.

قُتل مُحمد ! فبدأت المرحلة الثانية :

مؤامرة غصب الخلافة ما كانت بعد استشهاد النبي (ص) اصلاً كانت أثناء احتضاره

كيف ؟
الروايات تذكر إنه أثناء احتضار النبي كانوا جالسين عدد من أصحابه معه في داره
فأراد النبي منهم قلمٌ ودواة لكي يكتب لهم الوصية فقال أحدهم اتركوه إن النبيَّ ليهجر !!!

هسه نذكر كم ملاحظة على هذه الرواية :

١. حين أراد النبي بأن يحضروا له قلم ودواة فهذه إشارة إنه يريد أن يكتب وصية مختصرة موجزة ومهمة
ليش ؟ لأن حتماً النبي بآخر لحظات حياته يطلب منهم قلم ودواة اكيد ما راح يطلب منهم الصبر ! واكيد ما راح يوصيهم على صلاة او زهد ليش؟ لان هاي التوصيات موجودة ومكررة بحياة النبي

إذن ! كان هنالك وصية (مُهمة) كان يجب أن تُثبت في ورقة وقلم ..

٢. كانت الوصية التي أراد النبي أن يكتبها موجزة ، يعني النبي ما راد يفصل ليش؟
لأن التفصيل ممكن يعرض إلى التحريف!

يعني مثلاً / من اجيب ورقة وأمليها كلام راح تكون قابلة للنقصان والتحريف حتى ياخذ المختصر، أما من اجيب ورقة واكتب بيها سطر واحد ما راح تكون قابلة للتحريف لأن المداخل راح تكون قليلة جداً.

لذلك اللي كانوا جالسين عند النبي فاهمين لهذهِ القضية فاعترضوا ! وقالوا إن النبي ليهجر!
مع علمهم بأنَّ (ما ينطق عن الهوى إن هو إلا وحيٌ يوحى ) !

في هذه اللحظات النبي غضب !! على كل من حضر في الجلسة ووافق من قال إن النبي ليهجر!
فأمر بطردهم جميعا..

من هنا تبدأ النقطة ، هُنا حين أراد أن يخرج علي(ع) استوقفهُ النبي وقال (علي يبقى معي في الغرفة)

والروايات تذكر إنه لم تكن من نساء النبي أحد أثناء الاحتضار والبعض يذكر إنه حتى الزهراء لم تكن وانه ناداها علي بعد استشهاد النبي (ص) ..

هُنا .. سلّمَ النبي روحه .. وبدأ علي بتغسيله وتكفينه
واحنه عدنه من القواعد الثابتة إنه لم يكن أن يغسل المعصوم إلا معصومٌ مثله.

بعد تغسيل النبي وتكفينه نادى علي (ع) بأربعة لكي يأتوا ويودعوا النبي عليه الصلاة والسلام
من هم ؟
( سلمان وأبا ذر ، والمقداد وفاطمة )
وبعض الروايات تذكر إنه الزبير ابن العوام كان أيضاً معهم وبعضها ينكر ذلك ..
لكن الثابت والمتفق عليه هؤلاء الأربعة فقال لهم الإمام علي " هلموا وتزودوا من رسول الله.."

في هذه الأثناء بدأت سقيفة بني ساعدة !

اللي صار شنو؟ كان اجتماع للأنصار واحنه ندري صحابة الرسول ينقسمون إلى مهاجرين وانصار
والفرق بينهم :
المهاجرين 👈 جماعة قريش اللي آمنوا بالنبي من البداية في مكة ، بعدين بعد هجرتهم للمدينة
اللي آمنوا بالنبي بالمدينة واستقبلوا المهاجرين
هم 👈 الأنصار

هذا الكلام يوم ٢٨ صفر يعني يوم استشهاد النبي
بعد تجهيز النبي أُقيمت سقيفة بني ساعدة !

لهنا راح نتوقف ، نكمل إن شاء الله في وقت آخر لنعرف ماذا جرى ؟!

