مـحـياك يــا مـيلاد خـير الـورى احـياني
ومـااحـنا بـنـحييك انـت يـاللي بـتحيينا

محال اني اتخلف لو ازحف على اسناني
ومــن خـلـفي اشـبـالي والاشـواق تـملينا

فــلا يـقـطع الله عـادة الـشعب الايـماني
ولا بــيـض الله فـالـزمـن وجـــه عـاديـنـا

وحــيــا يـمـانـيـة عــلـم هـــدي نــورانـي
وجـــنــد الــنــبـي والال حــيــا مـنـابـيـنا

نـسـيم الـمـوالد هــب مــن وحـي ربـاني
يـعـانـق غـصـون اتـجـذزت فــي مـآقـينا

ونـمـشـي دروب اعـلامـنـا لـلـنجا سـانـي
لـخـير الـسـبيل اتـسـارعي يــا خـطـاوينا

هــــلال الــنـبـوه لاح والــنــور عــدنـانـي
وبـــدر الـربـيـع الـهـاشمي شــعّ اسـامـينا

مــلا الـفرقدين الـداع صـعدي وصـنعاني
هـنيئا لـكم مـن فـخر مـا حـط فـي مـينا

قـطـعنا لـكـمن شــوط واحــد ورا الـثاني
وبـاقـوى الـعرى فـي رب الاربـاب شـدينا

لــلاسـلام خـيـر انـصـار والـنـهج قـرآنـي
عــلــى حــــب هـاديـنـا ارتـبـيـنا وشـبـيـا

ربـيـع الـعـزايم يـدهـف الـسـيل مـيـداني
كـــمـــا لــلــمـوالـد لــلـمـيـاديـن هــبــيـنـا

ونـقـتص لـلـثكلى مــن الـمـجرم الـجاني
ونـسـقيه كــاس الـمـوت الازول بـايادينا

ربــيـع اول ايـمـانـي يـمـاني خـضـيراني
وتـــزدان بـالـمـصباح الاخـضـر حـواريـنا

وســهـم الـبـصيره شــق ظـهـر الـعـميّاني
وزحــزح ضـبـاب افـكـار تـدمـير تـعـمينا

ويـخـسى الـمـريكاني وذيــل الـمريكاني
عـيـال الـكرسمس مـا يـهزوا الـشعر فـينا

ولاعـشـت يــا عــدوان صـهـيو بـريطاني
وبـا نـمحي احـمق ظـن فـي يوم يمحينا

((بلبل النصر✌️))
19 صفر 1445هـ
4 سبتمبر 2023م حسن احمد المهدي(ابو عمار تحدي)

