قصيده/للأربعين الحسين (ع)
ورجوعها الى كربلاء
بقلم /ام علي المالكي


من اليسر زينب اجت
جابت العيله وشكت
جايه الكبرك يخويه
اسمع بچينه اسمع بچينه
___
خويه تعبانه اجيتك شفت كبرك
جايبه اعيالك يخويه ورد اخبرك
يمشي ويانه اللعين السحك صدرك
لو اعاين عالذبيح الگطع نحرك

جرحك بكلبي الم
تمشي ويانه الزلم

ادري ماترضون هيچي يصير بينه /يصير بينه
___
خويه جيت من اليسر گعدولي اجيت
شلون رده يالولي الكم نعيت
حيل ملهوفه اعله شوفتكم عميت
كوموا شوف الحال منكم ايسيت
آه ياعملت الطف
أبد ماتقبل تجف

وبعد مايراف جرحي واشبدينه واشبدينه
_____
الروس تبره اعلراماح اعظم قدر
صعبه يبن امي يضروبهه ابحجر
آنه حرمه وشرد اسوي من أمر
اعيوني عميانه تره ابگد النظر

عفيه گلبي شكد صُبر
خويه يبرالي الشمر

حسين خويه يصيح بسمي من حدينه من حدينه
______
من خذوني ميسره بين العرب
اطفال لو تبچي ابرمحهم تنظرب
وتمشي زينب للأسف ويه الغرب
روسكم وياي تبره ماتفارگنه بدرب

هاليسر جاني منين
وراح عباس الحنين

كوم خويه يبوالغيره اليوم اجينه اليوم جينه
___
باجر أرجع خاليه وصفر اليدين
لو تلكتني الحبيبه ام البنين
شرد اگلها لوتگلي على حسين
ويلي منتشدني عنك يالحنين

خاليه منكم ارد
وايست من الوعد

بيوم ذبحتكم يخويه احنه انسبينه احنه انسبينه

_____تمت
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده/للأربعين
بقلم/ام علي المالكي


دخلت كربله اتلگوها ام عون
وياهه الضعينه بگلب محزون
____
الدرب متعب عليها مغيره الحال
بلهفه جايه ومشدوهة البال
شكواهه لبو فاضل الخيال

شوفوا هاي اختكم حالها شلون
دخلت كربله /تلگوهه ام عون
___
عطشانه اجيتك ورد اشوفك
بلساني الاسم محله احروفك
مشتاگه الك ورد آنه اطوفك

اكعدولي يخويه ولاتقصرون
دخلت كربله/تلگوهه ام عون
____
كلك ظيم كلبي ورد ابجيك
ماترضه على العيله تأذيك
اخبرك بالهظايم ورد احاچيك

لو تدري يخويه زركه المتون
دخلت كربله/ تلكوهه ام عون
______
يسيره يالولي صعبه عليه
بكيت بلا ولي وصفك بديه
مهظومه ودهري سوه بيه

اعذروني عفتكم بس تونون
دخلت كربله/ تلگوهه ام عون
___
اخبركم يخوتي اصار بيه
اخذونه البلاد الأجنبيه
وامي فاطمه وبنت الزچيه

بذيج الساع اريدنكم تمرون
دخلت كربله/ تلگوهه ام عون
______تمت
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

…قصيده للاربعين…

ردت كربله وكل حيل مابيهـه
مهظومه العقيله تريد واليهـه

❍°•┈┈••✵●☆●✵•┈┈•°❍

ردت كربلـه زينب المظلومــه
مشتاكه لوليهه وحيل مالومه
يـاحيف الهيابـه بالگبـر نومــه
ولاوحد گعد لاخته يحاجيهـه

❍°•┈┈••✵●☆●✵•┈┈•°❍

ردت كربلـه مكسـوره الخاطر
نحلانـه العقيلـه والفكر حايـر
وين حسين گبره بيا كتر صاير
شلون ينام واخته الضيم غاطيهه

❍°•┈┈••✵●☆●✵•┈┈•°❍

مشتـاگـه اجـت للـوالـي ملهوفـه
تـدور وجـه اخوهـه رايده تشوفـه
من وصلت تراهي وصلت بخوفه
وشتلكـه بعـد بعـد الجـره عليهـه

✍ام حسين الاسدي

❍°•┈┈••✵●☆●✵•┈┈•°❍

ردت بـأربعينـة حيـل منهظمـه
محتــارة بيتامـاكـم يبــو اليمــه
هظم الشام خله بالگلب لجمه
يضربهه العدو يم روس اهاليهه

