🟦🟦🟦🟦🟦🟦

📚Bugun, 12-noyabr kuni Andijon davlat universiteti talabalari o'rtasida kitobxonlikni keng targ'ib qilish va ularning kitobga, badiiy asarga bo'lgan qiziqishini oshirish maqsadida "Talabalar haftaligi" doirasida "Zukko kitobxon" tanlovi bo'lib o'tdi.

Tanlovda fakultetlardan jami 8 nafar ishtirokchi belgilangan asarlar bo'yicha tuzilgan savollar orqali o'z bilimlarini sinovdan o'tkazib, yakuniy natijalarga ko'ra quyidagi talabalar g'oliblikni qo'lga kiritdi:

1️⃣-o'rin IT injiniringi fakultetining ikkinchi bosqich talabasi Sharofat Olimbayeva;
2️⃣-o'rin Filologiya fakultetining to'rtinchi bosqich talabasi Nargizaxon Maxmudjonova;
3️⃣-o'rin Matematika va mexanika fakulteti birinchi bosqich talabasi Sug‘diyona Ne’matjonova.

🎁 G'oliblar "Xalqaro talabalar kuni" munosabati bilan o'tkaziladigan tantanali bayram tadbirida universitet rektori tomonidan diplom hamda qimmatbaho esdalik sovg'alari bilan taqdirlanadi.

✴️ Andijon davlat universitetining rasmiy sahifalari👇🏻
Veb-sayt 🌐 Telegram 🌐 Facebook 🌐 Instagram 🌐YouTube

#taqdimot

📰 Ziyolilar ishtirokida "Iqtisodiy sharh" jurnalining taqdimoti o'tkazildi

Bugun 13-noyabr kuni Andijon davlat universitetida viloyatdagi davlat oliy ta'lim muassasalari rektorlarining Ilmiy ishlar va innovatsiyalar bo'yicha o'rinbosarlari hamda mas'ullar ishtirokida O'zbekiston Respublikasi Prezidenti Administratsiyasi huzuridagi Iqtisodiy tadqiqotlar va islohotlar tomonidan nashr etilayotgan "Iqtisodiy sharh" (rus tilida "Экономическое обозрение") jurnalining taqdimoti bo'lib o'tdi.

Tadbirda ushbu markaz ilmiy xodimi A.Abdukahhorov markaz tomonidan amalga oshirilayotgan iqtisodiy-ijtimoiy islohotlar va "Iqtisodiy sharh" jurnalining faoliyati bilan tanishtirdi. Tanishtirish davomida ilmiy jurnalga a'zo bo'lish, maqolalarni qay tartibda yuborish va mazkur nashrning elektron manzili orqali maqolalardan foydalanish yo'riqnomasi bo'yicha ma'lumotlar berildi.

✴️ Andijon davlat universitetining rasmiy sahifalari👇🏻
Veb-sayt 🌐 Telegram 🌐 Facebook 🌐 Instagram 🌐YouTube