كلمات الشاعر أخوهيثم نضال حُميد تحت
عنوان

✍️(الون الأخضر)✍️

ياذي بتتأثر من الون الاخضر
غطي على عينك وسوي ستاره

الون هذا مدته شهر واكثر
باتوجده في كل عزله وحاره

قدامك ان مارحت فى الجو والبر
في كل قمه في عميق البحاره

باتوجده في كل منزل ومتجر
لاغابت المغرب يبين انتشاره

في كل سياره مطبع مصور
تلقاه فى الصندوق والا الغماره

في كل كائن حي زينه ومضهر
موجود في دار الحجر في شهاره

فـ الوتساب فـ الفيس بوك فـ التويتر
في كل أيقونه مركب شعاره

تلقاه فـ الجامع وفي كل محور
فـ المدرسه فـ الجامعه فـ السفاره

والصبح حن تمشي وحالك مكدر
تلقى امامك لافته او عباره

أن باتجي ياصاحب الطبع الاقشر
ياصاحب العقليه المستعاره

عوذب من الشيطان وتقرع الشر
وفعل معي لا وسط صعده زياره

تعرف رسول الله أكثر وأكثر
ذي مولده للأمه اكبر بشاره

الكون بقدومه تبسم ونور
والخير عم الباديه والحضاره

مابه قلق نتعب ونسعى ونخسر
من أجل الون موتري والعماره

حب النبي واجب ومنهج مقرر
لامحتفلنا به هي اكبر خساره

وان انت با تجلس يهودي مخنز
دقيت راسك في صميم الحجاره

وابحث على اطرف حر فاضي مصغر
وحل وسطه شهر وادفع إجاره

واكتب على بابه مقفل مدير
وصاحبه مسكين ضيع حماره

تحيات الشاعر العملاق
#يعمم_بالإشتراك_ونشر_رابط_القناه🔰

🔷القناة الرسميه والوحيده لـ :
#الشاعر_نضاَل_حُميد

انقر الان للإنضمام👇🔰⏬🔰

🔶 @Nidal_homed
🔶 T.me/Nidal_homed

يـا ونـة القعد ونة جرح ما يُشكى
وما دري وين ضيّع حادي القعدان

واتـصابحه فـاربعه سبتمبر التشكا
وطعفر اشلاه واشلا ربعه الغويان

دامـه بـالامريك واسرائيل يتوكى
قـل لابـن زايد يقرّ او قرّه البركان

وقل لبو ظبي عاد القادمات انكى
مـا صـافر الا بدا والشاهد الرحمن

بلبل النصر حسن المهدي

كـلما قـلنا اعـقلوا يـا قـوم
قـل لنا الدهر ابردوا منهم

عيفوا المولد من اول يوم
مـــن ربـيـع اول وجـنـنهم

مـا بدا من عيده الا الغوم
واكـشـف الـبـاري تـغابنهم

مـدبرين الكوم يقلب كوم
والـدبـور اسـلاف ديـدنهم

هـم بـشر والا مـقالي زوم
هـل عـلمي ويش معدنهم

واردي يـا واردات الـشوم
يــوردوا واحـنـا نـصـبنهم

بلبل النصر حسن المهدي

حـيـا بـضيفان ابـن هـاشم يـا مـراحب
لاحــــاضـــــرة ســـــــــام ارحـــــبــــوا

تـعداد حـب الـرمل واسـبال الـسحايب
واهـــــــــل الـــثــمــيــره يـــشــغــبــوا

حـطوا رحـال الـقافلات اوسع مضارب
ويــــاالــــجــــمــــوع اتــــقـــــاربـــــوا

يـوم الـجماله فـي ربـيع اثنعش واجب
والــــعــــالــــمـــيـــن اتـــــأهــــــبـــــوا

يحييه في خير احتفال الشعب قاطب
خـــــيــــــر اولــــــيــــــا يـــتــلــقــبــوا

مــــع رســــول الله لابــــات الــنـوايـب
مـــــــن كــــــــل بـــقـــعــا جــــوّبــــوا

لـو ضـاقت اجـناب الـمشارق والمغارب
ويـــضـــيـــق بــــالـــكـــون الـــقـــبـــو

واتـهـاوت افــلاك الـسـماوات الـثواقب
واهــــــــــل الـــمـــقــابــر ســــنـــبـــوا

مـا يـحجب المولد عن الانصار حاجب
والااحـــــجـــــمـــــوا واتــــهـــــربــــوا

يـتـغـلـبوا مــــا يُـغـلـبـوا والله غــالــب
ولـلـــثـــبـــات امــــــــــــه وبــــــــــــو

((بلبل النصر✌))
22 صفر 1445هـ
7 سبتمبر 2023م حسن احمد المهدي(ابو عمار تحدي)

((درة الـبـاري))

لاهـنت يـاالزاجل اكـشف بوح متداري
ويـــــــــــا الـــمـــســـيــره انـــقـــلــيــه

هندس قوافيه وارصف رصف معياري
بـــاســـلــوب مــــــــا لـــــــه شـــبــيــه

لاقــوى مـجـاراة اوجّــه دفـة اشـعاري
واجـــــــــــاري افــــــقـــــه فــــقـــيـــه

