#وفي_النبض_حياة

-8-
الليلة القعدة بتاعت الاسرة بتكون في بيتنا♥ قمنا انا ومريم قاعدين ننضف في البيت امي رسلتني السوق قالت لي امشي جيبي حاجات الفطور 😹😹طبعا انا درب السوق دا لي زمن عشان امشيهو 😢😢عاد هو انا عندي ليهو زمن 😯😯لفحته توبي ومرقته لاقيت ولد جارنا قاعد تحت الشجرة زي القرد 🐵🐵قال لي امنة يااا مختفية ووين إنتي 😨😨قلته ليهو قااعدة إنت الوين؟ قاعد والله وشنو عاملين فيها تقيلييين وما عندكم لينا حاجة عبرونا ولو بنظرة ولو بكلمة 😍😍قلته بي قلبي فلان دا مااالو الليلة شارب بنقو ولا شنو 🙄هووووي يا امنة إتحركي من هنا وحات الله مازن لو طلع شافني وااقفة معاهو حيكسر لي كرعيني ديل 😢😢 قلته ليهو يلا بااي انا مستعجلة شوية 😂😂قال لي إتفضلي ياخ معقولة إذنك معاك يا جميل 😍😍 اها مشيت إشتريت حاجات الفطور والجبنة جبتهم البيت ❤طبعا حسام كان بايت معانا من امس وانا اساسا قاعدة اتجنب اشوفو او القاهو ما ناقصني انا 😒😒 شغاالين في المطبخ وما باقي لينا إلا الديوان ملاياتو دايرة غسيل ومكوة والبلاط داير يمسحوه 😤😤 انا اسي لو مشيت هناك بقووم بلقا حسام في وشي 😡😡يا ربي اعمل شنو 😢امي قالت لي يا بت قوومي نضفي الديوان دا اسي الضيوف ديل يمكن يجو تحت اي لحظة 😤😤 إضطريت اشيل جردلي بتاع الموية والصابون ومشيت الديوان 🐸 🐸دقيت الباب قال لي إتفضل ..جيت داخلة لقيتو قاعد يقرا ليهو في كتاب لما شافني قام ختاهو في السرير قال لي امنة؟ قلته ليهو صباح الخير 😀 😀صباح النور وين إنتي من الصباح سألت مريم منيك ما بتردي علي ماليك ؟؟ قلته ليهو كنت مشغولة 😒 😒قال لي عايني انا داير اسأليك سؤال ؛؛اها طيب إتفضل اسال قال لي راييك شنو في سوزان 😍 😍انا خليت كل حاجة ماسكاها في يدي وقعدته اعاين فيهو بي إندهاش كدا؛؛قلته ليهو سوزان مالا ؟ قال لي الصراحة يا امنة انا دايرة وبالجد انا بعد ما شفتها حبيتا وانا داير إتزوجا قلته آخد راييك♥ ما قادرة استوعب الكلام الهو قاعد يقولو 😢 😢قلته ليهو سوزان كويسة وحظ موفق وربنا يتم ليك على خير 😍 😍شلته جردلي ومرقته برا وانا العبرة خانقاني وكل ما إتزكر إنو حسام داير سوزان قلبي بيوجعني اكتر 😭 💔 دموعي حارقاني وانا حاالفة ما دايرة انزل ولاا دمعة دخلته غرفتي قعدته تحت جمب السرير وبعد صراع طووويل إتفقعته بكا 😭 😭دا كان اكتر موقف خزلني في حياتي 💔 💔مسحت دموعي وفتحت الدرج بتاعي
#يتبع

#وفي_النبض_حياة

-9-
فتحته درجي وطلعت الالوان والرسومات بتاعتو كللهم برا 😏 مشيت الديوان جدعتو ليهم في السرير وهو زااتو إتخلع عاد كيفين ما يتقلع وانا جيت دفرت الباب زي شرطة مكافحة المخدرات 😂😂💔نطط عيونو كباار قعد يعاين في الاقلام قال لي ديل شنو 🙄قلته ليهو ما عرفتهم يعني 😏 اوعيك تقولي لي ديل اقلامي ودفتري بتاع الرسم الانا اديتك ليهم قبال اسافر بي يوم 😢قلته ليهو بس ياهو زاتو جبتهم ليك يمكن يلزموك ولا لقيت الاحسن في امريكا زي ما قلته لي 😏😏 يلا اطلع دايرة امسح الارض 😤 شال الاقلام دخلهم في الدولاب وطلع ..بالله جبته الموية والصابون شغالة في الارض نضافة بي زهج وارش في الموية شو شرو😂💔 طلعت الملايات دخلتهم الغسالة وطواالي النشافة وكويتهم ما عندي ليهم زمن انا 😤😤بالله حسام عقدني كيف😡😡 اها خلصنا شغل بيت بعد شويةة الضيوف جو داخلين وسوزان طواالي جات حضنتني وباستني قالت لي عسسسل إنتي 😘قلته ليها ماليك 😒قالت لي ياا بت عرفتي كيف إنو انا قاعدة احب حسام 😍 ماا فهمتيك ممكن توضحي لي 😨امبارح حسام قال لي شال رقمي منيك وإتكلم معااي كداا وقال هو بحبني والليلة جاي يتقدم لي في بيتنا ❤😍 المعفن شال رقم سوزان من تلفوني 😨😨 خليهو يصبر لي بس 😡😡قلته ليها مبرووك حبيبة 🙄 قالت لي تسللمي يا عسل كلو بي فضليك حبيبتي انا♥ طبعا قاعدة اعاين ليها اليوم كلو عشرة عشرة شميتا ليك شم 😡 😡 النهار كلو شغالة تحكحك فيني وانا هاربة منها امشي اي مكان بتباريني ادقها ولا كيف 😒 😒 الديوان ملااان رجال اولاد اعمامي كلهم هناك والنسوان قاعدات في البرندة والونسة شغااالة والجبنة مدوورة ♥ بعدما ديل فاتو الواطة مغربت تااني قعدنا ننضف في البيت غايتو جنس تعب 😢سامعة امي مريم قاعدين يتكلمو في سيرة حسام طبعا الحقير مشي مع ناس سوزان الحمد لله زاتو 😒 😒 امي قالت لي مريم إنو حسام إتقدم لي سوزان وقال داير يعرسا ♥ إختصرته الموضوع وما إشتغلته بيهو كتير وما يعرس كان داير يعرس وانا مالي قال حارقة بصلي 😢 😢الله يتم ليهو على خير هو مش بحبها وداير يستقر معاها؟؟طبعا انا زعلانة ليه ؟؟ الله معاهم شديد
إستحميت وجيت جريت بطانيتي قفلته النور ونمته الليل كلو شغالة ادردق في السرير ماا قدرته انوم نهاائي إتزكرته إنو عندي شريط بتاع منوم قاعد في الدرج♥تاتي قلته لالا ياخ اسي لو بلعتها بكرة ما حاقدر امشي الشغل بدري عشان كده اخير كده
#يتبع

