينب ،،،جايه ودمعچ   يسيل
يمه زينب،،،،،،،،،،،،،،،،،،،،،، يمه زينب
✍️ ام محمد التميمية
ـــــــــــــــــــــــــــــــــــــــــــــــــــــــــــــ

خِلى حَيهه الطالبيه
والهواشم خلصت
آنه و ابن الحنفيه
ادموعنه دم
من جرت
عين تبچي  وعين تنطر
وعين سهرانه وعمت

يمه زينب،،،،الفرگه ماخلتلي حيل
يمه زينب،،،،، جايه ودمعچ يسيل
يمه زينب،،،،،،،،،،،،،،،،،،،، يمه زينب

✍️ وعد الڪفيل
ــــــــــــــــــــــــــــــــــــــــــــــــــــــــــ
فرگة حسين اكتلتني
وحيل ماخلت بعد

عندي اغلئ من حياتي
وعندي اغلئ من الولد

فرگته كلش طويله
راح مايرجع بعد

يمه زينب ،،،،،همج وهمي ثجيل
يمه زينب ،،،جايه ودمعج يسيل
يمه زينب،،،،،،،،،،،،،،،،،، يمه زينب

✍️ ام محمد التميمية

غير مبرئ حذف الاسماء
ـــــــــــــــــــــــــــــــــــــــــــــــ

https://www.tg-me.com/alkalm313

جواد الساعدي

نخوه لام البنين سلام الله عليها

فزاعي بقفله الهوسه🍂🍂🍂🍃



ويم عباس.. ندري بوكفتج زود
نحلفج بالحسين وراعي الجود
*
ماخاب النخاج بلحضه الضيج
تفرهين الصدر وبضنكه الريج
تصبرين التوازه بشكه الزيج

اسمج بالشده الحلاله

✍طالبةالزهراء
-------------‐--
اسمج بالشدد معروف كل يوم
اريد انخاج ها يعزيزة الكوم
اريد المجلسج يم الكمر دوم

لحبابج نظره بهليله
✍️ام نور الزهراء الزينبيه
----------------
ادك بابج واندبج يا ام عباس
متقصرين اعرفج ام الاحساس
كريمه وايدج تمديها للناس
الحاجه التصعب تكضيها

✍️خادمة اهل البيت ام اسعد
---------------
حاجات المحب اليوم بيديج
ياشفجه وحنينه حلو طاريج
تحضرين الموالي من يجي ليج

والتصعب// انتي تحليها

✍ام حيدر العباديه عماره
--------------
جفي ما يرد فد يوم خالي
تمر وكت العسر دوم عالبالي
اريدج بلصعب نضره اعلحالي
محتاجه وبابج///دگيته
✍️العلويه الاء

--------------
تمت القصيده باقلام شاعرات رابطه الطفوف
منتدى القلم الفاطمي
لانجيز حذف الاسماء

https://www.tg-me.com/alkalm313

قصيده لأستشهاد الحسن العسكري ع
((الوزن بحر طويل))
__________________

عالمسموم نبچي دموم والصرخه نعليها
سامره لمصابه تنوح وتموج باهاليها

❥─➸➽❥❂❥━➸➽❥❂

للمسموم هذا اليوم نبجي ونلطم بحسره
نعازي حيدر الكرار وامه فاطمه الزهره
الله يعينها وصواب چبد الحسن مايبره
بلويلاد ام حسين بلوه الزمن باليها

✍️الشاعره زهـراءالحريي

❥─➸➽❥❂❥━➸➽❥❂

بلويلاد ام حســين تبـچي وتجهر الونــه
تنحب نوب للمسموم نوبه حسين المچنه
تلــطم والـضلع مكسـورنواسيــها ابمدامعنه
جينه المجلس المســموم والزهره نعازيهـا