الـــذكــر يــحـلـى بــطــه درة الــبــاري
والال مـــــــــنـــــــــه وفـــــــــيـــــــــه

وفــي مـديـح الـنـبي صـليت بـافكاري
صــــــــــــلاة ربــــــــــــي عــــلــــيــــه

وترفرف اجناح قلب الشعب الانصاري
لاقـــــصـــــى عـــــنـــــان الـــجــبــيــه

ســبّـاق لـلـجـمل فـالـجـودات مـتـباري
والـــــمـــــكــــرمــــه تـــــعــــتــــريــــه

مـن سـلسبيل الـهُدى والـمنهل الـجاري
يــــــغــــــرف بـــكـــلـــتــا يــــــديـــــه

بـيـان شـعـبي يـغـطّي الـبث الاخـباري
صــــــريــــــح كــــــلــــــن يــــعــــيـــه

لـلـمنحرف عــن مـسـار الـمولد انـذاري
والا يـــــــقـــــــلــــــد نـــــــبـــــــيــــــه

يـبشر بـقارح صـميل اخضر وهو داري
عــــــــــــلاج كــــــمــــــن ســــفــــيـــه

حـمـار الامـريـك شـغله يـدهف الـقاري
بــــابـــخـــس ثـــــمــــن تـــحــتــذيــه

يـنـهق لـعـيد الـنصارى مـنتعش طـاري
وســــــــواه مــــــــا هــــــــو عـــلــيــه

فـالـعقد بـاصم مـع اسـرائيل مـسياري
ســــــفـــــاح لا لــــــبـــــس فــــــيـــــه

مـيلاد خـير الـورى اتـعادوا لـه اجباري
لـــلـــحـــبــر الاعــــــظـــــم بــــنـــيـــه

لاعــاد نـسـمع لـهم نـخس اي مـتماري
وهــــــيــــــه لــــــكــــــن وهــــــيــــــه

وانـعـم بـسـيل الـمـوالد سـيل مـلياري
وبــــــــيــــــــض الله الـــــوجـــــيـــــه

وقــايـد الـثـوره الـحـامي حـمـى داري
يــــــرضـــــى عـــــلـــــى والـــــديـــــه

((بلبل النصر✌️))
23 صفر 1445هـ
8 سبتمبر 2023م حسن احمد المهدي(ابو عمار تحدي)

((فــذكِّــر))

حـذار يـااخوان مـن نشر الهبات
بــا تـخـربوا نـفسيات الـمؤمنين

والله يــكـرم رجــال الـمـكرمات
لـكـنّ الاولـى هـم الـمستضعفين

مـبدا جـهادي وما هو خذ وهات
سـاسـه(فـذكِّر)وبنيانه حـصـيـن

واركــانـه الـبـاقيات الـصـالحات
يـشـمخ عـلـيها مـقام الـصالحين

ويـحـن راعــد صـلايـا الـقافيات
ويـدن فـي سـاحة الـهيجا دنين

جـنـب الـطـويلات تـترا عـابرات
صرح السماوات الايسر واليمين

وتـسـابق الـريـح غـبرا صـافنات
وتـشـل حـمـله مــع ابــو تـانكين

زامــل يـواكب مـسار الـمنجزات
يـلـهب حـماس الـقروم الـمتقين

يـنعش ضمير الامم بعد السبات
ويـزحزح اسـتاره الـمستبصرين

ربــي الـمـسدد مـطاليق الـرمات
وتـقـط الاعـنـاق وتـحـز الـوتـين

وايـمان يدهف سيول المرهفات
بـيـن الـعريم الـسماوي والـكمين

اعــــوذ بالله مـــن ذل الـحـيـات
لاقــبّـلـت مـدلـهـمـات الـسـنـيـن

ومـــن مـغـبـات شـــر الـمـنزلات
ومــن مـوالات اعـاديه اجـمعين

عـلى الصراط استقمنا في ثبات
نـمـضي مـسـار الـولايـه ثـابـتين

والـمـعـنـويات فـــوق الـعـالـيات
ويـهـيـئ الــعـون رب الـعـالـمين

لا جا لنا الموت جا يرحب ميات
ونـلـتحق فــي ركـاب الـخالدين

((بلبل النصر✌️))
12 سبتمبر 2023م حسن احمد المهدي(ابو عمار تحدي)
https://www.tg-me.com/Abuammartahaddi/

