بسمار وعصر ظلعي لوني
ركس حيلي وتغير هم لوني
بعلي لاذيت يا وادم لوني
جا ماخله بيهم نفس ريه

✍طالبه الزهراء
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

نعي للزهراء سلام الله عليها
وكأن مولاتي زينب تنعاها


يمه انه من اسمع ونينج
شوغه بواجي يا حنينج
ومن الوجع آلله اليعينج


تمشين متجيه على الدار
محدبه ظهر والدمع مدرار
تنور كلبج يشجر بنار

زينب تراني انظر الحالج
مشتاكه للضحكه ودلالج
تدرين بالموت امن اجالج

فراكج بده والحيل مهدود
كثر البواجي الراح ميعود
رد الحزن من بعدج اردود

✍#طالبه_الزهراء_القريشي

ارجو الدعاء لي لقضاء حوائجي المتعسره


ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

المستهل

العسكري بهاي المسيه
اندب بدمعه جريه
يصعب مصابك عليه

وا ويلاه... واويلاه

اندب بدمعي امامي واصرخ بهالليله
بياذنب مسموم چبده بالدمع انعيله
تصوب بسهم المنيه ويجري دمع العيله
نواسي المهدي ونندبه وبالحزن نرثيله

گلبه بهموم و اسيه
العسكري بهاي المسيه
واو ويلاه...٢

الليله سامره حزينه والخلگ مهضومه
ويلي يابو المهدي نزفت چبدته بدمومه
اتودع الغالي عليها تندب ومــالومـــه
آه يامولاي يصعب فگدك و يا يومـــه

تصعب اعلينه الرزيه
العسكري بهاي المسيه
اندب بدمعه جريه
واو ويلاه...٢

وكل ملائكة السماء الليله هم حزنانه
من غبت عنه امامي أظلُمت دنيانــه
والنبي ويه الزچيه وحيدره ويانـــه
حضرت النعشك تشيعه وابمُهج لهفانه
ونت ابونّة شجيّه
العسكري بهاي المسيه
اندب بدمعه جريه
واو ويلاه...٢

يالحسن يلعسكري بدموعي انحب جيتك
بمجلسك مولاي ارجو ابحاجتي اترجيتك
ايعجل المهدي بظهوره ويزهي يرجع بيتك
وتگضي حاجاتي اريدن هالمسه ناخيتك

ارجو منك هالهديه
العسكري بهاي المسيه
اندب بدمعه جريه
وا وويلاه...٢


العسكري بهاي المسيه
اندب بدمعه جريه
يصعب مصابك عليه
وا ويلاه... وا .ويلاه


اللهم صل على محمد وال محمد وعجل فرجهم
رؤى السلامي ✍
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

# قصيده للامام الحسن العسكري عليه السلام
🖊📒

أمشنه انروح السامره نون بيهه

شال العسكري وضلمت مبانيهه

✿────↻✿...✿↺────✿

شال العسكري وضلـمت الاكوان
والفراگه  الگلب هاليـوم حزنـان
ندگ اعله الصدر والدمع نهـران

أنـوح  اعليـه والزهـره نعازيهه

✿────↻✿...✿↺────✿

أنواسي المنتظر بمصابه هاليوم
ضلمه  اخلافه ضلت دار  العلوم
على فگد الحسن هالگلب مالوم

وحشه الدار ويلي البـين ناعيهـه

✿────↻✿...✿↺────✿
المصابه نون اونچذب الحسره
عالمسموم تسعر بالگلب جمـره
وبصدر المحـب متكسره العبره

راح الـجان خيـمه مضلل اعليهه

✿────↻✿...✿↺────✿
راح الجان سور ولليتامه معين
واحبابه بقت تهمل دموع  العين
صبح مضلم عليه ومحزن الدين

وايتام اصبحت من شال واليهه

✿────↻✿...✿↺────✿
امصابه العسكري يصعب علينه
وعليه الروح  مالومه وحـزينه
المهدي عل الابوا يجهـر  ونينه

وحياته الوحده مولانـه گاضيهه

✿────↻✿...✿↺────✿
تــــمت والحـمد لله
✍🏻الشـــاعره سهام المـــالكــي
لا أجيز حذف ألاسم
نسالكم الدعاء لتعجيل الفرج لصاحب الزمان(( عج ))
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