أم صــــ✍️ــــادق المنصوري

❥─➸➽❥❂❥━➸➽❥❂

جينه لمجلس المسموم نلطم عالوجه والعين
شفنه جدته بكتار تدگ للعسكري ولحسين
تتلكه اليواسيها تشكي والگلب نصين
يامذبوح يامسموم تلطم حيل بيديها

✍ام اسعد الشمري

❥─➸➽❥❂❥━➸➽❥❂

تلطم حيل مفجوعه الله يساعد البضعه
تعنت ارض سامره لبنها تهمل الدمعه
تكله يالحسن هليوم مصابك زلزل السبعه
شيعتكم يبو صالح اليوم الحزن غاطيها

🖌️📚 ام زهراء

❥─➸➽❥❂❥━➸➽❥❂

غاطيها الحزن بمصاب لامام العسكري هليوم
اجتله رافعه الرايات تنادي بصوت يامسموم
تواسي الطاهره الزهره ببنها الغدرته هالگوم
بضريحه سوت قرايه والدمعات تجريها

🖌️📚ام زهراء

❥─➸➽❥❂❥━➸➽❥❂

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

قصيده لأستشهاد الامام العباس ع
لسان حال الامام الحسين عليه السلام

((الوزن هجري))
_________________

ارد اسولف عالاخوه البيني وبين الگمر
من وگع فوگ الشريعه وانكسر مني الظهر

❥❥ـــــــــــ❁❂❁ـــــــــــ❥❥

عالنهر طاح ابو فاضل وطاح وياه اللوه
دمه يجري عالشريعه وانحرم من الهوه
انكسر ظهري بوكتها ومات بعيوني الضوه
نار بگليبي يعالم مايطفيها النهر

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

انكسر ظهري ابرحيله وحيلي ماشاله الجدم
من شفت مگطوع چفه گلبي نصين انگسم
واليعادل جيش وحده ابطيحته جيشي انهدم
يوم صديت اعله عينه هالگلب مني انفطر

✍️ام محمد تقي الموسوي

❥❥ـــــــــــ❁❂❁ـــــــــــ❥❥

يوم صديت اعله عينه من السهم طالع دمه
ماعرف انه عضيده حسين وامي فاطمه
من سمع صوتي يگلي والمدامع ساچمه
فدوه چفيني وروحي وظل يودعني بقهر

أم صـــ✍️ـــادق المنصوري

❥❥ـــــــــــ❁❂❁ـــــــــــ❥❥

فدوه جفيني وروحي صاح والمدمع يسيل
طاحت اليمنه وشماله يااسف راح الكفيل
سكنه نادت وين عمي بويه حاجيني دخيل
عالنهر گلها الكفلجن ظهري بفراگه انكسر

📚🖌️ام زهراء

❥❥ـــــــــــ❁❂❁ـــــــــــ❥❥

كافل ظعون الهواشم عذبتني طيحته
شايل الجود بيساره وبيمينه رايته
اخو زينب ياگمرها للشدايد رادته
اسمعه ينادي بحسرته فدوه لحسين النحر

✍️العلويه ام سيد مهدي الموسوي

❥❥ـــــــــــ❁❂❁ـــــــــــ❥❥

مو وكت نوم الاحبه روحي بعده حايره
تتبع عيوني چفوفه الطايحات اعله الثرى
كلبي وج بركانه يصرخ وينه سبع الگنطره
جبهته مهشومه وسفه والسهم عينه حفر

✍ام اسعد الشمري

❥❥ـــــــــــ❁❂❁ـــــــــــ❥❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

هوسات الفرح مولود النبي (ص)
___________________
مبارك هالفرح محلاه طاريـه
مولود النبي ودنيانه مضويه
فرحانه السمه وبهاي المسيه

((هلهوله/ يستاهل طه))

*الشاعــ✍️ـره بتول الكربلائيه*
❥ــــــ☆ـــــــ🎀ـــــــ☆ــــــ❥
ليلة مباركه يسلام حيوها
طشوا ورود والشمعات اعلگوها
امــه امــنه هلیلــه هنــوها

