"عمري ٥٢ سنة واليوم نجحت بالثالث المتوسط 🎓.. تدرون ليش تأخرت؟"

بعد انقطاع عن الحياة الدراسية دام ٣٣ عاماً، يعود صفاء فجر كاظم "أبو سجاد" البالغ من العمر ٥٢ عاماً إلى مقاعد الدراسة وينجح في الامتحانات العامة #الخارجية للصف الثالث المتوسط للعام ٢٠٢٢/٢٠٢٣ من أول محاولة له.

أبو سجاد، مواطن من بغداد من مواليد العام ١٩٧٢، إلى مقاعد الدراسة، يروي قصته لـ #يلا:
"عندي شقيقين أعدمهم نظام صدام بسنة ١٩٨٢ بتهمة الانتماء لأحد الأحزاب. اسماءهم فلاح وصباح، الأول چان طالب بكلية الصيدلة مرحلة أولى، والثاني موظف في مستشفى الكندي.
بسنة ١٩٨٩ صرت طالب ثالث متوسط، مدير المدرسة چان حزبي، حاربي وحُرّمت من الدراسة. ما صارتلي فرصة أرجع أكملها بسبب الظروف ومرض الوالد واهتمامي بعائلتي. بس اليوم قرّرت أكمل الدراسة حتى أحقّق الّي ما گدرت أحققه بشبابي. قدّمت على امتحانات الثالث المتوسط الخارجية ونجحت بيها، وأحضّر نفسي لامتحانات السادس الإعدادي الخارجية، بس الّي أتمناه من وزارة التربية هو أن تستثنيني من سنوات الانتظار الّي مدتها سنتين ما بين الثالث متوسط والسادس الإعدادي".

وزارة التربية العراقية

✳️تنويـه..‼️

▪️المحافظات التي اعلنت تعطيل الدوام الرسمي يوم غد الخميس:-

▫️كربلاء.
▫️البصرة.

➖➖➖➖➖➖➖➖➖➖➖➖
#شبكة_رحلة_التفوق_في_السادس🥇
@A_M_Z_F

✳️الآن |▫️تيليجرام تطلق ميزة الستوري ( القصص القصيرة ).

▫️يجب على المشترك ،، الدفع والاشتراك بالبرايم ( اشتراك شهري ) حينها يستطيع استخدام الخاصية.

➖➖➖➖➖➖➖➖➖➖➖➖
#شبكة_رحلة_التفوق_في_الجامعة🥇
@M_A_Z_F_J

السلام عليكم

شنو رأيكم ارجع ؟ وابدي اشتغل من جديد ؟ مثل قبل ٧ سنوات

#اشـــــــــــــــــــــــــــــــــــــــــــــــــو

انطيكم موعد الدور الثاني ؟ 😁

#اشـــــــــــــــــــــــــــــــــــــــــــــــــو

نهر ام خزان ماء ؟؟

تكدر تكون نهر وتكدر تصير خزان تعرف الفرق وين ؟ 🤏

الفرق بالحدود ..

تكدر تحدد افكارك ومستقبلك وحياتك وقدراتك وامكانياتك بأطار

وبدلا من أن تكون نهر ستكون خزان ماء

بينما تگدر تكون نهر .. لاحدود لافكارك
لا نهايه لجريان افعالك
لا نهايه لامالك


ليش تكول ما اكدر ؟ صدك عود ليش تكول ما اكدر ؟

شنو الفرق بين التگدر ومتگدر ؟

تعرف الفرق شنو ؟

الفرق #شجاعه

وماتلك بيمينك ياموسى ؟ قال عصاي

الله كله تكدر تحولهه أي شي
لكن كن واثق بالله وبنفسك

ارمهااااا ياموسى ارمهاااا لا تخف

ماكله ليش ارميها ؟ وشراح تصير ؟ وبعدين ؟

الفرق هو أن تجازف وتتاكد انت عايش بوهم

شكد حياتك 50 ؟ 90 ؟ 120 سنه ؟

كلهن يعدن رضيت أو مارضيت
قبلت أو ماقبلت

مو انت تختار ايامك ولا انت تختار شكلك

بس انت تختار #اسلوبك
انت تختار #اقوى_لحظاتك

باوع ع الدنيا ززززززين .. اجمل لحظه تكون بحياتك من تنتصر ع اصعب شي بحياتك

لان كل الحياة صعبه وصعوبات ومواجهه وغليان

بس قوتك تستجمعها وتستجمعها وتضرب هالالف صعوبه وخذلان وانكسار وخوف ومرض وشماته وكلمات متكدر تحجيها ومواقف متكدر ترد بيها وانفاس محبوسه

