احزان الافلاك لرحيل نبي الرحمة صلى الله عليه و اله
.........

راحل ويلي المصطفى *  محزونه الافلاك
ضجت عليه ارض وسما *   وتنوح الاملاك

🏴•🏴•🏴•🏴•🏴•🏴

ناحت لوداع النبي      ابـــو الزجيه
والگمر نوره مخفي     ابهاي الرزيه
لمصابه خير البشر     نصبت عزيه
جبريل حاضر يمه       الحد المنيه

ياعظم المصاب
نور النبي غــاب
هل يـوم الوداع //

🏴•🏴•🏴•🏴•🏴•🏴

الهادي ودع الوحي     والگلب محزون
الوحي طايف حوله   دم جاري العيون
ينعه والسابع سمه     واللوح المكنون
بالعرش ناصب مأتمه  وعليـــه ينعون

الـوحي كـــــبر
اللـــــه اكـــــبر
هل يوم الوداع //

🏴•🏴•🏴•🏴•🏴•🏴

الله اكــبر نـــادى      ورتــــــل الآيات
غمض جفنه الليله      سيد السادات
ناشر ســواد ابيتـه      ورافع الــرايات
كل الرسل محزونه    وتنعه الصافات

نـــادت الحداد
الابــــو الامجاد
هل يوم الوداع//

🏴•🏴•🏴•🏴•🏴•🏴

مكه ومدينه وحشه     مسوده الغيوم
عظم المصيبه ويلي  الهادي مسموم
شنو الذنب غدرونه    انذالها الگـــوم
مظلوم ياسيد الورى    وبگلبه اهموم

اذّتــــه الامـّـه
راحــــل ابهمه
هل يوم الوداع//

🏴•🏴•🏴•🏴•🏴•🏴

ظلمه نهارها الدنيا    عالنبي المرسل
حــراء باقي خـالي       ودعه المُأمَـل
الوحي يمه حاضر         وعليـه  تِبَتــل
شَيْعـه ويومه اظلم      والدمع يهمل

شيــــــع نبـينـه
ابروحه الحزينه
هل يوم الوداع//

🏴•🏴•🏴•🏴•🏴•🏴

✍🏻ام عباس الحسيني

#_منتدى_القلم_الفاطمي
‌https://www.tg-me.com/alkalm313

فزاعيه  للرسول الاعظم محمد صل الله عليه واله وسلم
========


الطمن علنبي

والزهره  عينيها

شال اليوم ابوها گومي عازيها

========

اليوم ام الحسن مصباحه شلونه

مفگود النبي  والدنيه مرجونه

مكسوره الظلوع وتطلب العونه

وعينيها /  شديها  اللطمه

🌐🌐🌐

شدي لطمتچ وسعيه ميدانه

تستاهل الزهره اليوم عوانه

شال الابو منها خالي امچانه

وخلوانه /  والدنيه خلافك

🌐🌐🌐

ماجور  البچه  واليلطم  وياها

شال اليوم ابوها ابهظم خلاها

نعاونها بلطم نبچي على مبچاها

وعازيها  / علرايح منها 

🌐🌐🌐

لطمي وياها واسيها على ابوها

دگن حيل شيعيات عازوها

راح الوالد وبلظيم  خلوها

وخلوها /  مهظومه  وراحو

🌐🌐🌐

شايل للگبر  ياوالد  الزهره

ليل نهار  تبچي والدمع يجره

مالومه الزچيه الگلب شيصبره

ومالومه  / واليوم  الزهره

🌐🌐🌐

مكسورة ظلع مابيها حيل تنوح

نساعدها بلطمنه نطيبلها جروح

على فراش المنيه ابوها هلمطروح

وما نهواه /  البيت خلافك


========
الى مقام النبي الاكرم ( ص )
النيه تعجيل الفرج خادمتكم الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع


#_منتدى_القلم_الفاطمي
‌https://www.tg-me.com/alkalm313

نعي للرسول الكريم ( ص )
لسان حال الزهراء   ( ع  )
=======


اليوم الحزن خيم على البيت

شال الابو وبلظيم ضليت

وحدي بحزن بلدار ونيت

اگضي العمر وياه تمنيت

...........😭

عميه عليك عيوني يابه

ماشي ابوي وساد بابه

خلف النعش تصرخ احبابه

احا يابوي ومصابه

..........😭

خلافك تره بلهظم صرنه

بلدين بويه اصبحت ثلمه

شايل صدگ يانبي الأمه

والدار عگبه اصبحت ظلمه

...........😭

حضري   ييمه   وعاونيني

على مصاب ابوي وساعديني

يمه   ولوحدي    لاتخليني

تره شايل ابوي وشلع عيني

............😭

گلبي يبويه شايل هموم

ظلمه عليه البيت هليوم

گلبي على الطيبين مندوم

روحي مريضه وحيلي معدوم

...........😭

البيهم محنه شالو بساع

وسفه النودهم حدر هلگاع

اولادي اخلافك صارو ظياع

راحو اهلنه الچانو سباع

.........😭

اگعد يبو روح الحنينه

غيرك  منو  اليمر علينه

من اصحابكم بويه نولينه

عدوان  ميرحمون  بينه

على الله على الله
يابت النبي جبرچ على الله

========
خادمة ال البيت وخادمتكم الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع


#_منتدى_القلم_الفاطمي
‌https://www.tg-me.com/alkalm313

شال اليوم ابو ابراهيم
والمسجد طفه انواره
**
ويلي غمظت عيونه          
وبنته  اصبحت محزونه
خلافه الدنيه مرجونه
ومنه  خاليه  داره

✍🏻ام محمد الساري
♠️♠️♠️♠️♠️
منـــه خاليــه الـديــره
الزهره اخلافه ابحـيره
وضعهه صعب تفسيره
وتــلهــب بالگــلب ناره

✍🏻 الشاعره نور الناصريه
♠️♠️♠️♠️♠️
اخلافه مگدره الزهره
شايل ويلي ابو العتره
ماضنه الجرح    يبره
شال وعاف خطاره

✍🏻ام زين العابدين لمحمداويه
♠️♠️♠️♠️♠️
الزهره  تنوح   وبعبره
ظلت  تالي   بالحسره
تبجي    وعينه  حمره
النبي  من الله يسراره

✍️ام زهراءالفاطميه
♠️♠️♠️♠️♠️
شايل يا عمود الدين
الشيعه اليوم متکدرین
ويون الحسن وحسين
وتبجي اعليه انصاره

✍🏻ام رحمه
♠️♠️♠️♠️♠️
تون الزهره هاليله
لبوها ابكثره تبجيله
اخلافه ضاعت العيله
وبنته بقت محتاره

✍🏻 ام زينب الأسدي
♠️♠️♠️♠️♠️
تمت بعون الله بااقلام خدمات أهل البيت عليهم السلام في رابطة سيد الشهداء ✍🏻
🙏🏻🙏🏻نسألكم الدعاء 🙏🏻🙏🏻
خادمة الزهراء الشاعره أم محمد الساري
اظهر سيدي طال انتظارك

#_منتدى_القلم_الفاطمي
‌https://www.tg-me.com/alkalm313

قصيده للرسول ص  للسان حال مولاتي الزهراء ع
......😭.......

الزهره اليوم...... حزنانه علئ واليها
خـــل نتكابل....... اويـــاهــــا ونعازيها
......😭.......

تبجي،وتجذب الحسره..... حزنانه عله والیها
عله ابوها الدمع يجره.....حزنانه عله والیها
بعــــده ايامها مـــره......حزنانه عله والیها
وعكبــــه من يسلـــــيها

