☘قصيده لفراق الاهل☘

*ماتبطّل بس تهل یعیونه
ولامن الیسئل علینه اشلونه
من شالو اعزاز الگلب فدشیله
شنهوالسبب عافونه يوم ابلیله

ایدنیا ایدنیا
----------﷼

لیش یوم ابلیله عافونه ومشو
افراگهم تعبنه حيل ومادرو
یاحسافه العشره فدلحظه نسو
ناموابوسط الگبور وهاجرو

نار فرگتهم صعب ومچیده
والعایف احبابه بعد شیعیده

آیدنیا آیدنیا

✍🏻المیرزه ام ليلي الخاقانی
-----------﷼

ايا يـــــــوم الغربوا  بينه اشعمل
دار  دولابـــــچ   يدنيا   بالعجل
كل حــــــلو مرانگلب راح الامل
افــــــراگهم  موتنه  أبداً موسهل

گطعات ودروب ونواعي بحرگه
اعتاب ومضيعين  ما مش  ملگه
آه يدنيا..
آه يدنيا..

✍وعد الڪفيل
----------﷼

هاجرينه وبينه خلو يا عذاب
سمره هاي وجوهنه بلون  التراب
ودعينه الراحه لاحفنه المصاب
مر نضوك الزاد مر حته الشراب

نتمنه كون انموت ونلاكيهم
مابينه بس عله الفركه اعليهم

آه يدنيا.آه يدنيا
✍طالبة الزهراء
-----------﷼

الماتو اهله خل يزيد عياطه
انفتگ جرحه مايفيد خياطه
حتى گلبه  امكطعات  انياطه
احترگ بانت ريحته واشياطه

شما يمر طرواهم ايلجمونه
هيهات يادنيه الاهل يلفونه

آیدنيا   آیدنيا

✍️☘️ام فراس الساعدي ☘️
-----------﷼

العايف احبابه وسكن بالمگبره
شترجه منه شبرواربع مشبره
الخلصت ايامه دواة بمحبره
گشاش لمٌه وياه واخذ یامعبره

بطلو العتب والمات جوه ترابه
لايمَّه اهل فارگ جميع احبابه

آيدنيا----آيدنيا
ام حسين المحمداويه
----------﷼

تمت باقلام شاعرات رابطة ادب الطف

https://www.tg-me.com/alkalm313

☘قصيده لعم النبي ابو طالب ع☘

موشح//

ابو طالب ياأبي
      اتكفل يربّي النبي
گضه عمره ابد ماعابد وثن
🏴🏴🏴🏴🏴

اتكفّل  ايشيله  ويصون  ارعايته
ايوفي دينه ايجازي ابوه وغايته
گال  اصونه  ودوم  اعز تربايته
بروحي احبه بكثر  امه  الشالته
واحد من اولادي صار
بحضني ظل ليل ونهار
انعجن دمه وياي وي دمي عجن

🏴🏴🏴🏴🏴

كفو والله والنعم من هلخليل
وين  مادار  النبي  عمّه  يميل
جان  مرصاد ويرد عنه اليعيل
والحمل لوطاح منه العَم يشيل
عمه لكن صار ابوه
يعادي كلمن يبغضوه
وينتقم منهم وكل ظالم عَفِن
🏴🏴🏴🏴🏴

اتكفله من عمره جان اثمن سنين
وآزره  لحد  عمره ما صار  اربعين
كفو  من هذا البطل  بافعاله  زين
غيمه  ويضلل   محمدنه  الامين
يناصره بكل الامور
شهم بي غيره وجسور
مايعوفه ابد كل لحضه يحِن
🏴🏴🏴🏴🏴

رافع  ايده  النبي یدعي الامته
واجا  الكافر  يمنعه  كل  غايته
صُبَغ وجهه بدم رفث حد هامته
الف  لعنه  اعله  النفوس العادته
هناك عد الله الحساب
نار مستعره وعقاب
هاي اخرتك بعد بيها استچن
🏴🏴🏴🏴🏴

