☘️لاستشهاد الامام الكاظم ع ☘️

لسان حال شاعر 👉

المستهل// هجري
فاعلاتن فاعلاتن فاعلاتن فاعلن
النص
الوزن //هجري
فاعلاتن فاعلاتن فاعلاتن فاعلات

يابو طلبه ياحبيبي يمته ازورك يااسد
حبك بروحي وفؤادي عايش انت للابد
🏴🏴🏴🏴🏴

انت ياباب الحوايج ياطبيب لكل مريض
حاكم وتحكم عداله كل امر شيعي فريض
ماتهم هاي النواصب اكتب بخط العريض
اسرد القصه الاليمه انه وانهيها بقريض

هلبت تسجلني يمك وباسم واحد احد....
يابو طلبه ياحبيبي يمته ازورك يااسد
حبك بروحي وفؤادي عايش انت للابد

✍️☘️ام فراس الساعدي ☘️
🏴🏴🏴🏴🏴

حبك ابگلبي زرعته اوباقي الحد الممات
يانبع صافي امن اذكره تحله بعيوني الحيات
شكتب وشوصفلك انت الجامع الكل الصفات
رحمه الله الوسيعه  شراع وبمركب نجات

مااعوفك ياابو طلبه دمي  وقعلك وعد....
يابو طلبه ياحبيبي يمته ازورك يااسد
حبك بروحي وفؤادي عايش انت للابد

✍ام مرتضى الخزرجي
🏴🏴🏴🏴🏴

عالي شانك مثل جدك ماترد طلاب اجاك
وانته من الله مقدرك تنطي للعله دواك
كل مريض يروح يمك يطيب من يشتم هواك
وبالشدايد أنته واگف تفرّحه كلمن نخاك

جيتك ومهموم گلبي وأدري يمك أنسعد....
يابو طلبه ياحبيبي يمته ازورك يااسد
حبك بروحي وفؤادي عايش انت للابد

✍️إم حيدر العبادي ناصريه
🏴🏴🏴🏴🏴

يانظر عيني وحياتي انته بالشده مجيب
تفزع الدمعي وهظمتي جرحي يم بابك يطيب
ارفع ايديني ابحظرتك اقسم بذاك الخظيب
تسمع اتردلي لهفتي  والنعم منه الحبيب

يابو طلبه دوم انادي وانه بوسط المهد

✍ام اسعد الشمري
🏴🏴🏴🏴🏴

تشافي العله الخفيه الما يصح الها دوه
يا امان لهالبريه وبسمك يطيب الهوه
كاظم الغيض وسماحه بوجهك يشع الضوه
اكصدتك ومتردني خايب محلف بطف نينوه

مجدّي ابابك اجيتك
للمحب انته سند....
يابو طلبه ياحبيبي يمته ازورك يااسد
حبك بروحي وفؤادي عايش انت للابد

✍️نبضي حسين
🏴🏴🏴🏴🏴

تمت باقلام شاعرات رابطة الجفوف السخيه

https://www.tg-me.com/alkalm313

كيف لا ألبس دهراً بعدكم ثوبَ الحدادِ
فلقد كنتم ودادي و بكم يهنأ فؤادي
و إذا ما ضاقَ صدري أنتخي بابَ المرادِ
مَن لقلبٍ ذاقَ بالوجدِ لموسى ذي الجوادِ


عظم الله لنا ولكم الأجر والثواب بذكرى إستشهاد الإمام موسى بن جعفر الكاظم (عليه السلام) جعلنا الله وإياكم من السائرين على نهجه
ـــــــــــــــــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

‏مقطع صوتي من ياحبيبي ياحسين

قصيده لسيدي ومولاي باب الحوائج الامام موسى بن جعفر عليه السلام



امام الرافضه والجعفريه
دسوله برطب سم المنيه

نوحـو يامـسلمـيـن
شايل راعـي الديـن

لجلـه نوحـو بدموع الجريـه

►✺┅●✥🔷✥●┅◄

لطمــو عالصـــدر دگـو عالــراس
مسـموم الإمـام ابچـف الارجـاس
مــات وللگــلب نار الــبعـد جــاس
ابطامـورة الگضـه ومايـمه كل ناس

صـوت النـايبـه يصيـح
راهب فـاطــمه يطـيـح

ناره البگلب ظلت سريــه

✍🏻 الشاعــرة ام مهــدي
العيــداني

►✺┅●✥🔷✥●┅◄

بطاموره گضه وناره بالفاد
غريب لوحده عن اهله الابعاد
سموه الاعادي وسفه بالزاد
صايم جان يومه وبيده الاصفاد

