*محكمة*

*وزن هجري*

*مولاتي زينب ع في مجلس يزيد اللعين*
*(🏴🏴🏴)*

*كِيد كيدك وسعى سعيك*
        *صوت بت حامي الحمه*
  *والله مــا تـمـحي ذكرنه*
       *لا وحــگ رب الســمــه*

🔅🔅🔅
زينب ابمجلس يـزيـد
        وخاطبت طاغي العصر
ومحكمه نصبت ابداره
       وصوت زينب منتصر
ثوره صارت وبـأثـرهـا
          بـيّـنـت اهــل الــغــدر

*هـاي زينب بـت ابـوهـا*
        *عـلـي وامـهـا فـاطـمـه*
🔅🔅🔅
اول حجايه الحجتهه
          انت اسكت يا يزيد
اشجابك عله حسين كلي 
        ماخفت يوم الوعيد
اهتزت الاكوان لاجله
         يوم ظل فوگ الصعيد

*الأرض مطرت تواسي*
          *والصخر يبجي دمه*
🔅🔅🔅
الصخر يبجي عله حاله
            وصخر گلبك يانذل
ماحفظت النه القرابه
              لطه وي خير العمل
يسرتنه وسلبتنه
             واذبحت حته الطفل

*تدري آخرتك يظالم*
             *تصلى نار الحاطمه*
🔅🔅🔅
تدري ياجبد الفريته
       جبد سيد المرسلين
بالطشت ثغره تنكثه
         راس ثار الله الحسين
تناظره اطفاله اليتامه
           خاف ربك يا لعين

*شيل عنه الخيزرانه*
            *ريت  لعيونك عمه*
🔅🔅🔅
اليوم ديوانك اكلبه
              عليك وتحل كربلاء
بمحكمة ربنا ارد احكمك
             وينزل بعرشك بلاء
بيا عدل يادين تذبح
             أهلي يبن الطلقاء

*صرعى فوگ ارمال تبگه*
               *ارجال كاتلها الضمه*
🔅🔅🔅
*تمت بعون الله بقلم الشاعره ام يحيى العبودي .. ولايجوز حذف الاسم شرعاََ ونسألكم الدعاء*

*بتاريخ/28/7/2024

https://www.tg-me.com/alkalm313

الامام الحسن المجتبی ع

ابوذیات شاجیه🏴

سره سم الچبد حیـفه متانه
یکمّل المسیر وحْــــنی متانه
غمض جفنه ولا زایــل متانه
بجوده والکرم اعله الرعیه
🏴

تسسمم الحســن چبــداه متنه
العقيلـه تحضره وتشــيل متنه
رحل عنـه وجروحه حیل متنه
لچن نهجه فلا تموته المنیه

✍🏻الشاعره العلويه ام عباس الحسیني
🏴


https://www.tg-me.com/alkalm313

قصيدة (( دعوة الملايات الى العوده لطريق فاطمه))((عليها السلام ))




فهميني يملايه شتريدين

لطميات عل تكتك تنشرين ؟؟

بهل عمله العملتيها شتضنين

عليج بهاي تقبل ام الحسين؟؟

استريحي بهون نفسج لا اتعبين

بهالفعله رضاها ما تنولين

الزهره تريد منج من تخدمين

بخلاص وحراره الها تواسين

مستوره بحجابج من تلطمين

صوتج مو لكل احد تسمعين

بهالحاله شعائرنه تشوهين

تزيدين الجروح وما اطيبين

كلب ام الحسن اكثر تلجمين

وين المستحه والعفه جا وين

خادمت الزجيه من تكولين

وياها بعهودج كون توفين

تؤمرين باوامرها وتنصحين

تعظمين الشعائر يوم تقرين

لحسين المجالس مو تشرطين

اجرج يمها والله هناك تلكين

وبدرب الخدامه ما تخسرين

طبقي هالشروط الها تفوزين

بجنان الإله اهناك ترضين


✍️خادمة الموعود الغزي

٧/صفر/١٤٤٦

https://www.tg-me.com/alkalm313

*فزاعيه للسبي*
*((آلوزن تجليبه))*
-----------------------
اختك باليسر ويــنك ياعباس
زينبكم مشت من غير حراس
__

ويـنك ماتـــجي ولاتسأل عليها
تعال وشوف زينب شمر واليها
تراهــا مـدلله ومــنهـو اليداريـها
انهض ليها/عباس أگعد

