☘تبديل الرايات ☘


اليوم رايات الحزن بدلوها

وراية حمره علگبب علگوها


🏴🏴🏴🏴🏴

يحضر المهدي وشايل رايته

يالثار حسين هايه غايته

اليله تحضر للعزه كل شيعته

انصار‌ک احنه والنعم گالوها
اليوم رايات الحزن بدلوها

✍☘ ام فراس الساعدي ☘
🏴🏴🏴🏴🏴

ثار ظلع امه اوثار ابو الحسن

وثار چبد الحسن وايام المحن

وثار زينب والنساء الي انسبن

وثار روس اعله الرمح شالوها....

اليوم رايات الحزن بدلوها

✍☘ام فراس الساعدي ☘
🏴🏴🏴🏴🏴

انته چم ثارات ألك يبن العرب

ثار اهلك بالبقيع بلاگبب

لو خيامك ذيچ حرگوها بحطب

گلوبنه ويلرايه من غيروها

اليوم رايات الحزن بدلوها

✍️ العلويه ام رقيه

🏴🏴🏴🏴🏴

ثار الك چفين ظلن علنهر

والطفل عبدالله مگطوع النحر

وثار زينب عمتك ام الخدر

ویه النسه فوگ الهزل مشوها

اليوم رايات الحزن بدلوها

✍🏻ام مها القطراني

🏴🏴🏴🏴🏴

علّگوا رایات سوده للحزن

بالمآتم شارکوها ام الحسن

عاهدو المذبوح حد لف الچفن

والمنایه بهل درب طلبوها

اليوم رايات الحزن بدلوها

✍🏻 ام زينب الأسدي

🏴🏴🏴🏴🏴

يمته يالمهدي تعجل طلعتك

وبيدك البتار بيدك رايتك

كلها تنتظرك تراهي شيعتك

غايتك يبن الحسن حفظوها

اليوم رايات الحزن بدلوها

✍🏻ام عباس السكيني

🏴🏴🏴🏴🏴

اليوم علو رايته وكل السنن

وابد ماهابو صعاب ولا محن

عيونهم لاجل العقيده يفتدن

بكل ثمن هلروح اله يفدوها


بقلم العلويه زهراء النور 🍃✍️

تمت بحول الله وقوته
باقلام ✍️✍️✍️✍️
شاعرات رابطة رماد الكلمات
https://www.tg-me.com/alkalm313

☘لاستشهاد الامام الحسين ع☘

لسان حال
الشيعه👉


حسيناً حسين....حسيناً حسين
حسيناً حسين....حسيناً حسين
سيدتي  .....    يازهراااااء
سيدتي  .....    يازهراااااء

سيدتي  .....    يازهراااااء
سيدتي  .....    يازهراااااء

هل محرم ياموالي والعزه عدنه ابتدى
نهتف باسم الحسين خل يردلنه الصدى
مانعوفك ابد والله شما يسوون العدى
گلوبنه تنبض بحبك للابد طول المدى


بدمك المسفوح  هالدين اكتمل
بيكم اتمسكنه وانتم كل الامل

حسيناً حسين....حسيناً حسين
حسيناً حسين....حسيناً حسين
سيدتي  .....    يازهراااااء
سيدتي  .....    يازهراااااء

سيدتي  .....    يازهراااااء
سيدتي  .....    يازهراااااء
🏴🏴🏴🏴🏴

جينه انواسي العقيله نبچي ويه ام الخدر
تشفع  بيوم  القيامه  نلگه  بیديها  الاجر
والمقصر بالحضور بمجلسه شنهي العذر
لو تعاتبنه  شنكلها  اجوابنه  گص  وبتر

ياسفينه انت ومصباح الهدى
الروح يامولاي  نهديها فدى

حسيناً حسين....حسيناً حسين
حسيناً حسين....حسيناً حسين

سيدتي  .....    يازهراااااء
سيدتي  .....    يازهراااااء

سيدتي  .....    يازهراااااء
سيدتي  .....    يازهراااااء
🏴🏴🏴🏴🏴


شيعتك تنحب بعبره علنت اعليك الحداد
كلها متحضره المحرم تلبس هدوم السواد
عل سطوح  الرايه رفت علگوها بكل بلاد
هلمصاب لكل موالي صار اله جرح وضماد