معصومه تنادي
يبن النبي الهادي

صار اسمك غريب الكاظميه

الخـ✍️ــادمه ام زيد الشمري

►✺┅●✥🔷✥●┅◄

بزنزانه مظلمه چبده مسموم
وگلبه محمّل بآهات الهموم
بالجمعه الخبر والخبر معلوم
شيفيد البجي والدهر ميشوم

شالوه الحماميل
مشدود بزناجيل

سمّاه بالتمر ابن الدعيه

✍️☘️ام فراس الساعدي ☘️

►✺┅●✥🔷✥●┅◄

السندي المايخاف الله وكتابه
نسل ذاك الحرگ للدين بابه
تعده أعلى الأمام بلا مهابه
صبحت شيعته تنوح لمصابه

ابن سويد ناده
خل تلحك الساده

ويعزي بشدته الزهره الزچيه

✍️أم عبــــــد اللــــــه العــــابد

►✺┅●✥🔷✥●┅◄

بيها السجده ظل يهل الدموع
صدره من السلاسل حيل مشلوع
ظلمه وماكو حته نور الشموع
مايدري الرضا بالغالي مفجوع

ظل بالألم ياناس
يتلاوه وي الانفاس

ظل وحده بسجن كوم الرديه

✍طالبةالزهراء

►✺┅●✥🔷✥●┅◄

تمت القصيده باقلام شاعرات رابطه ادب الطف

https://www.tg-me.com/alkalm313

☘قصيده للامام الكاظم ع☘
     
يااسد بغداد      يبن المرتضى
يلي بالتوراة اسمك بي حظه
 

يلي كل عمرك كظيته بالسجن
يل تنوح عليك كها انس وجن
شيعتك تبجي وتلطم عل وجن
كلها متوجها الك       يابو الرضا....
يااسد بغداد       يبن المرتضى


انت فضلك زاد على موسى النبي
وانت لهل البيت  صرت  الراهبي
باسمك   اتوجه  واخذ   مطلبي
يمك اشكي همومي    لوظاك الفضا...
يااسد بغداد       يبن المرتضى


عل جسر  جينا  نشيع جنازتك
كلنا  مشايه  واجينا  لحضرتك
بالشمس والحر تنادي شيعتك
يجيرنا المعبود   من حر اللضى....
يااسد بغداد       يبن المرتضى


شيطلبك  هارون سمك  بالتمر
ماكفاه  بسجن  كضيته  العمر
يطالب   بثارته  بحنين   وبدر
وبيك يتشفى على الفات ومضى....
يااسد بغداد       يبن المرتضى


حيرتهم  بالصلاة  وبالسجود
رادوا يمنعوك من حطوا قيود
مادروا سجنك صفى دار الخلود
وانمحى هارون    كل ظلمه انكضى.....
  يااسد بغداد       يبن المرتضى


✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

https://www.tg-me.com/alkalm313

للامام الكاظم عليه السلام

فزاعيه بقفله الهوسه
الشيعه محزمه هليوم لطامه
واجب لسجين ندگ على
الهامه

=======

شالت كل بيارغها لبو طلبه
اجت تبجي وتدك ابابه ابنحبه
كل جف النخاه مارده بالصعبه

((اصغار اكبار اتنخت بيه))

=======

نصبوها المواكب عزبو بيها
وجابو بيتهم وفراشهم ليها
وحطو زادهم للجاي يلفيها

((خدموه الزاير حيوله))

✍طالبةالزهراء

========

يتلكوه بهلا والمرحب تعزّب
جيمات المواكب زادها ترتّب
لليكرم الزاير جادر تنصّب

((اليتلكه /يعزب بهدومه))

========

هلا تنگل هلا والعاضه خل تلتم
على الدنيا العفا بعدك يلمسمم
جينه بوجه اسود منه ومصخم

((فشله من اجداده/ الضيعناه))

✍وعد الڪفيل

=======

النخاه العام جايب طفل بحظانه
وكف نفس المجان وروحه لهفانه
ماطبيت حضره يكول هذا انه

((انطانيه البس حاجيته))

✍طالبةالزهراء

========

بس حاجيته ماردني ابوالكلفه
خضّرداري وردالي اللهفه
اسد بغداد يامعجزه الماتخفه

((كل صعبه /تلين بچفينه))

