لطمية للامام الحسن العسكري ع


ويلمهدي خنهل الدمع

مكسور وكليبه انوجع

يبجي لابوه وقصته

لو يبجي ويلي لعمته

الله يعينه لهل الوضع

ويل المهدي خنهل الدمع

————————————
ما نشفت دموعه ابد يبجي نهاره وليله

فكد الابو كلش صعب هدم اله كل حيله

مسموم ويون بالم والمهدي بس يبجيله

جدامه يتلوه الابو محتار شيسويله


زغيرون وكليبه انكسر

ولوالده يدير النظر

لحظات بيه وينفجع

ويلمهدي خنهل الدمع

——————————-

يشاطر ادموعه ونته والنوح ظل مشاطر

مره يون لوالده لبحاله شنهي الصاير

نايم ويتلوه بألم كلحظه ليه يناظر

مرات فكره يبتعد وللطف يروح الخاطر

يبجي على حسين ويون

ويجدد بونه الحزن

يذوب جن حال الشمع

ويلمهدي خنهل الدمع

——————————————-

ينظر لبوه ايصدله ويتلفظ بانفاسه

شابح على المهدي النظر ويدير ليه براسه

يعرف شرايد والده وشنهو تراهو احساسه

وشكد لاجل هذا الطلب والده دومه قاسه

عنده وصيه يفهمه

روحه لاجلها مالمه

ياخذ بثارت الضلع

ويلمهدي خنهل الدمع

———————————————

وكت المنيه للحسن حاظر ويبجي بحسره

بيدينه غسل والده والدمع مثل الجمره

مو بلحصيره جمعه ونزله اه بالحفره

تذكر حسين وغربته من وسداه بكبره

لاجفن صحله ولاغسل

ولاحضرت بدفنه اهل

ابعينه عاشر جن رجع

ويلمهدي خنهل الدمع

———————————-

ام عباس السكيني


ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده ؛؛؛للأمام العسكري ع
بقلم؛؛؛ام علي المالكي

نون ونوح
ويه المهدي الليله
______
سامره غدت ظلمه/نون ونوح
صعبه اعله المحب علمه
مات العسكري بسمه

ويه نرجس حيل ونيله
نون ونوح
ويه المهدي الليله
_____
نمشي نعازي مهدينه/نون ونوح
يون وطافيه عينه
ابوه المات بونينه

كلنه ابدمع نبچيله
نون ونوح
ويه المهدي الليله
_______
المهدي للنعش شاله/نون ونوح
يبچي وحالته حاله
شال وعافهه اعياله

يويلي منهدم حيله
نون ونوح
ويه المهدي الليله
_____
بسامره الزچيه اليوم/نون ونوح
تنعه والدموع ادموم
شمسوي الحسن مسموم

مشه وعايفها العيله
نون ونوح
ويه المهدي الليله
______
اجت عمته المحزونه/نون ونوح
كلمن گابلچ عونه
وينه المهدي اشلونه

يبچي وهي تنعيله
نون ونوح
ويه المهدي الليله
______
تمت القصيده ؛؛؛بعون الله تعالى
ونسألكم الدُعاء لي والوالدي
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

المرجع اليعقوبي : (الامام الحسن العسكري (عليه السلام) يصون عقيدة الناس من الانحراف )

#قبسات_المرجعية_الرشيدة
T.me/yaqoobioffice

قصيده للعسكري ع
وزن عگيلي...

