☘قصيده للسيده زينب ع ☘

سود امتونها     من ضرب السياط
كلبي عليج زينب كطع نياط

🏴🏴🏴🏴🏴

نياط اتكطعت من الكلب ليج
وعيوني دمه تصب الدمه عليج
وبليل ونهاري الهج   بطاريج
من كثر البجي حتى الفكر شاط....
سود امتونها     من ضرب السياط
🏴🏴🏴🏴🏴

بيج  الروح   يازينب   ترادت
وعليج هموم كلبي اليوم زادت
على الماتت هضم وعليها عالت
كوم زياد شدت بيها الرباط....
سود امتونها     من ضرب السياط
🏴🏴🏴🏴🏴

بت حيدر علي والهاشميه
اميره واصبحت تالي سبيه
ترد  وحدها  من  الغاضريه
نايم ياكمر جاوين الزماط....
سود امتونها     من ضرب السياط
🏴🏴🏴🏴🏴

اه   اعله   العقيله المالها   احد
تصيح بصوت خويه الله ولحد
لحد الموت  اجيم العزه والحد
على جروحك ابد مايرهم خياط....
سود امتونها     من ضرب السياط
🏴🏴🏴🏴🏴

زينب ماتت بديره غريبه
لا ام لا اخيه  ولا  حبيبه
اجت مدلله من ارض طيبه
تظل محيره وكاتلها الاحباط.....
سود امتونها     من ضرب السياط
🏴🏴🏴🏴🏴

✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

https://www.tg-me.com/alkalm313

☘️لاستشهاد السيده زينب ع ☘️

النص //وزن الميمر


ياموت كلـي شتنتضـر
مليت منكثر الصبر
لخواني انه مشتـاكه
مليت خل نتــــلاكه

ماريده يطول العمـر
مليـت من كثر الصبر

انه يازينب.. انه يازينب
ـــــــــــــــــــــــــ🔥🔥🔥

مترادي حالي من بعد خواني
چا مايجيني الموت شنهو متاني
الدهر قاسي وللغرب وداني
فراك وجفا والمرض هد ابداني
شلي بعد بيه العمر
مليت من كثر الصبر
انه زينب. انه زينب
ـــــــــــــــــــــــــ🔥🔥🔥

فراك ومرض والغربه هدت حيلي
مشتاكه اروحن للولي يحييلي
ماغمضت عيوني بنهاري وليلي
مجروح كلبي ومستعر یاويلي
ياريت ياخذني الكبر
مليت من كثر الصبر
انه زينب.. انه زينب
ـــــــــــــــــــــــــ🔥🔥🔥

من اذكر الناگه وانه المسبيه
جمر الخيام الي چوت رجليه
طول الدرب ومجتفات ايديـه
رماد المخيم اه ياذاريـــه
ياذيني يبن امي الهجر
مليت من كثر الصبر
انه زينب.. انه زينب
ـــــــــــــــــــــــــ🔥🔥🔥

الموت اجاني وانه صبت عيني
اشلون ترضاهاالعدو ياذيني
حلفتك بكسر الظلع تلفيني
الفاتحه يم راسي وتقريلي
وتزورني وكت الفجر
مليت من كثر الصبر
انه زينب.. انه زينب
ـــــــــــــــــــــــــ🔥🔥🔥

منيمر طاريكم على جروحي تهيد
اعتب عليكم والعتب لاميفيد
برافگم آلآمي كل يوم اتزيد
اتحسر واصفك اظل ايد بايد
لامايجي منكم خبر
مليت من كثر الصبر
انه زينب.. انه زينب
ـــــــــــــــــــــــــ🔥🔥🔥

تمت باقلام شاعرات اهل البيت ع
✍️☘️ام فراس الساعدي ☘️
✍️وام روكان الشمريه
غير مبري الذمه لكل من يغيير الاسماء او ياخذ كلمات القصيده وينسبها اليه
https://www.tg-me.com/alkalm313

☘️لاستشهاد السيده زينب ع☘️


اويلي عليج يم عون،
        تبجي تهل العيون،
الف ياحيف بديار الغريبه،

🏴🏴🏴🏴🏴

ماتت بالغرب ماعدهه وليان/
ولايمها حبايب**
جنازه عله الدرب وين اليشيعون/
بيدين الاجانب**
حكهه من تون وتصيح يخوان/
بس الهم تعاتب**
بديرت غرب، دفنوچ....
بدار الشام خلوچ....
وين اهل الرحم  هاي الحبيبـه....

بديار الغريبه،
🏴🏴🏴🏴🏴

ظلت حايره وتدير بالعين/
وين اهل المروه
تعاتبهم تگول اني العزيزه/
بعد راحت الخوه
مايحضر بعد عباس وحسين/
جانو الها سلوه
شيرد الليالي بعد هيهات /
اشكد ايام حلوه
راحو مايردون **
تنده مايسمعون**
گلبها ابد ما يبطل نحيبه....