واعــي ولـكـن فـالـحقيقه واطـي
وسواس واسمه فالبطاقه سوسه

لــو يـقـتلب ربـح انـه الـمتواطي
ورايـتـه مـهـما اعـتـلت مـنكوسه
👎👎
…
بلبل النصر حسن المهدي

#الشاعر أخوهيثم نضال حُميد

في يوم ذكرى ولادة خاتم الأنبياء
ياشعب الانصار زين دولتك وحتفل

وافرح وزف التهاني لاعضم الأتقياء
ذي لاذكرته يفوح الشم كاذي وفل

من شرقي إعمان حتى ساحل أرتيريا
ومن سقطرى إلى الحد الشمالي وزل

خل المناطق والاحياء منوره بالضياء
واكتب جوار الثرياء أهلاً بخير الرُسل

رغم انفكم ياقلالين الشرف والحياء
بفرح بمولد محمد قائدي واحتفل

#يعمم_بالإشتراك_ونشر_رابط_القناه🔰

🔷القناة الرسميه والوحيده لـ :
#الشاعر_نضاَل_حُميد

انقر الان للإنضمام👇🔰⏬🔰

🔶 @Nidal_homed
🔶 T.me/Nidal_homed

ثـورتـك يا شعبنا للناس آيـ ـه
آمـن العالم بها في يوم راهـــا

نصرها الاكبر تحقق في البداية
يـا رعاها الله من ثورة رعـاهـا

حررت ذا الشعب من قيد الوصـ ـاية
لانـلـومـه لا افـتـخـر والا تـبـاهـا

مـالـقـى ثــ ـورة تحقق كـل غاية
أو لقى ثـورة تصل لا مستواها

كـانـت الاهـداف تعليم الـرمـايـة
واصبحت تطبيق في قوة عداها

تسلم ايدي صدرت منها حكاية
واليد الطولى لها تسلم يـداهـا

تـحـمـي الـثـ ـوار ثـورتـهـا حماية
بـالبراكين الذي ثـارت مـعـاهـا

والقسم لا تبني الـدولـة بناية
رغم عن انف الذي عاقوا بناها

يـاولايـات إن لله الــ ــولايــ ـة
ولـ ـحبيب الله طـه وآل طـه

للعلم رايـــة وللأحــ ـرار رايـــة
رفرفت بالمجد في سابع سماها

والمسـ ـيرة دربـهـا مـالـه نـهـايـة
دون كوكب لأرض لايمكن رضاها

قد صبر شعبي بما فيه الكفاية
والدماء للآن عاده ما نساها

لافني ما ينحرف بعد الهداية
وإن بقي فالمملكة يحرم بقاها

لا علاج لمن رفض اخذ الوقاية
من لعب بالنار يحرق في لظاها

ماورا بيع القضية لك سعاية
ياعميل الغرب للغرب اشتراها

فـرق مـا بين الكتابة والقراية
وابتدأ الحــ ـرب هذه وانتهاها

والتدخل مـن إلهى والـرعـايـة
والتدخل لأجنبي في ارض جاها

من وصل لا نجد لابس للعباية
غير من بالجنبية يدعس ثراها

#عبدالمنعم_المتوكل
21 سبتمبر

•• قــريــبـــاً
🎞 #كليب_قصيدة (( ربيع الحرية ))
• الشاعر | #أبوضيف_الله_اللاحجي
إنتاج | #إتحاد_الشعراء_والمنشدين
•• المولد النبوي الشريف 1445هـ