كونوا بالانتظار ❤️

عَظُمَ المُراد.. فهانَ الطريق 🍃

‏قال الله عز وجل لموسى (ع): يا موسى احفظ وصيتي لك بأربعة أشياء: أولهن ما دمت لا ترى ذنوبك تُغفر فلا تشتغل بعيوب غيرك، والثانية ما دمت لا ترى كنوزي قد نفدت فلا تغتمّ بسبب رزقك، والثالثة ما دمت لا ترى زوال ملكي فلا ترجُ أحدًا غيري، والرابعة ما دمت لا ترى الشيطان ميتًا فلا تأمن مكره. 💜

- الإمام علي (ع)
الخصال ص٢١٧

‏"كي تَرى كلّ شيء
لا تحتاج
أن تفتحَ عينَيك
ولا تحتاج
أن تُطيل التّحديق كثيرًا
دَعْ لقلبِك
مساحةً يرى بها
ولعقلك
مكانًا مناسبًا للرّؤية
إنّ أكثرَ الأشياء وضوحًا
هي التي لا تُرى
بالعَين المُجرّدة." 💛

‏إلٰهي
ما خطري وحدي ..
وما أخطرني لولاك!

ربُ فتىً أعجبته فتاة، و شغفهُ حبها، فآثر وصلَ الروح على ما سِواه، و غالب هواه إليها بما يليق بكونها من صنيع الله نقيةً، عليةً، زكيةً، حييَّةً..
و لأن جمال روحها يفيض على فتنة الجوارح، فيكسوها طُهراً، و عفافاً، و زهداً، و حياءً ..
فكان حديثه إليها الصمت، مهما ألحَّ القلب و رقّ..
و رابط على اللقاء في فسحة السجود و الدعاء..
و استخار الأمر، حتى إذا ما استقر و قرّ..
دقَّ الباب، ليلتقي الإلفان بما وفّق الله
حباً، و حلالاً، ومعروفاً، و إكراماً..

نعم .. إنه أدب الحُب 🌱

بما إنه الانحلال ديزيد والتبرج والسفور وما شابه في تزايد واذا الواحد يريد يحجي قبل لا يبدي بالكلام يسبقونه بجملة (حرية شخصية)
فالمؤمن الملتزم هم اله حرية شخصية !
ومثل ما الكل يردون أحد يحترم حريتهم الشخصية فالمؤمن الملتزم هم يريد أحد يحترم حريته الشخصية
انت او انتِ اختاريتوا طريق وتردون تمارسون حريتكم باللبس او بسماع الأغاني او العلاقات وما شابه ..
الملتزم او الملتزمة ايضاً اختاروا طريق (طريق السعادة الأبدي) وهم الهم حرية يمارسون ما اختاروه بكل راحة ..

ما مجبورين نسمع الأغاني بكل مكان لانه حرية شخصية.. بحيث الواحد منين ما يدير وجهه اغاني
الواحد يغادر من مواقع التواصل من كد ما مملة ومحتويات فارغة وما الها معنى، يجي للواقع بعد يشوف أشياء ازيد ..

مثل ما الانسان ميحب أحد يتدخل (بحريته) ويحترم ما هو عليه ولا يكله من رخصتك طفي الأغاني لانه اني ما اسمع او ما شابه من المحرمات..

فالطرف المقابل ايضاً يريد أحد يحترم حرية اختياره وإيمانه ومعتقده.. لانه مو من العدل (حلالٌ عليهم حرامٌ علينا)
مثلاً اني ما احب احد يتدخل بحياتي وحريتي ولبسي نفس الوقت ما أحترم الملتزمة ولا أحترم حرية اختيارها، ليش؟ شنو هالتناقض؟

الحياة الجامعية دتصير عبارة عن نُسخ مُكررة
تسألين الوحدة انت مو جنتِ لابسه عباية بالمرحلة الأولى ليش نزعتيها؟ اي مو شفت البنات ونزعت
وهكذا على أغلب البنات ..