بديار الغريبه،
🏴🏴🏴🏴🏴
احضر يا علي جناز الهه/
يالغسلت سلمان**
وانده  علزجيه وام البنين/
تدفنون ام الاحزان**
شد الخيل واسرج حيدر ابليل /
وي جمله الخوان**
شنهو العطلاكـم....
چا عنها شلهاكم....
لحكو علاسيره ام المصيبه

بديار الغريبه،
🏴🏴🏴🏴🏴

حفروه الگبر رادت يحضرون/
يشيلون الجنازه
تدرون الاخت ياناس تحتاج /
تظل للاخو بعازه
صعب ماينحمل للدوم ينعاه/
اليفارگ اعزازه
عليهم عميّت العين...
على اخوتها الميامين...
تكول منين ابن امي اجيبه

بديار الغريبه،
🏴🏴🏴🏴🏴

تكول منين اجيب الراح ياناس/
وانه اعله المنيه
تحملت الهجر بگليبي اهات/
والام ورزيه
شيجيب المضى وشيرجع الراح/
ولمت اهلي عليه

منيتي بدار الاجناب
لامن جار واحبـــاب
تظل ياقصتي قصه عجيبه

بديار الغريبه،
🏴🏴🏴🏴🏴

٢٥/جمادي الاخره/١٤٤٣
بقلم شاعرات اهل البيت عليهم السلام
✍🏻 ☘️ام فراس الساعدي ☘️
وام روكان الشمري
غير مبري الذمه لكل من يغيير الاسماء
او ياخذ كلمات القصيده وينسبها اليه
https://www.tg-me.com/alkalm313

☘لاستشهاد السيده زينب ع ☘

لسان حال الشاعر

اه يازينب الحره
عليچ هالدنيه مغبره
شيعتج محزونه وظلت مكدره

مغادره من الدنيه زينب  ماترد لينه بعد
ماشيه ومحرومه راحت لااخوها ولا ولد
شكثر لوعات الّي شافت حترمال الطف شهد
تنازع ويه الموت صارت هذا مكتوب او وعد

صبرچ المحّد يصبره
عليچ هلدنيه مغبره
شيعتچ محزونه وظلت مكدره
🏴🏴🏴🏴🏴

من البدايه انتي حره بكل امورچ عالمه
شلّت احوالچ الدنيه كحيله والها محزمه
مرت اعليچ الليالي شكد عظيمه ومؤلمه
اتحمليتي هواي منها على الصدعه معلمه

من دروسج خذنه عبره
عليج هلدنيه مغبره
شيعتج محزونه وظلت مكدره
🏴🏴🏴🏴🏴

ابد مامر مثل صبرچ يا نجيبه  وبت علي
رحتي ميسوره ومشيتي بكل بلاد وبالخلي
عيونج تصب على خوانچ مودمع دم اتهلي
شما اگول شمااوصفچ يابعد روحي وهلي
جبل يتهاوه بكبره
عليچ هلدنيه مغبره
شيعتچ محزونه وظلت مكدره
🏴🏴🏴🏴🏴

بعد صار الصار وانتي تربي عينچ عل درب
انتضرتي شگد يجون من القهر شاب الگلب
ابد مو هينه المصيبه فراگهم  كلش  صعب
الف حيف والف  وسفه  نمتي بديرة غرب
والدچ محد يخبره
عليچ هلدنيه مغبره
شيعتچ محزونه وظلت مكدره
🏴🏴🏴🏴🏴

نروح ننصبها الچوادر كل رجب احنه نجي
آه  ياام  عون صحنه كلنه  بصوت الشجي
ندعي احنه  لابو صالح ياخذ  بثارچ يجي
يشهر السيف ويحارب كل طواغي نرتجي

كل گلب شيعي يجبره
عليچ هلدنيه مغبره
شيعتچ محزونه وظلت مكدره
🏴🏴🏴🏴🏴


۱۵/رجب /١٤٤٤
بقلم شاعرة اهل البيت عليهم السلام
✍️☘️ام فراس الساعدي ☘️
غير مبري الذمه لكل من يغيير الاسم او ياخذ كلمات القصيده وينسبها اليه

https://www.tg-me.com/alkalm313

☘️لاستشهاد السيده زينب ع ☘️


سجاد اعله عمته ذب العمامه
يون ويصيح عمه ويلطم الهامه
ــــــــــــــــــــــــــــــــــ🧿
مااحمل مصابچ عمه تدريني
يافكدچ يهدني وحيل ياذيني
بدار اجناب ماتت ياعمت عيني
والشوفت ابو السجاد محتامه...
ــــــــــــــــــــــــــــــــــ🧿

مصيبه مصيبتچ یم عون فجعتني
اناشدهه وكلهه شلون عافتني
ادفني يم رقيه ام عون وصتني
دفنتچ والكلب هل زادت آلآمـه...
ــــــــــــــــــــــــــــــــــ🧿