جينه متلهفين كلنه لحضرتك
نلزم الشباچ ونشم ترتبتك


حسيناً حسين....حسيناً حسين
حسيناً حسين....حسيناً حسين
سيدتي  .....    يازهراااااء
سيدتي  .....    يازهراااااء
سيدتي  .....    يازهراااااء
سيدتي  .....    يازهراااااء

🏴🏴🏴🏴🏴


احنه متعودين ننصب ماتمه وبكل سنه
وبطريق حسين جامع او حسينيه انبنه
هذا  اليوزع  ثواب وماي  بارد  ديدنه
كل فقير بسفرتك مولاي يشبع واغتنه

من صبركم صرنا نتعلم صبر
مانعوفك سيدي الحد الگبر

حسيناً حسين....حسيناً حسين
حسيناً حسين....حسيناً حسين
سيدتي  .....    يازهراااااء
سيدتي  .....    يازهراااااء

سيدتي  .....    يازهراااااء
سيدتي  .....    يازهراااااء
🏴🏴🏴🏴🏴


يوم عاشر مانوصفه ليله جن ليلة قدر
للصبح مجلسنا عامر كلش يخصنا الامر
دموعنا دم تجري علخد حاره مثل الجمر
تشوفنه الزهره الزجيه تسجل الموقف تمر

اعليك نلطم اسف ظامي ومنذبح
راسك معلك مشى فوك الرمح


حسيناً حسين....حسيناً حسين
حسيناً حسين....حسيناً حسين
سيدتي ..... يازهراااااء
سيدتي  .....    يازهراااااء

سيدتي  .....    يازهراااااء
سيدتي  .....    يازهراااااء
🏴🏴🏴🏴🏴

٢٩/ذوالحجه/١٤٤٥
بقلم شاعرة اهل البيت عليهم السلام
✍☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
https://www.tg-me.com/alkalm313

قصيده للحسين عليه السلام
على طور سلطان المنابر حجي باسم ضيفك يحيدر هالمسى

المستهل👇👇


الله يعينج بت علي مابقى كل حيل
من شفتي الحسين انكتل واتدوسه الخيل
دم صبت العين//لمصاب الحسين

┄┉❈❥ًً❀💠(❀❥❈┉

وگفت/عالتل زينب اتصيح وتنادي
يزهره/تعالي شوفي ابنج حيله بادي
يدوسون/على صدره وسف خيل الاعادي
ويدرون/ابوه المرتضى وجده الهادي

ظل جسمه عاري بلاچفن مسلوب الثياب
زينب تون وتنتحب وينك يبوتراب
وينك يالحنين//لمصاب الحسين

┄┉❈❥ًً❀💠(❀❥❈┉

الملعون/صعد فوگ الصدر من حزله نحره
ولاخاف/من ربنا ونبينه ومن الزهره
اجت ليه/بعدين الخيول اتدوس صدره
لذلك/تشوف الدنيا صارت بعده حمره

بالشمس ظل جسمه سليب اتدوسه الخيول
واخته بقت ياحسرتي ماتدري شتگول
وتجر بالونين//لمصاب الحسين

┄┉❈❥ًً❀💠(❀❥❈┉

زينب/تخاطب ربها والدمعه جريه
قربان/ ربي اقبل جسم ابن الزجيه
الهي/انتقم من حرمله ومن ال اميه
ظلام/حرموه ياوسف شرب الميه

ماخاف من رب العرش حرمله الملعون
الف وتسعميه سهم ابن امي مطعون
معفور الجبين//لمصاب الحسين

┄┉❈❥ًً❀💠(❀❥❈┉

صاحت/وينك ياعلي داحي البيبان
احضر /دفنة بوعلي مو بقى عريان
مثل ما/حضرت بخطوه وحده لدفن سلمان
تحاجيه/بآلام وشجن والگلب نيران

سلمان انته ادفنته بيدك ياعلينه
وحسين ظل بكربلا مادافنينه
مگطوع الوتين//لمصاب الحسين

┄┉❈❥ًً❀💠(❀❥❈┉

يخويه/رحت صوب الجسد حاولت اضمك
دفعني/الشمر بيده وشتم جدك وامك
تمنيت/ابقى بكربلا بنحرك اشمك
خذونه/يساره بالعجل بس روحي يمك

ودعتك الله ياحبيبي وابن امي
بفراگك ازداد الالم وازداد همي
عنك راحلين//لمصاب الحسين

┄┉❈❥ًً❀💠(❀❥❈┉

الهي/بجاه حسين اقسم لي زياره
مكسور/گلب الشيعه ياويلي وحياره
يدعون/يمتى يظهر المهدي بفقاره
وينشر/بالعالم عدل ننطر بشاره

