#المشرده
ل فلة علي

-4-
مالك ي عزو مع البت!


دي كانت دنيا ...




)دنيا من اكبر بياعات الشاي بتشتغل في منطقة توتي في اطراف ضفاف النيل...عمرها في الثلاثينات كده ...والسمعه نقط نقط )


عزو :وييين ي حب ! ليكي كم يوم محاربانا !؟

دنيا : انا حاربتكم ولة انتو !؟ بضاعتنا بقت م نافعه ولة شنو !؟



)اكيد عرفتو البضاعه شنو !؟ طبعآ البضاعه عبارة عن عرقي و حشيش عافاكم الله )


عزو : مشغووول ي قلب
والشغل متشعلق لي ف راسي
وزي م انتي شايفه الشباب ديل عايزين انضباط ...
بالذأت البنات...وقام حمر لي نون ....


دنيا : بي مناسبة البنات انا جأياك ف موضوع


عزو :خير ي قمر ...اتفضلي



دنيا : عايزه لي مزتين يشتغلو معاي...وعاينت لي آمال و نون ...وقالت : وشكلي لقيت طلبي...




عزو عاين لي نون وآمال ..الفكرة م عجبتو لانو الاتنين ديل احلي بنات عندو...بالذأت نون...



بس ي قمر انتي عارفه اني محتاجهم ...


دنيا مدت بوذها لزوم زعلت وكده : خلاث م حنك ...انسي اني طلبته .الطلب دأ منك ..


عزو : خلاص خلاص انتي تأمري...
نون : دقيقه دقيقه ..انت بتبيع فينا !؟

عزو : هوي ها ! انتي تسكتي خالص..م عايز اسمع منك ولا كلمه ..عشان كده م تكتري حروف وهوس!



نون : لا م بسكت وم ماشه لا مع دنيا ولا آخرة ....
آمال مسكتها من يدها عشان تسكت بس نون ابت : لالا ي آمال ..انا تاني م بسكت نهائي علي حقنا لا لي عزو ولا لأي زول !






عزو غضب منها وعيونو حمرو ونزل ضرب في نون ...

آمال ودنيا حاولو يحجزوهو بس بدون فايده ...

نون نزفت كتير من انفها ...وكانت بتبكي...


في اللحظه دي نورس جأ ...( نورس ....

20سنه ...
واحد من المشردين التحت رحمة عزو ....

بس كان بكره عزو شديد...
نورس مغرم بي نون حد الجنون وما برضي فيها نهائي...
وسبب انها تكون نقيه وطأهرة لي هسع بيرجع لي نورس...

لانو كان بحميها بي روحو.)



نورس هجم علي عزو وفك منو نون ..ونزل فيهو ضرب...نورس كان شهم بالجد...بالرغم من قوة عزو الا انو نورس قدر يتغلب عليهو ...



ف النهايه عزو لز نورس بعيد ومشي من المحل ..دنيا لحقتو ...


نورس مشي لي نون الكانت راقده في كرعين آمال ...: نون ! انتي كويسه !

ارح أوديك المستشفي ..الله يسخطو الراجل الماعندو قلب دأ¡

م معقول يتقاوي علي النسوان ¡



آمال: عزو عايز يدفعنا لي دنيا نشتغل معاها ف الشاي


نورس : لالا نهائي ..دنيا بتغطس حجركم لانها شغاله مع رجأل.
آمال عضت علي شفايفها وقالت : انا م مشكله بس نون المشكله..بت عفيفه وانا خايفه عليها ..



نورس : عشان كده دنيا الشغل معاها م كويس..



آمال : بس ي نورس انا شايفه احسن نمشو معاها ...الاوضاع هنا م تمام ...


نورس : كلامك صح ...بالذأت سومه ..انا خايف عليها ..البت جسمها ضعيف..
هنا نون بكت بحرقه..وآمال كمان..


نورس : مالكم !

ف شنوو!



وصحي سومه ووين!




آمال : سومه ماتت الليله الصباح ي نورس !




نورس خته يدينو في راسو واتشهود...




في اللحظه دي سمعو ليهم كواريك !


ي ربي دي كواريك شنو !؟



والحصل شنو !؟


وهل نون حتمشي مع دنيا !؟


م معروف.....

#يتبع

#المشرده
ل فله علي

-7-
آمال جأت جأريه وهي غضبانه: شوفتك شوفتك..
وما كانت قادرة تاخد نفسها ونص الأكل الشايلاهو اتدفق في الأرض.!


نون : ي بت قولي بسم الله ! شوفتي شنو !

آمال ': د.خالد ادأك قروش رفضتي تشيليها ليشنو !!!!!!

نون : م حأقبل اي قروش منو


آمال : انتي كنتي تشيليها لي ياخ!
كان اشتريت لي حاجه!

نون : كرامتي اهم من الحاجه الحتشتريها..


آمال طبعآ اتحرقت منها عشان كده قالت: شوفتي كرامتك دي انتي فقديها من يوم اهلك جدعوك وما سألو عنك لي هسع..


نون م حست بي نفسها اﻷ وهي بتدي آمال كف : اوعه تجيبي سيرة اهلي بالسوء..ما حأسكت ليك نهائي.

آمال اتفأجأت وبالرغم من تصرف نون معاها الا انها سكتت..
لانها عرفت انو هي ضربت نون في وتر حساس..

نهاية اليوم رجعو لي وكرهم ..نون م اتكلمت مع آمال ولا اكلت ولا شي!

آمال م سألتها نهائي..كانت عايزها تبرد شويه..

وقت وصلو كان في امجأد واقفه ...وشافو دنيا م عزو ..ومما شافوهم قعدو يتوسوسو ..بس امال ونون م اشتغلو بالموضوع.


عزو نادهام ومشو ليهو : تعالو جيبو الايراد يلا!

آمال ادتو الايراد وقالت :نص نون ونص انا


عزو غضب وقال : نعم نعم نعم!
القروش دي حبه ي بت..م تكضبي انتي اكلتي نصها .

أمال : م اكلتها ولا حاجه!
عزو نزل ضرب في آمال بس دنيا مسكتو وهدآتو ...

عزو : يلا جهزن نفسكن حتمشو مع دنيا ..نتلاقي نهاية كل اسبوع عشان تسلموني القروش


عزو كرهم العافيه حياتو كلها قروش قروش قروش

عجب!





نون وآمال طلعو ..وركبو الامجأد بعد ما ودعو اخوانهم المتسولين


نون زعلانه من امال عشان كده ابت تتكلم معاها حتي وهي في العربيه...

في اثناء لحظه الصمت سمعو كلهم صوت بطن نون بتكورك..!


من الجوع!

قامت امال ضحكت.. ونون وراها طوالي...قالت ليها : م عندك حاجه دأساها!؟


آمال طلعت ليها نص عيشه محشيه فلافل زي الحجأر لانها معموله من الصباح...
نون : أكلت بنهم لانها كانت جعانه شديد...

امال فرحت لانو نون بقت م زعلانه منها...



آمال ونون قايلين انهم بأبتعادهم من عزو معناها انهم خلاص حيرتاحو ...

بس كانو مخطئين..لانهم كانو ماشين علي الجحيم بحد زأتو ...



ودنيا الشيطأن الاكبر ..

#يتبع

#المشرده
ل فله علي

-8-
العربيه وقفت قدأم عماره كده...

من شكلها انهاعماره مشبوهة ...

نزلو من الأمجأد ودنيا نهرتهم :يلا انتو خشو جوه وهسع بجيكم.

آمال مسكت نون ودخلو ..آمال عارفه انو دنيا وسواق الأمجأد بيناتهم موضوع م تمام ..

عشان كده دنيا قالت ليهم يدخلو جوه..


وهم واقفات كان اي زول بيجي يدخل بتكون معاهو بت...

نون حست بأنها حتستفرق وقالت : نحن الجابنا هنا شنو ي امولتي!؟
ما احسن لينا المبيت ف الشارع بدل ما نشوف الخلق دي!

آمال م ردت ..بس غمضت عينها وقالت في نفسها : خوفي عليك ي نونتي..خوفي انو يأذوك ويغيرو طيبتك دي!

نورس هنا مافي عشان يحميك...وانا محلو م عارفه وين..

لكن وعد بيني وبين نفسي ..
بحميك بي دمي ي نون!



آمال بت طيبه خلاص...بس ي ربي لي متين حتحمي نون!؟




بعد شويه دنيا جأت وكانت بتصلح في هدومها..كلام آمال صح والله...

دنيا عرفت انو آمال شكت فيها عشان كده حمرت ليها ...وقالت : يلا ارح قدأمي...

العمارة فيها تلاته طوابق...هم كانو في التالت...

في التاني طلع واحد عشريني كده لابس كيف كيف ..شايل كيس وساخه...وشكلو سكران ...

قال بصوت جهور : وين ي دنيا !

انا حاجز الصغيرة سامعه !!!؟

دنيا قالت ليهو بتأفف : ي عبدو اختاني الساعه دي براي مصدعه!


ضحك ضحكه عاليه وقال : طيب نتفاهم ي حلو بعدين ...
وقرب منها وهي قفلت وشها من الريحه قال ليها : بعد الصدأع يروح ي حلو



دنيا : ارح ي بنات..

آمال مسكت يد نون وحست بيها باااارده...

نون متجمده من الخوف

آمال عصرت ليها يدها ..نون وقت عاينت ليها آمال ابتسمت وغمضت عيونها و فتحتهم لزوم : اصبري اصبري الله معانا ..

نون اطمنت وابتسمت ...

نامو بدون عشاء طبعآ..

الصباح دنيا صحتهم بصوت عالي : يلا قومو كفايه نوم ورانا شغل نحن...


نون وآمال صحو مخلوعين...


دنيا دي ملابس ..كل واحده تخش تستحمي وتطلع وسخ السنين الفي جسمها ..اصلو ريحتكم حتطرد لي الزبائن..


بعد استحمو ﻵمال سرحت لي نون شعرها ...
بقت حلااااته...وكلها براءه...دنيا وقت شافتها لمن ابتسمت...

اصلو شعرها طويل ..آمال سرحتها وطلعت ليها خصلات بالجمبه...



