# شعر _لام_البنين_ع_👇🏻

اجـه يرسـم خـيالي لأم الاطهـار
احتــار القلم يم عباس شحجيلج

الفكر شارد ولحـبر لجـلج يخـط
ولـو رسم خـافنه مـا مـايوفـيلج

انـتي عندج مـرتـبه مـن الأ لـه
يـالعـابده الله نـهـارج وكل ليلج


انتي يالـكلج وفه ألال أرسول
والاربـع وألد انطيتي لحـسينج

انـتي يـاب الحـوائج والنه باب
وبد مـا رديـتي مـن يـشكـيلـج


كلمن كصد بالفاتحه بسمج يصيح
وانه جيت اليوم بالحاجه أوميلج

منـج يـحره اليوم تـسهـيل الامـر
بـجهـاه المنـذبح والأربـع بنينج

((وفايه //سنينچ خلصت ))

تمت

✍🏻خـادمـة الزهـراءام احمد العبوديه زبير
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

*(في حق ام البنين عليها سلام)*


*اليوم اريدك يلگمر تلفيني.*
*وللأجل بيدك تغمّض عيني.*

*((((((((1))))))))*
اليوم اريدك يلگمر يمي اوتون
وآنا صار اسنين لفراگك احن
والاجل دگ بابي يوليدي بحزن
*اعليك انوحن خلّصيت اسنيني*

*(خادمة الحسین أم يحيي العبودي*
*(((((((((2))))))))*
خلصيت سنيني انطر جيتك
ولو گلت عباس يمه مروتك
ما تردني يالولد مو عادتك
*ردتك تزهب الي تچفيني*

*نبضي حسين*
*((((((((3)))))))*
انتظر جيتك ييمه يالولد
وبيدك تنزلني يبني يالسند
گلبي من فرگاك يوليدي انمرد
*وانه ماعندي ولي تدريني*

*ام مهدي الفرطوسيه*

*((((((((4)))))))*

ردتك ابوكت المنيه اتحضر
وتقرا ياسين عليه والقدر
باالونين اگضيته عمري والقهر

*تعال ليه يا جبير ابنيني*

ام مرتضى الخزرجي

(((((((5))))))

شابحه عالباب عيني وماتمِل
ردتك تشيل الجنازه والحمِل
تبجي ماسكتت عيوني اتهمِل

*اشعطلك يايمه لتخليني*

*✍🏻ام سجاد الشهيد*
*(((((((6))))))
عشت اخلافك ييمه انه ابوجل
شگد تمنيتك تجي يبني ابعجل
حته تحضر يمي ىو حان الاجل

شوفتك لو بس حلم يكفيني

*✍️أم حوراء البركاوي*
*((((((((7)))))))*
كون بعد اولاد عندي من علي
حزام صارو بالمعاره للولي
ابد ما خلو بناته تنولي

وللابد افدي العمر لحسيني

*✍🏻ام زهراء*
*=============*
*(تمت بعون الله بقلام شاعرات رابطة الچفوف السخیه)

ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده لام البنين
ثقيله....
(گعديه)
يمه عباس... انه بفراش المنيه
يمه عباس طيف ريت تمرعليه

زيح عني كل الم
مر علي لو حلم..
يمه عباس.... يمه عباس

ـــــــــــــــــــــــــــــــ

تدري يمه الوالده تذخر ولدها
لساعة الشده تچيتها وسندها
تطلب سنين الربه وانت تعدها

عني هم عندك علم
مر علي لو حلم

يمه عباس. ... يمه عباس
ـــــــــــــــــــــــــــــــ
اربع اولادي ردت لي يحضرون
يجبلوني القبله ويغمضولي لعيون
وللگبر كلهم سوه جسمي يزتون

بيدك ااترابي تلم
مر علي لو حلم

يمه عباس... يمه عباس
ـــــــــــــــــــــــــــــــ
بكربله كون اندفن يم قرة العين
بين عباس الشفيه وبين لحسين

أطوف خلها الروح مابين الاثنين

يابعد كل الزلم
مر علي لو حلم
يمه عباس... يمه عباس
ـــــــــــــــــــــــــــــــ

وين زينب خل تجي وتشيل عني
خلي تقرالي العديله تهيد وني
والله بيها انه ابد ماخاب ضني

هي بس بي تهم
مر علي لو حلم
يمه عباس.. يمه عباس
ـــــــــــــــــــــــــــــــ

اليوم روحي اعلنت ساعة وداع
حنت الكل الاهل خل تحضر بساع
بلوجع والآه عمري هلگضه و ضاع