✍️ام حسين المحمداويه

=======

تمت القصيده باقلام شاعرات رابطه ادب الطف

https://www.tg-me.com/alkalm313

قصيده لسيدي ومولاي باب الحوائج الامام موسى بن جعفر عليه السلام



خلص مات وسمموه
والملائك شيعوه

هذا ابن سيد البريه
ياشباب العذبوه

،،،،،،،،،،،،،،،،،،،،،،   

خلص باگوا كل حياته وذبحوا إگباله الامل
ويلي ياموسى الجنيته الياذنب عفت الاهل
يامر الطاغي جنوده من بلادك للأجل

وشيعتك تصرخ ولوه
ياشباب العذبوه

✍وعد الڪفيل

،،،،،،،،،،،،،،،،،،،،،،،

يامر الطاغي بعذابه بالسجن شاف الأمَر
كل نبض عاش برحيله شوك وبشوكه استمَر
صيته بالشيعه يتوالف كل حجاياته ثمَر

محد امن اهله اجوه
يا شباب العذبوه

✍طالبةالزهراء

،،،،،،،،،،،،،،،،،،،

اه يانكبة رحيله ابتدت من خصمه قسه
من الربيع وابن شاهك وبسجنهم من مسه
تالي انسم برطبهم وقارب احزانه رسه

ظل يعالج مرمروه
ياشباب العذبوه

✍️ام حسين المحمداويه

،،،،،،،،،،،،،،،،،،

ازرك من السم جبينه والچبد مردوه مَرد
راهب اهل البيت وسفه جبدته بسمهم سَرد
بكل فرض ندعي عليهم كون دعوه ماتَرد

ابو طلبه شتموه
ياشباب العذبوه

✍️☘️ام فراس الساعدي ☘️

،،،،،،،،،،،،،،،،،

ظل يناجي الباري ربه ظُلمه والغيضه كظَم   
ياالاهي يالمخلص لبن من فرثٍ
ودَم
اويالمخلص طفل كامل من مشيمه ومن رحَم     

عابد الله اهضموه
ياشباب العذبو

✍🏻خـادمـة الزهـراءام احمد العبوديه زبير

،،،،،،،،،،،،،،،،،،

نزلت املاك المنايه وعل جنح موسى صعد
بخطفه البرق وتعلى عن سمانا شكد بعد
سجن والسجان وينه من جنهم رتعد

بالجحيم السمموه
ياشباب العذبوه

✍️طالبةالزهراء

«»«»»»»»»

تمت باقلام شاعرات رابطة ادب الطف

https://www.tg-me.com/alkalm313

☘لاستشهاد الامام الكاظم ع ☘


الوزن / فائزي
مستفعلن مستفعلن مستفعلاتن

عالكاظم نعازي الرضا ننصب عزيه
مسموم گالو یاآسف هاي المسيه
🕊•✵✵•🕊•┈•❀

مسموم ومزنجل امامي بجسر بغداد
لا اهل يمه ولا محب عطاي المراد
ياوسفه كلها شيعته عن شخصه ابعاد
تتباچه وتنحب عليّه الرافضيه

✍☘ام فراس الساعدي ☘

•🕊•✵✵•🕊•┈•❀

اليوم كلهه شيعته دكت حداده
شايل أمام الرافضه راعي العباده
الشال من عدكم سبع حزنوا يساده
خلص حياته بالسجن نسل الزچيه

*✍️أم عبــــــد اللــــــه العــــابدي*

•🕊•✵✵•🕊•┈•❀

نسل الزجيه اعله الجسر لحگوا يشيعه
ميـــت امـام الرافضه ابــن الشفيعه
ننــصــب عــزيــه وفاتــحــــه بكل الوسيعه
ونــعزي بيــت المصـــطــفى والفاطميه

أم صــــ✍️ــادق المنصوري

•🕊•✵✵•🕊•┈•❀

للكاظم اندگ عالصدر ونهل الدموع
للخلصت اسنينه ابسجن والمات مفجوع
كلنه لابن جعفر نون وارواحنه اتلوع
ونواسي أمه فاطمه ابهاي الرزيه

✍️ام محمد تقي الموسوي

•🕊•✵✵•🕊•┈•❀

كلنه ننوح ويه الرضا للمات مسجون
اندگ الصدر للكاظم ونعميها العيون
نمشي بعراضه بالنعش وي اليشيعون
والدمعه نجريها لغريب الكاظميه