بلمدينه    النبي   ماعنده   نصير
يجي يشكي لعمّه  عنده يستشير
لو  اجته  العيله من  واحد حقير
يفزع  العم  فزعته  ماله   نضير
العمّه قدّم شكوته
من الحثاله الأذته
شال سيفه العم مشه گلّه اطمئن
🏴🏴🏴🏴🏴

نزل  جبرائيل  ويخبر  الرسول
مات عمك گلّه الشخصك كفول
مااخذ راحه محمد ظل  يجول
سافر ابعيد وتره السفرة تطول
حمل كلشي لخاطرك
مات جان يناصرك
الامر بيد الله بعد صار بحزن
🏴🏴🏴🏴🏴

٨/رمضان/١٤٤٤

✍بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه

https://www.tg-me.com/alkalm313

☘قصيده لوفاة ابو طالب ع☘

مات ابو طالب بهاي الليله
الشيعه كلها محزنه وتبجيله
🏴🏴🏴🏴🏴

اليوم  شايل  كافله  وعم  الرسول
عازي ابو الحملات بي فحل الفحول
حرنه ياهل ناس بيه احنه شنكول
جان صاحب للنبي واخليله.....
مات ابو طالب بهاي الليله
🏴🏴🏴🏴🏴

بالشدايد  يحضر   بكل   موزمه
واليضد شخص النبي ايخاصمه
ميتوانه   يفزع   ايرشه   بدمه
جان من ايطيح حمله يشيله.....
مات ابو طالب بهاي الليله
🏴🏴🏴🏴🏴

صايم  برمضان من حان الاجل
بليلة الثامن وسف نعشه انحمل
والنبي المختار ظل دمعه ايهمل
اليوم ننصب ماتمه وننعیله.....
مات ابو طالب بهاي الليله
🏴🏴🏴🏴🏴

بمثل هذا اليوم وبشهر الصيام
مات ابو حيدر علي وبچّه الانام
ناحت اعليه الخلگ حتى الحمام
مودمع  علخد دمه و انسيله
مات ابو طالب بهاي الليله
🏴🏴🏴🏴🏴


ماحضر حيف النبي او ماودعه
بيدي گال احفر حفرته واندعه
استغفر العّمه  والباري  يسمعه
يبچي ابن عمه علي يشكيله....
مات ابو طالب بهاي الليله
🏴🏴🏴🏴🏴

٨/رمضان/١٤٤٤

✍بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه

https://www.tg-me.com/alkalm313

اليوم☘️قصيده لوفاة ابوطالب ع☘️


يابو طالب..ياحظن دافي وامان
يابو طالب دنيه انته من الحنان
يابوطالب...يابوطالب

+++++++++++++++

كل وجودك سيدي ايفسر الروايه
الرسول الله جنت سور وحمايه
الرساله تنام عندك هاي غايه
الله راد ايوضح الكل البرايه
انته شخص شكد كبير
واعلنت موقف خطير
جوشن انته الكل زمان
دنيه انته من الحنان
يابو طالب /٢
بقلم العلويه ام رقيه
  فيض الطف
+++++++++++++++

يلكفلته وجنت والد كله طيبه
كل طباع الحلوه شايلها غريبه
تفتديه بروحك اشيطلب تجيبه
شهل حنان الشايله العندك عجيبه
انت حددت المصير
واعلنت موقف خطير
ل طه وفّرت الامان
انت بيتك بالجنان

يابو طالب /٢
✍️☘️ام فراس الساعدي ☘️
+++++++++++++++

جاه  الك مهيوب  وتلوگ الفراضه
يمك المضلوم وي خصمه يتقاضه
يلعشت وي ناس ماتسوى فضاضه
وبمصابك  سيدي  تحله   العراضه
اختارك الباري القدير
واعلنت موقف خطير
بالعلم  عندك  بيان
تخدمك انس وجان
يابو طالب/٢
✍☘ام فراس الساعدي ☘
+++++++++++++++