؛https://www.tg-me.com/aboyahyaalshami
لمتابعة الحسابات الرسمية عبر الرابط
؛https://sites.google.com/view/aboyahyaalshami/

((اذكــر مـحـمد))مسجلة فيديو🎥

مـا شان يابن الناس قالب مجغور
ولـمـام بـيـغثيك الاخـضر قـل لـي

وتـحن مـن غـيظك حنين الدافور
والـمـشّ فـالقلحوف داخـن يـغلي

اذكــر مـحـمد هـادي الـخلق الـنور
والال يـــا مـسـلـم عـلـيهم صـلـي

واسـتنفر اجـناد الـمديح المضمور
تـقـبل جـحافل وحـيها مـن قـبلي

ورص عــقــد الــدريـات الـمـنـثور
مـحـبوك وايـمـاني يـمـاني اصـلي

شــورك وعـبـاد الـبـقر ذاك الـشور
حـجـر وسـيـري وانـزلي واشـتلي

يـــا ذاك مـاضـلا دبــورك مـظـفور
ومـــن عـــلاوك لاسـفـلك مـتـدلي

وعــن ربـيع الـنور صـاعر مـمحور
سـاقك رمـوت امـريكي اسرائيلي

احمد في انجيل ابن مريم مذكور
وفـي صـحف موسى بدلوه يدلي

لا تـخلف الميثاق مثل اهل الطور
وتــكـن لـعـجل الـسـامري مـتـولي

مـحـجور تـتـمعذر امـانه مـحجور
نـبـيـك اولــى لا تـقـل مــا دخـلـي

تـمـيت روحـك تـمحر الـما مـقهور
مـــا عـــادك الا بـالـثـمن مـتـسـلي

ولا يــهــمــك لا تـــبــرر مـــعــذور
شـكل ادمـي لـكن مـجمرك رخـلي

بــرد عـلـى قـلـبك وخـلك مـجبور
وبـحـب طــه والــه امـلـيه امـلـي

واشـرب مـع الابـرار كاس الكافور
وخــذ قـبـس مـن بـدره الـمتجلي

((بلبل النصر✌️))
30 صفر 1445هـ
15 سبتمبر 2023م حسن احمد المهدي(ابو عمار تحدي)

فيديو🎥 قصيدة((اذكر محمد)) بلبل النصر حسن المهدي

(( لبيك ياسين ))

لك يا رسول الله عند اليمــــــانين
مقــــــدار ما مخلوق حازه ولا نال

حُبك جرى بعروقنا والشراييـــــــن
وقلوبنا بك نابضة عبر الاجيــــــال

في يوم ميلادك حضرنا ملاييـــــن
جينا نجدد عهــــــــــــدنا لك وللآل

أنصار لك يا سيّـــــــد الخلق باقين
وجنود ما تعصيك في كل الاحوال

يا مصطفى شاهـــد جميع الميادين
بحشود ما يخطر عددهـــا على بال

صرخاتهـــــــــــــا لبيك لبيك ياسين
وشعارهـــــــــا يدوي كما ألف زلزال

بك يا محمد كم قلبنا الموازيــــــــن
حتى أُصيب الكون كله بالإذهـــــال

ودَّف عدو الله وابليس الاثنيـــــــن
في شعب كان احمد سلاحه ومازال

للــــــــــه وكتابـــــــــه دمانا قرابين
وارواحنا المختار تفدي والامــــوال

حتى القيامــــة شعبنا حارس الدين
والله أكبر حارس الجند الابطـــــال

<><><><><>
كلمات / يوسف ابو طالب
#المولد_النبوي_الشريف

((طَــلَـعَ الــبَـدرُ عـلـيـنا))

بـدور الـدجى فـي سام خضر القناديل
تــرصــع ربــيــع اول بــجـوهـر مــمـرد

وتـتـهـيـئ الـبـقـعـا تــــرص الاكــالـيـل
وتـمـلى الـفـضا بـهـجه بـمـولد مـحـمد

مـــع (طَــلَـعَ الــبَـدرُ عـلـيـنا) وتـهـلـيل
تــبــدد ضــبــاب الــغــم فــيـنـا تــبـدد

