الی مولد ام الحسنین فاطمة الزهراء علیهم السلام
✨✨✨
جتنه بشارة عید وتعایدینه
خلیها یازهراء ایدچ بأدینه
✨
بشرونه هَلْ العید و اتعایدینه
و للزهره عالحیطان زینه انصبینه
✨
أجمل بشاره نشوف مرسومه بسماي
مولدج يالزهراء  يتماشه وياي
✨
خضرت بالانفاس روح الجدیده
مولوده یاهالناس اجمل ولیده
✨
يازهرة التكوين نورج سعاده
بسم النبي المختار اول ولاده
✨
ونور وسطع عالكون من المدينه
ورود الفرح هاليوم طشتها ادينه
✨
اول ولاده تصیر للعفه معنه
معناها للعفات احنه التبعنه
✨
للیلة مسره وعید تتعاید الناس
فرحه التجمل العید ماالها مقیاس
✨
مالهة ابد مقياس هاي الولاده
تتوج الزهراء الها السياده
✨
مبعوثه للاسلام رحمه وهدایه
تهدینه للجنات والهل الولایه
✨
رحمه وهداية وخير تمطر سمانة
وبكوثر الزهراء جفها الروانه
✨
یا رحمة الله الیوم نزلت علینه
ومبارک المولود طه نبینه
✨
دره ويصوغ اليوم بارينه بيها
يامولد الزهراء يا ام ابيها
✨✨✨

الفاطمیه رافضیه وافتخر ✨
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

☘ميلاد الزهراء ع☘

الوزن// السريع👇👇


بهاي الولاده تكمل الفرحه
والمنجرح طاب وشفه جرحه

°••••○🍃🌸🍃○••••°

مولوده فاطم والفرح جانه
بالسمه  المولد  شاع  عنوانه
كل محب يحضر يفرح ويانه
والمحتصر هم  صدره يشرحه

✍☘ام فراس الساعدي ☘

°••••○🍃🌸🍃○••••°

خلنه نبارك كلنه بسم الله
يامحله ضيها ومحله هالطله
وين اليحبنه وعالنبي صله
ورد الجناين خضر ابصبحه

✍ام اسعد الشمري

°••••○🍃🌸🍃○••••°

الليله مولد فاطمه الزهره
والشيعه كلها بيها مبتشره
نهني الصميده والد العتره
والطاهره تستاهل المدحه

ام ✍️سيف الزبيدية

°••••○🍃🌸🍃○••••°

مولد الزهره اجمل اعيادي
طير السعد فرحان وينادي
لعيونها صغت اجمل انشادي
مجروح گلبي وطاب من جرحه

الخـ✍️ــادمه ام زيد الشمري

°••••○🍃🌸🍃○••••°

عطر الفرح كل شيعي يشتمه
عيد وبشاير كلها  ملتمه
هالليله ينساه الگلب همه
طير السعد رفرف علي جنحه

✍️ام محمد تقي الموسوي

°••••○🍃🌸🍃○••••°

#تمت باقلام شاعرات رابطة سيد الشهداء "ع"
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

*(قصيده بمناسبة ميلاد فاطمة الزهراء س)🌹*

*هالليله الـفرح والارض شعّت نـور*
*ومـن فاطم اخذ حتى الورد عطره*

*يا أمّ أبـيـها وفـخـر هـذا الـكـون*
*ويـا سـرّ الخـليـقـه فـاطـمـه الـزهـره*

*نـقـيّـه وطـاهـره وتـفـاحة الفـردوس*
*ول أمــهــا خـديـجـه صـارت الـدّرّه*

*والـدها الـنـبـي والـفـخـر لـلأكـوان*
*ومـلايـكـت الـسـمـه بـالـمـولـد اتـخـبـره*

*مبتهجه السموات الـسـبـع واَرضـيـن*
*وغـدت كـل الـمـرابـع مـزهـره وخـظره*

*وحـور الـعـيـن نصبـن حـفـل للـمـيـلاد*
*ويـتـبـاهـن اجـن مـن كل صـنـف عشره*

*خديجه واسيا ومـريـم بهذا اليوم*
*فــرشــن للـولاده بـالـورد سـفـره*

*وآيـات الشفاعه نـزلـت اعـلـه الـگـاع*
*والـعـاش الـفـرح هالليله اخـذ اجـره*

*فاطم شمس حـره وأشـرقـة عالكون*
*رضيّه وراضيّه ومرّضيه بـالـمـرّه*

*ومو بس المدينه اتنوّرت بالصار*
*عـم نـور الشفيعه الـعـالـم ابأسره*

*الـفـلـق والـنـاس والتوحيد والرحمن*
*عن عين الحسود اهـل الـعـلـم تقرى*

*زكـيـه وطـاهـره وزهراء هالاسماء*
*رب الـكـون سـمّـاها بعلو قدره*

*فـاطـم تـفـطـم الـحبـوهـا عـن النار*
*ول كـلـمـن يضدها اجهنم الحمره*

*اليحب الليله يفرح والشفاعه اينول*
*من چف الوديعه ءوينتظر بشرى*

*الجـنـه ابـفـاطـمـه ووالـدها والـكـرار*
*والحسنين والتسعه مـن الـعـتـره*

*تمت الحمد ولله بقلم✍️ الشاعرة ام يحيى العبودي الايجوزحذف الاسم شرعاء نسألكم.*
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

