فزاعية للقاسم (ع)

بس صيت عرسك يالولد لا زفة لا هلهولة
☆☆☆☆☆☆☆☆☆☆☆

وين العرس يوليدي ماي وتبدة أمن أيدي
يالشوفتك ياعيدي والفرگتك معلولة


♧♧♧♧♧♧♧♧♧♧♧

قصيدة لعلي الأكبر ( ع )
طور ( هوة القاسم طاح عج الخيل يمة )
من التراث القديم

علي الأكبر طاح منهو الحضر يمة
☆☆☆☆☆☆☆☆☆☆☆

گومي خلينة نشوفة بالحومة ما نگدر نعوفة
والعدو عمة ألوفة عمة خلينة نشمة


♧♧♧♧♧♧♧♧♧♧♧


قصيدة ثگيلة لليلة الحادي عشر

چلچل الليل چلچل الليل
على زينب يبو فاضل چلچل الليل
أتصيح ياويل أتصيح ياويل
زينب الليلة غريبة أتصيح ياويل
صار بيهة الماجرة وية العيال أمساهرة
وينة عباس چلچل الليل
☆☆☆☆☆☆☆☆☆☆☆

چلچل الليل أعلة زينب وينة عباس
أمصابهة الليلة وهضمهة أيشيب الراس
أمخدرة هاي العقيلة أتشوفهة الناس
وينة كافلهة يجيهة أبو النوماس
الليلة ما عدهة ولي أتصيح ويلي ياهلي
أتهدم الحيل أتهدم الحيل
أتشوف چم لوعة ومصيبة أتهدم الحيل

♧♧♧♧♧♧♧♧♧♧♧

موجودة القصائد في الجزء الأول من ديوان ( الحسين والكف في كربلاء الطف ) الذي سيصدر قريبا إن شاء الله
https://www.tg-me.com/alkalm313

لطميه وزن فائزي للدفن
وكأني بمولاي السجاد وقد اقبل لهفانا الى كربلاء الغاضريه لدفن الاجساد الطواهر.....ينعاهم ويقول
⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩
رديت الج مكسور اه يالغاضريه
رديت بدموع الحزن واصفك بديه
⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩
رديت اريدن والدي وعمي ادفنه
واتعاتب وياهم عتب اهل المحنه
واكعد بعدها عالگبر واجذب الونه
عالماشرب ماي وكضه وهاي الرزيه
⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩
الصار لا مر عالبشر لااحد شافه
حسين ظل بلا دفن يهل الكلافه
فوگ الوطيه مغيره ويلي اوصافه
ويمه اهل بيته بقت يالجعفريه
⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩
يحسين بويه شلون المنك واشيلك
من كثر طعنات العده مفسر دليلك
يمك صفيك يابعد روحي وخليلك
مطروح الاكبر جن گمر فوك الوطيه
⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩
وجسام يمك بس جسد محزوزه راسه
وجعفر وعبد الله وحبيب اهل الرياسه
وعون اخيك منشمر درعه ويه طاسه
واصحابك الخيره بقوا ترس الثنيه
⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩
گام ودنه يم الجسم وال اسد وياه
فرشوا حصيره والجسد لمه وخلاه
وحاير يدور خنصره او وين يلگاه
ويلملم اعضاه الحسين ابن الزچيه
⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩
وتوجه بحيره وحزن يم الشريعه
ودور على العباس وجفوفه الگطيعه
يگله يعمي ضاكت بعيني الوسيعه
وينك ياعمي مادريت شصار بيه
⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩⁦🎙️⁩


✍️⁩تمـــــــــــت القصــيده بعــــــــون اللـــــــه...
غير مـــــــبرأ الـــــــــذمه الي يحـــــــــذف الرابـــــــــط او الاســــــــــم من القصـــــــــــيده
كل قصـــــــــائدي صدقه جاريه عن امــــ😔ـــــي رحــــــــــمة الله عليها
https://www.tg-me.com/alkalm313

فزاعيه لسان حال السيده زينب تنقل صوره لام البنين عن العباس عليهم السلام
النعي
ــــــــــــــــــــــــ

اريد اوصل لعد امه واگلها
خلها  تفتخر بالحيد خـلها
ارجاس الكفر يم عباس ذلها
ـــــــــــــــــــــــ

