لطميه للرسول المصطفى عليه وعلى آله افضل الصلاة والسلام

الليله ام الحسن ياهو البچه وياهه

اه يافگد ابوها حيل اذاهه

~~~~~~~~~~
الليله ام الحسن تبچي ومهضومه
تون على النبي الماينحمل يومه
على افراگه بچت والروح مالومه
اغباب المصطفى بالضيم خلاهه
~~~~~~~~~~
خلاهه حزينه افراگ واليها

خليه دار اهلها والي مابيها

عگب عين النبي محد يحييها
عن جده يناشدهه الحسن جاهه
♡♡♡♡♡♡♡♡♡♡♡♡
يناشده الحسن والمدمع ايهله
ييمه وين جدي ارد اروحله

جدك شال عنه وما يجي ادگله
ضل يبچي الحسن ودموعه صباهه
♡♡♡♡♡♡♡♡♡♡♡♡
الحسن صبة دمعته وروحه ممروده
رحل جدي الرسول وداره مسدوده
البيته ومنبره المختار شيعوده
الگعده وي علي والزهره عافاهه
♡♡♡♡♡♡♡♡♡♡♡♡
ما يگعد بعد وي فاطمه الزهره
ضلت دوم تبچي وتجر بالحسره
يبويه اخلاف عينك عيشتي گشره
واصحابك ولا ينعاش وياهه
♡♡♡♡♡♡♡♡♡♡♡♡
عفتي بين ناس المايرحموني
ويكرهون حيدر وانه يكرهوني
ابفاتحتك اجو للدار ضلموني
يبو ابراهيم بتك نذل طگاهه
♡♡♡♡♡♡♡♡♡♡♡♡
تمت بفضل الله وعونه ✍🏻شاعرة وخادمة اهل البيت المله وجدان ام حسين العيساوي وغير مبري الذمه من يتلاعب بالقصيده وكلماتها

https://www.tg-me.com/alkalm313

قصيدة للنبي محمد صلى الله عليه وآله (موشح)
📄📄📄
يا محمد...يانبينا .... تيتمينة.. تيتمينة

انتة سيد الزمان.. والنبوة والامان
وهسة ترحل... من ادينة.... من ادينة
📄📄📄
بوية طه اليوم** شايل وقلبي يتفطر عليك
بعد ياهو ايلم جروحي** وبالهضم انة اعتنيك
صعبة من تروح عني** بكل مسة متعودة اجيك
تفرش السجادة اليه** كالاميرة ابين ايديك
وتدارينة... تحن علينة... يانبينة
خالي ووحشة المكان... والنبوة والامان وهسة ترحل... من ادينة.. من ادينة
📄📄📄
الامير احتار بعدك** يالجنت نور ووقار
والحسن واحسين يمي** يذكرونك كل نهار
شلون نايم بالترابة** وانتة للعالم شعار
ربنا الختارك حبيبة** اليوم خلوانة الديار
من نبينة.. جمرة بينة.. بالمدينة
ملك واعلومك بيان... والنبوة والامان
وهسة ترحل.. من ادينة.. من ادينة
📄📄📄
صبح المحراب خالي** ومسجدك كلة يون
والهواشم بقت تنعة** لصورتك كلها تحن
هاية سجادة صلاتك** جنها غاطيها الحزن
دنيا صارت موحشة ** وانگطع منها المزن
وعلي َينة.... خل يجينا....ويعازينا
يالحياة ويالجنان... والنبوة والامان
وهسة ترحل..من ادينة.. من ادينة
📄📄📄
الكون محزون وكانه** يبجي ودموعة تسيل
والسمة تنثر قصيدة** والشجر هازل نحيل
واحنة قاهرنة فراكك** وخاف من الشر يميل
اجمعو اهل السقيفة** وبالفتن اذونة حيل
وحاربونة.... وحاوطونة.. والمونة
حرگو الباب الي جان... والابوة والامان
وهسة ترحل... من ادينة... من ادينة
+++++++++++++++++
العلوية الموسوية 📝
https://www.tg-me.com/alkalm313

