دايم على العز والنَّاموس يانفسي.
بالمرجله والعز عيشي فوق كل الروس.

دامش تربيتي على الجودات يانخسي.
لاتقبلين الذَّل حاشا تقبلي مبخوس.
#ابو_جساس

جنب الأســـد تلقى أسد شامخ
وجنب الذَّيب تلقى الذَّيب ذيب
#ابو_جساس

الشَّرف دونــه الدَّانات والــحمرا.
دونه الموت نبقى داخل القبري.

بالثَّلاث طالقه يالعــــيـشه الغبرا.
لعن ابوها حـــياة الذَّل والقهري.

ياعلى العز نحـــــيا كامل الدَّهرا.
او على القبر جثهَّ كامل الدَّهري.
#ابو_جساس

آحـــــني آح ماحنَّ الكـــند والأوالي.
وماتحنَّ المــــدافع ضاربات الثَّقيله.

ذي تهدَّ الحـــــيود النَّايفه والجبالي.
آحني ماتطــــير العابـــرات الطَّويله.

شارد البال من وضع البشر يارجالي.
آح ياقلب ابو جسَّاس نفـسي عليله.

من زمان الفــساله والنَّفوس الذَّلالي.
ضايق الحال نفسي من عناها عليله.
#ابو_جساس

الصــَّاحب الوافي فـــي الشَّدَّه مـقنَّف طـارفي.
في صحبته كافي تشوفه جنب كتفك معتكف.

والمفــسلي خافي ومتخبَّي مذبـــذب خايفي.
فالـــمعركه مافي تشـــوف الَّا وحـــاله يرتجف.
#ابو_جساس

لاصاحبك شفـــت ان مابش منَّــه.
هذا اتركه وانساه وادعس خامس.

من خــاب ضنَّك فيــه حمَّى دقنه.
ماينفعــــك وقــت الظَّلام الدَّامس.

اسئل عن الصَّـــنديد وابحث عنَّـه.
واجلس معه فنـــــما لقيته جالس.

وامشي على الدَّنيا ولو هي محنه.
لاتقتهــــر دام الــــوفى لك حارس.
#ابو_جساس

قال الفــــتى بالله ربَّه قد حلــف.
يبقى على الدَّنيا وتاريخه نضيف.

دامه عــلى العزَّه ومبدا والشَّرف.
مايكتـسي بالذَّل او يبقى ضعيف.

لاقـــامت الهيَّه ولا شــبَّ النَّكــف.
قـام احـــتزم بالله واربع برجنيف.

وان صاحبه ناداه او باسمه هتـف.
جاوب ندا صــــوته ولبَّى يالطيف.
#ابو_جساس

عيشـه على النَّاموس او موته بعــز
هـــذه كرامتنـــــا ولاشـــي دونـــها

كم خصم حاربنـــا وفي حربه عجز
واحنا من اوَّل حـــــرب كنَّا ابطالها

طاحت طوايرهم وجيشـــه والبرنز
ومدرعاته شوف كيــــــف قد حالها

في كل جبــهه نصــــر من ربَّي نجز
صحــــرا وودياني وفــــوق اجبالها

صاروخيتنــــــــا كلَّهــــا فوقه تــوز
قاهــــر وبركـــــــاني سريع اشعالها

ومسيَّرات الجـــــــو في لحضه تفز
داخل عواصمهم تعيــــــش اجوائها

كم من مجاهد فـ الوغى قاسي عرز
شوق الحروب شوقه اذا جت جالها

دام العــــلم يــــارب راســـه مرتكز
فالحرب محســـومه لنا واحنـــا لها
#ابو_جساس

ياصقر في جوَّي دعيتك للمهمَّه ياخوي.
قم شلَّها واضوي ووزَّعها على النَّاس الوغد.

قل للَّذي يلوي وربَّ الكون مافاد العوي.
فالكلب مايقوي ولا يقدر على غلب الأسد.

عمر الأسد مروي وواضح بالشَّجاعه هو قوي.
لاقد نوا ينوي لخصمه صاد فيه اكثر عدد.

نيران باتشوي وتحرق من تعدَّا او غوي.
كم من أسد بدوي على النَّاموس مايخشى أحد

ارضي بماتحوي وحقَّي في سلاحي ملتوي.
وانا معا قومي تحزَّمنا الجفاري والكند.
#ابو_جساس

ارحلي يـــا هذه الدَّنيـا ارحـلي.
طالقه والله ماعــــدلش مجـال.

في خطا الأنصار ياكمَّن شـــلي.
بانلبَّي داعــــي الله باي حــــال.

الوطــــن نادى رجـــاله يــاولي.
كـــل نشمي لاميــادين القتــال.

يانعيــــش احـــرار والَّا نقتــلي.
ننتصــر والَّا الشَّهـــاده يارجـال.

ديننــــا شامـــخ وحبَّه داخــلي.
بانهدَّ الكــــون لجــــله والجبال.

مانبا العيشه ولا الوقت البـــلي.
دام حـق الحـق من ربَّ الجلال.

اليمــــن عالــــي ودايم معتـلي.
وفي دروب العز شدَّينا الرَّحال.

مــن معا الرَّحمـــن همَّه ينجلي.
لوقضى عمره في الحرب الطَّوال.
#ابو_جساس

أحزان فوق احزان شابت روسـنا.
وازداد فينا الضَّيق مثني والوجع.

من باطلش يالحرب نكره نفســنا.
ماهمَّنا ماليوم لاالنَّبــــض انقطـع.

كم من شنب غادر ورحله منَّنــــا.
والحزن من بعده تزايـــد وارتفـع.

هموم فوق الهم دايــــــم بعـدنـا.
باينتهي ذالوقت او عاده بـــــدع.
#ابو_جساس

الجــــــرس دق ياشـبوه ويامـــارب.
ساعة الحسم أشَّر وقتها المحسوب.

موجب الحرب لامس خطَّه السَّـالب.
مابه اليوم غير الحـــاسمه مطلــوب.

قـــــــــوَّة الله ذي مادونها غــــــالب.
وحــــــده الواحد الجبَّار والمـحبوب.

طاح الأنذال واصبح حلفهم حـــانب.
والزٌَمن دار واليوم كل شي مقـــلوب.

ويـــــن هادي وفين الرَّكن والنَّـــايب.
وين سلمــــــان وينو زايد المضروب.

وين الأصلاح وين المرتزق هــــــارب.
وين طارق وفينو جيشه المغـــــلوب.

فوقهم فوق ياكم من أسد ضـــــارب.
شبَّو الحـــــــرب خلَّو نارها مشبــوب.

ويلهم ويل ويــــــل الغازي الغــاصب.
ويلـــــــــه الويل ويله حلفه المعيوب.

#ابو_جساس