فـيـك بـعد الله الـشعب عـاقد
شـــد بــاسـه وفــوض وسـلـم

خــلــي الــنــار بــالـنـار تــبــرد
واعـلن الـخامسه صيف دمدم

#يا_حفيد_المزكي_بخاتم

يا صاحبي ذي ما صرخ لليوم
بالرغم من كل الذي قد صار

فمحال جنب المؤمنين يقوم
ويواجه الأعداء والكفار

ذي ما صرخ كلمات بالحلقوم
بايديه لن يحمل سلاح النار

ذي خاف من قوم العدا يا قوم
ما هو بمؤمن بالله القهار

ذي ما صرخ بالله يجي له يوم
يصرخ بـ (يا ويلي) وهو منهار

من يرتضي بالواقع المهزوم
بالذل غصباً يكتسي والعار

ذي ما تحرك ينصر المظلوم
بئس المصير يذوق والأقدار

حاشى صلاته تنفعه والصوم
ذي ما يجاهد في الله الفُجار

ذي ما صحي من غفلته والنوم
مضمون يندم والزمن دوّار

الأمر واضح والخبر مفهوم
لا فايدة من كثرة الأعذار

يا صاحبي ذي ما صرخ لليوم
هي واحدة لا غيرها يختار

إما عميل من العدو مدعوم
والا يهودي مخفي الزنار
<><><><><>
كلمات / يوسف أبو طالب
#الله_أكبر
#الموت_لأمريكا
#الموت_لإسرائيل
#اللعنة_على_اليهود
#النصر_للإسلام

المجاراة بعنوان المعركة المباشرة مع العدو الاسرائيلي.

البداية #أحمد_درهم_المؤيد

المعركة ماهي مجرد رد واحد
وتنتهي بعد البيان

هي معركة قل لليهودي في تصاعد
تسعى لإسقاط الكيان

احنا مع الله والتراجع غير وارد
وجهادنا طول الزمان

#ضيف_الله_سلمان

امة مع مشروع قراني وقايد
قيادته صمام امان..

واحنا على الكفار اشد من الشدايد
وصدق الايمان ال(يَمان)!!

ومن قعد با نحسبه ضمن القواعد
والله عليه المستعان..

#أبورواسي_أرحب

الله شاهد والمراحل والمشاهد
والخامسه شاهد عيان

إنا علئ غزه والأقصئ بانجاهد
وموعد التحرير حان

أجر المجاهد غير من في البيت قاعد
ومايدخل الجنه جبان

#الشاعر_ابوحيدر_عامر

دام الثقة بالله هاذا الشعب صامد
ماضي بنفس العنفوان

طوفان ومجنح وراصد
لابد يمسح عسقلان

#احمد_الماوري

من يملك الجرأة على قطع السواعد
قادر على قطع اللسان

والشعب له في المعركة بارق وراعد
واتخبروا جد اردوغان

#مختار_البحري

مدام وان الشعب فوض خير قايد
يطلق براسه للعنان

باتنتصر بالله يالشعب المجاهد
وكل مستكبر يهان

وبايخِر الغرب للرحمن ساجد
على يدي بدر الزمان

#محمد_المنصور

الوعد وعد الآخرة والحرب واقد
يا وعد آخرة الكيان

والله اكبر والمراحل في تصاعد
على طواغيت الزمان

قال اليماني والتراجع غير وارد
ولا قلق ما كان كان

#عبدالحكيم_مسعد_النمري

تبشر بنا ياقدسنا وارقى سنايد
مادام بالله الرهان

يمين مايبقى لصهيوني تواجد
وفي اليمن كمن فلان

أهل القيم وأهل الشيم وأهل العوايد
وشانهم في الحرب شان

#محمد_الروضي

هلو علينا نفك تلك الشديد.
ونفتح لنا باب الجنان

جتنا مباشر رغم كل المكايد
مابيننا مؤمن جبان

ياعزوتي هلو عليها بالنكايد
الان وقت الامتحان

((مدى العماله))