❍°•┈┈••✵●☆●✵•┈┈•°❍

رجعت للطفوف الروس وياهه
رجعـت بالعلـم منهو يتلكاهــه
تريد الي يعازيهه اعلـى ولياهـه
شابت والـدمع للعيـن عاميهـه

✍️ خادمة المنبر الحسيني : ام ابيها

❍°•┈┈••✵●☆●✵•┈┈•°❍

تمت بعون الله تعالى

ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده لزينب ع عند رجوعها من الشام لقبر أخيها الحسين عليه السلام

🏴🏴🏴🏴🏴
زينب ردت أمن الشام
كوملنه أنتلكاها
🏴🏴🏴🏴🏴
أنتلكاها بدمع وحزان
نبجي أوياها عالعطشان
ردت وبقلب لهفان
تتعثر أبممشاها
🏴🏴🏴🏴🏴
ياالله انعينهه كلنه
ونجري وياها مدمعنه
موجودين كل احنه
اليوم بكربله اوياها
🏴🏴🏴🏴🏴
نبجي أوياها الحره
بنتج فاطمه الزهره
ننعه أبحزن وبعبره
الدمعه الكم ذرفناها
🏴🏴🏴🏴🏴
نذرفه الدموع اليوم
للعطشان والمضلوم
نبجيله دمع بدموم
ألمصيبه مانسيناها
🏴🏴🏴🏴🏴
زينب جايه ابهومه
تصيح حسين يايومه
اكعدلي يجيدومه
تعاتب كلها ولياها
🏴🏴🏴🏴🏴
تناديهم اكعدولي
يخوتي طاحن احمولي
احشمكم تردولي
تبجي وتهل عيناها
🏴🏴🏴🏴🏴
كلنه اوياهه ونينه
نصيح بصوت تدرينه
اذا قصرنه عذرينه
الزياره ماكطعناها
✍️تمت بقلم العلويه شاعرة أهل البيت عليهم السلام
أم عباس البطاط
🏴🏴🏴🏴🏴
غير مبري الذمه من ينسب القصيده أليه
اويغير في الكلمات
تمت كتابة القصيده
يوم 10 صفر 1445ه/2023م
اللهم صل على محمد وال محمد
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

نعي بحق زينب عندما رجعت من الشام لزيارة اخيها الحسين ع ومعها الروس
🏴🏴🏴🏴🏴
أتكله
خويه جيتك أوجبت الروس هاليوم
اكعد يبو الشيمه يجيدوم
اختك اجتك تشكي ألهموم
🏴🏴🏴🏴🏴
اختك اجيتك كوم ليه
جيت من اليسر انه السبيه
الجنت ابزودكم الهاشميه
🏴🏴🏴🏴🏴
اكعدلي يبعد الروح يحسين
هاي أربعينك اه يلحنين
حاجيني يبن امي يماي العين
🏴🏴🏴🏴🏴
أتكله
هذا الراس وانه جبته وياي
غسلته بدموع العين بلماي
يشهد عليه الخالق ابهاي
🏴🏴🏴🏴🏴🏴
اكعد خل ارد راسك الجسدك
ونتكابل سوه وحجيلي همك
وسولف قصتي يمك وخبرك
▪️▪️▪️▪️▪️
أسولفلك يخويه الصار بيه
من بعدك صرت انه اجنبيه
وزجر وشمر عالو عليه
🏴🏴🏴🏴🏴
ثم نضرت ألى قبر أخيها أبي الفضل العباس ع
نادته بلسان الحال
اتكله
🏴🏴🏴🏴🏴
يلدللتني وجيت بيه
الكربله لغدرة بيييه
وعفتك علنهر وانه سبيه
ونيتلك أبونه خفيه
🏴🏴🏴🏴🏴
اكعد ياكمر هاشم يخال أبني
يم كبرك اجيت اوما تجاوبني
جنك نسيت الوعد كلمني
بعدك اسياط العدو تضربني
🏴🏴🏴🏴🏴
تشكيلكم زينب يهلهه
من الشام رد بيهه ضعنهه
اجت ولتعب زايد فوك ونهه
عاوننهه ابجن أوياها أوعاوننهه
عيننهه علمصاب اوساعدنهه
🏴🏴🏴🏴🏴
جابت العيله وزين العباد
نزلت ولقلب ذايب ولفاد
حزينه وموشحه ابلبس السواد
رجعت لااخو اوياها والأولاد
احوووي نار يسعر قلب زينب
🏴🏴🏴🏴🏴تمت بقلم العلويه أم عباس البطاط
غيرمبري الذمه من يتلاعب بلكلمات أو ينسبهن أليه
10 صفر 1445ه
2023م
اللهم صل على محمد وال محمد
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