وتـنـشد لــه اجـزال الـقصيد الـمواويل
عـلى نـخس واحـد جـنبها البلبل انشد

ويـنحت صروح القاف مسند بالازميل
رسـيخ الـبنا شـعبي عـلى الشَُمَّخ اشتد

لـسقي الـنفوس الـظاميه يـزهم السيل
بـكـفين خـيـر الـخـلق والـهـادي احـمد

بــه اتـفـجر الـشـلال والـعـين والـغـيل
وفـاضت جـنوب الـيم واتـناسح الـسد

زلال اغترف من حوضه الشدي الحيل
يـمـانـي مـــع الله فــي سـبـيله تـجـند

وصلى الجماعه قصر بالسيف والخيل
وسـلـم لـظـى الـتصعيد واتـشهد الـحد

وصـلـى الـمـقلم قــارح الـثـار تـعـجيل
مــع الـصـافنات الـغـبر مـثـنى ومـفـرد

وصــلـى الـمـجـنح بـالـحـراب الابـايـل
زلالــزل عــروش الـنـفط وتـهـدها هــد

وصلى الدم المسفوك بالجيش تخويل
يـقـم يـسـلخ اجـسـاد الـمـوالين يَـهـوَد

وصـلـى سـلاح الـردع فـالساح تـفعيل
مـصاكيع تـطبع فـي قفا الحلف والخد

وصلى الصمود اعوام يجني محاصيل
كــرامـه وشـيـمـه لـجـلها كــد مـااوهـد

وصـلى شـعار الـسبط من جيل لاجيل
وتـعـلى اسـتمارات الـفدا بـصمة الـجد

وتـمـتم بـمـنطوق الـمـواثيق تـسـجيل
مـواقـف تـغـيظ اعــدا مـحمد بـلا عـد

((بلبل النصر✌️))
1 ربيع الأول 1445هـ
16 سبتمبر 2023م حسن احمد المهدي(ابو عمار تحدي)

" تـدشــين الـحـشــود "

