☘لاستشهاد الامام السجاد ع☘

على طور /للحومه اعتنيتك
الرادود المبدع / محمد الطرفي

كاني بلسان حال الزهراء ع ترثي
الامام السجاد ع شتگول :-

جثيره الگوم والصحبان سبعين
والعدوان هجت  مثل الوحوش...
لبس درعه وطلع ابن الميامين
ابو الباقر ابد ماهمته جيوش...
صال وجال بيهم سبع ضرغام
بصولاته علي هز حتى العروش...
فنه اليوصله ماينگدر دوووم
مثل عمه بطل يتسمه مريوش...
فاحت الريحه ... صاحت الصيحه ... سور ويهدمّه
سجاد يايمه  يايمه   يايمه
🏴🏴🏴🏴🏴

قاتل وي ابوه شوّفهم الويل
بسيفه الباشط وماتعب هيهات...
تصوّب بالمعاره  وحل الحزام
ندامه وحيف جسمه بي جراحات...
ظل ايون وابد مايگدر يگوم
وعمته تشدشد  جروح الصوابات...
يلوب من الجروح بليل ونهار
بوسط الخيمه نايم يجهر اهات ...

بالعطش والحر ... من الوجع يسهر... وامه تخدمه
سجاد يايمه  يايمه   يايمه
🏴🏴🏴🏴🏴

صارت ليلة العاشر بالطفوف
حرگوهه الخيم ذوله الملاعين ...
وظل عباس يم النهر مطروح
وابوه حسين حزو منه الوتين ...
والنسوان فرت منها الاطفال
وزينب حايره تنطي الوجه وين...
والسجاد مابي گومه ياناس
يحامي العمته والباجي النساوين...

لزم عصاته ... يحامي عماته ... بس ثگل هدمه
سجاد يايمه   يايمه   يايمه
🏴🏴🏴🏴🏴

مشه ويه السبايه بخس كل حال
يجر بالجامعه وهيه التجره...
يعاين عل رماح الروس تبراه
تتگاطر دمايه شعظم صبره...
مدري يحير باطفال اليتاما
لو ذباح ابوه  اليسبي خدره...
تمنى ايموت ويه اهله المذابيح
ولا دمعة رقيه الجنهه جمره
ايزيد واعوانه ... يطب ديوانه ... بصوته ايردمه
سجاد يايمه   يايمه   يايمه
🏴🏴🏴🏴🏴

للسجاد اجيت بهومه ياناس
ادور بالبقيع ومحني ظهري...
بس تراب شفته بين الگبور
وانه ناحله ودموعي تجري...
لگیته موسد التربان العليل
مسموم  الولي خاين يدهري ...
حمل لوعات بالطف جان معلول
وي زينب حده ويگلها اصبري..
الجامعه بيده ... مزنجل بجيده ...  ويه جدمه
سجاد يايمه   يايمه   يايمه
🏴🏴🏴🏴🏴



✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
https://www.tg-me.com/alkalm313

نعي للسجاد عليه السلام 💔😢

ونت قهر ونيت هل يوم
للمات ويلي اعليه مسموم
وابجي بعد للمات مظلوم
يايومكم مر وفجعنه

يوم الحسين اسود فجعنه
خل نبجي ونجهر الونه
كله اله هذا حزنه
لعمي لهل زينب عيوني

ارد انحب انحيب واون حيل
عالعابد المانام بليل
من ونته خلصان الدليل
احاه ياعملة زماني

ياكربله وياعملة البين
وياحيلي طاح بطيحة حسين
عازوني هلو دمعة العين
للموت اون وانعى عليهم

ظليت اون ونات ونات
الحد مادنت مني الوفات
ابجي اعلى ابوي وعالسبيات
ويلاه ياكلبي وعذابه

كلبي تعذب من شفتهم
اهلي وعالغبره عفتهم
بدموع عيني غسلتهم
شايف مرار وضيم كلبي يابويه

ضيم اليسر حط عله بيه
واعاين على عمتي السبيه
واذكر مصاب الغاضريه
جم لوعه الك خايب يكلبي

لوعات شفت اشكال والوان
كلبي انمله ياناس باحزان
ودموعي لجل حسين غدران
للموت والونه بكلبي يابويه

