البارحة يوم كان الليل متمادي
كانت ثوانيه ممتدّة على الساعة

أسدل ظلامه على موتي وميلادي
ألبسني الحزن.. أشبعني من أوجاعه

ما لوّن الليل ضحك وماصدح شادي
ولا شفت لي فيه ثغر الوجد ما لاعه

أميمتي الأمس ماكان الهوى بادي
كان الهوى يلوي الخفّاق بذراعه

أميمتي الأمس ماكان الشعر زادي
الشاعر الفذّ كان يصارع أوجاعه

حزين يا أميمتي من قسوة بْلادي
اللي تعادي الضعيف وتهمل أوضاعه

أقول عادي وأنا أدري ماهي بـ عادي
مافيه «عادي» تجي من نفس ملتاعه

أحمد