قصيده لذكرى
أستشهاد امير
المــؤمنيـــــن
عليه الســلام

*طور يخيمات*

ـــــــــــــــــــــــ••❃••ـــــــــــــــــــــــ

عــــــلــــــي مــــــات

بالسيف انشطر راسه علي مات
زينب صــاحت اليله يتيمــــات
بعدك ياعلي عشـــنه بالآهـــات

ـــــــــــــــــــــــ••❃••ـــــــــــــــــــــــ

بسيف الغدر ضربو علي بالمسجد بصلاته
فوك الوجن صب الدمع تارس جفن بناته
نشوف الدمه مثل النهر يخضب بشيباته
اليوم اليتيم اعله الولي تنزل قهر دمعاته

الايتــــــام
بعدك ياعلــــي حارت الايتام
اركان الهدى انهدمت بالاسلام
مـاتت ياعلــي بعيني الاحلام

ـــــــــــــــــــــــ••❃••ـــــــــــــــــــــــ

شاهدنه حمايه الحمه مغمض ويعاني
من هامته ينزف دمه ويفسر المعاني
وصاهم بدين النبي والساعته يتاني
ينطي الحكم والموعظه باخر الثواني

يسمعــــــون
حيدر بيهم يوصي يسمعــــون
يحجي بعبـره ويـصبن العيون
حيـــدر يرحـل اليــله يكـولون

ـــــــــــــــــــــــ••❃••ـــــــــــــــــــــــ

وصه الكفيل بكربله اتذكرت وصيتك
كلك يعباس الكمر لالا تعوف اخيتك
زينب تراها بذمتك ياكافل بحميتـك
لمن تموت وتعتذر ماقصرت جزيتك

يعبــــــاس
وصــــــاك الولي بينه يعبــــاس
لمــــن چــان يتشاهد بالانفـــاس
تصرخ يمــك اليله شكثــر نــاس

ـــــــــــــــــــــــ••❃••ـــــــــــــــــــــــ

للزهره رايح ياعلي وتلگتك بالاشواگ
وصبرك نفذ ماتحتمل هذا البعدكافي
فراگ
بالجنه مشتاكه الك وانت تره هم مشتاگ
يصبن سوه لمن شفت دمي ودمعها الحراگ

الدمــــــوع
بــاچر تنشف بعيني الدمـــوع
وماتـضوي بعد بيتي بالشموع
ياحيدر رحت روحه بلا رجوع

ـــــــــــــــــــــــ••❃••ـــــــــــــــــــــــ

يالعايف بكلبي حزن احزاني راح اظمها
زينب يتيمه بهالزمن فكدت ابوها وامها
ظلت وحيده ياعلي تشكيلك ابهظمهـــا
لوحه حزنها بالحجي سال الدمع رسمها

الاحــــــزان
مرسومه بحجي زينب الاحزان
تفكد امها والوالي والخـــــوان
مـــامنكم بعـد جيه يالحنــــان

ـــــــــــــــــــــــ••❃••ـــــــــــــــــــــــ

تمت بحمده تعالى

كلمات
عباس فاضل الشمري


قناة لنشر قصائد احزان وافراح اهل البيت عليهم السلام
#خادم_اهل_البيت_ع
عباس فاضل الشمري
الأداره👇
@AbbasAE
القناة👇👈
https://www.tg-me.com/aeabasae

علي مات





عباس فاضل الشمري

قصيده لأستشهاد
أميـر المؤمنيــــن
عليــه الســــــلام

ـــــــــــــــــــــــ••❃••ـــــــــــــــــــــــ

حيدر انصاب.. آه يمحراب.. دمه برگبتَك
انه ظليت.. موحش البيت.. بويه بغيبتَك
سافرت انت وعفتني
والمصايـــب تعبتــي
ياعلي ياعلي .. ياعلي ياعلي

ـــــــــــــــــــــــ••❃••ـــــــــــــــــــــــ

فكدت الغالين تصعب لو نسونه
نبقه ايتام وحياره بفگد ابونـــه
مــن بعد ماراح حيدر عذبونـــه
والعذاب اشكال منه شوفونـــه