انت شيخ اواكرمك الله برسوله
تعاهدت بحمايته ابمعنى الرجوله
وگلت هذا الدين خط محد ينوله
الك عالي الشان ياشيخ الحموله
ولليخاف انت تجير
واعلنت موقف خطير
تحملت  ضيم وعنان
دنيه انته من الحنان

يابو طالب/٢
✍🏻ام سجاد الشهيد
+++++++++++++++

يبو طالب يلصنت سيد البريه
يلي شاهر سيفك باسم القضيه
تحارب بكل وكت لجل الهاشميه
صار يتنومس ببو النفس الأبيه
ابد  مثلك  ما يصير
وأعلنت موقف خطير
للرسول انطيت امان
بكلب واسع من حنان
يبو طالب /٢
✍️ ام عمار العبودي
+++++++++++++++

٨/رمضان/١٤٤٤
تمت بحول الله وقوته باقلام شاعرات رابطة ساقي عطاشا كربلاء
https://www.tg-me.com/alkalm313

☘☘لوفاة ابوطالب ع☘☘

نعي// گرناوي

نعيتك يابو طالب وكت الاذان
وذكرت ايامك بهاي المسيه

شهم يمعدل احجايتك ميزان
أمأصّل  والنسب  للطالبيه

ادري اربات خيّر وابن ديوان
عشت ويه النبي انواع الاذيه

تكفّلت الرسول وصرت عنوان
وابنك  حيدره هم صار اخيّه

بطل صنديد ياهيبة الفرسان
الك هدّات يل نفسك أبيّه

يحيف ايام مُرّه وكلها احزان
يبغضوك بحقد هل ناصبيه

المربّيه  حُفَر  لِحدك  اودفان
ويهيل اترابك بدمعه جريه

حريمه تنام يمنومس بتربان
وتضل اخلافك ازلام الرديه

محمد ناح منفگدك او وجعان
يذكره امصابك بكل مغربيه

نظل للدوم كل ثامن برمضان
نسوي المجلس وننصب عزيه

٨/رمضان/١٤٤٤

✍بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه

https://www.tg-me.com/alkalm313

يزينب هاي طبت مجلس يزيد
كل ضنه يذلها ويومه جن عيد
========
طبت بت علي وشلون طبتها
تعصف بالوجود الجلمه ذبتها
جلابيب الوياها بصبر عبتها

جن حيدر يخطب بلسانه
✍طالبةالزهراء
=======
بركان انفجر من طبت المجلس
اسم الحيد ابوها كل نذل يخلس
زينب مدرسه اوبيها العلم يدرس

زلزال اوهدم /طاغوته

✍️ام محمد تقي الموسوي
========
اكحيله امعدله واربات والدها
بت الزهره هاي المصطفى جدها
حياء الحره يشلع عين ال ايصدها

ايعرفوها /اخت العباس

✍️ام محمد تقي الموسوي
=======
من بعد اليسر والضيم سابكها
على طول الدرب عباس رافكها
تطيح تكوم لن ابروحه شابكها
ماميت راسه يحاميها
✍طالبةالزهراء
=======
هيبه حيدره الكرار طبتــهه
لسان الناطق بديوانه خطبتهه
رعبته اليزيد وناره شبتهــه

(بركان الوج وسط اعداها)

✍🏻خـادمـة الزهـراءام احمد العبوديه زبير
=======
تمت القصيده باقلام شاعرات رابطه النهج الفاطمي