قصيده لختام مجالس التعزيه
الوزن تجليبه👇👇

ختمناها العزيه بفاطمه الزهره
ذكرناها وذكرنا الضلع والسطره

❥❥ـــــــــــ❁❂❁ـــــــــــ❥❥

نختم مجلسه بالاه والدمعه
ونبدي عشرة المظلومه البضعه
ندعي بالسلامه يعوده وننعه
على الداسته خيول وهشمو صدره

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

شهرين المضن نخدم ابو اليمه
الخدم ملتمه وشمحلاها من لمه
عطر ام الحسن بالمجلس انشمه
ندري تحضر وتستمع لليقره

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

ندري تحضر بكل مجلس قرايه
تلطم عالضلع هم شايله الرايه
ويــاهـــا نضــل للــموت وفايه
ماننسه مصاب احسينها ونحره

أم صــ✍️ــــادق المنصوري

❥❥ـــــــــــ❁❂❁ـــــــــــ❥❥

ماننسى الجرى لحسين سيدنه
وبدفتر الخدمه امه تسجلنه
نريده بالقيامه هناك يحضرنه
ومن عنده ننترجه هناك فد نظره

📚🖌️ام زهراء

❥❥ـــــــــــ❁❂❁ـــــــــــ❥❥

نظره سيدي خدامك احميها
تخدم من گلب والروح تفديها
شفاعه تريد من عندك يواليها
عهد وانعاهد من سنين للحره

✍ام اسعد الشمري

❥❥ـــــــــــ❁❂❁ـــــــــــ❥❥

على طول السنه ماننسه المظلوم
ناذرته العمر للماشرب محروم
وهاي الخدمه نتمنى تظل للدوم
على المذبوح نلطم نبچي ابعبره

✍️ام علي المالكي

❥❥ـــــــــــ❁❂❁ـــــــــــ❥❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

قصيده للرسول ص

الله ايعين كلبج  فاطمه اليوم
حيلج  يالزجيه  حيل مهدوم

〰️〰️〰️〰️〰️〰️〰️〰️〰️
اليوم اليوم فاطم حان الوداع
ابو كلب الحنين  اتضمهه الكاع
اه يا موت صحتي خذني ابساع
يضل كلبي   عله الطيبين مالوم
〰️〰️〰️〰️〰️〰️〰️〰️
اشبيهه الموت يستعجل بلعزاز
وي احباب روحي امشي جناز
وافراك الابو        للعين بزاز
مهظومه عليه لا اكدر ولا اكوم
〰️〰️〰️〰️〰️〰️〰️〰️
يبو ابراهيم عني ترحل اشلون
وتدري الحيل انته وماي العيون
علي حسين وحسن راحو يشيعون
ابو الحسنين يصفك جفه مندوم
〰️〰️〰️〰️〰️〰️〰️〰️
جنت انته ابوي وانته دنياي
من بعدك  محمد  تايه الراي
عوانه   اريدن   تلطم اوياي
واليكم مشه للكبر مسموم
〰️〰️〰️〰️〰️〰️〰️
الج نلطم ندك هامات عالراس
لبوج الهيبه     للاسلام نبراس
للامه محمد         دك الاساس
وحك حسين ذاك المات مضلوم
〰️〰️〰️〰️〰️〰️〰️〰️〰️

هوسه ختاميه للقصيده

يومك اذانه... يا بو الزهره ادخيلك


تمت بحمد الله بقلمي خادمة الزهراء الشاعره ام علي الصالحي نسإلكم الدعاء لي و لوالدي
https://www.tg-me.com/alkalm313

