هوسات لمعزب زوار اربعين الامام الحسين (عليه السلام)


معزب الزوار حيهم بالهله
تارس الصيوان عطر المرجله
بيده صب الزاد الهم عجله

(امحزم گام بجفيته)

✍طالبةالزهراء

❈━━━❁°••°❁━━━❈

انتم الزوار واحنه الخادمين نموت ونعيش بخدمتك ياحسين
وللخدامه تشرفينه محزمين

(ونرحب بيهم/ زواره)

✍🏻بقلم العلويه ام شهد البعاج

❈━━━❁°••°❁━━━❈

معزب الخادم يقدم الزاد اله
يصيح يالامجاد بيكم ياهله
اندعولي لو وصلتو لكربله

(زوار حسين//الكم هيبة)

✍️زينب الحوراء

❈━━━❁°••°❁━━━❈

معزب الزوار مايتعب تره
وليل ونهار الجدم واكف سره
روحه كبل الجسد هيه موزره
 
(مايتعب يخدم زواره)

✍️خادمة اهل البيت ام اسعد

❈━━━❁°••°❁━━━❈

يخدم الزوار ودموعه تصُب
كله لجل حسين محروم الشرُب
الزاير اعله فراش وهوَ اعله الترُب

(ويگول مقصر //عذروني)

الخـ✍️ــادمة ام زيد الشمري

❈━━━❁°••°❁━━━❈

تمت باقلام شاعرات الطفوف
منتدى القلم الفاطمي

https://www.tg-me.com/alkalm313

تلگوها//
قصيده رجوع زينب لكربلاء في الاربعينيه

تلكوها اجت بس حيل محنيه
متعبهتا الدروب تكول مابيه ▁▁▁▁▁▁▁▁▁▁▁▁▁▁▁▁
ردت بلضعن بس ما عـرفتوها
بنت الشال خيبــر لو تـذكروها
متغير شگــلـها ولا تسالوها 

والزاد بألمـها فگــــدت ارقــيه
▁▁▁▁▁▁▁▁▁▁▁▁▁▁▁▁
صح گـالو اسيره بديره الديره
لكن عالحرم وصاها ابو الغيره
ودارالها الكفاله بلايه كل حيره

يدريها جبل  مـــن الصـبر هيه
▁▁▁▁▁▁▁▁▁▁▁▁▁▁▁▁
ردت مــن دروب الشام ذبلانه
ملجومه بكلبها وحيل تعبانه
وياها الشمر مــــا بطل السانه

تشمت بيها  ويكللها مسبيه

✍الفاطميه طالبةالزهراء
▁▁▁▁▁▁▁▁▁▁▁▁
محنيه الضهر منها الگلب مجروح
تصيح الآه خويه گعدلي يلمذبوح
على  گبره تون منهاالدمع مسفوح

هاضمها اليسر والروح مگضيه

▁▁▁▁▁▁▁▁▁▁▁▁▁
تگله اگعد يـخويه وجيت بلعيله
شجاوب لو اجت تسألني العليله
شحجي وشرد اكول همومي ثچيله

اجاوبها واكلها الضيم مر بيه

✍️ سهام المالكي

▁▁▁▁▁▁▁▁▁▁▁▁▁▁▁▁  
تــــمت بقــــ✍️لم خادمات أهل البيت عليهم السلام

*✍الفاطميه طالبةالزهراؤ
*✍سهام المالكي*

لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))
...
https://www.tg-me.com/alkalm313

قصيده لرجوع السبايا
فزاعي
،،،،،،،،،،،،،،،،،،،،،،،،،،،،،،،،،،
تلگوها  اجت   زينب  المهيوبه
جابت راس اخوها السلبو ثوبه
****
تلكوها اجت بت الشرف كله
تجر بجدامها بيها الف عله
لتكولون زينب واصله بذله
تلكوها/ بالله يساعدها
🖋طالبه الزهراء

¤¤¤¤¤¤¤¤¤¤
مهيوبه الاجت ميت عدل عباس
مثل قمة جبل مايوم طخت راس
اعلام وقيادة وثورة ماتنـــــقاس
بت حيدر محد/ ذلاها
🖋وعد الكفيل