https://www.tg-me.com/alkalm313

وزن الوسيله
قصيدة الى باب الحوائج الامام موسى الكاظم ع
ــــــــــــــــــــــــــــــــــــــــــــــــــــ
بلهضم والنوح للمسموم اجينه
برطب ياحيف كالو سامينه
يمسموم
يمسموم
_١_
فوك سمه وسجنه مرهون بزناجيل
وعالجسر مطروح وتشيله الحماميل
مصيبته تهدم صخر دمعاته التسيل
شيعته لليوم من اجله حزينــــه
بالهظم والنوح للمسموم اجينه
يامسموم.. يامسموم
✍ام روكان الشمري
_٢_
شيعته لليوم منكوبه اعل موته
الضل وحيد وبالسجن من سمع صوته
تالي من سم النقيع يصير قوته
كلنه مشايه نجي رايه بدينه
بالهظم والنوح للمسموم اجينه
يمسموم
يمسموم
✍طالبةالزهراء
_٣_
نرفع اعلام الحزن لجلگ اليله
عل الرضو ساگه وتكطع دليلـه
شلون نعشگ عالجسر فارك خليله
نعازي معصومه اجت من المدينه
بالهضم والنوح للمسموم اجينه
يامسموم
يامسموم
✍️الشاعرة ام روكان الشمري
_٤_
نعازي معصوومه على عظم الرزيه
الخلصت ايامها بدمعه جريه
تكول فاركت الوفه بجف الرديه
تكول اضوك الموت من اذكر حجينه
بالهظم والنوح للمسموم اجينه
يامسموم
يامسموم
✍️طالبة الزهراء
_٥_
نعازي مولانه الرضا ونطلب بثاره
شيعه اجينه اعيونه اتصد للمناره
دموعنه وحره كلب يلبينه ناره
والهظبمه بروحنه لجله بجينه
بلهضم والنوح للمسموم جينه
يمسموم
يمسموم
✍️ام روكان الشمري
__
تمت ومن الله التوفيق باقلام شاعرات المنبر الحسيني
✍️الشاعرة ام روكان الشمري
✍️الشاعره طالبة الزهراء القريشي

قصيده لفقد الأهل والاحباب

اليفگد احباب الگلب
اعيونه عالراحو تصب
حال اليودع اعزازه
ياويلي چنه اجنازه

اخ أمن الفراگ. اخ أمن الفراگ
،،،،،،،،،،،،،،،،،،،،،،،،،،،،،،،،،،،،،
ريه اونَفس چنه گبل ابخيمتهم امغطينه
ماودعونه من مشو الفرگتهم اتأذينه
ماندري روحتهم زعل والهالسبب ناسينه
جمرة زعلهم ماطفت صبح اومسه تچوينه

احسن نموت اوياهم
ماينحمل فرگاهم

اخ أمن الفراگ. اخ أمن الفراگ
،،،،،،،،،،،،،،،،،،،،،،،،،،،،،،،،،،،،
احسن نموت اويالمشو وبصفهم ايوسدونه
ياهو البعد بينه يمر بس همه ماينسونه
لحضه اوغفل عنه ارحلو ابنص الحزن خلونه
وياهم اخذو كل فرح ابضيم اوقهر عافونه
صبح اومسه ابذكراهم
ماينحمل فرگاهم

اخ أمن الفراگ. اخ أمن الفراگ
،،،،،،،،،،،،،،،،،،،،،،،،،،،،،،،،،،،،،
نذكر سوالفهم گبل ذاك الضحك والونسه
اعزاز الگلب يالغربو گلولي منهم شنسه
مخفيه ونت هالگلب صرخاتي ضلت خرسه
واليفگد احباب اواهل ماظنه يطلع حسه
اسوالفهم اوملگاهم
ماينحمل فرگاهم

اخ أمن الفراگ. اخ أمن الفراگ
،،،،،،،،،،،،،،،،،،،،،،،،،،،،،،،،،،،،،
ذيچ السوالف ماترد اوياهم مشت فرحتنه
بنگابه ملفوف الگلب ناصبه عزه العشرتنه
راحت بعد يادنيتي ماظن ترد لمتنه
ونضل نناشغ چن طفل ومن الگلب نشغتنه

ما ننسى ابد طرواهم
ماينحمل فرگاهم

اخ أمن الفراگ اخ أمن الفراگ
،،،،،،،،،،،،،،،،،،،،،،،،،،،،،،،،،،،،،
يبست شرايين الگلب لمن فگد أحبابه
عنه احنه شبساع ارحلو وتوسدو ال اترابه
اصوابه دلالي كلف ماظن يطيب اصوابه
نار اوتشب وسط الضلع ماتنطفي لهابه