فزاعيه رجوع زينب سلام الله عليها لقبر الحسين عليه السلام




اليوم ردّت زينب السلطانه
مگبعه بظيم اليسر تعبانه
=========
اليوم ردت بت علی تلكوها
جايبه روس  الامس جابوها
وين اهلها اصيح، ماحاچوها

حاچوها /جتكم زينب
=========
جايبه روس الحياده العلرماح
والضعن مهدود حيله من الصياح
البليسر ماساعه خلصت مستراح

خلصوها /ابظيم وحسره
========
شهر والعشره الخلصوها بانيين
تصيح زينب جيت اعازي بالحسين
وين كبر ه ابن امي مدلوني وين

يم گبره /گعدت ناحت
ام حسين المحمداويه
=========
يم كبر الحسين ناحت بالخله
محد الكلالها ميه هله
وصلت لارض المصايب والبله

ونت والنوح المبجاها
========
راده ابيا لون والشيب البده
حته رمش العين سولف بالسده
قائد اوسط الضعن ضد العده
اعلام ايوثق تاريخه
=========
ردت بلون المغيب ابلا امل
تودع الراس ويطش ذاك الشمل 
حضنت الراس وجرح مامندمل
  تودع بيه ادفنه ابكبره
طالبه الزهراء
=======
تمت القصيده بقلمي كل من ام حسين المحمداويه
وطالبه الزهراء القريشي
في رابطه نائبه الحسين عليه السلام
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

ابوذية ونعي لاربعين الحسين ع  موساة السيدة زينب ع

عزمــك. يالخدمــة حسين شــــدة
الجرح خزن على اهل البيت شـدة
حبـــل زينـب بديـــة كــون شـــدة
وتضــــل ام الخدر وانــــة سبيـــة

اجت ام الخدر تجذب بونها
مـن الشام  مشايـة بضعنــها
محتـارة بالـــروس ودفنــــها

الروس اخوانها المدمع تهلـة
خوية الحبل يبن امي حـلــــة
ضيـــم الخـرابة مـااحمــــلـة

ضيــم الخـرابة وعملة الشــام
وطفلة على ابوها اليل متنـام
شسوت بزينب  وسفه الايــــام

وصلت كربلـة وبصوت نـــادت
تســوي اربعيـن حسيــن رادت
وضعونها على الكفـــــل مالت

دلـونــي  يـا  ناس  بكفيـــــلي
من يـوم چفــــة انهــدم. حيلـي
وي زينب يعيني اليوم سيلـــي

ابـچوو ويـــاها گـطـعت دروب
وعافـت ابو السـجاد مگـــلوب
راسـة برمح ويشووغ  الگـلوب 

راسـة برمــــح وي الضعينـــــة
خل نمشــــي نسوي اربعبنــــة
طبت كربلـــة الـيوم الحـــزينة

تمت بقلم خادنة اهل البيت ع ام وليــــد الموسوي  لا اجيز حذف الاسم الفاتحه الى روح والدي ووالدتي

ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

دارمي للسبي
****
امشي لعد الشام ماتدري بيه
انهض يبعد الروح واعطف عليه
***
عفتك على التربان خافي  ونينك
اوراسك مشه وياي تنظرلي عينك
لختك يبعد العين زايد حنينك
وحدي وحريم اوياي واصفك بديه

ام عمار الصائغ
(*)
عفتك على التربان نايم يوالي
ومرافكه الذباح ياضيم حالي
لوتدري خويه حسين بالجرالي
وادم اسف ياحيف شمتو بيه
بقلم العلويه فيض الطف
***
عالو عليه اعداك يابو المروه
وحدي بين اعداك وكلبي تجوه
والكلب ماينساك بس الك يهوه
انهظلي خويه بساع يبن الزجيه

ام عمار الصائغ
****
نار وتوج بالروح يو الجزيتك
اطحن طحن بالروح ماغسليتك
غصبن يابعد الروح رحت وجزيتك
لو بيدي خويه حسين اظل سويه
بقلم العلويه فيض الطف
****
من طبت الديوان اختك بحيره
ترظاها كلي اشلون زيينب اسيره
ومدللت حيدر جنت انه الاميره
وتاليها بين اجناب حرمه وسبيه