دنيا :يلا شيلو الملابس دي..

نون وقت شافت الهدوم اتفأجأت




ي ربي عاملات كيف !؟

#يتبع

#المشرده
ل فله علي

-9-
نون: انا نون دي ! يستحيل تلبس الوسخ دأ!


دنيا اتغاظت منها وهاجت : الليله كمان ما تلبسي الا انتي ي وسخه! كمان وقت لقيتي ادوك هدوم نضيفه زي الناس!


نون والدموع ماليات عيونها : دي م بلبسوها الا البنات الما كويسات !


دنيا : ههههههههههه والله البت دي ظريفه ...انا حبيتها .

اها ي الشريفه المربيه الكويسه..اها ي بت العيلات الهاي كلاس...اها ي بت الجأمعه...
هههههههههه

يلا البسو سريع م تأخرونا !




نون لبست الملابس وكانت فعلآ م كويسات...ضيقه شديد و بتبرز الجسم !



آمال اضايقت شديد ...همها انو نون تكون مستورة عشان كده اتكلمت مع دنيا بأنو تديها طرحه
بس دنيا ردت ليها: هوي نحن م ماشات الحج سامعه! عشان كده م تكتري حروف واتحركو..


وقت طلعو لاقو الراجل الامس دأك...: بركه الركنته ليك هنا ي خاينه..كمان عايزه تطلعي ومعاك المزز ديل !

عبدو كان بعاين لي نون بأعجأب !..

نون مشت ورا آمال وخافت منو ..


دنيا : اصبحنا واصبح الملك لله ...خير ي عبدو ؟ليشنو خارب لي يومي من الصباح كده ؟
اصلو وقت الاقيك يومي بكون م تمام


عبدو : كده يعني! طيب ي حلو بعدين تجيني نتكلم ف موضوع الايجأر...تلاته شهور م دفعتي ..

دنيا اتوترت وقالت : ي ي ي عبدو انا وريتك ظرفي ...اصبر علي شويه بس
الشغل واقف الايام دي بس زي م شايف ..(لفتت علي آمال ونون) انا بحاول احسن الوضع..



عبدو ابتسم ودخل غرفتو ..


دنيا اتنفست الصعدأء وقالت بنهره : يلا ارح قدأمي وشكم الشوم دأ! من جبيل قلت ليكن اطلعن اتأخرتو لما دأ لاقانا ..


طلعو برة وكان واقف بتاع الامجأد..

ركبو والعربيه اتحركت ...بتاع الامجأد م رفع عينو من آمال ...آمال كانت متوسطه الجمال ...طويله كده و لونها قمحي...
يعني م فيها كلام بس جمالها دساهو التشرد ...


دنيا اتغبنت وقالت : ي آدم لو م ختيت عينك قدأمك انا حأختهم ليك بي طريقتي !...



آدم ضحك وانتبه للطريق...

وصلو مقصدهم ...دنيا عندها مظله واسعه بالقش معموله ..ومفتحه بالجمبات ...طأبعها حلو و ملفته للزوار ...


دنيا : ارح نجيب الكراسي...

في مغلق قريب منها كانت بتودي الكراسي هناك ..سلمت علي سيد المغلق...وقت شاف البنات قال ليها : الليله انا حأكمل ليك الشاي كلو ...


غايتو بس الله يكون في عون آمال ونون...



نون قشت المظله ورشتها مويه و آمال رصت الكراسي..قريب لي 30 كرسي . وجهزت الطرابيز ..



المحل كان قريب من شارع النيل ..تحت الكبري ...مطل علي النيل ...

مكان يسر الناظرين....



الزبائن بدو يجو وكانو متكيفين من الوشوش الجديده ...


نون اضايقت من المشاغلات والنظرات البقت تخترق جسمها زي السهام..بس تعمل شنو !
كل م تصر وشها ولا تتلائم مع زبون دنيا بتهيج فيها ...




الله يصبرك بس....



اليوم عده ...زي حوالي الساعه 10 مساء كده بدو يجو ناس الطبقه الراقيه...عربات ساااي..

برادو ...اكسنت ...فور اكس فور....فووورد ...

غايتو ناس عايشه وناس دأيشه....




دنيا نادت نون انها تودي الشاي لي طربيزه كلها شباب كده...


شالت الصينيه ومشت ختتها ...كلهم كانو بعاينو ليها باعجأب ...

ختتها ولفت عشان تمش بس في واحد مسك يدها ....


نون التفتت وقلعت عيونها...


تفتكرو شافت منو !؟



#يتبع

#المتشرده
ل فله علي


-10-
نون اتفاجأت بالشافتو ...شافت الود اللاقتو يوم الاسماء اتوفت...واترجتو يوصلهم المستشفي بس اتحاقر معاها ...



نون : هو دأ انت !!!!!!!




الشاب : عمر ي غاليه عمر

نون : عمر ولا وهم فك لي يدي !



عمر : كن ابيت....يا دنيا ..لفي لي الكنافه دي حأسوقها معاي..


نون ضربتو كف ثلاثي الابعاد ..وسط زهول عمر و اصحابو و باقي الزبائن...نون هاجت فيهو : احترم وضعك ومركزك واتكلم معاي زي الناس!


دنيا جات من هناك جأريه : ي بت انتي عملتي شنو !!!



نون : انتي بالذأت م تتكلمي ..كلو منك


دنيا : تعالي معاي عايزأك

عمر غضب وقال : دي شنو المهزله دي ي دنيا !



دنيا ؛: اسفه اسفه بعتذر بالنيابه منها

عمر : خههههههه انتئ طيبه كيف! يا هانم معليش م بتأكل عيش..

دنيا : انت بس أأمر و كل شي تحت امرك و المفعوصه دي حتنزل ليك تحت رجلك وتبوسها ..


نون اتغاجأت وقالت بغضب : شوفتي لو طلعتي روحي انا ما بزل نفسي وابوس رجلو ...
ولو علي الكف ..كل ما تعمل كده لي او لي اي بت حتلقي يدي في وشك ي زفت !


في اللحظه دي صحبانو بدو يضحكو لزوم صاحبهم اتهان وكده..بالرغم من انو غني و وسيم ..


عمر غضب وقال كلمه واحده: حتندمي ...وبوعدك انك حتبكي دم!



شال مفتاح عربيتو ومشي...

نون حست برعشه في جسمها ..رعشة خوف!


بالرغم من انها م سكتت علي الاهانه بس حست بي انها غلطت...

ودأ كلو من التهديد الهددو ليها عمر....نون اتمنت لو نورس يكون معاها عشان يحميها ...

صح هي قويه وم بتخاف! بس برضو هي بت! ..


رجعو الشقه و دنيا خشمها م وقف من الشكل ...نون م جأيبه ليها خبر ..كانت خايفه من تهديد عمر..

آمال : نونتي ...م تخافي لاعمر لا غيرو حيبكيك دم ...انا معاك ي قلبي انتي

نون بكت وقالت : هسع لو كنا مع اهلنا كان في زول استرجي مد يدو علينا !؟

آمال : م معروف ي نون ....يلا امشي غسلي وشك





الصباح كالعاده مشو علي الشغل ...الزبائن بقو م بشاغلو نون بالذأت ...لانها كانت صاره وشها ...

دنيا تحمر ليها كل ثانيه و ترسل ليها آمال : امشي قولي ليها تعدل مزأج وشها قبل م اجي اعدلو ليها...


غايتو دنيا دي ظريفه..زرافه الطنتحها ..



المساء بي نفس مواعيد امس عمر جأ وشلتو معاهو...قعدو في نفس الطربيزه...عمر كان بحمر لي نون وما شال عيونو منها نهائي...


قال لي دنيا عايز مشروب كاكاو ..وكان عارف انو الكاكاو ما تخصص دنيا ...

عشان كده دنيا شالت قروش وادت نون تجيبو من السوبر ماركت ...



ودأ الزيت بالنسبه لي عمر ...



نون مشت السوبر ماركت اصلو كان قريب من المحل ...


عمر قام لحقها ...آمال متابعه الموقف طوالي خلت الشي البتعمل فيهو وكانت عايزه تلحقهم دنيا زأتها متابعه الوقف بس فرحت لانو نون م بتسمع كلامها ..كانت عايزاها تتأدب..


دنيا : ماشه وين ي آمال !!!!؟


آمال : ماشه اجيب لي حاجه من السوبر ماركت...


دنيا: خليها لمن نون تجي....



آمال خافت علي نون بس دنيا م خلتها تمشي ..

في السوبر ماركت نون كانت حايمه بين الرفوف بتفتش الشي الدأيراهو ...


اتفاجأت لمن شافت عمر قدأمها ...

عمر : قايلاني م بلقاك هنا!؟


انتي دقستي لمن غلطتي معاي .حأبقي ليك كابوس بس...مسك يدها بقوة وقال : مكانك المناسب تحت كرعيني ...دأ مستواك!



نون كانت خايفه بس في وقفتها دي في حد جأ واكن آخر زول تتوقع حضورو ...




عرفتوهو!؟

#يتبع

#المشرده
ل فله علي


-11-
نون : دا انت !




خالد ما قال نون قال اسم تاني : عمر !

نون اتفاجأت لما عرفت انو د.خالد بيعرف عمر ...

خالد : خير مالك مع البت !؟

عمر اتربك وقال : ددي شغ شغاله مع دنيا وسرقت محفظتي .. لحقتها هنا وقلعتها منها
نون م عرفت تقول شنو اتهموها بالسرقه ! عشان كده قالت ليه : لالالالا نهائي م سرقته انا ! اهلي م علموني كده " !


عمر : ههههه اهلك ي مشرده ! حرام عليك ياخ !

نون دموعها نزلو فعلآ هي مشرده ! بس مافي دأعي للأهانه


نون : انا م سرقتك ..انت اللحقتني هنا لانو تفكيرك كان ما نضيف وكنت ناوي علي الشر !
عمر : انتي واحده شرشوحه و م مؤدبه !

نون قشطت عمر كف في وشو و وقفت بكاء : اسمع هنا ..البتتكلم معاها انت بالاسلوب دأ انت م بتعرفها هي منو ! ولا اهلها منو !