بويه ياريتك شفتني
المصايب تعبتنـــي
ياعلي ياعلي .. ياعلي ياعلي

ـــــــــــــــــــــــ••❃••ـــــــــــــــــــــــ
راحت امي وفرحتي ماتت بعدها
طفلـــه وباول سنيني وفاركتهـــا
يـــمه عفتيني وحيده ناشدتهــــا
دنيتي مــــن بعدچ انه ماردتهــــا

هواي والله عذبتني
المصــايب تعبتنــي
ياعلي ياعلي .. ياعلي ياعلي

ـــــــــــــــــــــــ••❃••ـــــــــــــــــــــــ

ظلمه بعيوني اليالي بلاضواكــــم
كلبي خلاني وحيده وعتنـــاكـــم
طاير وعيني تشوفه في سماكــم
وظلت عيوني ترابي تصد وراكم

واليالي ما رعتنــي
المصايب تعبتنـي
ياعلي ياعلي .. ياعلي ياعلي

ـــــــــــــــــــــــ••❃••ـــــــــــــــــــــــ

ياعظم جرحي ومصابي هالمسيه
هـــاي تمهيـد امتحان الغاضريــه
باجر يروحون خواني من اديـــه
تشاهد بعينك يبويه الصار بيـــه

بالمهمه كلفتنـــي
المصايب تعبتنــي
ياعلي ياعلي .. ياعلي ياعلي

ـــــــــــــــــــــــ••❃••ـــــــــــــــــــــــ

شطرو الهامه بغدرهم يـا اميـر
وانه بعدك باليتامه راح احيـــر
وباجر حسين يتوسد عالهجيـر
مجتفه بحبل الاعادي من اسير

ياعلي ريت ادركتني
المصايب تعبتنــــي
ياعلي ياعلي .. ياعلي ياعلي

ـــــــــــــــــــــــ••❃••ـــــــــــــــــــــــ

يمه يالزهزه انادي مـــا تجينــي
ضاعت انه من بعدكم كل سنيني
شلون انام اليل انه وتغفه عينـي
اصبر وگلت بدماكم يعله دينـــي

هيج بويه علمتني
المصايب تعبتنــي
ياعلي ياعلي .. ياعلي ياعلي

ـــــــــــــــــــــــ••❃••ـــــــــــــــــــــــ
تــمت بحمده
تــــعــــالــــى

كـــلــــمـــــات

عبـــاس فــاضــل الشــمــري


قناة لنشر قصائد احزان وافراح اهل البيت عليهم السلام
#خادم_اهل_البيت_ع
عباس فاضل الشمري
الأداره👇
@AbbasAE
القناة👇👈
https://www.tg-me.com/aeabasae

حيدر انصاب





فاضل عباس الشمري

قصيدة لأستشهاد
أمير المؤمنين
علي ابن ابي طالب
(عليه السلام )

ـــــــــــــــــــــــ••❃••ـــــــــــــــــــــــ

ام الأحـــــــزان
گلبي ينعه ..صوته اسمعه ..ماتت احلام
ام الأحـــــــزان
همها يكبر ..يمشي حيدر ..هــاي الايـــام

ـــــــــــــــــــــــ••❃••ـــــــــــــــــــــــد

دمع يجري ..خلص عمري
المصايب شيبت راســــي
مشت امي ..وكثر هـــمي
يــادهري شكثــر قاســـي

برحيل ام الحسن ظليت بالحسره
وابوي الطاح مــن انصاب بالطبره

گلبي المشتاگ
صعبه صعبه..ينسه حبه..ويهده وينام
گلبي المشتاگ
ماسمعته ..يبچي سكته ..هاي الايــام

ـــــــــــــــــــــــ••❃••ـــــــــــــــــــــــ

عله امصابچ.. وحرگ بابچ
يزهره وطيحت المحســن
بچت عيني ..اليواسينــي
دمع بعيوني مــايسچــــن