ام عمار الصائغ
***
*من طبت الديوان اي جنهه رايه
اول عبايه اتفوت بالكاع هايه
امأصله اخت اخ حسين اي كلهه ايه
جا غير بت حيدر حامي الحميه
***
تمت بقلم الشاعرة ام عمار الصائغ
الشاعرة العلويه ام رقيه فيض الطف
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده لرجوع السبايا
فزاعي
،،،،،،،،،،،،،،،،،،،،،،،،،،،،،،،،،،
تلگوها اجت زينب المهيوبه
جابت راس اخوها السلبو ثوبه
****
تلكوها اجت بت الشرف كله
تجر بجدامها بيها الف عله
لتكولون زبنب واصله بذله
تلكوها/ بالله يساعدها
🖋طالبه الزهراء
¤¤¤¤¤¤¤¤¤¤
مهيوبه الاجت ميت عدل عباس
مثل قمة جبل مايوم طخت راس
اعلام وقيادة وثورة ماتنـــــقاس
بت حيدر محد/ ذلاها
🖋وعد الكفيل
¤¤¤¤¤¤¤¤¤¤
لفت من اليسر كوم وتلكاها
كعدت علـگبر بس تجري عيناها
ماواحد فـزع منكم وحيــاهـا
تلكاها /اكعد يبن امها
🖋ام احمد العبوديه زبير
¤¤¤¤¤¤¤¤¤¤
تلكو بت علي امن الشام جيتها
هاي اخت الهواشم وي ضعينتها
تعبانه وثجيل الهم على اخوتها
والراس تصدله/ يبجيها
🖋ام سجاد الشهيد
¤¤¤¤¤¤¤¤¤¤
تعبانه العقيله وحـــــــــيل ما بيها
شكد كلفه الكمر من ما يحـــــــاجيها
انكسف ضي الشموس لراس واليها
ونت والراس /يون ليها
🖋نبضي حسين
¤¤¤¤¤¤¤¤¤
تمت باقلام رابطه ساقي عطاشا كربلاء
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

مربعه وين كبر حسين
-□■■■■■□□
وين كبر حسين مدلوني
بياكتر مدفون نور اعيوني
■■■■■■■■
وين كبر حسين صار ابيا كتر
جيت تعبانه تراني من اليسر
خلص كلبي يهل الناس من الصبر
لوا عتبت اعليهم ايعذروني
●●●●●●●●
وين كلي الكبر امشي ويانه
ياعلي  دليني اعله امجانه
ارد اسولفله على عدوانه
ليش هلانذال مارحموني
●●●●●●●|●
مشيت عنك خويه عفتك على الثرة
برض غربه وحشه خويه ومفبرة
اوكل اهل بيتك جثث ومطشرة
للشام وبوليت عدة مشوني
●●●●●●●●
جبت ويايه اليتامه اليوم اجيت
اليوم من اليسر ليهم من لفيت
بياخرابه الى كعدت وبيا بيت
ابوسط ديوانه يزيد اخذوني
●●●●●●●●
اشتكي هظمي اجيتك ياشهيد
يوم من طبيت ديوانه يزيد
خويه واهل الشام عدهم صار عيد
ويه السبايه ابمجلسه اوخلوني
●●●●●●●
كوم خويه واشوف شنهوا احوالي
حرمه وحدي اميسرة ابلا والي
بس الشمر وياي هوا يبرالي
اشلون ويه هلعدة  عفتوني
●●●●●●●●لشاعرة اهل البيت ام عمار الصائغ
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده فزاعي ((للاربعين))
سريعه

ياعباس.... اختك ردت الروس
،،،،،،،
ردت من يسرها وحيل مابيها
احا،،، احا،،
لهـفانه وتـعاين من يلاگيـها
احا،،، احا
صاحت يابو فاضل مايحاجيها

(تلگاني/ ياخويه الكافل)

༺༺༻༻
گوم ورجب الذرعان لمتـونـك
وتلكه ام الخدر وتلگه اضعونك
ابو الكلفات بس انت ليسمونك

( يسمونه/ ابن البدويه)
༺༺༻༻
جابت راسك وجت ليك عنايه
الجان اعله الرمح ويتابع الرايه
وبعيونه يراقب ستر العـبايه

(يباريها /ماتغمض عينه)

༺༺༻༻
اجت يم گبرك وتنعالك وتبجي
فزليها يخوها وياك خل تحجي
من دنياها ماصح بيدها كلشي

(حاجيها/ گوم الها ابساع)

༺༺༻༻
يكافل حاجي اختك حيل حزنانه
على الملگه وعليكم هي لهفانه
ومتعوبه بدربها وحيل نحلانه

(ناديها /گوه الله بحيلج )

هوسه....