مـدى الـعماله فـالعميل انـكشف
واتــعــززت جـــدوى مـلاقـيـفها

عـادي طـويله والـمواقف سـلف
ومــحــنـة الــدنــيـا تـصـاريـفـها

فــمـا لـعـيـن الا لـعـين الـجـدف
ولا قـــنـــيــف الا مــقــانـيـفـهـا

ولا رجـــال الا رجـــال الـنـصف
ولا عـــــــــدو الا تــســاويــفـهـا

ومـن وقـف يـبني على ما وقف
ومـــن غـــرق فـلّـت مـجـاديفها

ومـن جـهل قـدر النشامى عرف
ومـــن قـــرا يـحـفـظ تـعـاريفها

الـليل يـا مـاسك مـن الـمنتصف
تـلـعـب عـلـى ربـعـك تـصـانيفها

بـالزند والـساعد ومـعصم وكـف
ضــاقـت عـلـيكم يــا مـخـاليفها

اول طــريـق الـهـاويه مـنـعطف
وتـــــودّي اخـــرهــا مـواديـفـهـا

والـراعيه تـرعى حـرامي العلف
مــن يـومها مـا هـو عـلى كـيفها

تـدعو ثـبورا مـن طـرف لاطرف
نــفـوس يـــا شـيـنـة سـوالـيفها

وانـهـارت الـعـظمى بـشبة نـكف
شـيـعـة عــلـي حــيـا مـنـاكـيفها

مـعـادله مـااحـد عـلـيها اخـتلف
مــا تـقـبل الـقـسمه عـلـى نـيفها

صـنـعا مـع غـزه يـساوي شـرف
والـضـاحـيه لاسـنـافـها سـيـفـها

وايران جنب الحشد صفا بصف
لابـــات مــا تـخـشى مـحـاتيفها

((بلبل النصر))
21 يوليو 2024م حسن احمد المهدي(ابو عمار تحدي)
https://www.tg-me.com/Abuammartahaddi/

((النقا يااهل النقا))

فـالـحـديده صـــاع واثـنـيـن فـــي ديـمـونـه
والــتــراجـع عــــار والــــذل مــنــا هــيـهـات

نـخـسـف الــقـارون واحــنـا عـصـا فـرعـونه
والــسـرا جـنـب الــزوارق تـعـوم الـشـاصات

حــــرب تــلـعـن والــــدي والــــد الـمـلـعـونه
حــرب مــن كــل الـجـوانب وكــل الـوجهات

تــبـتـدي مـــن مـسـتـوى عــارمـه مـجـنـونه
مـــن صـلـيـنا تـنـتهي لاصــلا فــي سـاعـات

دلـــعــن اســرائـيـل دلــعــن عــــلا دلــعـونـه
واهـجـم اهـجـم يــا ولــي شـغل الـصوتيات

فــــك يــافـا واطـــرق الـطـرقـه الـمـضـمونه
فـــوق يــافـا فـوقـها هــات يــا بـوهـا هــات

خــلـي الـكـوكـب يـكـفـكف مــطـر كـربـونـه
واليـهـودي يـبـتـدي بـالـنـدم جــلـد الـــذات

مـــــن مـــنــع مـاعـونـنـا يـمـتـنـع مــاعـونـه
وان طــلــق يــطـلـق لــسـردابـه الـصـفـارات

ربـــنــا واحـــــد وذاك الــخـبـر مــــا دونــــه
مــن مــع اسـرائـيل تـحـرم عـلـيه الـرحمات

والــمــراعــي لــلـمـريـكـان مــــــا يــرعــونـه
والـــمــدرع يــشــتـريـهــا مــع الـحـفـاظـات

شــرقـنـا مــــا عــــادو اوســـط ولا ذا لــونـه
طــبـعـوا واخــتـلـت احــداثـيـات الــقــارات