آم صــــ✍️ــآدق آلمـنصـوري
__
انهض يابطل زينبـــــــــك مسبيه
ودمعات الحزن بس تكت مجريه
يسبها ابن اللعيـــــــن الشمر ليليه
ومچتفيها //يضربها بسوط
ام عـــــــــ✍🏻ــــلي البابلي
__
زرگه متونها بالحبل مجتــــوفه
مشت شام النوايب اختك اطوفه
گعدوني بخرانه موش مسگوفه
((لا ضل البيها ويحمينه))
ام وليــــ✍️ـد الموسوي
__
الحك ياكمر شلك بهالنومه
راحت لليسر والروح مهظومه
كعدت بالترابه تنوح مالومه

ملوعيها //بالشام اعداك

✍️ام زهراءالفاطميه
__
تعاين روس ولياها وتهل عيون
ترضوها بخرابه زينب يگعدون
ومن تنشد رقية لراسك يجيبون

(ماتت عالراس //امن بچاهه)

✍🏻العلوية أم منتظر جمال الديــــــــــــن
__
ماتت يا وسف عالراس گدامي
من شافت ابوها امخضب ودامي
چنت بيكم يخوتي شادة أحزامي

(خلوني ابوليت ظالم)

✍️زينب الواسطية

▪️▫️▪️▫️▪️▫️▪️▫️

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /4/ صفر / 1444هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره


https://www.tg-me.com/alkalm313

قصيده لتخيالات حتميه
وزن بحر الطويل
مفاعيلن مفاعيلن • مفاعيلن مفاعيلن
..............

تخيلته ملك الموت چن شفته الي امتاني
يناديني يعبد الله. قبض الروح عنواني
🗻🗻🗻🗻🗻🗻🗻🗻

صرت حاير ودير العين. گرب يمي ملك الموت
لزم ايدي وخذ روحي. چني فتت بطن الحوت
ظلام وماشـفت دربي. اصيح وماعِله هالصوت
اگله دخيل انه ردني.گبل جسمي الگبر يفوت
يگلي مـاالك رجعه. فلا چاره
ونــه مبهوت

حرت بمري
آيـــا دهري
شـنو عذري

انا المغبونه ايامي. و حب هالدنيا اغراني
🗻🗻🗻🗻🗻🗻🗻🗻

شفت يمي انا احبابي. على القبله يديروني
احس روحي لفوگ اتحوم. الحگوا ليه لزموني
انا خايف انا حاير. اصيح ومايسمعوني
دموعي جاريه بخدي. دخيلكم لا تعيفوني
فلا ردو عليّ ليش. اشوفهم ويشوفوني

انــاديـــهـم
انـخيــــهـم
شــنو بيهم

يونون وعليّ يبچون. عجيبه الي اشوف آنـــي

🗻🗻🗻🗻🗻🗻🗻🗻

خذاني وتركت اهلي. منو عندي يساعدني
اصيحن لا لَـتاخذني. وگول امروتك هدني
اتوب لله فلا اعصي. لون الحالتي اتردني
يگلي لا بعد هيهات. وخيب إلي كل ظني
ذنوبي حضرت اگبالي . وشنو سويته بزماني

يريـت ارجـــــع
اجـــر اجمـــــع
عمــل ينـفــــع

حرت بمري آيا ربي.نعش فوگه وخلاني
🗻🗻🗻🗻🗻🗻🗻🗻

وصلت البت المغيسل. خذاني ابعجل غسلني
صرت بيده انا جنازه. يمين ويسار يگلبني
يصب الماي على جسمي. سدر كافورو حنطني
بعد شنهو شفت حالي. كفن ابيض ويكفني
وشدني شده ملويه. اجى الدفان ليدفني

علـــيّ غُـمـــــــه
آهي اشـعـظمــه
وحــش ظلمــــــه

گبر اسمـــه بليـه باب. خذاني وبي واراني

🗻🗻🗻🗻🗻🗻🗻🗻

صرت اخرس بعد شحچي. شفتهاابــعني الحفره
نكير ومنكر اجـوني. طحت ابشده وبعسره
گلت چاليش انا خايف. انخي بفاطمه الزهره
موالي ومن زغر سني لآل النبي والعتره
اريدنكم تحضروني. نزل خادمكم ابگبـــــره