((والکون/ معید هلیله ))

✍️ العلويه ام مهدي الموسوي
❥ــــــ☆ـــــــ🎀ـــــــ☆ــــــ❥
اعيـاد وفــرح والنــاس مسروره
ميلاد النـــبي ومضوي أبنوره
اجت كل الملائك عنده وتزوره

((هنينه/امه بمولوده))

أم صـــ✍️ــــادق المنصوري
❥ــــــ☆ـــــــ🎀ـــــــ☆ــــــ❥
نهني ام الرسول أو نعلگ الزينه
فرحنه ابمولده و ورود طشينه
شمع لجل الحبيب الهادي علگينه

((فرحان الكون /ابميلاده ))

✍️ام محمد تقي الموسوي

❥ــــــ☆ـــــــ🎀ـــــــ☆ــــــ❥

بميلاد ابو الزهره نورت الاكوان
صدح طير الحباري باعذب الالحان
سووله المحافل طشوا الريحان

((علكوها/شمعات المولد))

📚🖌️ام زهراء
❥ــــــ☆ـــــــ🎀ـــــــ☆ــــــ❥
نهني المنتظر والدنيه تتباها
ميلاد ابو القاسم نورة ضواها
كل علة و هموم اليوم شافاها

((بميلادة / كل امته امعيدة ))

✍️ ام ابيها زهراء السوداني
❥ــــــ☆ـــــــ🎀ـــــــ☆ــــــ❥
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

مولود للامام الصادق عليه السلام المصادف
يوم 17/ربيع الاول

((الوزن نصف شياله))
مستفعلن مفعولن
____________________

ماجينه ياماجينه
لولا الصادق ماجينه

✧❖❥✿✧🎀❖❥✿✧

جينه نهني الزهره
وحيدره وكل العتره
كل البشر مستره
ولجله علگوها الزينه
ماجينه ياماجينه

✧❖❥✿✧🎀❖❥✿✧

الكون ازهر بميلاده
فرحانه كل الساده
ربي ينطيه مراده
كلمن اجه يهنينه
ماجينه ياماجينه

الخـ✍️ــادمه ام زيد الشمري

✧❖❥✿✧🎀❖❥✿✧

هلت الفرحة الليلة
گلب المحب دليلة
شموع و ورد نهديلة
الصادق نوره يضوينه
ماجينه يا ماجينه

✍️ ام ابيها (زهراء السوداني)


✧❖❥✿✧🎀❖❥✿✧

الدنــــيا تضــوي بنوره
دار العتــره معـــمـوره
اليوم امه بيه مسروره
واحنه بأسمه نادينـــه
ماجينه ياماجينه
أم صـــ✍️ـــــادق المنصوري

✧❖❥✿✧🎀❖❥✿✧

شعت الدنيا وزهرت
وبنور الصادق ضوت
بميلاده كلها فرحت
ياس وورد طشينه
ماجينه ياماجينه

✍️العلويه ام سيد مهدي الموسوي

✧❖❥✿✧🎀❖❥✿✧

فرحانين بمولوده
ونسال الباري العوده
زاهي لحفل بوروده
خير وفرح غاطينه
ماجينه ياماجينه

📚🖌️ام زهراء

✧❖❥✿✧🎀❖❥✿✧

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

مولود للرسول(ص)

((الوزن ميمر))
_________________

بمــولود طــه عيدت كل الناس
طشوا ورد وملبس وهيل وياس

✿──↻✿🎀✿↺──✿

بمولد حبيب الامه شعت الاكوان
نار الفرس خمدت وطاح الايوان
جن وأنس مستبشره بالعدنان
بالگلب حبه ومااله كل مقياس

الخـ✍️ــادمه ام زيد الشمري

✿──↻✿🎀✿↺──✿

بــــالگــلــب حــبه سيــد الانبــياء
نهتــف ننــادي بصــوت طه النداء
منقوش اسمه بعرش الله بالسماء
نعمه وهديه جانه يالكله احساس

