يا صاحبي ما هي شطارة في الحذق
والحــذق في راعيه مــذله وخســــه

اللـي بحـق الـــناس حـلال ان تمــرق
لكن حقه حق ولا احـــــد يــمــــســه

الناس هم للناس تــدري ويش الفرق
في مال غيره بـــــاح ولا بـاح فلسه

فــ لا تقــدر شـخص ما قدر الــخلـق
ولا يقتني الاصـحاب من حب نفسه

صاحب اذا اشـتدت بيسـابق الطلـق
وصاحب من افعـاله تمنى بدعســـه

ابوسندس العلافي

الحال كـــــم زاره في الوقت تغيير
ويا كم تعـــرقلنا تصاريف الاحوال

احيان تـــلقى الحال مليان بالخير
واحيان تـــلقاني مصارع للاهوال

احيان ما نـــــعجز لدفع الفواتيـــر
واحيان بين ابعث بيرجى الاتصال

وهذا النبي يوسف قد ارموه بالبير
وبعدها اتصدق من المـلك والمال

وان كنت تستسلم لسوء المقاديـــر
فلا تحسب انك بين الاقوام رجال

ابو سندس العلافي

تم القاء هذه القصيد في زيارة لجبهة خب ايام عيد الفطر المبارك))))



ازكى ســــلام الـله لاهـل الــــهـمـــــة
وازكئ تهــــاني العيد ضمن المقصود

يــــــوصل رجـال الله كـلا بـاســـمـه
درع الوطـــــن والدين نصره وجنود

مقـــام المــــرابـط كـلنـا نـحـتـرمـــه
وسط المتارس يوم عيــده موجود

ســـاعـة طـلبـهم كـلهم بـالخـــــدمـه
تسري وتبذل فــوق ضعف المجهود

تـأخذ هــــداها من صميم الختـمـه
وتـأخـذ مــــن الايـات أمـر المعـبـود

ويـــــاكم جـمع عـدوانها من زحـمـه
ولاقـدر فـي زحــــزحتها إبـن اسعود

نــــادئ عـلا امـريكا ويصرخ يـأمـه
قـالـــــت تدلل يـالـرضـيـع الـمـولـود

نـادئ بـنــــي صـهيـون أبـناء عــمـه
واقبل يهودي وارتــــجم فوق يـهـود

ويـحــــسب إنه سهل يفرض حـكمه
وان الــــطريق جاهزومفروش بورود

تـبــــا لـمـن ظـن اليــــمـن لـه لـقــمـه
تنـشـب بحلـقه وان تنـفس مســدود

واجــه رجـال الله صـــابـه صـدمــه
شــاف العواقب ماعــددها مـحـدود

من حــــطم إبن اسعود وانهئ حلـمه
ردوه رازم فـوق رأســـه مــعـصــود

والـلي أتـئ بـالــــسم يـشـرب سـمــه
ومما زرع خصمي يـــجيه المحصود

قـهـوة عـدوي لاوصــــل مـن بــغـمـه
يطعم عصير ارصاص طازج منضود

تـفـطر بـهـجمه وان تــعشت هجـمه
تـدعـس ظلاما فــي لياليها، السود

وتلقـئ المجاهد قــدوضع له بصـمـه
بـيــن العـدا بـكــراع نــاره مــوقــود

عـنـدالمـجاهد مـعــنـويــة ضـخـمـه
ثـبـات راســخ مـــعــمــد بـصــمــود

يـسـرح عـليـهـم فــرد راكـب طـقمه
يـرجع ولــه طقــمـين واحيانـن زود

لبـيـه يــا إيـكــي عـشــايـك لـحـمــه
مـــاتــبـع الجـبنـه وخـبــز المـفـرود

ومن العدو يروي العطش من دمـه
والـخصـم أيـامـه شـويـه مـحـدود

وبـه نـاس مـاعـشئ سلاحه كدمـه
تقـطع يمـين إسـلاح مافـيه الجـود

مـالفـايده يـبقئ السـلاح بشـحـمـه
يـاعـيـب مبـداهـا خـتـان ولاهـــود

قـناصـة الـخمـسيـن حيـئ الـثـمـة
يـانــاس تأسرني مباصرهـا السود

منـهـو فــي الــزايـد تضـوي عـلـمـه
ولارحـمـك الله يـالـعـدو المـرصـود

لولا الـمـخوة وان نـسـوي قـسـمــه
ويـاسعد أرمـي ذي وذيـه مـسعـود

يـرسـل عــدو الـلـه وأنـا اسـتـلـمـه
يـرحـب عـلا حوض المنايا المورود

ويـد تـبـنـي قـال ويــد بـتـحـمـــه