صبح زين العباد محيّر بامره
يميل منلمرض چن ريح هز شجره
حمل كل الجرى بمصابهه العتره

عفه صبره اعله عمته تنوح گدامه...
ــــــــــــــــــــــــــــــــــ🧿

وين الزاجيه تحضر تچفّنهه
تهيل ترابهه واليوم تدفنهه
يجن كل الحبايب خل يشوفنهه
متنگب علي السجاد بلثامه...
ــــــــــــــــــــــــــــــــــ🧿

اخذهه بليل شيعهه علي اوحيده
عن ديرة اهلهم صارت ابعيده
يجهر بالبچي والبچي شيفيده

دفنهه باللحد وسودت ايامه...
ــــــــــــــــــــــــــــــــــ🧿

١٠/رجب /١٤٤٤
تمت باقلام شاعرات اهل البيت عليهم السلام
✍️☘️ام فراس الساعدي ☘️
و✍️ام روكان الشمري
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/alkalm313

☘لاستشهاد السيده زينب ع ☘


هليوم العزيزه تشيل
         خل يحضر مدَللها
مسمومه وتون وتريد كافلها

🏴🏴🏴🏴🏴🏴🏴🏴

غريبه ام الحزن من غير اهاليها
تون وتنوح  ظلت  حيل  مابيها
تعتب على اخوتها  مااجو  ليها
حسافات الجنازه  الغربه تحملها....
هليوم العزيزه تشيل
         خل يحضر مدَللها
🏴🏴🏴🏴🏴🏴🏴🏴

مصايب كربله شافت مهضميه
واخوتها برِماح  الروس مدميه
مكلوفه بايتام وحرم  مسبيه
بيوم الفارگت كثر الحزن سلها....
هليوم العزيزه تشيل
         خل يحضر مدَللها
🏴🏴🏴🏴🏴🏴🏴🏴

يكون الساع يحضرها ابوالغيره
يجبّلها  المنيه  وراسها  يديره
وايشيل النعش علمتن بلديره
اخيته الطاهره وجفوفه يفدي الها....
هليوم العزيزه تشيل
         خل يحضر مدَللها
🏴🏴🏴🏴🏴🏴🏴🏴

سموها العده والروح خلصانه
وين الي  تجي تتعازه  ويانه
تخلي عيونها منلبچي عميانه
بلمجلس تجي زينب تسجلها....
هليوم العزيزه تشيل
         خل يحضر مدَللها
🏴🏴🏴🏴🏴🏴🏴🏴

نطرق بابها والمدمع نسيله
حوايجنه يحره بيدج الليله
نطلبها العقيله بخدمة العيله
مراد منيدها وكل مشكله تحلها.....
هليوم العزيزه تشيل
         خل يحضر مدَللها
🏴🏴🏴🏴🏴🏴🏴🏴


بقلم شاعرة اهل البيت عليهم السلام
✍☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه
https://www.tg-me.com/alkalm313

#هوسات للعقيلة زينب عليها السلام

#كلش ثجيله فاتحتنه اعله أم عون

......


مايگدر ايشيل النعش بثنين ادينه
چنه يقدملها العذر يختي الحنينه
بتروهن چفوف الوفه وخلصن سنينه


(الخوه اليله مريوده)
٠٠٠٠٠٠٠٠٠
الحره وين اهلها تنشد الناس
فاتحـت الغــريبه بلايه عباس
ماحضرو الختمه وجابو الياس

(يريدون اليله ابن امها )

✍🏻خـادمـة الزهـراءام احمد العبوديه زبير





حزانه وتدك الساده وتهمل العين
شالت بنت الامام نسل الطيبين
ماحضر عباس مكطوعه الايدين

يزتوهاا..والساده اليوم
..
يزتوهاا بعراضات وبيراغ ترتفع
و على ام المصايب يكثر الوجع
مصاب العقيله يفجع الساده فجع

اذنه يايوم مصابج

العلويه بتول الهاشمي




كلش ثگيله الفاتحه والدمع مسفوح
عالخلصت كل العمر بالاه والنوح
ماحاضر اليوم الگمر وگليبه مجروح

((ويشيل الرايه اعله متونه))

الخـ✍️ــادمه ام زيد الشمري




بهوسه وعراضه اليوم شلنه العقيله
ومدمعنه من دموم كمنه نسيله
تستاهل اختك كون لطمه ثجيله

((عله عيونه // والشيعي يدك ))


✍ام نور الميسانيه


ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

مايگدر العباس يحظر عزا ها
لو عنده بس تك ايد جان اعتناها
ورياته اعله التابوت رفرف الواها

(اتعذر منها اتعذر شيال الرايه)

✍️ام محمد التميميه



الشيعه اعتنت للشام تنصب عزيئه
تنصب جوادر نوح البنت الزجيه
زينب الفاها الموت هاي المسيه

(اليله الفاتحه بالشام نصبوها)

