الوقت يشرح لك الموضــــــوع والدَّرسا.
وانت احفظ الشَّرح والعنوان في صدرك.

لانته ذكي راجــع الموضـــــوع لاتنـــسا.
وهيج بالموج واغرق من دخـــــل بحرك.

خلَّيك قاسي كما ذاك الجبــــل واقــــسا.
لايغدر النَّذل سيفه من قــــــــــفا ظهرك.

وابقى على العزَّ مهما الحضَّ لك نحـسا.
لاتنطرح يـوم للأنــــذال فــــــــي عمرك.

لاتصحب الفسل واهل الحـقد والبخسا.
مهما الزَّمن جار اثبت بــس فـــي صبرك.

اتحمَّل الجـــور والعزَّه فـــــــي النَّفـــسا.
وياعشـــــــت بالعزَّ والَّا يحفــــــرو قبرك.
#ابو_جساس

هدهد سبــــا بلَّغ ملــــوك الـقاهره.
مصر الكنانه مننا الفـــــين ســـلام.

شعب اليمن كلَّه عيـــــونه سـاهره.
بعد الجريمه مايمــاني حر نــــــام.

من السَّكـــــارا والكــــلاب العاهره.
ذي قامو الفحشى والافعال الحرام.

خديجـــــه الطَّفــــله بريئه طاهره.
ياشعـــــب لازم ثأرهـــــا والأنتقام.

اوسخ جريمه شفت وابشع ظاهره.
قد أحرقت جسمي ولحمه والعظام.

كلاب تنهش لحم طــــــفله قاصره.
فين المبادئ والقيــــــم والأحترام.
#ابو_جساس

هذا الزامل تم القائه امس في سامك

جيت اسجَّل حضوري حَسَب مالعرف قاله ودستوري.
لجل فيصل ضروري ورازح والجمالي واخوه احمد.

من قحازه عبوري أشارك فرحة الجيد مجبوري.
ياصقور الصَّقوري لكم مبروك من عطرها والنَّد.
#ابو_جساس.

كل من له مقامـــــــه تشوفه نازل او عالي القامه.
حسب منطق كلامه تشوفه نشمي او تبسره فاتر.

#ابو_جساس.

من تشوفه بجنبك عز عنــده وغيره.
ذا معابر سلاحك واحسبه خط ناري.
#ابو_جساس.

يازمان الجــــــفا كافي خــلاص اكفا.
ماتو اهل الوفى والباقي اوسخ نفس.

من رضي واكتفا بالــذَّل والخــــــوفا.
لايدوَّر دفى من بــــاع فرشـــه أمس.
#ابو_جساس

يالله انت الفرج قـــادي لنـــا العوجا.
عيشة الضَّيق هاجت والتَّعب أمواج.

عفت دنيا خبيثــه مابـــــــها محجا.
وانته العــــون يالله لبَّــــي المحتاج.

الزَّمان اختلــــــف واتغــــــيَّر النَّهجا.
والعفيف هان والمنحط لابـس تـــاج.

الوفئ قد طُمس والمــــرجله عــرجا.
جفَّ بحر الملك والعبد بحــره هـــاج.

يالله العين صارت معمـــيه صــــنجا.
في زمان الفتن والضَّيـــــق والدَّبلاج.
#ابو_جساس

قال ابو جسَّاس ياصلفاع شامخ في قحازه ياجبل ماحد غزاه.
من يبى النَّاموس هو والعز لايطـرح جهازه من طرحهن ياخزاه.
عيشة النَّاموس هي تاج الرَّجال#

الكرامه للقبيلي هي شموخه واعتزازه في حياته او عزاه.
والوفي بين القبايل مثل مالحيــــد ارتكازه حيَّ والله من بزاه.
هو معابر للمعــارك والقتال#

من فَسَل في صاحـــــبه ياقوم أشَّرنا جوازه والمعابر هي جزاه.
ومن نشوف الحقد موديله وفيه اخر طرازه مش من النَّاس النَّزاه.
نطرحه ياقوم من تحت النَّعال#
#ابو_جساس

ذي مثل ابوه والجدَّ لجل الجود والعزَّ اجتهد.
هذا عليه اشهد مقنَّف مثل ابوه وافي وجيد.

ذي لادعــيته ردَّ في لحـضه وجاوب كالأسد.
للخلــــــف مايــرتد هذا رزح للضَّرف الشَّديد.