الوح يملي ولقلم
مر علي لو حلم

يمه عباس.. يمه عباس
ـــــــــــــــــــــــــــــــ

منهو اليحضر الكفن ويلم جهازه
ومنهو ليشيع يلولاد الجنازه
ويلي عازتكم ييمه والله عازه

ياورد عمرك ثلم
مر علي لوحلم
يمه عباس.. يمه عباس

ـــــــــــــــــــــــــــــــ
تمت بقلم✍🏻
خادمة اهل البيت ع
ام سجاد الشهيد لا نجيز حذف الرابط او الاسم غير مبري الذمه
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

ندبه لام البنين ع💔

يم البنين بضيجه تدريني
و بحيره وحدي لاتخليني
###########

نـدريج يلبلكـــرم معــروفه
جيت و دمعتي ليج مذروفه
للحاجه يم عباس ملهوفه

من الشدد ياحره نجيني
وبحيره وحـدي لاتخـليـني

✍🏻ام سجاد الشهيد

€€€€€€❤‍🩹€€€€€€€

جيتج يحره الدمعه اجريها
ادري الصعاب انتي تحليها
چف الكفيل عليج امشيها

وادري حنينه وماترديني
وبحيره وحدي لاتخليني

✍🏻ام زين العابدين الغزي

€€€€€€❤‍🩹€€€€€€

اقسم عليج بداعت الحره
منـج اريد اليوم فد نـظره
نيران كلبي دوم مسـتعره

ضاكت عليه ايامي وسنيني
وبحيره وحدي لا تخليني

✍🏻ام سجاد الشهيد

€€€€€€❤‍🩹€€€€€€

ضاگت عليه وحيل مابيه
بجاه العقيله المشت مسبيه
تدعيلي الله وعينج عليه

منلهم نخيتج لن تنقذيني
وبحيره وحدي لا تخليني

✍🏻ام زين العابدين الغزي

€€€€€€❤‍🩹€€€€€€

تنزف جروحي حيل ملجومه
ضاكت ابعيني والله مهضومه
جيت الحضرتج وانه مالومه

رايد هديه اليوم تهديني
وبحيره وحدي لا تخليني

✍🏻ام سجاد الشهيد

€€€€€€€❤‍🩹€€€€€€€
ضلمه وعليج الباب دكيته
گبرج بروحي هالتعنيته
يم الكريم المايسد بيته

ذاك الذي بالعطش يرويني
وبحيره وحدي لا تخليني

✍🏻ام زين العابدين الغزي

€€€€€€€❤‍🩹€€€€€€€
تمت بقلم✍🏻 ام زين العابدين الغزيه وبقلم ✍🏻ام سجاد الشهيد

قناة السجاد ع للقصائد الحسينيه لخادمة اهل البيت عليهم السلام ام سجاد الشهيد لا نجيز حذف الرابط او الاسم غير مبري الذمه
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

#قصيدة السفرة ام البنين (س)


هاي ام البنين  وهاي  شارتها
تحضر  باالعزه  كلمن  تنختها
.....................
تحضر للنخت وتريد منها  امراد
ونختها وحلفتها ابيوم ابوالسجاد
وفيه  ام  البنين   اتبرد   الافاد
تحضر كل شدد معروفه  وگفتها
.....................
يل عندج اهموم السفره احضريها
وهلي  دمعتج  لحسين  وانخيها
حنينه  ام البنين الحاجه  تگظيها
تنطي امراد ناس اهواي جربتها
.....................
طيبة امجربه وتگضيهن الحاجات
جم شده الگظتها وماتضل صعبات
تگظيها الشدد معروفه بل الكلفات
تنطي امراد  يل متعنيه  طلبتها
.....................
ام الاربعه يلما     تخليج
تنطي امراد اهي وتفرج اعليج
عند ام البنين بساع تنطيج
تنطي امراد كل وحدة تعنتها
........................
هاي ام البنين الشاع ذكراها
تحظر بلعزه للي تنخاها
ما خاب الطلبهاوال تعناها
كريمه الطاهره والكلفه سهلتها
.......................
جثيره اهمومنه بيدج دحليهه
كلفه حاجتي مولاتي اكضيهه
صعبه حالتي بيدج دشافيهه
خادمتج تريد اليوم طلبتها
.......................
تـــــمـت والحمـــــدللـــه

✍#علویه ام فاضل

❌غیرمبری الذمه الیحذف الاسم او یغیره❌

ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده لسيدتي ومولاتي باب الحوائج ام البنين عليها السلام
بذكرى استشهادها على طور
حجي باسم يازمن وين الاحباب


               المستهل 👇👇

ماتت الحره ياناس
وينه جعفر وين عباس
يحمل التابوت عالراس 2

❃❥❀━((🧿))━❀❥❃

وينه عون وجعفر وعبدالله وحسين
خل يجون لامهم بهالساعه والحين
وسفه غربه تشيل تابوت ام البنين
ماتت بحسره والم دم تهمل العين

