قصيده  للسبي 
طور فائزي
صاحت الحره ونادته   ياخويه يحسين
انچان بعدك عدل    يابو الفضل الحگ علينه
سلبو ياخويه  الخدر  واحنه انسبينه
يضربنه  يالوالي الشمر ونشگف  بدينه
بعدك يخويه اتحيرت  وصفگ باليدين
@@@@@@@@@
اختك يخويه اتحيرت   بالحرم واطفال
ضليت حرمه بلا والي  مابين الانذال
اشلون يبن امي البصر  بالحمل ولو مال
بعدك يبن عگد الولا    انطي الوجه وين
@@@@@@@@@
اكعد وشاهد حالتي مابين هالناس
مره اصيحن  ياعلي   ومره ياعباس
عفتوني وحدي محيره  
وايدي على الراس
اصرخ وحشم ياعلي  الحگ  للحسين
@@@@@@@@@
احشم عليكم يخوتي شو ماتسمعون
اشلون لو سار الضعن   وانتم تضلون
انضر عليك من بعد    واطفالي يبچون
ماشين خويه بالضعن   ماادري لاوين
@@@@@@@@@
اليمشون خويه بالضعن   يحسين عدوان
عدوان ماعدهم رحم     روعو الرضعان
ناديت وينك ما تجي    ياگمر عدنان
خلص اطفالك  ياسبع    من ايد الملاعين
@@@@@@@@@
الشاعرة  خادمه ام الحسن
      ام مهدي   الفرطوسيه
نسألكم الدعاء
لا اجيز  حذف  الاسم 
قصيده  للسبي 
طور فائزي
صاحت الحره ونادته   ياخويه يحسين
انچان بعدك عدل    يابو الفضل الحگ علينه
سلبو ياخويه  الخدر   واحنه انسبينه
يضربنه  يالوالي الشمر  ونشگف  بدينه
بعدك يخويه اتحيرت  وصفگ باليدين
@@@@@@@@@
اختك يخويه اتحيرت    بالحرم واطفال
ضليت حرمه بلا والي   مابين الانذال
اشلون يبن امي البصر  بالحمل ولو مال
بعدك يبن عگد الولا    انطي الوجه وين
@@@@@@@@@
اكعد وشاهد حالتي  مابين هالناس
مره اصيحن  ياعلي   ومره ياعباس
عفتوني وحدي محيره   وايدي على الراس
اصرخ وحشم ياعلي  الحگ  للحسين
@@@@@@@@@
احشم عليكم يخوتي   شو ماتسمعون
اشلون لو سار الضعن   وانتم تضلون
انضر عليك من بعد   واطفالي يبچون
ماشين خويه بالضعن   ماادري لاوين
@@@@@@@@@
اليمشون خويه بالضعن   يحسين عدوان
عدوان ماعدهم رحم    روعو الرضعان
ناديت وينك ما تجي    ياگمر عدنان
خلص اطفالك  ياسبع    من ايد الملاعين
@@@@@@@@@
الشاعرة  خادمه ام الحسن
      ام مهدي   الفرطوسيه
نسألكم الدعاء
لا اجيز  حذف  الاسم 
https://www.tg-me.com/alkalm313

💫قصيده يوم العاشر من محرم💫بعد مقتل الامام الحسين عليه السلام
😭😭💔

طاح الحسين يزينب طاح الحسين
بل الميادين يزينب بل الميادين

الشمر حزه منحره
طاح اخوچ اعله الثره
ماتلحگين يزينب ماتلحگين
طاح الحسين يزينب طاح الحسين
🖊️🖊️🖊️
طاح شیـــخ الزلــم حزو رگبته
فـــوگ صدره الشمر ثنه رکـبته
للخـــیم ردت و تصـهل مهــرته

الدنیه حمره و ضغبره
طاح اخوج اعله الثره
قــرت العین یزینب قرت العین
طاح الحسین یزینب طاح الحسین

🖊️🖊️🖊️
فوگ ذبحه الخيل داست جثته
خيول اميه بل حوافر طحنته
عظام صدره ويه ظهره طبگته

عظام صدره مكسره
طاح اخوچ اعله الثره
هلي العين يزينب هلي العين
طاح الحسين يزينب طاح الحسين
✍️ام محمد التميميه
🖊️🖊️🖊️

انشال راسه علـــرمح یگطر دمه
اتنـــوح یم الجثه نزلت فاطمه
ولطـــمت علراس املاک السمه