في مثل هذا اشتد به واركن عليه طول الأبد.
فــيه الوفى لاقد دعيتــــه جاك لاكنتـه وحيد.
#ابو_جساس

مثل مالجدَّ جينـــــــا يازمان اشهد.
شبل جا من أســد وافــي كما جدَّه.

الوفى مُعتمـد فيـــــــــنا وبه نشتد.
مانفرَّط بحد في ســـــــــاعة الهدَّه.

كم منافق شرد يوم الوطيس اشتد.
يوم ماشفـــت حد باقي على عهده.

لعن ابو من رقد او غـــــاب واتمدد.
يوم نشتيــه مــــدد أرتد عن وعده.

مايهم العـدد دام الزَّمــن له غــــــد.
كم وكميا قُهد جتـــــــــنا وكم شدَّه.

الجروح فـ الجســــد والرَّاس يتنهَّد.
يازمان النَّكد قـــد طـــــــالت المُدَّه.

حان ضرب الكنـد من قبضتي واليَد.
بعضهم قد جحَــد نرمي وسَط كبده.
#ابو_جساس

للمجاراة..!!
البداية #ضيف_الله_سلمان

ملامحه توحي بصدق(الاشتر)!!
وهيبته تحمل شموخ (الانصار)!!

فارس يماني في الوغى ما اتقهقر
كم داس بأقدامه على الاستكبار..

في الصبر نسخة ثانية لآ(بو ذرّ)!!
وفي التولّي مثل جدّه (عمّار)..

#نشوان_الغولي

عاجل الى أحفاد مستر هنفر.
نبثها من دون نشرة أخبار.

هذا توطى جدكم في خيبر.
و كان جندي من جنود الكرار.

هذا الذي زلزل عروش المنكر.
و عز داره من بني عبد الدار.

#شاعر_نهم_الحمراء

صلى و سبح من قفى ما استغفر
على خطى ال الرسول الاطهار

قاتل عدو الله لاخر معبر
واصبح وراء القضبان شيخ الاحرار

الدين عنده والوطن خط احمر
دون الشرف و العز لو سار اعشار

#زيد_الخراشي

شايب جبين المجد له يتعفر!
والدهر في عزمه وباسه يحتار!

وفي عيونه للعدو موت احمر!
وثار لاقبله ولابعده ثار!

من غضبته ياويل ثالوث الشر!
في يوم من هوله تزيغ الابصار.

#الشاعر_محمود_الجنيد

عزة كرامه حق ماهي مضهر
ولا تملق ياعيال الأحبار

في السجن او في المعركه مانقهر
جميعنا شدة امام الكفار

هذا اليماني ياملك وانت اخبر
مابعده إلا الموت (يابو منشار)

#الشاعر_ابو_جساس الجرادي⇓⇓

جاهَد في المــــــيدان بحره والبَر.
واعطى التَّحالف من سلاحه أنذار.

كميا جماجم فـ المعـــــــارك طعفر.
وانا اشهد انَّه كــــــفو بين الأنصار.

شايب ويســـوا جيش كامل واكثر.
من را قتاله قــــــــــــال هذا الكرَّار.

ذي مامتلا كرشه وبطنه جاوعه مثل القشه.
هذه قدي وحشه ومابايشـــبعه غير التَّراب.

يرقد على فرشه ويتـــــرك ماضيه والبرغشه.
لايأخذو عرشه وتبقــى جثَّته أكــل الغراب.

أيش مالقي قشَّه وحتا صاحبه كــم ينهشه.
بالكذب كم غشَّه وكم قد عذَّبه خسَّ العذاب.
#الشاعر_ابو_جساس

قولو لمن يحتج في حفل الرَّسول ماله حجج.
يروح يتعالج نصيـــــــــحه دام عدباقي علاج.

الحفل به أحنج من التَّطبــــــيع ياحلف الهمج.
صفَّ الرَّسول أخرج من التَّطبيع ذي ماله خراج.

ذي لليهود يحنج وعاد ابليــس فيه ماقد خرج.
يشوف له مخرج ويسـكت لايبـــرغش كالدَّجاج

عاد الوجيه تحرج قلوله بس يكــــفيه الحرج.
يختار له منــــهج رســــول اللَّه أو نهج النَّعاج.
#ابو_جساس