❗️Super-kontrakt narxlari-2024
(yo’nalishlar kesimida)
#abituriyent

Mazkur faylda kunduzgi, sirtqi, masofaviy va kechki ta’lim uchun yo‘nalishlar kesimida tabaqalashtirilgan (super) to‘lov-kontrakt miqdorlari bilan tanishishingiz mumkin.

Shuningdek, 15-oktyabrgacha 100% to’lov qilganda beriladigan 10 foizlik chegirma ham ko’rsatilgan.

✅ Ayrim tartiblar:

• umumiy qoidaga ko’ra, super-kontrakt narxi bazaviy stipendiyasiz kontrakt narxidan olinadi;

• moliyaviy mustaqillik berilgan va bazaviyga qaraganda qimmatroq kontrakt miqdori belgilagan oliygohlarda super-kontrakt narxi o’sha qimmatroq kontraktdan olinishi mumkin;

• ammo moliyaviy mustaqillik berilgan deyarli hamma oliygoh (1-2 ta istisno), 4 ballgacha yetmagan abituriyentlar uchun super-kontrakt narxini o’zlari belgilagan qimmat narxda hisoblayapti, 4 balldan ko’proq yetmaganlar uchun esa bazaviy kontrakt narxida hisoblayapti.

❗️Eslatma: shartnoma uchun arizalar kontrakt.edu.uz sayti orqali onlayn shakllantiriladi.

P.S.: ushbu super-kontrakt narxlari “perevodchilar” uchun ham taalluqli.

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube

🟦🟦🟦🟦

❓Kontrakt miqdorlari kiritilmagan — bu nima degani?

Super-kontrakt uchun ariza berayotgan ayrim abituriyentlarga mana shunday xabar chiqmoqda va ular shartnoma ololmayapti.

Buning sababi, avvalroq aytganimdek, moliyaviy mustaqillik berilgan oliygohlar 4 ballgacha yetmagan abituriyentlar uchun super-kontrakt narxini bazaviy kontrakt miqdoridan emas, balki o’zlari belgilagan qimmatroq kontrakt narxidan hisoblayapti.

Buning uchun esa moliyaviy mustaqillik berilgan hamma oliygoh o’zining kontrakt narxini vazirlik bazasiga kiritib chiqishi kerak bo’ladi. Hozirgacha ancha-muncha oliygoh narxlarni kiritib chiqdi, lekin hali kiritmaganlari ham bor. Ana o’shalarda xatolik chiqmoqda.

✅ Xulosa: yuqoridagi kabi xatolik quyidagi holatlarda uchramoqda:

1️⃣ oliygohga moliyaviy mustaqillik berilgan va ular kontraktni bazaviydan qimmatroq qilib belgilagan bo’lsa;

2️⃣ super-kontrakt narxini hisoblashda o’zi belgilagan qimmatroq kontrakt miqdorini asos qilib olgan bo’lsa.

Oliygohlar bazaga kontrakt narxini kiritishi bilan, ushbu muammo hal bo’ladi.

❗️Bazaviy kontrakt narxi bilan hisoblanadigan super-kontrakt uchun shartnoma olishda hech qanday muammo bo’lmayapti.

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube

❗️Magistraturada o‘qiyotgan barcha xotin-qizlarning kontrakt-to‘lovlari qaytarish shartisiz qoplab beriladi

Hukumat qarori (447-son, 15.08.2022 y.) asosida davlat OTMlarining magistratura bosqichida o‘qiyotgan barcha xotin-qizlarning kontrakt-to‘lovlari qaytarish shartisiz Davlat byudjeti mablag‘lari hisobidan qoplanadi.

Bu tartib Prezident huzuridagi Davlat boshqaruv akademiyasi, Huquqni muhofaza qilish akademiyasi, Iqtisodiy va moliya vazirligi huzuridagi Biznes va tadbirkorlik oliy maktabi hamda Bank-moliya akademiyasi uchun ham amal qiladi.

❗️Buning uchun talabgor to‘lov-kontraktning to‘liq summasini qoplab berish yuzasidan o‘zlari taʼlim oladigan OTM rektori (filial direktori) nomiga 15-sentyabrgacha ariza bilan murojaat etadi.

⛔️ Quyidagilarga tatbiq etilmaydi:

— 15-sentyabrdan kechiktirib topshirilgan arizalarga;

— tabaqalashtirilgan to‘lov-kontrakt to‘lovlariga;

— qo‘shma taʼlim uchun.