(گوه الله بحيلج// اخت الكافل واخت حسين)
ــــــــــــــــــــــــــــــــــــــــــــــــــ
✍🏻 بقلم ام سجاد الشهيد
لانجيز حذف الاسم او التلاعب بالكلمات
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده للاربعينيـه


شهـر اوعشر تيـام
صارن عليه اعوام

احد اربعيـنه٠٠احد اربعيـنه

اذكر مصاب الشام
سب وشتــم والام

لو تدري بيـنه٠٠لو تدري بيـنه
لمن مشيـنه٠٠ لمن مشيـنه
ــــــــــــــ ✾ ✾ ✾ ـــــــــــــــ

شهر اوعشر تيـام فارگنـه الاحنـان
آنه وحرم وطفال مسبيه رضعان
بس العليل يلوج ويانه تعبان

خويـه الفرح مادام
سب وشـتـم والام


لمن مشيـنه٠٠ لمن مشيـنه

ــــــــــــــ ✾ ✾ ✾ ـــــــــــــــ

شحجي وشكول اشلون من فارگتكم
موته وعلى التربان ماودعتـكم
راحت جسد لاروح هيج انا اختـكم

وبوليـت الضلام
سب وشتـم والام

يضرب عليـنه٠٠ يضرب عليـنه
لمن مشيـنـه٠٠ لمن مشيـنـه
ــــــــــــــ ✾ ✾ ✾ ـــــــــــــــ
يضرب عليـنه يكول لازم تشوفيـن
كلهن يازينب هاي ثارات الحسيـن
ضربه عله رأس وعين والسم والحنين

ضالم علي محتام
سب وشتــم والام

جاتف ادينـه٠٠جاتف ادينـه
لمن مشيـنه٠٠ لمن مشيـنه
ــــــــــــــ ✾ ✾ ✾ ـــــــــــــــ
جتف ادينـه وحيل جرانه بحبـال
للشام اخذنه يكول ماعدكم ارجـال
يوم عاليـوم يزيد يامصعب الحالـه

مرت علينه ايـام
سب وشتـم والام

حيل انسبيـنه٠٠حيل انسبيـنه
لمن مشيـنـه٠٠ لمن مشيـنـه

ــــــــــــــ ✾ ✾ ✾ ــــــــــــــ
من بعده كل الصار جيتك يمضلـوم
عوف الترب يحسين طر گبر وكـوم
انكت غبار الصار جلبابي للـدوم

يحزامي المـادام
سب وشتـم والام

جيتك حزينـه٠٠جيتك حزيـنه
لمن مشيـنـه٠٠ لمن مشيـنـه
ــــــــــــــ ✾ ✾ ✾ ـــــــــــــــ

جيتك حزينه اليوم ونصب عزاكم
والبين اخذهه الروح لمن خذاكم
والطم ودگ المتون وشتم ثراكم

عگلي بعدكم هام
سـب وشتـم والام

دم لك بجيــنه٠٠ دم لك بجيـنه
لمن مشيـنــه٠٠ لمن مشيـنــه

*★ *_الشاعـرة ام مهـدي العيـداني_* ★*

ــــــــــــــ ✾ ✾ ✾ ـــــــــــــــ
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

⚫️قصيدة ثگيله لأربعين الحسين ع⚫️

حيره حيره/راس اخيي جيت اعيده
حيره حيره/ المكبره صبخه وبعيده

جَنّازه خلّصت العمر
يوميه واكعد يم گــبر
حيره حيره..العمر أبدونهم لامااريده
حيره  حيره..حيره حيره

❥❍❥❃ 🥀꧁⚫️꧂🥀❃❥❍❥
رفجه يادرب الگبر بيدلي الجــــدام
كلف كل حيلي خذاه الذجره هــدام
اليوم للغــالي لفيت وكلبي مـحتــام
مكوره جيت بهمومي وشاده حــزام