طلعي شوفي الي جره
طاح اخوچ اعله الثره
وين ترحين يزينب وين ترحين
طاح الحسين يزينب طاح الحسين
🖊️🖊️🖊️

اتلگــی مهر حسين هل تصهل لفت
املطخه ابدمه واظنها دم بچت
یا هظیمه اتصيح لخیمچ اجت

المهره اجتج مذعره
طاح اخوج اعله الثره
جبده نصين يزينب جبده نصين
طاح الحسين يزينب طاح الحسين

✍️ام مهدي مجدم 👌🏻
🖊️🖊️🖊️
طبروه الف وتسع مـــــية جرح
وعلگوا راسه يزينب باالرمـح
وباچر تروحين مسبيه الصبح

باچر انتي ميسره
طاح اخوج اعله الثره
بيه امثلين يزينب بيه امثلين
طاح الحسين يزينب طاح الحسين

🖊️🖊️🖊️
باچـــر تشوفين ظيم الماجره
باچــــر اطرين اسوگ ميسره
هزلــــه باچر ناگتج يمخدره

ابين غربه امحيره
طاح اخوچ اعله الثره

زيدي الونين يزينب زيدي الونين
طاح الحسين يزينب طاح الحسين
✍️ام محمد التميميه
🖊️🖊️🖊️
تمت والحمدلله باقلام
خادمات الحسين عليه السلام
لايجوز تغير الاسم ❌❌❌
https://www.tg-me.com/alkalm313

موشح لعلي الاكبر عليه

وين ينباع الصبر دلوني
گلبي مهضوم وتهل عيوني
__١_
ماتنام العين وادموعي تهل
ردت الاكبر للخيم يرجع عدل
ياحسافه ايطيح ضامي وينچنل
خاب رجواي وگطعت ضنوني
وين ينباع الصبر دلوني
_٢____
خاب رجواي وگطع ضني بعد
من شفت راسه تهشم وانمرد
لاضخر هاليوم عندي ولاسند
فجعوا حسين العده وفجعوني
وين ينباع الصبر دلوني
_٣____
فجعوا العدوان گلبي وگلب ابوه
هشموا راس العزيز وطبروه
راد شربت ماي لاچن ماسگوه
كون لاحوا هامتي وصابوني
وين ينباع الصبر دلوني
_٤____
كون صابوني ولاصابوا علي
يفجع الدلال صيوانه خلي
بالعمر والروح والدنيه شلي
ومااواطن فرگته اتعرفوني
وين ينباع الصبر دلوني
_٥_
مااواطن غيبته ولافرگته
امطبر ومچتول جابوه اخوته
زينب تنوح وتون اتلگته
هاي هيه اتصيح ضيعتوني
وين ينباع الصبر دلوني
_٦____
هاي هيه انصيح يهل المرجله
گلبي ياضيم وقهر يتحمله
باچر اعليه ايتهدد حرمله
بين خولي والشمر عفتوني
وين ينباع الصبر دلوني
_٧____
لاصبر باچر يضل ولا دلال
ليش نايم ياعلي الاكبر تعال
تقبل يچتفون زينب بالحبال
بالسياط وبالعصي يضربوني
وين ينباع الصبر دلوني

✍ام هجران العمارچية
https://www.tg-me.com/alkalm313

اعظم الله اجورنا واجوركم بمصاب ابا عبد الله الحسين

جمر فرگاك نص حشاي لاهاب
ويريح اجفاك ريتك كون لاهاب
عجب لارجف من حسين لاهاب
عدوه ويدري بي ابن الزچيه
قلمي ام حوراء البركاوي
https://www.tg-me.com/alkalm313

وكأني بزينب وصلت التله

وهي ترى غبار والخيل يعدوا على اخيها

جن خيل هاي التمت اعليه
مابيه يكوم الحيل مابيه
وسمع ونين يكول الحكيه
حسين اخيج خيل توليه

انخمش كلبي شلون بيه
ونهدم حيلي بكل نويه
بسدي الحرم لاذن سويه
وطفال عطشانه وسبيه


✍طالبةالزهراء القريشي

https://www.tg-me.com/alkalm313

قصیده لیلة الوحشه{{وحشه الیل}}

وحشه الیل زینب عدمن تبات
صدگ کافل ضعنهه غمض ومات
ـــــــ🏴🏴🏴ـــــــ
صدگ زینب وحیده بالمیادین
محتاره ابیتامه وبالنساوین
هاي امدلله وبت السلاطین