¤¤¤¤¤¤¤¤¤¤
لفت من اليسر كوم وتلكاها
كعدت علـگبر بس تجري عيناها
ماواحد فـزع منكم وحيــاهـا
تلكاها /اكعد يبن امها
🖋ام احمد العبوديه زبير

¤¤¤¤¤¤¤¤¤¤
تلكو  بت علي امن الشام جيتها
هاي اخت الهواشم وي ضعينتها
تعبانه واجت من جف منيتها
والراس تصدله/ يبجيها
🖋ام سجاد الشهيد

¤¤¤¤¤¤¤¤¤¤
تعبانه العقيله وحـــــــــيل ما بيها
شكد كلفه الكمر من ما يحـــــــاجيها
انكسف ضي الشموس لراس واليها
ونت والراس /يون ليها
🖋نبضي حسين

¤¤¤¤¤¤¤¤¤
تمت باقلام رابطه ساقي عطاشا كربلاء
https://www.tg-me.com/alkalm313

قصيده حول اربعين الامام الحسين عليه السلام

اجيت امشي غصب ياخوي گوه اجدامي شالتني
سلاني يادرب الشام خويه حسين موتني


نحيله ومابگى كل حيل ضيم الشام آذاني
اون طول الدرب يحسين چلمة اخ بلساني
انعى أشما اصد عالراس واصيح احاه يخواني
عمت عين الزمن غدار ابلا وليان خلاني

امشي ابرفگة العدوان تدري اهواي اذتني

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كل هذا الدرب والراس ابد مافارگ اعيوني
اخافن لو اصل يحسين اوعن راسك يبعدوني
ردت يبن امي كون اوياك ياروحي يدفنوني
أنه اخلافك ارد اشلون أو دونك ترجع اضعوني

الي اويالدنيا خويه اعتاب ليش اهواي خانتني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
أنه ابيوم اربعينك جيت ماتگعد تحييلي
أومن حر الشمس ياخوي متعوده تفييلي
اجيتك والگلب خلصان يوالي اومنهدم حيلي
صفو نومه تحت تربان اهلي اوكل مداليلي

ارد اديار اهلنه اشلون دگعد ياولي زتني

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اجيت الكربلا وياك گلي اشلون ارد وحدي
لا انته ولا عباس ارد اودمعتي ابخدي
مالومه واون ونات مردت يالاخو چبدي
ظل بس الكدر والنوح چا غيره اشبگه عندي

مصايب كربله ابهالروح چم اصواب صابتني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصايب مرت اعله الحال يصعب عالفكر عدها
ارحلو كل اخوتي ابهالگاع اوروحي اليوم وحدها
دگعد يانظر عيناي ولخيتك دناشدها
اختك ماتريد اغراب اگعد ياسبع ردها

انفض هالتراب اوگوم غريبه الدنيه خلتني

ام محمد تقي الموسوي
خادمة ام البنين عليها السلام نسألكم الدعاء و الفاتحه لروح والدتي
https://www.tg-me.com/alkalm313

حصریا
قصیده رجوع الضعن{{اربات العز}}


اربات العز  ـــ یل عنهن تنشدون
ردن والسـیـاط امتعبه المـتـون
ــــــــــــــ 🏴🏴🏴ــــــــــ
دلال حسین هاذ الطار الهیمه
اتلگوهن اجن من السبي وظیمه
هذن الرافگن وادم بلا شیمه
شنهي العطلاکم ما تگعدون
ــــــــــ🏴🏴🏴ــــــــــ
اجن من السبي ومتربات الحال
یشبعن ضیم ما چانت ابد عالبال
وکتهن لبساهن معضد من احبال
موش انتم اهلهن یالترهبون
ــــــــــ🏴🏴🏴ــــــــــ
اجـن والشوگ جایبهن لهالیهن
وفلنه العتب یم گـبـر والیهن
بعد لدیارکم یاهو الیرد بیهن
منکم خالیه اترد وسفه الضعون
ــــــــــ🏴🏴🏴ــــــــــ
گـعـدن عالگبر یبچن علاویکم
تگول ام عون امشوا ویاي لو بیکم
لو بي باب اطب یمکم وراویکم
اشسوه افراگکم شوفوا بالعیون
ــــــــــ🏴🏴🏴ــــــــــ
اتگول ام عون تعبانه اعله ولیاني
غم هاذ الوکت بالعوز خلاني
طگني البین بیهم  رایده اخواني
بعد هیهات اهل گلبي یردون
ــــــــــ🏴🏴🏴ــــــــــ
تمت بعون الله تعالی
کلمات یاسمین الشموسي
نسالکم الدعاء
#المنتدى_الفاطمي
https://www.tg-me.com/alkalm313