مسموم واتذكر العطشان
والمشت حرمه بغير وليان
واذكر بچي وذبحة الرضعان
من يومهم مانمت ليلي يابويه

ونو اعلى زينب واعلى اهلها
شافت مصايب من جهلها
ويلاه يالطايح حملها
كله لهل زينب ونيني
..........
#تمت بعون الله تعالى
#بقلمي ام احمد البصراويه ✍🏻
https://www.tg-me.com/alkalm313

قصيده ثقيله للامام الحسين
زينب توصف رض الخيل لجسد اخيها



ايساعد الله الشافته
خيول عشره داسته

زينب لخوها تنادي.....ركضت تطر الوادي
يساعد الله الشافتة
____
               (   ١)

يساعد الله الشافته حسين اخوها بوادي
والخيل حاطنه غفل وكبالي موقف بادي
خيل اعوجيه الداسته ابن النبي الهادي
ناديته يانور النظر وعليك شني الصادي
دبجن عليه العشره
مرتين رضن صدره

زينب السمعت ونته
يساعد الله الشافته

✍طالبه الزهراء
__

                (  ٢ )

حسينٍ هذا  البالفله ياجدي الحك لينه
صارت الدنيا مظلمه وعجت ترابه اعلينه
اخيول كثره رضته وحرمله اسوه بينه
خلوني اشوفنه الولي اسمع بأذني ونينه
كل ضني يفزع لينه
لويدري  ميسرينه

علرمضه غصبن خلته
يساعد الله الشافته

✍ام علي المالكي
__

                   ( ٣  )

وصلت لجثته مهشمه لطمت ودك علراس
صاحت يبو طول الحلو بعدك يشيب هلراس
دبج الخيول الداستك محد فزع من الناس
مرتين ردن بلركض بيك الالم ما ينقاس
ومهشمات اضلوعه
بيه فاطمه مفجوعه

حسين انته سألته
يساعد الله الشافته

✍طالبه الزهراء
__

                   ( ٤ )

اكعد وشوف اختك تره امشيبه وكبرانه
حسيت بالزهره أجت يحسين امي اهنانه
ولزمت ضلعها ونتجت بنحرك تشم ريحانه
ولزمت اظلوعك وبقهر وناحت يوالي ويانه
يايمه ضكت اللوعه
ياونتي المسموعه

ظلت تون ماعافته
يساعد الله الشافته

✍ام علي المالكي
_

                    ( ٥ )

يا يمه صاحت وسمعت همهمت امي الزهره
جنها تكول بكل الم يا ويلي كطعو نحره
وتضل ثلاث ابلا غسل وزينب اسيره الحره
اسمعت كل هذا الحجي وجريت اه بحسره
شكوانه لله الباري
وحسين بطف عاري

الزهره شبكت جثته
يساعد الله الشافته

✍طالبه الزهراء
__

(٦)

ضلت تون امي وتحن وجريها آنه الونه
جاليش ابني ينذبج ياشمر وخر عنه
وتگول ضامي بكربله والگلب يابس چنه
لوچان يمه ابو الفضل محد يجي ويدنه
الخيل داست نحرك
اردود كسرت صدرك

نزلت يويلي دمعته
يساعد الله الشافته

✍ام علي المالكي
___

تمت بعون الله تعالى باقلام
طالبه الزهراء +ام علي المالكي

https://www.tg-me.com/alkalm313

عذبنه السكوت
قصيده للامام الحجه //عج

يا طول انتظار
للشيعي اختبار
يظهر نرتجي......
عذبنه السكوت
موت ابلاي موت
بدموع وبجي.....
ـــــــــــــــــــــــــــ
ننتظرك يبعد الروح عدينه
صبر ايوب
يا نشوه غرام وشوك من بعدك
جروح تلوب
مر بينه بجفاف العوز عن
عشكك ابد منتوب
لو كثرن سواجي الاه  يم بحرك
  تطيح اذنوب