✍️ام علي المالكي

•🕊•✵✵•🕊•┈•❀

نواسي كلنه الطاهره والنبي الهادي
عالمات مسموم بحقد من الاعادي
خل نلبس اسود هالمسى نصرخ ننادي
مشمور ليش اعله الجسر راعي الحميه

الخـ✍️ــادمه ام زيد الشمري

🕊•✵✵•🕊•┈•❀

https://www.tg-me.com/alkalm313

فزاعيه مع هوسات للامام موسى بن جعفر عليه السلام

الامام الرافضه نطلع عراضات
گضاي الحوائج والكلافات

🏴🏴🏴🏴🏴🏴🏴🏴

يم جسر الرصافه ترفع اعلام
وتنصبله چوادر حگ الاسلام
وتخط تابينهاوتنعاه الاقلام

((تونن اعليه الميت باالسم ))

✍🏻خـادمـة الزهـراءام احمد العبوديه زبير

🏴🏴🏴🏴🏴🏴🏴🏴🏴

من دم الحبر تكتب عباره
الجفه سخي فكده خساره
شمادار الزمن تزهي المناره

((الهز العالم /واركانه))

✍️ام حسين المحمداويه

🏴🏴🏴🏴🏴🏴🏴🏴

مودع سيدي ونتأسف احنه
ماعشنه بزمانك چا شفتنه
لاسد بغداد اجينه انوح كلنه

(وياموت السم غير/ لونه)

✍وعد الڪفيل

🏴🏴🏴🏴🏴🏴🏴🏴🏴

غيرلونه سمه ماتعرفوه
كون بذاك يومه ماتخلوه
مرمي عالجسر لاماتعوفوه

((تشيلونه //عالراس الموله))

✍️ام حسين المحمداويه

🏴🏴🏴🏴🏴🏴🏴🏴🏴

يشيلونه الامام بنوح ودموع
يعازون الرضا البمصابه مفجوع
يصفك بيده ساعه الوضعه ويلوع

(عوانه كل شيعي اليحضر)

✍🏻خـادمـة الزهـراءام احمد العبوديه زبير

🏴🏴🏴🏴🏴🏴🏴🏴

https://www.tg-me.com/alkalm313

صبّ الدموع من المعين الساجمِ
والطم حزينًا للإمام الكاظمِ 🥀

فاليوم قد رحل الحبيب مودّعًا
بالسّم يقضي من فعال الظالمِ 🥀

لهفي له أمضى سنينًا في الأسى
بغياهب الجبّ العميق القاتمِ 🥀

متنقّلًا بين السجون ومُكرهًا
والساق مرضوضٌ ككسرٍ فاطمي 🥀

قد جرّعوه السمّ أحقادًا بهم
فتقطّعت أحشاء قلبٍ هاشمي 🥀

فسَلِ الرصافة عن مقام جنازةٍ
بقيت ثلاثًا دون دفن العالمِ 🥀

وا حرّ قلبي لابن طه المصطفى
باب الحوائج والمجيب الدائمِ 🥀

كل العزاء لآله ولولده
ولصاحب الأمر الإمام القائمِ 🥀

✍🏻 زينب فياض
ـــــــــــــــــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

☘قصيده لفراق الاهل☘

*ماتبطّل بس تهل یعیونه
ولامن الیسئل علینه اشلونه
من شالو اعزاز الگلب فدشیله
شنهوالسبب عافونه يوم ابلیله

ایدنیا ایدنیا
----------﷼

لیش یوم ابلیله عافونه ومشو
افراگهم تعبنه حيل ومادرو
یاحسافه العشره فدلحظه نسو
ناموابوسط الگبور وهاجرو

نار فرگتهم صعب ومچیده
والعایف احبابه بعد شیعیده

آیدنیا آیدنیا

✍🏻المیرزه ام ليلي الخاقانی
-----------﷼

ايا يـــــــوم الغربوا  بينه اشعمل
دار  دولابـــــچ   يدنيا   بالعجل
كل حــــــلو مرانگلب راح الامل
افــــــراگهم  موتنه  أبداً موسهل

گطعات ودروب ونواعي بحرگه
اعتاب ومضيعين  ما مش  ملگه
آه يدنيا..
آه يدنيا..