✍ام محمد الحسناوي
........😭.......
لاتبطل یگلـــبی الـــــــون

وبوي اعله الثره مـــدفون

عليك حسين ضل محزون

ويصـــــــيح شلون تاليها 

✍ام محمد الحسناوي
😭😭😭😭😭
ایصيح الگــوم ظلمونه

بعــــــدک مـا یرحمونه

الراح اویاک یا عونه

شايل  وين  راعيها
✍🏻ام مازن
😭😭😭
الزهرا  اتصيح  يالوالي

بعدك دمعي ضل هالي

حال الضيم  يا  حالي

وبتك هجموا اعليها

✍🏻 ام زينب الأسدي

.......😭.........
تبچــي الزهره مهمومه

عله ابوها یا صعب يومه

عليه الــــــروح مآلومه

والدمعات تجريها

✍️هدى المطر ام محمد
😭😭😭😭😭
حزنانه وتجر حسرات

ما یـــرجع بعد هیهات

ظلت تلطم الهامات

الكبرك من یوديها

✍🏻 ام سجاد الشهيد

تمت باقلام شاعرات ساقي عطاشا كربلاء حقوق النشر محفوظة عند سيد الشهداء ع

ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

على طور مرتضا حرب ذبوا عمايمهم لفاطمة الزهراء وهيه تشكي حالها الى والدها محمد ص
●●●●●●●●
هجموا على دارك
يلنبي اصحابك
الزهرة وراها الباب من عصروها
سكطوا محسنها ولا رحموها
والنذل ماهابك
هجموا على دارك
يلنبي اصحابك
●●●●●●●●
من غمت عينك اجوها للدار
لموا حطبهم واشعلوها بلنار
ماتدري يلمختار بينه واشصار
اوجتفوا حيدر بلحبل هل الكفار

اوهاذي فعايلهم
اوشترتجي منهم

يوم الحشر يلنبي من اتحاسبهم
وتريد تسمع انت شنهوا ردهم

اتكله شنوا اعذارك
هجموا على دارك
يلنبي اصحابك
●●●●●●●●
بلحايط اوبلباب من عصروها
بلايا حجاب الزهرة ماراعوها
اوبابك يبوا ابراهيم من حركوها
الزهرة تون ابنيتك خلوها

واتصيح ياحيدر
منها الدمع حدر

الحكلي يبوا الحسنين صابوا ظلعي
يرظيك على الخدين يجري دمعي

وسفهةالنذل خانك
هجموا على دارك
يلنبي اصحابك
●●●●●●●●من البواجي هل العدة منعوني
اوبرة الولايه يلنبي طلعوني
وانصبت بيت احزان انا خلوني
انحب عليك اوخاف ليسمعوني

اوماتدري اشبيه
من هجموا اعليه

ابصوتي صحت يابويه الحك ليه
وتعال بويه واشوف انه اشبيه

ابنار احركوا بابك
يلنبي اصحابك
هجموا على دارك
●●●●●●●●
عن حالتي يابويه ارد احجيلك
يم الكبر جيتك اوارد اشكيلك
اهل السقيفه من تعنوا بيتك
منين العتب يابوا المحنه ابديك

والظلع مني انصاب
لساه الكسر ماطاب

سكطوا جنيني محسن ابعتب الباب
اولاواحد اليمي بكه من الاحباب

اظن الخبر جالك
هجموا على دارك
يلنبي اصحابك
●●●●●●●●
ظليت اون يابويه مانمت الليل
وادموع عيني من دمه ابخدي اتسيل
.اوماظل بعد عندي يبويه كل حيل
من اعداك صحت ابصوت يابويه الويل

يابويه حاجيني
البتوله تدريني

انا الوديعه وانت المسميني
واشلون ترظه تجري دمعة عيني
يصعب علي حالك
هجموا على دارك
يلنبي اصحابك
●●●●●●●●
لشاعرة اهل البيت ام عمار الصائغ الفاتحه الى روح ابنتي وامواتكم
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

فزاعية  للرسول  صلى الله عليه واله



    من شال عني المصطفى........  ودوهنت احوالي.


؛،،،،،،،،،      ؛؛؛؛؛؛؛؛؛؛؛؛        ؛؛؛؛؛؛؛؛؛؛؛؛؛؛؛     ،،،،،،،،،،،،؛

                من عافني سيد الرسل .

               حسيت  بالحسره اضل .

             واخلافه  ما عندي  امل.

           .   غالي على كلبي  غالي .

؛     ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

                وبجاله   اني   مدلله .

               لو مال حملي   يعدله .

                رايح  ابو كلمة هله .

               وغابت انواره هلالي.

؛؛؛       ،،،،،،،،،،،،،،،،،،،،،،،،،،،،،،،،،،،،،،،،،،؛

            .  غاب  وفجيعه غيبته.

              قرانه  عندي  وسبحته.

              والفقره  حيل  بعازته .

     .        راح   ولجم     دلالي .

؛؛؛؛      ،،،،،،،،،،،،،،،،،،،،،،،،،،،،،،،،،،،،،،،،،،،؛؛

             رايح   وروحي  تألمت

             راعي  الحميه  والبخت  .

             والأمه بغيابه  اشصفت .

             بحيدر  موصي الوالي.

   ؛    ،،،،،،،،،،،،،،،،،،،،،،،،،،،،،،،،،،،،،،،،،،،،، 

            .   لازم    وصيته    تنسمع  .
           