ماقصر ابنــــــــج يـوم شد احزامه
باچر تشـــــــيل الراس كلها اعمامه
ـــــــــــــــــــــــــ
زامـــــــطنه بي والحيد شال الرايه
افياي صـــــــــــــار لزينب و  تچايه
جاب الــــــفرات بأيــــده هو ومايه
يم البـنين الــيــــــوم  رفعي الهامه
ـــــــــــــــــــ
ماقــصـــــــــــر ابنچ يلحليبچ طاهر
يگص بالرگاب يطــــــشر    المناحر
صاحت العســـــكر كولو بلا.شصاير
چنه علي مـحـــــــــد وگف .جدامه
ـــــــــــــــــــــــــ
رد النه حــــــــــيدر اسد الله الغالب
واجب علـينه الشرده صارت واجب
مثل الغضـــــــنفر بس  يرف الشارب
فارس مضــــــر وحنين  هاي، ايامه
ــــــــــــــــــــــ
افتخري بيه وشيـــــلي راسج يمه
ذيچ السيوف تصــيح گامت بسمه
لولا الغدر والمــــــــــوته بيها حكمه
ماچـــــــان يل  بالشام   دگ دمامه
ــــــــــــــــــــــــــــــ
اچفوف الرذيله ابن الفحل  لاواها
ويه الارض يــــــــم البطل ساواها
لولا المـــــــحتم صـــــــار ماخلاها
فدوه تــــــروح ازلامها لصمصامه
ـــــــــــــــــــــــــــــــــــــــ
تمت وبعون الله تعالى
بقلمي ام علي البابلي
لااجيز شرعا حذف الاسم
اسالكم الدعاء
https://www.tg-me.com/alkalm313

لسان حال الشاعر 
ــــــــــــــــــــــــــــــــــ
ردت اكتب جروحــــك بالقصيده
اكتب چم جرح والبـــــيت اعيده
وانت اجروحك اهواي
ضامي بصفك الماي
اكتب چم جـرح والبيت اعيـــــده
ــــــــــــــــــــــــــــــــــــــــــــــــــــ
ياچلمة التوفيها المصيبه محــــــــتاره القوافي
اموذر من اكتبك فوگ التراب يگلي البيت كافي
نايم بالشمس وحرورة الگاع عسن نوم العوافي
عجيبه يموت ضامي وماشرب ماي ويجري الماي صافي
واني متـــــيه الراي
ضامي بصفك الماي
اكتب چم جرح والبيت اعيده
ـــــــــــــــــــــــــــــــــــــــــــــــــــــــــ
اعد اسهامك امزجها  ويلحروف تاخذني الحيره
چبير انت تضمك ياقواميس والكلـــــــمه زغيره
اذا رب العرش ســـوالك الكون وانت الي تديره
ولجلك خالق  السبعه السماوات شلون اختك اسيره
وعباســــــك الوفاي
ضامي بصفك الماي
اكتب چم جرح والبيت اعيده
ــــــــــــــــــــــــــــــــــــــــــــ
بانفاسه ابد لامـــــو بالاقلـــــــام اليكتبها المصيبه
سورة والفجر والـــــــله قسم بيك  تتـوذر عجيبه
ستر للكعبه انـــــت يبــن الاركان وهدومك سليبه
منهو اليوفي حقــــك يكتب اهات اي والله غريبه
يلونتك بهــــــــداي
ضامي بصفك الماي
اكتب چم جـــــــــــــرح والبيت اعيده
ــــــــــــــــــــــــــــــــــــــــــــــــ
شاعر وبخياله لكربله راح راد يجـــــسد الحال
على تل الجرح ضل واگف ينوح ينزف دمه الدلال
شاف السمه ضلت تمطر ادموم صوره بشكل شلال
ونعمه مطشره تارسه التربان ومتگُطعه الاوصال
وحره بايد توماي
ضامي بصفك الماي
اكتب چم جرح  والبيـــــــــت اعيده
ــــــــــــــــــــــــــــــــــــــــــــــ
جف مني القلم ودموع العيون وختمت اني القصيده
عفاها ام الخدر  شافت الملعون من يگطع وريده
شگالت والشمر يرفس بالضلوع شال الراس بيده
شصاحت يمه يازهره الحگي  لو بـــويه الصميده
ياهو الگالها جاي
ضامي بصفك الماي
اكتب چم جرح والبيت اعيده
ـــــــــــــــــــــــــــــــــــــــــــــــــــ
تمت وبعون الله وفضل من الزهراء عليها السلام
بقلمي ام علي البابلي
لااجيز شرعا حذف الاسم
اسالكم الدعاء
https://www.tg-me.com/alkalm313