يبــو البـضعه
اللحد وســعه
اريــد شــمعه

شفيعي انت يالمختار. وبد لا لا متنساني

✍️الشاعره العلويه ام عباس الحسيني

https://www.tg-me.com/alkalm313

*((قصيده موشح لاربعين الحسين ع))*
___

بأربعـين حسين شلت الرايه
جيت بجدامي ركض مشايه

بتعب مااحـسن ابد
حبه بادي من المهد

جيت بجدامي ركض مشايه
__

جيت متعنيه مشي بجدامي
للحسين وماحسـبت ايامــي
صرت اشوفن گبته بأحلامي

أگضي عمري بالمشي
حتى لو احبـي حـبي

لو تصير دروبــنه دمايه

___
بالمشي كل سنـــه صارت عاده
كل محب لـحسين صاح ونــاده
ارواحــنه نفديهــا لابـــن الساده

گاصد الطف كربله
وبمســير القافــلـه

نواسي زينب بالدمع وفايه
__
نواسي زينب باللطم وياها
وين كل اللي اجه وعـازاها
سجل اسمه وبصمته خلاها

بين عــباس وحسـين
اووگف بين الحرمين

من المواكب لو سمع القرايه
__

اويه المواكب يلطم اعله الهامه
على حسين وطـفله وي جســامه
وهــذا بالموكب يدگ دمامـــه

والخدم نــال الاجــر
هاي فرصه من العمر

نعمة الله حسين دربه هدايه
__
نعمة الله وانكتب عنوانه
خادم حسين واله مشانه
لو نمر عالموكب و حيانه

هـله بالـزاير يگـول
احلفك بأبن البتول

الليله يمي تبات گلي حچايه
___
الليــله يمي تبات يتـوسل صــدگ
يغسل اجــدامي من كــثر السحگ
حب الحسين وعمه عيونه العشگ

عاشگ حسين بجنون
وبعد يرخصها العيون

حسين بالشريان يسري ويايه
__

*تمـــــ بعونه تعالى ــــت*
*بقلم خادمة المنبر الحسيني*

*ام صـــ✍ـــادق المنصوري*

*بتاريخ 16/صـــفر/1445هـ*

*لااجيز شرعا" حذف اسمي من القصيده او تغيير الكلمات*
*نسألكم الدعاء والفاتحه الى روح والدي*

https://www.tg-me.com/alkalm313

قصيده للسبي
الوزن المستهل خايف عليها
النص فائزي
ـــــــــــــــــــــــــــــــــــ

آه يالحزينه آه يالحزينه وشلون مشوچ بسبي آه يالحزينه
وي الضعينه وي الضعينه بس العليل بلا حمه وي الضعينه
┉❈🔹(🔵)🔹 ❈┉

ايساعدها الله مخدره تمشي سبيه
وبرغم كل اللي جره وذيــج الرزيه
ضلت عزيزه وصابره بت الزچيه

رباتك عَلِينه ، رباتك عَلِينه، هاذي اللبوه مأصله رباتك عَلِينه

✍🏻العلوية أم منتظر جمال الدين

┉❈🔹(🔵)🔹 ❈┉

تمشي بفخر وماصله ومرفوعة الراس
وبهيبة حسين وي البطل زينب متنجاس
حشمه وجلاله بت علي متريد حراس

ساعد يمينه. ساعد يمينه وبزود اخوها لو حجت ساعد يمينه

✍️أم أحمد الهاشمي

┉❈🔹(🔵)🔹 ❈┉
زينب على النوگ الهزل من صعدوها
لو بجت بدموع انحنت بسوط اضربوها
بحسين أخيها وبالابو ليش أشتموها

تصيح نولينه تصيح نولينه عباس وينه كافلي تصيح نولينه

✍️ام صادق المنصوري

┉❈🔹(🔵)🔹 ❈┉



اتصيح انولينه ياهلي گعدولي ابساع
وين الحميه انريدها منكم يالاسباع
نسوان ظلينه ابهظم حفاي عالگاع
ماصح بدينه ماصح بدينه ايخلونه يمكم نون ماصح بدينه

✍️أم أحمد الساعدي
❈🔹(🔵)🔹 ❈┉

ياوسفه يمشن للغرب والدمع همال
ليش العقيلة بت علي يجروها بحبال
ضيم الي مر وشافته ايهدمله اجبال

البطل وينه
البطل وينه
ايشوف الجره بنت النبي
البطل وينه

✍️زينب خضر الواسطية
┉❈🔹(🔵)🔹 ❈┉



بهداي يبچن والدمع دم ايتجاره
بلغرب ضلن بس حرم اسرى وحياره
مابطلن دمع النسا ليل ونهاره