للمنيه تون تنادي
عالحسين بدمع بادي
تبچي عالذبحوه الارجاس2

❃❥❀━((🧿))━❀❥❃

وينه عباس البطل واخوانه السباع
خل يشيلون الجنازه الليله وبساع
ماتت امهم فاطمه حلوة الاطباع
واهمه مدفونين جوه الارض بالگاع

وينه اليشيل الحمول
ومنها راحت اربع شبول
بچت حد ماگطعت الياس 2

❃❥❀━((🧿))━❀❥❃

تنادي الحره على العباس وبصوت
تگول وينه خل يجي يحمل التابوت
گلبي لغياب الولد محزن ومفتوت
جانت امنيتي يكون لنعشي زاتوت

تبچي وتناديه يبني
وين رحت اليوم عني
يالي حبك ماله مقياس2

❃❥❀━((🧿))━❀❥❃

ماتت ام عباس والدمعه جريه
تبچي عالمظلوم واخوانه الشفيه
تگول عافوني وحيده بلا حميه
منهو اليشيل النعش هاي المسيه

ويدفن الحره الغريبه
بونه وبدمعه سچيبه
والسبط مگطوع الانفاس2

❃❥❀━((🧿))━❀❥❃

ماتت الحره وولدها جوه التراب
تنظر شمال ويمين بدمع سچاب
لا اهل يمها وگرابه وماكو احباب
تصيح وينك ياعلي ياداحي الباب

احضر الليله بحفرتي
ونشف بايدك دمعتي
بچف ايديك الدوم ينباس2

❃❥❀━((🧿))━❀❥❃

✍ الخادمه ام زيد الشمري

نسال •اللّـہ‌ القبول
ونسالكم الدعاء بتعجيل فرج مولانا صاحب العصر والزمان

ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده لام البنين عليها السلام

وزن بحر قصير

😭😭😭😭😭

ام الاربعه هاليوم
        شالت عن مبانيها

😭😭😭😭😭

خل تحضرها الفحوله

لابنها روحوا گلوله

امك گضت معلوله

من كثرة بواجيها

*ام منــ✍️ـــذر الحجار*

😭😭😭😭😭

من كثر البجي عليكم

الحد الموت ترجيكم

بعدها   امأمله  بيكم

تعالوا مروا عليها

*ام  محـــ✍️ــمد الساري*

😭😭😭😭😭

ولدها من يخبرهم

حزينه راحت ايگلهم

ماحضروا دفنها امهم

ولا واحد اجه.   ليها

*ام زهــــ✍️ـــراء الزيداويه البصراويه*

😭😭😭😭😭

للمضلوم  تنتظره

ضلت بالگلب حسره

ألج بگلوبنه عبره

والدمعات نجريها

*ام ستــ✍️ــــار الكعبي*

😭😭😭😭😭

شالت والنزل ضلمه

ولا يدري ابو الهمه

واخوته مطرحه يمه

من يحضر يواريها

*أم عبــــ✍️ــــــد اللــــــــه العابـــــــــــدي*

😭😭😭😭😭

ريت الگمر حاظرها

يغسلها أو يشيعها

فوك المتن يرفعها

وحسين اليواريها

*أم طاهــــ✍️ـــر نجف*

😭😭😭😭😭

حاضر عون وياهم

وعثمان أيتلگاهم

لو شالوها محلاهم

وجعفر ينحب أعليها

*ام طاهـــ✍️ــــــر نجف*

😭😭😭😭😭

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء

خادمة الزهراء الشاعره أم محمد الساري
اظهر سيدي طال انتظارك
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده تتكلم. عن. وفاء السيده الزهراء ع لام. البنين. ع
يقال في يوم. القيامه وفاءا. من. الزهراء ع لام البنين
تقف. هذا الموقف
 
تقف. بساحة المحشر وبيدها طبق مغطى بمنديل. وفيه كفي اباالفضل العباس.
. تخرج وتقول اللهي ماذنب. هذا الكفين. حتى قطعت

هذا الوفاء. بدل وفاء ام. البنين بعالم. الدنيا
لانها نعت  وبكت للحسين. ع دون.

اولادها
قصيدتي. بهذا العنوان.