☘قصيده للسيده زينب ع☘

على طور // طال الصدى ..بك النوى


ماذا جرى ...يازينباه ...مالج معين ولامناصر

🏴🏴🏴🏴🏴

عفتي اخْوتج كلهم ذبح ... نومه بارض معروفه
لاجفن ضلو لاغسل ...  ورحتي غصب للكوفه
ركبت على النوك الهزل ... تجري الدمع مذروفه
ماتكدر تصد للرمح ... تباوع عليه وتشوفه
وبكربلاء ... اجساد ودماء
داستهم خيول بحوافر
مالج معين ولا مناصر

🏴🏴🏴🏴🏴

مكطوعه اجفوف البطل... وبعمد مضروب الراس
حيف الكفل فوك الرمل...نايم يويلي العباس
وحسين كطعوا منحره...   امنلكفا محزوز الراس
وانتي بقيتي بلاولي ... ميسوره مابين ارجاس
واعجباه ...راسه بقناه
لامحبس ولاكو خناصر
مالج معين ولا مناصر

🏴🏴🏴🏴🏴

من رحتي للشام بيسر... گلتي اخوتي كلفوني
متكفله بالعيله وحرم...  وبيتامهم وصوني
كون انه اوفي بالعهد...  واحميهم   وبعيوني
امشي ولملم بالضعن....والضرب فوك امتوني
اين سرى ... ركب الهدى
وبناتهم كلهن قواصر....
مالج معين ولا مناصر

🏴🏴🏴🏴🏴

وكفوج والمنضر صعب ....ويتفرج الرايح آت
ظلتي انتي مناطره .... وسموه باب الساعات
طبيتي للمجلس اسف .... ويزيد علّه الضحكات
من آهج ارتج القصر ... سكتوا وساد الانصات
واعجباه .... ياسيداه
يلعب على شفافه بمخاصر
مالج معين ولا مناصر

🏴🏴🏴🏴🏴

اه اعله صبرج بت علي ... ماتكدر تشيله جبال
لمن خذوج ميسره ....حالج صبح باتعس حال
للشام والممشى صعب ... يحدي وياج الجتال
ليله مظلمه عل ترب.... تتباجه كلهه الاطفال
ابيت الخراب ... وبلايه باب
لابي سكف لابي سواتر...
مالج معين ولا مناصر


✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
https://www.tg-me.com/alkalm313

☘قصيده للسيده زينب ع ☘


ريت ميته وياج يمه يلزجيه
ولا شفت ضيم الي مر بلغاضريه
يمه راحو كل هلي
يمه ما ضلي ولي
ورحت من بعدج سبيه.....
ريت ميته وياج يمه يا الزجيه
🏴🏴🏴🏴🏴

يمه مهضومه ودور بلبراري
يمه اخلص الليل اطبگه وينهاري
لو ردت اغفه يايمه علذواري
يمه هاضمني الوكت
كل خيامي تحرگت
والشمر يفتر عليه......
ريت ميته وياج يمه يا الزجيه
🏴🏴🏴🏴🏴

ضاع كل عمري وحياتي بذبح الحباب
من شفت الخيام شبت غدت عطاب
ونتي جنتيلي يا يمه ويه الهوه الهاب
هسه ضعت انه بدونج
ليش يادنيه اعله هونج
علدهر انه شبديه.....
ريت ميته وياج يمه يا الزجيه
🏴🏴🏴🏴🏴

حرت بلعيله يا يمه واليتامه
عليج يمه انه نحت نوح الحمامه
تصرخ رقيه وتصيّح ياملامه
وين ابوي الدللاني
ليش هاضمني ونساني
منين اجتني الغاضريه.....
ريت ميته وياج يمه يا الزجيه
🏴🏴🏴🏴🏴

انه زينب بت علي ودهري هضمني
ريت يا يمه الگبر وياج ضمني
مدري شظملي الوكت تالي وضلمني
صرت سالوفه انه للناس
وانه جنت اختك يا عباس
صرت تاليها سبيه.....
ريت ميته وياج يمه يلزجيه
🏴🏴🏴🏴🏴

صدگ يلمالك اهل ما تسوه گلشي
تكثر عليك المصايب شي بعد شي
ولا تشوف بعينك ولا بيك تمشي
من كثر هم العليك
ولا اهل عدك تجيك
دومك اتضل بل اذيه ....
ريت ميته وياج يمه يا الزجيه
🏴🏴🏴🏴🏴

✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
https://www.tg-me.com/alkalm313

☘قصيده للسيده زينب ع☘

انه ام الحزن زينب المهضومه
ابجي للحسين وانحب ليومه

عل المذبوح ياشيعه دعينوني
انوح اعليه اظل واعميهن اعيوني
ماخلوني العدوان منعوني
اريد انصب عزه لحسين بالحومه....
انه ام الحزن زينب المهضومه


ماخلوني ابجي واكعد انعيله
وازيد النوح لحسين ومجاتيله
اظل انعاك خويه وروحي نحيله
ظل مطروح اخوي وسلبو هدومه....
انه ام الحزن زينب المهضومه


تعالو نروح للزهره نعازيها
كتلو كل ولدها ومابقى ليها
بس عليل يحدي بضعن تاليها
من حز الحديد وسالت دمومه.....
انه ام الحزن زينب المهضومه


وانوب البجي لعباس ابو الغيره
مصابه ياحبايب فاجعه جبيره
كلفوني بايتام وحيرتي حيره
على الي جان كافلني اني مهضومه....
انه ام الحزن زينب المهضومه


ماتت رضضع وايتامكم تاهت
يخويه والحرم لمصابكم ناحت
يازهره ييمه روحج شكالت
من شفتي رقيه تموت مظلومه.....
انه ام الحزن زينب المهضومه


عينوني يشيعه لاتلوموني
تره العدوان يسبوني ويشتموني
ومن وداع اخيي حسين حرموني
ماظليت يمه هواي مندومه......
انه ام الحزن زينب المهضومه


✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
https://www.tg-me.com/alkalm313

☘قصيدة مسير الشام☘

لاتلومون يهلنه لاتلومون
كلبي محزون يهلنه كلبي محزون....

انه من رحت وعفتكم عل وطيه
امشي ونار الكلب تلهب سريه
من رحت عنكم تره غصبن عليه
من تركت اجسادكم بالغاضريه

لاتضنون برضاتي لاتضنون......
كلبي محزون يهلنه كلبي محزون

لو تشوف شلون خويه عذبونه
من يشيلون السياط ويضربونه
ومن وصلنه بالخرابه كعدونه
جابو الراس بطشت ويروعونه

ماتت شلون رقيه ماتت شلون....
كلبي محزون يهلنه كلبي محزون

ويلي والحسره على السجاد العليل
مقيد وبالجامعه ودمايته تسيل
والحرم تصرخ يخويه وزاد العويل
والايتام التبجي تصرخ والمداليل

مايرحمون العطاشا مايرحمون.....
كلبي محزون يهلنه كلبي محزون

لازم العصه يزيد ويمه الراس
وكوفنه بالحبال وتنظر الناس
ضلو يسومون بينه ذوله الارجاس
والله ياخويه الفجيعه تشيب الراس

من يضحكون اموتن من يضحكون....
كلبي محزون يهلنه كلبي محزون

انه اعاتب والعتب ياخويه مريود
كلت ياحيف البطل مكطوع الزنود
كون يحضر هلمصيبه وكون موجود
ابد ماخله العدا توصل للحدود

يبجي الكون علينه يبجي الكون......
كلبي محزون يهلنه كلبي محزون


✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه

https://www.tg-me.com/alkalm313

☘ حوارالسيده مع اخوتها ع☘

ثكيل /جالي

أيزينب شلون حالج صاير بهاي المسيه
عفيه كلبج اشكد حمل بالطف لوعات واذيه
شلون روحج لابت بهليله
والحسين مكلفج بالعيله
ياصبرها ..اشلون اجت من طيبه لرض الغاضريه
زينب يبنت المرتضى
وبعينها ضاك الفضى
ياصبرها ..ياريت لو جتج الزهره بهل مسيه..
أيزينب شلون حالج صاير بهاي المسيه
*
حط الرحال حسين من وصلوها
والخيم وسط الرمل نصبوها
وكمر هاشم ..ظل يحوم اعله الخيم من وسطوها
من وصلو الطف كربلا
ام المصايب والبلا
كمر هاشم..شاف العقيله اتحيرت كلها شبديه..
أيزينب شلون حالج صاير بهاي المسيه
*
بنه خيمة زينب بذرعانه
كعدت وبيها بكت حيرانه
شلون خويه .. باجر يحركونها انذال اميه
زينب يخويه ادللي
احلفلج بطبرة علي
شلون خويه.. مااخلي الكوم توصل للثنيه..
أيزينب شلون حالج صاير بهاي المسيه
*
حشمت عباس راعي الرايه
جيب ماي النه من المسنايه
يبوفاضل...كلها عطشانه العيال الفاطميه
من ركب فرسه وانتهض
من غيرته كلبه انبهض
وابو فاضل..كلها عد عيناج يابت الزجيه..
أيزينب شلون حالج صاير بهاي المسيه
*
عباس شال الجود راح العلكمي
كلها اجيبه الماي لو ينزف دمي
شاربه اهتز.. راح اجيبه الماي لو كطعو اديه
غرف ماي وماشرب
العيلته كلبه التهب
شاربه اهتز ..هذا اخو زينب وابن حامي الحميه..
أيزينب شلون حالج صاير بهاي المسيه
*
كام ينظر للخيام بعينه
كال صاير نار كلب سكينه
شلون اشربه..وزينب موصيتني اجيبلهم اميه
اشرب عساني لاعشت
والماي بارد لاضكت
شلون اشربه..يابس حلكها من العطش ظلت رقيه..
أيزينب شلون حالج صاير بهاي المسيه
*
راد يشرب ماي واتدناله
شاف وجه حسين صار كباله
كال حاشا..اشرب وخوي حسين ماشارب اميه
اشلون اشربه وارتوي
وحسين كلبه منجوي
كال حاشه لا مااشربه لاوحك ظلع الزجيه..
أيزينب شلون حالج صاير بهاي المسيه
*
ترس جوده وراح صوب خيامه
حرمله يفتر عليه بسهامه
انزرف جوده..وصال طشرهم بضربه حيدريه
كطعو جفوفه من الزند
وانضرب راسه بالعمد
ياحسافه .. انخسف نوره الكمر بارض الغاضريه..
أيزينب شلون حالج صاير بهاي المسيه
*
حسين ظل وحيد راح عضيده
وانحنه ظهره ويسنده بايده
كال وسفه.. كسر ظهري وشمت العدوان بيه
زينب يخويه شكد صعب
وبدونه نخسرها الحرب
كال وسفه.. ترحين للشام بسلاسل ياسبيه..
أيزينب شلون حالج صاير بهاي المسيه
*
حسين وصه زينب بايتامه
كامت اتنوح وتدك علهامه
شلعت كلبي..خويه بعيوني يتامك يلشفيه
راح امشي انه عنك غصب
امشي وبمتوني الضرب
يعيني الله..شلون جتالك يخويه يحدي بيه..
أيزينب شلون حالج صاير بهاي المسيه

✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه

https://www.tg-me.com/alkalm313

فزاعيه للسيدة زينب ع


من ديره لديره شلون
بت حيدر يأسروها

┄┅═✧❁★-❁✧═┅┄

هيه الطاهره الحره
امهه فاطمه الزهره
اميره وسفه متيسره
ام الخدر سموها

✍️الخادمة زينة الگريشاوية

┄┅═✧❁★-❁✧═┅┄

مثل الجبل ماذلت
زينب بت علي شعملت
خطبت بيهم شلعبت
ماگدروا يذلوها

✍🏻وعد الڪفيل

┄┅═✧❁★-❁✧═┅┄

ماطــخت ابـد هامه
بت فحـــول وهامـه
تسكت ايزيد وازلامه
هاي ام عون يدروها

أم صـــ✍️ــــادق المنصوري

┄┅═✧❁★-❁✧═┅┄

خطبت رعبت الكفار
تشبه حيدر الكرار
صاحت وبگلبها النار
ماگدروا يسكتوها

✍🏻ام سجاد الشهيد

┄┅═✧❁★-❁✧═┅┄

بت حيدر المعروفة
خطبت گلبت الكوفه
بشجاعه وعلم موصوفه
جبل شامخ يشوفوها

🖌️📚ام زهراء

┄┅═✧❁★-❁✧═┅┄

تمت باقلام شاعـ✍️ــرات رابطة خادمات سيد الشهداء عليه السلام
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

ردا على من يقول زينب منكسره



انطت كل اهلها بذيج الحدود
وما دنكت هامه وذلت الراس
امها الزاجيه والدها ابو الجود
طبت كربله بت عالي الشان
لدين المصطفى متحزمه بالزود
مره بس علمت تاريخنه آيات
وجلباب الصبر كل وكت موجود
بت الزهره حاشه اتذله الاجناب
بيضه البلوجه ووجوهم سود
ماراعوها صح وخذوها بحبال
وحركوها الخيم من بعد فرهود
ولكن زينب برغم الجره وصار
صدى من صوتها اوي القائم يعود


✍طالبةالزهراء القريشي


https://www.tg-me.com/alkalm313

فزاعيه ٢
لحامل الواء ابا الفضل العباس

**
سردار الحرب بجاها عدوانه
طب بهمته وأذن بميدانه
***
طب بهمته والموت جدامه
كلها اقزام يمه لشده حزامه
وكلمن بارزاه يكطعله الهامه

مبجيها عدوانه اليوم
****
يتبارز شجاعه ودرعه ما شاله
يتكاطر بساله وسيفه يحلاله
يشمر بالازلام يمين وشماله

ويشمر بيهم بالحومه
****
لاواها المنايا وعلمه ابراسه
من تكرب منيته يودع انفاسه
عنده الموت حق بمنتهى احساسه

ماهمه الموت اليدناله **
ربته الحروب واسمه ابو فاضل
شال السيف من صغره وبده يناضل
يفزع بلحروب وسيفه  اليقاتل

يسمونه فزاع الحومه
*
يا تاسع محرم نقره بعلومه
ذلاها الشريعه ويابسه اهدومه
الروح بجربته وما نكدر نلومه

ومواعد سكنه يرويها
****

✍طالبه الزهراء القريشي

https://www.tg-me.com/alkalm313

وزن الموشح تام قصيده
السيده رقيه عليهاالسلام


يارقيه... شارده  وملوعه
يارقيه... والركاب مكطعه

والشمر يركض وراج
وعلى وجهج طيحاج

حاضره بطف كربله هالحاضره

يارقيه يارقيه /يارقيه يارقيه



غافي واسمع ونتج بويه وبجيج
هايمه بنص  كربله وعيني عليج
بعد  مااكدر     اكومن    وعتنيح
حسبي جم يوم بحلم  انه اجيج

يارقيه...والدج وبمدمعه
يارقيه.... شارده وملوعه

يخوف يزمخ  اجاج
والشمر يركض وراج

حاضره بطف كربله هالحاضره

يارقيه يارقيه /يارقيه يارقيه



طفله خفتي من لخيول الراكضه
تدوس  جسمي   بالحوافر  راضه
بالعقيله     مجلبه   بيها   وكاضه
والدموم    بكل    كدر  هالفايضه

يارقيه..والبجي وبمسمعه
يارقيه.... . شارده وملوعه

بيده  دم   وخوفاج
والشمريركض وراج

حاضره بطف كربله هالحاضره

يارقيه يارقيه /يارقيه يارقيه



بابه  ادري  بيج   كلش خايفه
بالج اخيام  ورسم  جم سالفه
بعدج     باأول    بدايه  شايفه
طفله من سوط الدعيه راجفه

يارقيه.. بس دكاك مشبعه
يارقيه.. .. شارده  وملوعه

بسوط طكج لوعاج
والشمريركض وراج

حاضره بطف كربله هالحاضره

يارقيه يارقيه /يارقيه يارقيه



وبالخيام   وبالجوي   ومحركه
وشفتي روس وعالرماح معلكه
والجساد   بلا  ركاب   مسحكه
وبالادين  حبال  خشنه مشبكه

يارقيه...بالله بويه مودعه
يارقيه. . . شارده وملوعه

وباليسر  هالهددجاج
والشمر يركض وراج

حاضره بطف كربله هالحاضره

يارقيه يارقيه /يارقيه يارقيه



للصبح  تبجين  وحشه  وكاعده
من  المصايب حيل  كلش راكده
بسمي  وتصيحين  بابه وفاكده
ميت  انه  بعينج  انتي مشاهده

يارقيه...والكلوب  موجعه
يارقيه  ...شارده وملوعه

جتفج  هو   وخذاج
والشمريركض وراج

حاضره بطف كربله هالحاضره

يارقيه يارقيه /يارقيه يارقيه



خادمة  الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الاربعاء/2024/7/24
١٧محرم سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏


https://www.tg-me.com/alkalm313

فزاعيه
#لسان حال السيدة رقية (ع)