يكسر الخاطر طاريه المهدي ماندري شبيه
فگد النبي وكسر ضلوع وباب الودعيه يبچيه

فگد وصبر…. نار وكسر
يادنيه... يادنيه

┄┅═✧❁★-❁✧═┅┄

الله يعينه اعله الصار الموعود يطلب چم ثار
مات النبي ومايدرون مسموم چبده المختار
من ياهظم يالوعات.. مهدينه گلبه يشب نار
ويوم السقيفه المعروف يوم انقلاب الاشرار

أهل الغدر.. نار وكسر
يادنيه.. يادنيه

✍️ وعد الڪفيل

┄┅═✧❁★-❁✧═┅┄

جم ثار يطلب مولاي ثار الذبيح العطشان
وثار الزجيه الزهراء وعبدالله وي الرضعان
الله يعينه كل ساع يبجي والمدمع غدران
يذكر الراحت للشام وعافته فوگ التربان

ام الخدر … نار وكسر
يادنيه…يادنيه

الخـ✍️ــادمه ام زيد الشمري

┄┅═✧❁★-❁✧═┅┄

يايوسف الزهره الجور شسوه ابهلك من اعداك
سم وچتل ياوسفات اليالوعه صدت عيناك
افجع مصيبه التاذيك صدرين هدنّه الواك
صدر انكسر خلف الباب والثاني بالخيل انراك

دامي الصدر…نار وكسر
يادنيه،،، يادنيه

✍️ام حسين المحمداويه

┄┅═✧❁★-❁✧═┅┄

ثار الضلع والبسمار ونار الكضت علخيام
شيداوي مليان جروح وياجرح بعد اليلتام
مهدينه ساكن الاوطان وگلبه حزين ومنظام
مو سهم يطلبها اسهام من آل اميه الظلام

گلبه جمر،،،نار وكسر
يادنيه،،يادنيه

أم صــ✍️ـــــادق المنصوري

┄┅═✧❁★-❁✧═┅┄

ايعينه الله شكد مالوم مو ثار يطلب ثارات
ياخذ بحگ يامسموم ومن ياضلع ياطبرات
طبرت علي داحي الباب اليذكرها ويجر ونات
شعظمه مصاب الغايب و اباله ذيــج الصرخات

ليك الاجر،،، نار وكسر
يادنيه،،، يادنيه

بـ✍🏻 المله ام مجتبى

┄┅═✧❁★-❁✧═┅┄

تمت باقلام شاعـ✍️ــرات
#رابطة أدب الطف
#منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

نخوه للنبي (ص) لطلب الذريه

((الوزن موشح)

نظره منك يارسول الله الامين
للـــذي ماعــنده مــولانه جنين

✿──↻✿...✿↺──✿

نظره مــنك للذي گلبه جـريـح
سنين ماعنده طفل بابا يصيح
نقسم اعليك بابو اليمه الذبيح
تنظر لحاله وجنـميع المسلمين

الخـ✍️ــادمه ام زيد الشمري

✿──↻✿...✿↺──✿
تنـــضر الــحاله وترزقــه بالضــنه
كون بحضينه الولد هـاي الســنه
امـــتك باسمـــك تــنادي ميــقنه
نحلفك بفاطــمه ومقطوع الوتين

أم صــــ✍️ـــادق المنصوري

✿──↻✿...✿↺──✿

نظــره منـــك يانــبي ابجاه العليم
تجــبر اگليبه انــحرم مــن النعــيم
يدعي رحمه اتشمله من رب كريم
بالسعاده انــذكر مال اويه البــنين

✍ام اسعد الشمري

✿──↻✿...✿↺──✿
لحاله انظر يالنبي وصوته يكول
ياالهـــي اقــسم اعلــيك البــتول
اوليد خادم اجعله لال الرســول
فرحه بحق طفل مولاي الحسين

📚🖌️ام زهراء

✿──↻✿...✿↺──✿
يارسول الله ابجاهك ياشفيع
اتفرح المحروم ولگلبه فجيع
تترس حضينه يبو العتره برضيع
الباري رحمه نزلك للعالمين

