ياساحة العادات واهل المعرفه،،،
لي منعكم ياقوم لاتبقو ضعاف##

شدَّو على النَّاموس لاحد يضعفه،،،
وامشو طريق الصَّح يكفيكم خلاف##
#ابو_جساس

يادعاة المعارف خذلتو شمس الاعراف والسالف،،
لادخلتو مواقف خلطتو السم بين العسل عاني##
#ابو_جساس

منهو ذي اطفاها وخالف ماتنصَّ اعرافها،،
وخان وانفاها قلوله لعنبوها قبيلَه#

يقوم يلفاها ويتكلَّم بصــــوت اسلافها،،
ماحتاجت اكفاها يصحَّح ماغلط من أوَّله#

العُرف مشفاها دواها والعلاج اشرافها،،
والجيد موفاها ومنهو كفو هي تستقبله#
#ابو_جساس

ياللَّه انت الكبير واحــــنا البشر لا ولاشي.
طوع أمــــرك جمـــيع الكائنات والخلايق.

من على الصَّح سالك في طريقك وماشي.
انصره في طريقه نــــــــصر ياللَّه سـاحق.

الرَّجا فيك وحدك غــــــــــير ذا مانباشي.
تنصر الحقَّ واهــــــــــله مابه اليوم عايق.

كيفه ابقى محــــــايد والعدو ماستحاشي.
كل ليلـــــــــــــــه جريمه كل ليله حرايق.

النَّهار وسط الاســواق والعشي لافراشي.
والصَّبيح فـ المـــدارس رعد ياباه وبارق.

كم مجازر بتـــــــحصل للعباد والمواشي.
فوق شــــــعبي بكلَّه في جميع المناطق.

كيفه اسكـــــــت قلولي بعد ماعدبقاشي.
يكفي اليوم ســـــكته بانت اكبر حقايق.

ثأرنا طــــــــــــول باقي ماتركناه بلاشي.
دونه العيـــــش ماشي ياخشوم البنادق.
#ابو_جساس

القَبيلَه كوكب عليه النَّاس مرفوعه رُتب.
والمعرفه مذهب والاسلاف الدَّيانه والكتاب.

دستورها موجب وواضح للقبايل والعرب.
من خانها يُصلب وتقتصَّ الشَّرايين والرَّقاب.

هذا الزَّمن يلعب مواقف كلَّها تشعل لهب.
منهو ضعيف يُغلب ومنهو كفو يجتاز الصَّعاب.
#ابو_جساس

الوفى فرض في صدري بقوَّه
للصَّحب والمخوَّه#

ماتركت الرَّفق ياهل المروَّه
لو يجيبو جنيه والَّا عماني#
#ابو_جساس

ياما عطيــت العزَّ كلَّ احتياجه.
أو يالمـقابر هـــاتي آخر لباسي.


امَّا وراســــي عاش والعزَّ تاجه.
والَّا عفيـت الموت لاشلَّ راسي.

مانـي علـى الدَّنيا مدوَّر لحاجه.
الَّا الشــَّرف والعـزَّ ياكلَّ ناسـي.

اللَّه عطــاني من دواوي علاجه.
العزَّ ذي خــلَّاه فـــيني أساسي.
#ابو_جساس

يالنَّفوس المريضه بليــتو شعبنا يوم تحريضه.
بالفعال البغـــيضه دفنتو شعبنا تحت الأنقاضي.

قتلكم هو فريضه أوامر جت من اللَّه وتفويضه.
يالبطون العريضه عليكم لعنة الواحد القاضــي.
#ابو_جساس

كلمتي والعباره لذي شبَّ الحرايب على جاره.
ماعتسلم دياره قلو للطَّاغي الجاني#

ذي كوانا بناره عليـــــنا فـ الدَّقيقه مية غاره.
بانصل عقر داره ولو بانطرح الثَّاني#
#ابو_جساس

يامـــــن قــــذف بالنَّار لا داري.
واشعل فتيل الحرب في جاره.

هذا اليـــــــمن قبره وهو داري.
مابه يمـــــــــاني قد نسي ثاره.

مهمـــــــــا جمع كوري وبلغاري.
وامطر عليــــــــنا الغاره الغاره.

مالي سواك يالــــــواحد الباري.
تفضـــــح عــــدوَّ اللَّه في داره.
#ابو_جساس

ياحــيـد مايُهزم سلاحي فيك والضَّهر احتزم.
انته معي أجـــــزم وابقى انت مادونك أحد#

دامــك وفي مُلزم اكيـــد فانا وفي مثلك لزم.
لي فالصَّحب محزم حزامي أنت ياشبل الأسد#
#ابو_جساس

.

.

.

لاصاحبي قنَّف وجاوب وقت ماصوتي هتف..
فانا به اتشرَّف ومثله يالرَّجاجيل اكسبي..##

ومن بالوعود اخلف وفلَّت صاحبه ياللأسف..
مانحسبه مكلف ولا بين الرَّجال بايُحسبي.#
#ابو_جساس

الصَّاحب اللَّي مايجمَّل موقفه.
لاتئمنه حتى ولو شفته وفي.

يوعد معك في عهد بعدا يخلفه.
مالفايده لانور قنــديله طفي.

ماصاحب الَّا مثل مانته تعرفه.
فالطَّارفه يبقى معك مايختفي.
#ابو_جساس

قال اللَّذي محتار من شعبه ومن وضع الدَّيار.
مؤمن معا الأنصار متبرَّي من الحلف الحقير.

جندي معا الجبَّار وآل البيت الأنصار الكبار.
واقف معا الأحرار متجنَّد معا اللَّه الكبير.
#ابو_جساس

بعض الكلام لاجاك صــدرك يلتهب.
واسأل مجرُّب قبل ماتسأل طبيب.

لاجا عليك من أخ أو مِن مَن تحب.
تِحرَق شـــــرايينك ويزداد اللَّهيب.

ماتعرف ايش تعمل تردَّ او تنسحب.
او تطرحه للأرض والقاع الخصيب.

ذي مــــــايقدَّر شـــي رفاقه يغتلب.
يلقــى جزا افـعاله من الأيَّام نصيب.
#ابو_جساس