{{ماهي ابشاره //الحره اتون}}
ـــــــ🏴🏴🏴ـــــــ
زینب ناحله وطرت الهیمه
دور عل کفلهه یا هضیمه
وادم ظالمه وباعت الشیمه

{{یزماط الحد//کلکم نومه}}
ـــــــ🏴🏴🏴ـــــــ
ترس الطف اهلها وزینب بغربه
لگت بلگاع چف وطایحه الجربه
دلوني تگول الشط علی دربــه

{{یا ریت الشط ناشف مایه}}
ـــــــ🏴🏴🏴ـــــــ
یریت العلگمي ناشف صبح مایه
ولا بطف شفتهم نومه ولـیـایـه
تگول ام عون شد الضیم ویایه

{{واحزامي افتل //یوم النیبه }}
ـــــــ🏴🏴🏴ـــــــ
افتلت عالنهر والعشره مگضیه
وزینب رایحه هالیوم مسبیه
اتگول اتعذر الکافل گطع بیه

{{ عالشط اموذر// خلیته}}
ـــــــ🏴🏴🏴ـــــــ
تمت بعون الله تعالی
کلمات یاسمین الشموسي
نسالکم الدعاء

https://www.tg-me.com/alkalm313

قصيده اليلة الوحشه
من ديوان النحر الدامي الجزء الثاني



*نامو خوش نومه      اليله اهل زينب*
*تون سكته العقيله   وشدت المعصب*



نامو ياحسفه وضلت الحره
ولانطور ضل الحدنه وينطره
وبذيال العبايه النار  متوجره
بهيمه وضلام اليل  يرهب


صار اليل ماكعدو الدهريه
اليله اولاد حيدر مادرو بيه
تعالو يخوتي وكت الغروبيه
صيحن والدمع من عيني يصبصب


نامو خوش نومه ومادروبيه
ومتوسدين بالتربان اهاليهه
تعاي وياي بت حيدر نعازيهه
اليله نارهه وسطه الكلب تلهب

اكعدو  والبيارغ  لاتعوفوهه
بين الكوم  اختكم  لاتيهوهه
ترضون العقيله الكوم سلبوهه
وين الحيد اخوي اليكضي المطلب


نامو  والفزع  صوبين حاطاهه
وفوك رماح شالو روس والياهه
زينب ياحسافه البين  شدهاهه
الله يعينهه منهه الكلب عطب


اليله الفاكده ماينحمل همهه
على الخوان ياهو الي يكابلهه
كل النوح والونه على ابن امهه
على العباس زينب حكهه من تعتب


لخادمة الحسين ع العلويه ام اياد لايجوز حذف الاسم


https://www.tg-me.com/alkalm313

لطميه  بدايتها نعي مع فزاعيه وهوسه 
للقاسم عليه السلام

هله ومية هله بالطبت الميدان
اتعنت للمجالس والكلب لهفان
تنادي تصيح وين الذكرت الشبان
وين الجايه تحضرهن الذرعان
تكابلني على مصابي بكلب حزنان


حله الميدان
     ويه الزهره وام عون
على العرسان
       دكن حيل المتون
🔳🔳🔳🔳🔳🔳🔳🔳
حله الميدان للشبان هليوم
من شم الهوه والعذب محروم
خلن بالصدر نيشان ودموم

مصاب الغاضريه زلزل الكون
حله الميدان
ويه الزهره وام عون
🔳🔳🔳🔳🔳🔳🔳🔳
حله الميدان للماهم معرسين
تصب ادموم ظلت بالميادين
اعدلي لطمتج يامن تعزين

شالو وابعدو حلوين العيون
حله الميدان
ويه الزهره وام عون
🔳🔳🔳🔳🔳🔳🔳🔳
حله الميدان للشبان اعدليه
جولات العزه لمصابه سويه
يمناج أعله صدرج حيل دكيه

ماجوره الاجت وي اليعزون
حله الميدان
ويه الزهره وام عون
🔳🔳🔳🔳🔳🔳🔳🔳
حله الميدان والمجلس نصبناه
جاسم وي علي الأكبر ذكرناه
اشمحلاها عليهم صيحت احاه

جنها ورورد عل الغبره يونون
حله الميدان
ويه الزهره وام عون
🔳🔳🔳🔳🔳🔳🔳🔳
حله الميدان ويه الهاشميات
على الشبان منصوبه العزيات
هاي اصدورنه بيهن علامات