عليهم بچينه عليهم بچينه ابيوم راحو للسبي
عليهم بچينه

✍🏻 الحجيه ام علي

┉❈🔹(🔵)🔹 ❈┉

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /4/ذو الحجه / 1443هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره

https://www.tg-me.com/alkalm313

*قصيده للمشايه اربعين الحسين ع*

*الوزن عگيلي*
__

مشايه امشيلك يحسيني
وازحـفلك حـتى بچفيني
___

رايح لــبن الزهره امشيله
وتسبيحه المولاي اهديله
دربـــي وماابــطل تبـديله
لآخــر عــمري وكل سنيني
_
لآخر عمري اهتف بأسمه
اللطم حد ماصدري يدمه
كون اگــطع انفاسي يــمه
وداع ومــابينــك وبيني
__
مابينك أگــعد بالحضره
مولاي انت وابن الزهره
زياره بعتابك كون اقره
ملــهوف وانــت تدريني
__
ملهــوف وجيـتك عنايه
بجــدامي حـافي مشايه
احبــك تدريــني هــوايـه
دمعي عليك وكل اونيني
___
دمعي عالــخد كل دروبي
امشي ولابــس اسود ثوبي
انت حسيني چگد محبوبي
متــفارگ صــورتك عيني
__
روحي وعقلي هيام جنوني
حبي حسين وماي عيـوني
خادم للمـــوت تعـــرفوني
عمـــري بـكل دربه يمشيني
_
*تـــــــمــ بعونه تعالى ــت*
*بقلم خادمة المنبر الحسيني*
*ام صـــــــ✍️ـــادق المنصوري*

*بتاريخ 28/محرم /1445هـ*🌙
*لاأجيز شرعا" حذف اسمي من القصيده او تغييير كلماتها*
*الفاتحه الى روح والدي وعمي*

*نسألكم الدعاء*

https://www.tg-me.com/alkalm313

*قصيده لمشاية اربعين الحسين ع*
*((طور سيد فاقد خادم انا))*الوزن هجري
_

مشايه اروح، ، مشايه اروح، ،مشايه اروح
واعتنيلك حسين، ، واعتنيلك حسين
__
جيــت هــذا الــدرب اسيره
ابــد مــايــرعــبني خــوف
من جنــوبه الحــد شمالــه
بعيني بس حسين اشوف
اجــدامي ورمـتهاآلمسافه
بأسـمـك جـروحي تـروف
فدوه الــك عــمري وحياتي
آوياك روحــي بالطــفــوف

بأسمك انوح، ، باسمك انوح، ، باسمك انوح
صوتي يلهج حسين ،، صوتي يلهج حسين

آم صــ✍️ــآدق آلمـنصـوري
_🌐____
صوتي يلهج ويه زينب زحوف نمشي الحضرته
حسين ما ننسه مصابه وگطع راسه وجثته
كل سنه نمشي ونريده يسجلنه ازيارته
كعبه مولاي ونطوفك نريد باجر وگفته
انهل الدمع انهل الدمع انهل الدمع
مولانه حسين مولانه حسين
ام وليـــــ✍️ــــــد الموسوي
__🌐_
ابد مابطل عزائي مستمر طول السنين

مااعوف حسيني يشهد ربي واحلفله يمين

شما اسويلك أمامي ابد لا ماوفي دين

ليك ونجدد عهدنه وعهد للماعنده ادين

نجدد عهد
نجدد عهد
نجدد عهد

منعوفك حسين
منعوفك حسين

✍🏻 الحجيه ام علي
__🌐_
كل افق جتك تزورك شيعتك
لبت نداء
نساعد امك بالمصيبه نواسي زينب بالعزاء
مو لاجل دنيه ومثوبه لا اجل حسن الجزاء
ارواحنه تعشق هواكم يبن سيد الاوصياء
نهتف نداء ،،نهتف نداء ،،
نهتف نداء
لبيك يا حسين
لبيك ياحسين
✍🏻العلوية أم منتظر جمال الدين
__🌐_
مو على الرجلين نمشي نعتني فوگ الرؤؤس
يلطريق الجنه دربك ومنه ناخذها الدروس
كرم واخلاق وبساله وتضــــحيه بكل النفوس
ابد ماتمـــــــنعه عنك لو على الجــمره ندوس
بدربك نموت
بدربك نموت
بدربك نموت
نضل نصرخ حسين ،،، نضل نصرخ حسين
ام عـــــ✍🏻ــــــــــــلي البابلي
_🌐__