أم صــــ✍️ـــادق المنصوري

✿──↻✿🎀✿↺──✿

بالگلب نوره وبالفرحه حسینه
مرسـول اجـانه وياهـلا نادینه
اكبر حــفل هليوم الــه سوینه
الشيعه مسروره ورافعه بيه الراس

✍️ العلويه ام مهدي الموسوي

✿──↻✿🎀✿↺──✿

بميلاده فرحه وبالفضا شع النور
الاملاك لاجله فرحت وياها الحور
نزلت تزين محفله بالزهور
ونثروا زمرد لؤلؤ وفضه وماس

📚🖌️ ام زهراء

✿──↻✿🎀✿↺──✿

وبمولده نور ازهرت دنيانه
طه يشع وجهه ويضوي سمانه
ليلة فرح والساده بيه فرحانه
يامحله غصنه وطلته بخده انباس

✍️ام علي المالكي

✿──↻✿🎀✿↺──✿

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

قصيدة لفاطمة الزهراء (ع)


يمه انگطع گلبی یالزچیه
لــتونین وناتــچ خــفیـه

┄┅═✧❁★-❁✧═┅┄

لــتونــین ذوبــتــی دليـلي
اسمعنچ ییمه او باد حیلی
علیچ معلمه او زاید عویلی
اروح اویاچ يمه یالتقیه

✍️العلويه ام مهدي الموسوي

┄┅═✧❁★-❁✧═┅┄

عليــج امعلمه يــم السلاطين
ضلي ويــاي فـدوه ولاترحلين
يون اعليج يمه الحسن وحسين
عــگبج يالحــنينه اشــبع اذيه

أم صــــ✍️ـــــادق المنصوري

┄┅═✧❁★-❁✧═┅┄

ريت الصاب ضلعج صوباني
ولا اشوف الظهر محني عفاني
فطر كلبي الهظم موتي اتاني
صغيره ونار بفادي سريه

✍ام اسعد الشمري

┄┅═✧❁★-❁✧═┅┄

بس ون ودمع عگبچ بگالي
صغيره والدهر عذبلي حالي
مالومه ييمه ودمعي هالي
اون للموت والدمعه جريه

✍️ام محمد تقي الموسوي

┄┅═✧❁★-❁✧═┅┄

محتاجه لحنانج يالحبيبه
گلبي بغيبتج زايد لهيبه
انتي لكل جراحاتي طبيبه
روحي تختنگ كل مغربيه

الخـ✍️ــادمه ام زيد الشمري

┄┅═✧❁★-❁✧═┅┄

لـــتونین ونــچ زاد نــوحي
احن اعليج يمه وبعد روحي
یالفگدچ لچم كلـها جروحی
حزينه يمه بس اصفج بدیه

✍️ #علويه ام فاضل

┄┅═✧❁★-❁✧═┅┄

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

فليذرف الدمع بعد الدمع منهمرا
وليسكت الشعرمنك اليوم معتذرا

ان الشهادة ثوب انت صاحبه
من حيث لا اشرا قد قمت لابطرا

نحنُ جَميعاً نَنتمي إلى مَدرسة
أنبياؤُها شُهداء و أئمَّتها شُهداء و قادَتها شُهداء .