الی سیدة نساء العالمین فاطمة الزهراء علیه السلام 🌹🌹🌹

لیلة ولاده... بیها السعاده
وال طه مولاي... اجمل امانه
   🌸🌸🌸                          
يامحله الأفراح
بيها الأمل صاح
طشو  القداح
وعلينه جن طش... خير الاجانه
وال طه مولاي... اجمل امانه
🌸🌸🌸

الزهره بدایه
وهیه الهدایه
ال اهل الولایه
صارت ولاده... وضیها هدانه
وال طه مولاي... اجمل امانه
🌸🌸🌸
ابیت الرساله
انولدت جلاله
اتْثَبّتِ الرساله
یافرحه وعیاد... عید او لفانه
وال طه مولاي... اجمل امانه
🌸🌸🌸

علینه ازدهر نور
من فاطمه ایدور
کل شیعي مسرور
جناح السعد رف... بأعله سمانه
وال طه مولاي... اجمل امانه
🌸🌸🌸
يامحله الإشراق
بالسبعه الأطباق
والمحب يشتاق
للزهره هاليوم..... زايد حنانه
وال طه مولاي... اجمل امانه
🌸🌸🌸
مستبشر الكون
والكل يشوفون
للزهره العيون
اشراقة الکون .... شعشع ضوانه
وال طه مولاي... اجمل امانه
🌸🌸🌸

الفاطمیه رافضیه وافتخر 🌹
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

نخوه لمولاتي الزهراء. عليها السلام


نضره يام حسين منج رايده
              روحي تعبانه. وهمومي. زايده
اليوم ادكن. بابج  **اانه من احبابج
         نضره يام حسين منج رايده

####################

ماالج شباج الزمه واشتكي
ولاضريح اطوف بي واشبع بجي
جيت يام حسين انه يم علي
اتوسله وبجاهج. كون يحلهه الي


بداعت حسين وحسن
من البجي عيوني انعمن
نضره بام حسين. منج رايده




نخوه يازهراء من عندج اريد
روحي تعبانه وآلامي تزيد
بحق نحر حسين محزوز الوريد
وجاه رب الكون الينفى. ويعيد

جيت تهمل دمعتي
منج اطلب. حاجتي
نضره يام حسين منج رايده


انتي للكلفات. والشده. اهل
وبيج يامولاتي. خليت. الامل
ياشفيعه بجاهج اطيب العلل
ومن دعائج يالحنينه مانمل

يابنت اعظم رسول
حبج بگلبي. يجول
نضره يام حسين منج رايده


الدنيه ماترحم صغير ولاجبير
وانه يامولاتي لاتخليني. احير
بالشده. انه انخاج يالگبج. جبير
اصيح يازهراء. يام ضلع الكسير

والله ماننسه المصاب
المحسن وعصرت الباب
نضره يام حسين منج رايده



نضره مولاتي بزمن كلش صعب
وبمحبتكم نسير احنه. الدرب
حزن لمصابج يالحبيبه. الگلب
والدموع الخاطرج ظلت تصب

طاهره ومالج مثيل
شلتي مهضومه. بليل
نضره يام حسين منج رايده


نضره منج ياطبيبه لكل عليل
يگضي ليله بالم ودموعه تسيل
اريد احلفنج يزهره بالكفيل
يمسح بجفه على المرض الثگيل

والدخل عدكم يطيب
يانسل اكرم. حبيب
نضره يام حسين منج رايده


✍،،،بقلم خادمة اهل الييت عليهم السلام
ام مصطفى الاسدي
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

قصيده لفراق الام
الوزن عگيلي

امي يالطیبه الانسيه
مليانه حب وحنيه

❃❥❀━((🧿))━❀❥❃

امي يانعمه امن الباري
غذتني حب الاطهاري
ونیت الها ليلي انهاري
ضلوعي من الفرگه محنيه

❃❥❀━((🧿))━❀❥❃

دار امي ظلت خلوانه
دنیانه ظلمه وحزنانه
ماانساها للموت آنه
تسري وي دمّي يوميه

الخـ✍️ــادمه ام زيد الشمري

❃❥❀━((🧿))━❀❥❃

كل خير انشوف بدعواها
امي نجمه يشع اضواها
راحت كل روحي بممشاها
رافكت ادموع المجريه

✍ام اسعد الشمري

❃❥❀━((🧿))━❀❥❃

للهم والحسره عافتني
شالت للموت وخلتني
بحب ال لزهره وصتني
وتسولف قصت المسبيه

✍️ام زهراء الفاطميه

❃❥❀━((🧿))━❀❥❃

واتسولف لي قصة زينب
من راحت مسبيه وتنحب
ولحالتها دمعي يسچب
واذكرت الزهره المرضيه

📚🖋️ام زهراء

❃❥❀━((🧿))━❀❥❃

تنعى الروح اليوم اعليها
ماترضه اتهيد الطاريها
ماتسكت دوم اتهم بيها
كون اتسير كل عصريه

✍️ام علي المالكي

❃❥❀━((🧿))━❀❥❃

يفراك امي الهدم روحي
تنزف ماتتشافه اجروحي
لوطيف يسكن كل نوحي
واشكيها اشواكي الجمريه

✍ام اسعد الشمري

❃❥❀━((🧿))━❀❥❃

#تمت باقلام شاعرات رابطه خادمات سيد الشهداء"ع"
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313