قصيدة فزاعية جنوبية للاربعينية مولاتي زينب عليها السلام


يجابر وين كبر حسين دليني اريد اشمنه
اجيته وروحي تعبانه ابن امي ارد اندهنه
****
اشم عطره
وترد بحشاي ياروحي

اشم اتراب كبره واندب بنوحي
كاتليني غيابه وتدي يجروحي


رفيج اصباي اجيته اجذب الونه

ام سيد حسن الموسوي
****
ابن امي اجيته الروح لهفانه
محد منهم الكام وتيلكانه
جيت اشكي هظمنه وضيم دنيانه

ومشتاكه لبو السجاد احضننه
✍️ام نور الزهراء الزينبيه
**
مشتاكه ويشوكي غافي بجفوني
اغمض عيني افكها رسمه بعيوني
ماغيرها صب الدمع تدروني
وجبت الراس للمنحر اوسدنه
✍طالبةالزهراء
***
جبت الراس ارجعه للجسد هلیوم

وجیتک ناحله والگلب کله اهموم

تلگه اخت یخویه کافی من النوم

موعاده الک هلنومه یمچنه

✍🏻المیرزه ام ليلي الخاقانی
***
اعله قبره بالعجل ياناس دلوني
اشم عطره حبيبي وناظر عيوني
ومن ريحة ابن امي لاتحرموني

ومن بين القبور اليوم ادورنه
✍🏻سلمى أم جعفر
*****
تمت القصيده باقلام شاعرات رابطه
# الطفوف
#منتدى القلم الفاطمي
لا نجيز حذف الاسماء
https://www.tg-me.com/alkalm313

قصيدة لرجوع السبايا على لحن قصيدة سيد فاقد الموسوي
(هنيالة الينام الليل)
_&___&_
زينب رادة من الشام يحسين
كوم تلكى زينب ياضوة العين
_&___&_
اجيتك وردة ذبلانة
بصحاري حسين مشوني
اكعد شوفني شبيه
هجركم ودر عيوني
اكعد خل اسولفلك
خوية شلون هظموني
من بعد الذبح يحسين
بنار اعداك حركوني
طفيت الخيام بدمعة العين
زينب رادة من الشام يحسين
_&___&_
طفيت الخيم يحسين
بس روحي شيطفيها
الم أيتام الم جسمك
وحكك روحي مابيها
اعاين كل شبر بالطف
وادور جثتك بيها
كثر مابيها داست خيل
تيهت العرف بيها
فزعو للسحك يحسين صوبين
زينب رادة من الشام يحسين
_&___&_
اجينة الكربلة كلنا
لجن مو كلنا ردينة
اطفالك بالسحك والنار
ماتو ااه يوالينة
حشمت شكثر يحسين
بس محد فزع لينة
وللشام احنا يسرونة وضيم الشام ماذينة
مسبيه رحت مجتوفه الايدين
زينب رادة من الشام يحسين
_&___&_
عنك من مشينة حسين بخرايب خوية كعدونة
وساعات اعلى باب الشام
يالمذبوح وكفونة
وراسك بالطشت جابو
وبي يبن امي فجعونة
وراسك شايلة الجلاد وعلينة يدور بعيونة
ماتدرون طبينة دواوين
زينب رادة من الشام يحسين
_&___&_
عفتوني وأنة جبيرة
ومورمه ترا اجدامي
عفتوني بسواد الليل وادورك وين يالضامي
ليل بلا ضوة عباس وانت اعلة الترب دامي
حتى كماط عبداللة هم حركوه جدامي
عفتونا بغرب واحنا نساوين
زينب رادة من الشام يحسين
_&___&_
غَير لون عبداللة حر الهيمة من جاسة
كبالي مسلهم عيونة وخمدت يالولي انفاسة
بكد ماعالرمح شالوه طلع من الرمح راسة
جنة انخاف اذا بسناه تاليها السهم باسة
كلبي من المصايب صار نصين
زينب رادة من الشام يحسين
تمت القصيده بقلم شاعره رابطه #الطفوف
#منتدى القلم الفاطمي
✍ضحى البلوشي