ننتظر طلعةصاحب العصر وزمانه
عجل يربي طلعته وعجل اوانه
ننتظرك سنين//لمصاب الحسين
┄┉❈❥ًً❀💠(❀❥❈┉

الخـ✍️ــادمه ام زيد الشمري

نسال •اللّـہ̣̥ القبول
ونسالكم الدعاء بتعجيل فرج مولانا صاحب العصر والزمان عج

https://www.tg-me.com/alkalm313

الله يعينج بت علي مابقى كل حيل
من شفتي الحسين انكتل وتدوسه الخيل
دم صبت العين // لمصاب الحسين

😭😭😭😭😭

الشاعرة أم زيد الشمري
صوت خادمكم قيصر الإمارة

☘☘لتبديل الراية☘☘

طور/_ يمه اطمنج عليه
..........................

شنو معنى رايه حمره
تمعّن والقيها نضره
سوده يبدلوها.. يرفعوها..يخطّوها
باسم الما روه

بالدمعه مرهونه.. محزونه.. مرجونه
يا طف نينوه

✿┈┈◉┅🖤┅◉┈┈✿

عادة جبير العشيره بغدر لو مات

وثاره محد ماخذه والثار ميبات

رايه حمره عله بيته هالعلامات

ومن تجي ايام جتله سود رايات


سنين صارت نحيي ذكره
ما طفت لحسين جمره

لثاره ابو الاكبر... نتحضّر.. نتنطّر ويه ابن الحسن

يا ثاره لحسينه... بيمينه.. وسنينه اهوايه المضن

يومه الزهره تنطره
تمعّن والقيها نضره

✍🏻نبضي حسين


✿┈┈◉┅🖤┅◉┈┈✿

نبدل الرايه بدموع الهظم كل عام

نذّكر اعزيز الزچيه ونلطم الهام

شلون هو انذبح ضامي ويلي منضام

واولاده واخوانه تموت بجور ظلام

وعالمسنايه عضيده
الرايه ما فارگت ايده

وعياله يسبوها... شتموها.. هظموها
عگبه بلا رحم
ابلايه ولياها.... اذّاها.. چواها.. يا جمر الخيم
عگب عينه مشن يسره
تمعّن والقيها نضره

✍🏻نبضي حسين

✿┈┈◉┅🖤┅◉┈┈✿

ابد ما ننسه الطفوف ويوم الحسين

ورايه سوده تعتلي عل گبه الحين

تجددت ايام چتله وتدمع العين

مصيبته ليوم الحشر ابن السلاطين

ولبو اليمه هالمآتم
الثاره لسه باقي قائم

ونجدد الثوره.. بهالذكره.. الفكره.. ثاره ما انأخذ
هايه عقيدتنه... عادتنه... بهمتنه
... بصبر الما نفذ

العالم تحدينه بأسره
تمعّن والقيها نضره


✍🏻نبضي حسين
✿┈┈◉┅🖤┅◉┈┈✿

بليلة امحرم نجي ونحضر مجالس

نشارك الزهره العزه وكل النوارس

كل سنه وكل عام هلذكرى نمارس

نلبس الهم هلشهر سود الملابس

نواسي الحره العقيله
والدمع من دم نسيله
السجاد يبراهه.. يحداهه ..يحماهه من ضيم الكفر

شيعتها مهضومه .. محرومه ... مندومه منها تعتذر

گليبها الله اليصبره
اتمعن والقيها نضره

✍☘ام فراس الساعدي☘

✿┈┈◉┅🖤┅◉┈┈✿

كونّه بذاك الوكت كل احنه خدام

نمشي ونداريها من اخذوها للشام

نشيل من عدها الحمل ونداري الايتام

نسهر لحد الفجر نحرسها  منّام

اليعطش نشربه اميه
نسگي العيله  ورقيه

والروس شلناهه ..احضنّاهه.. وجبناهه من فوك الرمح

ونشيلها الرايه..حدايه.. وفدايه ونروف الجرح

والعليل انطيع امره
اتمعن والقيها نضره

✍☘ام فراس الساعدي☘️
✿┈┈◉┅🖤┅◉┈┈✿


٢٨/ ذو الحجه/١٤٤٥
تمت بحمد الله بأقلام شاعرات اهل البيت عليهم السلام
✍☘ام فراس الساعدي ☘
✍نبضي حسيني
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