✍وعد الڪفيل
----------﷼

هاجرينه وبينه خلو يا عذاب
سمره هاي وجوهنه بلون  التراب
ودعينه الراحه لاحفنه المصاب
مر نضوك الزاد مر حته الشراب

نتمنه كون انموت ونلاكيهم
مابينه بس عله الفركه اعليهم

آه يدنيا.آه يدنيا
✍طالبة الزهراء
-----------﷼

الماتو اهله خل يزيد عياطه
انفتگ جرحه مايفيد خياطه
حتى گلبه  امكطعات  انياطه
احترگ بانت ريحته واشياطه

شما يمر طرواهم ايلجمونه
هيهات يادنيه الاهل يلفونه

آیدنيا   آیدنيا

✍️☘️ام فراس الساعدي ☘️
-----------﷼

العايف احبابه وسكن بالمگبره
شترجه منه شبرواربع مشبره
الخلصت ايامه دواة بمحبره
گشاش لمٌه وياه واخذ یامعبره

بطلو العتب والمات جوه ترابه
لايمَّه اهل فارگ جميع احبابه

آيدنيا----آيدنيا
ام حسين المحمداويه
----------﷼

تمت باقلام شاعرات رابطة ادب الطف

https://www.tg-me.com/alkalm313

☘قصيده لعم النبي ابو طالب ع☘

موشح//

ابو طالب ياأبي
      اتكفل يربّي النبي
گضه عمره ابد ماعابد وثن
🏴🏴🏴🏴🏴

اتكفّل  ايشيله  ويصون  ارعايته
ايوفي دينه ايجازي ابوه وغايته
گال  اصونه  ودوم  اعز تربايته
بروحي احبه بكثر  امه  الشالته
واحد من اولادي صار
بحضني ظل ليل ونهار
انعجن دمه وياي وي دمي عجن

🏴🏴🏴🏴🏴

كفو والله والنعم من هلخليل
وين  مادار  النبي  عمّه  يميل
جان  مرصاد ويرد عنه اليعيل
والحمل لوطاح منه العَم يشيل
عمه لكن صار ابوه
يعادي كلمن يبغضوه
وينتقم منهم وكل ظالم عَفِن
🏴🏴🏴🏴🏴

اتكفله من عمره جان اثمن سنين
وآزره  لحد  عمره ما صار  اربعين
كفو  من هذا البطل  بافعاله  زين
غيمه  ويضلل   محمدنه  الامين
يناصره بكل الامور
شهم بي غيره وجسور
مايعوفه ابد كل لحضه يحِن
🏴🏴🏴🏴🏴

رافع  ايده  النبي یدعي الامته
واجا  الكافر  يمنعه  كل  غايته
صُبَغ وجهه بدم رفث حد هامته
الف  لعنه  اعله  النفوس العادته
هناك عد الله الحساب
نار مستعره وعقاب
هاي اخرتك بعد بيها استچن
🏴🏴🏴🏴🏴

بلمدينه    النبي   ماعنده   نصير
يجي يشكي لعمّه  عنده يستشير
لو  اجته  العيله من  واحد حقير
يفزع  العم  فزعته  ماله   نضير
العمّه قدّم شكوته
من الحثاله الأذته
شال سيفه العم مشه گلّه اطمئن
🏴🏴🏴🏴🏴

نزل  جبرائيل  ويخبر  الرسول
مات عمك گلّه الشخصك كفول
مااخذ راحه محمد ظل  يجول
سافر ابعيد وتره السفرة تطول
حمل كلشي لخاطرك
مات جان يناصرك
الامر بيد الله بعد صار بحزن
🏴🏴🏴🏴🏴

٨/رمضان/١٤٤٤

✍بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه

https://www.tg-me.com/alkalm313

☘قصيده لوفاة ابو طالب ع☘

مات ابو طالب بهاي الليله
الشيعه كلها محزنه وتبجيله
🏴🏴🏴🏴🏴

اليوم  شايل  كافله  وعم  الرسول
عازي ابو الحملات بي فحل الفحول
حرنه ياهل ناس بيه احنه شنكول
جان صاحب للنبي واخليله.....
مات ابو طالب بهاي الليله
🏴🏴🏴🏴🏴

بالشدايد  يحضر   بكل   موزمه
واليضد شخص النبي ايخاصمه
ميتوانه   يفزع   ايرشه   بدمه
جان من ايطيح حمله يشيله.....
مات ابو طالب بهاي الليله
🏴🏴🏴🏴🏴