ليشنو بتشيل ذنب و بتهين ف الناس!

انا فعلآ مشرده وبت شوارع بس بتحدأك انو الشارع رباني احسن من تربيتك ..
هنا خالد غضب منها وقال : احترمي نفسك لو سمحتي وم تهيني الاهل !


نون : بس انت ما شايفو بقول شنو !

خالد : شايفو ااي بس انتي منو لغاية تتكلمي معاهو بالأسلوب دأ ! انتي م عندك حق تتكلمي ...


شكلك محتاله ...مرة مشرده ...ومرة ست شاي !

الله يستر المرة الجأيه م الاقيك في بيت دعاره..


نون الدنيا ضاقت بيها و م عرفت تدخل وين !

حست بأنو الناس كلهم ظألمين ..


حاجه غريبه حست بيها ...
غصه في حلقها حلفت كن تتبلع ..


نون م اتكلمت ...بس شالت الكاكاو و مشت دفعت الحساب و طلعت من المحل ...



وهي ماشه مسحت دموعها وقالت : اصلو م تكوني ضعيفه ي نون ...
اوعاك تكوني ضعيغه ..


بس كلمات خالد كانو زي السكين ..

بس وعدت نفسها انها حتخليهو يندم ويبكي دم !
#يتبع

#المشرده
ل فله علي

-12-
بالليل بعد وصلو الشقه نون حكت لي آمال بالحصل ..آمال استغربت من تصرف خالد مع نون ...لانو خالد زول طيب خلاص!


نامو ..بس نون كانت صاحيه ...بعد كلام الليله دأ نون حلفت انو تغير من نفسها عشان تاني مافي زول يهين مشرد ..

الصباح مشو محل الشغل ..اليوم مر عادي وكان هادئ...كان يوم خميس ..وتاني يوم مفروض يودو القروش لي عزو..دنيا قالت هي الحتودي القروش لي عزو ..بس آمال اصرت انو هم يمشو عشان هي اشتاقت لي ناسها الهناك..

المساء في عربيه جأت وقفت ..نزل منها خالد !


دنيا : الدكاترة البياعين ! الليله الجأبكم شنو !

خالد : مصدع وعايز لي كبايه جبنه..


دنيا : سلامتك والالم يزول ...


جهزت الجبنه ونادت نون توديها بس نون ابت تمش ...خالد كان مراغب للوضع و م كان مستغرب من تصرفها دأ..

آمال قالت ليها تمشي تودي الجبنه عشان ما تبين ليهو انها خجلانه من شغلها وانو كلامو اثر معاها ..

نون رصخت للموضوع ومشت ودت الجبنه..

خالد : تسلمي

نون م ردت وولا عاينت لء اتجأهو ..
لفتت عشان تمشي بس وقفها

خالد : لحظه بس عايز اتكلم معاك

نون : م عندي حاجه اقولا ليك وم عندي وقت اسمعك .
خالد ..: بكرة ممكت نتقابل في موضوع خطير لازم تعرفيهو
كلام خالد حيرها ..: موضو ع شنو
!؟



خالد : انتي بس وافقي نتقابل وانا بفهمك ..



نون: طيب




بالليل م نامت ..طول الوقت بتفكر في كلام خالد وافتكرت انو خالد لقي اهلها خلاص...


الصباح طلعت مع آمال عشان يمشو لي عزو يدوهو القروش وهي تمشي تشوف خالد في المكان الاتفقو عليه..
كانو لابسين عبايات سود شالوهم من ملابس دنيا القدأم..
بس ف الطريق لاقو ليهم مرة وكانت بتمشي و بتترتع ..

نون افتكرتها سكرانه ..بس وقت المرة وقعت عرفت انها مريضه ساي..

بيتها كان قريب..وصلوها البيت وشكرتهم ...

نون : نحن هسع عندنا مشوار بعدين حنمر عليك نشوف خبرك كيف..
المرة : ي بتي عندي طلب صغير
نون : اتفضلي ي خاله

المرة : انا بشتغل في بيت هنا في الجريف ..

و الليله الصباح حاولته اتصل عليهم التلفون مقفول..
والليله عندهم عزومه..ولو ورطهم حأنطرد من الشغل ..



نون : كيف نساعدوك نحن ..


الخاله : اديك العنوان وانتي تمشي تعتذري ليهم بالنيابه عني

آمال قرصت نون عشان م تقبل بس نون م قدرت..لانو المرة حالتها صعبه وكانت عايزه تساعدها ..


نون : المسافه م بعيده ي آمال نمشو ونجو كلها تلت ساعه كده..


الخاله : تسلمي ي بت وربنا يجمعك بالغالي ود الحلال

دعوة الخاله حلوة بس نون نهائي م عشمت فيها ..
شالو العنوان وبدو رحلة البحث عن اسرة انور الكتيابي...


بعد جرجرة في المواصلات وصلو ونون شايله الوصف في راسها وبتفتش

آمال : بما انهم مشهورين ارح نسأل بس اي زول ..

شافو ليهم بقاله مشو عليها : السلام عليكم
البقال : وعليكم السلام والرحمه والبركه
آمال: هنا في واحد ساكن اسمو انور الكتيابي!؟



البقال : ابشرن ...البيت قربب من هنا ...نادأ ولد صغير كده وقال ليه وصل الاستاذأت بيت ناس كنترول


آمال ابتسمت وفرحت وهمست لي نون : قال استاذأت !!عبايات دنيا عاملات شغل عجيب!


نون : هههه اي



الولد وصلهم بيت ناس كنترول ..دقو الباب وفي بت امورة جأت فتحت..
نون : السلام عليكم

البت : وعليكم الثلام

آمال : وحلاتي ي ناشي البتتكلم بالثاء"

في مرة جأت شكلها امها مرة شرانيه ظأهر عليها : ي مرحب اتفضلو ..

نون كانت م عايز تخش بس امال طوالي حشرت كراعها جوه البيت .كانت عايزه تشوف البيت السمح دأ ...بيت طأبقين و مضروب بوامستك جديد كبدي بي ابيض يخطف الابصار ويطرش الاضان ..



خشو البيت وكان كان موؤبالغه من جوه...


ضيفوهم عصير غرائبي عجأئبي عمرهم ما شربو زيو وعمرهم م حيشربو زيو


المرة قعدت معاهم وجأت بتها العمرها 7 سنه تقريبآ رقدت فئ كرعينها وكانت خجلانه بتعاين ليهم ..

نون ::نحن ف الحقيقه جينا من طرف خالتي حسينه...

المرة : خير مالها م جأت!

نون : والله ضغطها ارتفع وجأها اغماء ..بس حلفتنا نجو نوريكم عشان م تتورطو مع ضيوفكم . .
المرة شكرتهم ..وهم استأذنو منها ...



وهم طالعين قامت نادتهم ....


تفتكرو عايزه شنو !؟

#يتبع

#المشرده
ل فله علي

-13-
ي بنات انتو بتعرفو تطبخو !؟


نون عاينت لئ آمال وآمال عاينت ليها والاتنين قالو :اااي



المرة : طيب تعالن...

مشو عليها وقالت ليهم : اسمي هناء ..والليله عندنا عزومه لي ناس مهمين ..عايزأكم تساعدوني

نون وآمال : ما عندك اي مشكله..


دخلتهم المطبخ واتخلعو خلعه عجيبه لمن شافو المطبخ !

ياخ شنو الما فيهو !؟

مسرمك ونضيييف ! آمال لمن ريلت لما شافتو

نون : امسحي الرياله دي وم تفضحينا يقولو نحن خمجأنات...

آمال : انتي م شايفه ي جن "!
نون : شايفه بي اعمل شنو غير اعاين واسكت



مع انو خبرتهم في الطبيخ قليله بس كمان بعرفو لحاجأت الاكل كويس..واكتر حاجه نفعتهم قعدتهم مع دنيا خلتهم يتعلمو حاجأت كتار ..


هناء اتكيفت منهم ...وهي طالعه من المطبخ سمعو صوت واحد بقول : ي سلاأاااام " الليله خالتي حسينه خطفت الانوف والعقول ...وطوالي توووشك دخل المطبخ وهو بقول : الليله القارض هجم ي حسونتي ..


كلهم اتفاجأو لما شافو بعض !

لانه الواحد دأ كان خالد !



خالد اتفاجأ واتخلع ...

بس م قال حاجه غير كلمة السلام عليكم ..


بي وراهو طوالي وقبال ما يردو السلام تاني واحد جأ جأري وهو بقول : حسونتي قلبي الكنترول هجججم !لملمي مواعينك حأنتهي منو ...


نون اتفأجأت بي شوفتو لانو ما كان الا عمر !



الحكايه وضحت للكل ...



نون م قدرت تتكلم ...عمر نطط عويناتو وكان عايز يقول حاجه بس خالد مسك ليهو يدو
عشان كده سكت..

هناء :حسينه عيانه والبنات ديل جأراتها جو يساعدونا عشان العزومه...

خالد ساق عمر وطلعو من الغرفه ..


بعد اليوم خلصو الطبيخ هناء طلبت منهم يساعدوها في التقديم وكده .المهم خلصو معاها اليوم وطلعو قريب للمغرب..


وهم في الطريق مافي واحده اتكلمت مع اختها ..صمت رهيب قطعو صوت العربيه الوراهم...زحو ليها من الطريق بس هي وقفت قدأمهم ..

القزاز نزل و كان خالد : اركبو اوصلكم

نون ولا لفتت عليه

خالد : اركبو قلت ليكم عايز اقول حاجه مهمه...


بي الله وجلاله نون وآمال ركبو معاهو ...

خالد بعد مسافه من الصمت بدأ يحكي : عمر بكون ود عمي ..امو وابوهو ميتين ...يعني يتيم...


قبل 18 سنه كده عمر كان عمرو 5 سنه وكنا في رحله في النيل ..عيلتنا كلها كانت في يخت العيله...

عمر كان هو واختو سبا العمرها
7شهور وامهم وابوهم ..


المهم ...كان عاملين هيصه وكده ...سبا كانت عيانه ...عشان كده م كانت عايزه جوطه ...فااقعدت بعيد من الناس...

عمر مشي عليها لانو كان متعلق بيها شديد..

