#kun_tarixi

📅Bugun 8-iyun, shanba.

🌊BMT - Butunjahon okeanlar kuni.
🇳🇫 Norfolk oroli - “Bounty” kuni (1856).
🇵🇪 Peru - Muhandislar kuni.
🇺🇸 AQSh - Inoq do‘stlar kuni.

⏳Tarixiy voqealar:

🍨1786-yil - Nyu-York shahrida ilk muzqaymoqlar sotuvga chiqarildi.
🏢1946-yil - Xalqaro jurnalistlar tashkilotiga asos solindi.
📕1949-yil - Jorj Oruellning ''1984'' romani nashr etildi.
🔰 1824 - Kvebekda Noa Kashing kir yuvish mashinasiga patent oldi.

🎊Tavallud ayyomlar:

👨‍💼1800-yil 8-iyun - Tarixchi, diplomat, shoir Rizoqulixon Hidoyat.
👨‍🏫1916-yil 8-iyun - ingliz fizigi, molekulyar biologiya asoschilaridan biri, professor, Nobel mukofoti laureati Fransis Krik.
👨‍⚕️1937-yil 8-iyun - tibbiyot bo'yicha tarixchi, tibbiyot fanlari doktori, professor Mixail Yakovlevich Yarovinskiy.
🕵️‍♂️1944-yil 8-iyun - me'mor, restavrator, san'atshunos, Rossiyada xizmat ko'rsatgan san'at arbobi Viktor Kulakov.

Andijon davlat universitetining rasmiy sahifalari👇🏻
Veb-sayt |Telegram |Facebook |Instagram |YouTube

#final2024 #Samarqand
#talabalar_teatr_studiyasi
#taqdirlash_marosimi

🎭 Kuni kecha Samarqand musiqali drama teatrida Respublika miqyosda o'tkazilgan ''Talabalar teatr studiyalari'' ko'rik tanlovining final bosqichi o'z nihoyasiga yetdi.

Ushbu tanlovda o'zining betakror chiqishlari bilan faol ishtirok etgan Andijon davlat universitetining 'Humo'' talabalar teatr jamoasi a'zosi Vazira Mahmudova ''Eng yaxshi ayol'' nominatsiyasida g'olib deb topildi.

Iqtidorli talabamiz Vaziraxonni erishgan natijasi bilan tabriklab, kelgusi ishlariga omad tilaymiz.

Andijon davlat universitetining rasmiy sahifalari👇🏻
Veb-sayt |Telegram |Facebook |Instagram |YouTube

#abituriyent

❓Abituriyentlar maksimal ball olishi uchun milliy sertifikat darajasi qanday bo‘lishi kerak?

Bilim va malakalarni baholash agentligi abituriyentlarga umumta’lim fanlaridan milliy sertifikat bo‘yicha ball berish tartibini tushuntirdi.

Unga ko‘ra:

❗️2024-yil 1-martgacha berilgan sertifikatlarga (sertifikatning amal qilish muddati doirasida):

➖ Sertifikat bali 86 va undan yuqori ball bo‘lganda test sinovlarida ushbu fandan belgilangan maksimal ball beriladi;

➖ Sertifikat bali 60 balldan 86 ballgacha bo‘lganda abituriyentlarga mos ravishda sertifikatdagi umumiy ballga nisbatan foiz asosida test sinovlarida ushbu fandan belgilangan maksimal ballga nisbatan tabaqalashtirilgan (proporsional) ball beriladi.

✅ Milliy sertifikatga ega bo‘lgan abituriyentga majburiy fanlar bo‘yicha belgilangan eng yuqori ball beriladi.

❗️2024-yil 1-martdan keyin berilgan sertifikatlarga:

➖ A+, A darajali sertifikat olgan abituriyentlarga test sinovlarida ushbu fandan belgilangan maksimal ball beriladi;

➖ B+, B, C+, C darajali sertifikat olgan abituriyentlarga mos ravishda sertifikatdagi umumiy ballga nisbatan foiz asosida test sinovlarida ushbu fandan belgilangan maksimal ballga nisbatan tabaqalashtirilgan (proporsional) ball beriladi.