✍️ام محمد التميميه



ادموع ابدمه لام عون العيون يعموها

لطمت انس وي جان عالروس خلوها

وصه البطل عباس بجفوفي شيلوها

(( علوها الجنازة زينب))
✍ام اسعد الشمري




كالوله نهدي اجفوف للغيره وام عون

فاتحه اكلوب اتصير من دم غده الون

ندمي بالطم للراس خل يشهد الكون

(( احبابه مو غربه الشالو))
✍ام اسعد الشمري



شايلها أختك شوف حزمه من الجفوف

زينب نعاها الكون جابوها الطفوف

يمك تغمض العين واتميل الخوف
(( يحاجيها /عباس ابروحه يحاجيها))

✍ام اسعد الشمري



ماخضر وكت الموت ماهن اجفوفه
خجلان من ام عون خافن تشوفه
ماجبت ليها الماي هوه وطفوفه

متانيته // يحضر عباس

✍🏻ش بنت العباس ع ام منتظر الجابري




ماحضروکت الموت لخته وتعنه

وظلت ربیه العین ام المحنه

تنطر یجی العباس ذاک المچنه

یحضروالراس الها ایدیره

✍🏻المیرزه ام ليلي الخاقانی


بس الجسم لاراس گرب ليه
عذريني گلي ام عون يختي الأبيه
مامش زند لا أيد ودنگ عليه

نعشي شلون ايشيله،،،مگطوعه ازنوده

ام علي المالكي



على ريجي وحرت شكتبلك بهايه
يا كفال شكبر هاي الحجايه
الناس اذود لمن بالنفيس اذود
ونته انطيت عمرك لشرف الغايه

يلموصي الاخوه حسين خبرها
ماضلي زند للجربه والرايه
الجود اتبده تبدت روحه اوياه

✍طالبة الزهراء



تعال ارجوك ياموتي بعد ماريد تتأخر
استعجل يملك الموت عندي خوان تتنطر
انه زينب يخويه حسين فدوه الجيتي اتحظر

خبر الكافل لايتأخر
يم الباري الملگه هناك
✍️ أم حوراء البركاوي



ثگیله الفاتحه و اترید المعزبین
ابوفاضل المنهم و العضید احسین
یحظرون الدفن و اعلیهه متنگبین

*مهیوبه بخوانچ زینب*

*✍ام ابوالفضل مقدم*




ثجيله الفاتحه وحاضرها جن عباس
وماخلو اختهم تشيعهه بس الناس
صدك جفينه متكطعه أبو النوماس
((وبجنحانهه شيعه الاخته ))
▪️▪️▪️▪️▪️
اجاها مثل طيره ترف جناحيينه
من الجنه طالع ايشيع الزينه
وصب الدمع الهه وحمرة عينه
(( يسمونه الكافل اخته ))
✍️
العلويه ام عباس البطاط





تبقي زينب صوت بالعالم وابد مايطيح
والها مبني بكل كلب ثائر منصوب ضريح
واليوم انجدد عهدنه كل الضامير تصيح

*خوان الها احنه الشيعه*

✍️ #علويه ام فاضل




ومـگطع الزندين ماحــضر يخــجل
بس عذره صار بهاي وشلون يتحمل
زحمه النعش ينشال بالغرب مايقبل

*///ضحاها زنوده الزينب*💔💔

*أم صــــ✍️ــــادق المنصوري*



ثكيله الفاتحه وبت علي بالغربه
ياموقف جنازتها شكثر صعبه
جا وينه اخيها يالحلو طبعه

يشيل اخته،،،، يهوس ليها

بقلمي ام احمد البصراويه ✍️



مستحي الجيدوم واخته امدده
ماحضـرهــــا ويـومـها ماشاهده
دم يهـل اليـوم علبــــعـده سـده

متحسف چ ماهو احذاها

✍️ام عدنان سياحي




صاحت وين اخويه اليوم ابو النوماس
وحيده وموتي هالگرب يعباس
ريتك تحضر الساعه وتشهد آخر الانفاس

وحظر بيدك نگط الماي

✍️أم حوراء البركاوي



كلش ثگيله الفاتحه اتريد. ازلام
وتريد هوسات وعراضه وي اعلام
وينك يبن حيدر علي ياضرغام
هوسه ///
عمت الساده گومو خل نشيع
ام مهدي الفرطوسيه



كلش ثگيله الفاتحة وستر الله عزب
چي گالوا العباس.      ماحظر زينب
مستحي چي ماجاي ومگطع  ايطب

الهوسه
///عباس اختك شيعناها💔💔


مستحي ظل خجلان يعتذر منهه
لو عنده الجفين چاكض رسنهه
بيده يدك عمدان چادر حزنهه

الهوسه//
يتنگب.. ويشد لثامه

✍☘ام فراس الساعدي ☘





كلش ثگيله الفاتحه اتريد الها. ازلام
وتريد هوسات وعراضه وي الاعلام
وعلى زينب ندگ اليوم عالهام
هوسه ///
عمت الساده گومو خل نشيع
ام مهدي الفرطوسيه
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