كانو قاعدين جمب الحافه المكان م خطير بالذأت للشفع لانو عالي..

ما عارف في زول نادأها لي خالتو ندي ...جرت تشوف الحاصل ..بس لمن رجعت لقت سبا مافئ ...فتشنا اليخت كله م لقيناها ...حتي البحر فتشوهو القواصين م لقوها ...

المشكله انو اصابع الاتهام اشيرت لي عمر ...الناس بقت ترميهو بالكلام من لمن كان طفل ...والشي البحرق انو امو جنت و بعد خمسه ولا سبعه سنه كده انتحرت ...هو ما انتحار بس اظن كانت بتفتش لي بتها ...
وبالسبب دأ عمر راسو بقي كيف كيف...ابوهو عشان عمر م يحس كان بدلعو دلع شديد ...


هسع ابوهو مات قبل سنه تقريبآ ..بس خلا وراهو طأغيه اسمها الكنترول..


#يتبع

#المشرده
ل فله علي


-14-
......نون : عمر مسكين..
بس انت م فسرته لي ليشنو اتهمتوني بالسرقه !!!!!!!؟وكمان صدقته عمر !

خالد : انتي كمان فاجأتيني لما شوفتك في بيتنا وكمان متحكرة ف المطبخ !!
مفترض يكون عندي خبر وما اتفاجأ كده ياخ !


نون : وحات ربي م كنت عارفه انو هناء امك وانو دأ بيتكم ! دي صدفه عجيبه الله يستر منها ..
خالد سرح مسافه وقال : اي ..الله يستر منها ..
المهم ...

انا م عايز عمر يأذيك ..عمر اسمو كنترول ..يعني المتحكم بكل حاجه ..

نون : دي مشكلتو هو م مشكلتي انا!

خالد ضحك لمن اتشرق وقال : انتي بت طيبه خلاص...
لانك م بتعرفي عمر ..
نون : برضو ي دكتور ..هو ما سيد الكون عشان يقعد يتحكم في اي زول

انسي الفكرة ..انت كنت عايز تقول لي شنو جبيل !؟


خالد : ياهو موضوع عمر و الحركه بتاعت السوبر ماركت دي ..


نون مسكتها خيبة أمل ..وقالت : لالا خير م مشكله.


وصفو ليهو مكان بيت دنيا و وصلهم هناك ...
لما وصلو طلبو منه يوقف العربيه بعيد من العماره ..خوفآ من انو يشوف الاشكال الداخله والطالعه و يشك في انو مشيهم بطال ..

نون : شكرآ ليك عذبناك معانا
خالد : العفو ي أستاذه..
نون ضحكت ضحكه سخريه مصبوغه بالألم ".: استاذه !!!

خالد ابتسم ابتسامه ثقه وقأل :مالا بعيده !!!؟

نون : م بعيده بس تحصل كيف !

خالد : انتي مالك ومالها تحصل كيف !؟ خليك واثقه في رب السما بس ما حتضيعي ابدآ

آمال : يلا ي نون اتأخرنا !


نون : تصبح ع خير دكتور
خالد :وانتي من اهل الخير


آمال وهم داخلين كانت بتتبسم زي نار القصب :شكلو في زول بحب ..
نون ضحكت وقربت تقع وقالت : اااي ..هههههه مجنونه كيف!

وقت دخلو عزو كان قااااعد ...: كنتو وين ي بنات الكلب !

نون: هوووي احترم نفسك وما تسئ الاهل !

عزو غضب منها وقال: انتي الشكلك عايزه تتربي من اول وجديد ..جراها من شعرها ونزل فيها ضرب!
دنيا كانت بتمضغ في لبانتها و ولا فكرت تتدخل ..

آمال حاولت تحجزها منه بس م قدرت ..

نون كانت حتموت في يدو بس ولا كان بهمو الموضوع ف حاجه


آمال كانت بتبكي وهي بتحاول تفك نون منو..ف النهايه دنيا قالت : كفايه ي عزو دي اتربت احسن من تربية الناس المربيين...

ثم تانيآ دي الوجه المربح لي لو اتشوهت القي زبائن وين !

بي كلام دنيا دأ عزو اقتنع و فك نون في حالها ..آمال ساقتها ودخلتها الحمام ..وشها كلو دم! وكانت زي الحا يوغمي عليها .

آمال :لازم يودوك المستشفي !

نون قالت بتعب : لالا كويسه اناا

آمال : انتي تعبانه ي قلبي انا

نون : امولتي انا كويسه م تخافي..








آمال : طيب رائيك شنو اتصل ع دكتور خالد !!؟

نون : لالالالا

خلاص اسكتي عامله لي كده زي شريف الفحيل

نون : هههههههه


آمال : اي اضحكي وأدي الدنيا دي شلوت


نون سرحت بعيد ...
نون بدت تحس بشعور حلووو

اكيد عرفتوه ....
#يتبع

#المشرده
ل فله علي

-15-
نون وآمال طلعو من الحمام ..لقو عزو مافي ..

المهم ..

اليوم انتهاء ..الصباح بدأ الروتين اليومي ..الليله السبت بما يعني انو حيكون في شغل ..
دنيا دخلت تستحمي عشان كده نون لقتها فرصه انو تمشي تسلم علي المره ديك ..
وقت وصلت الفتح ليها الباب بتها ..وقت عرفتها بيها اتضح انو دي بت حسينه ..متزوجه وساكنه ف امبده ..جأت تقعد معاها فترة مرضها دي..

نون : وهسع كيف ي خالتي حسينه "!

حسينه : و الله ي بتي صحتي لسع متدهورة و ما ظنيت اقدر اشتغل تاني ..

نون : اي احسن ليك تاخدي راحتك .

خصوصآ عمر داك شليق خلاص!

حسينه ضحكت وقالت : مسكين الولد والله ومظلوم

نون اتفاجأت بالكلمه : مظلوم!؟ مظلوم كيف !!؟

حسينه ارتبكت عشان كده قالت : الليله انتي اتأخرتي !
فعلآ نون اتأخرت علي دنيا عشان كده استأذنت وجري جري عشان م تتأخر .

مع دخلتها دنيا لقتها وشها : مشيتي وين !!!؟؟

نون : وديت الوساخه

دنيا عاينت لي محل الوساخه وم لقتها ..بالتالي عرفت انو هي صادقه..


دنيا : طيب ارح م نتأخرو



اليوم مره عادي ..والزبائن كتار و ما بتلحقو

المساء نون كانت مستنية جية خالد ..بس م جأ ..
وعمر م جأء كمان..


خﻷص قفلو و الامجأد جأتهم...

السواق كالعاده ..بعاين لي آمال ساااي...
وهي كمان شكلها حبتو ...

دنيا الكلام ماااعاجبها وقالت بغضب : اوووف! حتخت عينك قدأمك وله اختها ليك !!؟

نون اتبسمت و تاني صرت وشها لمن اتذكرت خالد
غضبت من نفسها شديد ..ليشنو هي حبتو وهو م من توبها !

ليشنو هي بتتطلع للأعلي !

اوف منك ي نون..


وصلو البيت كالعاده لاقاهم الغبي
الاسمو عبدو

ي دنيا تعالي عايزك ..قال الكلام دأ وكان بعاين لي نون..

آمال تقريبآ فهمت العايز يقولو ...مسكت نون قوي ودخلو جوه

بعد شويه دنيا جات...

دخلت جوه وشالت ليها ربطه كده في كيس ...ي نون هاك وديها لي عبدو ..

نون : انا !!!!

دنيا :ااي انتي كان منو

آمال : نون تعبانه انا بوديها

آمال : نون هي الحتمش قلت ليك ..هسع بتجي ما حتطول

آمال : خلاص حأمشي معاها

دنيا : لالا انا عايزأك ف موضوع ..
نون شالت الكيس وطلعت ..دنيا راغبتها لما دقت الباب..
ابتسمت وقامت قفلت باب الشقه
آمال : قفلتيو ليشنو !

دنيا : نون حتبيت برة..

............


نون : هاك دي من دنيا

عبدو شال الكيس وقال : تعالي لحظه

نون عاينت ليهو باستغراب وقالت :ليشنو !


عبدو : في امانه وديها لي دنيا



نون : جيبها لي جمب الباب طيب..

عبدو غضب وجراها من يدها وقفل الباب..كانت بتصرخ وبتنادي آمال ..بس عبدو قفل لي خشمها

آمال سمعت صوت نون وكانت عارفه وساخة عبدو ودنيا ...

اتذكرت العملوهو معاها ...



تفتكرو آمال حتتصرف كيف !
اتذكرو هي قالت حتحمي نون بروحها !
#يتبع

#المشرده
ل فله علي


-16-
آمال : افتحي الباب ي دنيا

دنيا : لا الباب م حيتفتح..عبدو متمني نون ولو م عملته كده قال حيطردنا..

آمال : البت دي كده حتضيع!

دنيا : انا وقت كنت ف عمرها حصل لي كده..
وانتي كمان ..دأ قدر كل واحده بعيده من ناس بيتهم..

آمال وهي بتبكي : بترجأك ي دنيا افتحي لي الباب نون دي انا حلفته احميها بي روحي!
دنيا : م عايزه جوطه وادخلي نومي!

آمال جأتها فكرة .قامت طوالي دخلت المطبخ وشالت سكينه ومشت علي غرفة دنيا


دنيا اتخلعت : ف شنو !!! ارمي السكين ي هبله!

آمال : وقسمآ عظمآ ..ورحمة امي الماشفتها ولا بعرفها ..لو م فتحتي الباب السكينه دي ومصارينك الليله حيتلاقو ويتونسو سوا
(هههههه عجيبه ي أموله)

دنيا : ط طيب ..ارح


فعلآ فتحت الباب .طوالي آمال قفلتها بالمفتاح ومشت علي شقة عبدو..


......في الشقه عبدو كان بحاول يتهجم علي نون بالرغم من مقاومتها بس م قدرت ليهو ..


نون كانت بتبكي وبتنادي آمال ..بي هناك آمال م قادرة تفتح الباب¡

نون عضتو باقصي قوة ليها قام ضربها كف فقدت الوعي علي اثره...