✅ Milliy sertifikatga ega bo‘lgan abituriyentga majburiy fanlar bo‘yicha belgilangan eng yuqori ball beriladi.

Andijon davlat universitetining rasmiy sahifalari👇🏻
Veb-sayt |Telegram |Facebook |Instagram |YouTube

#tavsiya #abituriyent2024

Oliy ta’lim muassasalarining Telegramdagi rasmiy sahifalarini kuzatib boring!

O‘zbekistonda rasmiy axborotning birinchi manbasi — axborot xizmatlari hisoblanadi. Hozirgi kunda barcha oliy ta’lim muassasalari Telegram messenjerida o‘z sahifalarini yuritishmoqda. Unda OTM faoliyati, jumladan qabulga doir abituriyent va ularning ota-onalari uchun foydali ma’lumotlar berib boriladi.

Quyida OTMlarining rasmiy kanallari bilan tanishing.

#OAV #munosabat

Prezidentimiz Shavkat Mirziyoyevning Turkiyaga tashrifi va qardosh mamlakatlar oʻrtasidagi hamkorlik aloqalari yuzasidan Andijon davlat universiteti Fuqarolik jamiyati nazariyasi katta o'qituvchisi, siyosiy fanlar bo'yicha falsafa doktori (PhD) Zohidjon Hayitmatovning fikr mulohazalari ommaviy axborot vositalari nigohida.

Andijon davlat universitetining rasmiy sahifalari👇🏻
Veb-sayt |Telegram |Facebook |Instagram |YouTube

#OAV #munosabat

Prezidentimiz Shavkat Mirziyoyevning Turkiyaga tashrifi va qardosh mamlakatlar oʻrtasidagi hamkorlik aloqalari yuzasidan Andijon davlat universiteti Fuqarolik jamiyati nazariyasi katta o'qituvchisi, tarix fanlari bo'yicha falsafa doktori (PhD) Yusufxon Jahongirovning fikr mulohazalari ommaviy axborot vositalari nigohida.

Andijon davlat universitetining rasmiy sahifalari👇🏻
Veb-sayt |Telegram |Facebook |Instagram |YouTube

#kun_tarixi

📅Bugun 9-iyun, yakshanba.

🇺🇳 BMT - Xalqaro do‘stlar kuni.
🇦🇷 Argentina - Geologlar kuni.
🇺🇬 Uganda - Qahramonlar kuni.
🇺🇾 Urugvay - Janubiy Amerika futboli kuni.

⏳Tarixiy  voqealar:

🔰1822-yil - AQShda Charlz Grem sun’iy jag‘ni patentladi.
🏛1833-yil - Moskvada tarix muzeyi ochilishi bo'lib o'tdi.
🧸1934-yil - Donald Duck ishtirokidagi birinchi multfilm suratga olindi.
✅ 1963-yil -  Uinston Cherchil AQShning faxriy fuqarosi deb e’lon qilindi.

🎊Tavallud ayyomlar:

🤵🏻‍♂️ 1875-yil 9-iyun - angliyalik farmokolog, Nobel mukofoti sohibi Genri Deyl.
👨🏻‍💼1952-yil 9-iyun - taniqli sozanda, bastakor, O’zbekiston xalq artisti Abduhoshim Ismoilov.
🤵🏻1969-yil 9-iyun - kompozitor, O’zbekiston Respublikasi san’at arbobi Alisher Ikromov.
🤵🏻‍♀️1981-yil 9-iyun - amerikalik taniqli aktrisa, prodyuser, ssenariynavis va rejissyor Natali Portman.

Andijon davlat universitetining rasmiy sahifalari👇🏻
Veb-sayt |Telegram |Facebook |Instagram |YouTube

#abituriyent

❓Kimlar abituriyent sifatida o‘qishga topshira olishadi? 