صايم  برمضان من حان الاجل
بليلة الثامن وسف نعشه انحمل
والنبي المختار ظل دمعه ايهمل
اليوم ننصب ماتمه وننعیله.....
مات ابو طالب بهاي الليله
🏴🏴🏴🏴🏴

بمثل هذا اليوم وبشهر الصيام
مات ابو حيدر علي وبچّه الانام
ناحت اعليه الخلگ حتى الحمام
مودمع  علخد دمه و انسيله
مات ابو طالب بهاي الليله
🏴🏴🏴🏴🏴


ماحضر حيف النبي او ماودعه
بيدي گال احفر حفرته واندعه
استغفر العّمه  والباري  يسمعه
يبچي ابن عمه علي يشكيله....
مات ابو طالب بهاي الليله
🏴🏴🏴🏴🏴

٨/رمضان/١٤٤٤

✍بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه

https://www.tg-me.com/alkalm313

اليوم☘️قصيده لوفاة ابوطالب ع☘️


يابو طالب..ياحظن دافي وامان
يابو طالب دنيه انته من الحنان
يابوطالب...يابوطالب

+++++++++++++++

كل وجودك سيدي ايفسر الروايه
الرسول الله جنت سور وحمايه
الرساله تنام عندك هاي غايه
الله راد ايوضح الكل البرايه
انته شخص شكد كبير
واعلنت موقف خطير
جوشن انته الكل زمان
دنيه انته من الحنان
يابو طالب /٢
بقلم العلويه ام رقيه
  فيض الطف
+++++++++++++++

يلكفلته وجنت والد كله طيبه
كل طباع الحلوه شايلها غريبه
تفتديه بروحك اشيطلب تجيبه
شهل حنان الشايله العندك عجيبه
انت حددت المصير
واعلنت موقف خطير
ل طه وفّرت الامان
انت بيتك بالجنان

يابو طالب /٢
✍️☘️ام فراس الساعدي ☘️
+++++++++++++++

جاه  الك مهيوب  وتلوگ الفراضه
يمك المضلوم وي خصمه يتقاضه
يلعشت وي ناس ماتسوى فضاضه
وبمصابك  سيدي  تحله   العراضه
اختارك الباري القدير
واعلنت موقف خطير
بالعلم  عندك  بيان
تخدمك انس وجان
يابو طالب/٢
✍☘ام فراس الساعدي ☘
+++++++++++++++

انت شيخ اواكرمك الله برسوله
تعاهدت بحمايته ابمعنى الرجوله
وگلت هذا الدين خط محد ينوله
الك عالي الشان ياشيخ الحموله
ولليخاف انت تجير
واعلنت موقف خطير
تحملت  ضيم وعنان
دنيه انته من الحنان

يابو طالب/٢
✍🏻ام سجاد الشهيد
+++++++++++++++

يبو طالب يلصنت سيد البريه
يلي شاهر سيفك باسم القضيه
تحارب بكل وكت لجل الهاشميه
صار يتنومس ببو النفس الأبيه
ابد  مثلك  ما يصير
وأعلنت موقف خطير
للرسول انطيت امان
بكلب واسع من حنان
يبو طالب /٢
✍️ ام عمار العبودي
+++++++++++++++

٨/رمضان/١٤٤٤
تمت بحول الله وقوته باقلام شاعرات رابطة ساقي عطاشا كربلاء
https://www.tg-me.com/alkalm313

☘☘لوفاة ابوطالب ع☘☘

نعي// گرناوي

نعيتك يابو طالب وكت الاذان
وذكرت ايامك بهاي المسيه

شهم يمعدل احجايتك ميزان
أمأصّل  والنسب  للطالبيه

ادري اربات خيّر وابن ديوان
عشت ويه النبي انواع الاذيه

تكفّلت الرسول وصرت عنوان
وابنك  حيدره هم صار اخيّه

بطل صنديد ياهيبة الفرسان
الك هدّات يل نفسك أبيّه

يحيف ايام مُرّه وكلها احزان
يبغضوك بحقد هل ناصبيه

المربّيه  حُفَر  لِحدك  اودفان
ويهيل اترابك بدمعه جريه

حريمه تنام يمنومس بتربان
وتضل اخلافك ازلام الرديه

محمد ناح منفگدك او وجعان
يذكره امصابك بكل مغربيه

نظل للدوم كل ثامن برمضان
نسوي المجلس وننصب عزيه

٨/رمضان/١٤٤٤

✍بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه

https://www.tg-me.com/alkalm313