يضل هذا عزانه شما يكولون
حله الميدان
ويه الزهره وام عون


تمت بعون الله تعالى
✍️ام نور الزهراء الزينبيه

https://www.tg-me.com/alkalm313

القصيده من وزن النصاري

باجر بالجمر طرف العبايه
يخط ومعون تحتار ابسبايه
باجر من يرحلون•••الله ايساعد ام عون
سبايه سبايه
@@@@@@@@@@@@@@@@@@@
باجر العباس زينب تشتكيله
اتكله ياخويه المحن كلش ثكيله
اخلاف عينك انسبي وآني العقيله
وآنه حملي اجبال ماتكدر تشيله
حرت باطفال يبجون
الله ايساعد ام عون
سبايه سبايه
@@@@@@@@@@@@@@@@@@
اركض ع جمر وحمل بديه
يتامه حسين بارض الغاضريه
عين السكنه دارت والرقيه
وعين اتشاهد الراحو ضحيه
عليهم اعمي العيون
الله ايساعد ام عون
سبايه سبايه
@@@@@@@@@@@@@@@@@@
حسافه الكالو عليه الاسيره
واني الربي توجني اميره
بعد ذاك الدلال اصبح ابحيره
حرم وطفال اقودن بالمسيره
باجر وحدي وشلون
الله ايساعد ام عون
سبايه سبايه
@@@@@@@@@@@@@@@@@@@
اخوي حسين ظل بلامناصر
وحيد عليه كلها ادور باجر
يضل وحده ولينه وي العساكر
تخلي اعله الصدر اثار حافر
جسمه سهام يملون
الله ايساعد ام عون
سبايه سبايه
@@@@@@@@@@@@@@@@@@
امانه عندج اعزازي يالطفوف
ضنوة حيدره مارحمته اسيوف
عباس الكمر ضميله الجفوف
عنهم راح اروح وبعد ماشوف
اخوتي المايرجعون
الله ايساعد ام عون
سبايه سبايه

بقلمي ام حوراء البركاوي
https://www.tg-me.com/alkalm313

قصيده لسيده زينب عليها السلام
زينب طبت الشام  ابد مادنگت هام
بنت حيدر اميره  تضل زينب اميره
££££££££££££
من طبت الجلسات ماهبت الطغيان
ورثتها هالشجاعه من داحي البيبان
خلست مجلس ازيد وهي مابين عدوان
جذب من گال زيبنه اسيره
بنت حيدر اميره تضل  زينب اميره
££££££££££££
صبرت عالجره وماهبطت راس
صبرمتعدي الحدودأبداًماله مقياس
جليله دوم تبقين اخوچ البطل عباس
وصلتي الرساله
بعزم بكل بساله
عدوچ حار بامرچ وضيع تدابيره
بنت حيدر اميره تضل زينب اميره
££££££££££££
عفاف وستر تبقين وصرتي مضرب امثال
يبت ست النساوين واخوتچ كلهم ابطال
اسيره بوليت ايزيد چذب ياهو الگال
يبت داحي البيان
ياخيره النسوان
حرت والله شوصفچ يخت صاحب الغيره
بنت حيدر اميره تضل زينب اميره
££££££££££££
بنت فاطم اميره وتحچي بالمثاقيل
انطت ربها قربان الحياده والمداليل
تدوس اعله الرزايه لاتهتز ولاتميل
عظيمه ماتذلين
وحق الحسن وحسين
صبرچ  بالخلگ ماكو نضيره
بنت حيدر اميره تضل زينب اميره
£££££££££££
ذليله لاتگولون زينب من تكتبون
العقيلتنه قياده بحچيهه ا زلزل الكون
جبل ماهزته الريح عليهه يالتنشدون 
جبل شامخ تضلين
يبت طه وياسين
بعد الضحه لدين كملتي المسيره
بنت حيدر اميره تضل زينب اميره
££€€€€€€€€€€
بس البت علي اتلوگ القياده
كفو ونعمين من عمه الساده
الينخه ام الخدر ياخذ امراده
بسرعه اتنطي المراد
ابد ماترد گصاد
تحل كل المشكله الچانت العسيره
بنت حيدر اميره تضل زينب اميره
تمت بعون الله
#✍خادمه ام الحسن
ام مهدي الفرطوسيه
غير مبري الذمه الي يحذف الاسم
نسالكم الدعاء


https://www.tg-me.com/alkalm313

قصيده للسبي 💔💔


تحله العزيه// برض المنيه
ظلت اخوتي // فوق الوطيه

محد دفن جثثهم
واحنه مشينه عنهم
وزينب گلبها يمهم
برض المنيه

❈━━━❁°•💟•°❁━━━❈

عنهم مشه ضعن الاهل يوم اهدعش سار
يحسين خويه شلون اعوفك والگلب نار
ياناس من يدفن اخوتي وماكو نغار
بس الصدى يرجع اليه والفكر حار