وترد بضربه وحده ... وحده بس ترد بيها ع هذني كلهن 👆

خليك نهر .. بعطائك .. بافكارك .. بحيويتك.. بنومتك .. بضحكتك .. باكلك وشربك .. بتعاملك ..بوظيفتك..بدراستك..بنجاحك..بطيبتك..وباسلوبك

دوووم تذكر هالعباره خليك نهر لا خزان ماء

لتحدد أي شي بحياتك باطار..
@a_m_z_f
#اشـــــــــــــــــــــــــــــــــــــــــــــــــو

اهلن وسهلن ومرحبن بيك
#حمزة

انت مأجل ٣ .. ٤... ٥.. ٦.. ٧... ١٠٠

مو هنا المشكله .. المشكله هي اذا متعرف شلون تقراهن ..

المواد اللي مأجلهه اساسيه لو تقبل التجزئه ؟؟ 🤔

شلون يعني ؟؟😳

يعني عدنا مواد اساسيه
وعدنا مواد مجزئه

المواد الاساسيه مثل
الرياضيات - الكيمياء - الفيزياء - الاحياء- التاريخ - الجغرافيه - الاقتصاد

المواد المجزئه مثل
الاسلاميه - العربي - الانكليزي 🤷‍♂

وشنو الفرق ؟؟؟
الفرق هو

#الماده_الاساسيه
بدراستها متكدر تدرس منها موضوع معين واحد .. وانما تدرس ككم .. وتحتاج ٤ او ٥ او ٦ ساعات مستمره

#المادة_المجزئه
بدراستها متحتاج وقت اكثر من ساعه .. وتكدر تدرس منها موضوع موضوع

انطيك مثال #الانكليزي
تكدر تقرا قطع الكتاب فقط
تكدر تقرا المعاني فقط
تكدر تقرا الانشاءات فقط

يعني مواضيعها مو مرتبطه وتكدر تقسم الماده ع ٢٠ او ٣٠ يوم شي طبيعي وتكدر تخصص يوميا ساعه الهه ...

يعني من الاخير .. مثلا عندك ٣٥ يوم للدور ٢ كمثال .. وانت مأجل ٤ مواد

تكول اني عندي كم ماده اساسيه ؟
وكم مادة مجزئه ؟

فرضا ٢ ب ٢

تكول اخصص لكل ماده اساسيه ١٠ ايام مراجعه اولى

على انه تكون اوقات الدراسه ٨ ساعات

٦ساعات للرياضيات مثلا.. وساعتين للماده اللي مو اساسيه اللي هي الانكليزي مثلا يوميا اقراه ساعتين

واخصص لكل ماده مجزئه ٤ ايام وتكفي..لان اني راح اقره منها يوميا ساعتين ع طول الشهر .. يوم اقرا انشاء يوم اقرا قطعه يوم اقرا معاني عن ما اوصللهه اني مخلص ٦٠% منها

وهيج حيكون عندي ٢٨ يوم وتزود عندي ٧ ايام
اخليهن للمراجعه الثانيه 🤷‍♂

تمام ؟

#اشـــــــــــــــــــــــــــــــــــــــــــــــــــــو

شوكت الدور الثاني 😁

شوفوا فستق .. هو نسبة ٩٠٪ الدور الثاني يصادف ٩/١٢

لهنا حلو ؟؟!

بس هاي النسبة تصبح صفر ٪ اذا اذا اذا نشروا النتائج بتاريخ ٨/٥ وأقل

يعني اذا نشروا النتائج قبل ٨/٥ فالموعد سيكون ٨/٢٧ وداعة بتوو

واذا نشروا النتائج بعد ٨/٥ كأن يكون يوم ١٠ أو ١٢ فالموعد يارصيف كلبي هو ٩/١٢ وسلملي

#اشـــــــــــــــــــــــــــــــــــــــــــــــــــــو

✳️وزير التربية: ننتظر تعليمات الموازنة من أجل العمل بمنحة التلاميذ والطلبة.