والــضــمـايـر نــايــمـه والـــذمــم مــركــونـه
والـمـجـاعه مـــن هـشـيـم الـتـوانـي تـقـتات

الــنــقـا يـــااهــل الــنــقـا يـعـتـمـد قــانـونـه
حسب(اعدوا ما استطعتم)وحسب العادات

والــقــضـيـه بـــالـــولا والـــبـــرا مــرهــونــه
ثـــوريــه والــعـاقـبـه فـــاقــت الـتـقـديـرات

((بلبل النصر))
22 يوليو 2024م حسن احمد المهدي(ابو عمار تحدي)
https://www.tg-me.com/Abuammartahaddi/

قل للكنانه وولد سعود
حنا على العهد ما بقينا

كلن ربى حقه المولد
واحنا على العهد ما ربينا

نرجع لكلن بما معهود
ان كان حقه على ايدينا

الثار في الدم عندنا موجود
واحنا نرده بقا فينا

#محمد_الروضي

الإعلام الحربي سيوزع في تمام الساعة الثالثة عصراً مشاهد لإطلاق الطائرة "يافا" التي استهدفت هدفا مهما للعدو الإسرائيلي في منطقة يافا المحتلة، مع مشاهد افتتاح معرض خاص بالطائرة، وبعض من مواصفاتها.

http://www.tg-me.com/army21ye

لـلـكـوفـيه الــغـبـرا
خرج صميل اخضر

وبـعـيـنـنا الـحـمـرا
الــمـعـبـقـي بـــــور

رخـلـي ومــا يــدرا
ولا رضـــي يـحـذر

دبــــر ولا اتــحـرى
وخـــاب مـــا دبـــر

لــــو كــانـه اتــمـرا
مـــا كــان يـتـبختر

والــعـاقـبـه دبـــــرا
والـوعد وعـد اغـبر

بلبل النصر حسن المهدي

مسيّرة اربكت امة وهزت دول
مابالكم لو نرسل كل ليلة ثمان

لايِقبلِ العالم الغربي يدوّر لحل
ويسلمو لبن بدر الدين انسً وجان


#ابوضيف_الله_اللاحجي

صار المنافق وسـط صـدمـه
ما يدري من ويـن جت اللطمه
صبح غريق بغـدرة الظلـمـه
خايف يواجه لـحقايـق

مريع لبنـكـي متى يظـمـه
ويقول يـا مـا حـلا شـمـه
لكن قد. جت لـه اللطـمـه
صبح عليـل ومتضـايـق

غبني على ذي بلاه همه
وخان شعبـه وباع امـّه
مايدرى لا حلت النقمـه
فن العماله سبب عـايق