Yuqoridagi savolga bittada javob berishga harakat qilaman. Demak, OTMlarning bakalavriat bosqichiga quyidagilar hujjat topshira olishadi:

1️⃣ Umumiy o‘rta taʼlimning 11-sinfini tugatganlar.

Bunda barcha maktablar, shu jumladan Prezident va ijod maktablari, ixtisoslashgan va harbiy maktablar, litseylar, gimnaziyalar, kasb-hunar maktablari, xullas barchasi kirib ketadi. Muhim jihati albatta 11-sinf negizida shahodatnoma bo‘lishi kerak, 10-sinfni tugatib topshirib, talaba bo‘lib o‘qish imkoni yo‘q;

2️⃣ Professional va o’rta maxsus taʼlim tashkilotini tugatganlar.

Bunda akademik litseylar, kasb-hunar kollejlari va texnikumlar kiradi. Faqat bir jihati, agar kollejga 9-sinfni tugatib kirganlar bo’lsa, hujjatni kollej diplomi bilan topshiradi, agar kollejga 11-sinfni tugatib kirgan bo’lsa, unda maktab shahodatnomasi bilan topshiradi.

Akademik litsey bitiruvchilari — diplomi bilan;
Texnikum bitiruvchilari — 11-sinf shahodatnomasi (yoki litsey diplomi) bilan topshiradi. Texnikum diplomi bilan emas.

3️⃣ Kasb-hunar kolleji va texnikumda o’qiyotganlar

Bugungi kunda professional ta’lim tashkilotida o’qiyotganlar garchi hali o’qishi tugamagan bo’lsa-da, bemalol hujjat topshira oladi. Faqat yuqorida aytganimdek, ular 11-sinf shahodatnomasi bilan topshiradi;

4️⃣ Oliy taʼlimda o‘qiyotgan talabalar.

Bunda hozirda O‘zbekistondagi davlat yoki nodavlat, shuningdek xorijdagi OTMlarda talaba bo‘lib o‘qiyotganlar maktab, litsey, kollej va h.k. diplomlari bilan o‘qishga hujjat topshirishlari mumkin. O‘qishga kirgan taqdirda qayerda o‘qishini o‘zi tanlaydi, xohlasa hozirgi talabaligini davom ettiradi, xohlasa yangi kirgan joyida o‘qiydi.

Talabalarning o‘qishga topshirishi hech qanday muammo (masalan, o‘qishdan chetlatish) olib kelmaydi. Ammo Sizlardan iltimosim, shunchaki o‘yin uchun topshirib o‘tirmang, mabodo o‘qishga kirsangizu, keyin tashlab ketsangiz, bitta abituriyent joyini behudaga band qilgan bo‘lasiz, keyinchalik bo‘shab qolgan o‘ringa hech kimni olishmaydi;

5️⃣ OTMlarni tugatgan diplomli oliy maʼlumotlilar.

Allaqachon bir marta oliy maʼlumot olib bo‘lgan shaxslar ham bemalol yana qayta bakalavriat bosqichiga hujjat topshirib ko‘rishlari mumkin. Ular ham xuddi hozirgi talabalar singari maktab, litsey, kollej va h.k. diplomlari bilan o‘qishga hujjat topshirishadi, universitet diplomi bilan emas. Bu yerda yana bir jihat, amaldagi qonunchilikka ko‘ra, bir marta oliy maʼlumot olib bo‘lganlarning (grant yoki kontraktda o‘qiganligidan qatʼi nazar) ikkinchi marta talaba bo‘lishi faqat to‘lov-kontrakt asosida bo‘ladi. Yaʼni ular grantga daʼvogarlik qila olmaydi, kirsa ham faqat kontraktda o‘qishadi.

Xullas, mana shu yuqoridagi 5 ta toifadagi shaxslar bemalol my.uzbmb.uz sayti orqali abituriyent sifatida hujjat topshirib ko‘rishlari mumkin. Barchaga omad!

Andijon davlat universitetining rasmiy sahifalari👇🏻
Veb-sayt |Telegram |Facebook |Instagram |YouTube