هوسات لعقيله الطالبين الحوراء زينب سلام الله عليها



كلش ثگيله الفاتحه والدمع مسفوح
عالخلصت كل العمر بالاه والنوح
ماحاضر اليوم الگمر وگليبه مجروح

((ويشيل الرايه اعله متونه))

ৡ✵ ৡ✵ •┈┈┈• ✵ ৡ✵ৡ

شيعنه زينب هالمسى والدمعه بالعين
وعباس مايگدر يطب والهامه نصين
شلون اعله بت حيدر علي يلطم بالونين

((واعداه جفوفه مكطعيها))

الخـ✍️ــادمه ام زيد الشمري

ৡ✵ ৡ✵ •┈┈┈• ✵ ৡ✵ৡ
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

*فزاعيه لشهيده بنت الهدى نهدي، ثوابها لمولاتنا زينب ع*
ــــــــــــــــــ😭😭ــــــــــــــ
ماننسه ابد ذكراج
يابنت الهدى
ــــــــــــــــ😭😭ــــــــــــــــ
ماننسه نبجي دموم
يا خيج المعدوم
باقي الذكر للدوم
نلهج باسمج دووم احنه نردده
ـــــــــــــــــ😭😭ــــــــــــــــ
نلهج باخوج وبيج
هاا يالحلوو طاريج
كلمن تره ماذيج
بالحاطمه وبالنار نعرف موعده
ــــــــــــــ😭😭 ــــــــــــ
بالحاطمه وبالنار
شيعه والج ثوار
انتي واخوج احرار
وبجنة الفردوس تبقى خالده
ـــــــــــــــــــ😭😭ـــــــــــــــ
يخت الصدر ننخاج
وعله العهد وياج
وين الذي عاداج
محروگه روحه وبس تراب مدده
ـــــــــــــــــــــ😭😭ــــــــــــــــ
ماكو ذكر ظلام
صدر بحكمه اعدام
تشهدلج الايــــــــــام
وهاذا العهد للموت احنه نعاهده
ــــــــــــــــــــ😭😭ــــــــــــــــــــــ
هاذا العهد تدرين
ما ننسه ذبح حسين
ميت بلا تجفين
ماطولنه عدلين ذكره نجدده
ــــــــــــــــ😭😭ــــــــــــــــ
تمت بقلم خادمة اهل البيت ع ام وليــ✍️ــــد الموسوي لا اجيز حذف الاسم شرعا ــــــــــــــــــــــــــــــــــــ
انشر تؤجر📌
https://www.tg-me.com/alkalm313

*قصيده للشهيدين محمد باقر الصدر وامنه الصدر طاب ثراهم نهدي ثوابها للامام الحسين والسيده زينب ع*
ــــــــــــــــــــ😭😭ــــــــــــــــــ
بنت الهدى العلويه دمعه الج مجريه
نعلي لخوج الونه،،،حوريه من الجنه
بنت الهدى العلويه بنت الهدى العلويه
ـــــــــــــــــ😭😭ــــــــــــــــــ
علينه الج دمع الحزن ااه يالشهيد ويومه
مظلوم من الطاغيه وبنت الهدى المظلومه
وسام الشهاده توسمو ضحكتهم المرسومه
بوجوهم سيماهم ماننسه ابد ذكراهم
بنت الهدى العلويه بنت الهدى العلويه
ـــــــــــــــــ😭😭ـــــــــــــــــ
سيما الوجوه منوره مظمونه ندري الجنه
نقدم تعازينه اله والمرقده نتعنه
شنهي، الجره الهم ظلم مستند واضح شفنه
معروف نشهد ظلمه
شسوه بشهيد الامه
بنت الهدى العلويه بنت الهدى العلويه
ــــــــــــــــــ😭😭ــــــــــــــــ
خوان موتتهم سووه شنهي الذنب جانينه
يمحمد. الباقر الك ونت حزن ونينه
والطاغي مايرحم ابد حزب البعث جاوينه
ظلم السقيفه تجدد تاريخ الهم اسود
بنت الهدي العلويه بنت الهدى العلويه
ــــــــــــــــــ😭😭ــــــــــــــــــــــ
تاريخ الهم نذكره تشهد هذيج الايام
بامنه ومحمد صدر نفذو حكم الاعدام
شارات سادت حيدره وگعت ذيج الاصنام.
وين الصنم جاوينه من الحفره مطلعينه
بنت الهدى العلويه بنت الهدى العلويه
ــــــــــــــــ😭😭ـــــــــــــــــــــ
من الحفره طلعوه الصنم والساده الهم هيبه
والمات شنهو يرجعه شخصج منينه نجيبه
حسبي الله بدمعتج حلت علينه مصيبه
تشبهه مصاب الحره عاودت ذيج الزمره
بنت الهدى العلويه بنت الهدى العلويه
ـــــــــــــــــ😭😭ـــــــــــــــ
عاود يزيد وزمرته شسووه بنات الساده
گبال الوجه مات الاخو وامنه وياه كالعاده
لا ابد ما طخ هامته ماخذها من جداده
زينب وخوها العباس. ياهيبه ورفعت راس
بنت الهدي العلويه بنت الهدى العلويه
ــــــــــــــــــ😭😭ــــــــــــــــــ
*تمت بقلم خادمة اهل البيت ع ام وليــــ✍️ــــد الموسوي لا اجيز حذف الاسم شرعا والفاتحه الى روح والدي
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

