🔴مسافة صفر🟢

الله يا ذا النحس حلّق باليهودي والدبور
حلت عليه اللعنه الكبرى وصولة ذوالفقار

لا والله الا ودّف الملعون واعماه الغرور
يدخل لجحر الديك ما قد جف من  جحر الحمار

سنارة السنوار تصتاد الولايم للنسور
من هو رفع راسه من ابنا مرحب اتبعثر وطار

والى جهنم مثلت غزه لهم نقطه عبور
ما جاء لها الا من كره نفسه وقرر الانتحار

كماين التنكيل تتلقف مجاميع الشرور
ذي ما تفحم فوق مركافا تمزق بانفجار

ياسين والهاوان عشاهم والعبوات الفطور
ومن مسافة صفر مأدوبة غداهم في الجوار

قطعانهم في قبضة القسام تدعو بالثبور
ومن سرايا القدس تلعن حظها ليل ونهار

من بين الانقاض اعتلى هول القضا سبعين دور
من كل حي وكل دير وكل مستشفى ودار

كل الشوارع والمزارع والجوامع والجسور
ركامها ينفث حمم نقمه على الغازي ونار

مكر اليهود وكيد مسعاهم على الأمه يبور
ونهاية إسرائيل حلت بعد طول الانتظار

ومن اليمن سجّل لوعد الاخره موعد حضور
واشهد مع ابن البدر وانصاره زمان الانتصار

عبدالملك يا فخر ما يبلى وهيبه ما تحور
وانا اشهد انه خير من جسّد مصاديق الشعار

القايد الحر الحكيم المؤمن الفذ الصبور
المخلص المتواضع المقدام في خوض الغمار

كرار قول وفعل من مران لا وادي نشور
داس المخاطر ما تراجع دونها والا استدار

قدم مع طوفان الاقصى لليمن موقف ودور
يوم اغلب العالم مع إسرائيل مسلوب القرار

من سبعه اكتوبر بدا التاريخ والساعه تدور
واتغربلت الامه بتحديد المواقف والخيار

ما بين متشفي ومتخفي ومتوفي شعور
فراعنة الإسلام حلوا قومهم دار البوار

واتساقطوا من فوق جرف هار لا قعر السفور
وعن دماء الاطفال مشغولين في لعب القمار

قامت على وقع المجازر مهرجانات الفجور
واستبدلوا قدسية الكعبه على مرقص وبار

يرقص لشاكيرا السديس وعايض القرني يغور
ما هزهم ما صار في غزه من اجرام ودمار

المعذره يا من يرى صمت العرب  حكمه وشور
هل يا ترى منا اليتامى يقبلون الإعتذار

واطفال غزه تحت نار القصف يوفون النذور
وصراخ ثكلاها واراملها تحن له الحجار

واقسم برب العرش يا من هو على دينه غيور
من بعدها ما عاد يحسب للحياه اي اعتبار

نار الغضب بقلوبنا تشتب ودمانا تفور
واشواقنا للحرب تتلهف وتتقادح شرار

زلزل بنا صهيون يا ابن الحيدره واشف الصدور
مشّط قوى خيبر ودك حصونها ما صار صار

شعب اليمن غير الشعوب وبحرها غير البحور
وحصار غزه بايواجه من جهتنا بالحصار

ما بايمر الا من اعطيناه تصريح المرور
يرضوا بها والا فمن يضرب براسه في الجدار

لو با تموّه يا يهودي مثل حاكم دافور
والا تركب دقن زنداني رجع من قندهار

حرام ما تجزع سفينه عاد فينا من يثور
والا قسم لانطعم اشلاهم لحيتان البحار

تهديديكم ما هز في عزم الرجاجيل العسور
متشوقين لحربكم وقتالكم والشوق حار

اكبر لواء معكم نرسل له ثلاثة من حجور
واقوى كتيبه بايكفيها مجاهد من ذمار

ما احنا من اللي يخضعه تهديد فيران الجحور
مهما تطاول فالاسد يبقى اسد والفار فار

والمجرم المسعور بنيامين والكلب العقور
حرام ما تنجيه من وقعاتنا صفقة شغار

لو تحشدوا العالم ويتوسط لكم من في القبور
ما بانفاوضكم على غزه ولا نفتح حوار

ما يوقف امريكا ولا ينفع معاها الا الزرور
ف الغرب من قوى صميله يُحترم والذل عار

لا عزه الا في جهاد وتضحيه عبر العصور
والمجد لا يُشرى ولا الهيبه تُباع وتستعار

فإما تكون بموقف القادر على حسم الامور
والا تولى امرك نتنياهو وبيدن مستشار

حب القصور الفارهه ف اصحابها زاد القصور
بقلوبهم للعجل حب وفي مسامعهم خوار

للحق يستغشوا ثياب الكبر ويزيدوا نفور
وكم على تلميع باطلهم ي الغبار

وام الخطيه هند ما تولد سوى فاجر كفور
ضلّوا وأضلّوا واستغلوا الدين للباطل ستار

والله فضحهم واتضح بهتانهم باطل وزور
طوفان الاقصى حاصر اصوات الغوى من الإنتشار

والله متم النور والوعد الالهي بالظهور
هذا زمانه وامة الإسلام في حال اختبار

فاما مع الله والنبي والال والموقف جسور
والا مع إسرائيل وامريكا مهانه واحتقار

خطين لا ثالث لها يا صاحبي والعلم نور
الحق بركب الحق قبل انه يعديك القطار

فتح عيونك لا يغرك من يرى بعيون عور
من كبّر الله بايلاقي كلما دونه صغار

#بقلم_الشاعر_محمد_أحمد_مفلح
🇾🇪#اليمن_مع_فلسطين🇵🇸
#لستم_لوحدكم
#طوفان_الاقصى
✅لمتابعتنا على التيلجرام 🔽👇
https://www.tg-me.com/joinchat-AAAAADwjYtLdOZZL04uGDA