الجيد من لبَّى مواقف صاحبه وقت البلا
مايوم يتخبَّى مصيبه لارمى صاب القلوب

بالعز يتربَّى مقنَّف من دعاه قام اقبلا
كُل الجعب عبَّى وفلفل بندقه وقت الحروب
#ابو_جساس

من يجي بالوفى يبشر بنا يبشر
نبذل الروح يفداه الكبد والراس

نفتخر بالوفي دايم وبه نفشر
معدنه فاق من فوق الذهب والماس
#ابو_جساس

الشَّرف والكرم والنَّومسه عندي
والرَّجوله معي والعز امشي به
#ابو_جساس

ياللَّه أنَّي دعيتك ماني اليوم صابر
دام ذالوقت حاضر فيه كل الحقاره

مانخاف الثَّعالب ذي تحب المضاهر
لادعيته يعاصر ماترا الَّا غباره
#ابو_جساس

غبني عليش يالصَّين
غبني من مرض حاقد لعين
صاب الحجر والطَّين
وانتي كنتـي اوَّل من جناه

ياللَّه ماذلــــــــحين
لازم يابشـر نصـحى بحين
بينـــــــــاتنا والبين
ندعــي ربَّنا هو ذي بنـاه

ذي ماتــــــراه العين
واحنا والمـرض لاوين وين
مليـــــــار شق اثنين
يمكن بايــموتو من عناه
#ابو_جساس

القبيله ميراث والصَّحبه لزوم
والمرجله والعز عنوان الجياد

حافظ عليهن للمواقف والعزوم
فيهن سلاحك والذَّخيره والعتاد
#ابو_جساس

*_الوفى والصَّدق ياصحابي فريضه_*
*_والتَّواصل يالنَّشامى فرض واجب_*

🌹 _جمعــ ـه مباركـ ـه_ 🌹

عاد الوجيه انواع.ذا عالي وذا مطروح قاع
ذاكه طحس وابتاع.وهذا ما طحس من موقعه
من جاوبك في ساع.هذا رزح لك وانته دفاع
وذي مالقيته ضاع.هذا مـن على الرَّاس اقـلعه
لاتصحب البيَّاع.ذي بــا ياكلك لايـوم جاع
منَّه ترا الأوجاع.لك مني نصيحه تقطعه
#ابو_جساس

الجـيد تلقـى فـيه نخوه ومبدا
لاصـار لك موقـف يلبي ويفديك

والمفـسلي مافـرق بينه والأعـدا
لاكنت واقف صار فيروس يعديك
#ابو_جساس

المرجله توجد.معانا دايمه ابَّاََ وجد..
والعز هو مشهد.لنا والجود مشهد والشَّرف

الجيد به تشتد.حمران العيون كم من اسد
باقولها واشهد.على الأجواد لا اخر طرف
#ابو_جساس

ياذيب لاضاع الشرف ويش تسوا
دون الشرف ياذيب منته ولا شي

باتكتوي ياذيب مليار مكوا
لاعشت مثل الكلب خايف وخاشي

هذه نصيحه لجل تشبع وتروا
لاتترك الناموس يرحل بلاشي
#ابو_جساس

وقت مالحرب شبَّت والرَّصاصات تلمع#
الف صاحب منــافق واربعه حق فزعه#
#ابو_جساس

من ذي قتل يُعدم. على الشَّرع الألآهي والحكم..
الدَّم مثـــــــله دم. لازم يحــــتكم فيه القصاص#

لجل الــبشر تفهم. لزوم الثأر يبـــــقى الدَّم دم..
لابد ماينــــــــدم. ويعدم بالمــــعابر والرَّصاص#
جوواب
#ابو_جساس

في موقفك قنَّف.معك ياصاحبي مانختلف..
ابشر بنا واعرف.بنادقنا معك واحنا صفوف#

ملعون من يرجف.ويترك صاحبه والا ضعف..
الحــــق بايهتف.معك واحنا معك جينا الوف#

#ابو_جساس

العرف ضاع اليوم والوضع اقتلب
والمعرفه ياقوم في موقف غريب

عادات مــنهو كفو لاجاه الطَّلب
مايترك العادات لاهو كان ذيب

باقولها حسب العوايد ياعرب
كمَّن فتى عاصر بها شارب ونيب

البعض يحسبها على طول الشَّنب
لاهي عوافي مايفلَّت او يغيب

لكن في الشَّدَّه اذا جيته هرب
وقت الله الله لادعيته مايجيب

المعرفه تشتي عماريط الرَّكب
ذيهو دواها والمشافي والطَّبيب
#ابو_جساس

حسب الاوضاع قدَّمنا لك التَّقرير
وانت ياذيب راجع مافي المكتوب

انت بالذَّات لك عندي مية تقدير
بين الأجواد خلَّي موقفك محسوب
#ابو_جساس

الصَّاحب اللَّي مثل بندق يمينك.
هذا احتـزم به لجل تفداه يفداك..