لطميه لاستفبال شهر محرم الحرام
على طور حجي باسم يقاروره

المستهل👇👇


الحمدلله رجع عاشور
ورجعنا نخدم المنحور

نخدمه ونهمل العين
حبيب النبي ياسين

┄┉❈❥ًً❀)🧿(❀❥❈┉

رجعت مواكب كربلا تخدم العتره والنبي
والناس رجعت للطم وتذكر الطف وي السبي
كل شيعي يذكر وگفتك ويگول حقق مطلبي
خليتنه نخدم سوه غصباً على كل ناصبي

نخدمه بصافي النيه
ثورتنه حسينيه
يحبه حتى الجنين
حبيب النبي ياسين

┄┉❈❥ًً❀)🧿(❀❥❈┉

منظر يسر گلب النبي كل خادم اليوم استعد
والناعي يقره وينتحب ويصيح ياحيدر مدد
شيب وشباب اتحضرت وحتى الاطفال البالمهد
تعاهد الحجه المنتظر ماتخلف وياه العهد

تعازي القائم الحجه
لظهوره كلها تترجه
يحامي وينصر الدين
حبيب النبي ياسين

┄┉❈❥ًً❀)🧿(❀❥❈┉

يذكر الصار بكربلا الرادود والمدمع جره
عالراس تلطم شيعته تعازي الزجيه وحيدره
ندريها تحضر كل عزه تواسي العقيله الطاهره
الراحت اسيره وي الغرب
بأيتام ظلت حايره

يبجي بحرگه كل خادم
على حسين وگمر هاشم
وعلى اصحابه الميامين
حبيب النبي ياسين

┄┉❈❥ًً❀)🧿(❀❥❈┉

تدخل ملائكه السمه ويه الزجيه من تطُب
وتگول كلمن يشترك بالخدمه ودموعه تصُب
بقاروره أجمع دمعته يوم الحشر كلش صعُب
ماتعمه العيون البچت لحسين محروم الشرُب

يبقى بالسجل اسمه
خادم مرتفع شأنه
رغم جور الملاعين
حبيب النبي ياسين

┄┉❈❥ًً❀)🧿(❀❥❈┉

كلمن عرف حگ النبي وآل النبي وظل كاتمه
يدخل مع يزيد الرجس نار السعير الحاطمه
ماننسى الحسين السبط ولاننسى امه فاطمه
نسأل الباري والنبي وعترته حسن الخاتمه

ذخرنه للابد حيدر
نريده بالگبر يحضر
يحضرنه وي الحسين
حبيب النبي ياسين

┄┉❈❥ًً❀)🧿(❀❥❈┉

الخـ✍️ــادمه ام زيد الشمري

نسال •اللّـہ̣̥ القبول
ونسالكم الدعاء بتعجيل فرج مولانا صاحب العصر والزمان عج

https://www.tg-me.com/alkalm313

☘قصيده لهلال محرم ☘

السيده زينب ع  عندما رات الهلال
تذكرت اخوتها في طف كربلاء
شتگول:-

بس شفتك گليبي ارتجف
من هلتك  لوني انخطف
لاتهل يهلال.... لاتهل يهلال

من شفتك عيوني عمن
واتذكرت  ذيج  المحن
من  الجفوف  اتكطعن
والگمر نوره انخسف....
وترادى بلحال ....لاتهل يهلال
لاتهل يهلال.... لاتهل يهلال


وحسين  ظل   بوحّده
كلهه.  الابطال . امدده
واستوحدوه اهل الرده
ضربوه و دم نحره نزف ....
من الگفه سال .... لاتهل یهلال
لاتهل يهلال.... لاتهل يهلال


من ركبوني اعله الهزل
ضليت كاتلني الخجل
ضعني سرى وانه بوجل
لاوالي لا رايه الترف.....
والدمع همال ....لاتهل يهلال
لاتهل يهلال.... لاتهل يهلال


ايتامي عطشانه وتون
والحادي يضرب علمتن
لا. رحمه.  لا.  گلبه يحن
بسياطه يضرب عل جتف
يحرگ الدلال ... لاتهل يهلال
لاتهل يهلال.... لاتهل يهلال


لاتهل   غيب   مروتك
المن   تباهي   بطلتك
والزهره ماظن عذرتك
منعدهه وحسابك كلف....
مامستحي وهال....لاتهل يهلال
لاتهل يهلال.... لاتهل يهلال