دشــن لـهــذا الـعــام دشـــن وإعلـن
ياشعـب وأرفـــع رايـتـك والإعــلان

بـرهــن بـمـيــلاد الـهـــدايـة بـرهــن
إنك على رؤوس الخلائـق سـلـطـان

هـيـمــن بحـبــه ياليمـااااني هـيـمـن
جــدد به الـمـاضـي وعـيـد الازمــان

من نـسـل أنـصـاره عـريق الـمـعـدن
أفــواج تـزحـف تنـصـره فالـمـيـدان

حـشـــودهــا مـلـيــونـيـة يـامــؤمـن
وسيلـهـا جـارف مـثـيـل الـطـوفــان

والحــق في أرض الـيـمـن مـتمـكــن 
وتــم نـوره فـي الـمــدن والقيـعــان

بـرغــم أنــف الـخـايـن المـتـصـهـين
ذا الـيـوم بانـفــرح ونقـهــر سلـمـان

شــوف الـمـســيرة يامـنــافـق عـين
وكــل ســـاحــة باتــراهـــا مـلـيــان

إحـنـا الـسـنـد ذي بالعـمـالـة يـثخـن
وإحنـا الـمدد والبأس فوق الطغيان

وأن ودهــم نـعـجـن ابـوهـا نـعـجـن
ونـعـيـد ترتـيــب الأمـــم والـبـلـدان

إذا رمـيـنــا .. بالـجـمــاجــم نـــوزن
ولا حــربـنــا صــار جيشـك هـربــان

قـل للتحـالف يااايه ..!! وقف هـون
من قبل نـهـدم عرشـكــم والأركــان

عن بأسـنـا ســل جيـشـك المتعـفـن  
ســل داخل الخوبة وداخل جـيـزان

سـيف اليمـاني يعـرفـه حتى الـجـن
ويـعـرفـه هـذا الـدعـي بن سـلـمـان

أحــنــا الـذي في حــب طــه راهــن
يـوم أرتهـنـتوا بالـولاء للـشـيـطــان

والفـرق واااضـح قــل هــذا الـهـين
شـتـان مـابـين الـهـدى والـطـغـيـان

خـط الـغــوايـة والـظـلالـة مـحـزن
بايوقعـك بـين الـغــوى والـخـسران

والحـق سيـلـه فــوق الأعــداء يزبن
يـاكـــم جـرف نـيـرانـهـم والـدخـان

والشعـب في نـهـج الهدى متحصـن
والـوعــد مـن ربـي تـجـلـى وإبـتـان

فـكــر تــدبــر فـي الـهــدى وأتـبــين
وغـوص باتلـقـى الـدُرر والـمـرجـان

فــي مـــولــد الـنـــور الإلــهــي أذن 
وأعلن على رؤوس الخلايق إعــلان

بـحــق ذي بــين الـحـنــايا يقــطــن
"مـا بانـفــرط فـي قـريـن  الـقــرآن "

