يابويه جانه العيد
وانته مشيت بعيد

لسان حال سيدتي ومولاتي زينب عليها السلام وهي تتذكر مايقوم به ابوها علي عليه السلام في ليله القدر
وهذه الليله هو تحت التراب


المستهل👇👇

ليلة قدر والناس مرجونه
تنوح وتون طلابه يردونه

✨❃❥❍✨❍❥❃ ✨.❃❥❍

زينب تون واتصيح يايابه
من شافت عله الباب طلابه
راعي الكلافه وراعي الهيابه
وسفه مشى وغمضهن عيونه

✨❃❥❍✨❍❥❃ ✨.❃❥❍

غلگو المدارس مات مولانه
لسابع سمه خل يوصل ابجانه
وسفه الولي طبروه عدوانه
واهو الشجاع الكل يعرفونه

✨❃❥❍✨❍❥❃ ✨.❃❥❍

طلابه تبجي وتهمل المدمع
والگلب مايهده ولايهجع
راح وبعد ياوسفه مايرجع
حيدر يظل للدين مضمونه

✨❃❥❍✨❍❥❃ ✨.❃❥❍

تغترف طلابه من علومه
وتغار منه اعداه وخصومه
وسفه علي حان ووصل يومه
بسيف المرادي بخطه ملعونه

✨❃❥❍✨❍❥❃ ✨.❃❥❍

ليله قدر والناس تدعيله
ياراد يوسف رد علي الليله
ايتامه تبجي المدمع اتسيله
وتگول عونه الشافه خيعونه

✨❃❥❍✨❍❥❃ ✨.❃❥❍

سجاده فرشت جابت القران
من شافته وكت الفجر قد حان
گالتله گوم واذن الاذان
لتخلي بتك ويلي محزونه

✨❃❥❍✨❍❥❃ ✨.❃❥❍

✍ الخادمه ام زيد الشمري

نسال •اللّـہ̣̥ القبول
ونسالكم الدعاء بتعجيل فرج مولانا صاحب العصر والزمان

https://www.tg-me.com/alkalm313

☘️الاستشهاد الامام علي ع ☘️

لسان حال الشيعه👉

نهاية المجلس //


صلى الله عليك ياعلي
صلى الله عليك ياعلي
صلى الله عليك ياعلي
صلى الله عليك ياعلي

جينه    نواسي   فاطمه
بمصاب    حماي   الحمه
حزنانه كلها ارض وسمه
والشيعه    كلها   لاطمه
صلى الله عليك ياعلي.....
🏴🏴🏴🏴🏴

جرجك   كلف لا  ماشفه
ياحيف اسف نورك طفه
منبرك خالي  يون  صفه
من  بعدك  الدنيا  العفه
صلى الله عليك ياعلي.....
🏴🏴🏴🏴🏴

حتى الوحوش اتكدرت
ودموع  دم  منها  جرت
للنجف    كلها    هودرت
والفاتحه لشخصك قرت
صلى الله عليك ياعلي.....
🏴🏴🏴🏴🏴

صوت الحزن بينه اعتلا
بمصابه تتباجه الملا
ايتامه   كلها   بالفلا
والفطر عيده ماحلا
صلى الله عليك ياعلي.....
🏴🏴🏴🏴🏴

هذا الحزن ماينجلي
ودموعنه اتظل اتهلي
ماعدنه ابد غيرك ولي
حبك يظل حب ازلي
صلى الله عليك ياعلي.....
🏴🏴🏴🏴🏴

٢١ / رمضان/ ١٤٤٥
بقلم شاعرة اهل البيت عليهم السلام
✍️☘️ام فراس الساعدي ☘️
غير مبري الذمه لكل من يغيير الاسم او ياخذ كلمات القصيده وينسبها اليه
https://www.tg-me.com/alkalm313

☘لاستشهاد الامام علي ع☘


اليلة ابو الحسن شالوه تابوته
حماي الحمه يصعب كلف موته

====💔====

بالله توزرن وي زينب الحــره
على فكد الولي هليله متكدره
شـــدته الصبر ليامها المــره

(تون عليه اليسوه الونه)

✍ام احمد العبوديه زبير
====💔====

الطمي ولطمتج خل توجع امتونج
واسيتي الحره اليوم خي عونج
حضرتي المجلس او وجّرتي كانونج

(والزاد اتوزع /بثوابه)

✍️☘️ام فراس الساعدي ☘️
======💔=====

وجرتي اللطم وي زينب اليله
الحيل ارداف حيل ولطمه الثجيله
حطي الطبره وي الظلع ونعيله
الكون اهتز من امصابه
======💔=====

حمره الدنيا صارت والحزن بين
وريح ابلا ركود الوضع موهين
وكل شيعي يكون الهامه مطين
حيدر هليله مودعينه
=====💔======

الكون اهتز يشيعه وملك تجاله
واجت ام الحسن بلمجلس اويانه
نحس بآهاتهه بلونه تنعاله
امحدبه وتلطم ويانه😭
======💔=====

جرح فوك الجرح وثنينهن لجمه
يل مكضي العمر للدين كل همه
هسه افراكه حان وطشت اللمه
وحسين يصبر بخوانه
✍طالبه الزهراء
======💔=====