ماادري الوحدة شلون تكدر تنزع سترها من تدخل
ليش يعني هلكد الوحدة تحب تعرض نفسها؟ لليسوه والمايسوه؟ وهو اصلا ماكو احد يسوه

هلكد الوحدة تبيع سترها وعفتها مقابل لذة او حتى تستمتع وتعيش الجو الجامعي لفترة فانية؟

شكد تريد تطول الوحدة بالجامعة؟ ٤ سنوات ؟ ٥؟
بعدين تنتهي الجامعة بس اللي راح يبقه شنو اللي حصدته وره هاي السنوات و شنو حصلت؟

اني متخرجة وفرحانه بتخرجي، اتخرج واني حاصدة كوووومة ذنوب وآثام بس حتى اعيش مثل البنات واسوي مثلهم وامارس حريتي الشخصية؟

تمام مارستها شنو استفاديت و شنو ضافتلي
تطور؟ تقدم ؟ ثقافة؟
و اصلا الدراسات هسه تكول المرأة كل ما تتعرى أكثر كلما هي دا ترجع لزمن الجاهلية
فالتهاون بالحجاب اساسا مو تطور ولا ثقافة
هو ( السير مع الموجة فقط ) ..

لو ما كان الحجاب الشرعي هو ستر للمرأة لما وِضعَ أصلاً..
فاتعجب على اللي تدخل لابسه عباية بعدين تنزعها بالباب هو هيج بسهولة الواحد ينزع ستره؟

قبل كم سنة كان الوضع ارحم من هسه
جانت البنية تخاف تطلع رجليها وتخاف تطلع نص اديها وتستحي تلبس ضيك واصلاً ظاهرة لبس البناطير نادرا جدا واذا اكو فيلبسون فوكاها شي طويل

هسه لا !! ديكبر الأمر ويزداد ومستمر هم ..

اذا كنتِ طالبة جامعة ودا تقرين كلماتي ما راح اكلج التزمي ولا راح اكلج لبسي عباية ولا راح اكلج حرام وحلال

بس راح اكلج "انتِ جوهرة" صوني هالجمال بالعفة
ولا تخلين عيون الناس تشبع منج ..
محد يستاهل !!
لانه البنية لو تعرف شلون الولد ينظرلها وبيا عين وبيا طريقة ما اعتقد تكدر تطلع بعد ..

الحياة تخلص ..
والجامعة تخلص ..
والدراسة تخلص ..
والونسة والصداقة كلها تخلص ..
تبقه النتائج!
مثل ما تدرسين وتتعبين وتكملين ويبقه تنتظرين النتائج بالاخير راح تحصلين درجة هي استحقاقج

فالأمر كذلك بس الاختلاف نتيجة العمل راح تكون من اختيارج انت ومن اديج انت ..
انت تكدرين يأما تنجحين بالحياة الدنيا والآخرة وتربحين بيهم ثنينهم..
يأما الطريق الآخر.. والكل يعرف شنو الطريق و شنو مصيره ووين يودي..

ماذا وجد من فقدك؟ وماذا فقد من وجدك؟
اللي يفقد الله اللي هو مدبر أمره وحياته وعيشته ورزقه وصحته ويقدمله كلشي بي منفعه اله
شنو راح يحصل ؟ راح يخسر وراح يحصل إعراض الله عنه ..

وماذا فقد من وجدك؟ وجد الخير كله 💜

النبي كالها (بدا الدين غريباً وسيعود غريباً)
والدين هسه ديصير غريب وهواااي

والإمام الكاظم يكول ( القابض على دينه كالقابض على جمرة من نار ) !!
لهالدرجة راح يكون الأمر !

بالاخير.. هنيئاً لِمن وعى وأدرك وفهم واختار طريق السعادة الأبدي ..
طريق الراحة 💚
وحُضيَّ بالتوفيقات واللطف الإلهي ..
بل وحُضيَّ بمحبة الله له
فهنا تكمن الغاية والنهاية.. 💐