تمت بقلم شاعرة اهل البيت عليهم السلام
✍☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
https://www.tg-me.com/alkalm313

#يوم_الفتح
هو يوم الظهور المبارك
للامام المهدي (عجل الله فرجه)

#المرجع_اليعقوبي
#اللجنة_الاعلامية

قصيده لدخول كربلاء وزن نصاري


طبو كربله اليوم الميامين
شدوهه الخيام بأمر الحسين

───⊱◈◈◈⊰───

النشامه بكربله گامو يهوسون
بهيبه نزلوهه الغاليه ام عون
تكلهم سالمين اتمنه تبقون
وماتنحرم من شوفتكم العين

✍️الخادمة زينة الگريشاوية

───⊱◈◈◈⊰───

زينب بالغــوالي ترفــع الراس
جايبها اخوها البطــل عبــاس
تتباهى وتزامط بيه الارجاس
يگلها فدوه الج زينب الچفين

أم صـــ✍️ــــادق المنصوري

───⊱◈◈◈⊰───

غطوهه الشمس من گد ضواهم
أبدور بكربله رفرف لواهم
بني هاشم هذول الگال ياهم
تخط امن الفرس منهم الرجلين

✍🏻وعد الڪفيل

───⊱◈◈◈⊰───

وگللها يخويه ابروحي اخليچ
وينه اليوصلچ وبسيفي حاميچ
ارفعي الراس زينب من احاچيچ
آنه ابن الصميده ولاتخافين

✍️ام علي المالكي

───⊱◈◈◈⊰───

انه ابن الصميده وسيفي بتار
ابن ام البنين وعلي الكرار
لگطع روسهم زمرة الكـفار
الحگه اللي انهزم لوشرد صوبين

✍🏻ام سجاد الشهيد

───⊱◈◈◈⊰───

ابد مادنگت زينب ترى الهام
وياهم اجت مرفوعه الاعلام
وبطف كربله نصبوها الخيام
يگولون العقيله انتي تأمرين

أم صـــ✍️ـــــادق المنصوري

───⊱◈◈◈⊰───

تمت باقلام شاعـ✍️ــرات رابطة خادمات سيد الشهداء عليه السلام
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