..........




خالد من ناحيه أخري كان ف المستشفي ...قلبو ماكلو وم قدر يقعد كلو كلو


م عارف مالو ..مضايق ونفسو كاتم...

رانيا لاحظت ليهو وجأت سألتو (رانيا الدكتورة ديك لو بتتذكروها ) :حبيبي مالك ف شنو !؟

خالد : مضايق بس وم عارف مالي...


رانيا : امشي البيت ارتاح والصباح رباح..


خالد : طيب..

قام وغير ملابسو وشال مفاتيحو ..بس نسي تلفونو ...
......

آمال اتصلت عليه اكترمن عشرمية مرة بس ماف جواب ....


حست انو في صمت رهيب ....



آمال اتأكدت ميه الميه انو الزمن فات عشان تنقذ نون...

بس ليشنو في صمت رهيب زي دأ!!

معقوله نون تكون استسلمت !!



........









خالد ف الطريق كان مصدع ..وم حس بي روحو الا وهو جمب محل دنيا...بس كان مقفول ...لانو اتأخر الليله...



كل ثانيه والتانيه صورة نون بتجيهو ...


خالد م عرف قصة البت دي معاهو ..




......آمال وهي متمحنه وبتبكي ......


في يد حنونه اتختت في راسها ...


رفعت راسها لقتو نورس !

آمال م حست بي روحها الا وهي بتحضنو ..


آمال : نون جوه ي نورس مع المجنون دأ..خايفه يكون عمل ليها حاجه لانو م سامعه ولا صراخها !
نورس طوالي كسر الباب ..ودخلو ...

مافي زول ف الصاله ...

مشو غرفة النوم ويال هول المفاجأه!!!!!!!!!!

#يتبع

#المشرده
ل فله علي

-17-
لقو عبدو مرمي ع الأرض وغرقان ف دمو ..!

آمال : نون ! الحصل شنو !



نون قالت وهي بترجف : ح ح حاول يعتدي علي !

ب ب بس لزيتو وراسو انضرب بالتربيزه! بس م م قصدي اموتو !


وقعدت تبكي زي الشفع الصغار !




آمال : م تبكي ي قلبي انتي

نورس كان مزهول وبس قال : الحيوان دأ لمسك !


نون : لالالا م سمحته ليهو


نورس : آمال انتي سوقي نون واطلعو برة انا بتصرف ..
امال : انت كمان تعال معانا !

نورس : امشو وانا بتصرف ...
امال ساقت نون وطلعو ...

وم عرفو وين يمشو ...امال اتذكرت بيت المرة الاسمها حسينه وطوالي مشو عليهو ..



حسينه وبتها رحبو بيهم كتير واتفهمو الوضع لانهم بعرفو دنيا وعمايلها ..


الصباح آمال اتوقعت الشرطه تجي تدأهمهم ..بس م حصل كده

بت حسينه عملت ليهم شاي وقعدو يتونسو ...

حسينه : والله ي بناتي انتو اولاد حلال ...
هنا آمال ضكت ف الكلمه دي ...نون قرصتها قامت سكتت..


حسينه واصلت : المره الاشتغلتو معاها ديك ..عجبها شغلكم عشان كده قررت انكم تشتغلو في مكاني ..لاني خلاص عجزته وم بقدر ..

نون وآمال وقتيآ وافقو م اترددو لانهم محتاجين لمكان يبيتو فيهو ...


حسينه ..: الليله لو عايزين فيكم تبدو..


آمال بعد الكلام دأ اتصلت علي آدم بي تلفون بت حسينه...: آلو

آدم : ي آمال قطعتي قلبي وين انتي!
آمال : قاعده ..
عبدو حصل ليهو شنو !

آدم : عبدو كويس م جأتو عوجه ...
آمال : حاول يعتدي علي نون !

آدم : دنيا حكت لي ...

عايني ..


آمال : نعم

آدم : انا بديت اجهز البيت ...



آمال : لالا تمام مبروك..وعقبال تختار عروسك.

آدم : انا اخترتها


آمال : امورك ظأبته ...


منو سعيدة الحظ !


آدم : عروسي اسمها ........








#يتبع

#المتشرده
ل فله علي


-18-
آدم : العروس اسمها مواهب ..بت خالتي طوالي

الكلمات دي نزلت علي آمال زي الصاقعه !


آمال اتربكت وم عرفت تقول شنو ..بس قالت ليه مبروك والدموع ماليات عيونها !


بعد قفلت الخط نون كانت بتعاين ليها ع اساس تقول ليها دأ منو ...


آمال ابتسمت ابتسامه حزن وقالت : ليه ي نون نحن بنحلم احلام اكبر مننا !
ليه ي نون نحن بنعاين وبنتأمل في ناس عمرهم م حيختارونا !


نون : ف شنو ي آمال !


آمال : ماف حاجه ...


اجهزي عشان نمشو ..


نون : انا م جبته معاي لبس !


هنا حسينه جأت شايله ليها كم لبسه من ملابس بتها القدأم بس كانت حالتهم كويسه ..

نون وآمال شكروها كتير ..

آمال قررت انها تعمل حاجه ..بس قبل م تعملها كانت عايزه تتطمن علي نون..
وبما انو نون حتمشي تشتغل في بيت د.خالد ..دأ بيعني انها حتكون مرتاحه وفي آمان..


وصلو البيت ..نون حست انو البيت م غريب عنها ( غايتو ي نون انتي مااك عارفه الكصل زمان )


المره ورتهم مكان حينومو ..كانت غرفه سمحه بالنسبه ليهم ...


نون اتكيفت شديد ..خصوصآ انو بت هناء بقت صحبتها الطفله خلود ...


.........




نورس عرف انو نون اشتغلت ف المكان دأ ..وانبسط ..لانو عرف انها حتكون بآمان ..

الصباح آمال لبست وباست وجهزت للمشي...




خلت لي نون سلسل كده صغيروني ...

آمال كانت مع نون من وقت عمرها زي كم شهر كده
اتذكرت الراجل الجا وسوس لي عبدو واداهو كيس اسود كده ..
عبدو شال البت ونادا امال انو.تجي تشيلا ..
و واصل وشوشتو مع الراجل ..
في الوقت داك لاحظت للسلسل ..
بصراحه هي سرقتو سرقه ..قالت تبيعو وتشتري عروسه
بس خافت عبدو يشيل منها القروش عشان كده دستو ..

..
.وآمال حفظت السلسل ليها من الزمن داك لانو عبدو لو لقاها كان حيبيع حنانها زاتو ...
آمال : ما عارفه حكاية السلسل دا شنو بس كل ما اقول عايذه ابيعو ما بقدر
وانا ما حألاقيك تاني حبيبتي انتي عشان كده احسن اخليهو معاك
العارف منو يمكن يغير حياتك السلسل دا !
آمال ختت السلسل في يد نون واتوكلت طلعت
كلمت هناء انها م عايذه الشغل ..وانو تخلي بالها علي نون ..
وطلعت وهي ما عارفه زاتو تمشي وين ..

......
نون وقت صحت لقت السلسله في ايدها ..كانت قايله امال ف الحمام عشان كده ما نادتها ...


نون م فتحت قلادة السلسله ..لانها كانت مستعجله عايزه تلحق الشغل ...


هناء قالت ليها انو آمال طلعت وانها م عايزه الشغل ...

نون بكت كتير لانو آمال م حتكون جمبها ..
بعد انتهت من شغلها رجعت بيت حسينه ع اساس انو تلقاها بس للاسف

آمال مشت !

......



بعد اسبوع كده نون بدت تتأقلم ...

عمر كان مافي وخالد بيجي احيانآ بس م قاعد يلاقيها نهائي..



عمر جأ البيت وشكلو كان عندو رحله علميه ...سلم ع مرة عمو و بتها ...



ولما عرف انها شغاله في بيتهم اتكيف ...

و بس بقي يخطط ينتقم من الحاقده دي كيف ويطردها من بيتو طرده الكلاب...


........





عمر سرق من هناء سلسل عشان يورط نون ...

وربك رب الخير طلع السلسل الشالو بشبه لحد كبير السلسل الختتو آمال لي نون.! بس حق نون قديم ...



عمر نفذ الخطه ...

والصباح هناء قفدت السلسال ...

وطوالي شكت في نون!

#يتبع

#المشرده
ل فله علي

-19-
هناء : يا نون ! ي بت !


نون جأت جأريه : نعم ي ست هناء !؟


هناء : عندي سلسل دهبي مفقود م شفتيهو !؟


نون اتذكرت طوالي السلسل الادتو ليها آمال ...نون حاولت انو تقنع نفسها انو آمال ما كان قصدها تورطها بالسرقه "

نون : لالا م شوفتو ..بس بفتشو ليك وان شاء الله حيتلقي ..


هناء : غيرك انتي مافي زول بينضف ...بتمني تلقيهو لانو غالي علي كتير ..
نون : م تشيلي هم ..


نون بدت تفتش عن السلسله بس م لقتها ..

في اثناء ماهي بتبحث عمر جأها : المشرده ..كيفك !؟

نون م ردت ولا عاينت ليهو والحركه غاظتو شديد !



عمر : م تردي اااي ..لكن ببقي ليك حار بعدين..
والسلسله م حتلقيها ..وبدل تمشي الشارع حتمشي السجن ..
نون عرفت انو دأ عمر الشال السلسل ..

نون : حتستفيد شنو انت هسع !

عمر : دأ انتقام بسيط للعملتيهو اليوم دأك..


نون : انت في والله في ..والله م بظلم زول .
عمر ابتسم وقال : لو عايزه تطلعي من العذأب دأ كلو ؛انتي عارفه تعملي شنو

نون فهمت تفكيرو الوسخ ...: شوقك والله ..بس انا م كده..يلا خم سفنجتك وفحط من هنا

عمر ضحك شديد وقال : حلوه خم سفنجتك دي ...يلا ي حلو نتلاقي ف السجن ..


عمر مشي وخلا نون محتارة م عارفه تعمل شنو

نون دعت دعوة ( اللهم اجعل كيدهم في نحورهم ) يلا دي كانت بتريحها شديد وبتحلها من مشاكل كتيرة ..