حيف التُرب غطاهم
ماينحمل فرگاهم

اخ أمن الفراگ. اخ أمن الفراگ
،،،،،،،،،،،،،،،،،،،،،،،،،،،،،،،،،،،،،
خادمة ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا

https://www.tg-me.com/alkalm313

نعي حول استشهاد مولاتي الزهراء عليها السلام

ياريحة مسچ ومنگعه ابهيل
تره افراگج صعب هدالي الحيل
عيني امساهره ومانامت الليل

موحش ييمه اخلافچ البيت
اتعوفيني غفل ماحسبيت
بچيت أنه اشكثر بس مارويت

ماينحمل ضيمي اومراري
أومن وني لاتغتث يجاري
ظلمه أصبحت هاليوم داري

اه يم حسن دارج خليه
مابطلت عيني جريه
خلصت العشره وهاهيه


خلصت العشره يالحنينه
يالزهره مايبطل بچينه
يمه الحزن خيم علينه


خادمة ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خير الجزاء

https://www.tg-me.com/alkalm313

نعي گرناوي حول وفاة مولاتي الزهراء عليها السلام
غفت عينچ ييمه ابلايه اوداع
ليش الياسبب زعلانه رحتي

مافكرتي بيه ابضيم ضليت
لافتحتي عين اوجهي شفتي

هم حسيتي بيه احچي وياج
اه يالزهره احس گلبي مردتي

يلرحتي سكته ابلايه توديع
عجب ماصحتي باسمي اولانطقتي

گبل هالليله يمي أنتي اواصد ليچ
اوغفل وبلايه ونه ابساع متي

لاشبكة اچفوف اولاحضن ليش
ابساع اوبالعجل عني رحلتي


اجيتج والگبر شبگنه الچفوف
والميت گعد يمه اعله ونتي

عليچ امعلمه يايمه تدرين
اوعفتيني اون واغفه ابدمعتي

خادمة ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خير الجزاء

https://www.tg-me.com/alkalm313

بدورُ شعبان

شعبانُ كَمْ بدرٍ بأفقِكَ قد علا
أقمارُ هاشم بالنقاءِ مُؤصَّلة

أمجادهم جلَّتْ علی كُلِّ الدُّنی
سَلْ عنهمُ أرضَ الطفوفِ وكربلا

قلبُ الموالي نبضُه من عشقهم
الأرضُ تحت نعالهم مُتزلزلة

همْ سادةُ الأكوانِ يسمو ذكرهم
مجدٌ تعالی في السماء وفي الفلا

جناتُ عدنٍ فُتِّحَتْ لحبيبهم
أيديهمُ بنجاتنا مُتكفلة

ابنُ البتول إمامهم ووليهم
الشمسُ من نور الحسين مُكحلة

وأخوهُ بدرٌ في الجنانِ مقامُه
أغصانُ طوبی للكفيلِ مُظلِّلة

يروي ظمانا من كفوف قُطِّعتْ
بنتُ النبي لثأرها مُتوسلة

مهلاً فشعري لم يزلْ متعثراً
ما لم يَصفْ زينَ العباد مُهللاً

الله أكبر كم سَمتْ أمجادُه
بدعائه غيثُ السَّماءِ تهاطلا

بصحيفة ميمونة تروي الظما
لا لا تكن لعلومها متجاهلا

فشرائع الإسلام فيها سُطِّرت
قرآننا فيها غدا متغلغلا

يا سائلي من هم بدورُ قصيدتي
نورُ الإلهِ لمن أراد تكاملا


زينب حسن البزال
حوزة السيدة الزهراء ع"