#محمد_الروضي

يا شعبنا يا جيشنا الكاسر
يا من جعلت الخلق في حيرة

أذهلتها في عامك العاشر
واصبحت لغزاً صعب تفسيره

ظنوك بعد العاصفة حاسر
وحصارهم هدَّك بتأثيره

واليوم نص العالم تحاصِر
والنص الاخر صرت بتديره

كان الجميع عليك متآمر
خوفاً من امريكا جلب عِيره

واليوم الامريكي شرد صاغر
في حلف ما حد شاركه غيره

ظن اليهودي نفسه الشاطر
آمن بيافا يشرب البيرة

واليوم يندب حظه العاثر
ويدق في نعشه مساميره

أما السعودي كان بيصادر
حقك وسلّط لك طراطيره

واليوم نادم يلطم الصابر
قلك (وسيط) بحسب تعبيره

ظنوك وحدك ما معك ناصر
ظنوا قرارك سهل تغييره

لكن جعلت بقدرة القادر
ظن العدو خايب وتقديره

قل للملك هو وابنه الداشر
من طنش السيد وتحذيره

يلقى نكال وحاطم وقاهر
عنده بلا فيزة وتأشيرة

وابن اليهودي قل له يغادر
من أرض الاقصى حان تهجيره

والا لعننا شكله الكافر
لاما النتن يلعن مقاديره

ونقولها كلمة من الآخر
يا نفذوا الأمر بحذافيره

والا حجاب الله ويا ساتر
من حرب كبرى ما تذر دِيرة

يا شعبنا يا جيشنا الكاسر
صهيون دقوا له مناخيره

وان هو مُصرّ بطيشه يكابر
لي منعكم تِموا له السيرة

<><><><><>
كلمات / يوسف أبو طالب

قـلـبي مـعاكم يـا عـيال الـكلبه
مـااقول غـير اسـتاهلوا تاكلكم

كـفـيـلكم قـسّـى عـلـيكم قـلـبه
لا ســلـمـه ربــــي ولا سـلـمـكم

غـريم فـي دور الوسيط الذربه
ويـحـتذيكم يــا بـقر مـااغباكم

يـلعب بـكم يااهل الفنادق لعبه
ولـلـوضاعه مـا سـوى وضـعكم

لـشوكة اسـرائيل راس الـحربه
ولـلـمـريكان الــخـدم سـخـركم

يـلـعن لـوالـد والـديـكم صـربـه
ويـهـيـن والـــد والــد امـيـتاكم

قـلـتوا لــذاك الـبـربري حـيا بـه
واحـنا نـقل تـبت يده وايديكم

وفـي بلدكم تشمتوا في ضربه
ولـجـل ذلــك ربــي اسـتـبدلكم

تـتـنكروا لـلـحق تـشـنوا حـزبـه
وتـقدموا صـورة غـبا مشهدكم

وتـصـفقوا لـلـمجرمين الـنـخبه
وقـارح الـتصفيق فـي صابركم

سيبه على الله ياسعودي سيبه
سـعودكم الـداشر وزد يـهودكم

كـبـاش مــا تـنقصكم الا الـثربه
وبـالـشريم الـطـايفي يـذبحكم

بلبل النصر حسن المهدي

ابـشـر بـنـا جـيـنـاك يالاقــصى
مـن اليمـن بالفتح والـتـحـرير

مادام حكام العرب خـــــرصى
جـيـنـاك بالـتـهـلـيـل والتـكبير

بأفــــــواج ما تـعتد او تحصى
مـتـوعـدة صهيون بالـتـدمـيـر

شعب اليمن ياقــدسنـا يُلـصى
ماشي خرج للعرض والتصوير


#ابوضيف_الله_اللاحجي

قل لليهودي يسأل السعودي
ماذا جنى بالحزم والعواصف

طاح السعودي وانت يا يهودي
طايح مع الأمريك والتحالف

إحنا العلاج لكل داء و دودي
فيكم ويافا جاهزة وقاصف

جلده يحكه ذي لمس حدودي
واحنا جلدنا العمق بالمشارف

شعب اليمن وجنوده الأسودي
خلى الحشود تفر بالشراشف

لا لا تهنجم دولة القرودي
فالبير وغطاه الجميع عارف

الرد قادم وانتظر ردودي
خلك على رجل انتباه واقف

ما احنا من اللي يخلف الوعودي
واتخبر التاريخ والمواقف

وابشر بذات النار والوقودي
يا قاتل الأطفال والمكالف

بانعدم اشكالك من الوجودي
ونبيد تالي دولتك وسالف

والله أكبر تصرخ الحشودي
ورجالنا تقسم على المصاحف

إن ظل في مسرى النبي يهودي
ما احنا رجال الله بل خوالف

<><><><><>
كلمات / يوسف أبو طالب
#الرد_آت

المجاراة عن الحضور المليوني الكبير والمشرّف..

البداية #ضيف_الله_سلمان

سلام يا خير الشعوب المسلمه
توقف لك الدنيا مهابة واحترام..

يا وعد فآيات الكتاب المُحكمة
حاضر بقوة في المهمات الجسام..

