قال تعالى (أفنجعل المسلمين كالمجرمين مالكم كيف تحكمون أم لكم كتاب فيه تدرسون)

١_بم اختصت الهمزة؟
٢_لأي غرض خرج الاستفهام في قوله ..أفنجعل ومالكم؟
٣_ ماذا تسمى أم؟
٤_ مااعراب ماورد من أسماء الاستفهام معللاً؟

طلاب آسفه دزيتهم بوقت متأخر جنت منتظره النت إن شاء الله تفيدكم الاسئله وزارية واغلبها مكرره دائماً بالوزاري يطلب اكثر من مطلب سواء بالايه او بيت شعري حلوها ع راحتكم إذا حبيتوا هيج اسئله كولولي انزللكم وقت فراغي وكل التوفيق الكم .

بشرى سارة لطلبة السادس اعدادي والخامس في مدينة القاسم 🎗️.

-سنبدأ بشرح "القطـعة الخارجـية" وطُـرق الاجابة عنها وكيفية الحصول على درجة جيدة بهـا.

-الشرح بواقع ثلاث محاضرات و "مـجاني" ❤️‍🔥.

-المُـحاضرة الاولى يوم السبت غـدًا:

-كروب البنات ب12 الظهر ✨.
-كروب البنـــين بـ2 الظهر ✨.

المكان : القاسم_شارع العسكري_مقابل مدرسة التفوق - معهد القرطاس.

-فُـرصة ثمينة ولن تُكـرر وهـيَّ "مـجانية" والشرح بطريقة مُـختلفة وغير مـطروقة .

-للاستفـسار← @abd7bot.

"زكــاة العِــلم نـشرهُ" 🎗️.
شـارك المنـشور لفـائدة الطُـلاب.

كُن قائداً في المعركة لتنتصر وأرعب الآخرين بتحقيق هدفك :

نحجيلكم اشوي عن القائد لكل معركة يدخل لو من الميسره او من الميمنه لان مايسيطر ...

إلا اباالفضل العباس دخل المعركة من القلب (الوسط) فالجيش ارتعب صاحوا الحكونه طب علينه ابن سيد العرب ..

قادة الكتائب في جيش عمر شردوا من مواجهة قمر العشيرة راحوا الى عمر ابن سعد يكلوله الحكنة طب علينه حامل لواء الحسين من القلب فقد فقدنا السيطرة فقلب علينا الميمنى على الميسره و الميسره على الميمنه ..

- نعم أيُها الاخوة هذهِ هي شجاعة مولاكم في الحرب يحمل صفات ابيه حيدر الكرار فالنأخذ درس منه في حياتنا ..

انت اليوم لازم تدخل لمعركة الاصلاح حول هدفك من القلب وتبدأ بالحرب حتى تنتصر

ياترى سوف من تحارب ؟

الحرب يكون هو محاربة الفشل ، الكسل ، الواهس ، الناس المهبطين ، المواضيع الصعبة ، الملل ...

ارعبهم في نتيجتك بتحقيق هدفك

بعد ما تدخل للمعركة من القلب و تحقق هدفك راح كله تسولف بيك بفخر يانس شوفوا هذا خبلنه السنة نصه خلصه اسخت وهسة دخل عليه بعزيمة و شد حيله و حصل هدفه احنه ما جنه نتوقعه يطلع كذا ...