انوح اعله الوديعه ودمعتي تجري
زغيره وبالمصايب خلصت عمــري

آه يادمعـــات
عيني تعبت ..هواي صبت ..كافي آلام
آه يادمعـــات
لاتقصــرن ..مــن تنزلن ..هــاي الايــام

ـــــــــــــــــــــــ••❃••ـــــــــــــــــــــــ

انطبر راسه.. وبچت ناسه
حزينــه بطيــحت الوالـي
يواسينـــه.. وتهل عينــــه
المحب اليعــرف بحالـــي

حيدر من اشوفه امدد ودامـــي
يبويه انه تراها ضاعت احلامي

ماتت آمـــــال
وانه طفله ..شلون احمله..ظيم الايتام
ماتت آمــــال
طفله تنحب..العيد گرب ..هــاي الايــام

ـــــــــــــــــــــــ••❃••ـــــــــــــــــــــــ

يناديهـــم.. يوصيهـــم
يگلهم مــا يـعوفونــي
الدهر قاسي.. يعباسي
يگله احميها بعيونـــي

يأشر عالكفيل يگله هاي اختك
وصيتي بالوديعه وبيها امنتـك

هـــــــا يوفاي
ياكفيلي ..ظلمه ليلي ..مدري شظام
هـــــــا يوفاي
واشتكيله..شكد طويله ..هاي الايـام

ـــــــــــــــــــــــ••❃••ـــــــــــــــــــــــ

رحل حيدر..وره الكوثر
يـــزهره تلگــي والينـــه
يكفي فراگ..الج مشتاگ
اجـــاچ ودمعتـه بعينــه

تعب مـــن الحياة الظالمه وهمهـــا
رحل والهامه مطبوره ويصب دمها

حيدر ينصاب
آه يرمضان..توگع اركان.. مـــن الاســلام
حيدر ينصاب
لمن امشيت ..موحش البيت..هاي الايام

ـــــــــــــــــــــــ••❃••ـــــــــــــــــــــــ

يتامه احنه.. ورا صحنه
مــــانصبر على امصابك
ذكرنه امنه.. شيصبرنــه
تروح وتتـــرك احبابــك

يتمنه الدهر واحنه بعدنه اطفال
بفگد امنه اوبونه ينزف الـــدلال

حيدر وصاچ
من تشوفين ..ظيم السنين ..كله بالشام
حيدر وصاچ
جرحي ماطاب ..الله لا جاب ..هاي الايام

ـــــــــــــــــــــــ••❃••ـــــــــــــــــــــــ
تمت بحمده
تعـــــــالــى

كــــلمــــات
عبـــاس فــاضــل الـــشمـــري


قناة لنشر قصائد احزان وافراح اهل البيت عليهم السلام
#خادم_اهل_البيت_ع
عباس فاضل الشمري
الأداره👇
@AbbasAE
القناة👇👈
https://www.tg-me.com/aeabasae

ام الاحزان






فاضل عباس الشمري

قصيده للامام علي ع
تقول زينب ع في مصاب اميرالمؤمنين
▪▪▪▪▪▪▪▪▪▪▪▪▪▪▪▪▪▪▪▪▪▪▪▪
صـحـت ويـنـك ...وگـام صـوتـي يـنـسـمـع
صـحـت ويـنـك... عـالـوجـن ســال الـدمــع
تـنـشـطـر هـامـت عـلـي
هـمـوم گـلـبـي يـنـمـلـي

صـحـت ويـنـك ... ...صـحـت ويـنـك

➖➖➖➖➖➖➖➖➖➖➖➖➖
1
بـويـه اذتـنـي الـلـيـالـي مـن عـفــتـنـي
بـأول ســنـيـنـي يـبـويــه فـارگــتـنـي
دنـيـتـي تـمـطـر مـصـايـب غـرگـتـنـي
ورده ويـامــي مـنـاجـل گــطــعــتـنـي