#وفي_النبض_حياة

-10-
الغريبة إنو انا صحيت من الاذان الاول إتساوكته وإتوضيت وصليت 😹 😹قعدتا آكل وشربته الشاي الواطة نضفت لقيت ناس امي برضهم قاعدين يشربو الشاي ♥صبحته عليهم وقعدته معاهم كلهم قاعدين يعاينو لي 😂 😂قلته ليهم مالكم بتعاينو لي كدا 😡مريم قالت لي غرييبة الليلة المصحيك بدري كدا شنو 😘 😘حمرته ليها وما سألتها 😡 😡مازن شغال يقلب في الرز ساااي قال لي امي انا داير اعرس رهف♥ امي قالت ليهو قلته شنو ؟؟ تعرس رهف الإنت مشيت خطبتها غصبا وعنك وبدون ما تستنى موافقتي 😡 😡لكن يا امي انا... ياخ ما تقول لي انا ولا انا البت دي انا ما دايراها يعني ما دايراها داير بيها شنو المعصعصة دي 😡 يما لكن انا بحبها 😢 😢 الحبة التقوم ليك في نص راسك قول آميين 😡 😡 قامت مشت دخلت جوا ومازن مشى غررفتو 😢 😢كالعادة امي رافضة رهف بي شكل ما طبيعي ياخ مازن عمرو بقا 28سنة وحتى الآن ما قادر يستقر بي سبب مشاكل امي الكتيرة ..المسألة إنو قاعد يحب رهف بي شكل كدا ما طبيعي ومناو في الدنيا إنو يتزوجا♥♥طبعا انا ومريم كل يوم قاعدين نسمع النقاشات دي لكن يوم في حياتنا ما ردينا على امي 😢 😢 انا بلجد زعلته منها والله رهف دي بت مسكينة وطيبانة ومؤدبة وظريفة لي ابعد الحدود انا شخصيا لاقيتا كم مرات لكن امي سااي كدا قلبها ما رادتا 😢 😢لبسته وطلعته مشيت المستشفى كالعادة قاعدة امر على العنابر والف واشوف المحتاج عناية منو♥قاعدة لاافة بس قامو جابو مريض عمل حادث ودخلوه غرفة العمليات دكتور ماهر ونحن دخلنا جوا 😭 😭الود كان فاقد دم بي كمية كبييرة خالص يعني كان روح بدون جسد بس كان فيهو نبض وصدق من قال #وفي النبض حياة ♥ العملية بدت وقربنا نفقدو بس كل مرا نبضو بقيف وتاني برجع بشتغل دا الشي المخوفنا اكتر 😢 😢بعد ساعات من الخياطة والتخدير الدكتور إنتهى من العملية وقال لينا يا جماعة العمليه نجحت وحالتو ما مستقرة يمكن نفقدو تحت اي لحظة 😢 امنة إنتي خليكي مهتمة بيهو وخليكي جمبو لانو يمكن نبضو يقيف عشان نجي نعمل ليهو الإنعاش ♥قلته ليهو خلاص تمام انا بكون قاعدة هنا ...اليوم التاني جيت بدري اكتر وقررته إشتغل دوامين عشان إعتني بي المريض اكتر 😢 😢غرفتو كانت هاادئة بس المروحة شغالة وهو كان جسمو كلو موصل اجهزة حالتو تحنن القلب 💔بعد شوية الجهاز عمل تيييييت والشخوط الفيها إستقامت وانا جريت قاعدة اصرخ يا دكتور ماهر الحق نحن حنفقد بالمريض 😭😭 الدكتور جا طالع من مكتبو جا عاين ليهو كدا قال لي بسرعة جهزي الإنعاش وصلتو وسريع ضرب في صدرو وهو كلو بيقوم فوق وبيجي راجع عملوها ليه تلاتة مرات برضو نبضاتو ابت ترجع 😢 😢الدكتور قال إنا لله وإنا إليه راجعون ربنا يرحمو طلع برا لقا بت واحدة قاعدة مستنية قالت ليهو اها يا دكتور طمني حالتو كيف ؟؟قال ليها البقية في حياتكم البت قعدت تبكي وتصرخ .وانا خلااص دموعي جات جارية وغطيتو بي الملاية بس تااني اسمع الجهاز عمل تووت توت الخطوط بقت شغالة انا من الفرحة ما قدرته اسيطر على نفسي إتفقعت بكا
#يتبع

#وفي_النبض_حياة

-11-
طلعت وانا جاارية مشيت مكتب دكتور ماهر دفرت الباب ودخلته هو لما شافني كدا قام إتخلع قال لي ماليك 😡 😡 قلته ليهو دكتور المريض رجع للحياة نبضاتو رجعت 😭 😭ياتو مريض من المرضى ديل ؟؟ المريض رقم 37 ♥ طبعا هو ما مصدق قال لي كدي ارحكي لما جا داخل لقا نبضاتو شغالة هو زاتو إتعجب قال سبحان الله اقسم بالله ما مصدق الحصل معقولة الزول دا رجع عاش كيف ؟؟طبعا الدكاترة والممرضين كلهم إندهشو ما مصدقين الحصل دي معجزة ربانية♥♥ قال لي شيلي عينة من دمو وديها المختبر وخليهم يفحصوهو وجيبي لي النتايج 😍 😍قلته ليهو حاضر يا دكتور مشيت شلته من دمو بي الحقنة وديتا المختبر وإنتظرته النتايج تطلع إستلمتا وانا طالعة شايفة اريج قاعدة تتجاوط مع مرا في سن امها شابكاها يا حاجة ما ممكن معاك ادفعي وبعدين ادخلي ياخي ما تكرهونا ياخ المستشفى دي حقت ابو من هنا 😡 😡قالت ليها يا بتي انا ولدي راقد هنا وانا قروشي كللها صرفتها في الادوية والفحوصات والله ما معاي غير خمسة جنيه حقت المواصلات والله ما عندي غيرم والله 😢 😢 قالت ليها لكن دي قوانين المستشفى كدا لازم تدفعي الفواتير يا خالة ما ممكن معاك 😡 😡جيت جريت اريج من يدها قلته ليها على الاقل اعكسي تربيتك قدام المجتمع وإظهري إحتراميك للاكبر منيك يا متخلفة 😒 😒مسكت الحاجة من يدها قلته ليها تعالي يا امي ♥ مشيت مكتب دكتور ماهر اديتو الفحوصات وقلته ليهو محتاجة قروش حااالا واخصما من راتبي الشهري 😢اداني شيك قال لي امشي الصراف بتاع المستشفى يديك المبلغ الانتي دايراهو♥ مشيت صرفته القروش واديتو لي الخالة قلته ليها لو إحتجتي اي شي انا موجودة هنا إعتبريني بتيك الصغيرة واطلبي مني بدون تردد 😍 😍ضمتني عليها قالت لي ربنا يوفقيك يا بتي دنيا وآخرة وجميلك دا ما بنساهو ليكي لو اموت ♥ اها رجعت للدكتور قال لي المريض دا عندو إلتهابات في المسالك البولية وجرح ملوث في الركبة وملاريا تقيلة شيلي الروشتة دي وامشي الصيدلية جيبي الادوية دي عشان يداوم عليها طوالي 😍 😍مشيت الصيدلية جبته الدواء وجيت حقنتو وغيرته ليهو الدرب ♥ الليلة كنت تعبانة بلجد واكيد ما حاقدر ادوام بليل مشيت لي دكتور ماهر قلته ليهو يشوف ليهو ممرضة ♥قال لي انا بكلم اريج ..قلته ليهو بدل اريج خلي عمار يداوم لاني اريج دي ما عندها صبر 😡 😡قال لي خلاص تمام ..بدلت ملابسي وطلعته جاية البيت وزحمة مباالغة في المواصلات إلا بعد تعب قمته وصلته 😢 😢 لما دخلته البيت لقيت مريم قاعدة تحضر تلفزيون وامي نايمة غيرته ملابسي وجيت سلمته على مريم جابت لي الغداء إتغديت قلته ليها مازن وين الليلة؟؟قالت لي بري من الصباح حابس نفسو في غرفتو ما شفتو طلع نهاائي مشيت ناديتو للغدا ابا يرد لي بالجد انا ما عارفة إتعامل معاهو تاني كيف 😢 😢يعني هو الليلة نهاائي ما طلع ؟؟قالت لي لالا والله من النقاش الكان في الصباح داك تاني ولا هو ولا امي ما قاعدين يتكلمو مع بعض 😢 😢قلته ليها خلاص تمام كدي انا بمشي بحاول معاهو كدي♥
#يتبع

#وفي_النبض_حياة

-12-
مشيت دقيت الباب قلته ليهو مزوووني افتح الباب لي اختك ♥قال لي امنة ياخ دايرة مني شنو عليك الله خليني في حالي انا ما ناقصني هبالة بالله 😡 😡قلته ليهو عليييك الله اخوي افتح لي الباب انا دايرة إتونس معاك ♥جا فتح الباب عاينت ليهو في وشو لقيتو شاااحب ومكرفس وهو زاتو شكلو جعاان وما داير ياكل نظام زعلااان وكده 😂 😂قلته ليهو ماالو مزوني زعلان احكي لي 😢قال لي انا متضايق ما داير إتفاهم مع زول 😡 😡قلته ليهو دقاايق انا ماشة وجاية ..مشيت لبسته عباية وطرحة مشيت ليهو قلته ليه ارح نطلع انا زاتي متضايقة وزهجانة 😢 😢قال لي لكن انا البس شنو ونمشي وين اسي في الزمن دا؟؟ فتحته دولابو طلعته ليهو بنطلون جينز وقميص اسود قلته ليهو امشي غير انا مسنياك♥طلع قلته ليهو اووو اخوي الوسيم والله عامل شغل لكن ♥ طلعنا بي العربية مشينا محل آيسكريم قعدنا إتونسنا كدااا ومشينا شارع النيل شربنا جبنه وإترفهنا حسيت بيهو بقى مبسوووط 😍 😍 بالرغم من إنو انا كنته مرهقة لكن ما بقدر ما هو مرهق نفسيا ..مازن اخوي دا مسكين والله زول ما عندو شغلة بي زول طيبااان والله عشان كدا ما قاعدة ارضى فيهو 😍 😍جينا البيت راجعين الساعة 12 نمته طواالي والصباح مشيت الشغل ♥اها لقيت المريض رقم 37 حالتو نفس الحالة الامس مافي شي إتغير جيت نضفته ليهو الجرح الفي ركبتو وفي راسو وغيرته الشاش بتاعو وغيرته الدرب ♥ قعدته جمبو حسيت بيهو عرقاان قمته شغلته المروحة وقشيت ليهو العرق ورجعته قعدته في الكرسي قاعدة اعاين فيهو واتامل حالتو الهو فيها 😢 😢 راقد ليهو يومين في السرير دا لا إتحرك لا صحى يا ربي امو حتكون حالتة كيف لو عرفت 💔دايرة اطلع امشي الحمام بس لقيت مرا جات ماشة في العنابر وتسأل شفتو ساجد ولدي وشغالة تبكي بي طريقة هستيرية مشيت مسكتها من يدها قلته ليها يا خالة كدي إستهدي بالله واقعدي في الكرسي دا 💔 💔قالت لي وااي انا اقعد كيف يا بتي وساجد رايح وانا بفتشو في المستشفيات ما خلينا مكان وما مشينا ليهو احححي انا يا بتي دا ولدي الوحيد اكان راح مني تاني اقول يا منو 😭 😭 قلته ليها طيب هو شكلو كيف وليهو كم يوم مافيش ؟؟ هو طويل واسمراني وشعرو سبيبي عندو شامة في رقبتو رايح ليهو يومين 😭 😭من الوصف عرفته إنو المريض رقم 37 دا ولدا ♥قلته ليها في واحد معانا هنا في غرفة الإنعاش ليهو يومين داخل في غيبوبة تعالي شوفيهو يمكن يكون دا
#يتبع

#وفي_النبض_حياة

-13-
الحجة لما شافت الولد طواالي عرفتو قالت دا ولدي ساجد زاتو الحمد ليك يارب 😢 😢 طيب وهو مالو مرقد كده في السرير الحاصل عليهو شنو 💔 💔قلته ليها والله يا خالة عمل حادث وجابوهو هنا جابو واحد كده شكلو دا الزول الضربو بي عربيتو زاتو دفع التكاليف بتاعت العملية وباقي العلاجات وخلى شيك للدكتور قال ليهو لو حصل اي شي يتصرفو من القروش دي ♥ المهم قعدتا احنس فيها اليوم كلو ما تبكي في النهاية سكتت وقعدت مع ولدا وانا رجعته البيت طبعا الليلة الخميس وبكرة ما شغالين حيجو ممرضين معينين عشان يعتنو بي باقي المرضى♥♥طبعا الليلة القعدة في بيت ناس خالي ♥ كالعادة برسلوني السوق وبقوم بلقى ود جارنا الاهبل داك تحت الشجرة قاعد عاطل ما عندو شغلة غير القعاد تحت الشجر تقول قرد 😂 😂قال لي شنو يا امنة ما تجدعي لينا رقميك بي جاي 😍 😍قلته ليهو هوي إتلما يا شافع اديك رقمي ليه هو إنت جنى متين 😒 😒إتعقد مني عقيد 😂 😂 المهم مشيت السووق وجيت عملته الفطور فطرنا بي مزااج وقمنا طلعنا مشينا 😘 😘اها من الباب اشوف ليك حسام واقف برا قاعد يتكلم بي التلفون طبعا الفترة ديك كرهتو لمن غلط وبقيت زاتو ما قاعدة إتزكرو لاني كنته مشغوولة ياخ 😡 😡 ناس امي سلمو عليهو انا عملته نفسي كأني ما شايفاهو دخلته جةا طواالي سلمته لي ناس عماتي وخالاتي قعدنا نتونس ♥وسوزان كل شوية ماشة على ديوان الرجال ماشة تشوف حسام بتاعا دا 😡 😡 اها قالو لي العقد بتاعم يوم الجمعة الجاية عااد البت ما باقي ليها إلا كان تطير السما 😡 😡فرحانة كيف 😂 😂 اها رجعنا البيت لقيت اخوي الاصغر مني داك جا من الدرس ياداب داير يدخل غرفتو قلته ليهو دقيقة الود المختفي وووين إنت؟؟ قال لي ياخ والله قاعد اقسم وحااات الله قاعد 😂 😂اي زول يشوفني بشبكني ليك إنت وين إنت وين ياخ انا حاالف والله بيني وبين ال90 شبر بس ما عندي زمن للونسة والخلط حاخلط إن شاء الله بعد ما امشي الجامعة 😂 😂كلنا قعدنا نضحك قلته ليهو غايتو الله يكون في عونك 😹 😹سامعة تلفوني قاعد يرن انا زاتي إتخلعته 😂 😂لانو تلفوني في الشهر برن مرة واحدة والمتصل ابوي داير يسلم علينا وبس 😂 😂اها رديت قلته ليهو الوو..قال لي اهلين امونة كيف تمام اها عرفتيني؟؟ قلته ليهو معقولة ما عرفتك ما حسام حيكون منو يعني 😒 😒هههه طلعتي شااطرة لكن كنته داير اشغلا ليك 😢 😢قلته ليهو اها ادينا المختصر المفيد
#يتبع

#وفي_النبض_حياة


-14-
اها قلته لي حسام داير شنو😕😕قالي والله يا امنة أنا حاسس انو اختياري 😢😢قلته لي هو ياتو إختيار كمان😐😐قصدي ليكي في اختياري لي سوزان 😦😦 اها طيب سوزان مالا اسي عيبا شنو😒😒 لالا هي كويسة وأي شئ لكن بس هي خفيفة شوية وانا بكره الصفة دي في البنات😠😠قلته ليهو والله يا حسام انت أمرك عجيب ياااااخ انت مش براك جيت قلته لي إنو إنت دايرة تاني تقوم تقولي ما دايرة والله حيرتني معاك😕😕قال لي والله أنا محتار بينك وبين سوزان 😢😢 قصدك شنو 😡😡صدقيني يا امنة انا ما عارف ليه قاعد أفكر فيك رغم إني خلاص قربته للزواج😯😯انا طوااالي نزلته التلفون من اضاني و قفلته الخط بالله شوفو الود ألما نصيح دا😠😠 خشيت نمته طوااالي 😴😴تاني يوم قمته من النوم بدرييي صليت لبسته ملابسي وطلعته مشيت الشغل♡♡ اها بعد ما سلمته على الدكاترة مشيت للمريض رقم 37 لقيتو كما هو ما في شي اتغير 😧😧لاحظته للدرب لقيتو انتهى مشيت المخزن جبته واحد تااني ركبتو ليهو😉😉قلته بدل انا قاعدة ساي وما عندي موضوع والوضع ممل كدي اخش الفيس وافرق شوية😄😄فجاءة حسيت انو العيان دا قاعد يتحرك طبعا نططت عيوني قعدته اعاين فيهوساي 😲😲قال لي انا وين؟؟قلته ليهو حمدالله على السلامة♡♡الله يقبل حمديك ..داير يقوم ما قدر قال اااخ رأسي قاعد يوجعني😳😳جيت سندتو في ضهرو وختيت المخدة تحتو قلته ليهو لالا ما تتحرك انت يادوب صحيت لسا عيان آخدراحتك😊😊 طبعا هو قاعد يعاين لي ساي قال لي أمي وين؟؟قلته ليهو أمك كانت قاعدة هنا بيكون مشت تفطر ولا حاجة بي الشكل دا المهم ما تشغل بالكك هي باجي اسي😊😊 في زول دق الباب قلته ليهو ادخل☺☺ جا داخل انا لما عاينت ليهو زاتي اتخلعته قلته ليهو حسام الجابك هنا شنو؟؟قال السلام عليكم ساجد رد ليهو ..قلته ليهو كدي إطلع برا وانا بلحقك 😠😠جيت قلته ليهو هي إنت الجابك هنا شنو ؟؟ قال لي عيان قلبي داير علاج يلا عالجيني يا دكتورة ♡♡قلته ليهو عاين يا حسام بطل بهالة ما ناقصني والله 😠😠يا امنة انا ما فاهم مشكلتيك معاي شنو انتي ليه بتكرهيني كدا بالله لو انتي زعلانة مني كلميني عشان انا أكون عارف 😳😳 عاين يا حسام انا اسي مشغولة نتكلم بعدين😠😠خلاص تمام يا زولة بعدين بعدين ما عنديك مشكلة بنتظر😤😤 فتحته الباب ودخلت جيت قعدت في الكرسي
#يتبع