شد حيلك باقي عندك ٦ اشهر وترعبهم

الاستاذ عباس فاضل المنصوري

انتم بوقت كلش مهم اي طلاب السادس ترا وقتكم مهم بهاي الايام حتى تكمل المنهج حتى ترتاح بالمراجعة حتى يخف الضغط اضغط من هسه واتركو القنوات المالها داعي يعني هذا مستقبلكم جديات الى متى تبقون بس تشكون وتفرفرون بالتلي وبالبرامج الثانية انا حتى مانشر الكم هواي حتى لا اخذ وقتي ولا وقتكم اللي اهم من اي وقت يعني نصكم انتساب ونصكم تراكم ونصكم خصوصي والوقت تحسونه ضيق بس الوقت هواي بس استعملو بصورة صحيحة انتهى عصر التسخيت يمتى تحسون انتهى وقت تسخيت بالانترنيت انطيني اسم انسان ناجح تلكا ٢٤ساعة بالانترنيت وينجح !! ماكو ترا ماكو واحد تعبان ؏ روحة وهو يفرفر منا ومنا صيرو كد المسؤولية اهتمو بحياتكم بدراستكم اتركوا سوالف القنوات والمسلسلات والمسابقات يعني عجيب يمتى تشعرون بالمسؤولية تشعرون بيها من تخسرون ؟؟؟؟؟؟؟ ، انتم اكبر من هذا الشي ترا موكلشي تحفيز مو انتَ كاعد وساكت وتريد احفزك انتَ بوقت تضرب روحك راشدي ودكول يلا بلا تسخيت ناس وصلت للغيم ويـَن جاي ترجع انتَ هووووب اوكف حياتك هاي حياتك انتَ ترسمها والعباس هذا وقت الانجازات طلع انجازك اللي ضامه واتركوا خرابيط الانترنيت والتواصل !
تحبون يضيع مستقبلكم او تاخذون شي اقل من استحقاقكم ليش تخلون العالم الفارغة تستغل عواطفكم … وهذا الكلام مو منا والطريق دا اشوف الطلاااب الي بحسابي بالانستا يدزولي ارتبلهمم جدول وتراكمات ويدكون ويلطمون ويردون يأجلون وهمة 24 ساعة بالانستا نايمين زين شلون شلون فهموني يعني اتعب وياكم وممقصرة وي اي طالب منكم ودا اساعدكم بأبسط التفاصيل ساعدو نفسكم ساعدوووهة تلحكووون ع الانترنيت وسوالفه كافي انتم بوقت حرج نص هدفكم بأمتحانات نصف السنة كافي حسو على نفسكم وتعذروني بعد الطالب الي مو حريص ويجي يبجي ويصيح تراكمات ويريد جداول يتعذرني ماعندي هيج شي اني يأما تكون حريص على مستقبلك يأما لا تجي تبجي بعدين وتكول ما الحك👍🏻

❗️عاجـــــــل ، التقليص

لجنة التربية : هيئة الرأي في وزارة التربية تصوت على العمل بنظام بتكيف المناهج
طلاب مبرووووووك🥹🥹🥹🥹🦋🦋🦋🦋🦋🦋🦋💗💗💗💗.

#هــــــــــــــام_جــــــــــــــــداً ‼️

لجنة التربية: هيئة الرأي في وزارة التربية تصوت على العمل بنظام تكييف المناهج

اشترك في قناتنا لمعرفة كافة الاخبار
💠 | https://www.tg-me.com/Abbas_35

مبروك طلاب السادس عيني شدوا حيلكم ڪُل التوفيق الڪم
ألي أحد عندة سؤال بالقواعد أو شي يكولي تمام موفقين🤍.

السادس بعد ما رجعت الحذوفات :

النبي نوح عليه السلام صنع سفينة بالصحراء وكله كانت تضحك عليه وتسخر منه وين اكو واحد يبني سفينة بالصحراء ...
النبي خله ثقته بالله و هو كله ابني سفينة ..
كلكم تعرفون اليبني سفينة لازم يكون بصف البحر أو النهر حتى من يكمل ينزله بالماي وتمشي ...
أما نوح بناء السفينة بالصحراء و الله جاي الماي اله الكرة الأرضية كله غركت شلع قلع حتى الجبال غركت ..
كله انت كمل السفينة والباقي يمي راح مادامك ثقيت بية ..
راح اسوي الماصاير ابد بس كمله انت ..

شوف الثقة بالله وين وصلت النبي نوح لله
الله جابله الماي مو هو راح للماي..

خلي ثقتك بالعزيز و شيجي منه عنده هو خير .. هو يعلم بيه شني هذا ..

قوي ثقتك بالله ..

الاستاذ عباس المنصوري

@Abbas_20bot

اعلان.

نُعلن شرح القطعة الخارجية على برنامج Meet ببث مباشر مجاني يستمر لمدة 3 محاضرات

اليوم والجمعة والسبت.

الشرح مجاني ‼️ لكل طالب يرغب.

يرسل اسمه على البوت : حتى يتم ارسال الرابط له @abd7bot

المحاضرة الاولى اليوم ب9 ونصف مساءاً.

@abd7bot

السلام عليكم
طالبات الخامس الاعدادي العزيزات
غدا الجمعة الساعة ٩ و النصف يدعوكم الاستاذ علي حمد المنصوري لمحاضرة مجانية يتم فيها شرح احكام التلاوة كاملة و الدعوة عامة لأي طالبة تحب الحضور وبشكل مجاني تماماً .
والذي نريده منكم مشاركة المنشور مع جميع زميلاتكم في المدارس لتعم الفائدة.