مــاتـجـيـنـي .. بـعــدك يـمــوت الــورد
مــاتـجـيـنـي .. گـمـت اصـيـح ومـاتـرد

يـنـشـطـر راسـك حـرام
بـعــدك الـدنـيـه ظــلام
صـحـت ويـنـك ... صـحـت ويـنـك

➖➖➖➖➖➖➖➖➖➖➖➖➖
2
اربــع ســنـيـن وبــدت قــصــتـي الالـيـمــه
مـن افـگـدت جـدي ويـه امـي يـاهـضـيـمـه
طــابــعــه ابـالــي صــور ذيـج الـجــريــمـه
وگـمـت اتـخـيـل شـمـر يحـرگـلــي خـيـمـه

بـعـد امـي مــن اجــت ام الـبـنـيـن
بـعـد امـي عـوضـتـنـي بـالـحـنـيـن

وانـجــبـت اربــع شــبـاب
لـخـدري فـدوهـا الـرگـاب
صـحـت ويـنـك ... صحـت ويـنـك

➖➖➖➖➖➖➖➖➖➖➖
3
ضـربـتـك بـالـراس كـسـرت ظـهـر الاسـلام
طـيـحـتـك اعـظــم جـريـمـه هــاجـت آلام
يـذبـح الـســيـف الـبـراءه بـعــيـن الايـتـام
مـخـضــبـه بـدمـه لـحــيـتـه عـالارض نـام

دمـك يـسـيـل ...شـيـبـتـك صـارت خـضـاب
دمـك يـسـيـل ...يـاعـظــم هــذا الـمــصــاب

تـرحـل الـلـيـلـه وتـروح
يـنـمـلـي گـلـبـي جـروح
صـحـت ويـنـك ... صـحـت ويـنـك

➖➖➖➖➖➖➖➖➖➖➖➖
4
يـلـي بـگـلـوب الـيـتـامـه انـشـال اسـمـك
لأن طــلـگــت الـحــيـاة وهـــمــه هــمــك
صـعـبـه ايـتـامـك تـشـوف يـسـيـل دمـك
ريـحـه امـي بـيـك بـويـه خــل اشـــمــك

اسـمـعـنـي بـويـه هـواي بگـلـيـبـي حـجـي
اسـمـعـنـي بـويـه سـالـفـه عـنـدي وبـجــي

الـمــالـــه اب ولالـــه ام
تـذبـحـه اسهـام الـيـتـم
صـحـت ويـنـك ... صـحـت ويـنـك

➖➖➖➖➖➖➖➖➖➖➖➖➖
5
والدمـع يجـري ويسـولـف قـصـةاحـباب
مـااصــدك راح حـيـدر والـضــوه غــاب
عـاتـبـت واسـمـع عـتـابـي آه يـمـحـراب
رايـده تـقـدم اعـتـذار وتـشـرح اسـباب

لـيـش سـاكـت .. مـاتـسـولـف قـصـتـك
لـيـش سـاكـت ..شـلـون تـقـبـل غـيرتك

حـيـدر بـمـحـرابـه طـاح
ونـسـمـع الـلـيـلـه النياح
صـحـت ويـنـك ... صـحـت ويـنـك

➖➖➖➖➖➖➖➖➖➖➖➖➖
6
وسـفـه يالمـحـراب انتـه تـشـوف زيـنـب
مـگـابـلـه بـهـمـهـا ابـوهـا ويـمـه تـنـحـب
وانته شـاهـد عالمصـيبه مـن النـذل طـب
مــاگـــدرت انـتـه تـرده وشــفــتـه گــرب

ابـن مـلـجـم مــن طــبـر خــيـر الـعــمـل
ابـن مـلـجـم وانـتـه شــاهــد عـالـحصل

شـلـون خـلـيـت الاجـيـر
يـذبـح احـلام الـفـقــيـر
صـحـت ويـنـك ... صـحـت ويـنـك

➖➖➖➖➖➖➖➖➖➖➖➖
➖
تمت بعون الله تعالى

(القصيده مشتركه)
من كلمات خدام اهل البيت
عـقـيـل حـسـيـن الـگـرعـاوي ✒ 6/4/2
عـبـاس فـاضــل الـشــمـــري ✒5/3/1


