ዓባይ ባንክ ለይቆጥቡ፣ ይቀበሉ፣ ይመንዝሩ መርሀግብር ዕጣ ዕድለኞች ሽልማት ሰጠ
------------------------------
ዓባይ ባንክ ከነሀሴ 26 ቀን 2015 ዓ.ም እስከ ጥር 18 ቀን 2016 ዓ.ም ሲካሄድ የነበረው የ7ኛ ዙር የይቆጥቡ፣ ይቀበሉ፣ ይመንዝሩ መርሀግብር ዕጣ ለወጣላቸው ባለዕድለኞች በዛሬው እለት በአዲስ አበባ ኢንተር ሌግዠሪ ሆቴል በተከናወነ መርሀግብር ሽልማቶችን ሰጠ፡፡

በስነ - ስርዓቱ ላይ አቶ ወንድይፍራው ታደሰ የዓባይ ባንክ የስትራቴጂ ዋና መኮንን እንደገለጹት የማህበረሰባችንን የቁጠባ ባህል ለማጎልበት እንዲሁም የአገራችን የውጭ ምንዛሪ ግኝት ላይ የራሱን አስተዋጽኦ ለማበርከት ላለፉት ሰባት ተከታታይ ዓመታት ባንኩ ደንበኞችን ተጠቃሚ የሚያደርጉ የሽልማት መርሀግብሮችን ሲያከናውን እንደነበር ጠቅሰው÷ ባንኩ አዲስ የብራንድ መለያ እና መሪ ቃል ይፋ ባደረገ ማግስት ዕድለኛ ለሆኑ ተሸላሚዎች እንኳን ደስ አላችሁ በማለት መልዕክት አስተላልፈዋል፡፡

የይቆጥቡ፣ ይቀበሉ፣ ይመንዘሩ መርሀ ግብር የመጀመሪያው ዕጣ የሆነው የቤት አውቶሞቢል መኪና የዕጣ ቁጥር 46527286 ሲሆን አሸናፊ የሆኑት የባንኩ የገንዳ ውሃ ቅርንጫፍ ደንበኛ የሆኑት አቶ ባዘዘው ተሻገር ናቸው፡፡

ባንኩ ያዘጋጀው የይቆጥቡ፣ ይቀበሉ፣ ይመንዘሩ መርሀግብር አንደኛ ዕጣ የአንድ ዘመናዊ መኪና፣ ሁለተኛ ዕጣ የ10 ፍሪጆች፣ ሶስተኛ ዕጣ 10 ላፕቶፖች፣ አራተኛ እጣ 10 ስማርት ቴሌቪዥኖች እና አምስተኛ ዕጣ 20 ስማርት ሞባይል ቀፎዎች በአጠቃላይ 51 የሽልማት ዓይነቶችን ለባለእድለኞች አቅርቧል፡፡

ዓባይ ባንክ በትንሣዔ የንግድ ባዛር በመሳተፍ ላይ ይገኛል
--------------------------------------------                                                              
ዓባይ ባንክ በአዲስ አበባ ኤግዚቢሽን ማዕከል በተዘጋጀው የ2016 የትንሣዔ የንግድ ባዛር ላይ በመሳተፍ አገልግሎት እየሰጠ ይገኛል፡፡

ጎብኝዎች በባዛሩ ላይ የሚያስፈልጋቸውን ማንኛውም የባንክ አገልግሎት በመስጠት ላይ የሚገኝ  ሲሆን መጥተው እንዲጎበኙን ጋብዘንዎታል፡፡

በኤግዚቢሽን ማዕከል እና ሴንቸሪ ፕሮሞሽንና ኤቨንትስ አዘጋጅነት በደማቅ ሁኔታ የተከፈተው የትንሤዔ ባዛር እስከ ሚያዚያ 26/2016 ዓ.ም ለጎብኝዎች ክፍት ሆኖ ይቆያል፡፡