ويه ضعن ام خدر جينه نمشي حافي . الكربله
نلطم اعله الراس نبچي وي بواجي العايله
ويلي من كثر المصايب اجت زينب ناحله
صاعده فوگ المحامل والمحامل مايله

الحيل انهدم
الحيل انهدم
الحيل انهدم

ردتلك حسين ردتلك حسين

✍️ام حسين الحسني
ــــــــــــــــــــــــــــــــــــــ

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /16/ صفر / 1444هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره

https://www.tg-me.com/alkalm313

#استشهاد الامام الحسن ع
قصيده بلحن مرت سنه ونص
🔗🔗🔗🔗🔗🔗🔗🔗🔗🔗🔗🔗🔗


يحسين اخونه خل نتجيله
مسموم والسم ماخذه لحيله

مخطوف لونه وهسه ماردنه
خافن يروح الغالي من عدنه

〰️〰️〰️〰️〰️〰️〰️
الغالي گبالي
تدري ببو محمد عزيز امي
من السم مألم
يلوج الولي وانه كثر همي
تغير ومصفر
مخطوف لونه يا بعد اسمي
يودع اسمع
بصوته الحنين ومدمعي يهمي

إيودع الليله ابو محمد
وبغيبته كل حزن يتجدد

مصابه كلف اعزيز والدنه
خافن يروح الغالي من عدنه
〰️〰️〰️〰️〰️〰️
بخنگه وحرگه
اكتم يخويه عبرتي مگدر
ونته سكته
گبالي يلوج وگلبي يتحسر
بغصه وصه
يحاچيك يحسين بدمع ينثر
يبجي ويحجي
ليومك يگلك يا ابو الاكبر

يحسين يومك صعب ما مثله
ويا كربلا منها الهظم كله

يوصينه گام ومحنته محنه
خافن يروح الغالي من عدنه

〰️〰️〰️〰️〰️〰️

بونته سمعته
يوصي الگمر واني انخطف لوني
يگله تكفله
ضعن العزيزه زينب عيوني
يگلي اتحملي
همومج جبيرة وبيج وصوني
انتِ يختي
وصية اهلنه وهسه تدروني

حان الوداع وجتي امنيتي
گتله فديتك يا عمد بيتي

صعبه وداع الحسن المچنه
خافن يروح الغالي من عدنه
〰️〰️〰️〰️〰️〰️〰️
خيم إلهم
علينه واخونه آلامه مشتده
مأيسه هسه
شفته يواري الطشت بيه چبده
عميه اتمنه
ولا شوف المصاب العليه يسده
غمض وانهض
ردته يرد اجوابي ما رده

يتغمه من الألم ابن امي
صعبه اشوفه والحزن سهمي

وشلون اخوي العود اودعنه
خافن يروح الغالي من عدنه

تمت بحمد الله

✍️نبضي حسين
https://www.tg-me.com/alkalm313

رجاليه للعقيله زينب ع وهي تشكي الى اخبها العباس ع
■■■■■■■
على الكبر كتبوا يزينيب ارحلي
وانه بلشامات وحدي ابلا ولي

يكلون يله ابساع <شيلي
شتكول عني ياكفيلي
■■■■■■■
ردوا اردود ابحقدهم خويه اخبرك هلكفر

وانه اوجهلك كلامي يبوا فاطل وانتظر

هددوها لختك الحك صحت وينك ياكمر

خويه ياعباس وانت ابد ماظلك عذر

انته اخويه وانه اختك
لاتحيرني على بختك

يكلون يله ابساع شيلي
شتكول عني ياكفيلي
■■■■■■■
خويه هلاشرار عادوا ارد اخبرك من جديد