#المنتدى_الفاطمي
https://www.tg-me.com/alkalm313

‏مقطع صوتي من ياحبيبي ياحسين

يا فركه الخوان فركه
مطرور كلبي يريد ملكه
غير الرمل والكبر شلكه

انه جايه والجرح بين
صبن ادموعي وكلت هين
جا وين ذاك الكال عين

لاجانه لا عين ولا بان
الباجي من اهلي الحنان
ثاري غمض ويرد دفان

يلدافنه خليني اصد ليه
وشبع شويه من معانيه
كلبي رجيج وصبر مابيه


✍#طالبة_الزهراء_القريشي
النجف الاشرف
١١/ ٢ /٢٠٢٤


https://www.tg-me.com/alkalm313

عشكنه اوي الحسين اندار
نموت ونلهج ابأسمه
خدم غركنه خيره اهواي
وخير يصير بالقسمه
يضل بيه العمر  مرهون
يطشه بكيفه ويلمه

يسامح هوه يسامح
طيح ألنه اذنوب


يسامح بالذنوب اشكال
الله مكلفه بهايه
جسر وبلا جسر مضمون
نموت بنهجه الغايه
رحمه الله وبشعبان
بدينا ترف الف رايه

نزوره اليوم نزوره
نبوس  بالشباك



نزوره وبالزياره نهيم
جمره شوق للحضره
صفره وجوهنا بلياه
نطبله وتشفى كل عبره
يلمروي سنين العوز
تزهي الوانه  الخضره

الكون اتمايل
هوه مثبت الكون
✍طالبةالزهراء القريشي
بصوت
المنشد والرادود علي العيداني

https://www.tg-me.com/alkalm313

‏مقطع صوتي من ياحبيبي ياحسين

للغائب عجل الله فرجه الشريف
يا شوكنه


يلمهدي طالت غيبتك تعال
نقسم عليك ابعمتك تعال

صاح العطش للماي
يمته تجي مولاي
يا شوكنه
ياشوكنه
___ ____
نشفت ارياك الزمن ونته البعيد
والله لو شفناك يصبح عدنه عيد
الحيل يمك يرجع يلاوي الحديد
بينه جف العافيه ينهض جديد

بخدودنه الدمعه سهم..تعال
مكسور يا ظهر الشهم...تعال

تايه علينه الراي
يمته تجي مولاي
ياشوكنه
ياشوكنه
**
يمته صوت من السما بعد الآذان
يسمعه كل الكون حته اهل الجنان
ظهر ابن الثار اسباب الامان
غيث رب الكون ولهذا الزمان

تترقب عيون البشر ..تعال
كل لحضه معجونه بقهر..تعال
اخر املنه بهاي
يمته تجي مولاي
ياشوكنه
ياشوكنه
✍طالبةالزهراء
**
طول علينه البعد طال الغياب
وبينه كل يوم الحزن يفتحله باب
وحنه كل جمعه نوديلك عتاب
مانمل يا سيدي من هل كتاب

برجاك خضر كل امل تعال
يا شوكنه يل مايفل تعال

دمعه فرح للجاي
يمنته تجي مولاي

ياشوكنه
ياشوكنه
✍العلويه ام نور الميسانيه
**
وننتـظـرها جيـتك كلنا ونگـول
كلشي مـن تظهـر يبو صالح يـزول
والنريـده والعـدل يمـك ننـول
ابچفك الطاهـر تصفـيها السيـول

يافرحـة اگلـوب الـبشر ٠٠تعال
من وجهك يغارالگمر ٠٠
تعال

ولشيعتك شراي
يمـته تجـي مولاي

ياشوگنا
ياشوگنا
✍🏻ام مهــدي العيــداني
***
الـك بالتـأويــل نصـا بالصـريــح
انـت اخـر نـور للديــن الفليـــح
نرتجـيـك وبالدعا بسـمـك نصيـح
انته رايه وللفتح لا ماتطيح

وبسيـفك اتصـفي الخصم٠٠تعال
مليـنه من جور الظلم٠٠تعال

والكـون الك عناي
يمته تجـي مـولاي

ياشـوكنـا
ياشـوكنـا
✍🏻 ام مهــدي العيــداني
**
تمت القصيده باقلام شاعرات رابطه ادب الطف

https://www.tg-me.com/alkalm313