              من  بعده  شيصير الوضع .

                يضلموني  اهل   البدع  .

             .   يبقى  الحزن   يبرالي .

؛     ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،  

               مكسور  يبقى  خاطري

                يا نار   بيه   اتوجري .

                 وياه  راح  امسامري.

                 الهادي سوري  العالي.
              
؛          ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،    .

                  الهادي سوري وخيمتي

                  شال  وتركني بشوغتي .

                    ليل   ونهار    ابونتي .

        .          عليه   البجي   يحلالي  .

؛            ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،  

         بقلم الخادمة .

     زينة الگريشاوية
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

الوزن النصاري
مفاعيلن مفاعيلن مفاعيل

┉❈❥ًً💠(🌀)💠 ❥❈┉

الحسن مسموم كل ساعه اله يميل
الحسين مكابله والمدمع. يسيل

┉❈❥ًً💠(🌀)💠 ❥❈┉

يكله نار جبدي مردت اعضاي
شوف الطشت بيه موذره احشاي
خلص عمري يخويه نهايتي هاي
عليه الدنيه جارت بايد الحيل

الشاعره ام یحیی العبودي✍🏻

┉❈❥ًً💠(🌀)💠 ❥❈┉

خويه حسين شيل الطشت عني
يبو السجاد حيلي يروح مني
لو زينب اجت واسمعت وني
وتاليهه اعله نعشي الوادم تعيل
الشاعره ام احمد الساعدي ✍🏻

┉❈❥ًً💠(🌀)💠 ❥❈┉

تعيل اعله النعش وضربه بسهام

ماعدهم رحم عدوان ظلام

يعيلون ابولد حيدر الضرغام

تظل زينب تون ابهدوت الليل

✍️المله والشاعره ام احمد الساعدي

┉❈❥ًً💠(🌀)💠 ❥❈┉
الزهرا بالقبر تجذب الحسرة
ابو القاسم يشيعوه للمقبرة
وگلب زينب عله خيه شصبره
يم راس الحسن ا تصيح بعويل
""""
الشاعره ام مازن✍🏻

┉❈❥ًً💠(🌀)💠 ❥❈┉

تون زينب ولا غمضتهه العيون
تخاف اعله النعش بسهام يرمون
كضته الليل كله شلون بشلون
تكول الحسن عنه رايح ايشيل

✍️الشاعره ام احمد المنصوريه

┉❈❥ًً💠(🌀)💠 ❥❈┉
مظلوم الحسن ياناس مظلوم
قيموله العزه ووافو المسموم
واسو زينب اواسو ام كلثوم
نوسم صدورنه ونلطم بزنجيل
الشاعره ام احمد الساعدي
💔💔💔💔💔💔
تمت والحمدلله ببرکة شاعرات رابطة الحسن المظلوم علیه السلام🏴💔
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

لطمية للرسول ص


اه ياليل الوداع طول خل اودعه

راح يغيب صوته بعد هيهات اسمعه

—————————————————-

اريد اشبع اموادع طول ليه ياليل

بس هلحضه وياه باجر عني يشيل

ارحم حالي يالليل فدوه ارجاك ودخيل

بس تغمض اعيونه اشوفن ويل ياويل

يظلموني بغيابه الگالو احنه ربعه

————————————————
بنفسي اكعد احذاه اطول يمه ساعات

افل الشوك وياه ووشبع منه شبكات

بعد مايصح ملكاه تدري الغالي لو مات

بعد عينه تراني  اشبع كثره هضمات

تظل عيني جريه وماتنشف الدمعه


——————————————
شلون اسله وابطل دمعاتي البلعيون

لوطر الفجر ويل بنعش الغالي يمشون

ردته اتصيراليه بعد هيهات وضنون

ماارهم بدونه اعيش خلافه وشلون

اكضي العمر بالنوح اظل ابجيه وانعه

——————————————-
بعد مااظن اشوفه اخر شوفه ليه

خل اتسامر وياه بس طول عليه

هاي الليله وياي واريح من اديه

لو بيدي آنه فداه وابدلها المنيه

العمر ياويل لو راح مابيه بعد رجعه

————————————————

شيعوده عليه ترد لمة شملنه

من هسه يويلي آنه ايست منه

ناوي يروح لبعيد اليتكاطر محنه

افكد شخصه للدوم يصير بعيد عنه

ظلمه تصير داري اليضوي بيها شمعه


ام عباس السكيني


ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

☘️لاستشهاد الرسول ص☘️

خل ننصب عزه شايل ابو الزهره
الليله كل محب خلي يدك صدره
🏴🏴🏴🏴🏴

خل نلطم عراضه نساعد البضعه
شايل ياوليهه اليله منفجعه
نار البكلب وبعينها دمعه
فكدك يالولي ماينجبر كسره....
🏴🏴🏴🏴🏴