فزاعيه للامام الحسن العسكري


وحشه وظلمه سامره
من شال الولي عنها

----------
شايل بضعه الزهره
ابو المهدي كضه عمره
ظلمه اليوم سامره
مفكود الحسن منها
--------
غاب اليوم منهلها
والشيعه احزنت كلها
راح الجان خيمه الها
من عنده انكطع ضنها
-------
شايل بضعة الطيبين
خله الناس حزنانين
فكده هدم ركن الدين
وكل الناس احزنها
-----------
سامره حزينه اليوم
شايل حجة القيوم
ياويلي عليه مسموم
جبده الكوم كطعنها
----------
شايل راعي الهيابه
نعزي ابنه على مصابه
يصيح بدمعه سجابه
دمعتي عليك اهلنها
-----------

عليك الدمعه اجريها
وروحي من يسليها
افراكك حيل ماذيها
اومايبطل ابد ونها
----------
شاعرة اهل البيت
ام حسين الهلالي
لتنسوني ووالدّي من صالح الدعاء

ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده للامام الحسن
العسكري


اجيت ادموعي سجابه
اون وانحب على مصابه

الدهر ضدني وصحت يبني
اون وانحب على مصابه
..........

تهيج بكلبي نيراني
مو مره الف مره
اجيتك من ارض طيبه
انه امك الزهره
تعنيت بكلب مجروح
اجيتك والدمع يجره

اشيصبرني صحت يبني
اون وانحب على مصابه

..............
مو مره فجعني البين
جم مره انفجع منه
دهري مارحم حالي
كل وكته يحاربنه
على اولادي يهل دمعي
واجر ونه باثر ونه

كثر حزني وصحت يبني
اون وانحب على مصابه
----------
كثر حزني على اوليدي
شنو ذنبه ويسمونه
فوك مصيبته وهمه
جبده بسم يكطعونه
وحده بديره الغربه
يلوج او مايرحمونه
عله وني وصحت يبني
اون وانحب على مصابه
-----------
يوم العسكري وحاله
مثل ابني الحسن يومه
كضه ياويلي كلبي عليه
منه الجبد مسمومه
عليه كلبي اشتعل نيران
اون والروح مالومه

الحزن فتني وصحت يبني
اون وانحب على مصابه
----------
عليكم دهري حاربني
كضيتوا ياضوه اعيوني
شذنبكم صحت يايمه
وبيكم ليش فجعوني
حزينه واهل دمع العين
هاي الكوم خلوني

بضلع محني صحت يبني
اون وانحب على مصابه
--------
لسامره كصدت اليوم
اجيت بلوعتي او وهمي
اسمعت بيك وتعنيتك
يوليدي ويبعد اسمي
المصايب هدمت حيلي
والمن اشتكي هظمي

الحزن هدني وصحت يبني
اون وانحب على مصابه

----------

شاعرة اهل البيت
ام حسين الهلالي
لتنسوني ووالدّي من صالح الدعاء
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

🏴🏴 فائزي (شده)للامام الحسن العسكري
الوزن
مستفعلن مستفعلن مستفعلاتن

هاليوم سامره بحزن نصبت عزاها
واتوشحت بالاسود او تنعى لحماها
.......................................
هاليوم سامره اصبحت تنعه وحزينه
مسموم بيها العسكري غمضت عينه
فزعت الشيعه تصيح ياعزنه او ولينه
مفكود منها العسكري الرافع لواها
.......................................
ارتجت ارض سامره هاليوم بمصابك
ياحيف غدر الكوم هذا اليوم صابك
مفجوعه كلها تنحب وتصرخ احبابك
مسموم شايل علتك ضايع دواها
...................
مفكود منها العسكري ابن الايمه
كلنه نعزي بالمصيبه الزهره امه
مهظومه هاليوم اعتنت وتنوح يمه
تنعه عليه وفطر المرمر نعاها
..............
تعنت لبنها اليوم مهظومه الزجيه
شذنبك ييمه تكول وجرعت الاذيه
وكطعوا جبدك يابعد عيني وضواها
................
شذنبك يماي العين سموك الاعادي
وانته ابوك المرتضى وجدك الهادي
كل يوم بيكم وانفجع يبني وانادي
شنهو الجنيته وجبدتك يجري دماها
...............
شنهو الجنيته والعدى سموك يبني
وتلوج يايمه وبحالك صوبتني
ارد ابجي على امصابك وازيد اليوم وني
يومك ييمه صوب عيوني وعماها
................

نعي
اويلاه يبني ونور عيني
سم جبدتك زيد ونيني
يومك عسنه لا يجيني
..........
ناحت على ابنيها الزجيه
وتصيح يبني شلون بيه
نيرانك بجبدي سريه
.............
مصابك يماي العين فتني
ونارك بكلبي و جاويتني
ونيت والونه كتلتني
.............
ايالولد ياسلوه الروح
جبدك بنار الحقد مجروح
عليك ارد اون مابطل النوح
............
نارك بنص كلبي يمسموم
ياللي جرعت شوغات وهموم
كضيت العمر بالسجن محروم
.............
شذنبك يماي العين سجنوك
وبالغربه عن اهلك يبعدوك
تاليها يوليدي يسموك
............
امن السم يون مردوا جبدته
تفت الصخر ياناس ونته
وسط الكلب تسعر جمرته
.............