مـاقـالـه الصـــمـاد فـينـا مـشـهــود

شـوارب الـشـلـقـه بـلحـمه دســمـه
ومـن غـزانـا كـيف ينــجـئ ويـعود

ومــا الــــيـمـن لـلي يــطـول كـمــه
وإذا سـلـمت القـتل تخـرج مطرود

يـحـرم عـلى الـغـازي تـراب يـشـمـه
والـي يـحـاول صـار وجـبه لـلـدود

طـبـع اليـمـاني مـاخـضع لـابن أمه
ويـدق لـلـبـرعـه رصــاص وبــارود

لـولا الصلاه مالطين يلمس خشمه
مـايلـمـسه إلا في أوقـات سـجود

وكـلـمـة يـمـاني مـااعتـلاهــا كلـمـه
بـنقـطع لـغـازيـنـا هـويـة مـفــقـود

ابوسندس العلافي

يا صاحبي لا اقفيت ما انت اخر الناس
ولا تحسب اني ذقت من هجرك الويح

اراك في عيني علــى الارض قـــرطاس
لو الريح راحت بك تردك لي الـــريــــح

#ابوسندس_العلافي

يمـــن بالدين والقــران دائم واحد
ما هي تفرقنا نياق اهل البسوس

وحدة ومن غيضه يموت الحاقد
ما نفترق مهما دعمتوا عيدروس

ابوسندس العلافي

من عرض بحليّه دخل وضع حساس
يكسر على قول المثل دون تصليح

الشـعر ما يحتاج مدفع ومــــتراس
وتمــويه لا يضهر من الاسم توضيح

لا تعترض الا بـشيء لك من الساس
فـ لا تفتح اقفالي بـــدون المــفاتيح

واختم بجمله واحـدة بـين الاقواس
(لا يتــبع الشوطين ضربات ترجيح)

ابوسندس العلافي

(ثمار الصرخة)

نــــرفع يــــــدينا الله واكبر نصرخ
عز الـيمن واهــله ثمار الصــــرخة

الــموت لامـريكا الحـقيرة تُــسلخ
في مـوتها اشحـــط يدك لا ترخه

والموت لاسرائيل لا تنصب فــــخ
ويموت من للـــدين ينصب فــخه

وألعن يهودي لعــنتي له تمســـــخ
والعــــن من اتولاه مثلـه نسخـــة

والنصـــــر للاســـــــلام عهد مؤرخ
عهدا من الله فــي ختــام الصرخة

صــرخـــة براءة من رفعها يــشمخ
لازم من الـــعداء تــبرأ يا. خـــــــه

واشوش بالصرخة وراســـي يطنخ
والراس بالعصبة فديت الطنخـــة

وان شفت مستكبر صرخت ودوخ
ياهيــــه والصرخــة عــلاج الدوخة

وذي ما اقتــنع قلـبه اكيد اتــوسخ
صرخةغسيل اهل القلوب الوسخه

واحـرق فــتيل الكفر بالنار اانفــخ
صرخــــة تسبب لليهودي نفـخــــة

والمـــــعركة لاجاء هجمنـا ونضــخ
والمــرتزق تلـقى المــجاهد طــــخه

صــرخة بصـــــيرة نور وضياء للمخ
ذي ما صــرخ مضـمون يفسد مخه

ابوسندس العلافي
الذكرى السنويه للصرخة

ذي يجعل الخاطـــــر من الصدمة عليل
اذا الاصدقاء في ساعة الضيق اختفوا

وما نكد العيشة سـوى مــــوت الاصيل
ياليــت والانذال من العيش اكتفـــــوا

والاتصـال اللي يطفــــــــح كل كـــــيل
اذا المتصل اخبرك عن مـــــوت الكفو

ابوسندس العلافي

يالله يامنزل تبارك وفاطر والأنفال
يـامنِــزل الـتٌـوبـه والأعراف والطور

بـدعوك يالـلـه تفرجّها علا كل رجال
ذي بًـالـوٌفـاء والعٌـز والجـود مًذكور

زادت هموم الجيد والـصبر قد طال
والـقـلـب بًـالأحـزان مًملي ومـقُهـور

أنـت الأمـل يـالـلـه يـاعـالـم الـحـال
أجّـعـل حـياة الكفو فُي عز وٌسرور

وارفع هّموم الشهّم ذي فوقه ثـقَـال
وُآنٌـزَلَ بّـهِـآ فـوق مِـنٌ كـان مـغـرور

يّــآ رَبّ جَـنٌـبّــنٌـآ مِــرَآجَـآة الأنــذال
لا نـطلَبً آلَحآجّآتٌ مًنِهّمً وٌلَآ آلَشوٌر