قناة لنشر قصائد احزان وافراح اهل البيت عليهم السلام
#خادم_اهل_البيت_ع
عباس فاضل الشمري
الأداره👇
@AbbasAE
القناة👇👈
https://www.tg-me.com/aeabasae

قصيده لأستشهاد امير المؤمنين
الأمـــام عـــلي ابــن ابي طالب
عــليـــــه الـــصـــلاة والســـلام

ـــــــــــــــــــــــ••❃••ـــــــــــــــــــــــ

يــغالـي .. الليالــي .. بَعدك متحله
عفتنـي .. وردتنـي .. بُعدك احمله

مــا احمل انـه فراگ
كلبــي الـك يشتـاگ
يــغالـي .. يــغالــي

ـــــــــــــــــــــــ••❃••ـــــــــــــــــــــــ

بعدك يمــر ليلي وحشه يالمكانك خالــي
لو رحت شلي بحياتي موتي بس يحلالي
رايح انتــه ويــه الزجيه وانه مــن يبقالي
شلــه بسنينـــه وحياتـــه اليفــارگ غالي

مـــر البعــد ينضاگ
كلبــي الـك يشتـاگ

يــغالـي .. يــغالــي

ـــــــــــــــــــــــ••❃••ـــــــــــــــــــــــ

مااشوف بعيني غيرك بيها مــاواحــد حله
انتـــــه يــامـاي بحياتي ورده دونك ذابله
لو رحت عني وعفتني روحي بعدك راحله
بويـه اريد وياك اروحن مـــا اروح الكربله

منـــي الحلم ينباگ
كلبــي الـك يشتـاگ

يــغالـي .. يــغالــي

ـــــــــــــــــــــــ••❃••ـــــــــــــــــــــــ

شوفة عيونك يغالي اغله مـن روحي الي
من اصد الوجهك انه حزني كـــله ينجلي
شلون اعيشن عمري انه بدنيه مابيها علي
وغيرك الامـة نبينــه مــايصح مثلك ولي

حقك ظلــــم ينباگ
كلبــي الـك يشتـاگ

يــغالـي .. يــغالــي

ـــــــــــــــــــــــ••❃••ـــــــــــــــــــــــ

الفارك احباب بحياته يفتهم حجي الجرح
و نظرة الشامت تحركـه چنها ذرات الملح
ما ينــام وتغفه عينه يسهـر لحــد الصبح
يختنك كـــل مغربيه والهـوه بريتـه يشح

حتــه النفس خناگ
كلبــي الـك يشتـاگ

يــغالـي .. يــغالــي

ـــــــــــــــــــــــ••❃••ـــــــــــــــــــــــ

بلـه ياموت ارد انشدك ليش ابوي تريده
انتظر بس فتره عوفه خـــل يعيد عيده
ادري بيد الله واعرفه هل الامر تحديده
خل اودعنه اعلـــه كيفي بالوداع بهيده

تدري البعـــد حراگ
كلبــي الـك يشتـاگ

يــغالـي .. يــغالــي

ـــــــــــــــــــــــ••❃••ـــــــــــــــــــــــ

عشت كل سنيني ورده بدمعته رواني
خيمــه وبظله يلمنه انـــه وي اخواني
عوض اغياب الحنينه عالصبر ربانـــي
من اوصف هالمحنه عجز حته الساني

شبگني وكتي شباگ
كلبــي الـك يشتـاگ
يــغالـي .. يــغالــي

ـــــــــــــــــــــــ••❃••ـــــــــــــــــــــــ
تمت بحمد الله
كــــلـــــمـــــات

عبــــاس فاضـــل الشمـــري
ونسألكم الدعاء لي ولوالدي


قناة لنشر قصائد احزان وافراح اهل البيت عليهم السلام
#خادم_اهل_البيت_ع
عباس فاضل الشمري
الأداره👇
@AbbasAE
القناة👇👈
https://www.tg-me.com/aeabasae