اويلاه يمصاب الجراله
بين الغرب ابن الرساله
مسموم وترادت احواله
.............
اليوم الغريب الدار ننعه
ونوح ونساعد البضعه
ترى مصيبته ياناس فجعه
..............
يال هاشم مادريتوا
للعسكري جان اعتنيتوا
نصبتوا عزى عليه وبجيتوا

............
على المسموم خل يعمن اعيوني


خادمه اهل البيت
ام حسين الهلالي
اسالكم الدعاء لي ولوالدي
وللمؤمنين والمؤمنات
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

مجلس الامام الحسن العسكري

صلى الله عليك يامولاي يارسول وعلى ال بيتك الطاهرين

حتام طيك لليباب المقفر
فارح بسامراء نبكي العسكري

نبكي مليكاً احزن الاملاك في
ملكوتها ودهى الصفا بتكدر

نبكي فتى ابكى البتوله فاطماً
واذاب احشاء الرسول وحيدر

لهفي لمولىً قد مضى فيه القضا
وهو الذي لولاه لما يصدر

ارداه معتمد الضلال بسمه
فقضى شهيداً ياسماء تفطري

ياابحر الافضال غيضي بعده
فلقد قضى سماً ممد الابحر

ياارض موري بعده وتصدعي
ياشمس بعد ابن النبي تكوري

اه
نعي مجاريد
نار الكلب هاليوم تلهب
للعسكري وادموعنه تصب
مصابه وعلى الاسلام يصعب
............
ذكروا مصابه وابجوا عليه
مسموم والسم حيل ماذيه
والمهدي بمصابه نعزيه
............
ياهو الحضرله وشاف حاله
مسموم يانسل الرساله
وسم العده كطع اوصاله
................
وين اليهل دمعته بعبره
والعسكري الليله يذكره
والمهدي الله يعظم اجره

.............
ياشيعته ونوا المصابه
مسموم من فارك احبابه
وابنه عليه يصيح يابه
..........
مفكود ابو المهدي الليله
وسم العدى كطع دليله
وابنه عليه انهدم حيله
............
نعي نصاري
نعزي المنتظر هاليوم كلنه
على مصاب ابوه ونجر ونه
شايل غصب راعي المحنه
بالسم كضه وخلصت اسنينه
.............
مفكود عود المهدي هاليوم
وعليه ركن الدين مهدوم
جبده انمرد من كثر السموم
المهدي بمصابه الله يعينه
..........
انا لله وانا اليه واجعون
قال احسن القائلين

بسم الله الرحمن الرحيم
(ان الله اصطفى ادم ونوحاً وال ابراهيم وال عمران على العالمين)

الاصطفاء معناه الانتقاء والاختيار
اي ان الله سبحانه وتعالى اختار جميع انبياءه واولياءه اختارهم من بين سائر الناس وجعلهم الانبياء وجعلهم المرسلين
وكان اخر الانبياء وخاتم المرسلين نبينا الكريم محمد (صلى )
واختار من بعده اهل بيته الطاهرين فهم عتره النبي وذريته وهم اقرب الناس اليه وهم حجج الله على العباد وهم الامناء على الشريعه واحرص الناس على تبليغ احكام الدين واصوله وعلومه
كذلك اهل البيت هم سفينه النجاة
قال رسول الله
ان مثل اهل بيتي فيكم كسفينه نوح من ركبها نجا ومن تخلف عنها غرق وهوى
ومن اهل البيت امامنا الحسن العسكري
وهو الامام الحادي عشر من الائمه المعصومين
ولد في المدينه المنوره في اليوم ١٠من شهر ربيع الثاني٢٣٢ه
لقب بالعسكري نسباً الى المنطقه التي سكن فيها
مدينه عسكر
هاجر الى العراق وعمره اربع سنوات قام بامر الخلافه بعد استشهاد ابيه الامام الهادي

اشتهر بين الناس باخلاقه وخصاله العاليه
الزهد والعلم والشجاعه والتقوى وغيرها
روى عنه مجموعه كبيره من كبيره من المحدثين والفقهاء اكثر من ١٥٠ الف شخص
قال عنه احمد ابن الخاقان
مارأيت ولاعرفت بسر من رأى رجلا من العلويه مثل الحسن ابن علي ابن محمد ابن علي الرضا في هديه وسكونه ونبله وعفافه
كانت الناس تهابه وتجله وتعظمه
من وصايا امامنا الحسن العسكري
قال (اوصيكم بتقوى الله والورع في دينكم والاجتهاد لله وصدق الحديث واداء الامانه الى من ائتمنكم من بر او الفاجر
وطول السجود وحسن الجوار فهذا ماجاء به محمد (صلى)