......







المساء بعد ختت العشاء في السفرة كان في هناء وابو خالد واختهم ..وعمر وحبوبتهم صفيه ..


هناء : بعد العشاء عايزأك ي نون كويس!؟


نون قلبها دقه وقالت : حاضر ..



نون بس ماسكه دعوتها دي ...وم فكتها نهائي ..


طوالي جأتها فكرة حتقدر تطلع نفسها من الورطه دي ..

هناء نادت نون ..لما جأت

كانو كلهم قاعدين ..

عمر يتبسم ساي وخالد شاغل نفسو بي تلفونو ..


هناء : اها لقيتيهو !؟


نون قالت بكل ثقه : اي لقيتو ..وبالرغم من انو هي م لقتو بس قالت انو لقتو

عمر قلع عيونو لانو عارف انو السلسل معاهو ...

فكيف نون تقول انو لقتو !؟

........


نون دخلت يدها في جيبها وطلعت حاجه خلت عمر يقوم من كرسيو..




#يتبع

#المتشرده
ل فله علي



-21-
خالد جأ جأري وشاف امو مخلوعه وهي بتأشر علي نون!


خالد كمان أتفاجأ لما شاف نون وصورة مرت عمو ندي..كان بيناتهم شبه عجيب!



.......



من وقت ندي ماتت وهي منتحرة ...راجلها علم الدين قام كبر الصورة وبروزها وعلقها في الغرفه ....


وقفلها وما كان في زول بدخل الغرفه غيرو ...


ومن وقت مات الغرفه م اتفتحت الا هسع...

عشان كده ملامح ندي اتمحت ...و بدت تتنسي ...


نون وقت اعجبت بي الصورة قامت قررت تبقي نفسها زيها ...


عشان كده فكت شعرها المجعد المريض وجأبتو بي قدأم عشان تبقي زي المرة الفي الصورة

......هناء : اطلعي سريع من هنا ! الغرفه دي تاني م تدخليها نهائي!


نون خافت وبدت تبكي


خالد : لو سمحتي ي نون اطلعي ...

نون طلعت بسراع وهي بتبكي...

وكانت بتسأل روحها

ليشنو هناء كوركت فيها !


هناء عرفت انو نون وراها قصه...

خافت الفي بالها يكون صاح !




هناء دخلت غرفتها ...وقررت تفتح القلاده ...


لما فتحتها لقت صورة علم الدين ! بس صورة ندي مافي

صورتو كانت معالمها م واضحه بس هناء عرفتها لانو علم الدين لما سافر مرة من المرات لي ايطأليا جأب لي مرتو ومرت اخوهو نفس القلادتين ..


هناء جرت لي نون عشان تسألها لقت القلاده وين ...



نون قالت ليها تحت سريرك


هناء : انتي كذأبه ! لقيتيها وين !



نون ..: انا م كذأبه..

دي ادتني ليها آمال
قالت لما لقوني زمان وانا طفله انو القلاده دي كانت معاي


خالد كان واقف وسمع اي حاجه


خالد : وليشنو م حكيتي !


نون : لانو انا كمان م صدقتها ..كنت متاكده انها سرقتها و ادتني عشان اتورط !ا

خالد اتحرق وقال : انتي نهائي م حتبفي زي الناس ! عمرو التشرد م حيطلع منك ولا من قلبك
هناء عاينت لي خالد واتوجعت كتير
اما نون اتأثرت شديد
و طلعت من الغرفه ...

هناء م اتكلمت ..بس مشت غرفتها وقفلت الباب..
خالد طلع من البيت ...و كان متأثر بالكلام القالو كتير ...


وهو سايق عربيتو كان بفكر بالقالو لي نون

خالد ندم ندم شديد ...واتمني الارض تنشق وتبلعو


هناء بدت تشك انو في علاقه بين نون وندي...

وكل ما التفكير يجيها انو نون بت ندي بتطرد الفكره من راسها ...

لانها متاكده ميه في الميه انو بت ندي ماتت زمااان وانو ندي كمان ميته...
...ي ربي انتي لاعبه زمان ياتو لعبه ي هناء!؟؟
#يتبع

انت عارفها خرفت ولو م مشيت معاها حتقول انو انا بكرهها...و خالد دوامو بكره اليوم كلو واحتمال يبيت في المستشفي ....



هناء عندها قصد من دأ كلو ....





بالجد المره دي خبيثه...




.......اليوم التاني هناء جهزت نفسها وبتها ...

وطلعو مع ام عز الدين و عز الدين كمان....


خالد م كان بايت ف البيت

وم فضل في البيت الا نون وعمر و البواب ....

نون تمت شغلها ودخلت غرفتها...


بعد شويه عمر دق ليها الباب ...

نون : عايز شنو خير

عمر : كباية عصير من يد المتسوله سريع عشان طألع


نون م غضبت من الطلب ولا من النبزه ..بالعكس فرحت لانو عمر طالع


نون جهزت العصير و و دتو لي عمر ..



عمر كب فيهو وحاجه وقبل م تحصل غرفتها نادأها ...



ي جن انتي تعالي...وقت جأت قال ليها : ضوقي العصير دأ


نون : مالو !!!


عمر : ضوقيهو وشوفي ناقصو شنو ! ما بتعملي حاجه الا بي ضر وحساده


نون ضاقتو وكان طعمو كويس

نون : مافيهو حاجه...الطعم كويس والتركيز كمان


عمر : خلاص اشربيهو واعملي لي قهوة طيب


نون غضبت منو وشالت الكبايه وكانت طألعه ....: اشربيهو هنا وامشي لانو عارفك حتدفيقيهو ....



نون شربتو و قبل ماتطلع من الغرفه فقدت الوعي . و وقعت في الارض


عمر ولع سجأرتو الخضراء وقعد جنب راسها وهو بتبسم بخبث .....


.......



خالد اتصل علي امو وعرف انهم طلعو ..ونون وعمر براهم ف البيت


خالد بيعرف عمر كويس و اتذكر الحصل لي آمال ..


طوالي خلي الشغل و جري ركب عربيتو واتوجه للبيت


كان سايق بسرعه جنونيه


عشان يحصل نون قبل م الفاس يقع في الراس



خالد وصل البيت و سريع ركن العربيه ودخل جوه ...وقت م لقاها في المطبخ و م لقاها في غرفتها جري علي غرفة عمر


وقت فتح الباب خالد ما صدق الشافو ....





ي ربي نون حصلت ليها حاجه !؟
المره الفاتت نون الله نجأها من مخالب عبدو
بس ي ربي المره دي نون حتنجو من مخالب عمر !؟



#يتبع

#المشرده
ل فله علي


-20-
نون: هدأ السلسل ..لقيتو تحت سريرك ي مدام!


هناء ': بس انا فتشته تحت السرير وم كان في اي حاجه!

نون : انتي طلبتي مني افتشو ليك وهدا لقيتو ..

عمر طوالي من وقف قام جري علي غرفتو عشان يفتش السلسل ...

وقت مشي مكان دساهو لقي السلسل قاعد!


عمر اتخلع وبطأ يعرق وهو بتسآئل ': ي ربي المجنونه دي لقت السلسل داك وين !؟ هو اصلآ بشبه دأ !


عمر فكر وفكر وآخيرآ وصل لي قناعه انو نون اشترت سلسل مذور .يعني فالصو ..عشان تتخارج من ورطتها دي'


عمر رجع ليهم ولقي نون لمت عدة العشاء و ودتها المطبخ ..طوالي لحقها ..عمر كان غضبان قام خنقها طوالي وهو بقول : احكي ي جن انتي لقيتي السلسل وين !


نون خافت صرخت فيهو انو يفكها ..طوالي هناء ابو خالد و وخالد جو جارين المطبخ ..


نون بقت تكره خالد لانو المواقف الحصلت دي كلها كان خالد بتفرج بس بدون ما يتدخل ..

هناء : ف شنو ي عمر فك البت!

عمر : البت دي محتاله لازم تطرديها من البيت !


هناء : بس هي م عملت شي وشغلها نضيف وعاجبني !


عمر طلع السلسل من جيبو وسط زهول الحضور : عايني هنا ..انا الشلته السلسل عشان تقولي انها حراميه وتطرديها بس م اتوقعته انو هي تجيب واحد زيو علي اساس انو دأ هو !


هناء طلعت السلسل الجأبتو نون و شالت السلسل التاني من عمر ...هناء قلعت عيونها ..

وبدت تتمتم ..: خ خ خلاص ي جماعه الزمن فات بكره نتكلم..
وانتي ي نون لو عايزه تتمي العده هسه تميها ولو عايزه تتميها بكره كمان ممكن ..شوفي البريحك

قالت الكلام دأ واتجهت علي غرفتها...

هناء بالها انشغل...كيف سلسل ندي يظهر بعد السنين دي كلها !!!

كان وين !



هناء شكت بي انو نون بتعرف شي عن ندي ..


بس م متاكده بالضبط كده الحاصل شنو ..



نون تمت عدتها ...خالد جأ عشان يشرب مويه : لو سمحتي عايز كبايه مويه ...

نون : التلاجه جمبك تمام !؟ صح خدامه بس العايزه اعملو بعملو بي مزأجي

خالد ما علق علي كلامها وبس براهو شال كبايه و شرب براهو ..

نون كانت طالعه بس مسك يدها ع اساس م تمشي ..

نون لصق فيهو كف جأمد وقالت بغضب : يدك دي م حترجع ليك المرة الجأيه التقرر فيها تمد يدك تلمسني !


خالد ؛ : معليش كنت عايز اتكلم معاك وخشمي ملان مويه وانتي كنتي عايزه تمشي..اضطريت اعمل كده!



نون : دي مشكلتك تمام !

نون طلعت ماشه علي غرفتها ..وهي ماشه شافت هناء طلعت من غرفه كده ودقست خلتها مفتوحه..

خلتها مفتوحه لانو الغرفه دي بتاعت المرحومه ندي..


نون جرت و دخلت الغرفه عشان تاخد انطباع عام عنها ...


وقت دخلت اتفاجأت . .


غرفه نوم كبيرة ..