- السَّيِّد الشهيد القائد حَسن نَصر الله

بسمه تعالى
الشهيد السيد حسن نصر الله فخرٌ وعزةٌ ومدرسةٌ
لولا أن الله تعالى قهر عبادهُ بالموت والفناء {وَلَن تَجِدَ لِسُنَّةِ اللَّهِ تَبْدِيلاً} وأنه تعالى وعدَ بأن يَتخذَّ من عبادهِ شهداءً، لكان المرحوم الشهيد السيد حسن نصر الله، أكبر من أن ينالهُ الموت فإن الموت يهابُ أمثالهُ لشجاعتهِ وثباتهِ وقوة قلبهِ وصبرهِ ورباطة جأشهِ وطمأنينته وحكمتهِ وإخلاصهِ في طاعة ربه تبارك وتعالى، فنال أمنيتهُ ومضى شهيداً مع جمعٍ من إخوانه البرَرة.
لقد رحل إلى الرفيق الأعلى بعد أن أسّس مدرسةً للقادةِ الناجحين المخلصين لأمتهم، وترك وراءهُ سجلاً حافلاً بالانتصارات، ليس على أرضِ لبنان الحبيبة فقط بل في سوريا والعراق وفلسطين، حيث لم يتردد في الوقوف مع أهلهِ وإخوانهِ لدحر الإرهاب وصدّ موجتهِ العاتية.
لقد كان (تغمدهُ الله تعالى برحمته ورضوانه) من القادة الأفذاذ الذين يندرُ أن يجود الزمان بأمثالهم، وكان مصدر عزةٍ وافتخارٍ للإسلام والمسلمين، ومثالاً يُقنِع العالم بالإسلام الذي يُنجِب أمثاله، وليس كالحضارة المادية التي تخلقُ مجرمين وأبطالاً وهميين، وكان وجودهُ المبارك يبعثُ رسالة الطمأنينة إلى الأحرار والمستضعفين والمحرومين مُزينة بابتسامةٍ مشرقةٍ حنونة.
فلا يُلام محبّوه وعارفو خصالهِ الجميلة على حزنهم الشديد ولوعتهم لفراقهِ، ولا سلوى لهم إلا أنه مضى شهيداً على طريق أجدادهِ الطاهرين (صلوات الله عليهم أجمعين)، وأنه أصبح رمزاً ملهِماً لكل الأحرار الذين يرفضون الذّل والخنوع والاستسلام والعبودية لغير الله تبارك وتعالى.
وأكادُ أجزم أن أعداءهُ قبل أحبائهِ معجبون به ويفتخرون بأنّهم يواجهون مثلهُ، فهم حزينون لقتلهم إياهُ وإن أظهروا الفرح والشماتة، لأنهم خسِروا عدواً شريفاً حكيماً ملتزماً بالمبادئ الإنسانية التي افتقدها العالم الذي يصف نفسهُ بالمتحضّر، لا يغدر ولا يخون ولا يفجر ولا يكذب مهما ضَغَطت عليه قسوةُ الأحداث واشتدّت الحاجة إلى الأساليب الملتوية لتحقيق المصالح.
إن السيد الشهيد نصر الله لا يليق بهِ الرثاء والنواح، وإنما يليق بهِ حُسن الثّناء وتعداد المفاخر والزَهو بالانجازات وتدوين السيرة، لتكون منهجاً يُتّبع في السعي الحثيث، لإقامة العدالة الاجتماعية التي ينعم بها الناسُ جميعاً.
خُذْ في ثنائهم الجميلَ مُقرِّضاً فالقوم قد جَلّوا عن التأبينِ
ولنا في مصيبتنا برسول الله (صلى الله عليه وآله وسلم) وأهل بيتهِ الطاهرين (صلوات الله عليهم أجمعين) وما أُعدّ للشهداء من المقام الكريم، سلوى وعزاء، فإن الأمة تحتاج بين وقتٍ وآخر إلى دماءٍ زكيّة طاهرةٍ تراق، لتستيقظ وتنهض وتتحرر، وليشهد الأفذاذ بدمائهم، أن الإيمان بالله تعالى حقّ، ويستحق التضحية بالغالي والنفيس، وليوفوا بعهدهم مع الله تعالى {مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلاً} (الأحزاب: 23).