ثم قال صلوا في عشائرهم واشهدوا جنائزهم وعودوا مرضاهم وادوا حقوقهم
فان الرجل منكم اذا ورع في دينه وصدق في حديثه وادى الامانه وحسن خلقه مع الناس وقيل هذا شيعي ليسرني ذلك
اتقوا الله فينا وكونوا زيناً ولاتكونو شيناًجروا الينا كل موده وادفعوا عنا كل قبيح فانه ماقيل فينا من حسن فنحن اهله وماقيل فينا من سوء فما نحن اهله وكذلك لنا حق كتاب الله وقرابه من رسول الله
وتطهيراً من الله في كتابه ومن يدعي ذلك غيرنا فهو كاذب
ثم قال اكثروا من ذكر الله وذكر الموت وتلاوة القران والصلاة على محمد وال محمد فان الصلاة على رسول الله عشر حسنات
احفظوا ماوصيتكم به

الامام الحسن العسكري عاصر بعد ابيه ثلاثه من الخلفاء العباسيين المعتز والمهتدي والمعتمد والذين اذاقوا الامام الويلات
عاش الامام فترة قاسيه ومحنه شديده بحيث كان يوصي اصحابه اذا رأيتموني في الطريق فلا يسلم علي احدكم ولايشير اليّ بيده
اهل البيت وشيعتهم عاشوا في فترة حكم بني العباس اسوء السنين اضاقوهم العذاب حتى كان الشيعه احدهم يتمنى ان يقال عنه زنديق ولا يقال له شيعي تضييق الى ابعد الحدود
الامام يعرف كل هذه الضروف لذلك كان يوصي اصحابه بالتقيه اذا رأيتموني بالطريق لايسلم عليّ احد منكم فانكم لاتأمنون على انفسكم ويقول لبعض شيعته اذا سمعت شاتماً لنا فامض الى سبيلك واياك ان تجاوب من يشتمنا او تعرفه بنفسك فأنك في بلد سوء ولاتامن على نفسك

وكان الامام محاصر من قبل حكام عصره كل واحد منهم كان يريد الفتك بالامام الا ان الامام ينجوا بمشيئه الله الى ان تولى المعتمد كرسي الخلافه وكان شديد العداوه لاهل البيت فأمر بحبس الامام
فحبسه في سجن علي ابن اوتامش وكان هذا ايظا ناصبي شديد العداوه لاهل البيت
وقد امره المعتمد ان يضيق على الامام في سجنه ثم سلمه الى شخص اخر ووضعه في سجن اخر واوره ان يضيق على الامام
فعلا ضيق على الامام ووضعه في سجن مظلم ومنع عنه الطعام وضيق عليه
ثم نقله الى سجن اخر هكذا بقي امامنا يتنقل بين السجون
بقي امامنا مرصودا من قبل الظلام حتى امر المعتمد ان يدس اليه سما قاتلا وضعه له في طعام اكل منه قليلا واذا بالسم يسري في بدنه يقطع احشاءه وامعاءه اي وااماماه وامظلوماه
اجرك الله ياصاحب الزمان
لم يكن احد مع ابيه الا هو ساعدك الله يامولاي
اقبل اليه لما راه يجود بنفسه رمى بنفسه عليه احتضنه وجعل يبكي ثم ضمه الى صدره وجعل يقبله تاره ويشمه تاره اخرى
ثم ان الامام اوصى ولده بعدة وصاياه وسلمه مواريث الائمه وجعل يقبله ويشمه ثم ان الامام سكن انينه وعرق جبينه مد يديه ورجليه وغمض عينيه وفاضت روحه الشريفه بين يدي ولده رحم الله من نادت واماماه وامسموما
نعي مجاريد
اويلاه يبو المهدي يمسموم
عقب ذيج المصايب والهموم
تالي رحت والجبد مالوم
................
يومك عسه لاصار مثله مسموم وافادك تسله
وتلوج منه الليل كله
................
بالله يشيعه ابجوا اعليه
وذكروا مصابه والجره بيه
وابنه على مصابه نعزيه
..............
المهدي اليوم اشلون صبره
على والده مكسور ظهره
يبجي عليه والدمع يجره
................
المهدي اليوم الله يعينه
شاف الابو كدام عينه
يعالج وجبده كاطعينه
................
يون اعلى ابوه ويهمل العين
وظهره انكسر ياناس نصين
وحده يويلي وماله امعين

تخلص
كيف اصطبارك والقعود وقد قضت
اهلوك صبرا مارؤا يوما مري

التنضيد وكتابه المجلس بقلم الخطيبه
ام حسين الهلالي
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده للامام الحسن
العسكري


اجيت ادموعي سجابه
اون وانحب على مصابه

الدهر ضدني وصحت يبني
اون وانحب على مصابه
..........