ذي فوقنا يلعـب ولـه طـبع مـحتـال
لَآتٌــجّـعــلَـهّ يَـآلَـلَـهّ يَـلَعــبً بـنِـآ دوٌر

آنـتٌ الـرجـاء يالله للـقوم الأبـطـال
يَـآغـآيَةّ آلَـمًـؤمًـنِ آذِآ حـآدهّ آلَجّـوٌر

ثبت خـطانا ۆأصلح آلُحآل ۆآلُـبـآل
فَيَ دِربْ منْ بآلَهّديَ وٌآلُخـيَرمًشُهّوٌر

مـع آبـنِ بدر آلَدٍيَنِ فيَ کْلَ آلَآحوٌآلَ
هّـوٌ مـنِقُذِ آلَأمًـهّ مـنِ آلَـظُلَـم لَلَـنِـوٌر

إصّلَحً لنا الأقوال يـالـلـه والأعمـال
وٌآغُفُر لَنِآ مًآقدٍ حًصّلَ منِآمًنِ قُصّوٌر

✍️موسى كباس

يـــــارب لا تبـــلى يد الجود بالــقِـــل
ومن رام فعل الزين يسلم من الشين

واحفظ عزيز النفس مايعـــرف الذل
ان صارت الحاجه تحده على الــهين

كـم من كريــم الوقـت حوله تبـــدل
ويّد العطاء والجود تبحث على دين

واللي تسلف منه في عظمه الســــل
يقاضيه طول الوقت سـاعة وثنتين

والاجــودي كثـر المقــــاضاه قد مل
يسدد ولو كان الثمن يقــتلع عيـــن

النـايبة للنـاس هـي مـــن تغـــربــــل
اما المظاهر كلها خلــق مـــن طـــين

ادعيـك يالله ان زمـــاني تــعــرقــل
مااحتجت لاتحويه جيوب الملاعين

وان كان اخر حل فما يلــزم الحـل
فـ الموت امره ستـر والصبر تمكين

ابوسندس العلافي

كم شــخص خــــــاين مع العــدوان ينتطط
وحــق الخيانه يســــــــتلــمها منهم اقساط

باع الوطـن لاجـــله يحـــــصلها رزم وشبط
وماالفايده حتى وان كثرها يقطع المطاط

والصقر يبقــى صقر غــــير الدجاج والبــط
ولا فعوله مــن فعــــول  الطايــــر الوطـاط

لكـن على المـــشاط حذاري يقــبل المنحـط
ما هو يدنس هيبــته ســــنتي ولا قيــــراط

احــــذر تـجـنب حــــذاري قبل ما تغـــلـــط
والزم حــدودك وانتبه في حضرة المـــشاط


ابوسندس العلافي

الناس مثل الشـــعر ليســــــت سويه
بعض البيـــــوت يعدل بوزنه قصايد

واحد من الاصحــــاب يغني عن ميه
والمائة شخص ماهم يساوون واحد

ابوسندس العلافي

((((خب الشعف))))