★★★★★★★★★★★

وفاءاً لام. البنين. ★   تقدم الزهره جفين

            ★بالمحشر ياهلناس.★

★★★★((💠))★★★★

وفـــــاءاً  لام  الشــــــبول
تشــيل  الطــبق  وتــكول
شذنب  هلبطل  مجــتـول
ودمـــعها  مثل اللـــسيول

اريدن  حكمك اليوم
اللـــهي آآ   ياقـــيوم


                ★أريدن ثار عباس★

✍العلويـــه. ام. نـــور الميـــسانيه

★★★★((💠))★★★★

وفه ترست وفه الجود
شتلتهم شــــــتل عود
خضّر تالي مــــــردود
البتوله  ردته ابزود

فاطم تصرخ حسين
وفاطم خذت چفين

        ★  الهن دور حسّاس★


✍️ام حسين المحمداويه

★★★★((💠))★★★★

عبر رسخت صورهن
الوفه قدّس امـرهـن
يمـــن رايد  اثرهـــن
امش واتبع خبرهــن

تلکه معنه الاخلاص
العام يعرف والخاص

        ★القضيه وضعت اساس★


✍ام حسين المحمداويه

★★★★((💠))★★★★
الزهره اوضعت مضمون
تكـــــلّم خالق الكـــــون
تداعـــي وتبجي العيون
على كافـــــلها الضـعون

قصدها اترده الدين
وتجازي  ام  البنين

           ★ الوفه بالطيب ينقاس★

✍️☘️ام فراس الساعدي ☘️

★★★★((💠))★★★★

اقتصاص الهاذي الجــفوف
صــوت العــدل مــعروف
الـحك اللوافــه باالـشوف
لبــــن بدويــه مـعــروف

ياعادل يرحــمان
دمعها نزل بركان
   

       لجل اليرفع الـراس

✍🏻خـادمـة الزهـراءام احمد العبوديه زبير


★★★★((💠))★★★★

تصيح  البضعة   وتنوح
دليلي   اعليك   مذبوح
يفادي   الخوته   الروح
منايه  مشرعب   وسوح

بصيته شاعت اخبار
وفي وللخوه   شنيار

السخية اچفوفه تنباس
بالمحشـر يهل   الناس

✍وعد الڪفيل

★★★★((💠))★★★★

تمت. باقلام. شاعرات رابطة خادمات سيد الشهداء . "ع"

ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

دارمیات بحق مولد النور
مولد ام ابیها فاطمة الزهراء علیه السلام
✨✨✨✨

شمس اعتلت بالكون شعشع ضواها
فرحة خديجة اليوم ونهني طاها
✨
اجمل تحیه الیوم ونزف تهاني
مولودهه بالاشواق زاد الاماني
✨
خیر وفرح مولود شع عالبریه
نور انتشر هالیوم من الزچیه
✨
نور انتشر بالکون والسمه ازهر
و امعيّده النجمات والگمر نور
✨
ایه مجد عالکون مولده الزهره
الها الورد بشواگ بالحي ننثره
✨
بنت النبي المختار اشرق ضياها
عفه و کرامه و جود من صلب طاها
✨
اشرقت هذا الیوم شمس القداسه
قدسیة الطهیر هیه اساسه
✨
حتی الملک جبریل رف جنحه هالیوم
و طیر السعاده ابشوگ ظل بالسمه ایحوم
✨
عطر الزچیه الیوم فاح ابحنینه
و احنه ابموده و شوگ منه ارتوينه
✨✨✨
الفاطمیه رافضیه وافتخر ✨
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

الی مولد ام الحسنین فاطمة الزهراء علیهم السلام
✨✨✨
جتنه بشارة عید وتعایدینه
خلیها یازهراء ایدچ بأدینه
✨
بشرونه هَلْ العید و اتعایدینه
و للزهره عالحیطان زینه انصبینه
✨
أجمل بشاره نشوف مرسومه بسماي
مولدج يالزهراء  يتماشه وياي
✨
خضرت بالانفاس روح الجدیده
مولوده یاهالناس اجمل ولیده
✨
يازهرة التكوين نورج سعاده
بسم النبي المختار اول ولاده
✨
ونور وسطع عالكون من المدينه
ورود الفرح هاليوم طشتها ادينه
✨
اول ولاده تصیر للعفه معنه
معناها للعفات احنه التبعنه
✨
للیلة مسره وعید تتعاید الناس
فرحه التجمل العید ماالها مقیاس
✨
مالهة ابد مقياس هاي الولاده
تتوج الزهراء الها السياده
✨
مبعوثه للاسلام رحمه وهدایه
تهدینه للجنات والهل الولایه
✨
رحمه وهداية وخير تمطر سمانة
وبكوثر الزهراء جفها الروانه
✨
یا رحمة الله الیوم نزلت علینه
ومبارک المولود طه نبینه
✨
دره ويصوغ اليوم بارينه بيها
يامولد الزهراء يا ام ابيها
✨✨✨

الفاطمیه رافضیه وافتخر ✨
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313