عادو الاشرار خويه ارد اخبرك من جديد

ارحلي من الشام صاحو يله هلساعه نريد

ابسيفك احصدهم يخويه صحت وينك يلعميد

كلها ليه اردود عادت بلحقد زمرت يزيد

ما كفاهم من سبوني
يسيرة وياهم خذوني

يكلون يله ابساع شيلي
شتكول عني ياكفيلي
■■■■■■■
ارد اوجهلك اعتابي خل يصل للغاذريه

بلجي يسمع صوتي اخويه اويجي ليه

اشسوت الكفار يابه الفظل بيه

اشسوت الكفار بختك صحت الحك ياشفيه

انت ابن حيدر علي
وانه ظاخرتك الي

يكلون يله ابساع شيلي
شتكول عني
ياكفيلي
■■■■■■■
جانت الزوار تزهي ابوسط صحني

هددهوها الشيعتك عباس تالي ارحلوا عني

ظليت وسط الكبر بس اجهر ابوني

بلكلر ظليت وحدي خويه انه اجهر ابوني

لامحب يمي الاجاني انتحب وابكيت لني

مرقدي ياخويه خالي
اشلون تقبلها يوالي

يكلون يله ابساع شيلي
شتكول عني ياكفيلي
■■■■■■■■
حته طفلتنه رقيه يبو فاظل هددوها

لاجن اابدعوت الباري الكفر ليها مااجوها


اجماله هلكفر اعليها افراك ابوها

جماله علشافته منهم الطفله وعلفراك ابوها
من جابوا الراس ابطشت اوبيه افجعوها

رقيه فوك الراس نامت
كلبوها ولنها ماتت

يكلون يله ابساع شيلي
شتكول عنيياكفيلي
■■■■■■■
مرقدي ومنايري من جانت. تنور

ابكل صلاة وبكل فريظه الكل حظور


بلدعاء يم كبري جانت كلها اشوفنها تدور

ساعدج الله يزينب انت يم كلب الصبور

اشكد تحملت الاذبه
من يزيد ابن الدعيه

يكلون يله ابساع شيلي
صحت وينك وينك ياكفيلي
●●●●●●●●
لشاعرة اهل البيت ام عمار الصائغ الفاتحه الى روح ابنتي وامواتكم
https://www.tg-me.com/alkalm313

.على طور مرتظى حرب ذبوا عمايمهم
لرجوع زينب...ع... الى قبر اخيها الحسين ع
💠⚜️⚜️😭⚜️⚜️💠
جتكم اخيتكم
زينب تعاتبكم

عتبي على ألعباس راعي الهيبه

ماكَال جنتوا وين هاي الغيبه

خليها تخبركم
زينب تعاتبكم
💠⚜️⚜️😭⚜️⚜️💠
َكعدت على كَبر الولي محزونه

واتصيح كوموا ابساع وتلكونه

ياخوتي نهظوا من الكَبر حاجونه

بليسر جنه ويه العده تدرونه

والمجلس ايزيد العده اخذونه

والشمر يحدي وياي
واشلون ترظه ابهاي

اوبينه مشمت يزيد الظالم

يشتمنه خويه اكَبال كل الوادم

ترظاها شيمتكم
زينب تعاتبكم
💠⚜️⚜️😭⚜️⚜️💠
دكَيت باب الكَبر بيدي اوانحب

وادموع من عيني على خدودي اتصب
عليكم يخوتي جيت انه ارد اعتب
ترظون اختكم بسم ابوها تنسب

عباس خويه حسين
كَللنه جنتن وين

ابسوطه خوله كام يظرب سكنه
شيريد هل الملعون هاذا منه

عليهم اخبرنكم
زينب تعاتبكم
💠⚜️⚜️😭⚜️⚜️💠
محد نهظلي وكَال اجت خيتنه

شهرين الها ام الخدر عافتنه

واساع نومه بلكَبر شافتنه

كعدوا يخوتي للحرم ندهتنه

ماظل صبر عندي
بس اصفك ابيدي

اشسوت اعدايه بيه ارد اكَلهم

امدمايه جبت الروس واعمايمهم

هل جايه يمكم
زينب تعاتبكم
💠⚜️⚜️😭⚜️⚜️💠
يحسين كَلي وين عفتي رقيه

حظنت الراس اوليها اجت الامنيه
بلشام ظلت نايمه الابنيه

واشصار خويه ارد اكَلك بيه

نامت على راسك
رقيه اعز ناسك

ظليت الطم واسجب انه الدمعه

واعليلنه مهظوم محني ظلعه

واميسه منكم
زينب تعاتبكم
💠⚜️⚜️😭⚜️⚜️💠
تمت بفضل الله ب🖊️شاعرة اهل البيت ام عمار الصائغ الفاتحه الى روح ابنتي وامواتكم
غيرمبري الذمه من يحذف الاسم
اوينسب الكلام لنفسه
https://www.tg-me.com/alkalm313