تشكيلك عيون
ميهمها الظنون
ما يغري الحجي

✍طالبه الزهراء القريشي
🤍🤍🤍🤍🤍🤍
مل منه الصبر والنوح  شبه
  الصحره بغيابك
تدرينه بهيام وشوك بلهفه
الشمه اعتابك
علينه طالت المده يمهدي ويصعب افراگك
وعلينه تشع ضوه شمسك تفرح بيهااحبابك
يانور الوجود
ننتضرك عهود
نشكيلك نجي
✍ام سجاد الشهيد
🤍🤍🤍🤍🤍🤍
يا ماي المعين انته  عليك الامه عطشانه
الحگ ياسفينة نوح شوف الشيعه غرگانه
بامواج الظلم والجور
المرض مولانه سلانه
علينه التمت الفجار ومكر  ابليس هدانه

ياتالي الحجج
ننتظرك فـرج
بسِدك ننتچي

✍️أم محمد علي الشيباني
🤍🤍🤍🤍🤍🤍

ساعات الامل تدعي وتتأمل يطر فجرك
ظلام الدنيه يا موعود وصدور التظم سرك
ماتت ضحكة العشاك على سجـــــــه الخذت صبرك
يا محي الشريعه بزود جند يا سيدي تنطرك

مولانه الــمدد
نصبر وشبــعد
يا صوت الشجي
🖊نبضي حسين

🤍🤍🤍🤍🤍🤍

يمته نسمع الصرخه . ويأذن خبــر عاجـل
الحق ظهر ياهلناس. بسيفه يمحق الباطل
وميزان العداله يسود .واليحكم رجل عادل
غض وطري يعود الدين.
يخزي الباطل وما ضل

ونشرب منهلك
ياتالي هلـــــك
ياطيب وزچي

✍️. أم محمد علي الشيباني


🤍🤍🤍🤍🤍🤍
تم باقلام  رابطة ساقي عطاشا كربلاء

https://www.tg-me.com/alkalm313

انته الي كلشي الي
وين يمشي الماله ابو
انته ابوي وكل هلي
حسين~~
حسين~~
****
لو كدرت اطوي الدرب والدرب كلش طويل
وانه حيلي ابلاي حيل والوكت بيه يعيل
ارد اجي يمك وسولف حسرتي حملي ثجيل
هاجمني..المصايب وين اروح
هاجمني..وبتدت رحله جروح

بغيرك بعمري شلي
بحضرتك جنه دفو
انته ابوي وكل هلي
حسين~~
حسين~~
✍طالبةالزهراء
*-***-*
ارد اجي يمك واسولف بيه شمسوي الزمن
هاجمتني هالمصايب دارت اعلية المحن
لحضرتك مشتاقة روحي وللزيارة شكد احن

اشتكيلك... حزني واشواك الكلب
اشتكيلك.. اعليك باعدني الدرب

مشتاكة الك يابو علي
بحنانك وين اكو
انت ابوي وكل هلي
حسين~~
حسين~~
*-***-*
العندة حاجة ويشتكيلك سيدي لا مايخيب
والمريض اليعتنيلك يوصل البابك يطيب
حسين ياموطن حياتي ياحبيب الكل حبيب

بلا وجودك... كلشي بالدنيا عدم
بلا وجودك... يعني هالدين انهدم
همومي يمك تنجلي
انت امي والاخو
وانت ابوي وكل هلي
حسين~~
حسين~~
*-***-**
مال حملي ياخو زينب وانت شيال الحمول
هموم البصدري جثيرة وحايرة عنها شكول
مدلي جفك واحتويني بحاجتك يبن البتول

مدلي جفك... مولاي تعبني الزمن
مدلي جفك... كثرت اعلية المحن
غيرك انت منهو الي
ياوالدي كلي منو
انت ابوي وكل هلي
حسين~~
حسين~~
*-***-**
الدنيا غرتني وخذتني عنك بدرب البعيد
رغم كل تقصيري لكن عطفك اعلية يزيد
خل مني يروح كلشي
حسين غيرك مااريد

ياحبيبي... هواي تعبتني الذنوب
ياحبيبي... رايد ابابك أتوب
لاتسد بابك علي
انت للمذنب عفو
وانت ابوي وكل هلي
حسين~~
حسين~~