https://www.tg-me.com/alkalm313

رجوع جبل الصبر والوفاء زينب عليها السلام إلى كربلاء.....


زينب جايه من شام الغروب
يابس ريجها والحيل متعوب

•-----•-----•----
تلكوها بدموع العين زينب بالفخر رايه
بت الزهره من امها تحمل سر الف ايه
رحمه الله اخوها حسين الكون ابايده احجايه
برايه الماي من عطشان عند حسين الف غايه

الضل العلى الوطيه مسلب الثوب
زينب جايه من شام الغروب
✍طالبةالزهراء
•ـــــــ•ـــــــ•ـــــــ
تعبانه اجتنه ام عون ونار الكلب لهابه
متغيره الرسوم هواي دموع العين سجابه
بعبايتها تشيل الروس راس حسين واحبابه
تتعثر ابممشاها عماها البين وامصابه

تدور كبر ابو السجاد ياصوب
زينب جايه من شام الغروب
✍️ام نور الزهراء الزينبيه
•ـــــــ•ـــــ•ـــــــ
ردت من يسر هاليوم لهلهه حيل مشتاكه
ابشوك اتزور لخوتها نار البعد حراكه
طويل السفر يكتل حيل صعب يا يوم الملاكه
اتريد المنذبح ضامي العطش من يبس ارياكه

اخوها حسين ثوبه وسفه مسلوب
زينب جايه من شام الغروب
✍ام مرتضى الخزرجي
•ــــــ•ــــــ•ــــــ•
زينب من مشت للشام ما طخت ابد هامة
بديوانه اللعين يزيد انذل هو وازلامة
ردت زينب بيا حال لخوها حسين محتامة
وياها علي السجاد راس الوالي جدامه

تعبانه العقيلة بعيدة الدروب
زينب جاية من الشام الغروب
خادمة الزهراء
✍الشاعرة هالي نور
•ـــــــ•ــــــــ•----
من الشام اجت زينب
لخوها اليوم مهضومة
الضل اعل الثرى عريان
ثلث تيام بالحومة
سبط المصطفى عطشان
والحر غير ارسومة
تشكيلة الجرة بالشام
اه يالشام وهمومة

من الضيم ضلت روحها تلوب
زينب جاية من شام الغروب
•-----•----•----
تلكوها اجت هاليوم
وفوك كبروهم طاحت
بدموع العين واسوهة
عونة اعلى الاخو رادت
اجت والروس وياها
واعلى اخوانها بثكل حامت
صبرت عالضلم والضيم
جبل من الصبر صارت
متعدي صبرها صبر أيوب
زينب جاية من شام الغروب
✍ضحى البلوشي
•----•-----•-----•
تمت القصيده باقلام شاعرات رابطه قرابين الطف لانجيز حذف الاسماء