محمد اليعقوبي - النجف الأشرف
24/ ربيع الأول / 1446
https://yaqoobi.com/arabic/index.php/permalink/846174.html

#لاستشهاد_السيد_حسن_نصر_الله

هذا من اهلنه وحيل جاس گلوبنة
فگده جبير الحيد هد حيولنه
ـــــــــــــــــــ

مصابه هد ا الحيل هذا ابن علي
وفاجعة موتك جبيره يالولي
مثل جده حسين ماذل وآبي
ولا رضه ويدري تره يكتلونه
ـــــــــــــــــــ

سبع وابن اسباع ماگدروله
مثل مسلم بالغدر داروله
هجمت انذال وجبن سووله
لأخر مماته وضلو يخافونه
ــــــــــــــــــــ

ياشجاع وحيد يا سيد الزلم
يافعل ياگول يانخوه وشهم
بفگدك الشيعه ... مهدومه هدم
حسن نصر الله يبعد عيونه
ــــــــــــــــــــــــــــــــ

عادته أسرائيل وأمريكا سوه
چي شجاع وحيد ماطاح وهوه
عمه العباس شيال اللوه
وبالشهاده انختمت أيام العمر خيعونه
ــــــــــــــــــــــــــــــ

أخ يافگدك علينه شگد صعب
فرحت الشامت النامت بالگلب
الشكو لله من عدون مو محب
وللامام المهدي نشكي همومنه
ــــــــــــــــــــــــــــ

يظهر وياخذ الثار الكل شهيد
ويكتل الظلام وكل تابع يزيد
وينصر الشيعه وينفذ الوعيد
وأحنه هذا اليوم يحيي گلوبنه
ــــــــــــــــــــــــــــ

هذا من اهلنه وحيل چاس گلوبنه
مصابه چبير الحيد هد حيولنه
ـــــــــــــــــــــ
بقلمي ✍️ خادمة الحسين ام ابوالفضل

https://www.tg-me.com/alkalm313

السيد الشهيد حسن نصر الله قدست روحه الشريفه
...................

لبو هادي

تون كل القيادات

حسافه بروحتك فرحت الشمات

...................

حسافه اعليك ياراهب العدوان

يومك فاجعه وعلينه ماهان

يل مخلي عدوك دوم ندمان

يضل اسمك علم وابد مامات

...................

ضحيت بحياتك لاجل هالدين

تمنيت الشهاده مثل الحسين

اسمك ياحسن يرهب الطاغين

الك تشهد أرضها والسموات

...................

الك تاريخ يشهد يبن نصر الله

شجاع وغيرتك ماتقبل الذله

يسيد وابن سيد بيك نتعله

بساحات الوغى رجل المهمات

...................

منكوبه القياده لجل السباع

هذا البطل للصهيون ماطاع

مامونه ابجاله چانت الگاع

مثل حسين گال الذله هيهات

...................

ياقايد الثوره ودرع للدين

چانت بيك مامونه المسلمين

تون اخلافكم هاي الدواوين

وبدموع الثكاله الوادم اتبات

..................

يومك عذب الشيعه يمهيوب

من كالو حسن نصر الله مصيوب

ضلت يابو هادي ارواحنه تلوب

من گالو حسن بلمگبره ايبات

..................
✍🏻قصيده مشتركه
بين الحجيه ام علي البصره
و ام احمد
الهاشمي ✍🏻

فزاعيه جنوبيه+قفله هوسات
للسيد حسن نصر الله💔💔


ارجال الجاهدت عالدين
وسفه الموت ياخذهه

((ارجال العياله شلون تشيل )

❥❥ـــــــــــ❁❂❁ـــــــــــ❥❥

شلون تشيل يالشخصك يهابونه
عليك اليوم كل الشيعه محزونه
الحسن نصر الله اريد احجي ومنونه

(ركن من الشيعه مهدمينه)

❥❥ـــــــــــ❁❂❁ـــــــــــ❥❥

محزونه وحق جدك تره الاسلام
اشلون اتموت انته يا بطل ضرغام
ثارك ياخذونه اسباع ارقد نام

( ایشيل البيرغ/مهدينه )