#وفي_النبض_حياة

-15-
كنته غصبااانة ياخ 😒 😒 الود قاعد يعاين لي قال لي دا حبيبيك؟إتلفته عاينته ليهو قلت ليه عفوا قصدك شنو 😒 😒قصدي وااضح دا حبيبيك ومتشاكلة معاهو ولا شنو؟؟ لالا ما حبيبي ولا حاجة دا واحد مجنون ساي 😡 😡يااا شيخة إنتي جااادة 😹 😹حمرته ليهو لمن سكت 😒 😹 😹 سكتنا مساافة تاني قال لي عايني إعتبريني واحد صحبيك عادي واحكي لي إنتي ماليك الحاصل عليك شنو؟؟؟ قلته ليهو دا واحد كده قريبي 🐸 🐸قال لي اااي واضح الشبه بيناتكم في ملامح متقاربة بيناتكم 😀 😀انا إتفقعته ضحك قلته ليهو علييك الله اسي انا قاعدة اشبه الحلبي دا 😂 😂 والله يا شيخة كلاميك صح إنتي سمراء وهو حلبي لكن صدقيني في شبه والله 😍يلا ما علينا ..على فكرة يا ساجد♥مش إسمك ساجد؟؟ قام نطط حواجبينو قال لي عرفتي إسمي من وين ؟؟ من امك ♡ قال لي اها يا إنتي قولي 😀 😀سبحان الله يا ساجد ربنا وحدو البعلم حالتك كانت كيف والله العظيم كلنا إحترنا وما مصدقين إنو حتى الآن إنت عايش 😢 😢قام ضحك قال لي كيف بالله مالي مت ولا شنو 😹 😹والله يا ساجد إنت مت لمدة 4دقايق وجيت الحياة راجع ودي معجزة والله 😍 😍قال لي يازولة هو انا اصلا الموت دا قاعد ينفد مني والله لو كان مت كان اخير لي بي كتييير 😂 😂 لالا ما تقول كدا الموت والحياة بي يد ربنا♥قال لي كدي خليني من قصتي اها إنتي قصتيك شنو مع قريبيك دا 🐸 🐸 قصدك الاهبل دا؟؟ياخ دا كان واحد صحبي لما كنا شفع سافر وانا زعلانةمنو إنتظرتو 18سنة تخيل لما جا راجع ما عاين لي زاتو 😡 😡 لاا حولااا عليك الله إنتي جادة 18 سنة اوغسم بالله دا إنتي باليك طويل وبعدين ناس تمنطاشر سنة ديل زااتهم الزمن دا مرتبطين دا عمر زول مراهق عدييل 😂 😂 اسي هو خاطب وداير يتزوج وقال هو مشوش بيني وبين خطيبتو واصلا انا خلاص كرهتو ياخ 😢 😢قال لي معاك حق والله . ..اسمعي إنتي مافي واحدة جات هنا نهاائي ؟؟ ااي بتزكر جات واحدة كانت منتظراك زمن إنت نبض وقف نحن طلعنا خبر وفاتك هي طوالي بكت ومشت وتاني ما عارفاها مشت وين 😂 😂 هو سكت مساافة قال لي طيب وتلفوني وين؟؟ قلته ليهو دقيقة امشي اشوفو ليك في المخزن ♥طلعته مشيت المخزن سالت الحارس قال لي اي في تلفون لونو اسود كدي اشوفو ليك ♥ طلعو جابو لي اها انا طلعته ماشة غرفة ساجد دكتور ماهر لاقاني في الشارع قال لي اها المريض رقم 37 مافي منو تتطورات؟؟ قلته ليهو المريض بقى كويس
#يتبع

وحيدة
لم اشعر بانني انتمي لاحدهم يوما💔💔

#وفي_النبض_حياة

-16-
قال لي امنة إنتي جادة إنو العيان داك بقى كويس؟؟قلته ليهو والعظيم هو كويس اسي كنته قاعدة إتونس معاهو 😀 😀قال لي لالا تمام ربنا يديهو الصحة والعافية♥♥ مشيت لي ساجد لقيتو سرحااان قلته ليهو هاك تلفونك مش دا ياهو زاتو 😍 😍قال لي بس ياهو زاتو تسلمي امونة♥♥ قام فتحو ودق لي رقم كده غايتو انا ما ختيت بالي معاهو ومن خلال النقاش معاها إتاكدته إنو دي حبيبتو وعلاقتم إنتهت 😢 😢نزل التلفون من اضانو وهو كلو حسرة ومصدوم من الحصل قلته ليهو مالك ادوك شاكوش ولا شنو بقيت صاااني كدا 😹 😹قال لي باعتني يا امنة 😢 😢انا سكته سااي قلته ليهو انا آسفة 😭 😭قال لي لالا مافي داعي تتأسفي 😢 😢طيب ممكن توريني السبب؟؟امنة هي قالت لي بلواضح إنها لقت غيري تخيلي علاقة اربعة سنوات إنتهت بي البساطة دي 😭 😭قلته ليهو ما تحزن عليها ربنا بديك الاحسن منها بس إنت قول يا رب♥♥جر نفس طوييل وقال يا رب ..قلته ليهو ساجد انا دوامي إنتهى لو إحتجته اي شي انا بكلم زميلي عمار يجي يشوف الحاصل عليك شنو تمام 🐸 🐸قال لي خلاص ظابط يا زولة نتلاقى♥♥ طلعته مشيت موقف المواصلات واحححي انا من الزحمة دي والناس كلما تجي عربية تتجارى وتتخاطف وانا المسكينة وااقفة بس 😢 😢واخييرا جات عربية وقفت جمبي وانا ماا صدقته بالله طرته فيهو وخشيت جوا قبال ما الجماعة الطيبين ديل يقومو يفجخوني انا ما ناقصني والله 😹 😹العربية إتحركت وتلفوني رن لقيتو دا دكتور ماهر قلته ياربي الحاصل شنو الدكتور دا متصل علي ؟؟رديت قال لي الو امنة إنتي وين؟؟قلته ليهو في المواصلات إن شاءالله خير♡♡ ياا بت الحقي باص كامل عمل حادث والناس المتأزية كتيرة واغلب الدكاترة إنتهو من دوامم عليك الله ارجعي الناس دي محتاجة لينا يا امنة 😢 😢قلته ليهو خلاص تمام انا جاية طقطقت للكمساري اديتو قروشو ونزلته قطعته الظلط اها ارجع كيف واسي العربات دي كلها مليانة يا ربي 😢 😢وقفت لي ركشة وعارفيين براكم الركشات دي غالية كيف وانا في شنطتي ما شايلة اكتر من عشرين جنيه 😹 😹بتاع الركشة طلع ود حلال وفهم وضعي طواالي قام وصلني ولمن نزلته مديت ليهو القروش قال لي طيب وبعدين ترجعي بي شنو؟؟ قلته ليهو لحدي الرجعة بعدين انا بتصرف قال لي لالاوالله خلي القروش عنديك يا دكتورة وربنا يحفظيك♥♥والله يا اخوي ما عارفة اشكرك كيف لكن ربنا يفتحا ليك دنيا وآخرة ياارب ♥♥ اها دخلته المستشفى بالله
#يتبع