*الحاجه ام احـــ✍ـــمد الحچامي*

✿──↻✿...✿↺──✿

بمـجلسك يحضر الماعنده طفل
جاي متعني ودمع عينه يهل
إنحلـــفك بفاطمه وشيال الحمل
نريد منك نظره وتقرهه العين

✍️ام علي المالكي

✿──↻✿...✿↺──✿

تمت باقلام شاعـ✍️ــرات رابطة خادمات سيد الشهداء عليه السلام
منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

لطميه فزاعيه
لاستشهاد الرسول ((ص))
__________________

الليله شال ابو الزهره
واهل الديـن حزنـانـه

❈●••┈❁*❈┈❁●••┈❁

شال وموحشه داره
وسفه تنطفي انواره
مات وشاعت اخباره

الزهره اعليه وجعانه
الليله شال ابو الزهره

*الــ✍ــحاجه ام احمد الحچامي*

❈●••┈❁*❈┈❁●••┈❁

الزهره تنادي يايابه
المدينه ظلمه لغيابه
تنوح بحزن احبابه

داره اصبحت خلوانه
الليله شال ابو الزهره

الخـ✍️ــادمه ام زيد الشمري

❈●••┈❁*❈┈❁●••┈❁

الزهره تلطــم الهــامه
عليه تنحب ومحتامه
ابوها خلــصت ايامـه

تبجــي بروح تعــبانه
الليله شال ابو الزهره

أم صـ✍️ـــادق المنصوري

❈●••┈❁*❈┈❁●••┈❁

تون وتهمل الدمعه
ابد ماهادت البضعه
ماطاب الگلب صدعه

تسعر دوم نيرانه
الليله شال ابو الزهره

✍️ام محمد تقي الموسوي

❈●••┈❁*❈┈❁●••┈❁

تبجي بدمعه هماله
تون بهيده تنعاله
لربنه تشكي الحاله

الدنيا شلون خوانه
الليله شال ابو الزهره

الخـ✍️ــادمه ام زيد الشمري

❈●••┈❁*❈┈❁●••┈❁

تصيح بروح مهمومه
احاه يابوي يايومه
اضل للموت مالومه

من البجي عميانه
الليله شال ابو الزهره

📚🖌️ام زهراء

❈●••┈❁*❈┈❁●••┈❁

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

فزاعية نخوه للزهراء (ع )
((الوزن نصف بحر))
__________________

يابنت النبي ننخاچ
حاشه ماتفـشليــنه

✿──↻✿...✿↺──✿
جيــناج بگلب مهضوم
نريــد امرادنــه هلـيوم
بجاه احسينج المظلوم

اللـيله لاتــرديـــنــه
يابنت النبي ننخــاج

الشاعــ✍️ــره بتول الكربلائية

✿──↻✿...✿↺──✿

اجينه البابج الليله
همنه يــــمج انزيله
دمع عيونه انسيله

نريد امراد تنطـينه
يابنت النبي ننخاج

✍️ #علويه ام فاضل

✿──↻✿...✿↺──✿

اجينه ابلهفه وبلوعه
بجاه حسين وظلوعه
نشفي الهلت ادموعه

نظره منـچ اعليـنه
يابنت النبي ننخاچ

*الحاجه ام احـ✍ـمد الحچامي*

✿──↻✿...✿↺──✿

الحاجه يمج أگضيها
وفــدوه لاتــخلـيــها
وكل عقـــده تفليهــا

نــدري ماترجــعــينه
يابنت النبي ننخــاج

أم صـــ✍️ـــادق المنصوري

✿──↻✿...✿↺──✿

ننــخاج ونهــل عبره
الشفاعه نريد يازهره
بجاه الكسّروا صدره

كل ميت تحضرينه
يابنت النبي ننخــاج

الخـ✍️ــادمه ام زيد الشمري

✿──↻✿...✿↺──✿

ودعــنــه مجالســـنه
تظل تهمل مدامعـنه