✍️العلويه ام سيد مهدي الموسوي

❥❥ـــــــــــ❁❂❁ـــــــــــ❥❥


هذا ابن الزجيه ووالده حيدر
ياوسط الگلب ناره بقت تسعر
كل شيعي لمصابه محزن اتكدر

(يدفنونه/يا وسفه الحید)

✍️ #علويه ام فاضل

❥❥ـــــــــــ❁❂❁ـــــــــــ❥❥

يشيلونه النعش عالراس ياوسفه
وأچبيره الخـساره وروحته كلـفه
يغـدرونه وابـد ماعــدهـم الرأفـه

(يكسرونه/ياركن الدين)

أم صـــ✍️ـــادق المنصوري

❥❥ـــــــــــ❁❂❁ـــــــــــ❥❥

ياسيد حسن يمخوف العدوان
بطل ماخذ شجاعة داحي البيبان
ولمصابك بكلبي شبت النيران

(القاده تون/اعله مصابه)

📚🖌️ ام زهراء

❥❥ـــــــــــ❁❂❁ـــــــــــ❥❥

الماو احزن عليك اليوم ياسيد
علمك من سمعته الكلب ماهود
يمبجي العادي شلون من تبعد

(ياموت ابعد/ماهو يومه )

✍️العلويه ام اياد

❥❥ـــــــــــ❁❂❁ـــــــــــ❥❥

ثارك يبقى للمحشر ينصر الله
جيل وبعده جيل يذكره
ماينساه
سلمنه اعله ابو السجاد من تلگاه

(وسلم عالزهره المظلومه)

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

گل لام الحسين اعله العهد باقين
ومن دم خل تصب مولاتي هاي العين
يامن رخّصت عمرك لنصر الدين

(يستاهل/ دمعات عيوني)

✍️بتول الكربلائيه

❥❥ـــــــــــ❁❂❁ـــــــــــ❥❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

لطميه /جنوبي +هوسات
بحق السيد القائد سيد حسن نصر الله

مشه وعاف القياده ،،تبچي اعليه
شجاعه وزود من ينجاب طاريه

❥ــــــ☆ـــــــ●ـــــــ☆ــــــ❥

لجدوده رحل عاف القياده
الشيعه مكدره تأذت الساده
وفراگه صعب نال الشهاده

(الكون احزن/مات الهيبه)

✍️ام علي المالكي

❥ــــــ☆ـــــــ●ـــــــ☆ــــــ❥

الكون اظلم على السيد المهيوب
لفراگه الگلب محزن وملهوب
بچينه اعليه بجي النبي يعقوب

(فارگناه/اليحجي بزوده)

الخـ✍️ــادمه ام زيد الشمري

❥ــــــ☆ـــــــ●ـــــــ☆ــــــ❥

يالتشبه صفاته حامي الجار
وبكل المعارك بطل مغوار
شجاعه وغيره بيه الوصف محتار

(فجر بينه/بركان اسود)

✍ام اسعد الشمري

❥ــــــ☆ـــــــ●ـــــــ☆ــــــ❥

حزنانه المعالم تبجي وتنوح
على فراگه الدمع عالوجنه مسفوح
خله الگلب محزن دوم مجروح

(ماننساه/ يومه ياذي)

✍️العلويه ام اياد

❥ــــــ☆ـــــــ●ـــــــ☆ــــــ❥

شكتبله احتار القلم هليوم
شجاع اوبالمعارك دوم معلوم
مكسور الگلب لجله ومهموم

(لمصابه/نكسوها الرايه)

📚🖌️ام زهراء

❥ــــــ☆ـــــــ●ـــــــ☆ــــــ❥

مكسور الگلب والدمع غدران
شجاع وبلحرب يخذل العدوان
القياده تلوگ اله سيد وريسان

(لشخصيته/خسرانه الشيعه)

الــ✍ــحاجه ام احمد الحچامي

❥ــــــ☆ـــــــ●ـــــــ☆ــــــ❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313