ضحى البلوشي ✍🏻
تمت في مجموعه قرابين الطف

https://www.tg-me.com/alkalm313

وكت خلة العقيلة بعازة خوان
ووكت ساقي العطاشة يموت عطشان
ووكت خلة الشمر يحدي الاميرات
و وكت خلة الستر ع الغبرة عريان
وكت لبوة علي تحديها الأضباع
ويتمرجل عليها المالة اسم جان
من طاح الكمر واعلى النهر مات
صفة ضعن الفواطم بيد عدوان
بت القلع خيبر تدخل السوك
هنانة وبينت عازات الحنان

ضحى البلوشي ✍🏻

https://www.tg-me.com/alkalm313

#باب الساعات//

#الرواية
..... قل لصاحب هذا الرأس أن يقدم الرأس أمامنا حتى يشتغل الناس بالنظر إليه، ولا ينظروا إلى حرم رسول الله صلى الله عليه وآله قال سهل: فدنوت من صاحب الرأس فقالت له: هل لك أن تقضي حاجتي وتأخذ مني أربعمائة دينار؟ قال: ما هي؟ قلت: تقدم الرأس أمام الحرم ففعل ذلك فدفعت إليه ما وعدته.

الأنوار - العلامة المجلسي - ج ٤٥ - الصفحة ١٢٨

ــــــــــــــــــــــــــــــــــــــــــــــــــ

الراس جدام... خله يا عم يا سهل يشغل نواظر
الراس جدام.... عيونهم بسهام ترميها الحراير

عمي هذا مطلبي
تعبانه هالسبي

الراس جدام... الراس جدام

.....................................

انه سكنه... وبالف محــــــــنه
وهذا راسه لوالدي يستر ضعنه

آه يالشام... كلها آلام
شگد يأذينه الذي يعاين وضعنه

خيال ما جان اليبين لفاطميه
ويادلال الخدر وايام الخليه
دار بينه الزمن ابنات الزچيه
ولني وي عماتي واخواتي سبيه

انخزينه.... من كثر نظرات فاضت بالشماته
انخزينه... وعنه غايب الگمر هيبة خــــــواته

ما حضرنه الأبي
تعــــــبانه السبي

الراس جدام... الراس جدام

✍🏻نبضي حسين

┈┉━━ • ✲ •  📜 • ✲ • ━━┉┈

گتله ياعم،،،،الناس تلتم
واحنه جدنه المصطفى او علي جدنه

شوفها الناس،،،ماكوا عباس
ياحسافه اذبحوا كلهم زلمــــــنه

صعبه هل غربه تشوف اخيالنه
وين ابو الغيره يشوف احوالنه
ابابها الساعات ماهي ابالـــــنه
الشمس تصهر غيرتهه الوانـــه

انهظمنه …..گالوا اعلينه سبايه اجوا بينه
انهظمنه….وامنه فاطمة الزچيه احنه انسبينه

يحدي بينه اجنبي
تعبّــــــــــانه السبي

الراس جدام….الراس جدام

✍🏻ام علي المالكي

┈┉━━ • ✲ •  📜 • ✲ • ━━┉┈

نظر هالناس ٠٠٠ يجرح احساس
وهل الوضع ياعمي ابدن ما احمله

بلايه حراس ٠٠٠ بلايه عباس
صعبه يزجرنه اللعين ودمعي اهمله


من بعد عين الكفل عين الشماته
والله ياعمي ترانه مخــــــــدراته
زحمه تنظر الخلگ لمدللاتــــــــه
اليحدي بينه بلا رحم تضرب عصاته

اتمنه هسه... كون حاضر عمي يا بدر العشيره
اتمنه هسه....ما يمرنه الضيم وياه لبو الغيره

امولحه كلها العبي
تعبانــــــــه السبي

الراس جدام.... الراس جدام


✍️ام مهدي الفرطوسي

┈┉━━ • ✲ •  📜 • ✲ • ━━┉┈

فار دمي....اشكثر همي

وگفه بين الناس ويكفها الشماته

ماكو يمي.... السبع عمي

جا گلبها الشام وامشينه ابحماته


عمي شوف اشلون يجدح جمر عينه
راس ابويه عله الرمح يحمي الظعينه
غيره واحساس وحمه ابنظرة ولينـــه
خوفه لا طيحت عبي ابموته وسبينه