جاوين التدك علهامه ويانه
تنصب ماتمه وتصيح خلانه
شايل ياولينه وعزنه ملفانه
عمت عيني عليه نايم على الغبره....
🏴🏴🏴🏴🏴

حزين المسجد وخالي مخلينه
والمنبر يصيح ايمامي جا وينه
مات اليوم شافعنه ومنجينه
وبيوم الحساب المؤمن يعبره....
🏴🏴🏴🏴🏴

يعبره عل سراط ويمحي ذنوبه
ويجمع كل محب بلجنه محبوبه
وينطي مراد للطالب بمطلوبه
وكل فاگد يعينه اليوم و يصبره....
🏴🏴🏴🏴🏴

الله يساعدج يازهره بمصابه
خنعازي علي وحسين واحبابه
ونواسي الحجه وكلهم اصحابه
ياخذ ثارهم كل عام ننتظره....
🏴🏴🏴🏴🏴

٢٩/صفر/١٤٤٣

باقلام شاعرات اهل البيت عليهم السلام
✍🏻 ☘️ام فراس الساعدي ☘️
✍🏻وام روكان الشمريه
غير مبري الذمه لكل من يغيير الاسماء
او ياخذ كلمات القصيده وينسبها اليه
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313

محراب الوجع

الكَرْبُ عَذَّبَنِي.. وَ الحُزْنُ عَذَبَّنِي
وَ فَيضُ دَمْعِيَ بَحْرٌ
مِنْ لَظَى شَجَنِي ..

جُفُونُ طَيبَةَ بِالأَشْجَانِ يُشْعِلُهَا
جَمْرُ الفِرَاقِ وَ غَابَ النُّورُ عَنْ زَمَنِي

أَمْشِي عَلَى الدَّرْبِ يَا طَـٰهَ تُقَلِّبُنِي
أَيدِي الظَّلَامِ وَ سَوطُ الظُّلْمِ يَضْرِبُنِي

عَمْيَاءُ بَاصِرَةُ الدُّنْيَا أَمَا بَصُرَتْ
مِنْ بَعْدِ أَحْمَدَ مَا قَاسَيتُ مِنْ مِحَنِ

وفاء الطويل..
المنتدى الفاطمي (شعبة الرباب) 📌
https://www.tg-me.com/alrclm313

☘قصيده للسيده سكينه ع☘

شلون ايام بيها تمر سكينه
ماتت بالغرب هاي الحنينه

شافت كل اهلهه مذبحيهه
اجساد وعاريه ومطرحيهه
وحسين الابو الغالي وليهه
اسف من الگفا كطعوا  وتينه....
شلون ايام بيها تمر سكينه

خلصت روحهه بس منلونين
تتذكر اخوهه الطفل الجنين
وامها مأسره ويّه النساوين
والعباس ضل يجهر ونينه ...
شلون ايام بيها تمر سكينه


ناحتهم لمن ماسلت الروح
تسعر نارهم والگلب مجروح
كظتهه ايامهه بالحزن والنوح
بت حسين ضاعت من ادينه...
شلون ايام بيها تمر سكينه


وتعدى الصبر هيه صبرهه
وبعمر الورد ماتت عمرهه
يم عدوانهه صاير كبرهه
يم عمتهه زينب ناصبينه...
شلون ايام بيها تمر سكينه


اجينه اليوم بيهه نعازي زينب
عليهه  گلوبنه  بنيران  تلهب
نلطم علوجن ودموعنه تصب
والقائم ايمامي الله يعينه.....
شلون ايام بيها تمر سكينه




✍بقلم شاعرة اهل البيت عليهم السلام
☘ ام فراس الساعدي ☘

غير مبري الذمه لكل من يغيير الاسم
او ياخذ كلمات القصيده وينسبها اليه
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tg-me.com/alkalm313