تهيج بكلبي نيراني
مو مره الف مره
اجيتك من ارض طيبه
انه امك الزهره
تعنيت بكلب مجروح
اجيتك والدمع يجره

اشيصبرني صحت يبني
اون وانحب على مصابه

..............
مو مره فجعني البين
جم مره انفجع منه
دهري مارحم حالي
كل وكته يحاربنه
على اولادي يهل دمعي
واجر ونه باثر ونه

كثر حزني وصحت يبني
اون وانحب على مصابه
----------
كثر حزني على اوليدي
شنو ذنبه ويسمونه
فوك مصيبته وهمه
جبده بسم يكطعونه
وحده بديره الغربه
يلوج او مايرحمونه
عله وني وصحت يبني
اون وانحب على مصابه
-----------
يوم العسكري وحاله
مثل ابني الحسن يومه
كضه ياويلي كلبي عليه
منه الجبد مسمومه
عليه كلبي اشتعل نيران
اون والروح مالومه

الحزن فتني وصحت يبني
اون وانحب على مصابه
----------
عليكم دهري حاربني
كضيتوا ياضوه اعيوني
شذنبكم صحت يايمه
وبيكم ليش فجعوني
حزينه واهل دمع العين
هاي الكوم خلوني

بضلع محني صحت يبني
اون وانحب على مصابه
--------
لسامره كصدت اليوم
اجيت بلوعتي او وهمي
اسمعت بيك وتعنيتك
يوليدي ويبعد اسمي
المصايب هدمت حيلي
والمن اشتكي هظمي

الحزن هدني وصحت يبني
اون وانحب على مصابه

----------

شاعرة اهل البيت
ام حسين الهلالي
لتنسوني ووالدّي من صالح الدعاء
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

★•• استشهاد الإمام الحسن العسكري ••★

عظم الله اجرك يمهدي بهالرزية
بوالدك هالليلة تنعاك البرية
-------------------------------------

والدك راح وبقيت بگلب مجروح
ايعينك الله سيدي من شفته مطروح
بالسم يلوج من الألم •• هالزمرة منهم ما سلم

گابليته وذايبة من عندك الروح
تنظره بعينك لچن ماتگدر تنوح
وبصدرك العبرة بقت •• ياوالدي شفافك حچت

روحه فاضت الربها المسية
عظم الله اجرك يمهدي بهالرزية
✦✦•━•━••━•✦✦•━•━•━•✦✦

حضرت الزهرة تنادي بصوت مفجوع
جيت اشيعه الوالدك وي هايه لجموع
يالمنتظر يبني أجيت •• أمك أنه ليك اعتنيت

يمك الليلة احضرت ومكسرة لضلوع
من وجنتَّك يبني يبني امسحها لدموع
حملك ثگيل بغيبته •• بيدك توَّفي اوصيته

من عگب عين الولي تحمل أذية
عظم الله اجرك يمهدي بهالرزية
✦✦•━•━••━•✦✦•━•━•━•✦✦

يا حقد أهل الظلالة بغدر سموه
ظل يلوج من الألم ولچبده وذروه
عاصرهم وعاش المِحَن •• ويلاه مولانا الحسن

يا مصابك بالأبو وبنعشه شالوه
وياك سامرا افزعت للجسد واروه
يمكلف بأمر الولي •• يالمهدي ذرية علي

يالأمان انته التحل اعله البرية
عظم الله اجرك يمهدي بهالرزية
✦✦•━•━••━•✦✦•━•━•━•✦✦

بهالمصاب تذكريت المات منحور
التمت بعينك صور ظل دمك ايفور
وتهل دموع من الفگد •• تتذكر الطف وتصد

چم جرح خله الأثر بالگلب محفور
تكتم وتحمل ألم عالوضع مجبور
تنتظرك الأمة بأمل •• ياصاحب الثار العجل

دارك الليلة اصبحت ظلمة وخلية
عظم الله اجرك يمهدي بهالرزية

✍🏻#ولائـية_وافتـخر (دعـاء العـامـري)
     ❌لاأجيــز حــذف الأســم❌
✦✦•━•━••━•✦✦•━•━•━•✦✦
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

★•• فزاعية لأستشهاد الإمام العسكري ••★

∞ سامرا هاليوم بحزن ∞
∞ عالمسموم والينة ∞
---------------------------------------------------