جروح وآهات...مايكفيها دمع لونازل دموم

جروح وآهات...عيد بالشام وفرح لحزانه اليوم

احنه اهل بيت النبي
تعبــــــــــانه السبي

الراس جدام ...الراس جدام

✍ام اسعد الشمري


┈┉━━ • ✲ •  📜 • ✲ • ━━┉┈

گتله رجعه.... نشف دمعه
عينه تنظر للحرم دم تبچي لينه

ماكو رحمه.... فدوه كلمه
عمتي ماتحمل بعد تسمع ونينه

عمــي هـــاي الـناس كلـهــا تباوعلنه
لا محـــامـي ولاكفيــل اليــفـزعلنـه
الشــام تتــفرج علينه وماكـو اهلنـه
وجوهنه انضمها بأدينه انظم سترنه

اخبر الشام،،،،گلهم احنه مو خوارج اجنبيه
اخبر الشام،،،،احنه بيت آل النبي والهاشميه

الراس بيد الناصبي
تعـبـانـــــه الــسبي

الراس جدام….الراس جدام

أم صـــ✍️ــــادق المنصوري


┈┉━━ • ✲ •  📜 • ✲ • ━━┉┈

تمت باقلام شاعـ✍️ــرات رابطة خادمات سيد الشهداء عليه السلام
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

قصيده لاستشهاد الامام الحسن ع

الوزن نصاري// مفاعيلن مفاعيلن مفاعيل
_____________________
لسان حال الشاعر
شيگول:-

هاليوم الحسن ياناس مسموم
ينزف بالدمه غــــرگانه الهدوم

يل ماكو نظــيره
يون محد يجيره

طير البين ظل يم راسه يحوم

┄┅═✧❁★-❁✧═┅┄

ارتج الكون واعليه الملك صاح
خبر عم بلمـدينه والفــجر لاح
العيله صبّـــحت معوله وبنـياح
وجعده سـاكته منهاالغدر فاح

بعد من عنده شتريد
خـل يفيـدها ايـزيـد

مترادي وابد مايگدر يگوم
هاليوم الحسن ياناس مسموم

✍☘ ام فراس الساعدي ☘

┄┅═✧❁★-❁✧═┅┄

هاليوم الخبر شب كلبي بالنار
هذا ابن الصميده حامي الجار
مردو جبــدته والــفكر مــحتار
زينـب بالهــظم نادت يمخــتار

تـعال لــشبر وشــوف
وجهه حيل مخطوف

حتى السمه مطرت لجله دموم
هاليوم الحسن ياناس مسموم

✍ام اسعد الشمري

┄┅═✧❁★-❁✧═┅┄

ننصب فاتحه وننصب عـزيـه
لابنج فاطــمه ولابــن الشفيه
الشيعه محــزنه بهــاي الرزيه
وتلطـم عالمصــاب الهاشـميه

شافت چبده بالعين
يون وينحب حسين

وياها مشت كل هاي الــهموم
هاليوم الحسن ياناس مسموم

أم صـــ✍️ــــادق المنصوري

┄┅═✧❁★-❁✧═┅┄

مسموم الولي وسفه والف حيف
هذا ابن الصميده الليث المخيف
شال الجان هو اليــكرم الضـيف
ماينسد مضيفه شــته ولاصيف

نجر اعليه حسرات
والــي الهاشــميات

لجل شبر نقيم التعزيه اليوم
هاليوم الحسن ياناس مسموم

📚🖌️ام زهراء

┄┅═✧❁★-❁✧═┅┄

يعين الله العقــيله اشافت احزان
مالومـــه اوتشـب بالـروح نيــران
تصد اعله الحسن والگلب خلصان
يويـــلي إبلا رحم سموه العدوان

تلـهب بالگلــب نــار
وفكري حيل محتار

تصيح احاه يجرحك يبقى للدوم
هاليوم الحسن ياناس مسموم

✍️ام محمد تقي الموسوي

┄┅═✧❁★-❁✧═┅┄

خبر سم الحسن هدالي حيلي
انوحن كل وكت مانمت ليلي
جعده سمته وفــطرت دليلي
لكريم اهل العبا زايد عويـلي