يغالي ..الليالي ..بعدك متحله

قصيده لأستشهاد امير المؤمنين
الأمـــام عـــلي ابــن ابي طالب
عــليـــــه الـــصـــلاة والســـلام

ـــــــــــــــــــــــ••❃••ـــــــــــــــــــــــ

تــخاف العقيلـــه .. ودمعها تسيلـــــه
اذا يمشـي عنهــا .. رحلته طويلــــــه
اعله فگد الغوالي .. تنـــوح اليالـــــي

ودمــــعـهـــــا تـــسيــلـــه

ـــــــــــــــــــــــ••❃••ـــــــــــــــــــــــ

يغالين الجرح بيــه ويعذبنـــي
عزيز يروح من ايدي ويودعني
يليلي الراح مايرجع تسَمعنــي
ابوي الچان خيمه بظله ايلمني

غدرهم يصيبه .. وتظل الحبيبه
تون بحزنهــــا .. ودمعها تسيله

ودمــــعـهـــــا تـــسيــلـــه
ـــــــــــــــــــــــ••❃••ـــــــــــــــــــــــ

يروحون وتظل دمعاتي سجابــه
شيصبر كلبي لمــن فارك احبابــه
جرح بعد الغوالي وينزف صوابه
يظل ليله ينوح بيمــه يـــا يابـــه

يهدولي حيلي .. ويعذبني ليلي
تكسر غصنهــا .. ودمعها تسيله

ودمــــعـهـــــا تـــسيــلـــه

ـــــــــــــــــــــــ••❃••ـــــــــــــــــــــــ

يچلمات المحنه الرحتي من عندي
فگدتك يـــاحنان وعمري متبــــدي
بس چلمات الشماته تجيب وتودي
صعب وصفك يحالي منين ما ابدي

بعد جدي امي .. كثر بيه همــي
تفارگ حظنهـا .. ودمعها تسيله

ودمــــعـهـــــا تـــسيــلـــه

ـــــــــــــــــــــــ••❃••ـــــــــــــــــــــــ

يهناس الگلب مايحمل اي فـــراگ
تعرفون البعد قاسي الهجر حراگ
المفارگ محب يبقه عــمر مشتاگ
صعب حلم اليتامه منهم ويــنباگ

يبويه اليتامه .. دعت بالسلامه
تضيع بوطنها .. ودمها تسيلـــه

ودمــــعـهـــــا تـــسيــلـــه

ـــــــــــــــــــــــ••❃••ـــــــــــــــــــــــ

تخليني ودمعتي اعله الوجن تجري
وگـمت اتمنــه بعـدك لاطــول عمري
اريدنه گبل گبرك يبويه ينحفر گبري
الزمن قاسي برحيلك ينكسر ضهري

اريدنه موتي .. وتسمعونه صوتي
تمنت دفنهــا .. ودمعــها تسيلــــه

ودمــــعـهـــــا تـــسيــلـــه

ـــــــــــــــــــــــ••❃••ـــــــــــــــــــــــ

اشوفه گبالي والطبره بوسط راسه
واجت يمـــه تنوح اليله كــل ناسـه
وانــه بأذني اسمعــه يوصي عباسه
يگلــه اختك امانـــه بأخـــر انفاسه

يوصي بكفيلي .. ويرد يشتكيلي
يون اعله ونهـا .. ودمعها تسيلــه

ودمــــعـهـــــا تـــسيــلـــه

ـــــــــــــــــــــــ••❃••ـــــــــــــــــــــــ

تمت بحمد الله
كــــلـــــمـــــات

عبــــاس فاضـــل الشمـــري
ونسألكم الدعاء لي ولوالدي


قناة لنشر قصائد احزان وافراح اهل البيت عليهم السلام
#خادم_اهل_البيت_ع
عباس فاضل الشمري
الأداره👇
@AbbasAE
القناة👇👈
https://www.tg-me.com/aeabasae