ننحب ننادي يالولي
والمهدي دمعاته اتهلي
والنزل من عگبه خلي
*راح وشيرده اعلينة*
♣———————•••———————♣

غدروك ويلي يالحسن
عانيت كثرة من المِحَن
كل مُحب دمعاته جرن
*راح وعليه وَنّينة*
♣———————•••———————♣

يالرايح امطول السفر
يبچي عليك المنتظر
ويصير عگبك بالخطر
*عگبك منو لمهدينة*
♣———————•••———————♣

ناصبة ماعدهم رحم
عادوك زادوا بالجرم
يردونة الهم الحكم
*حسرة عليه جرينة*
♣———————•••———————♣

ويلي ننادي ياغريب
مسموم ماعنده طبيب
سامرا ناحت يالحبيب
*فراگك ترى يأذينة*
♣———————•••———————♣

شيعوها ويلي جنازته
واحبابه ابد ماحظرته
تسعر يويلي جمرته
*يل رايح امخلينة*
♣———————•••———————♣
🌱•• هوسات ••🌱
~ ونواسي اليوم/لمهدينة ~
~ غدروه اعداه/وآذونة ~
~ اعلة مصابه/حزنان الكون ~
~ وبسَمهم وذروا/أحشائه ~

تــمــت بــعــون الله

✍🏻#ولائـية_وافتـخر (دعـاء العـامـري)
❌لاأجيـــز حــذف الأســم❌
♣———————•••———————♣
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

#قصيدة_لإستشهاد_الإمام_الحسن_العسكري
//وزن فائزي//

{للعسكري هاليوم خلنة انسيل الدموع}
{المعتمـد سَـمـاه خلـه الگلـب مفجوع}
::::::::::::::::::::::::::::::::::::::::::::::::::::::
انعازي الامام المنتظر ياشيعة هاليوم
يبـﭼـي وينوح لوالده للگضى مسموم
مصابك جرحنة يالأمام العسكري گوم
*العترة ضلت ابحزن وبگلب موجوع*
▩▩▩▩●▩▩▩▩●▩▩▩▩●▩▩▩▩
سامرا تنحب لك تنادي يا مصابك
كلنـا توجهنة يباب الله اعلة بابك
بدمعات نندب سيدي وقع جوابك
*يالماتخيب اللي اجتك هاية الجموع*
▩▩▩▩●▩▩▩▩●▩▩▩▩●▩▩▩▩
ظلموك حكم الناصبة ﭼـم مرة عذبوك
وبغرب عن اهلك بعيد شلون خلوك
ابحكم مـن المعتمد يـأمر وسجنوك
*مسجون ماعندك ذنب مدري شالموضوع*
▩▩▩▩●▩▩▩▩●▩▩▩▩●▩▩▩▩
عادوك حتى بهالزمن والگبر هدموه
آذونة بيك اهل الغدر والجرح عادوه
يردون نمشي بلاية نور العلم يطفوه
*شيعتكم ويبقى العهد لو كلشي ممنوع*
▩▩▩▩●▩▩▩▩●▩▩▩▩●▩▩▩▩
نندب يمهدينة العجل بالگلب النار
والدك سَموه بحقدهم ذولة الاشرار
يالمهدي رفرف بالعلم ياصاحب الثار
*اشفي غليل الطاهرة المكسورة اظلوع*
▩▩▩▩●▩▩▩▩●▩▩▩▩●▩▩▩▩
تــمــت بــعــون اللــہ

✍🏻 #ولائــية_وافتــخر (دعـاء العامـري)
🚫غير مبرئ الذمة امام اللـہ والزهراء من يحذف اسم الشاعرة🚫
🔴اجيز شرعاً للأخوة الرواديد لعدم ذكر اسمي لمن يصعب عليهم بالمجلس وكذلك يحق لهم التصحيح عند الوقوف في بعض الكلمات🔴
نسـألكم الـدعـاء....
▃▃▃▃▃▃▃▃▃▃▃▃▃▃▃▃▃▃▃▃
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