كلساعه اكوم وانهطر
جَنّازه خلّصت العمر
حيره حيره..الشوك اخذني اليوم اريده

حيره..حيره

❥❍❥❃ 🥀꧁⚫️꧂🥀❃❥❍❥
الفيت روحي معلعله تريد الخوان
تايهه اتحسر عليهم دمعي خلصان
شكد خذت حنان هل مكبره وشبان
ريت كون الي دفنهم ســـوه بيبــان

نفتحه الگبور ونمر
جنازه خلصت العمر
حيره حيره..الفارك احبابه شيفيده

حيره ..حيره
❥❍❥❃ 🥀꧁⚫️꧂🥀❃❥❍❥
جايه بگلــبي عشك تابــع اثرهـــم
ساعه مافاركت جفني ياصـورهــم
تسوه هذا الكون ساعه الكعده يمهم
اليوم الموادع دفنت احلامي يمهم

يبسن يعيداني الخضر
جَنازه خلصت العمر
حيره حيره..نوحي يمهم ارد ازيده
حيره  حيره.. شلون اعيده
والله حيره.. والله حيره
❥❍❥❃ 🥀꧁⚫️꧂🥀❃❥❍❥
جابني اشوك ولفيت احباب روحي
شوفهم مرهم يطيب كل جروحــي
لكيت بس رمله وحجاره علت نوحي

بضلوعي وجت جن جمر
جنازه خلصت العمر
حيره حيره /وجع الفراك شيهيده
حيره.  حيره
❥❍❥❃ 🥀꧁⚫️꧂🥀❃❥❍❥
كلساعه اكعد يم كبر وجني دفان
عزاز فكديت واهل وكلهم حنان
نوب اونن للاخـو وگليــبي تعبان
والله حيره مايرد صــعبه للديوان

هيهات ما بينه يمر
جنازه خلصت العمر
حيره حيره /وني  للكطعو وريده

حيره حيره

❥❍❥❃ 🥀꧁⚫️꧂🥀❃❥❍❥

تمت#بـ✍🏻ـقلـم# ✍🏻خـادمـة الزهـراءام احمد العبوديه زبير#

⚫️⚫️🟡🟡⚫️⚫️
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

☘️للاربعين☘️

ردت بت علي علنوك ياحسين
تون من اليسر ودير بلعين
🏴🏴🏴

ردت   حايره   وشلون    ردتهه
تشم براس اخوهه وتجري دمعتهه
الحنينه اليوم اجت والخوه فلتهه
يساره محيره كلهه النساوين....
ردت بت علي علنوك يحسين
🏴🏴🏴

تسوي، اليوم يمكم اربعينيه
تدك اعله الصدر بضلوعي محنيه
طاحت علكبر مسحت معانيه
دكعد ياضواهه اعيوني الاثنين....
ردت بت علي عالنوك يحسين
🏴🏴🏴

جبنالك عتب وعيوني تتجاره
ردينه حرم ويتام محتاره
عمت عينج يدنيه شكثر غداره
خنتي آل النبي وهل الدواوين....
ردت بت علي عالنوك يحسين
🏴🏴🏴

الله یساعدچ يازينب الحره
صارت عيشتچ بعد الاخو مُره
بعد ذاك الخدر رديتي منقهره
شتگولين هسه  لم البنين....
ردت بت علي عالنوك يحسين
🏴🏴🏴

تنشدچ يمه ليش مهبطه الراس
وين حسين زينب وين عباس
بذيج الساعه حزنج لا مينقاس
اخوتي مذبحين لنصرت الدين....
ردت بت علي عالنوك يحسين
🏴🏴🏴


باقلام شاعرات اهل البيت عليهم السلام
✍🏻 ☘️ام فراس الساعدي ☘️
✍🏻وام روكان الشمريه
غير مبري الذمه لكل من يغيير الاسماء
او ياخذ كلمات القصيده وينسبها اليه
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

☘قصيده لاربعين ☘


گلبي متلهف اتمنى كون لأرض الطف اسافر
امشي واسمعها خدامك تگول لي اتفضل يا زاير
✍️ المله  فضه حسين
🏴🏴🏴🏴🏴

هيج واتلگاج زينب بلنواعي وبلعويل
جايبه لروس الاخوتچ يمشي وياچ العليل
جايه تميلين انتي على الناگه من تميل