مسموم وجبده ملوعينه
بمصابه انعازي مهدينه

ـــــــــــــــــــــــــــــــ

حزنانه الشيعه علمصابه
ميت ومضيعين اسبابه
ضايع كل حگ وطلابه

ياعمره الخلص و سنينه
بمصابه انعازي مهدينه

🖊️🖊️🖊️🖊️🖊️🖊️

تاهت عنا الليله رسومه
احا يابن الهادي ويومه
وگلوب الساده مالومه

هالليله الوالي مضيعينه
بمصابه انعازي مهدينه

🖊️🖊️🖊️🖊️🖊️🖊️

ياويلي المهدي بياحاله
مايعرف شنهو ليجراله
زغير مهموم و يبراله

سهران وماتغمض عينه
بمصابه انعازي مهدينه

🖊️🖊️🖊️🖊️🖊️🖊️

نعلن ثورتنه عله الظالم
الثار نطلبه وي القائم
وننصر دين الله والقائم

ونحي منهاج الله ودينه
بمصابه انعازي مهدينه


🖊️🖊️🖊️🖊️🖊️🖊️


سامره مرجونه الليلـه
تبجي عله لوالي وتنعيله
مجلس تعازي تسويله

بكل بيت الرايه خلينه
بمصابه أنعازي مهدينه


🖊️🖊️🖊️🖊️🖊️🖊️

رايات السود نعلـيها
وتهز الصرخه نخليها
سامره ميت واليها

نلطم علراس بأيدينه
ىبمصابه انعازي مهدينه

🖊️🖊️🖊️🖊️🖊️🖊️

تمت

✍🏻ام سجاد الشهيد
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده للامام الحسن العسكري «ع»


امشونـه اليوم  لزهـره نعازيهـه
بسامـره تـون والحزن غاطيهـه


ابنهه العسكري مسموم هالليله
الساده مكدره والمدمع تسيلـه
خل نلطم عليه بصوت نبجـيله
نواسي فاطمه ودمعه نجريهـه

تلطــم عـالظلـع وتصـيح يايمـه
سامره بغيابــك اصبحت ضلمـه
انـوارك طـفـت والنــاس ملتمـه
دارك موحشـه ضلـت يراعيهــه

مالومه الزجيه فـاطمـه الـزهـره
عمت عيني عليهه عينهه حمـره
بخدها الطاهره باقي اثر سطره
بعـده اصوبهـه البـضلع مـاذيهـه

بحـرگـه خل نون ونوح وياهـه
بـالسـم والقـتل خلّصـو ولياهـه
مظلومـه الـزجيه الدهر خلاهـه
ضالم يا دهـرهـه مـارحم بيـهـه

هاليـوم فگدت واحد مـن الساده
اتـگـول مـات العسكـري يجـداده
اعلـه الحسن اعلن الكـون احداده
مسمـوم ابنــي يـاخلـگ  تـاليـهـه



تمـت بـعـون الله تعالـى
بـ✍️خادمـة الحسين "عليه السلام"
الملـه أم مـجتبـى 
نسالكـم الدعـاء بتعجيل الفـرج لصاحـب الزمـان( عـج)

ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

*⚫زِيّارَةُ الإِمَامُ الحَسَنُ العَسكَريُّ(عَليّهِ السّلَامُ)⚫*

اَلسَّلامُ عَلَيْكَ يا مَوْلايَ يا اَبا مُحَمَّد الْحَسَنَ بْنَ عَلِيٍّ الْهادِيَ الْمُهْتَدِيَ وَرَحْمَةُ اللهِ وَبَرَكاتُهُ، اَلسَّلامُ عَلَيْكَ يا وَلِيَّ اللهِ وَابْنَ اَوْلِيآئِهِ، اَلسَّلامُ عَلَيْكَ يا حُجَّةَ اللهِ وَابْنَ حُجَجِهِ، اَلسَّلامُ عَلَيْكَ يا صَفِيَّ اللهِ وَابْنَ اَصْفِيآئِهِ، اَلسَّلامُ عَلَيْكَ يا خَليفَةَ اللهِ وَابْنَ خُلَفائِهِ وَاَبا خَليفَتِهِ، اَلسَّلامُ عَلَيْكَ يَا بْنَ خاتَمِ النَّبِيّينَ، اَلسَّلامُ عَلَيْكَ يَا بْنَ سَيِّدِ الْوَصِيّينَ، اَلسَّلامُ عَلَيْكَ يَا بْنَ اَميرِ الْمُؤْمِنينَ، اَلسَّلامُ عَلَيْكَ يَا بْنَ سَيِّدَةِ نِساءِ الْعالَمينَ، اَلسَّلامُ عَلَيْكَ يَا ابْنَ الاَْئِّمَةِ الْهادينَ، اَلسَّلامُ عَلَيْكَ يَا بْنَ الاَْوْصِياءِ الرّاشِدينَ، اَلسَّلامُ عَلَيْكَ يا عِصْمَةَ الْمُتَّقينَ، اَلسَّلامُ عَلَيْكَ يا اِمامَ الْفائِزينَ، اَلسَّلامُ عَلَيْكَ يا رُكْنَ الْمُؤْمِنينَ، اَلسَّلامُ عَلَيْكَ يا فَرَجَ الْمَلْهُوفينَ، اَلسَّلامُ عَلَيْكَ يا وارِثَ الاَْنْبِياءِ الْمُنْتَجَبينَ، اَلسَّلامُ عَلَيْكَ يا خازِنَ عِلْمِ وَصِيِّ رَسُولِ اللهِ، اَلسَّلامُ عَلَيْكَ اَيُّهَا الدّاعي بِحُكْمِ اللهِ، اَلسَّلامُ عَلَيْكَ اَيُّهَا النّاطِقُ بِكِتابِ اللهِ، اَلسَّلامُ عَلَيْكَ يا حُجَّةَ الْحُجَجِ، اَلسَّلامُ عَلَيْكَ يا هادِيَ الاُْمَمِ، اَلسَّلامُ عَلَيْكَ يا وَلِيَّ النِّعَمِ، اَلسَّلامُ عَلَيْكَ يا عَيْبَةَ الْعِلْمِ، اَلسَّلامُ عَلَيْكَ يا سَفينَةَ الْحِلْمِ، اَلسَّلامُ عَلَيْكَ يا اَبَا الاِْمامِ الْمُنْتَظَرِ، الظّاهِرَةِ لِلْعاقِلِ حُجَّتُهُ، وَالثّابِتَةِ فِي الْيَقينِ مَعْرِفَتُهُ، الُْمحْتَجَبِ عَنْ اَعْيُنِ الظّالِمينَ، وَالْمُغَيِّبِ عَنْ دَوْلَةِ الْفاسِقينَ، وَالْمُعيدِ رَبُّنا بِهِ الاِْسْلامَ جَديداً بَعْدَ الاْنْطِماسِ، وَالْقُرْآنَ غَضّاً بَعْدَ الاْنْدِراسِ، اَشْهَدُ يامَوْلايَ اَنَّكَ اَقَمْتَ الصّلاةَ، وَآتَيْتَ الزَّكاةَ، وَاَمَرْتَ بِالْمَعْرُوفِ، وَنَهَيْتَ عَنِ الْمُنْكَرِ، وَدَعَوْتَ اِلى سَبيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ، وَعَبَدْتَ اللهَ مُخْلِصاً حَتّى اَتاكَ الْيَقينُ، اَسْأَلُ اللهَ بِالشَّأنِ الَّذي لَكُمْ عِنْدَهُ اَنْ يَتَقَبَّلَ زِيارَتي لَكُمْ، وَيَشْكُرَ سَعْيي اِلَيْكُمْ، وَيَسْتَجيبَ دُعائي بِكُمْ، وَيَجْعَلَني مِنْ اَنْصارِ الْحَقِّ وَاَتْباعِهِ وَاَشْياعِهِ وَمَواليهِ وَمُحِبّيهِ، وَالسَّلامُ عَلَيْكَ وَرَحْمَةُ اللهِ وَبَرَكاتُهُ.
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

هنيئآ للحضه. ابحبه وناله
فدائآ كل هلي الاسمه. ونا له
أمامي العسكري اكليبي وناله
وأظل اندب ونوح ابن الزجيه


ام حوراء البركاوي
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

# قصيده للامام الحسن العسكري عليه السلام
🖊📒

أمشنه انروح السامره نون بيهه

شال العسكري وضلمت مبانيهه

✿────↻✿...✿↺────✿

شال العسكري وضلـمت الاكوان
والفراگه  الگلب هاليـوم حزنـان
ندگ اعله الصدر والدمع نهـران

أنـوح  اعليـه والزهـره نعازيهه

✿────↻✿...✿↺────✿

أنواسي المنتظر بمصابه هاليوم
ضلمه  اخلافه ضلت دار  العلوم
على فگد الحسن هالگلب مالوم

وحشه الدار ويلي البـين ناعيهـه

✿────↻✿...✿↺────✿
المصابه نون اونچذب الحسره
عالمسموم تسعر بالگلب جمـره
وبصدر المحـب متكسره العبره

راح الـجان خيـمه مضلل اعليهه

✿────↻✿...✿↺────✿
راح الجان سور ولليتامه معين
واحبابه بقت تهمل دموع  العين
صبح مضلم عليه ومحزن الدين

وايتام اصبحت من شال واليهه

✿────↻✿...✿↺────✿
امصابه العسكري يصعب علينه
وعليه الروح  مالومه وحـزينه
المهدي عل الابوا يجهـر  ونينه

وحياته الوحده مولانـه گاضيهه

✿────↻✿...✿↺────✿
تــــمت والحـمد لله
✍🏻الشـــاعره سهام المـــالكــي
لا أجيز حذف ألاسم
نسالكم الدعاء لتعجيل الفرج لصاحب الزمان(( عج ))
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده

اليوم ام الحسن متعنيه سامره
على المهيوب تبجي اتنوح وبعبره
🏴🏴🏴🏴🏴🏴🏴
اتعنت ام حسن اتزوره اليوم
خلصو كل ولدهه ابقتل والمسموم
گلبهه امن النواصب حيل ملجوم
وجدهم نبي الرحمه الله ايصبره
🏴🏴🏴🏴🏴🏴🏴
واحد ورى الثاني العده كضوهم
ابسم وذبح وعلى الثرى عافوهم
ابحبهم الله كال العدل نصروهم
الحق واجب علينه انتبعه ونصره
🏴🏴🏴🏴🏴🏴🏴
الله ايساعد الزهره اتحضر ليهم
تسمع ون ولدهه اتنوح اعليهم
اهموم اوبله شافو من اعاديهم
ابجو ويه مهدينه اليوم عينوه
🏴🏴🏴🏴🏴🏴🏴
كعدت عد ولدهه تبجي وتنوح
ومن كثر البجي الصوت مبحوح
ونوحت على الولي اوذايبه الروح
اتكول النصبه الله شيعه ودوه
🏴🏴🏴🏴🏴🏴🏴
فواتح نصبو اله اوعلكو رايات
بجت اعليه الارض ويه السموات
جده الصاح لاللذله هيهات
على الهامات لطمو اوعزه نصبوه
🏴🏴🏴🏴🏴🏴🏴
عزه نصبو اله اوسوو اقرايه
يستاهل نبجي عليه وتنوح ملايه
هاذه حجه الله امفسر الأيه
شيلو ابو المهدي شيعه شيعوه
🏴🏴🏴🏴🏴🏴🏴
كلمات خادمه اهل البيت ع ام مرتضى الخزرجيه يهدى ثواب هذه الكلمات الى محمد وال محمد والى امواتي ونسألكم الدعاء لي ولوالدي والفاتحه على روح والدي
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

#العسكري

هوسات


اريد اوصل لعد سامره وانشدها
ايمام الچان بيها وچان سيدها
صدگ چبده وچلوته النذل ماردها

( وما واحد ماخذ.... ثاراته)
.........

ثارك ما خذوه وابحوشك امدد
واوليدك زغير اويلطم اعله الخد
گوه النفس بابنك ينزل ويصعد

  (ما يمه احباب... يعازونه  )

.............
ما عنده ربع وتشيل من حزنه
بس خادم ضعيف ويجذب الونه
ابنه اخلافه  دوم ولا ضحك سنه

( الدنيا بهم.... عايش بيها)

..............
خلاف العسكري ما يفرح اوليده
چان العيد ابوه وفارگاه عيده
يريت الله ابعظمته ايشيل چف ايده

(ويگله اظهر..... يا مهدينه)
............
اظهر يا ابو صالح وانشر الرايه
واطلب بالضلوع ودوست الثاية
الك جيش الوصل لحسين مشايه

(حي الله المهدي.... وانصاره)


*تمت*

العمل مهدى الى مولاي و سيدي الامام  الحسن العسكري عليه السلام



*الخادمة*
*ام علي رضا الشريف الحسيني*

ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

#العسكري ع

ندبة بإسم سيدي ومولاي الإمام الحسن العسكري عليه السلام



للعسكري خل انروح...ونسولف اوياه ونوح

ونگله ياوالينه.... شكايه الك شكينه

للعسكري خل انروح... للعسكري خل انروح

.......................

للعسكري امشي انتعنه الگبره
ونبچي اعله اشباچ الحنين ابحسره
ونگله عدنه اهموم يبن الزهره
وانته الغني واحنا الأحباب الفقره

گومنه ياوالينه..... شكايه الك شكينه

للعسكري خل انروح.... للعسكري خل انروح
...............
للعسكري گومي الهموم اخذيها
وحلفيه ابعمته الحره وابواليها
والمشكله عند ابو المهدي احچيها
كل المشتله هالسبع ينطيها

والعسكري امجربينه.... شكايه الك شكينه

للعسكري خل انروح.... للعسكري خل انروح
...............
مولاي شحچيلك يبعد اعيوني
عدكم شچيت الحال بس شكوني
عدمن أذب حملي اذا اتملوني
وانته الگلت آنه الكريم انخوني

وارث علي ناخينه..... شكايه الك شكينه

للعسكري خل انروح.... للعسكري خل انروح

...............
باب الحوائج ياسبع سامره
جيتك ذليله والگلب بي جمره
مكسور گلبي الهسه موجر كسره
استاهدك ماتطرد المظطره

واحنه الهظم والينه.... شكايه الك شكينه

للعسكري خل انروح.... للعسكري خل انروح
..............

مايندم الينخى ويون يم بابك
وانته المجرب ماتخيب احبابك
نذكر مصابك يالولي واشبابك
وشلون سماك النذل ماهابك

والفجعتك ونينه... شكايه الك شكينه

للعسكري خل انروح.... للعسكري خل انروح

................
اللهم اقضي حاجتي وحوائج شيعة امير المؤمنين علي عليه السلام بحق مولانا الامام العسكري عليه السلام


*تمت*

الخادمة
*ام علي رضا الشريفي الحسيني*


ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده للامام الحسن العسكري عليه السلام

وزن موشح
🖊️📙

علـــــــى ابوه المهدي يجهر ونته

وبدمع عينـــــــاه غسل  جثتــــه

༄ ★═━━▒ ━═★༄

على نعــشه ينـوح ويهل الدمـــع

ايغسله بيده ومنحني منـه الضلع

على مصابه الگلب ويلي منصدع

المهدي هذا اليوم تفجــع  حالته

༄ ★═━━▒ ━═★༄

يفجـع الـــــدلال ويـلي مـن يون

بحسـره وباهات دمعاته  جــــرن

يدري بعده ايشوف انواع المحن

وعلى ابــــوه ادموم تهمل دمعته

༄ ★═━━▒ ━═★༄

دموم تهمـــل دمعته وحيله ركــد

ويه ابــوه العسـكري اخــر وعـــد

ملگـه بالدنيا وسف ماكــــو  بعـد

وحشه بيته واه  تكتــل وحشتـه

༄ ★═━━▒ ━═★༄

وحشه بيته شلون اشوفنه صعب

واگــعد ابمحرابه ابچي وانتـحب

بحسره ناده والگلب نـاره  تشـب

اعليه صارت صعبه ابـــويه ردته

༄ ★═━━▒ ━═★༄

راح ابوي وبعد ما يرجع الـــــــي

خلاف عينه انه بالـــدنيا   شــلي

بهل الزمن ابقه وضيمه  مبتــــلي

وزادت اجروحــي عليه بغيبـــته

༄ ★═━━▒ ━═★༄

تــــمت بقــــ✍️لم خادمات أهل البيت عليهم السلام

*الشاعره سهــــ✍️ــــــام المالـكي*
*الشاعره مـــريـ✍️ــم الحجيمي*

لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313