➖➖➖➖➖➖➖➖➖➖➖➖
#شبكة_رحلة_التفوق_في_السادس🥇
@A_M_Z_F

حسب آخر معلومه عندي دايصلحون بالاحياء والكيمياء 🤷‍♂ خوش ماشين

#اشـــــــــــــــــــــــــــــــــــــــــــــــــــــو

خل اكون صريح وياكم .. قبل سنتين ذكرت ببصمه .. أنه راح يسترجعون ضوابط ماقبل ٢٠٠٣ ..


الاكمال بدرسين فقط
الدور 3 يلغى
التحسين يلغوه
الامتحانات ترجع بتوقيتاتها الصحيحه
الدوام يكون بنفس اوقاته

واخر نقطه واهم نقطه هي أنه الدخول الوزاري يكون بدرسين و 5 درجات وبكل صراحه اكو هووووواي اخبار ع أنه يطبق من هاي السنه الجديده اللي راح تجي .... ولازم طلبة هاي السنة الجديده تتحظرون لهذا الشي أنه راح يكون الدخول بدرسين و 5 درجات ..

والرسوب ب 3 دروس يعني بعد ماكو ترسب بكلهن تعيدهن كلهن دور 2

يعني خلوا هالشي ع بالكم باي لحظه يطبقوه

#اشـــــــــــــــــــــــــــــــــــــــــــــــــــــو

عسى أن تقصدنا فرحة عظيمة
بطريقة لا نتوقعها ولا تخطر ببالنا
في القريب العاجل ❤️ .

ليش ضايج ؟
- اني دور ٢ 😔
ليش الدنيا عندك محتركه ومعبس ؟
- اني دور ٢

تعال اوضحلك اكثر واكلك السويته مو خطأ

-شلون 😳

راح اكلك اقرالي هالايه 👇

إِنْ يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِثْلُهُ وَتِلْكَ الأيَّامُ نُدَاوِلُهَا بَيْنَ النَّاسِ وَلِيَعْلَمَ اللَّهُ الَّذِينَ آمَنُوا وَيَتَّخِذَ مِنْكُمْ شُهَدَاءَ وَاللَّهُ لا يُحِبُّ الظَّالِمِينَ)

هسه تكول قريتها وبعدين ؟
راح اكلك شنو تفسيرها ؟
هسه تكولي الله يكول الدنيا دواره ويوميه الحال شكل

راح اكلك لااااا تمعن بالايه بعد عيد قرائتها بعد
راح تكول الله يكول هنا لتحزنون اذا اليوم جنتوا ضعفاء انتوا غدا ستكونون اقوياء .. لا يوجد لا ضعف ولا قوة خالده

حلووو.. راح.اكلك بعد عيدها بعد مره

راح تكولي اوووووووكف 😳

هاي الايه تحجي #الامل 😍

واذا تعيد قرائتها بتمعن بعد وبعد وبعد وبكل مره حتشوف وتدرك شي جديد 👍

انت كل اعتقادك الاعادة مو زينه ؟؟؟

بالعكسسس... انت أجلت حتى تدرك هووواي امور جنت غافلهه

🔹 تدرك قيمة الوقت
▪️ تدرك قوة امكانياتك الجنت تجهلهه شلون كدرت توصل للامتحانات وتوصل القاعه
🔺 تدرك انه الامتحان مو مثل ما كلولك بيه وطلع شي عادي وطبيعي وال ١٠٠ بيه سهله بس تحتاج.جهد اكثر
🔸 تدرك منو وكف وياك بهالفتره ومنو استهان بيك.واستنقص ومنو سندك

شوف هو مجرد تأجيل درس
بس توابعه اكبر من كونه درس 🤗

وكل ما راح تعيد.دراسة الماده راح.تدرك وتكتشف اشياء اكثر قيمه
ومستواك يكون اكبر

يمكن هو جان مجرد تعريف انت تدرخه
لكن اليوم بالاعاده انت تريد.تفهمه مو تدرخه وراح تشوف هالتعريف شلون موجود بحياتنا ومدى تأثيره

الحياة مدرسه..... نتعلم منها اساسيات العيش لا الاستمرار
الاستمرار علينا ... احنه نضخ حافز لانفسنا
ونضخ روح جديده بكل امتحان قادم
ونضخ قوة واصرار وثبات ع تحدي اي مطب او عثره

مو كلشي نعيده هو سيئ
مرات الاشياء من كدماحلوه ومذهله تحتاج نغمض ونفتح عيونا مرتين حتى نصدك وجودها

#الدور_الثاني_حصتكم 💪
#اشـــــــــــــــــــــــــــــــــــــــــــــــــــــو