فزاعيه للامام العسكري عليه السلام



عالعسكري دموعي جرن

واعازي امه فاطمه

❥━──➽❥❂❥━──➽❥

اواسي بت حيدر علي

وفراگه سل گلبي سلي

ياعين صبي واهملي

لمصابه تبچي ارض وسمه

❥━──➽❥❂❥━──➽❥

عاف المدينه وارتحل

والينه ابن خير العمل

وسفه ورد عمره ذبل

الدنيا عگبه مظلمه

❥━──➽❥❂❥━──➽❥

اليوم اصبحت حزنانه

كل شيعته ودوهانه

وتصيح يامولانه

وعالطاغي نار وحاطمه

❥━──➽❥❂❥━──➽❥

كل شيعي هلت دمعته

لسمه بچه ولمصيبته

ويلعن الطاغي وزمرته

شنهو شيطلبه وسممه

❥━──➽❥❂❥━──➽❥

الشيعه لمصابه تون

ولبست عليه ثوب الحزن

وتصيح ياابن الحسن

عجل يبن حامي الحمه

❥━──➽❥❂❥━──➽❥

وسفه يسموه بغدر

گوم الضلاله والكفر

نعازي الامام المنتظر

والعين تبچيله دمه

❥━──➽❥❂❥━──➽❥

✍ الخادمه ام زيد الشمري

نسال •اللّـہ̣̥ القبول
ونسالكم الدعاء بتعجيل فرج مولانا صاحب العصر والزمان عج

ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده لاستشهاد الامام العسكري عليه السلام على طور حجي باسم ليش الاودهم احفر لحدهم

المستهل👇👇

نوح ورزيه / عله ابن الزجيه
للعسكري اليوم نصبو عزيه

‏🧿🍃 ❨❨❨﷽❩❩❩ 🧿🍃

مات ياناس الامام العسكري اليوم
وگلب كل شيعي عليه محزن ومالوم
وسفه ابن الهادي ويلي يموت مسموم
والإمام الحجه يبچي وحيله مهدوم

ينحب على الراح/وازدادت جراح
وكل شيعي بحماه وعايش بفيه

‏🧿🍃 ❨❨❨﷽❩❩❩ 🧿🍃

الشيعه هاليوم عله مولاهم ينوحون
تدگ عا لراس وتهل دموع العيون
خلف نعشه راحو احبابه يشيعون
كلها تندب ياعلي وعالخد يلطمون

احضر يكرار /شوف الجره وصار
سمو حفيدك گوم الدعيه

‏🧿🍃 ❨❨❨﷽❩❩❩ 🧿🍃

اعلنو عالعسكري هاليوم الحداد
ولبست عليه التحبه ثوب الاسواد
وعلگّت رايات سود بكل البلاد
عالامام المات مسموم ابن الاسياد

سمه يويلي/هدملي حيلي
ظل گلبي محزون واصفگ بيديه

‏🧿🍃 ❨❨❨﷽❩❩❩ 🧿🍃

سممه الملعون والسم بالجسم سار
وين يروح من الله وشينطيه اعذار
وهو يعرف منو جده النبي المختار
خصمه باجر بالحشر حيدر الكرار

حزنك بالگلوب/يااغلى محبوب
وسفه يمولاي تحت الوطيه

‏🧿🍃 ❨❨❨﷽❩❩❩ 🧿🍃

عاف مولاي الامام ارض المدينه
واجه لسامره غصب عنه ولينه
تنحب عليه الملا كلها وحزينه
تلطم وتصرخ دخيلك يانبينه

عله مصابه ياناس/دگينه عالراس
جينا نعازي سيد البريه

‏🧿🍃 ❨❨❨﷽❩❩❩ 🧿🍃

كون هسا بارض سامره يالاحباب
نقيم مجلس للامام بدمع سچاب
انعازي امه وجده ويلي بهذا المصاب
ندري بالزهره اتحضر وي داحي الباب

تحضر عزانه /سيدة نسانه
انعازي ام الحسين هاي المسيه

‏🧿🍃 ❨❨❨﷽❩❩❩ 🧿🍃

✍ الخادمه ام زيد الشمري

نسال •اللّـہ̣̥ القبول
ونسالكم الدعاء بتعجيل فرج مولانا صاحب العصر والزمان
عج
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده للامام الحسن العسكري «ع»

شلـون حـال المنتظـر هـالليلـه
عالابـو حزنـان دمـعـه ايسـيلـه


ويـن رايـح بويه يانبض الگلـب
مااحمـله كلـش افـراگـك صعـب
شلـون گلي لونمـت تحت الترب
مــن بـعـد عينـك منـو الشكيلـه

عمري خمس سنين يتمني الدهر
دمعي يهمل عالـوجن مثل النهـر
راحـه مـاشفـت بحياتـي يابـشـر
غيبتي صـارت عليـه  اطــويـلـه

والله يـانـاس الحـزن مـاذينــي
كـل مصـاب يمر علـيّ يحنـينـي
مصـاب جـدي المنـذبح عاميني
كـل مسه دم مـو دمـع ابـجيلـه

جروحي ماتشفـه وتطيب الامي
نـار تسعـر بـالگلـب عـالضـامـي
چني اسمعه يگول طفوا خيامي
ايخاف عالحـره وعلـى مداليلـه 