في سرير دبل وبي فوقو صورة مرة جميله جمال مبالغه ...
مرة بيضاء كانت و شعرها اسود وطويل ..
شعرها مسدول وجأي بي كتفها ..

في لمعه عجيبه ف عيونها البنيه...


نون اعجبت بيها كتير وبقت تبحلق فيها باعجأب..ما حست بي

وهي بتفك شعرها

نون فكت شعرها وجأبتو بي نفس طريقة المرة

بالرغم من انو شعر نون م طويل زي حق المره بس كان بي نفس الاتجاه...

نون م شعرت بي روحها الا وقت هناء نهرتها:انتي الدخلك هنا شنو !

نون وقت لفتت لي هناء هناء صرخت واتخلعت ...


نون م عرفت.الحصل شنو ...

هناء شافت آخيرآ شبه نون بي ندي الفي الصورة !


نون لما عملت شعرها بالطريقه بقت نسخه مصغره عن ندي!

#يتبع

#المتشرده
ل فله علي


-22-
خالد في نص الدوام زي حوالي الساعه 4 صباحآ ...جابو حاله مستعجله المستشفي...

بت عشرينيه مجهولة الهويه عثر عليها مغتصبه و معطونه طعنتين طعنه في منطقة الترقوة وطعنه قريب من القلب وحالتها خطيرة خالص..
خالد وقت قرب من المريضه لقاها آمال !

عيونو دمعت وطلع اللاب كوت جدعو وسط زهول باقي الاطباء والممرضين ....

خالد دخل الحمام وبكي زي الشفع الصغار...


اول مرة يحس بانو المشردين ديل مظلومين ...وبي انو هم عاشين معانا شديده

خالد حسه بانو ظألم لما يرقد في سريرو ويتغطي بأفخر انواع الافرشه...
في اللحظه الفيها مشرد يفترش الارض و يلتحف السماء...

حسه بانو ظألم لما ياكل افخر انواع الاطعمه في اشهر المطأعم ..
في اللحظه البياكل فيها زول مشرد من اوسخ حاويات القمامه....


حسه بانو وسخ لما يلبس اجود انواع الملابس في اللحظه البحاول فيها مشرد انو يجرجر ملابسو عشان يغطي عورتو

.......خالد غسل وشو وبس جأتو صورة نون وقت قال ليها : عمرك م حتبقي زي الناس ..وعمرو التشرد م حيطلع منك ..

خالد يا دأب حسه بالانكسار الحست بيهو نون...ي داااب فسر نظرتها بتقول شنو ....

نظرتها قالت ليهو : انا ما عندي ذنب اتولد واتربي في الشارع....





.............





نون اتوضت وصلت الصبح حاضر ...


ودعت انو الله يصبرها ويقويها في الدنيا الفانيه دي....




قامت بعد دأك وبدت تنظف ...




وهي مدنقرة بتمسح طرحتها وقعت ..وكان القميص اللابساهو مفتوح بي وراء ..السوسته كانت محلوجه عشان كده.....



هناء جأت المطبخ عشان عايزه كبايه مويه تبلع بيها حبه بندول

لاحظت لي نون ..ولاحظت لي قميصها المفتوح ...كانت عايزه تشاكلها انو تستر نفسها بس سكتت لما شافت الشافتو ....
هناء موازينها كلها جأطت!


كان في كتف نون في شكل شامه كبيرة كده سودأء...


هناء عيونها دمعو وجرت غرفتها


نون م اشتغلت بالموضوع وقامت رفعت كم قميصها وشالت طرحتها لبستها و واصلت النضافه...



هناء عندها البوم صور ...فتحتو وكانت كايسه صورة معينه ...صورة زفاف لي ندي وعلم الدين...



وقت لقت الصورة كانت ندي جميله بالابيض فستانها كان عريان من يعني اكتافها بره ....



هناء قلعت عيونها وقت شافت الشامه العلي يد ندي


ياها نفس شامت نون !



قعدت في الارض وختت يدها في راسها واتشهودت ...

هناء : معقوله نون بت ندي !!!!





............





خالد وقت رجع يشوف حالة آمال لقاها في غيبوبه ....

زي حوالي الساعه 7 ص كده مناوبتو انتهت ...رجع البيت عشان يرتاح ...


وقت جأ لاقا نون برة قاعده متمحنه...صح بتاكل وبتشرب اكل نضيف وكويس وبتنوم في حته نضيفه بس كانت مهمومه...و بالذأت لما تتذكر آمال...


خالد زأتو وقت شافها اتذكر آمال ...اتوجع كتير وم قدر يسلم علي نون زأتو .

هنا نون اعتبرت الحركه تكبر وبس'



هناء قررت تتخلص من نون ....و كمان عمر ..عشان كده بدت تدبر في خطه تخلي عمر يغلط في اختو وبالمرة تضرب عصفورين بي حجر .....



ف الحقيقه عمر بشكل مصدر خطر لي هناء ...لانو ماسك عليها زله ...

عشان كده هي بتعاملو احسن من خالد ....
لانها بتخاف من راجلها عز الدين كتير ...

عز الدين الاخ الكبير لي علم الدين ...

زول رزين وفاهم ...وبس همو الشغل ...حياتو كلها شغل

وبشوف اي شي تاني غير الشغل ضياع وقت




......



خالد دخل غرفة عمر ولقاهو مبرشم علي الاخر ...


خالد : ي عمر انت ما حتخلي الزفت دأ نهائي !


عمر : لما القي اختي واعوضها عن الفقدتو ...حأخليهو...والا انا وهو اصحاب ما حيفرقنا الا القبر




خالد عارف انو عمر راسو قوي...عشان كده سكت خلاهو وطلع ....



بعد شويه هناء جأت خاشه ...عمر م لاحظ ليها عشان كده قال : ي خالد تاني لو جيتني بخسرها معاك



هناء : دي انا م خالد


عمر : اووو مرة عمو الشريفه الرضيه...


هناء بلعت ريقها واتوترت لانو عمر بجدعها بالكلام...



عمر من وقت كان عمرو 15 سنه كده مسك هناء مع واحد من اصحاب ابوهو الاغنياء...

عشان كده هناء خايفه انو يفضحها ...


وما كده وبس ...

خلود الصغيرونه ما بت عز الدين ...بت صحبو ..وعمر كمان ناقش الحكايه دي...


يعني هناء لو باست كرعين عمر الاتنين من تحت تكون ما ادتو حقو ....





هناء : باختصار كده ...
انت نون مشكلتها شنو معاك !؟


عمر :حصلت بيناتنا مواقف م كويسه ..اهانتني فيها


هناء ضحكت بخبث :ههههههه



عمر : بتضحكي مالك !


هناء : لانو الليله سألتني ....


عمر : سألتك شنو !؟!؟


هناء : بس هو مجرد سؤال انت م تخت فيهو حاجه


عمر : اوووف منك ! اتكلمي

هناء : خلاص خلاص حأقول ...


نون سألتني لو انت فعلآ راجل ...يعني شككت في رجولتك...لانك دأيمآ بتشاكلها ومغبون منها ..قالت اكيد عندك مشكله
مع النسوان


عمر غضب وقال ليها : اطلعي بره واقفلي الباب...

هناء عرفت انو هي ضربت في وتر حساس....


عاين ..بكره انا وعمك طألعين لانو حبوبتك عندها قريبتها عايزه تزورها و

#المشرده

ل فله علي


-23-
خالد شاف عمر قاعد وخاتي يدو في راسو ...ونون راقده ف السرير فاقده الوعي


خالد مسكو من قميصو وضربو في وشو : البت دي بريئه ليي عملت كده !



عمر بكي زي الاطفال وقال : والله العظيم م لمست ولا شعره من راسها

كل ما اقرب منها بسمع صوت امي بقول لي اتذكر اختك سبا!!!!



خالد استغرب من عمر...بس م اشتغل بيهو ..كل البهمو انو قدر يحصل نون...



شالها وطأها غرفتها ...وقت ختاها في السرير كتفها بدون قصد اتفتح ...


خالد لاحظ للشامه ...قلع عيونو وقت شافها ....

ارتدد كتير قبل م يمد يدو ويتحسسها ...بس حظو الكعب انو نون صحت...وطوالي بدون سابق انذأر لطشتو كف..




عجيبه ي نون...عمر من جبيل خاتيك قدأمو و كان ضامر ليك الشر م صحيتي تصحي هسع وقت انقذك خالد وم كان قاصد حاجه لما لمسك..!؟





خالد م علق ...بس طلع من الغرفه....



خالد بدأ يشك ....




عشان كده وقت ناس هناء رجعو البيت مشي سألها : انتي ي امي بتتذكري بت عمي سبا !؟

هناء : ااي

خالد :يلا م كانت عندها شامه في كتفها زي امها !؟ لانو مرت عمو كان عندها شامه في كتفها انا بتذكر كويس ..

هناء أرتبكت شديد ...عرفت انو خالد لاحظ لي شامه نون ..هناء ضللتو : لالا م عندها ..جسمها كان صافي م عندها اي شامه



خالد م اقتنع بالكلام ...بس حاول انو ما يخلي امو تلاحظ ...

هناء قالت بينها وبين نفسها انو لازم تتصرف..عشان كده عملت ليها كم اتصال كده والبسمه رجعت لي وشها تاني



....
خالد استغل وجود نون في المطبخ و مشي شال من مشطها خصلات شعر ...و كمان استغل نومة عمر وشال منو.

خالد كان عايز يكسر الشك باليقين....من باب كل الاحتمالات وارده...واتوقع اي حاجه في الدنيا دي


......




ف المستشفي عندو صديق ليهو كلفو بالمهمه دي ...والزول حدد ليهو انو خلال 24 ساعه حيوريهو النتيجه...


.....






المساء خالد مشي يشوف آمال لو في اي تقدم في حالتها ...لقي الاطباء بفصلو عنها الاجهزه...

قدر ماحاول يقنعهم انهم يستنو شويه م قدر


وقت جأت الساعه 6 مساء اعلنو زمن الوفاة


دخل الحمام و بكي شديد ...آمال زيها زي الالآف المتشردين الفقدو حيواتهم بدون م يقبضو الجأني...


حرام والله!