يا حـــي جند الله لا الـــــحرب ارعدا
ولحن البنادق من رصاصه قد عزف

وارض الاجاشر مهـلكه رووس العدا
والمحرقة للخصم في خب الشعف

في ظل قايد مفــــــترس قوم الرداء
وافراده الشـــجعان لا شب النكــــف

تكتيك عالي في الجيوش مـــشيدا
بنيان مرصوصه وصف اركـى لصف

يسقوا من الايات منهــــاج الهـــدى
اخوة معارك كلــهم كـــتفا لـــكتــف

تسليـــمهـــم لله ثــــــم محـــــمـــدا
وعهودهـــم بالدم ما شخص اختلف

عهد الولاء فـــ قلــــوبهم يتـــجـــددا
حيدر ولــــي الله ذي به نعـــــتــرف

عبدالملك يبقى العــــلم والـسيــــدا
وكل من والى العـلم نال الشـــــرف

في خب تلقى العـــز ورجال الفـــدا
ناوي على التطهير كامل من طـرف

باعـــت من الله واستجابت للـــنداء
تسـلم يد القناص يسلم من زحـــف

تسديد للرمية ودقـــه فــــي الاداء
ولا عوايد رميهـــم يخــطي الهدف

جهود العدو اليوم قد راحت ســــدى
وشاف واقع غير سيـــئ مختلـــف

خـــــبر عدو الله موعـــدنا كـــداء
من بعدها للقدس ما مؤمن وقف

والمــوت للعدوان امر مـــــؤكــــدا
والنصر للاسلام من خب الشعــــف

ابوسندس العلافي

للمجاراة عن #الذكرى_103_لمجزرة_تنومه

البداية #أبورواسي_أرحب

ثار ياكل اليمن شعب وحكومه
لعنبوا من مات جنب البيرضامي

للدم المسفوك في وادي تنومه
يا عصب كتفي ويامونة حزامي

السعودي ماهو إلا فرخ  بومه
نتفوا ريشه في الخط الأمامي


ابويوسف

مانسينا ثار عاشورا ويومه
والجرايم ذي اتت قبل الف عامي

كيف ننسى ذي قتل ساعةقدومه
للحرم قدام قرن ابيوم دامي

بلغ ابن اسعود لايهنا بنومه
والله انها دين عندك ياحرامي

#ابوسندس_ العلافي

اسس ابن سعود دولته الرخومة
هي على كره الــــيمن منذ القدامــــي

من تنومه تشهد اعلان الخصومه
جاءعلى الحجاج قانصهم ورامــــي

عهد في ثار اليماني ما نسومه
عهد ياسلمان ما تلقى السلامي

والله ان الشعب ضاقت به هدومه
كم تشوق نحوكم للاقتحامي

والقسم بالله ثارش ياتنومه
بانجيبه من لظى البارود حامي

بالــجمايل ما بغيت اطـــلع جلاء
لكن ظــــروف الزمن منعت يدي

ضاق صدري من ظروفي وامتلاء
ما التحق له جود من كان اجودي

ليــــت درب الكفو مايعرف بلاء
والعوافي ماتجي الشخص الردي

ابوسندس العلافي

قريبا على قناة المنشد عبدالباعث النجم
كلمات الشاعر:موسى كباس
نرجوا من الجميع الدعم والاشتراك
https://www.tg-me.com/abdalbaeithalnajm

((زياره الجبهه))