يوم المشينه // لامو بدينه
لويصح بالايد // يمهم بقينه

لكن حكم اعادي
وبعجل سار الحادي
خلوني يمه انادي
برض المنيه

❈━━━❁°•💟•°❁━━━❈

ظلت اجساد الطاهره مرميه عالگاع
وين الي يدفن بو علي وانصاره ابساع
وينخيله حلال الشدد يحضرله فزاع
والمنظر يفطر الحجروظل گلبي ملتاع

ياعلي احضر // ابنك اموذر
لو شفت حاله // مااظن تگدر

يابويه زينب آني
بلوه الدهر بلاني
مذبوحه كل اخواني
برض المنيه

❈━━━❁°•💟•°❁━━━❈

مذابيح اهلنه وعالترب دمهم غسلهم
آل اسد نزلوا كربله تولوا دفنهم
جاهم علي السجادظل ايعاينلهم
خبروني شنهو الي تريدونه يگلهم

گالوله انريد // ندفن الصنديد
وظل عالشريعه// بوفاضل الحيد

مانصبر وشوف الحال
كلهم ضحايا اعله ارمال
ولجسامهم محد شال
برض المنيه

✍️الخادمه ام زهراء

❈━━━❁°•💟•°❁━━━❈

عفت اخوتي فوگ الترب من غير تغسيل
واركبت وي عداي وسفه بهودج يميل
بس حرم وايتام البقت وياها العليل
وشمر وزجر كل ثانيه بايتامي تعيل

صابوني بسهام //زادولي الالام
اطفال تبجي // وماتگدر تنام

بصوت الفجيعه انادي
حضري يبنت الهادي
شوفي شجره وشسادي
برض المنيه

❈━━━❁°•💟•°❁━━━❈

سبعين شاب عله الثرى ولد الزجيه
ظلت جثثهم يااسف بالغاضريه
وحسين عاري بلا دفن فوگ الوطيه
وانه مشيت ميسره حرمه وسبيه

ماقبلت اعداه // ابقه انه وياه
اخذوني للشام // بالحسره والآه


عالخد تهل دمعاتي
بصدري بقت حسراتي
واعله البقوا آهاتي
برض المنيه

✍️الخادمه ام زيد الشمري

❈━━━❁°•💟•°❁━━━❈

تمت بعـــون الله تعالى
بااقـــلام خادمـات الحــسين عليـه السـلام

الخـ✍️ــادمه ام زهراء
الخـ✍️ــادمه ام زيد الشمري

ونسال الله القبــــول
ونسالكم الدعاء بتعجيل فرج مولانا صاحب العصر والزمان عج

https://www.tg-me.com/alkalm313

قصيده للسبي الوزن نصاري
والمقاصير وزن البند

المستهل👇👇

بت حيدر علي بيها الدهر خان
ظلت بالغرب مابين عدوان

تون ونه خفيه
عالظلو رميه

شافت ابن ابوها بغير ذرعان
بت حيدر علي بيها الدهر خان

❃❥❀━((🧿))━❀❥❃

شافت ابن ابوها اعله الترايب
مرمي وگلبه من العطش ذايب
صاحت ويني ووين المصايب
وانه بنت النبي ونسل الاطايب

دمعتها سجيبه
عالجثه السليبه

عافته ومشت مسلوب عريان
بت حيدر علي بيها الدهر خان

❃❥❀━((🧿))━❀❥❃

من سهام العده يشتكي لربه
تسعميه والف صابوله گلبه
رماح مسننه محدبه الحربه
ظل من الطعن ميشوف دربه

تنادي ياالهي
ياذخري ورجائي

اتقبل مني ياسيدي القربان
بت حيدر علي بيها الدهر خان

❃❥❀━((🧿))━❀❥❃

عافته على الغبره رميه
بعد ماداسته خيول اعوجيه
وصابته سهام اهل الرديه
بغضا بعلي حامي الحميه

هل من ناصرٍ صاح
دمه عله الارض ساح

الزهره تعاينه والگلب وجعان
بت حيدر علي بيها الدهر خان

❃❥❀━((🧿))━❀❥❃

ظل لاناصر ولاعنده معين
واصحابه على الغبره مطاعين
مسلوب الرده عطشان الحسين
تصهره الشمس هو والشياهين