*نصائح و توصيات لمناسبة  أيام شهر محرم الحرام لجميع المؤمنين والمؤمنات :*
ــــــــــــــــــــــــ
١ - عندما لاتعجبك المحاضرة فلاتطلق العنان للسانك لينال من الخطيب بل بامكانك عدم العودة الى نفس المكان والذهاب لمحاضرة أخرى فالخير عميم والمجالس كثيرة تبارك الله .
٢ - يحضر في المجالس المتدينون وغير الملتزمين بالشريعة  فلا تقل عنهم انهم يحضرون فقط في عاشوراء دون الايام الاخرى او عصاة او غير ذلك  ! ماعليك إلا أن تحبب اليهم مجالس الحسين عليه السلام ومجالسة المؤمنين وأعرهم اهتماماً خاصا وتقديراً واحتراماً
ودعهم يشعرون بدفء وحنان أحضان الدين فإنه نصر كبير
ولاتنفرهم عن المجالس فذلك خطبُ عظيم .
٣ - السواد شعارنا في محرم لذلك نرتديه تعبيرا عن حزننا وألمنا وربما ترى اشخاصا.ً لايرتدون السواد فاحملهم على محمل حسن
٤ - يداً بيد لسد الطريق على العدو وذلك من خلال  التعاون مع جميع أصحاب المواكب و المجالس من الناحية الأمنية والتفتيش و الضرورات الأخرى والانتباه والحيطة والحذر وعدم التهاون خصوصا في المناطق الساخنة فالخصم يريد النيل من هذه المجالس
٥ - مكبرات الصوت التي تذاع من خلالها اللطميات والمراثي الحسينية الأفضل أن يكون الصوت فيها معتدلاً غير مرتفع فاجعله  يذكر الناس بالحسين ع والحزن عليه ولاتجعله منفراً وينبغي معرفة الأمر من الناحية الشرعية كما ينبغي الحرص على حريات الآخرين ومراعاة أوضاعهم وخصوصا أن في البيوت مرضى وغيرهم .
٦- الإبتعاد عن النقاشات التي من الممكن أن تسبب المشاكل في المجتمع أو تثير حفيظة الآخرين فذلك معوَّل هدام ينشر الخلافات بين الوسط ونحن كما تعرف في غنى عن ذلك
٧ - أكثر المجالس تقدم الطعام بسبيل الثواب لأهل البيت(عليهم السلام) بعد انتهاء المجلس فلاتأخذ اكثر مما تحتاج إليه فذلك يعد إسرافاً من قِبلكم
٨- إحترام المجالس
والإدراك و الوعي أن السيدة الزهراء(عليها السلام ) حاضرة بالمجلس وكذلك باقي المعصومين عليهم السلام .
٩ -* لاتتحدث مع جليسك أثناء المحاضرة وانصت واسمع بقلبك فقدسية مجلس الشهيد الحسين عليه السلام لاتخفى عنك .
١٠ ـ الرياء يعني جعل العمل في مهب الريح لذا ينبغي أن نبتعد عن مظاهر الرياء في كل حركاتنا وسكناتنا ليصعد العمل خالصاً لوجهه الكريم .
١١- خذ معك شخصاً أو أكثر ممن لايحضرون المجالس سابقاً بعد إقناعهم بطريقة محببة فذلك يعد نصراً كبيراً .
١٢ - دع هاتفك صامتاً أثناء المحاضرة ولاترد على أي اتصال ولاتجعل اناملك تدغدغ الموبايل ليشغلك عن المحاضرة .
١٣ - دع الحديث عن آراء أو فتاوى العلماء في بعض
الممارسات أو الشعائر فهو أمر يثار في كل محرم ولانستبعد الأيادي الخفية وتدخلها في ذلك بهدف إبعادنا عن قضيتنا الرئيسية فتدبر .
١٤ - إجعل من الموكب مركزاً وموسسة للوعي والثقافة الدينية ونشر الاخلاق وذلك من عدة طرق طيلة أيام شهر المحرم ولاتجعله متوقفاً على اطعام الطعام فقط .
١٥ - بعض الفقراء واليتامى والمساكين سواء كانوا أطفالاً أو نساءً أو شيوخاً لايستطعيون الوصول الى أماكن تقديم الطعام في المواكب  وهم بحاجة إليه فاذهبوا أنتم أليهم ياأصحاب المواكب الطيبين وبين ايديكم طعام سفرة أبي عبد الله الحسين عليه السلام
وتذكروا ابو الايتام أمير المؤمنين عليه السلام كيف كان يصنع معهم. (منقول من لجنة الشعائر الحسينية في مكتب سماحة المرجع الشيخ محمد اليعقوبي دام ظله في محافظة ذي قار   )

أسألكم الدعاء لي ولوالدي 🙏🏻

☘قصيده للعليله عليها السلام ☘

على طور السيد الصافي/ سيدي احنا فداك

ياحسين ياحسين لاتخليني وراك
ياحسين ياحسين لاتخليني وراك

ارحمو ارحمو ارحمو ظلت عليله بالديار
مادريت مادريت مادريت بليل هيه لونهار
ارحلوا لزغار كلهم والكبار
والله عذبني البعد بويه بجفاك
ياحسين ياحسين لاتخليني وراك

🏴🏴🏴🏴🏴

لايبوي لايبوي لايبوي انت روحي وكل مناي
افتخر افتخر افتخر لو كتلي يابويه تعاي
انت كلشي انت حياتي وكل رجاي
مااصدك لو متاخذني معاك
ياحسين ياحسين لاتخليني وراك
🏴🏴🏴🏴🏴

لاتروح لاتروح لاتروح وماتخليلي الرضيع
مااظن مااظن مااظن يسلم واشوفنه صريع
ويضل كلبي لوخذيته انه فجيع
خويه عبدالله بعد مااظن اراك
ياحسين ياحسين لاتخليني وراك
🏴🏴🏴🏴🏴

ياعلي ياعلي ياعلي الاكبرعلي شبه الرسول
لوضرب لوضرب لوضرب بالسيف جن فحل الفحول
هذا شبل حسين شرد اوصف شكول
على الدنيه العفه خويه بلاك
ياحسين ياحسين لاتخليني وراك
🏴🏴🏴🏴🏴

ياكفيل ياكفيل ياكفيل الحره ويابه الفضل
بالدرع بالدرع بالدرع والطاس شايل كل حمل
انت راعي الجود اسست الفضل
والله تكسر ظهري بس لو شي لفاك
ياحسين ياحسين لاتخليني وراك
🏴🏴🏴🏴🏴

✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه

https://www.tg-me.com/alkalm313