نريد الزهره تقبـــلنه

وتسـجل اساميـنه
يابنت النبي ننخاج

📚🖌️ ام زهراء

✿──↻✿...✿↺──✿

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

قصيده لسيدتي ومولاتي سكينه بنت الحسين عليهما السلام
على طور حجي باسم انه خايف

المستهل👇👇

ياسكينه/راح اسولف عن حياتج انتي وحسين
ياسكينه/ابقى اذكرچ للابد كل هاي السنين

❃❥❀━((💎))━❀❥❃

راح اسولف قصتج يابنت الاطياب
شلون چنتي عايشه وي اهلج والاحباب
زغيره مليانه ترافه ووجه خلاب
والدج الحسين والوالده الرباب

ياسكينه/ وعمج العباس وإخوانه الشياهين
ياسكينه/ابقى اذكرچ للابد كل هاي السنين

❃❥❀━((💎))━❀❥❃

شلون من عفتي وي ابوج ارض المدينه
رحتي ويلي لكربلا ولهه وحزينه
من وصلتي گلبج ازداد بأنينه
گلتي بارضج البلا ونفگد ولينه

ياسكينه/نزلتي ويلي معززه بجاه الميامين
ياسكينه/ابقى اذكرچ للابد كل هاي السنين

❃❥❀━((💎))━❀❥❃

ايعينج الله من نظرتي حسين مذبوح
من القفه والشمر فوگه وطلعت الروح
ازدادت على گليبج الحسره والجروح
وانتي كل يوم بمصيبه ونايبه ونوح

ياسكينه/شلون عفتي حسين مرمي بالميادين
ياسكينه/ابقى اذكرچ للابد كل هاي السنين

❃❥❀━((💎))━❀❥❃

رحتي ياسكنه اسيره لديره الشام
والي يحدي الناگه ظالم وابن ظلام
والابو ميت وجسمه مملي بسهام
مارحم بيج الزمن صابج بالالام

ياسكينه/ مشيتي من ديره لديره وي الملاعين
ياسكينه/ابقى اذكرچ للابد كل هاي السنين

❃❥❀━((💎))━❀❥❃

وصلتي للشام وگعدتي بالخرابه
ويه عمتج زينب وكل الگرابه
سگف مابيها وتنامن عالترابه
ماتت رقيه واهي تصرخ يبابا

ياسكينه/يساعد الله گلبچ الشافاها بالحين
ياسكينه/ابقى اذكرچ للابد كل هاي السنين

❃❥❀━((💎))━❀❥❃

رجعتي بعدين لارض كربلا الگشره
تزوري گبر الوالي وي زينب الحره
حسرتج ماتنطفي وحسرة والزهره
على حسين الراح وخله الگلب جمره

ياسكينه/رجعتي وي زينب تسوون اربعين
ياسكينه/ابقى اذكرچ للابد كل هاي السنين

❃❥❀━((💎))━❀❥❃

ومن رجعتي للمدينه بگلب ملتاع
شفتي بيت الوالي خالي من السباع
گالت امچ السگف شيلوه وبساع
ابد ماريده عگب حلوين الاطباع

ياسكينه/تگول ماريده بعد وتجر بالونين
ياسكينه/ابقى اذكرچ للابد كل هاي السنين

❃❥❀━((💎))━❀❥❃

آخر ابيات القصيده عن صفاتج
فرح ماشفتي ابد والله بحياتج
متي مايمج ابوج ولاخواتچ
حتى زينب ماكو يمج في وفاتج

ياسكينه/گلبي لمصابچ ترى منجسم نصين
ياسكينه/ابقى اذكرچ للابد كل هاي السنين

❃❥❀━((💎))━❀❥❃

الخـ✍️ــادمه ام زيد الشمري

نسال •اللّـہ̣̥ القبول
ونسالكم الدعاء بتعجيل فرج مولانا صاحب العصر والزمان عج

https://www.tg-me.com/alkalm313