تصيح بدمع هالي
ياعزي ودلالي

وسف عفتك على التربان عطشان
بت حيدر علي بيها الدهر خان


❃❥❀━((🧿))━❀❥❃

مشت عنه سبيه لديره الشام
ماعدها ولي بس حرم وايتام
عافت ابن ابوها مملي بسهام
وراسه عله الرمح شالو الظلام

صار الدمه غسله
اله الدمعات تحله

يظل الحسين ثوره تهز الاكوان
بت حيدر علي بيها الدهر خان

❃❥❀━((🧿))━❀❥❃

تمت بعون •اللّـہ تعالى
الخـ✍️ــادمه ام زيد الشمري

نسال •اللّـہ القبول
ونسالكم الدعاء بتعجيل فرج مولانا صاحب العصر والزمان عج

https://www.tg-me.com/alkalm313

قصيده للحسين عليه السلام
على طور سلطان المنابر حجي باسم ضيفك يحيدر هالمسى

المستهل👇👇


الله يعينج بت علي مابقى كل حيل
من شفتي الحسين انكتل واتدوسه الخيل
دم صبت العين//لمصاب الحسين

┄┉❈❥ًً❀💠(❀❥❈┉

وگفت/عالتل زينب اتصيح وتنادي
يزهره/تعالي شوفي ابنج حيله بادي
يدوسون/على صدره وسف خيل الاعادي
ويدرون/ابوه المرتضى وجده الهادي

ظل جسمه عاري بلاچفن مسلوب الثياب
زينب تون وتنتحب وينك يبوتراب
وينك يالحنين//لمصاب الحسين

┄┉❈❥ًً❀💠(❀❥❈┉

الملعون/صعد فوگ الصدر من حزله نحره
ولاخاف/من ربنا ونبينه ومن الزهره
اجت ليه/بعدين الخيول اتدوس صدره
لذلك/تشوف الدنيا صارت بعده حمره

بالشمس ظل جسمه سليب اتدوسه الخيول
واخته بقت ياحسرتي ماتدري شتگول
وتجر بالونين//لمصاب الحسين

┄┉❈❥ًً❀💠(❀❥❈┉

زينب/تخاطب ربها والدمعه جريه
قربان/ ربي اقبل جسم ابن الزجيه
الهي/انتقم من حرمله ومن ال اميه
ظلام/حرموه ياوسف شرب الميه

ماخاف من رب العرش حرمله الملعون
الف وتسعميه سهم ابن امي مطعون
معفور الجبين//لمصاب الحسين

┄┉❈❥ًً❀💠(❀❥❈┉

صاحت/وينك ياعلي داحي البيبان
احضر /دفنة بوعلي مو بقى عريان
مثل ما/حضرت بخطوه وحده لدفن سلمان
تحاجيه/بآلام وشجن والگلب نيران

سلمان انته ادفنته بيدك ياعلينه
وحسين ظل بكربلا مادافنينه
مگطوع الوتين//لمصاب الحسين

┄┉❈❥ًً❀💠(❀❥❈┉

يخويه/رحت صوب الجسد حاولت اضمك
دفعني/الشمر بيده وشتم جدك وامك
تمنيت/ابقى بكربلا بنحرك اشمك
خذونه/يساره بالعجل بس روحي يمك

ودعتك الله ياحبيبي وابن امي
بفراگك ازداد الالم وازداد همي
عنك راحلين//لمصاب الحسين

┄┉❈❥ًً❀💠(❀❥❈┉

الهي/بجاه حسين اقسم لي زياره
مكسور/گلب الشيعه ياويلي وحياره
يدعون/يمتى يظهر المهدي بفقاره
وينشر/بالعالم عدل ننطر بشاره

ننتظر طلعةصاحب العصر وزمانه
عجل يربي طلعته وعجل اوانه
ننتظرك سنين//لمصاب الحسين
┄┉❈❥ًً❀💠(❀❥❈┉

الخـ✍️ــادمه ام زيد الشمري

نسال •اللّـہ̣̥ القبول
ونسالكم الدعاء بتعجيل فرج مولانا صاحب العصر والزمان عج

https://www.tg-me.com/alkalm313

الله يعينج بت علي مابقى كل حيل
من شفتي الحسين انكتل وتدوسه الخيل
دم صبت العين // لمصاب الحسين

😭😭😭😭😭

الشاعرة أم زيد الشمري
صوت خادمكم قيصر الإمارة