#وفي_النبض_حياة

-17-
لقيت المستشفى اتملت ناس عيانين وانا جسمي كلو اقشعر من هول المنظر 😲😲اها الدكتور لما لمحني قال لي واقفة لي شنو تعالي سريع شوفي لي ديل حالتهم كيف😠😠أول واحد قربته منو ختيت يدي في معصمو عشان أشوف نبضو لقيتو ميت 😭😭 مشيت للتاني لقيت نبضو شغال لكن ما قاعد يتنفس جبته الأوكسجين اديتو ليهو قام اتنفس وفي كم نفر م جروحين وفي منهم يدينم أو كرعينم مكسورة 😢😢اها طبعا بقيت شغالة ماشة من المريض دا للمريض دا والساعة بقت 12وتلفوني في الشنطة أكيد الليل كلو قاعد يرن بعد شوية شايفة مازن وأحمد جو المستشفى عشان ي شوفوني لقوني مشغولة شديد 😧😧قلته ليهم انا الليلة بايتة هنا ما في طريقة أرجع البيت مازن قال لي أحمد خلاص ارح البيت خليها هنا ☺☺ شغالين الليل كلو والله ما ضقت نومة لحد ما الازان اون اها شوية كده الأمور هدت 😊😊انا كنت حاسة بي نفسي تعبانة وما قادرة أواصل طوالي مشيت اتوضيت وصليت الصبح حاضر في جامع المستشفى 😭😭ما قدرته أقوم بدون ما أشعر نمته في مكاني ما صحيت إلا بعد تعب ولما طلعت لقيت الشمس فوق شكلو دي الساعة11 مشيت المخزن شلت شنطتي ورجعته البيت طوالي رقدته نمته 😳😳وتاني ما قدرته أقوم إلا بعد المغرب ناس البيت عرفة انو انا عيانة قالو دايرين يودوني المستشفى انا أبيت قلته دايرة ارتاح شوية يمكن الصداع يخف😯😯الوجع فيني ماشي يزيد قمته مشيت عملت لي كباية عصير ليمون ونمت 😃😃بي المغرب كدا سامعة صوت حسام جا داخل غرفتي ناداني عملته روحي نايمة وما سامعة😈😈قال لي امنة سلامتك ماليك😕😕 فتحت عيوني صغار قلته ليهو مصدعة بس😐😐قال لي طيب ارح اوديك المستشفى😦😦قلته ليهو شكرا ما بحتاج مستشفى دايرة انوم بس معليش😴😴 خلاص تمام يا زولة اخدي راحتيك تمام♡♡ خلاص تمام طوالي قلبت راسي بي الجهة التانية حسام قال لي امنة اقسم بالله انا بحبيك😳😳 ولا اشتغلته بي هو زاتو سامعة صوت الباب اتقفل😐😐ما عارفة مالي بقيت كارهة حسام دا للدرجه دي😧😧عموما يستاهل الكره دا كلو 😤😤اها ما عارفة تاني ليه بقيت قاعدة اتزكر في ساجد 😲😲يا ربي اسي بيكون هو بقى كيف 😧😧اسي ما حاقدر أمشي المستشفى عشان اطمن عليهو😳😳 ما مشكلة بكرة يوم بمشي بشوفو ان شاء الله♡♡ اها شويه كدا حسيت نفسي اتحسنته قمته مشيت استحميت وصليت العشا 😄😄لقيت ناس أمي قاعدين يتعشو نادوني معاهم مشيت قعدته 😍😍مريم قالت لي اها بقيتي كيف؟؟
#يتبع

#وفي_النبض_حياة

-18-
الصباح لبست وطلعته عشان أمشي الشغل بس تخيلو من الصباح دا طلع في وشي منو😤😤حسام اللايوق بس طوالي قام اتلصق فيني والا قال داير يوصلني 😂😂بعد تحانيس قمته ركبته معاهو طلعته تلفوني وشغلته اغاني لحد ما وصلنا المستشفي نزلته ولا عبرتو زاتو🐸🐸 الغريبة أول ما جيت داخلة على غرفة ساجد لقيتو مافيش 😲😲سألته عمار قال لي خرجوهو امبارح😢😢حسيت بي شعور كدا غريب ممكن تقولو حزنته عليهو لانو رحل وما حاشوفو تاني😩😩عد أسبوع كامل وجابو مريض تاني في نفس غرفة ساجد 😟😟 اها عرس حسام طبعا الايامات دي😉😉أختكم اتجهزت نفسيا ومعنويا يلا أمل رسلت لي ملابس من قطر فساتين رووعة😙😙والمكياجات والعطور ما خلت حاجة ما جابتو لي 😍😍 يلا الليلة الحنة بالله مشيت كويت شعري واتمكيجته ظابط ومشينا الصالة😂😂اها لما جيت داخلة كدا افتكرنو انا العروس🙆🙆بتاع الكاميرة أبا يزح الكاميرة من وشي والدقة شغالة وانا طبعا عايشة الدور شغالة ابشر ساي وارقص مع الدقة😂😂في النهاية اكتشفو إنو انا ما العروس 🐸🐸شايفة حسام قاعد يعاين لي ساي وانا ما اشتغلته بيهو😂😂الصالة مليانة كل ما تشتهي الأنفس وتتمناه😌😌اصحابو الجايين من أمريكا ديل يسوو كدي👌مريم قالت لي الليلة انا من هنا ما بطلع إلا بي عريس😂😂قلته ليها يلا اختاري قامت عاينت للاولاد هناااك قالت لي شايفة الود اللابس قميص كحلي 😘😘قلته ليها وينو ياخ😯😯ياخ هناك جمب السماعة 😍😍عاينته ليهو ياخ ملامحو دي ما غريبة علي يا ربي انا شفتو وين؟؟ بعد مسافة اكتشفته انو ما ساجد😲😲واااي لكن ساجد عامل شغل😖😖البنات كلهن قاعدات يعاينن فيهو😂😂هو ما عرفني طبعا عاد يعرفني كيف وانا عاملة كدا ال تقول انا العروسة😑😑اها الحفلة بدت خشينا انا ومريم في النص والله لا قاعدين نرقص ولا حاجة ناس وقاعدين يعملو شوشرة😂😂رفعت عيني شايفة ساجد أشر لي نظام اطلعي لي ورا الصالة😉😉عملته نفسي ما شفته شي 😌😌جاتني شافعة صغيرة جرتني من فستاني دنقرته ليها تحت ادتني ورقة فتحتها قال لي فيها اطلعي ورا الصالة خمسة دقائق بس😆😆رفعته راسي لقيتو مافيش مشيت على ناس أمي طلعت المكياج عدلتو ومشيت ورا الصيوان لقيتو مستنيني😂😂جا سلم علي قال لي ماشاء الله طالعة أمورة والله😉😉تسلم ياخ😊😊اها يا السمحة اسميك منو؟؟قلته ليهو ساجد معقولة😕😕قال لي وااي ما بصدق ما تقولي لي اسميك ساجد يعني اسم ساجد مشترك 😂😂
#يتبع

#وفي_النبض_حياة

-19-
قلته ليهو ساجد معقولة ما عرفتني😂😂قال لي لو كنت بعرفيك يا بت الناس ما كنت خليتك تختفي مني ولا ثانية😍😍 ياخ انا امنة معقولة ما عرفتني😨😨هو زاتو استعدل وقلع عيونو كبااار ماا معقول انتي دكتورة امنة😲😲 قلته ليهو بس ياها زاتا😮😮واااي ي امنة ما بصدق معقولة في أسبوع كدا بس بقيتي كدا😑😑قعدته أضحك فيهو سااي😂😂لالا يا بت اديني الرقم سريع😂😂بري هي رقمي ما بديك داير تسوي بيهو شنو😟قلع تلفوني من يدي واتصل قال لي يلا أمشي خشي الحفلة😂😂دايرة أمشي كدا قام مسك يدي قال لي ما تنسي التحصين اتحصني يا امنة بخاف عليك من عيون الناس😍😍طبعا قلبي بقا شغال يدق زي دلوكة انصاف🐸مريم قالت لي مشيتي وين انتي من قبيل😠😠مشيت الحمام مالو😕😕قالت لي ياتو حمام يا عفنة😒😒خالطة مع الزول الأنا وصفته ليكي فيهو يا شلابة😈😈لالا ياخ ما خالطة معاهو ولا حاجة دا طلع واحد كدا كان عيان عندي في المستشفى😂😂عموما انا ماشة أبارك للعرسان 😒😒مشيت سلمت لي حسام وسوزان باركت ليهم واتصورته معاهم سيلفي😍😍طبعا أخوكم وشو بقى زي خريطة السودان بعد الانفصال😂😂عابس وزعلان ومكشر😂😂وسوزان الخفيفة شغالة توزع في الإبتسامات ساااي😒😒اها الحفلة انتهت ومشينا البيت وبقيت لي أمل تلفون اتونسته معاها كدااا😍😍حكيت ليها الحصل كلو قالت لي يستاهل المعفن😒😒اها تلفوني قام رن رفعته التلفون لقيتو دا ساجد😍😍قلته ليهو اها الحصل شنو😉😉قال لي عاد يا امنة بعد شفتيك الليلة تاني حيحصل لي شنو تاني يا هناية لبشتيني عديل كدا😳😳انبرش بي هدوء ي انت😂😂قال لي انا بكرة عندي مقابلة في المستشفى بلقاك هناك😍😍قلته ليهو خلاص تمام نتلاقى😉💜😆قفلته الخط وانا من جو اي مبسوطة ياخ😍😍ساجد دا انا قاعدة ارتاح ليهو كيف😄😄يا بكرة متين تجي😂😂الصباح طلعته مشيت الشغل طبعا أغلب الحالات اليومين الفاتت ديك كلهم اتوفو😢😢المستشفى بقت فاضية ما عدا حالات الملاريا كترت😯😯اها طبعا مستنية ساجد يجي وكل مرة أتلفت واعاين😑😑العصر جا وباقي ساعة بس ودوامي يخلص😕😕ساجد حتى الآن ما جا😠😠خلاص ودوامي انتهى شلته شنطتي وطلعت لقيتو واقف جمب البوابة😑😑قال لي امونة مساء الورد☺مساء الخير😒😒ماليك قلتيها بي مساخة كدي 😬😬من قبيل انت وين😯😯ياخ انا جيت الصباح وقالو لي أنتي في استراحة الفطور وانا من قبيل مستني الدوام بتاعيك يخلص 😑😑 خلاص تمام يلا انا ماشة
#يتبع

