«تقول إنها ترغب في كوخ منعزل في حقلٍ رحيب، وشجرة قريبة، وسماءٍ واسعة».
‏-فريد عمارة

تتشافى، تتشافى وتوصل مرحلة ماكو أحد بمحيطك يكدر يبتزك عاطفيًا ولا أحد يغثك ولا يضايقك ولا يعاملك بتقليل شأن ولا يستهزء من خططك وأحلامك وطريقك.

تتشافى وتصير كل علاقاتك علاقات خادمة ومُريحة
تتشافى ويصير كل الناس الي تعرفهم وبمحيطك ناس حنونة ومُراعية وخدومة ومتعاونة.
تتشافى وما تدخل بعد بعلاقات مؤذية، ولا علاقات بيها شخص تحس وياه بالاختناق، ولا تمشي بطريق الحياة وي شخص يتصيد بالماء العكر، ويتحين الفرصة لتحجيمك ومحاولة تقليل شأنك ..

تتشافى، تتشافى وتتصالح وي كل شيء بداخلك
فما تجذب أشخاص سيئة
كل شيء يجيك هو منك.

الحنان منك
المراعاة منك
اللطف منك
الحرية منك
السعة منك
الاستيعاب منك.

يجيك الي تنفق منه
مو شرط من نفس المكان

بس يجيك الي تنفق منه وبأكثر وأوسع.

- آمنة حيدر
https://www.instagram.com/p/DFlU_1yiukV/?igsh=cDU3ZW1vOW42MzR0

أتمنى كل شخص يلكه مكانه الآمن ♥️

ابن عربي يقول: «الحب هو أصل الوجود، بل هو جوهر الكون الذي خلقه الله، وكل ما في هذا العالم هو تجلٍ لهذا الحب»

‏لو أختفي،
مكانٌ هادىء وكتبٌ جيّدة
ربيعٌ خجول وشمسٌ دافئة
مروجٌ ؛ هضاب وسهول
قِمّم جبال متناسقة
وأرض بَعيدةٌ خضراء
أشجارٌ مُورقة تَمدُ ظلّها لنار قلبي
و بُنٌ عربي ثقيل
ثمّ يمضي الوقت بطيئًا وتُدركني السكينة..
لو..

جنت كاعدة أكتب امتنان
وبلحظة من الهدوء أدركت:
ان كل تغيير صار بحياتي كان بسبب الكتابة.

الكتابة ساعدتني أتعرف على نفسي الحقيقية، بعيد عن الأشياء الي انزرعت بيها حسب متطلبات المجتمع والمحيط والتربية.

الكتابة اليومية ساعدتني على اكتشاف بواطن الإبداع الي عندياها، جمعت أفكاري، خلتني أُظهر هذهِ الأفكار إلى الوجود لأن كل ما يُكتشف/ يُدرك
يجب أن يوجد.

الكتابة اليومية ساعدتني أراقب ذاتي وأشوف نموها عبر السنين وبمراقبة هذا النمو علمتني التوقف عن لوم الذات، لأنك أنجزت الكثير بالفعل! فمما تخاف؟ وعلى ماذا تلوم نفسك؟

الكتابة اليومية ساعدتني اني أمتلك حصيلة كبيرة من التجارب والمعلومات الي الدماغ البشري ما راح يكدر يرجعلك إياها لحيز الوجود القريب لاستعمالها، فلمن تكتب، أنت عندك سجل للي تعلمته وشفته وجربته، وحتكدر تعتمد عليه للمراجعة.

الكتابة اليومية للمهام والخطط والوجهات
خلتني أعرف طاقتي وين دتروح؟ وشنو داسوي بيها؟ ووين داستثمرها؟

الكتابة اليومية، أخرجت شخصية الكاتبة الإبداعية الي عندي، فكتبت مكاتيب كثيرة لأصدقائي، ولمعارفي، ولمعارفهم.

وبعدها صارت هاي الكتابة الإبداعية مصدر دخل الي.

الكتابة اليومية ساعدتني اهدأ، وساعدتني أشوف/ أُبصر عالم جديد ما كنت أتوقع انه موجود .
ولأن جنت أشوف العالم بنظارة قذرة، الكتابة اليومية كانت المنديل الي نظفها.

هل الكتابة اليومية ساعدتني لوحدي؟
لا!

الكتابة اليومية خلتني أكتشف بواطن قوتي
وبسبب هذا الإكتشاف خلتني أساعد غيري من خلال تدريبات الكتابة والإرشاد التدويني وورش الكتابة الشفائية والإبداعية والتدريب التعبيري المباشر!

من خلال دورة الأحجية.
من خلال معسكر ميلاد كلمة.
من خلال ورشة فن أن تقول أحبك بدون أن تقولها.
من خلال جلسة الغدير العذب.
من خلال جلسة الغراب الذي أكل من صحن القلق.
من خلال جلسات دَليّلة التعبيرية.

الكتابة ثم الكتابة ثم الكتابة..