عليـه الگلب حزنان
ودمع العين غدران

نشكي الامر للباري القيوم
هاليوم الحسن ياناس مسموم

الخـ✍️ــادمه ام زيد الشمري

┄┅═✧❁★-❁✧═┅┄

تمت باقلام شاعـ✍️ــرات رابطة خادمات سيد الشهداء عليه السلام
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

قصيدة رأس الحسين

جاؤوا برأسك يا ابن بنت محمدِ
أو لم يروا نورَ الإله السرمدي

لا لست أدري أي شركٍ هم همُ
مأواهم نارُ الإلهِ الأوحدِ

تُعساً لهم أيُّ الذنوبِ ذنوبهم
ذبحوا حبيب الله دون تردد ِ

هذا الذي أبكى ملائكة السما
ابن التقي الطاهر المتهجدِ

فُتقت جنان الله من أنواره
هو سيدٌ من سيدٍ من سيدِ

فلترفعوا كلَّ العزاء لفاطم
فبناتها تسبى لملعونٍ ردي

قَرَّحن من جمر المصاب مدامع
وصبرن صبراً كالجبال الجلمدِ

والهف نفسي للفواطم عندما
عصفت بآل الطهر أيدي المعتدي

أَوَ يهتك الباغي جسوماً طُهرت
وتنالُ أيدي الظلمِ طُهر المولدِ

تبــاً لقوم لم يراعوا حرمةً
للّه مذ فرحوا بذبحِ السؤددِ

سينالهم غضب الإله لهتكهم
حُرمَ الإمام الطاهر المتعبدِ

فلتنحبي يا عينُ آل المصطفى
ولتندبي آل النبي محمدِ

أهلُ الطهارةِ والجنان مقامهم
صلوات ربهم تروحُ وتغتدي



زينب حسن البزال
محرم 1443 هجرية

يا زائـرا قبـر العقيــلة نادبــــاً
أَوَ شجو صوتك بالبكا يكفيها

هل جئت تبكي غربة الحوراء أم
أنَّ المــآقــي دمعُـهـا يدمـيهــا

أم جئت تذكر كربلا ومصابها
أَوَ هل ذكرت فراقها لبنــيــها


قل لي أمـا أنّ الفؤاد لرزئـهــا
أسمعتَ صوت ندائهـا لعليهـا

أسمعت صوت بكائها مذ عاينت
رأسَ الحسين على القنا يبكيها

أرأيتَ سوط الكفر يضرب متنها
واللؤم يحدوها بسـب أبيـهـا

أرأيت خيلَ الأعوجيةِ في الفلا
تهوي على صدرِ الحُسين أخيها

أوهل ذكرت ببابها ماقد جرى
مذ أوقدوا نارا بدار ذويـهــا

أرأيتهــا عند البتولـة ترتمـي
وتناشدُ الهادي لكي يحميها

جدّاه انظـر فالبغِيُّ ببابهــا
أيهينهـا ومرارةٌ يسقيهــا

أوقبر فاطمة البتول معفى
والمرتضى بتحسـر يبكيها

آه لقلبك يا عليُّ بفقدها
مات التصبر مذ هوى يرثيها

أأجيل طرفي كي أرى حسراته
أم اكتوي من فعل ما يؤذيهـا

أم أرمق الحوراء تبكي حرقة
من ذا أنين الضلع قد ينسيها


زينب حسن البزال
أسالكم الدعاء
أعظم الله لكم الاجر باستشهادة بضعة المصطفى صلوات الله عليه وآله

https://www.tg-me.com/alkalm313

أبوذيات (السبي )


سياطك يلزجر تركت علامات
وماكو الگمر يحمي وعلي مات
لنوحن هالدهر وانحب عله المات
وبگى جسمه اعله حر الوطية

فجيعة هالخبر منهو اليشيعه
يوسفـه عالگمر منهو اليشيعه
على شط النهر مرمي يشيعه
گطيع الراس وچفوفه دميه

أشوفن هالگمر مدمي ومنصاب
أنوحن والدمع من عيني ينصب
مآتم اعله خويه الليلة لنصب
وأخضب هامتي بسيف المنية