#محمد_الروضي

سلام يا من دعستوا مسيلمه
وهديتوا وعد بالفور الخضام

واوليتوا بين السطور المُحكمه
ان ما غيركم للمهمات الجسـام

🔴⚪️⚫️🚨🚨🚨

🔘 ‌‌‏ق
ر
ي
ب
ا

https://x.com/Moh_Alhouthi/status/1816954249458135232?s
ـــــــــــــــــــــــــــــــــــــــــــــــــــ
🇾🇪https://www.tg-me.com/Mohammadlhouthi

((انهُ شعب الايمان يا ساده))

فـــي خـضـم الـنـفير الـمـلاييني
دون الـدهر فـي مـحضر اشهاده
انـــهُ شـعـب الايـمـان يــا ســاده

حـــر دمّـــه يـمـانـي فـلـسطيني
والــمـروه مـــن الــجـد لاحـفـاده
انـــهُ شـعـب الايـمـان يــا ســاده

شـعب قـال الـقضيه عـلى عيني
ســـاق الاقـــوال بـافـعـال رواده
انـــهُ شـعـب الايـمـان يــا ســاده

وانـتِ يا قدس الاقداس تعنيني
وانـتي اسـمي ونا صانع امجاده
انـــهُ شـعـب الايـمـان يــا ســاده

وانتي ارضي وعرضي وتطميني
وعـــد ربــي ومـصـداق مـيـعاده
انـــهُ شـعـب الايـمـان يــا ســاده

صــادق الـعهد والـمقتضى ديـني
والـتـقـالـيد والــسـلـف والــعـاده
انـــهُ شـعـب الايـمـان يــا ســاده

يــا مـجـافي فـلسطين جـافيني
فــالــيـمـن بــالـرجـاجـيـل ولاده
انـــهُ شـعـب الايـمـان يــا ســاده

يـعـربي مــا خـلق مـن يـجاريني
فـي تـحدي بـدا مـوقف اجـواده
انـــهُ شـعـب الايـمـان يــا ســاده

مـــن مـلايـين مـيـدان سـبـعيني
لا مـيـاديـن طــوفـان واســنـاده
انـــهُ شـعـب الايـمـان يــا ســاده

ســمـخ ثـايـر مـزمـجز بـراكـيني
مــن تـسـونامي اسـتنفر اجـناده
انـــهُ شـعـب الايـمـان يــا ســاده

يُـعرف الـجيد والـتيون الـصيني
والـمـقحقح مــن الـوالف اقـعاده
انـــهُ شـعـب الايـمـان يــا ســاده

يـضرب الواقعي ضعف تخميني
كـلـما اسـتـشهد ازدادت اعــداده
انـــهُ شـعـب الايـمـان يــا ســاده

((بلبل النصر))
27 يوليو 2024م حسن احمد المهدي(ابو عمار تحدي)
https://www.tg-me.com/Abuammartahaddi/

ثق بنا واشتد
يا قائد الشعب الاسد
لو تريد الجزر و المد
نطوفه لا نطوف
..........
قل لذي حشد
علينا القوى من كل حد
شعبنا في كل مرصد
لتنكيله شغوف
...........
ابوروعه الجوفي
http://www.tg-me.com/aboRwah

يالعن اباها والسلاح الركاني
وتكريس لعـراب لفـوق رجيـله

ونعن ابوه الحد عند الجباني
ونعن ابا الذله كيف تستويله

كم منـايـا حد وبحد الطعاني
لسوي مجازر ضعف ضعف الهبيله

معركه اسمها ذاااات النصالي
وذات العـوايـد ساعة ماترتكي له

يوم الثكالي تصرخ وينم عيالي
يامن سمع صوتي لبى العليـلـه

لامـا سويـت النقـع نقـع الزماني
تشهـد لأزمـاني بفـرصـه طويله

الشاعر / محمد علي الروضي

https://www.tg-me.com/alraudiy