☘لاستشهاد السيده زينب ع ☘

وزن/ خدري

زينب عليها السلام عندما حضرها الموت

شتگول:-👇👇

اندهولي اخوتي
يجوني كبل موتي

صحت وين الميامين
البطل عباس وحسين

اندهولي اخوتي
اندهولي اخوتي

┄┅═✧❁★-❁✧═┅┄

صحت وين النشامه الحگو هسه وبساع
محد سمع صوتي وانه كليبي ملتاع
اكعدو ودّعوني هسه حان الوداع

ظلموني الملاعين
صحت وين الميامين

اندهولي اخوتي
اندهولي اخوتي

✍☘ ام فراس الساعدي ☘

┄┅═✧❁★-❁✧═┅┄

يخوتي گليبي ملتاع مدري شلون بيه
انوح بدمع كالسيل والونه خفيه
ودعوني يفرسان گبل جيت المنيه

بغربه وماالي معين
صحت وين الميامين

اندهولي اخوتي
اندهولي اخوتي

الخـ✍️ــادمه ام زيد الشمري

┄┅═✧❁★-❁✧═┅┄

ودعوني يخوتي مني العمر خلصان
بقهر خلصت حياتي من فركة الوليان
ام الخدر اسمي صرت انه ام الاحزان

بحكم الباري راضين
صحت وين الميامين

اندهولي اخوتي
اندهولي اخوتي

📚🖋️ ام زهراء

┄┅═✧❁★-❁✧═┅┄

موش آنه العقيله احنان وادري بيكم
غريبه متت بالشام خبر مني يجيكم
نعشي اغراب شالوه زعلانه عليكم

صفيتوا وين ماوين
صحت وين الميامين

اندهولي اخوتي
اندهولي اخوتي

✍️ام علي المالكي

┄┅═✧❁★-❁✧═┅┄

يخوتي وين عني عزيزه عليكم اني
محد حضر يمي بعد ألمن أتاني
لحد الموت غربه لجم روحي زماني

ماجيتو يطيبين
صحت وين الميامين

اندهولي اخوتي
اندهولي اخوتي

✍️الخادمة زينة الگريشاوية

┄┅═✧❁★-❁✧═┅┄

انوحن والدمع سال يهلي من العیون
اخوتي اتاخرو ليش وبیه مایمرون
اجاني الاجل ياحيف وبحالي ميدرون

عليهم تربي العين
صحت وين الميامين

اندهولي اخوتي
اندهولي اخوتي

✍️العلويه ام اياد

┄┅═✧❁★-❁✧═┅┄

#تمت باقلام شاعرات رابطة خادمات سيد الشهداء"ع"

https://www.tg-me.com/alkalm313

قصيدة عن لسان حال الشاعر..
لشهيدة العقيدة (آمنة الصدر( رض)


ياشمس يا خالده
ياشهيده وماجده
مثل عمج ابو فاضل
قائد الفكر المناضل
ياشمس ياخالدة...
ـــــــــــ❃❃❃ ـــــــــــ

راح اشبه الطاغية بشمر وخرابه
الشمر هذا النظام البيه عذابه
والسجن بيت ال اميه بكل صلابه
صار واحدنه تستره بس ثيابه

الفاتحه اقره وانوح..؟
تقره وياي الجروح...
ياشمس ياخالده
ياشمس ياخالده

بقلم العلويه ام رقيه
ـــــــــــ❃❃❃ ـــــــــــ
مثل زينب جتفوج وشدو ايدج
ودخلوج بمجلس الطاغي بقيودج
ارتهب يوم الي اجه ينكر وجودج
منطقج منطق رسالة وبيه صمودج

ثورتج ثوره شريفه
ونهضتج نهضه عنيفه

ياشمس ياخالده
ياشمس ياخالده
العلوية ام جواد البطاط

ـــــــــــ❃❃❃ ــــــــــ
شحجي عن زمرت يزيد وهل حثاله
كلهه باطل عاودت اهله وأجياله
أنـعادت بأال الصـدر ذيج الرسـاله
ونتي للطاغي بحرف شـليتي حاله