https://www.tg-me.com/alkalm313

للسيده رقيه عليه السلام
على طور قصيده ذبوا عمايمهم مرتضى حرب.
############ (لطميه رجاليه )
#########
ردت ضعينتكم
تنعه عالطفلتكم
لادگلي ليش وياج ما جبتيه
عدمن رقيه بالغرب عفتيه
ماتت بنيتكم
##############
ردت الحره والهم يجر بيه
وشچم مصيبه الساديات عليه
بالگوه تمشي وتسحل برجليه
ونار الزغيره يادمع يطفيه
ضلت تجر ونه
وتصيح ياهلنه
المن اضلن للهضم عفتوني
رحتوا يخوتي وانه كلفتوني
احرس محاملكم
#############
صاحت عدوك عسن گص وريدي
واشلون اردن خاليه اصفگ بيدي
فدوا لرقيه يروح خويه وليدي
خافن تصيح اشلون اضل وحيدي
لازم ارد ليه
لاما اخليهه
خويه لرقيه وعد ارجع ليه
حتى بگبره حارس ابقه عليه
واحفض وصيتكم
################
موتت رقيه بغربه شلت حالي
وانه يخويه مصوبه بدلالي
مستحيه منك واعتذر يالغالي
صعبه البنيه تموت ما هو الوالي
ماتت على نحرك
من مالكت صدرك
صاحت ابوي حسين چان ويانه
جابوا لراس وكيفوا وعدوانه
طفله وتحن لكم
###############
اگعد يخوه الزينب اتلكاهه
عالراس صبت ضيمه دنياهه
يا بلوه اذكر يا مصيبه انساهه
ويا هضمه ظلت بعد ما شفناهه
كل خطوه تمشيه
تترك اثر بيه
كل لحضه خويه انجرح بحساسي
ابنص شماته وفاگده كل ناسي
مهضومه اخيتكم
###############
بقلم خادمت خدام الحسين عليه السلام
العلويه الاء

صدقه جاريه الى روح المرحوم والدي وجميع امواتي
###############
رابطه الطفوف
#منتدى القلم الفاطمي

https://www.tg-me.com/alkalm313

قصيدة فزاعية جنوبية للاربعينية مولاتي زينب عليها السلام


يجابر وين كبر حسين دليني اريد اشمنه
اجيته وروحي تعبانه ابن امي ارد اندهنه
****
اشم عطره
وترد بحشاي ياروحي

اشم اتراب كبره واندب بنوحي
كاتليني غيابه وتدي يجروحي


رفيج اصباي اجيته اجذب الونه

ام سيد حسن الموسوي
****
ابن امي اجيته الروح لهفانه
محد منهم الكام وتيلكانه
جيت اشكي هظمنه وضيم دنيانه

ومشتاكه لبو السجاد احضننه
✍️ام نور الزهراء الزينبيه
******
مشتاكه ويشوكي غافي بجفوني
اغمض عيني افكها رسمه بعيوني
ماغيرها صب الدمع تدروني
وجبت الراس للمنحر اوسدنه
✍طالبةالزهراء
*******
جبت الراس ارجعه للجسد هلیوم

وجیتک ناحله والگلب کله اهموم

تلگه اخت یخویه کافی من النوم

موعاده الک هلنومه یمچنه

✍🏻المیرزه ام ليلي الخاقانی
*******
اعله قبره بالعجل ياناس دلوني
اشم عطره حبيبي وناظر عيوني
ومن ريحة ابن امي لاتحرموني

ومن بين القبور اليوم ادورنه
✍🏻سلمى أم جعفر
*****
تمت القصيده باقلام شاعرات رابطه
# الطفوف
#منتدى القلم الفاطمي
لا نجيز حذف الاسماء

https://www.tg-me.com/alkalm313

مقطوعه لخدام الامام الحسين عليه السلام
--------------------------------------------------
بهالزمن تقدير البشر ابمنصبه ومرتبته

العنده جاهه ومفخره تعلي الخلگ منزلته

وذچرالفقير بهل وكت عد وادمك ضيعته

بس عد الحسين ادغيرت ونعكست بقائمته

الشفته عندك بالبشر يحسين ابد ما شفته

الخادم بسجل الخدم عندك إذا سجلته

مو خادم زغير الك لا ،،،،،،، چن ملك عينته

مثل البحر ويالسفن ابهيبتك كبرته

وبيدك يبو چفوف الكرم تاج الشرف لبسته

بقلم خادمه خدام الحسين
(الشاعره العلويه الاء )
#رابطه الطفوف
#منتدى القلم الفاطمي

اللهم سجلنا في سجل خدام الحسين
( عليه السلام)🤲
--------------------------------------------------

https://www.tg-me.com/alkalm313