يلدوك ويرموك و تعيش مشرد و تموت علي يد واحد م بخاف الله و بعد دأ يفلت بي جريمتو !



بس الله في..



المساء وقت رجع البيت كلم نون...


نون دي اتصدمت....

وكانت مهبطه ...ركب ليها درب وخلوها ترتاح...


كان كل ثانيه بجي بشوف وضعها ....و بفتح الشامه يشوفها ....



...النتيجه قربت ....


وحيعرف اي حاجه



هناء نادتو ..

وقت مشي قالت ليهو : الله يرضي عليك امشي ارتاح
حتبقي كويسه دأ زعل ساي


خالد :مساكين والله ي امي...تعرفي ي الغاليه

هناء : احكي ي ولدي



نون دي لو ساي طلعت قريبتي....ما حتردد ولا ثانيه بي اني اتزوجها ...
هناء الكلمات دي وقعت عليها زي الصاقعه...: هوي انت جنيت !



خالد : عمري م قلت الصح زي هسع...

خالد دخل غرفتو وخلا هناء زأيده حقد عليها ...

وطوالي اتصلت علي عزو....


...الصباح خالد اطمن علي نون قبل م يمش المستشفي ..كانت كويسه وصابرة...



خالد: ي نون تتذكري الوعد الوعدتك ليهو دأك!؟


نون : وعدك المستحيل داك !؟


هم كم واحد صح ....المهم تتذكريهم كلهم !؟




اي وكلهم مستحيلات...مره وعدتني تلقي لي اهلي...والتانيه قلت لي انو حلمي حيتحقق بي اني اكمل دراسه



خالد : اي ...وتاني بوعدك تحققيهم...


هناء كانت بتسمع ورا الباب..:دأ لو لقيتها تاني ي خالد.


خالد وصل المستشفي واول شي عملو انو مشي لي صحبو عشان يشوف النتيجه....


ادأهو الظرف ومشي مكتبو ..قفل الباب ..وقعد ..ختاهو قدأمو وعاين ليهو تمااام....
النتيجه لو طلعت ايجأبيه حتقلب موازين حياتو كلها .....


قرر يتوكل ويفتح الظرف...بس وعد نفسو انو اي كانت النتيجه...العروس الحيختارها حتكون نون

...........

بي جأي نون قامت عشان تتم شغلها ....

الباب دقه...مشت تفتحو لقت عزو في وشها

نون : عزو !!!!!؟؟



عزو ' اااي ملك الموت زأتو

هناء جأت في اللحظه دي : قال لي انتي و صحبتك المرحومه شردتو منو


عزو : يعني عبدو كتل البت بعد اغتصبوها هو وصحبانو !


يعني هسع حيكتل نون زأتها !!!؟ مسكينات البنات ديل

نون : انا م م ماشه معاك ...



هناء :انا م دأيرة قعادك دأ في بيتي



نون ركعت ليها جمب كرعينها بس هناء ولا عاينت ليها ...


عمر في اللحظه دي جأ دأخل ..: ف شنو !؟


نون : ي عمر م تخلي الزول دأ يسوقني !.


عمر م اتكلم ..اصلآ هي ما فارقه معاهو في حاجه...نون مسكت رجلينو الاتنين :ي اخوي م تخليهم يسوقوني !



عمر م اشتغل بيها ...و دخل غرفتو ..

هناء اتكيفت شديد..عزو حاول يرفع نون علي كتفو وهي كانت بتضرب فيهو و بتقاومو ...
غضب منها وادأها كف فقدها الوعي ...رفعها بالرحه واستلم القروش من هناء


هناء : رسلها لي ربها سامع !؟




عزو : بأسرع تذكرة حتمشي


غايتو ي هناء !!!!!!

#المشرده
ل فله علي


-24-
خالد الضهر كده اتحرك من المستشفي ..

سايق عربيتو بسرعه خياليه...

مرة يبكي ...مرة يضحك ....

م عرف مالو بعمل كده...


المهم ...

وصل والبواب فتح ليهو الباب ...من الاستعجأل ما سلم عليهو زأتو ...


البواب عذرو وقال اكيد سمع بحكاية نون عشان كده..

..........



خالد ركن العربيه لمن كسر اصيص الزهور..والطين اتناثر في المكان...م اشتغل بالموضوع ..وجرا دقه الباب شديد يدو لمن وجعتو ...هناء جأت فتحت...: خالد !


خالد : ابشري ي امي


هناء : في شنو !!!!؟



عمر طلع من غرفتو لانو اتخلع من دق الباب الشديد ...



خالد : ي عمر ...حتخلي المخدرات والسجأر الكتير ...



عمر : في شنو !!!

خالد : لقيت سبا ي خالد.

هناء قلعت عيونها وعمر ما عرف يقول شنو


خالد :اختك سبا ي جن انت ...لقيت البت الضاعت مننا ليها 19 سنه بعيده

لقيت سبا ي عمر ..سبا م ماتت ...سبا حيه !



عمر دموعو نزلو عشرة عشرة ....و م قدر يتكلم نهائي

هناء زأتها سكتت ..لانو عارفه انو سبا عايشه...



خالد : عمر !


عمر : و و و وين هي ! اخ اخ اختي وين ي خالد !



خالد : هسع بجيبها ليك ....


طوالي خالد جرا علي المطبخ ما لقي نون ....

واصل جري علي غرفتها م لقاها ..
خالد : نون وين !؟؟


هناء : نون مشت من البيت دأ

خالد : مشت وين !!!


عمر : خليك منها ياخ وقول اختي سبا وين !



خالد : نون بتكون سبا ي عمر ..



عمر خته يدو ف خشمو ودموعو لسع كابه...: كضب ! يستحيل المشرده دي تكون سبأ !

هناء :انت جنيت !



خالد : عملت فحص DNA بين نون وعمر ولقيت تطأبق بنسبة 80%...

فحص الDNA بنجح اكتر لما يكون ابن واحد الابوين ..بس زي م انتو عارفين عمي ومرتو مافيشين ...وعمر اقرب زول لي سبأ ...


عمر قعد في الارض وهو بقول : نون هي سبأ ! اختي عمري انا ....كل السنين دي كانت في الشوراع وانا هنا !


خالد : ي عمر دي الظروف انت م تلوم نفسك. .هسه م فاتت حاجه ..نون حتتعوض...المهم هي وين لازم ابشرها ..م لقيت امها وابوها بس لقيت اخوها الحيكون بمسابة امها وابوها واخوها كمان...


عز الدين جأ من الشركه وكان مرهق ..شاف التجمع والكل بيبكي


عز الدين : في شنو ي جماعه ان شاء الله خير !؟


خالد حكي لي ابوهو كل حاجه والابو فرح...: وينها بتي دي !



عمر أتذكر وقت قالت ليهو : عليك الله ي اخوي م تخليهو يسوقني ...اتذكر كلمة اخوي ..اتذكر وقت مشي خلاها ولا اشتغل بيها ...


عمر عاين لي مرة عمو بحرقه ...وما حسه بي روحو الا وهو بخنق فيها ..: كلو منك ي حاقده! كلو منك

امي كنتي السبب بي موتها ...و عيشتي العذأب دي كمان ..وشردتي اختي وبهدلتيها !
وهسع خليتي الراجل يسوقها ..!


خالد وعز الدين فكوهو منها ..
عز الدين لطشو كف : انت جنيت ! م عندك احترام انت !

عمر : لما مرتك تحترم نفسها انا بحترمها

خالد كمان لطشو كف : هووي ي عمر دي امي ما تنسي !


هناء غمضت عيونها والدموع عشره عشره...عرفت انو حياتها كلها اتخربت!


عمر :ههههعهههههه امك !


ي مسكين ي مشرد ...
يا لقيط !


دي م امك ...


انت جأيبنك من الميتم ...المرة الشيطأنه دي جأبتك من وقت كنت حديث ولاده...


عز الدين مسك الحيطه و الواطه بقت ليهو ضييقه!


اما خالد نزل فيهو دق لغاية وشو اتملا دم ..: ي سكران ي ما نافع ..كيف تتكلم كده عن المرة الربتك !


عمر : ههههههه...عاين لي هناء بحرقه : ي حاقده ! اسرة كامله دمرتيها ! وانا الاهبل ساكت وغاطي ليكي...


ي دكتور ...المرة الفاضله دي خانت عمي ...مع صاحبو ...حقيقه كده انتو الاتنين ما عيال عمي...واحد لقيط والتانيه طفله غير شرعيه....


خالد فكاهو وبرك علي ركبتو ...اما عز الدين اتكل في الحيطه وخته يدو في راسو..


هناء انهارت وبقت تبكي....: وقت اتزوجنا ما حملته حته بعد تلاته سنه من زواجنا ...الناس بقو يقولو انا عاقر ....عشان كده قلت انا حامل..

وانا م كنت حامل ولا حاجه...

حسينه الخدأمه ساعدتني ...قالت انو حملي خطر ولازم اكون بعيده من الناس...
رحلته معاها ع اساس انا حامل بالشهر السادس ..صحتي كانت كويسه عشان كده م تعبته في حكاية الكرشه

الخطه نجحت ..خصوصآ انو انت ي عز الدين سفراتك كتار...


المهم..وقت جأ موعد الولاده جبتك ي خالد من الميتم...كنت طفل عمرك 7 ساعه بس...

خالد صرخ صرخه كلها ألم و وجع..اما عز الدين ما كان بتحرك زأتو ...



هناء : عشت ايام حلوة ع اساس انا الولدتو ...

بعد كبرته شويه عمك عرس ندي...
ندي من وقت جأت من شهر العسل حملت .بيك ي عمر ...انا غرته شديد وحسدتها....
بعد ولدتك الاهتمامات بقت عليها هي بس ...حبوبتك وجدك وباقي عماتك..



خالد عمرو بقا سبعه سنه و عمر اربعه ندي حملت بي سبا وانا لسع....


بقيت احسدها وما ارتاح لما اشوفه ...
قررته احرق قلبها بسرقة عيالها الاتنين....


اتفقت مع زول قام خطف البت وخلاك ي عمر لانو م لقي فرصه...
ما عارفه الحصل شنو بس شكلو حنه عليها وم رماها في المويه....

كل