في عيد الاضحئ شفت قومي جاهزه لجل السفر
وتزاور الجبهات كلن قام حمئ موتره

خب الشعف جينا نزاوركم بهذا المختصر
قلنا سلام العيد واجب للأسودالكاسره

من المؤمنين ارجال فالجبهه تقاتل تنتصر
قال انصروه وتجاوبت للأمر قامت تنصره

تزحف على الغازي تنكل به علئ شوكه وجر
هذا قتل هذا هرب والبعض منهم تأسره

ومن تجاهل عزمهم جرب وبايلقئ الخبر
كم شخص قدجرب وجته القوم تكسرمدعره

قل للعدو ياهيه مابش في بنادقا بعر
ماغير سبعميه وحدعش حارقه متفجره

منهو على اوجاع اليمن والقتل يعزف بالوتر
نقطع يد العازف مع اوتاره بحدالموشره

لاتحسب ان القتل والتدمير ذنبٌ يغتفر
ذي مايقل حطه فلا يحلم تجيه المغفره

والصابرين شفت اربعه خلت الوفاً تنكسر
إثنين جت للميمنه وإثنين جت للميسره

والهاربين اتصادموا وقت الهزيمه والمفر
قدقالها الجوفي يموتوا لابدينا بهرره

ولادمانا يالعدو مسموح لمن جاها هدر
من يهدر دمانا قسم بالله دمه نهدره

لاتحلمو بالعفو ياحلف الحثاله والغجر
الدم هو بالدم مايعفئ بكلمة معذره

لاتتدعو حب اليمن وسط الرياض ولاقطر
ماتنصرو شعب اليمن وانتو بداخل انقره

لا والله إلئ بيع وخيانة تولوا من كفر
تلعب بلاستنيش وتلعب بالملاهي باصره

لاكن وطنا غاليه نحميه في اوقات الخطر
دوم اليمن للمعتدي والي غازاها مقبره

نحمل قضية دين تشمل كل ماتعني الصور
ونحررالاقصئ ومكه ونتجه للقاهره

نصبر نصابر مايخيب الي معا الباري صبر
وان لونخاف من العصافيرمازرعت ارضي ذره

يقبل في امياقه ويقبل في طقومه والهمر
واحنا في الدنياء عذابه قبل يوم الأخره

من قد طمع في حقنا باتقرح ادوانه غبر
ابن اليمن ماتملكوا من حقه الئ معبره

وكان عزرائيل عنده فرد جالس منتظر
توجــــيه فوق الخصم يقطع بالمعارك منحره

معك معك ياسيدي اضرب بنا براً وبحر
ذي مااعجبه نهجي يجي له يوم نقطع مشفره

#ابوسندس_العلافي
#إتحاد_الشعراء_والمنشدين

https://www.tg-me.com/aboyahyaalshami

((علاف))
مـرابط في الجـــبهه ولله اعتـــرف
والشــــكر لك يالله ضمن الاعتراف

في جوء ايماني ولايمــــــكن يجف
واحيا هدى قلبي وراء ايام الجفاف

وفي سبـيل الله عزمـي ما وقـــف
مسلم لابو جبريل بإخلاص ونظاف

والكل قد سلم ولاشخص انحرف
ولا احد بيلقى خير بعد الانحــراف

وجنود ربي للعدو تـــرمي نصـــف
رصد ورقابه والعــدو وسط المشاف

مرابط في المــترس وكنه معــتكف
حتى يجي توجيه نقــض الاعتكاف

في عيد الاضحى والجهاز اللي هتف
عــلاف زاروكـــم ترنــــم بالهتــاف

وشفت ربعي جت من الياء للالــف
وزاد عيدي عيد وللضيق التــلاف

وانا التزم بالعهــد والله ما اختلـــف
في درب ابوجبريل من دون اختلاف

كـم راح من عمري مضيـــع للأسف
سنين ياحسرة عليها والحــــساف

من اليوم في الجبهه ولا عيني ترف
ونعوض سنين الضياعة والعجــاف

شهيد واتشرف واجـــهز لي ملــف
وصرختي منقووش في ربع الغلاف

واخلد اسمي في سماء خب الشعف
وعلاف تفخر بي وانا افخر في علاف

#ابوسندس_العلافي

تدعوكم اللجنه المنظمه للحضور الفعاليه المركزيه احتفاء بالذكرى السنويه ليوم الولايه
تقام الفعاليه المركزيه في وادي علاف في مدرسه المجد الساعه الثالثه عصرا
نشكر من يبادر في الحضور
يعمم هذا المنشور

يوم الغدير من حج طه ما حصل
ويش الذي للــــناس  طه قائله

لان الوحي من جبريل بالايه نزل
بلغ مـــــــن الله امر وامره قابله

يوم النــبي في خم للوادي وصل
يوم الــــنبي يامر بوقف القافله

رص الجمل من اجل يطلع بالجمل
تضهر يده وليد من هي حامله

من كنت له مولى علي مولاه اجل
ومن خالفه رب الخلايق قاتله

من ناصره ينصر ويخذل من خذل
هارون من موسى مكانة فاضله

من بعدها فـ الدين للــناس اكتـمل
بعد الولايه فـ الرســـالة كــاملــة

ويوم النبي ودع من الدنيا رحل
اهل السقيفه بالخفاء متعاجله

وعاد النبي من بعد موته مااغتسل
وابوتراب في يومها ذي غــسله

واهل السقيفه تجتمع لاجل الحيل
واستخدوا الباطل لقلب الطاوله

وصاب الولاية من خيانتهم خلل
واتداولهــــــا شل منه ناولـــــــه

وانسان ما اتولى علي ما له امل
عن باب في الجنه فماهو داخله

دون التولي اجرهم يبقى عطل
وشخص مااتولى صلاته باطله

واحنا تولينا علي هو خير حل
بخلاص نتولى بدون مجامله

لا وفق الله من تجاهل اوغفل
ماتفلح الاقوام دامت غافله

وامه بدون ولايته تلقى الفشل
هي فاشلة الى النهايه فاشله

عاد السويد عاثت في الدين الجلل
واحرقوا القران وهي متجاهله

مال العروبه ياعرب فيها الذحل
تتفرجوا ما احد يحمل كاهله

قران لو انزل على اقسى جبل
تلقى صخوره دمعها متسايله

القلـب يحرق نار يتجرع علل
مال القلوب بالدين صارت قاحله

قل للسويد واللي معاها من دول
ما اسمح من القران تحرق فاصله

وان الجزاء ياتي على جنس العمل
ماهي كرة باتنتهي متعادله

قال اليماني لا قد المعــول نصل
فما يدينا للرمايه عاطلة

لونجحت المونه نقاتل بالصمل
لعبت بالنيران يا ابن السافلة

عاد المصيفن يوم تطلع من جفل
تقتل بطـعنهہ‌‏ ما تعيد محاوله

نهب لهم اذا حلق سيرك طل
حلاقة تقطع يالرقاب الناصله

يارب ما استشهد ولا ياتي الاجل
وعاد السويد لكتابنا متطاوله

بدي اعبي الخشم ذبلات الفتل
والشع ابوه وانا احتسبها نافله

اذا انتقمت يارب بشهادة بطل
وقدشفت المسيرة للسويدي شاعله

باس اليمن ان جاك يالملعون ذل
والايام بين الناس هي متداوله

ابو سندس العلافي