تمت القصيده باقلام شاعرات رابطه نائبه الحسين عليه السلام


https://www.tg-me.com/alkalm313

ـــــــــــــــــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

ـــــــــــــــــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

الوالده خيمه


*انتي الوالده خيمه وتلمنه**
*من اتطيح للفركه سهمنه**

تعالي بطيف اتاني
يا حبي وحناني
تعالي..تعالي

ــــــــــــــ

ما صدگ رحيلج يمه ميهون
عميه عيونه ونلطمها المتون
فك مسامرج بشلون وشلون

شخصج مانساني
يا حبي وحناني

ليش استعجليتي يا  حلمنه
انتي الوالده خيمه وتلمنه
تعالي..تعالي

✍طالبةالزهراء

ـــــــــــــــ①ـــــــــ

ليش استعجليتي وانه ارجاج
بعدني بعازتج يالحلو ملگاج
يلعنت عليه ارسوم عيناج

اظل عگبج اعاني
ياحبي وحناني

وخواتي يصيحن شكبره ألمنه
انتي الوالده خيمه وتلمنه
تعالي..تعالي

✍ام حسين المحمداويه

ــــــــــــــ②ــــــــــــ

ألمنه شكبره يايمه تعالي
وشوفي بغيبتج شنهو الجرالي
دمعاتي على الوجنه تلالي

دولبني زماني
ياحبي وحناني

الجنه ريحتج ياحلوه يمنه
انتي الوالده خيمه وتلمنه
تعالي ..تعالي

الخـ✍️ــادمه ام زيد الشمري

ــــــــــــــ③ــــــــــــ

بعد المن اسولف ضيم دربي
وعگبج من يصبر وجع گلبي
نبض گلبج دعاء وعين تربي

طبعج مو اناني 
يا حبي وحناني

جرح وي الجرح حتما لجمنه
انتي الوالده خيمه وتلمنه
تعالي...تعالي

✍طالبةالزهراء

ــــــــــــــ④ـــــــــــــ

يلچمنه الجرح كلمانذكرج
نكثر عتابنه  وجاشنهي عذرج
نرد نگول حگج وسط گبرج

من شفته  عماني
ياحبي وحناني

عسه كون الخبر النه وعلمنه
انتي الوالده خيمه وتلمنه
تعالي..تعالي

✍ام حسين المحمداويه

ـــــــــــــ⑤ـــــــــــــــ

تمت القصيده باقلام شاعرات رابطه ادب الطف
كتبت القصيده مواساه
للشاعره ام زيد الشمري
لفقدها والدتها اسكنها الله فسيح جناته💔💔

https://www.tg-me.com/alkalm313

خادم الحسين عليه السلام
شاعرات رابطه ادب الطف

قصيده لمرور العيد والام تحت التراب

عليمن جايني العيد وانتي حدر التراب
گلبي اعليج يمه بالحسرات مرتاب

┄┅═✧❁★-❁✧═┅┄

اعايد من ييمه بعدج يالحبيبه
وگلبي اعليج مرتاب والدمعه سچيبه
عزيزه عندي هواي ولجروحي طبيبه
يمه محمل افراگ نيراني لهيبه
مشيتي عني ابساع والدلال منصاب

┄┅═✧❁★-❁✧═┅┄

گلبي شلون ينساج ويبطل الونه
كتلني حيل الفراگ من ارحلتي عنه
جنتي الخيمه والسور مليانه محنه
يالريحتج حلوه مثل ريحة الجنه
انتي الخيمه والسور وانتي اغلى الاحباب

┄┅═✧❁★-❁✧═┅┄

اون ونه اعله ونه والدمعه اعله خدي
من بعدج ييمه غريبه وجرحي يندي
حسراتي ثجيله اون ليليه وحدي
بقت بس ذكرياتج ويه الصور عندي
اعايد من ييمه واهل العيد غياب

┄┅═✧❁★-❁✧═┅┄

گلبي حيل مشتاگ لسوالفنه سويه
مشيتي عني ابساع ورحتي هاي هيه
ضاگت بيه الاكوان يمه ردي ليه
لو اهديلج الروح صدگيني شويه
يبعد العافيه انتي بغيابج جرحي ماطاب

┄┅═✧❁★-❁✧═┅┄

عفتيني وحيده مابين الغرايب
طولج ضيعيته يااغلى الحبايب
ماينراد الفراگ مو دلالي ذايب
ادري بغيبتج آه تزداد النوايب
طولج حلو يمه وسفه تحت سرداب

┄┅═✧❁★-❁✧═┅┄

رحتي عني ابساع للفرگه نويتي
يبعد الروح يمه وبعد ناسي وبيتي
شلتي للنجف ليش وبيه مادريتي
ماغبتي ثواني عني من مشيتي
روحي وگلبي بعدج من الحزن عطاب

┄┅═✧❁★-❁✧═┅┄

تمت بعون •اللّـہ تعالى
✍الخادمه ام زيد الشمري

مهداة الى روح والدتي العزيزه
(ام عباس) رحمها الله تعالى

نسال •اللّـہ القبول
ونسالكم الدعاء بتعجيل فرج مولانا صاحب العصر والزمان عج

https://www.tg-me.com/alkalm313