زينب البزال / الحوزة العلمية
محرم 1442 هجرية

حال العقيلة في موكب السبي


زينب الشافت راس اخوها الغالي ينحب
من يسب الباغي ابوها دمعه ينصب
تصرخ سكينه من تعاين ثغره ينضب
عمةزينب نحر ابونا دمه يشخب


زينب تنادي أخوها وتهمل دموع

مدري يبن امي وابوي چنه لينا رجوع
ارد اعاتب يم بوفاضل وگلبي موجوع
حسرتي زادت من انظرن راسه مرفوع


خويه يا خويه حالتي تصعب وانادي
مدري انحب يم اخوتي لو ولادي
والحزن يصبح بگلبي او يغادي
صورتك خويه ابعيوني وبافادي

زودت خويه المصايب تدري همي
مدري ابكي اعله بويه لو عله امي
راسك گبالي وجسمك يمي مدمي
چف اخونا عالترب اوراسه يمي



محرم 1441 هجرية
زينب البزال

*شموخ زينب ع*

دماؤك أم دماء المصطفى الهادي
أيا سبط الهدى أفريتم كبدي

ّّفهذه بضعة الكرار قد سُبيت
وأبكت كربلاء على ذرى المجد

فويلٌ للّذي أبكى مــآقيهــــا
وأدمى قلبها من حسرة الوجد

وربي لا يماثلها ليوث الأرض
مذ صبرت ونار الرزء تتّقــدِ

فهذي ابنة الزهراء فاطمــة
وبنت الطهر من أبٍّ ومن جدِّ

ولم يثني عزيمتها بلاء السبيّ
حتى ألّــمت بشموخها العادي

ورغم الرزء لم تهوي لظلّام
فوالهفي لمن بقيت بلا سندِ



لشموخ زينب ع
لكبرياء زينب ع
لقلب زينب ع
بهذه الليلة الاليمة
أهدي هذه الأبيات المتواضعة .

زينب حسن البزال
حوزة السيدة الزهراء ع
لبنان/بعلبك
العاشر من محرم 1443 هجرية

https://www.tg-me.com/alkalm313

مجلس رقية ع ونعي (آه مصعب فرگتك )
بقلم زينب البزال / الحوزة العلمية / فجر ١٨ شوال ١٤٣٧هـ
المشهد :
روى فخر الدين الطريحي المتوفى قبل ثلاثة قرون ونصف القرن في منتخبه أنه لما قدم آل الله وآل رسول الله على يزيد لعنه الله في الشام ،أفرد لهم داراً ،وكانوا مشغولين باقامة العزاء،وإنه لمولانا الحسين بنتاً عمرها ثلاث سنوات ..
فجاؤوا بالرأس الشريف إليها مغطى بمنديل ديبقي ،فوضع بين يديها وكشف الغطاء عنه ،فقالت ما هذا الرأس؟ قالوا لها : رأس أبيك ،فرفعته من الطشت ،حاضنة له وهي تقول :
يا أباه من ذا الذي خضبك بدمائك ؟
يا أبتاه من ذا الذي قطع وريدك ؟
يا أبتاه من ذا الذي أيتمني على صغر سني ؟
يا أبتاه من بقي بعدك نرجوه؟
يا أبتاه من لليتيمة حتى تكبر ؟
يا أبتاه من للنساء الحاسرات؟
يا أبتاه من للارامل المسبيات ؟
يا أبتاه من للعيون الباكيات ؟
من للضائعات الغريبات ؟
من للشعور المنشرات ؟
يا أبتاه من بعدك وا خيبتاه ؟
يا أبتاه من بعدك واغربتاه ؟
يا أبتاه ليتني كنت الفدا ؟
يا أبتاه ليتني كنت قبل هذا اليوم عمياء…
يا أبتاه ليتني وسدت الثرى ولا أرى شيبتك مخضبا بالدماء… نعي : الطور : (يمه يمه گومي نشفي دمعتي )
تگله
آيبويه آيبويه
آه مصعب فرگتك
آيبويه آيبويه
آه مصعب غيبتك