‼️Qo’shimcha ma’lumotlar:

➖ magistraturada o‘qiydigan HAMMA talaba-qizlarning kontrakti to‘lab beriladi. Ayrimlar faqat kam taʼminlangan ayollarga to‘lanadi, deb tushunayotgan ekan. Yo‘q, unaqa emas.

Milliarderning qiziga ham, ehtiyojmandning qiziga ham, umuman HAMMAGA davlat tomonidan birdek to‘lab berilaveradi. Faqat 15-sentyabrgacha ariza berish kerak bo‘ladi. Masalan, qaysidir boy inson magistraturada o‘qiydigan qiziga kontrakt to‘lab berishini davlatdan so‘rashga xijolat bo‘lib, o‘zi to‘lashni istasa, unda bemalol o‘zi to‘lashi mumkin. Ariza bermay qo‘ya qoladi xolos;

➖ qo‘shma taʼlim shaklida tashkil qilingan magistratura mutaxassisliklari uchun kontrakt to‘lab berilmaydi. Garchi ushbu qo‘shma taʼlim davlat OTMda bo‘lsa ham.

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube

📁 Zakovat, Erudit-kvartet hamda Shaxsiy o‘yin bo‘yicha O‘zbekiston chempionati nizomi

📝 Musobaqa ishtirokchilaridan kelib tushgan ko‘plab talab va takliflarni inobatga olib, Zakovat klubi tomonidan musobaqa tartibiga bir qator o‘zgartirishlar kiritildi.

⬇️ Jumladan:

🏆🏆 Turnirda Zakovat klubining yozgi mavsum yakuniy natijalariga ko‘ra Toshkent shahridagi Professional va Birinchi ligalar kuzgi mavsumida ishtirok etadigan jamoalar hamda hududlardagi Professional ligalar yozgi mavsumi yakunida 1-2-3-o‘rinlarni qo‘lga 
kiritgan jamoalar ishtirok eta oladi.

➕3⃣ Jamoalarga yozgi mavsumda jamoa tarkibida o‘ynamagan 3 nafargacha yangi bilimdonni tarkibga qo‘shish huquqi beriladi. Bunda, yangi jalb qilingan bilimdon 2024-yil kuzgi mavsumida liga o‘yinlarida shu jamoa tarkibida o‘ynashi talab etiladi.

🏆 Shaxsiy o‘yinda hech qaysi bilimdonga to‘g‘ridan-to‘g‘ri guruh bosqichiga yo‘llanma berilmaydi. Barcha bilimdonlar saralash bosqichi orqali guruh bosqichiga yo‘l oladi. Shaxsiy o‘yin saralash bosqichida turnirga taklif etilgan jamoalarning barcha a’zolari qatnasha oladi.

☝️🏻 Eslatib o‘tamiz, musobaqa 7-8-sentabr kunlari Toshkent shahridagi Zakovat arena binosida bo‘lib o‘tadi.

Telegram I Facebook I Instagram I YouTube I TikTok

🔠🔠🔠🔠🔠 🔠🔠🔠

🎙️ Vodiylik jurnalistlar, OAV vakillari, blogerlar hamda fuqarolik jamiyati institutlari diqqatiga!

Yangi oʻquv yili boshlanishi arafasida talabalarni turar joy bilan taʼminlash oliy taʼlim tizimidagi dolzarb masalalardan biriga aylandi. Hozirda talabalar turar joylarining sonini oshirish, turar joy oʻrinlarini koʻpaytirish boʻyicha hududdagi oliy ta’lim muassasalarida ham qator ishlar amalga oshirilmoqda.

Bu boradagi ishlarni, xususan, qurilayotgan va foydalanishga topshirilgan talabalar turar joylarini jamoatchilikka tanishtirish maqsadida 5-sentyabr kuni Andijon viloyatidagi oliy ta’lim muassasalariga press-tur o‘tkazish rejalashtirilgan.

Andijon viloyati hokimligi, Andijon viloyat axborot va ommaviy kommunikatsiyalar boshqarmasi hamda Jurnalistlar uyushmasi viloyat bo‘limi hamkorligida tashkil etilayotgan ushbu media tadbirimizga barcha OAV vakillari, blogerlar va ijtimoiy faol fuqarolarni taklif qilamiz.

Mazkur media tadbirda ishtirok etish istagida bo‘lganlarni 5-sentyabr kuni soat 10:00 da Andijon davlat universitetida kutib qolamiz. Qo‘shimcha ma'lumotlar uchun +998902080100, +998914862820, +998996007223 raqamlarga murojaat qilishlaringiz mumkin.

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube