من بعد الاولى لو تجـــو بالثَّانيه
حرام مانخضــع ولا يبقى سَلام

ياحرب كبــــرى عالميه داميه
أي واللَّه أنَّا بانواجه الف عـــام

الدَّم فاير والرَّجاجيل حامـــيه
والنَّفس عطشانه لأجل الأنتــقام

لأن الكَرَامه غالـــــيه ألزاميه
من دونها تبقى جماجمنا حـطام

قلنا لكم يالشَّله ألأجــــراميه
الحرب هي للصَّقر ماهي للحمام

من بعد الاولى لو تـــجو بالثَّانيه
حرام مانخــضع ولا يبقى سَلام

#ابو_جساس

نعيش بالعزَّه ونــــحيا بالشَّرف#
دايم وبالأخلاق عشنا شامخين#

على طاري اللي حســبته في ايَّام صاحب#
تراه اليوم عندي بين الانذال محســوب#

الجيد مَن يحضر.مواقف صاحبه طول العمر...
حتَّئ ولو تمطر.مواقف صاحبه مثل البحار...

ما يتركه للضَّر.يتـــــضرَّر ولا باينتضر...
حتَّئ ولو يضطر.يدخل ينقـــذه من كل نار...

لأن الزمن يحـــفر.حفاير للذَّيابه والنمر...
والكفو باتظهر.له اصحـابه اذا جاه الحصار...
#ابو_جساس

في ذا الزَّمن ياذيب قل لاصحابي
من عاش بالجودات حيَّا بابه

يبشر في الفزعات يلقى بابي
مفتوح له لا فلتوه اصحابه

دام الوفى موروث جدَّي وابي
مابتركك يالجيد وسط الغابه

لو يحترق جسمي وكل اعصابي
والنَّار فيـــني كلَّها ملهابه

لاني اخاوي شخص فيه اعجابي
لانه مقنَّف لافزَع نهتــــــابه

#ابو_جساس

المواقف تجي كـ الشَّمس واضح هدفها#
وقتها لاحضر كلاََ يراجع حســــــابه#

والمراجل نادره والجيد يحمل شـــرفها#
والفساله حاضره من كثرها ياللــغرابه#
#ابو_جساس

ربنا له امر عاده لا أمر فحنا عــــــباده
كل من لله مــعاده ياجبال حنَّي

من فلح يلقى السَّعاده عند موته في رقاده
حور فـ الجنه مراده قصده المعني
حور(الحور العين)

#ابو_جساس

روسهم والنَّواصي ياسلاحي تقنَّص
طعفر اجسادهم هات اقوا قِناصه

سمَّي الله وارميهم وتابع وأفحص
خلَّي الخصم يعرف كيف جايي خلاصه

ارفع الله اكبر خلَّي الخصم يخرَص
كل نشمي في الميدان داعس لشاصه

دام لاجل الوطن كل الارواح ترخص
ننفق املاكنا من كل غالي خواصه

مات حلف الهَمَج مات والحق حصحص
والمنافق خسر واليوم يلقى قِصاصه

عشت ياسيدي ذي للحروب انت مختص
ياعلم للبشر خصَّك الله خاصه
#ابو_جساس
https://twitter.com/Abw_Gssas/status/1217756632589000704?s=19

الصدق حزمي والوفى قبعه وشال
والجيد عند الطارفه تلقـــــــا وفاه

الغدر ماهو مزح او لعبة عيــــــــال
والفسل يالعن اللذي يسمع بـــــكاه

الحيد يبقى حيد من تلك الـــجبال
قال المثل والاخ ماينسى اخـــــــاه
#ابو_جساس

عندنا للجيد رتبه ومــــوقع
في سنام العز ماشي يعيقه
#ابو_جساس

ماتحنحن رعوده سلامي بافخر العطر والعوده
كل وافي عهوده تحيه منــــــنا عبر الازماني
#ابو_جساس

الوفاء بانجوده رجال العز بالعز مشهوده
ماتخالف عهوده ودايم باشرف شيخنا ثاني
#ابو_علي_سنحان

صاحبي في وجوده نشوف ابواب الانذال مسدوده
مايقارب حدوده سوى ذي حجمهم مثل عطاني
#ابو_مالك

من عدن لا نهوقة تحية للأسد الف مردودة
ذي عهدنا وجودة بميدان القوافي والاوطاني
#ابراهيم_الشيخ

اسأل علينا شوف كم فينا وحوش
مانقبل المخشوش يا حمر الكلاش

يالشرمه المحدوش يافخر الجيوش
رافقني اليوم شوش ماعندي نقاش
#ابو_جساس

الوقت يثبت والزَّمن كلَّه دروس
واحنا تلاميذ والمواقف مدرسه

وقت الله الله بد ماتهبط رؤس
وروس تبقى بالشرف متنومسه

من عاش عمره بالمصالح والفلوس
تجيه طلقه طايشه لا مترسه

في وقتها ماينفعه هرج البسوس
ماهي معه كلَّا ولا باتحرسه

ما يقبل العوجا سوا خس النفوس
ذي ماعرف غير البكا والبعسسه

لكن مع الايام رجلي باتدوس
ادوس كم من نذل حاقد واكنسه
#ابو_جساس

درسـنا في المـــــدارس ياومكـــثرها دروس
لكــــن اللَّي شفــــت كان الوقت اكبر مدرسه

شفت كم من راس يابس وقت مالحرب الظَّروس
وشفت كم من شخص واطي يوم فلَّت مترسه
#ابو_جساس

نشرب شراب العز من مسقاه..
بالله يــــاذا العــز دايم نلقـــاك#

العز غالـــــي من ثبت بايلقاه..
وان مالقيته بايجفجف مسقاك#
#ابو_جساس

الجيد من لبَّى مواقف صاحبه وقت البلا
مايوم يتخبَّى مصيبه لارمى صاب القلوب

بالعز يتربَّى مقنَّف من دعاه قام اقبلا
كُل الجعب عبَّى وفلفل بندقه وقت الحروب
#ابو_جساس

من يجي بالوفى يبشر بنا يبشر
نبذل الروح يفداه الكبد والراس

نفتخر بالوفي دايم وبه نفشر
معدنه فاق من فوق الذهب والماس
#ابو_جساس

الشَّرف والكرم والنَّومسه عندي
والرَّجوله معي والعز امشي به
#ابو_جساس

ياللَّه أنَّي دعيتك ماني اليوم صابر
دام ذالوقت حاضر فيه كل الحقاره

مانخاف الثَّعالب ذي تحب المضاهر
لادعيته يعاصر ماترا الَّا غباره
#ابو_جساس