احـنه اهل بيت النبـوه والـوحـي
قاسـي ويانـه الزمـن مـايستحـي
رغـم كـل هـذا  ابـد مـا ننمـحـي
واليضدنـه مــن علــي  يـاويـلـه



تمـت بـعـون الله تعالـى
بـ✍️خادمـة الحسين "عليه السلام"
الملـه أم مـجتبـى 
نسالكـم الدعـاء بتعجيل الفـرج لصاحـب الزمـان( عـج)

ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

نعي وفاة الحسن العسكري

~~~

مسوم الحسن ومهدم الحيل
كاضي نهاره وليله بالويل
مسوم كل اهله مجاتيل

.........

تنحب عليك امك الزهره
لجل الحسن تهمل العبره
وابنك المهدي نكسر ضهره

.........

شايل وعايف أبنه يون
زغير العمر وعليه محزن
لاوين اروحن يالحسن

.. ........

يلي شلت من بين أديه
صعبه عليه هل رزيه
فلت العشرة وهاي هيه

.............

شايل وين ياراعي المحنه
العمر بعدك مريدنه
عليك أون لايكه الونه
..........
تمت بعون الله تعالى
بقلمي الشاعره العلويه
بتول الهاشمي
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

نعي لوفاة سكنه بنت الحسين
عليه السلام
🔸🔸🔸🔸🔸
علئ فراش المنيه بنت الحسين
اتريد لولي ومنها تدمع العين
عمت عيني خلصت من الونين
🔸🔸🔸🔸🔸
عمت عيني سكينه شالت اليوم
واعمتها تون. والگلب. مالوم
تصيح بصوت اگعدالي يمظلوم
🔸🔸🔸🔸🔸
نامت بديار الغرب بنتك يعطشان
محروگ الجدم و الگلب وجعان
وزينب تون والدمع. نهران
🔸🔸🔸🔸🔸
خلصان گلب ام الحزن صار
وتصب الدمع عالوجنه مدرار
لطمت وجها والگلب. نار
🔸🔸🔸🔸🔸
سكنه يعمه حان. يومج
وشیب دليلي من همومج
وسفة الگبر يخفي ارسومج
🔸🔸🔸🔸🔸
گلبج خلص يالفاگده احباب
وماينسه يحبيبه المصاب
جرحج لحد الموت ماطاب
🔸🔸🔸🔸🔸
تمت بعون الله تعالى
بقلمي الشاعره العلويه
بتول الهاشمي
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

فزاعيه للامام العسكري عليه السلام

سامره اعتنينه اليوم
نعزي المهدي بمصابه
⚡⚡⚡⚡⚡
نعزي ونذرف الدمعه
خلي صوتنه يسمعه
الشيعه اليوم متجمعه
كلهه تنوح باعتابه
⚡⚡⚡⚡⚡
مهدينه يون اليوم
من عده الكلب ملجوم
امدد والده ومسموم
يصيح احا يايابه
⚡⚡⚡⚡⚡
نرجس خل نعزيهه
مهمومه عله واليهه
عدلي اللطمه عينيهه
كلهه ونت احبابه
⚡⚡⚡⚡⚡
ننصب مجلسه بحسره
ويانه حاضرة الزهره
كلبهه من الحزن جمرة
تون بدمعه سجابه
⚡⚡⚡⚡⚡
حضرت يمه تنادي
خلصوا عتره الهادي
كلهه بغدر اﻻعادي
خلصوا اهل الهيابه
........
تمت بعون الله تعالى
خادمه الزهراء ام حسين الاسدي
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده لاستشهاد الإمام العسكري عليه الصلاه والسلام

جينه سامره نعزي المنتظر
نسحك عله الخوف منهاب الخطر
〰〰〰〰〰
جينه سامراء ننصب ماتمه
نعزي المهدي وامه فاطمه
تنوح عالمسموم الليله مالمه
نحي الذكرى كل عام اليمر
〰〰〰〰〰〰
نحي الذكرى الليله معتنين
عالامام العسكري متحزمين
ننصب الماتم ونبجيله بونين
لجل ابو المهدي نفديه العمر
〰〰〰〰〰〰
الليله الحجه روحه مكدره
شيعته يمه تون ومحيره
يعينه الله روحه شكد صابره
من المصايب كلبه قطعه من الجمر
〰〰〰〰〰〰
يعينك الله سيدي بهذا المصاب
من بني العباس اجرعتوا العذاب
ويلي كل اهلك صفوا حدر التراب
يمته يالموعود تظهر هالامر
〰〰〰〰〰
تمت بعون الله تعالى
✍خادمة الزهراء ام حسين الأسدي
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313