والصَّاحب اللَّي بس همَّه يهينك.
مابـش مــلامه لانـسـيته وينساك..
#ابو_جساس

مجاااراه شعريه مع بعض الشعراء


الصَّاحب اللَّي مثل بندق يمينك.
هذا احتزم به لجل تفداه يفداك..

والصَّاحب اللَّي بس همَّه يهينك.
مابــش مـلامه لانـسيته وينساك..
#ابو_جساس☝🏻☝🏻
----------------------------
ارحبت ياالبدَّاع بيني وبينك
ضاع الوفى مابين هولا وهولاك

والأوفيا قله تراهم بعينك
وقت الشدايد والمهمات يلقاك
#حُميد☝🏻☝🏻
---------------------------

به صاحب انته لادعيته يعينك،،
يفزع معك باالحق في الوقت لباك،،،

وصاحب اوبه راحته من حنينك،،
يعمل علاالتخريب لاوسط الاشباك،،
#ابو_احمد☝🏻☝🏻
------------------------------
الصَّاحب الجيد لوله من عيونك
ذي لادعيت قال ياخي من اعداك

والفسل دينه قبل ماهو يدينك
مابه ملامه خلي الجيد مبداك
#ابو_يمن☝🏻☝🏻
---------------------------
دام المواقف تخبرك من عوينك
وتعرفك من مرزح الظهر مركاك

باتعرف اللي نيته يطرح جبينك
وتقول واجب نتركه مثل اعداك
#ابو_مالك☝🏻☝🏻
------------------------
يا صاحبي مشكور وتسلم يدينك
شعرك وصل وابشر بذا الرد يفداك

في ذا الزمن لازم تعلي جبينك
وتشكر المولى على كل ما اعطاك

ولا تصاحب كل من قال وينك
بعض الصحب ما تدي الا منياك

وانا اطلب الرحمن ربي يعينك
على الزمن واهوال ما تخفي اعداك
#ابو_العز_الغادر☝🏻☝🏻
---------------------------
الصاحب اللي دوم يسمع ونينك.
ومايلتفت لك ذا خله بيسراك
ماصاحب الا لك وفي مثل عينك
لوتطلبه روحه ودمه يفدَّاك
دور عليه تلقاه والله يعينك
يجوز له قلب ن يحبك ويهواك
#ليلى_العتمي☝🏻☝🏻
--------------------
حيا ومرحب بك وحياء بدينك
والعز والناموس عرفك ومبداك
ماصاحب الا فـ المواقف يعينك
والا فسيبه يشرب السم في جاك
#نبيل_صلاح☝🏻☝🏻
-----------------------
لامن تركت الفسل ماحد يلومك
ذي لادعيته ساعت الضيق خلاك
وصاحب سليل الجود ساعد يمينك
لاجار وقتك محزمك سم لعداك
#ابو_طه_آل_الشيخ☝🏻☝🏻
____________
كلام ياصاحب وحيا دنينك
يرحم ابوه الي على الجود رباك
ماصحبة الا كنز دنياك ودينك
ونعم خلاك الذم واللوم عداك
#علي_جملان☝🏻☝🏻
_____________
ياصاحبي ماصاحب الا يعينك
وقت الشدايد يسندك ثم لباك
ون صاحبك بياع ربي يعينك
باعك ب أرخص سعر ماهم مشراك
اصحب صديق يبقا ل طولت سنينك
واحذر من الي رفقته يوم وينساك
صاحب صديقآ حن ساعة حنينك
لابه عليك فوضات يقدم على اعداك
مايقبل الاقوال ذي هي تهينك
يفرح اذا تفرح ويبكي لمبكاك
#محمد_منصور_عبوس☝🏻
____________
شرع الصحب الجيد حطه بعينك@
واحمل لقدره في المهمات يلقاك(()))
وإن طلبت الجود منه يعينك@
في الضيق باتلقاه وانته يلقاك(())
والشوم لاجات المهمه يشينك@
مايحفظ أسرارك للغير ينقاك(())
ذي مثله أترك صحبته لو ضنينك@
مابا تشرف صحبة النذل. يااااذك((
#أبو_الحسن_يحيى_جيره☝🏻
___________
أحرز اخاء الاجياد طيلة سنينك
ذمكسبه خيرمن ابنوك واملاك
وتجنب الواشين ربي يعينك
ارفق بأهل الجود يطيب مسراك
وماالردى قاطع سلامه بيدينك
وتجنب بلياته وزرع الاشواك
#عبدالسلام_المجنحي
____________

يالحيود النَّوايف يالجبال السَّود.
من يبا العز يدفع والثَّمن غالي..

الكرامه ذهـب والمرجله والجود.
كنز لك والشَّرف يبقى في العالي..
#ابو_جساس

صاب البشر غَفله وكورونا.
ياللَّه وانت الحافظ الشَّافي..

انـــت الدَّواء ياللَّه والعونا.
فيــك الأمل وانته لنا كافي..
#ابو_جساس