#وفي_النبض_حياة


-20-
قال لي هيي دقيقة ماشة وين😲😲ماشة بيتنا طبعا حأكون ماشة وين😒😒ومال انا منتظر منو هنا من الصباح😠😠قلته ليهو طيب انت منتظرني ليه أمشي بيتكم ساي😌😌 حمر لي بي قعر عينو قال لي تصدقي انتي بت حقارة خلاص انا ماشي زاتو😒😒قلته ليهو سكة السلامة دربك اخضر😂😂مشيت خليتو ليك فات اها دايرة امشي موقف المواصلات بالله جات عربية قربت تخمني بي هناك😂😂فتح الباب قام طلع قال لي اركبي سريع😒😒قلته ليهو دا شنو الجنون دا يا ساجد ياخ لو ضربتني😠😠جراني من يدي وجدعني ليك جوا العربية وقفل الباب😲😲انا طبعا مصدومة من هول المنظر فتحته خشمي وقاعدة اعاين😦😦حرك العربية وفات بي أعلى سرعة قلته ليهو ساجد يا ود انت مجنون اقيف هنا واااي يا أمي سجمي الليلة بموت😭😭فجاءة وقف العربية وعاين لي طبعا انا الكحل سال في وشي والروج اتخرب وحالتي بي البلا😂😂هو عاين لي كدا قام ضحك قال لي منظريك فظيع وشناااتيك😂😂قلته ليهو انا نازلة هنا 😠😠قال لي طوالي انزلي لكن خليك عارفة حتجي راجعة😂😂فتحت الباب وقفلتو بي كل قوتي ومشيت😢😢طبعا ساجد دا مجنون رسمي وقانوني😂😂اها بقيت ماشة والواطة كلها شجر خفت أروح ما في حل إلا أرجع لي ساجد😤😤مشيت وقفته ليهو في قزازة العربية شايفاهو خته سماعات ونايم 😢😢بالله قلبو ميت كيف😳😳أتلفت شافني قام أبتسم لي فتح الباب خشيت قعدته جمبو ودموعي نازلة تقول شافعة😢😢قام دخل لي خصلة شعري بي جوا الطرحة قال لي ايوا خليكي كدا طفلة مطيعة عشان انا ما اتعاند معاك اسمعي الكلام😄😄انا منطقة عيوني بي استغراب قلته بي قلبي ساجد دا أكيد قاعد يتعاطى بنقو😂😂الود ما نصيح ابدا😂😂خلاص قلته اتبع أسلوب الممرض مع مريضه وافهم حالتو النفسية وإلا الليلة حابيت هنا😂😂ابتسمته ليهو قلته ليهو ساجد كدي وديني البيت لانو المغرب اذن واخواني صعبين تعال بكرة نتفاهم😊😊قال لي اكيد بكرة وبعد بكرة وباقي العمر كلوو😍😍تصدقي يا امنة إنتي أحن وأرق بت لاقتني في حياتي😍😍سكته سااي مستنية نهاية المسرحية دي🐸🐸قلته ليهو اها😯اظنيك فهمتي قصدي وما محتاجة أشرح ليك اكتر إنتي بس اقعدي بينك وبين نفسيك شوفي هل حتقدري تواصلي معاي باقي حياتيك ولا لا 😉😉انا منتظر جواب على كلامي دا وبديك زمن تفكري تمام😊😊انا قاعدة زي تمثال ترهاقا لا بودي ولا بجيب🐸🐸حرك العربية ووصلني قريب للبيت😍😍نزلت ومشيت البيت وانا فكري مشغول
#يتبع

#وفي_النبض_حياة
ل امنه عبد الجبار

-21-
لما جيت داخلة البيت مريم قالت لي اشي على العربية البرادو🌚✊قلته ليها انتي شفتيني يعني😲😲قالت لي ياا بت انا من الشباك هنا شايفاك أحمدي الله انو أمي الليلة ما كانت فوق والا كان مسحت بي كرامتيك الارض😂😂عموما غيري وامشي الثلاجة في ملاح دمعة امشي اتعشي عشان تمشي معاي السوق☺☺ تمام ياا زولة ما عنديك مشكلة بمشي معاك😊😊انا اتعشيت لبسته لي عباية ومشينا السوق طبعا مريم عندها بتاع بوتيك كدا مكسر ضلوعا🌚🌚لو مشينا السوق لازم نغشاهو ونشتري منو مكياجات😂😂اها مشينا البوتيك مريم قالت ليهو فتحي يا فتحي وووين انت😋😋اوو مريومة ياخ وين انتي يا زولة اختفيتي كدا😂😂قاعدة والله🐸انا طبعا سفهوني ونسو وجودي تمااما😂😂عازراها ياخ عارفاها مشتاقة😂😂تلفوني قاعد يرن لقيتو دا ساجد الليلة هو قاعد هنا ولا شنو😲😲قمته رديت قال لي وين انتي يا زولة😒😒انا في بيتنا في شنو🐸🐸قال لي أنتي ما في بيتكم 🌚هيي وأنت مالك ومالي😬😬قال لي عموما إنتي وين عشان ما أقوم اجيك بيتكم عارفاني براك انا ما عندي فرامل 😠😠 نحن في السوق😆😆طيب ومعاك منو ودا صوت منو القاعد يتكلم معاك دا😤😤معاي مريم اختي ودا حبيبا القاعد يتكلم معاها دا😅😅خلاص انتي في بوتيك النجمة صح😂😂طوالي طلعته برا لقيت العربية واقفة 😲😲وااي انا المجنون عملا وجا 😂😂مشيت قلته لي مريم عايني هنا انا ماشة وجاية😅😅ولا اشتغلت بي المعفنة خااالطة🌚✋مشيت لي ساجد قام طلع برا سلم علي قال لي مشتاقين😍😍الجابك هنا شنو😠😠قال لي بقول ليك مشتاقين شنو شابكاني الجابك هنا شنو😒😒فتح العربية واداني علبة نوتيلا قال لي جبتو ليك وانا في طريقي اها قلتي لي كيف وكيف🌚قلته ليهو ساجد انت مجنون😠😠والله يا ستي بتقدري تقولي كدا 😂😂لا يعني انت اسي نصيح يعني ؟؟والله تصرفاتك بتدل إنك قاعد تشرب بنقو😆😆قام ضحك لمن صفق قال لي النصيييحة😂😂انا جبنة ما قاعد أشرب لمن أشرب بنقو🐸✋يا شيخة انا اصلا لا بخجل ولا بخاف انا زول كلمتي واااحدة واتجاهي دغري 😌✋مريم قامت نادتني دايرة امشي ليها هو قام وقفتي وقام ناداها ياا مريم تعالي هنا دا😠😠مريم جات سلم عليها بي كل حماس كانو بعرفة من زمااان😂😂قالت ليهو ممكن تخلي اختي تمشي 🌚🌚يا شيخة دي اختيك😆😆اي🐸إنتي افرض منها وهي احلى منيك😂😂اها قال لينا ارحكم نمشي لينا أقرب كافيتريا نشرب لينا عصير😀😀قلته ليهو لكن الزمن😨
#يتبع

#وفي_النبض_حياة
ل امنه عبد الجبار

-22-
مريم قالت لي زمن شنو بالله جات قالت لي في اضاني ارح نعز نفوسنا انا جععانة والله😂😂قلته بي قلبي عارفيك يا جعانة😒😒قلته لي ساجد خلاص ارحكم😄😄اها مشينا مطعم رااقي كدا قضيناهو ونسة وضحك طبعا ساجد غير الضحك تاني ما عندو شي😂😂رجعنا البيت ومريم مشت فرشت سريرا في الحوش وانا دخلته البرندة جوا خشيت نمته😆😆طبعا حكاية النوم في الحوش خليتا من زماان بي سبب موقف حاحكيهو ليكم اسي😂😂المهم انا زمان كنت بحب انوم في الحوش وكدا عشان الجو الطبيعي ما زي جو المكيف😍😍اها أختكم اليوما ديك جات من الجامعة فتراانة ومنتهية😂😂فرشت سريري في الحوش ونمته بي مزاااج😴😴بس أقوم اسمع ليك صوت زول قاعد يحفر قلته بي قلبي ياربي دا منو القاعد يحفر نص الليل😠😠طلعته راسي من تحت البطانية لقيت ليك تلاتة نفر واحد شايل كيس اسود والتاني قاعد يحفر والتالت واقف سااي😂😂طبعا اتخلعته وخفته قلته هوووي ديل ناس منو😲😲انا من الخلعة قمته اتشهقته هم شافوني طوالي قمته دخلته راسي جوا البطانية😂😂قلته خلااص الليلة معناها بقتلوني😲😲بمووووت يا امي😭😭قعدته اقرأ قران وأحاديث وكل ما يخطر على البال😂😂اها قعدته مساافة ما سمعته صوت حاجة قلته كدي اتاوق أشوف الحاصل شنو اطمن على الاوضاع😂😂طلعته راسي مااا لقيت ولااا شيطان انا قمته مخلوعة جارية على البرندة ناس أمي كانو قاعدين جوا وطابلنو 😢😢جعرته بي أعلى صوتي وبكيت ودقيت الباب 😂😂أمي جات فتحتو لي و قعدته ابكي😭😭المهم تاني حردته النوم في الحوش ولو اموووت😂😂 اها تاني يوم مشيت المستشفى اخدته إجازة عشرة ايام عشان اربط شوية 😍👏👏بي المسا كده العرسان جونا زيارة😒😒اااي العرسان ناس حسام وسوزان😏 طبعا حسام ما اتعرفته عليهو يااخ بقى وهمي جنس وهمنة 😂😂الجلحات ظهرت والكرشات طلعت واااي يا مصارين بطني😂😂جيت سلمته عليهو وعلى سوزان بي حماااس كده🐸👏جبته ليهم عصير و قعدته اتونسته معاهم كداا😏😏حسام شغال يعاين لي ساي جدع مرتو بي غاادي وفي عز الونسة ساجد دق لي 😂😂 اشي عليه دقيت في الزمن المناسب فتحت الخط قال لي حبيبة ساجد😍😍قلته بي أعلى صوتي عيووون حبيبة ساجد مشتاقين وحاتك😂😂هو طبعا سكت سااي حسيت انو ما قدر يستحمل الصدمة طوالي قفل الخط😂😂بس دايرة اطلع من المطبخ لقيت حسام في وشي 😤😤قال لي كنتي بتتكلمي مع منو😳😳 بتكلم مع حبيبي أكون بتكلم مع منو😆😆وبعدين إنت مالك ومالي ان شاء الله أتكلم مع شاروخان انت ما عندك بي شغلة😠😠امنة الله يهديك انا تاني ما اشوفك قاعدة تتكلمي مع زول تاني فاهمة😠😠أجي يا الدفنو قام صنقر😲😲هييي مالك هي شوف ليك شغلة غيري أقوم امشي اخربا ليك مع مرتك ازح من وشي كدي😒😒لزيتو ليك بي هناك ومشيت البرندة خليت خشمو ملح ملح😂😂يستاهل المعفن😡
#يتبع

#وفي_النبض_حياة
ل امنه عبد الجبار
-23-
ساجد قال لي نطلع الليلة وانا أبيت قال لي والله بتلقيني مدردق في حلتكم لو ما كرهتيك ليها ابقى ما أسمي ساجد😒😒قلته ليهو خلاص خلاص دقيقة ألبس انتظرني جمب البوتيك وانا بجيك😂😂مشيت لبستة وطلعته مشيت البوتيك لقيتو موقف العربية ركبته سلمت عليهو ومشينا😁😁وقفنا في مكان كدا كلو شجر قال لي انزلي 😊😊قلته ليهو ساجد نحن وين والجابنا في الغابة دي شنو🌚غابة في عينيك دي جنينة أبوي انا يجي فيها لمن أكون فاضي😒😒اها طلعته بقينا شاقين نص الشجر انا شغالة اعاين فوق احتمال يكون في ثعبان ولا قرد هنا يقوم يقتلني ساي😂😂قال لي شايفة البيت داك قلته ليهو موديني وين انت يا زول ما ماشة معاك😒😒قال لي يا بت استغفري الله نحن اصلا ما خاشين جوا حنقعد في النجيلة ديييك شايفاها😂😂قلته ليهو ايوااا لالا معليش كان كدا😑😑يااخ المحل رووعة في شجرة نيم كبييييرة عامل فيها ترابيزة كبيرة وفيها حاجات شواية وبي غادي المسبح والفيلا تلخم والعجب جنب البحر😍😍قال لي يلا اقعدي يا ست الكل انا ماشي أغير ملابسي وجاي تمام🌚 هزيت راسي نظام تمام 😯قاعدة أتأمل في المكان ياخ تخلف تقول دا مكان برا السودان من روعتو😍😍 جو نفرين نضفو المكان وجهزو الشواية والعصائر والاكلات😯😯انا قاعدة اعاين بس🌚🌚عاينت كدا شايفة ساجد جاي لابس فنيلة رياضية رمادية وبنطلون اسود وشحاطة بيضة وطاقية رياضية بيضة اححححي قربت أقوم فوق عاد الود بقة قرض😁😁قال لي أن شاء الله ما أكون اتاخرته عليك😊😊قلته ليهو لالا ولا يهمك قال لي جيبي كرسي تعالي اقعدي جمبي😍😍جريت كرسي ومشيت قعدته جمبو وهو واقف قاعد يشوي في السمك قال لي هنا الجو كيف😕😕قلته ليهو ظابط والله جميل ومرتب🌚✌ساجد إنت عايش مع ناس منو؟قال لي اناا عايش مع أمي وابوي وأخواتي الاتنين وواحدة متزوجة ساكنة في بريطانية😊😊انت أكبر واحد يعني😁😁لالا أكبر مني ياها اختي المتزوجة دي سمر و بعديها سهام دي اتخرجت واسي هي مخطوبة عرسها قرب😍😍وانا بعديها والاصغر مني سجود آخر العنقود قارية في جامعة الرباط🌚✌قلته ليو اممم لالا تمام 😃😃قال لي قطعي السلطة دي😉😉شلتها قعدته أقطع فيها قال لي تاكلي أكل أجنبي مثلا صيني ياباني ولا روسي😉😉قلته ليهو انت قاعد تتفلسف علي يا ولد صيني شنو وياباني شنو😂😂قال لي راحتك يا زولة😆😆اها قلتي لي ود عميك دا خليتي وسبحان الله حسام دا صحبي من زماان والله مصادقو في الفيس
#يتبع

#وفي_النبض_حياة
ل امنه عبد الجبار

-24-
قلته ليهو انسانا من حسام بالله ما تخرب لينا الجو الظابط دا😑😑جاب الأكل ختاهو قال لي يلا ارح نأكل 😁😁غسلته يدي و قعدته أكل قال لي شفتي كييف انا طباخ😗😗ما شاء الله اكلك ظريف بتعرف تطبخ😁😁ما جبتي حاجة من عندك😆😆بعد الأكل جاب العصير وشربنا الجبنة و بعديها مشينا على البحر عشان نتمشى بجد انا في حياتي ما فرحت زي اليوم دا😍😍ماشين في طرف البحر ساجد قال لي أنتي عارفة يا امنة🌚اها..انا خلاص نسيت روان من يوم ما شفتيك😍😍ما رديت عليهو قال لي بجد يا امنة انا حسيت معاكي انو عمري انكتب معاك من جديد انا عايز أعيش عشانيك💞وكانو ربنا كتب لي عمر جديد عشان افرح امنة انا عمري كلو كنت مهموم انا نهائي ما كنت مبسوط بس هسي انا أسعد إنسان 😍😍احم احم طبعا انا مدنقرة راسي من الخجل ما قادرة ارفعو😂😂قلته ليهو يعني خلاص نسيتا😊 نسيت حنانا زاتو😠قال لي طيب يا زولة احكي لي عنيك شوية حبيتي كم مرة وكم ولد😂😂قلته ليهو ياهو زيما انت شايف في حياتي كلها اتمسكت بي ولد واحد وطلع ما نصيبي والباقي كلو قراية وشغل😂😂قال أمم تمام قام دنقر رباني بي الطين في وشي قلته ليهو وااي ساجد خربت لي ملابسي الليلة أرجع بي شنو😢😢ولا يهميك بتتحلا يا قلب💞قام قعد في الرملة عمل حاجة زي شكل بيت قال لي دا بيتنا هنا غرفتنا وهنا غرفة اولادنا😂😂قعدته اضحك جابت ليها اولاد كمان🐸الموية جات خربت البيت قال لي أنتي فقر خلاص اسي البنيناهو كلو اتهدم تاني إلا نتشرد في الشوارع😂😂ساجد انا ماشة البيت اها امشي بي شنو😢😢قال لي ارحكي خلاص مشيت الجنينة مشى جاب لي كيس كدا كبير قال لي هناك الحمامات امشي البسي واحدة من ديل جبتهم ليك امس😍😍مشيت لبسته فستان اسود وطرحة وردية وشنطة وردية حلوات حلا😍😍
#يتبع

#وفي_النبض_حياة
ل امنه عبد الجبار

-25-
رجعته البيت وجيت داخلة الغريبة مافي زول قاعد قلته يا ربي ديل بيكونو مشو وين😟😟خشيت غيرته ملابسي وجيت فتحته التلاجة شلته كرستال موية وشربتها قعدته في الكرسي وانا قاعدة استرجع الحصل واتبسم براااي😂😂شلته التلفون لقيتو طافي شحن طوالي وصلتو في الكهربا😉😉فتحتو ودقيت لي مريم بعد مساافة رفعت جاني صوتا وهي قاعدة تبكي سامعة صوت إزعاج شديد انا اتخلعته قلته ليها ماليك يا بت😲😲امنة الحقي مازن في المستشفى بين الموت والحياة😭😭قلتي شنو😲😲وجري لبستة عبايتي وطرحتي طلعت الشارع وانا قاعدة أتلفت لقيت ود جارنا مطلع عربيتو وقفتو قلته ليهو بي سرعة وديني مستشفى الشفاء😭😭قال لي إن شاء الله خير يا امنة 😟😟مازن اخوي في المستشفي بالله عليك اسرع😭😭اها ساق سريع وداني المستشفى نزلته وانا جااارية وصلته جوا لقيت ناس أمي ومريم وأحمد قاعدين واقفين جمب غرفة الجراحة😪😪مريم لما شافتني حضنتني وقعدت تبكي وانا اتفقعته بكا قلته ليهم مازن مالو😦😦أحمد كان قاعد يحاول يدس دموعو ويكون قوي قال لي فجاءة بقى قاعد ينزف بي انفو وخشمو واغمى عليهو وياهو دخلوه الغرفة دي ومنعونا ندخل😢😢بعد شوية دكتور وائل طلع جيت سريع قلته ليهو دكتور الحاصل شنو😦😦قال لي عملية مستعجلة قولي لي باقي الممرضين يجهزو غرفة العمليات انا بمشي بكلم دكتور ماهر وبجي😧😧جاهزة الغرفة وانا طوالي مشيت لبسته ملابسي حقت الشغل ودخلته معاهم ..مازن كان وشو شاحب ومرهق بي شدة وباين عليهو كان عيان من بدري 😢😢دكتور ماهر قال لينا خلاص يلا بسم الله نبدأ العملية اريج اديهو حقنة التخدير😓😓اريج جابت الحقنة وطعنتو قام حرك راسو بي الجمبة طوالي رقد المخدر اخد مفعولو😢😢قال لي ناوليني المقص داك اديتو ليهو قام براحة شرط قميصو وبدأ يقص جلد مازن ويمسح في الدم بي قطنه انا هنا خلاص فقدته السيطرة على مشاعري شلته الكمامة من خشمي وبديت أبكي الدكتور قال لي امنة انتي ما حتقدري تواصلي أحسن ليكي اطلعي اقعدي برا😠😠اريج جابت كرسي قالت لي اقدي هنا 😢😢قعدته شلته الجونتيات من يدي وغطيت وشي بي ايديني الاتنين وانا مدنقرة😢قاعدة اعاين لي جهاز النبض وادعي يارب النبض دا ما يقيف يا رب الخط ما يستوي قريت كم سورة ودعيت كتير واستغفرته😭😭دكتور وائل قال لي عمار العمليه انتهت اديني إبرة وخيط اخيط الفتحة دي😊😊شايفاهو قاعد يخيط لحد ما العملية انتهت وهم طلعو
#يتبع

#وفي_النبض_حياة
ل امنه عبد الجبار

-26-
قاعدة في الكرسي قرابة الساعتين ما اتحركته من مكاني كان في هدوء قاتل غير صوت الجهاز والمروحة😢😢قربته من مازن مسكته يدو و قعدته ابكي وادعي ليهو😦😦لما طلعته لقيت ناس أمي ديل خلااص اعصابهم باظت والمستشفى اتملت أهلي على ما أعتقد انو دكتور ماهر طمنا انو العملية نجحت😧😧انا كنت تعبانة وشايفة طشاش 😢😢مشيت الحمام وجيت راجعة قعدته في نفس الكرسي وانا منتظراهو يصحى جا دكتور وائل خاشي فحص مازن واداني النتائج قال لي محتاجين قزازتين دم هسي البنك فاضي وقاعدين نفتش عن متبرع😔😔اريج جات داخلة قالت لي ياخي تلفونيك دا صدع بي ياخي الليل كلو قاعد يرن😑😑شلتو لقيت مكالمات كتيييرة من ساجد وتاني دق قالت لي ردي ✋هو انا عندي مزاج رد اسي ولا ظروفي بتسمح لي اتكلم مع زول😢😢تااني دق في النهاية رديت واول ما فتحت الخط جاط فيني يا زولة إنتي وين وما ليك ما بتردي الحاصل شنو؟؟ألو الو؟قلته ليهو وصوتي مبحوح اها في شنو😭😭امنة ماليك الحاصل عليك شنو انتي وين😠😠انا في المستشفى واخوي مازن عيان راقد في المستشفى عملو ليهو عملية😭😭قال لي انا جاي وقام قفل في وشي😯😯جاي وين الليلة لو اشتبك مع مصعب اخوي حتحصل مشكلة😲😲دقيت ليهو وما قاعد يرفع انا خفته شديد المهم اريج قالت لي لقينا قزازة واحدة في البنك والباقي واحد😯😯تلفوني رن لقيتو دا ساجد قال لي انا جمب البوابة اطلعي 😍😍طلعته سريع مشيت ليهو كان واقف لما شاف حالتي هو زاتو اتاثر بي الحاصل قام مد لي منديل قلته ليهو اسي هم دايرين قزازة دم نجيب ليهو من وين😭😭قال لي انا هنا يتبرع بي دمي😊😊قلته ليهو لالا مافي داعي حنلقى متبرع✋يا بت متبرع شنو انا هنا جمبيك يا امنة لو ساندتيك اسي اسانديك تاني متين 😄😄قلته ليهو خلاص ارح نفحصك اها مشينا الفحص والزمرات طلعت متطابقة مع بعض شالو منو قزازة دم😧😧قال لي خلاص انا اسي ماشي الشغل بغشاك بعدين 🌚ساجد اقيف ✋قال لي اها😃😃شكرا ليك😊😊لا شكر على واجب يا حبيبة لو احتجتي اي حاجة ما تستحي اتصلي اطلبي انا تحت امريك😍😍ركب العربية وفات انا رجعته لي مازن لقيت مريم قاعدة جمبو وماسكة يدو وأمي قاعدة تصلي قلته ليهم انتو امشو البيت ارتاحو وانا بقعد بنتظر مازن😊😊مريم قعدت معاي وأمي مشت البيت ..عد يومين على الحالة دي ومازن لسا ما فتح عيونو 😢😢في اليوما دي بعد صليت الضهر جيت مسكته يد مازن وانا قاعدة أدعي وادعي بعد شوية
#يتبع