كون عميه ولا اشوف هذا كله البيچ صاير.....
گلبي متلهف اتمنى كون لأرض الطف اسافر

✍️☘️ام فراس الساعدي☘️
🏴🏴🏴🏴🏴

صدك لو  گالو عليج جبل انتي من الصبر
محني ظهرج من اجيتي گولي شظل بلعمر
ردود رديتي يزينب للحسين وللگمر

عيله اچبيره يزينب بيكم السجاد حاير.....
گلبي متلهف اتمنى كون لأرض الطف اسافر

✍️☘️ام فراس الساعدي☘️
🏴🏴🏴🏴🏴

ساعد الله گليبچ انتي على هاي مصيبتچ
يلي مامر على حره مثل هايه عملتچ
تصعب اعله الناس كلهه والله هايه حالتچ

من وصلتي كبور اخوتچ حالاً اتلگاچ جابر
گلبي متلهف اتمنى كون لأرض الطف اسافر

✍️☘️ام فراس الساعدي☘️
🏴🏴🏴🏴🏴

شصحتي اگعدلي يكافل شوف حالي وهضمتي
لوندهتي حسين خويه من يرجع عيلتي
هم سمعتي جواب منهم حتى تنشف دمعتي
گومي لتظلين كافي ماشبعتي من المگابر.....

✍️☘️ام فراس الساعدي☘️
🏴🏴🏴🏴🏴

گولي لو رديتي لهلج قافله بلايه ازلام
يسالونج وين اخوتج شنهو ردج بلكلام
گولي امر الله وحكمته وهذا حكمه والسلام

نصبر ونحمد ونشكر للعبادبموته قاهر.....
گلبي متلهف اتمنى كون لأرض الطف اسافر

✍️☘️ام فراس الساعدي☘️
🏴🏴🏴🏴🏴


✍ بقلم شاعرة اهل البيت عليهم السلام
☘ام فراس الساعدي☘
فقط المستهل للمله فضه حسين
غير مبري الذمه لكل من يغيير الاسماء
او ياخذ كلمات القصيده وينسبها اليه
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

مربعه للاربعين
--------
دلوني اعلى كبر حسين دلوني
اريد  اوصل لخال الولد ودوني
-------
اريد اوصل  لكبره واجذب الونه
واصيح بصوت آ يحسين كوملنه
اجينالك يخويه امن اليسر كلنه
طر اللحد كوم ونزل اضعوني
------

اجيت امن اليسر يحسين خلصانه
من ضيم الجرالي هواي تعبانه
ماتدري يخويه شصاير ويانه
عدوانك يبو السجاد هظموني
--------
اجيت امن اليسر وظلوعي محنيه
من كثر المصايب حيل مابيه
اريد اشكي لخويه ضيم العليه
اجيت الكربله كوموا تلكوني
--------
اجيت امن اليسر يحبابي مالومه
كعدوا يخوتي بسكم من النومه
اريد احجيلكم عاليسر وهمومه
ماتدرون     هاي   الكوم شتموني
------
اجيت اليوم حتى  احجيلكم حالي
من اليسر يهلي ذاب دلالي
جبت الروس خويه اوياي يالوالي
عن  ضيم  الجرعته كوموا نشدوني
--------
تلكوني يخوتي اليوم جيتلكم
اريد اشكي المصايب والهظم عدكم
حسبالي امن اجي ليكم اشوفنكم
اصيح بصوت يهلي وماتسمعوني
--------
شاعرة اهل البيت
ام حسين الهلالي
لتنسوني  ووالدّي من الرحمه
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

★•• استشهاد الإمام الحسن "ع" ••★
* ردادية تهيئة للمجلس *
لكِ العزاء يامولاتنا الزهراء

{ * حا ويلاه المسموم احا * }

الحسن صوبوا مهجته*
جت ليه جعده وسمته*

الحسين يبچي وينتحب
وشال الطشت عن خيته*

لتشاهده وبي تنفجع
مسموم زينب سمعته*

الحيل من عدها انهدم
ويلاه خوية نادته*

لتروح عني يالحسن
لا وين شايل نشدته*

ودموع ع الوجنة جرت
مظلوم راح بحسرته*

اسهام العده وصلت أله
يضربون ويلي جنازته*

واويلي من هذا الظلم
بعدوه حتى بدفنته*

أمنية ظلت بالگلب 
يم جده رايد رادته*

عازوني ياشيعة علي
ووياي انعوا لحالته*

خل تعلى أصوات الحزن
بگليبي جمرة مصيبته*


#فكرة_ومشاركة_بعض_الأبيات
✍🏻#ملا_ام_مجتبى

تــمـت بــعـون اللــہ
✍🏻#ولائــية_وافتــخر (دعـاء العامـري)
     ❌لا أجيــز حــذف الأســم❌
❃❃❃▁▁❃❃❃▁▁❃❃❃▁▁❃❃❃
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