مثل عمتج بزمانج
زينب وهذا مكانج

خــادمــة الزهـــراءام احمد العبوديه زبير🏴
ـــــــــــ❃❃❃ ـــــــــــ
اسياط سجانج مثل سوط السبايه
دمعه سالت كملت خط بيه رزايه
والخرابة والسجن نفس النهايه
وخلد التاريخ واقع هالخفايه
مرجعية بعصر خوف..
گلوب عميه وماتشوف
ياشمس ياخالدة
ياشمس ياخالدة

✍🏻 وعد الڪفيل

ـــــــــــ❃❃❃ ـــــــــــ

انتي تاريخ العِلم ثبّت شمــُــــــوخه
طفّچ اليشهد على الطاغي مسُوخه
يلبصيره ابثورتچ ترفض رضُوخـــــه
صوت صور ابموتتچ اعلن نفُوخـــــه
زينبيه بكل عصور
فاطميه وكلها نور
ياشمس ياخالده
ياشمس ياخالده

ام حسين المحمداويه


ـــــــــــ❃❃❃ ـــــــــــ

ياشهيده ويشهد الله اعلى الجرى
ثوره صارت بسمج وفوك الثرى
خلي يسمع بيها كلمن مادرى
تسري نارچ بالگلوب موجره
يلي اسمج بي نثور
خالده طول الدهور
ياشمس ياخالده
ياشمس ياخالده
✍☘ام فراس الساعدي ☘



#مؤسسة_القلم_الفاطمي_لشاعرات_أهل_البيت_عليهم_السلام
‌〰️〰️〰️〰️〰️〰️〰️〰️
#مؤسسة_القلم_الفاطمي_لشاعرات_أهل_البيت_عليهم_السلام
‌〰️〰️〰️〰️〰️〰️〰️〰️


https://www.tg-me.com/alkalm313

☘لذكرى استشهاد بنت الهدى☘


اليوم نذكر عالمه ومعلمه
روحها بالجنه طارت للسمه

راحت بعمر الورد بنت الهدى
كالت الدين النبي روحى فدى
عذبوها اتباع اميه اهل الردى
والي حاميها علي حامي الحمه....
اليوم نذكر عالمه ومعلمه
روحها بالجنه طارت للسمه


طارت بجنحين حيّوها المَلَكْ
صعدت السابع سمه بين الفلك
الي ضدج يا عفيفه انت ِ هِلَك
هوَّه واعوانه ابنار الحاطمه....
اليوم نذكر عالمه ومعلمه
روحها بالجنه طارت للسمه


اظن مايدري بجدادج لو نسه
يلي مامثلج مره بين النسه
بلفقه والدين انتي امدرّسه
بنهج فاطم و العقيله العالمه....
اليوم نذكر عالمه ومعلمه
روحها بالجنه طارت للسمه


رادو يدثرون علمج بلحياة
كتب نقراها الج بيها نجاة
نقتدي بيهن حروفج والصفاة
وهاي نحسبها النه الغانمه....
اليوم نذكر عالمه ومعلمه
روحها بالجنه طارت للسمه


٢٥/جمادي الاخره/١٤٤٣
بقلم شاعرة اهل البيت عليهم السلام
✍️☘️ام فراس الساعدي☘️
غير مبري الذمه لكل من يغيير الاسم والرابط او ياخذ كلمات القصيده وينسبها اليه

https://www.tg-me.com/alkalm313

#قـًٍُـًٍُُٰـُـ✍ـــًٍُـًٍُـًٍُـًٍُـًٍُـًٍُـًٍُصيـًٍُـًٍُـًٍُـًٍُـًٍُ📄ــًًُد ه
بحــق (آمنة الصدر)
(بنت الهدى )

عمري خلصته حزن.؟.
من سجن ويلي لسجن
تالي يعدمني الحقود ابلا رحم ..
تالي يعدمني الحقود ابلا رحم..

🚩…✍🏻……✍🏻…….✍🏻…….✍🏻…🚩

حيل عذبني الوكت مارحم بيه
انه اخت ذلك الصدر شفت الاذيه
وانه صارت حالتي تشبه رقيه
دوم جلاد السياط ايصيح اليه

يشتم اكبالي الصدر.
قهر خلصته العمر

تالي يعدمني الحقود بلا رحم
✍️ العلويه ام رقيه
بنت الزهراء

🚩…✍🏻……✍🏻…….✍🏻…….✍🏻…🚩

كرست كل وكتي للدين وفديته
كل حياتي وعمري للشيعه هديته
احس اني امقصره ولا ماوفيته
وسري غير الزهره ابدا ما حجيته
يحرگوني بالجمر
وفوضت ربي الامر
تالي يعدمني الحقود بلا رحم

✍☘ام فراس الساعدي ☘

🚩…✍🏻……✍🏻…….✍🏻…….✍🏻…🚩

تالي يعدمني الحقود بلاشرف
انا بنت الساده ياهو الماعـرف
لوحجه واحدهم الطاغي رجف
بـشـجاعه والـدي ما ينـوصـف