مين أگله آيبويه
مين أنادي يا ملك
مين يناديني رقية
مين أگله روحي لك

آيبويه آيبويه
آه مصعب فرگتك
آيبويه آيبويه
آه مصعب غيبتك

منهو يتَّمني يبويه
منهو گطَّع منحرك
منهو ياخذ عيني مني
لن أشوفن خضبتك

آيبويه آيبويه
آه مصعب فرگتك
آيبويه آيبويه
آه مصعب غيبتك

من أحضنك أبچي حالي
أنتحب ودموعي لك
يا گلب منهو اليعينك
من أنوحن حسرتك

آيبويه آيبويه
آه مصعب فرگتك
آيبويه آيبويه
آه مصعب غيبتك

ريتها عميت عيوني
ريت گلبي فدوى لك
ريتني مدمية يمك
حفرتي لو حفرتك

آيبويه آيبويه
آه مصعب فرگتك
آيبويه آيبويه
آه مصعب غيبتك

من يحامي لليتامي
منهو يحمي عترتك
انسبينا وانهضمنا
سترنا بويه انهتك

آيبويه آيبويه
آه مصعب فرگتك
آيبويه آيبويه
آه مصعب غيبتك

عذبونا مرمرونا
بوي هتكوا حرمتك
ضربن متوني يويلي
والأعادي شتمتك

منهو أشكيله مصابي
من انظرن ذبحتك
ودي نادي يبوفاضل
خدر زينب انهتك

آيبويه آيبويه
آه مصعب فرگتك
آيبويه آيبويه
آه مصعب غيبتك

مين يخفف عني همي
مين يواسي فگتدك
منهو يمسح اعلراسي
من أون لشوفتك…

آه مصعب فرگتك… .
ثم أنها وضعت فمها على فمه الشريف ،وبكت بكاء شديدا حتى غشي عليها ،فلما حركوها فاذا بها قد فارقت روحها الدنيا…
انا لله وانا اليه راجعون
نسالكم الدعاء

زينب البزال/ الحوزة العلميه

https://www.tg-me.com/alkalm313

#السيدة رقية ع /طور جرح المدينة/
🕳🕳🕳🕳🕳🕳🕳🕳🕳🕳🕳🕳🕳


شكد عذبوني اروي شجوني

عطشانه روحي لشوفتك وشوفك دوه جروحي
كلما يمر وكــــــــت الفرض يتعاله انه نوحــــــي
جالمزنه ازخنه الدمع وغطه على سفوحــــــي
سجــــــــــــادتك بيها عطر منك يرد روحــــــي

اتنطرك عيوني... واروي شجوني


┄┉❈❥ًً❀)🧿(❀❥❈┉

انطر انه وكت الصلا يمته ترد ليه
متعلمه لسجادتك افرشها بديــــــه
ردلي يروحي عزيزتك انه رقـــــيه
وناتي اتفت الگلب وهسه سبـــيه

عاين امتوني. اروي شجوني

┄┉❈❥ًً❀)🧿(❀❥❈┉


محتامه بويه لنظرتك اكعد واشم يمناك
يا ساعه تلفي بنيتك وبعازتك واتنـــــاك
همومي كثيره يالابو وجروحي ما تخفاك
مهظومه بويه من تجي اشكيلك من عداك

متغيره لوني..... اروي شجوني

┄┉❈❥ًً❀)🧿(❀❥❈┉

عندي وعد بويه تجي بخرابة البالشام
ندار الزمن بعدك انه شفت شكثــر آلام
سبي وضرب ويه الشتم ابنيتك تنضام
زغيره يبويه بهالوضع ظلموني الظلام

ومن يضربوني... اشكي شجوني

┄┉❈❥ًً❀)🧿(❀❥❈┉


شاهدتك بطيفي تجي حضن ودفه الدموع
جاويني بعدك يالابو وصفن اليه ضـــــلوع
فزيت من نومي برعب وينك شنو الموضوع
شفتك انه اللحظه وغبت وگليبي الموجوع

ومن اسمعوني. اشكي شجوني


┄┉❈❥ًً❀)🧿(❀❥❈┉


جابولي راسك ابطشت بحركه صحت يابه
منهو الذي بعمــــر الـــــــورد يتمني شسبابه
ضجيت من كثر الالم وانعه بالخــــــــــرابه
وراسك شبكته وشهكت گلبي لگه احبابه

جيت وضنوني.... اشكي شجوني

✍️نبضي حسين

https://www.tg-me.com/alkalm313