★•• استشهاد الإمام الحسن "ع" ••★
        * ردادية  حيدرية *

واويلي مظلوم الحسن (مسموم يابن حيدره)
عاش الظلم عاش المِحَن (مسموم يابن حيدره)
غدرته جعدة وسَمته (مسموم يابن حيدره)
چبده توذر يا خلگ (مسموم يابن حيدره)
زينب تناظر للطشت (مسموم يابن حيدره)
يهل الرحم شنهو الجرى (مسموم يابن حيدره)
والحيل من عدها انهدم (مسموم يابن حيدره)
يالحسن نادته بـ أنين (مسموم يابن حيدره)
گلبي فطرته بمنظرك (مسموم يابن حيدره)
ياخوية ياضنوة علي (مسموم يابن حيدره)
ونت وناحت معولة (مسموم يابن حيدره)
ياخوية آنة بعازتك (مسموم يابن حيدره)
حرموني منك يالحنين (مسموم يابن حيدره)
وبفگدك الدين انثلم (مسموم يابن حيدره)
ظلام ما عدهم رحم (مسموم يابن حيدره)
حتى بدفنته حاربوه (مسموم يابن حيدره)
بسهام ويلي صوبوه (مسموم يابن حيدره)
ومن قبر جده ابعدوه (مسموم يابن حيدره)
يحسين لمن تدفنه (مسموم يابن حيدره)
بهيده يخوية نزله (مسموم يابن حيدره)
هذا أخيي ومهجتي (مسموم يابن حيدره)
ياشيعة تسعر جمرته (مسموم يابن حيدره)
بالگلب ناره تلتهب (مسموم يابن حيدره)
ردته ايحضرني بالسبي (مسموم يابن حيدره)
يباريني لو طاح الولي (مسموم يابن حيدره)
واسوني لمصابه بدمع (مسموم يابن حيدره)
يستاهل الونة ترى (مسموم يابن حيدره)
هذا أبن خير الورى (مسموم يابن حيدره)
وبفگده أصبحنة بوجل (مسموم يابن حيدره)

🌱 * هوسات ختامية مجلس * 🌱
•• بمصابه عازوها الزهرة ••
•• وبجاهه تنطيچ مرداچ ••
•• وياها وني وعينيها ••
•• تنادي له وتهل العين ••
•• يوليدي غدرتك جعدة ••
•• صوبوني بمصابك يمة ••

تــمــت بــعــون الله
✍🏻#ولائـية_وافتـخر (دعـاء العـامـري)
    ❌لاأجيــز حــذف الأســم❌
★_★__★
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

نعي للامام الحسن ع عن لسان حال الزهراء

اتعافه لوليدي اجيته
من ابعيد محنيه اعتنيته
يلوج ويون ويلي لكيته

——————————-
يشمر بدينه وحيل مالوم
وحسين يمه حيله مهدوم
جبده يتكطع من السموم
————————————
ياولد حيل امك رهنته
ونينك ييمه من سمعته
بثنين ادي كلبي  لزمته
——————————-
مخطوف لونه وغارت العين
كلساع يلزم چف الحسين
شمسوي سموك الملاعين
———————————-

نايم على افراش المنيه
شسويت يمه الولد بيه
تلوج وتون سوده عليه
—————————
كل ظني طيب يمه الگاك
واكعد اتسامر آنه وياك
يلي يرد الروح طرواك
———————————
آنه ييمه وياك نكعد
لمن ضعون الغرب تبعد
نشبع سمر ورواحنه ترد
———————————
بياحال ياويلي لكيتك
گربانه يوليدي منينك
عساني ياولد لامااجيتك
———————————-
احنيت الظهر ازيد والضلوع
جبدك اكبالي يمه اتزوع
ماذيك سمك حار وتلوع
———————————-
ظليت انوح بعتبت الدار
ودموعي فوك الوجن مدار
ياهو بعد يكرم الخطار

——————————-
آنه ماشيه ياولد كوه
مالي بعد ياحسن تجوه
حالك بحالي اه شسوه


✍🏻ام عباس السكيني


ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313