العسكر خوفاني
گوم ساعدني

───⊱◈◈◈⊰───

صحت يلدللتني
يمك مار دتني
عدوانك سبتني

ازرق صار متني
گوم ساعدني

✍وعد الڪفيل

───⊱◈◈◈⊰───

ماتقبل حميتك
يأذوهه بنيتك
مرعوبه واجيتك

عدوانك ولتني
گوم ساعدني

✍️ ام مهدي الفرطوسيه

───⊱◈◈◈⊰───

يابه وشوف حالي
شوف الي جرالي
ولاواحد حمالي

بويه الضيم هدني
گوم ساعدني


✍خادمة العقيلة ام احمد

───⊱◈◈◈⊰───

عود انه الاميره
اخذوني اسيره
ليك الشوف اديره

سوطه مارحمني
گوم ساعدني

✍️☘️ام فراس الساعدي ☘️

───⊱◈◈◈⊰───

چا وينك يغالي
متانيتك يوالي
دمعي اعليك هالي

بويه الشمر عتني
گوم ساعدني

✍ام علي المالكي

───⊱◈◈◈⊰───

عفت الماي اريدك
يل گطعو وريدك
من طايح عضيدك

محد نشد عني
گوم ساعدني

✍طالبةالزهراء

───⊱◈◈◈⊰───
من هجموا اميه
السجاده بيديه
منك ذكرى ليه

خاف تروح مني
گوم ساعدني

✍🏻نبضي حسين

───⊱◈◈◈⊰───

تمت باقلام شاعـ✍️ــرات رابطة خادمات سيد الشهداء عليه السلام
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

((قصيده لسيده رقيه عليها السلام))

طفله بأول العمر // شافت انواع القهر
عگب ابوهه… عذبوهه
عذبوهه..عگب ابوهه
❥❍❥❃ 🥀꧁꧂🥀❃❥❍❥
من بعد عين الابو راحت سبيه
ترفه بنت حسين ماتحمل اذيه
تبچي وتنوح بألم ذيچ المسيه
يذوب من عدهه الصخر حاله رقيه

رادت حسين هلت العين
عگب ابوهه.. عذبوه
عذبوها.. عكب ابوها
❥❍❥❃ 🥀꧁꧂🥀❃❥❍❥
باالحلم جاهه ابوها وشكت الحال
ضگنه اشكال الألم يوم الضعن شال
تگله ســلبوها تــراجيي هاي انــذال
وعمتي تشاكف السوط بدمع همال

زجر حداي ..وشحه الماي
عكب ابوها عذوبوها
عذبوها عكب ابوها
عذبوهه عگب ابوهه
❥❍❥❃ 🥀꧁꧂🥀❃❥❍❥
اه ياحالت الطفله ذاب منعدهه الصخر
بسوط ضربوهه اليتمه اعله الظهر
ازغيره ماتحمل اذيه ولا قهر
ابد مارحمو وضعهه اهل الكفر

ضلت اتنوح // بالگلب مجروح
عگب ابوهه عذبوهه
عذبوهه عگب ابوهه
❥❍❥❃ 🥀꧁꧂🥀❃❥❍❥
اكعدت مرعوبه تبجي وصارخه
حسهه ياهل ناس روحـــي مالــخه
بين هــــًآٍيِ اناس كلها شــايخــه
خل نجيم العزه ونصبي الفاتحه

شفته بألم//زاد الهظم

عگب ابوهه عذبوهه
عذبوها عگب ابوها
❥❍❥❃ 🥀꧁꧂🥀❃❥❍❥
شاهد راس بطشت ويلي عليهه
شبگته بلهفه وحضــنته باايديهه
سولفــت بلي جره والصار بيهه
اه يا قصــت رقيه ويابــچيهه

وابد ماجرت نفس // ماتت ومالهه احس

عگب ابوهه عذبوه
عذبوهه عگب ابوهه
❥❍❥❃ 🥀꧁꧂🥀❃❥❍❥

تمت باقلام شاعرات اهل البيت
خادمه ام الحسن ع
ام مهدي الفرطوسيه

و ✍🏻خـادمـة الزهـراءام احمد العبوديه زبير

لانجيز حذف الاسماء شرعا

https://www.tg-me.com/alkalm313