ياسـيــد الكـونيـن والـخــافــق شـن
حـبر المعاني من رفـوف الـوجــدان

في حـضـرته كـل الـخـلائـق تـذعـن
وفي مقـامـه فــاض دمـع الأعـيــان

صلى عليك الشـعــب هـذا الـمـؤمـن
ذي فـي غـراامـك يامحمد هـيـمــان

بــالله يــابــحــــر الــجـــزالــة دون 
وانسج على عهـد الوفـاء والقيفـان

عـهـــود وثـقـهـــا بـنــــوره وأعـلــن
مـيــلاد نـصــرك ياشــديـد الاركـان

داخل خفـوقي وسط عيني يسـكـن
لأجلـه نزفـنــا مـن دمــاء الـشـريـان

صـلــى عـلـيــه الله مــارعـــده شـن
على ثـرى اراض الـيـمـن والـوديـان 

صلـى عليـه الله مـا الـخـافــق حــن
ماحن له جــذع الشجـر والأغصــان

صـلــى عـلـيــه الله ظــاهــر بـاطــن
ماهـــآم في حـبـه جــزيـــل الاوزان

وعــد مــا شـــادي بـعـشـقــه لـحـن 
ومـا تـغـنـى كــل عــاشـــق ولـهــان

صلـوا عليـه ياكـل صـادق مــؤمـــن
يأهل الـمـدد والخير يأهل الأيـمــان

عــلــى ضفـاف العشـق شعبـي زيـن  
ارضـه وبحره والسـمـاء والـبـنـيــان

والــكــــل بـالـنـــور الألــهــي لـــون 
وخضرت فـي سهـلـهـا والـشـطـئـان 

صلى عليـك الـبــأس ذي مـا يـوهـن
صلى وسلـم كــل شـــاجــع طـعــان

صلـت بـنـادق فـوق الأعـداء تــزبـن
طلـقـة مجـاريـهـا تـشــب الـنـيــران

صـلـت مـعـارك غـيـضـهـا مـتبـركــن
فــوق الـذي عـاداك تـنــزل بـركـــان

حـيـا نبا شـعـب الرسـول المـحـسـن 
يـا أهـل المكــارم والـحـزام المليـان

يا سـيـــدي فـيـنـا ولا خــاب الـظـن
يانـور شعشـع في سـمـاء الـوجـدان

إلـيــك يـســري قلب صـادق مـيـقـن
ويطوف حولك كل خافـق عطـشـان

يـا سّــــر آيــات الــكــتـــاب الـبــين
يـانـور من مشـكـاة عـرش الرحـمـن

يالنـعـمـة الـكـبرى لأنـســـه والـجـن
أرويـت بك روح الـعـلـيـل الـولـهـان 
 
تسجد حـروفـي والـقـوافـي تسـكن
إذا وصـفـتـك يـامــنــار الإحـســان
  
ياذكــر ذابــت في هـــداه الألـســـن  
ويابـصــيرة حـق تـهـدي الــحــيران

يا نـسـل هـاشـم ياعــريـق الموطـن
ياحـصــن الأمــة ياشـديـد الأركـان

نــور الـهــدايـة ســرهــا والمـكـمــن
وعـطـــرهــا الـفـواح طــه الـعـدنان

لـعـنــة لـمـن في مـولـدك بـايـجــبن
خـسـران من فرط بذكرك خـســران

وٳلا تـخـــاذل عــنــــك وإلا داهـــن
ومـافــرح بـك يـاحـبـيــب الرحۡـمَـٰن


• #تدشين_الحشود  |
• #هاشم_الحوثي    |
• #لبيك_يا_رسول_الله  |
• #المولد_النبوي_الشريف 1445هـ |

https://www.tg-me.com/Hashem_Alhouthi

صح الله لسانك بس اريد اقلك حاجه

انت يهمك في قصيدك وقصايدك كلها الوزن والتفاعيل.
وانا هذا الشاعر الذي مايهمه غير هذا الشي انا في نضري ليس بشاعر وانما تعلم الشعر تعلام.

واقلك من خلال بعض مفرداتك الشعريه.
مثل

وتتهيء البقعا.

الشدي الحيل

الحراب الابابيل
يعني تجهد نفسك وتتعب بلا اي فايده لاقصيد مفهومه.
ولا صور بلاغيه ولا تشبيهات.
يعني جفاف...

واتمنا انك تستفيد من هذا التعليق
ليس كرهاً ولاحسد
وانما نصيحه اخويه.

لان الشعر الذي لايأتي من المشاعر ويحتوي على موضوع واحد ومركب تركيب سليم من حيث بنائه وصوره البلاغيه.
ليس شعر
وانما كلام ملاصق فقط.
يعني شعير.

سـكتوا يوم حرق المصاحف
وصـحـتوا مــن مـوالد نـبينا

تـواليتوا فـي انجس تحالف
مــع امـريـكا وصـهـيو عـلينا

هـربـتوا يـومـها بـالـشراشف
وهـنـتـوا يــوم بـالـعز جـيـنا

لـعـنتوا مــا عـليكم حـسايف
لـعـنـتوا يـــا عــيـال الـلـذينا

صـلاة الله مـا طـاف طـايف
وحــجـوا بـيـتـه الـمـحرمينا

وما احترّت حلوق العواصف
وســـبــح ربــــي الـزارعـيـنـا

ومــا يـسـتغفر الـطير واقـف
عـلى احـمد خـاتم المرسلينا

وتـغـشـى الآل تــتـرا روادف
ســفـيـنـة نــــوح لـلـعـالـمينا

وسـلـم عـد مـا حـن قـاصف
وجــنـد الـبـغـي مـتـجـندلينا

عـلـى تـقليد عـرفي وسـالف
وشــرع الله وحـكمه مـضينا

نــجـدد لــلـولا مـــا نـخـالـف
لــبــو جــبـريـل والله ولـيـنـا

سـلـيل الـطـاهرين الـنطايف
حــفـيـد الـعـتـره الاكـرمـيـنا

يـشارف وعـد ربـي يـشارف
يــنــالــوه اولـــيــا مـتـقـيـنـا

وعـقبى المعسرات العجايف
روابـعـها تـجـي مــن صـلـينا

((بلبل النصر✌️))
1 ربيع الأول 1445هـ
17 سبتمبر 2023م حسن احمد المهدي(ابو عمار تحدي)

https://x.com/abokeian?t=KLhBHh5Moj1f3hBpHg1Myg&s=09


ارجو دعم
حسابي على منصة اكس تويتر
🚩ابوكيان؏ﮩ₰ﮮ.tt