راد يـحـرمـنه النـصـر
ويمحي على مر العصر

تالي يعدمني الحقود بلارحم

خــادمــة الزهـــراءام احمد العبوديه زبير🏴

🚩…✍🏻……✍🏻…….✍🏻…….✍🏻…🚩

زينب بسبي العده ويشتموها
وانه بسجون البعث بلوه بلوها
مارعو حرمت محمد من ولوها
ذوله احقاد وناوصب يسبوها
زينب بغربه مشت
وانه عتوني هم عت
تالي يعدمني الحقود بلا رحم
العلوية ام عباس البطاط

🚩…✍🏻……✍🏻…….✍🏻…….✍🏻…🚩

انه ماعندي أثر وتزور گبـــــري
ذوبوا بحواظهم عظمي واثري
آنه ياناس بعذابي الله يــــدري
باچر احساب وغدا للباري أمري

ناس ظلام وكفر
اعدام تعذيب وقهر
تالي يعدمني الحقود ابلا رحم
✍🏻 وعد الڪفيل
🚩…✍🏻……✍🏻…….✍🏻…….✍🏻…🚩

انه عمي الضيـغمي اليـتسمه عباس
وآنه ابوي الصدرذالكَ الرجف الناس
عمي جسمه بكربله من الخيل ينداس
وآنه طغـيان العصر ذوّبـني لـلراس


أونفس مأساة التمر
من عصر يرجع عصر

تالي يعدمني الحقود أبلا رحم

*_الشاعـرة ام مهـدي العيـداني_*

🚩…✍🏻……✍🏻…….✍🏻…….✍🏻…🚩

تمت
#مؤسسة_القلم_الفاطمي_لشاعرات_أهل_البيت_عليهم_السلام
‌〰️〰️〰️〰️〰️〰️〰️〰️


https://www.tg-me.com/alkalm313

قصيدة بحق الشهيدة العلوية بنت الهدى (آمنة الصدر) "رض"



الچ تاريخ انكتب بسم النضال
والشهادة توجت تاج المُنــــال
ـــــــــــــــــــــــــــــــــــــــــــــــــــ

الج ثورة حاسمة وضد النضام
يمن بالحق سولفيتي مانُظــام
وياچ عن غاية عقيده موظـلام
مانغض الطرف عن باطل مُحال
الچ تاريخ نكتب بسم النضــــال

العلوية ام جواد البطاط
ـــــــــــ❃❃❃ ـــــــــــ
ثرتي من بيت الصدر ضد الطغات
مثل اهلج سائره بدرب الابــــــات
انتي خير الباقيات الصالحــــــــات
ياشهيده و كلنه نرثيج بجـــــــــلال
العلويه ام رقيه

ـــــــــــ❃❃❃ ـــــــــــ
ثورتج هزت الطاغي ثورتــــــج
عالمه ومتعلمــــــه مثل اخوتج
كلها تعرف كلمة الحق كلمتج
من حجيتي انهدت عروش الضلال

العلوية ام جواد البطاط

ـــــــــــ❃❃❃ ـــــــــــ
ياقلم إكتب قضية الدم مداد
افضح بشعرك جرايمها الاوغاد
جور حزب البعث بالناس الاسياد
زمن طاغي والمقابر ماتزال
✍🏻 وعد الڪفيل

ـــــــــــ❃❃❃ ـــــــــــ

جيت أكتب ألـج يابنت الصدر
فـخر انـتي لـنسه بـكل العــمر
رَفَّعَت الراس لهلج طول الدهر

مثل زينب عمتج گول وفعال

خــادمــة الزهـــراءام احمد العبوديه زبير🏴

ـــــــــــ❃❃❃ ـــــــــــ

حاربوج اتباع اميه والطغاة
ياسفينه للنسه وصرتي نجاة
انطيتي معنى للفقير وللحياة
ثوره ضد البعث وتفوق الخيال...

✍☘ام فراس الساعدي ☘



تمت ببركه محمد وال محمد
#مؤسسة_القلم_الفاطمي_لشاعرات_أهل_البيت_عليهم_السلام
‌〰️〰️〰️〰️〰️〰️〰️〰️


https://www.tg-me.com/alkalm313

بنت الهدى التاريخ بالعز ذكرها
يالبالفعل والاگول زينب عصرها


جمعنه اليوم ذكراهن ولمنه
وجرح بينه كبر حزنه ولمنه
عشنه بوكت لازينب ولا امنه
بس بكل فخر صارن هويه


شجاعه ومن نسل زينب نسلها
وعليها اروح نسحنها نسلها
منهو الآمنه موقف نسه الها
ومواقفه. سمو التاريخ. هيه

والى مولاتي زينب ع


ستر الله مجموع بستر زينب سترها آيه
صارت رمز كل النسه نفتخر بيها هوايه
للشرف والعفه رمز زينب هويه ورايه
لو سالو شتعني العبي بس عدنه چم حچايه
العفه. والعز والشرف. يجسدن بعبايه
✍️أم حوراء البركاوي
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313