ما ألذ طعم الطُهر .. ونقاء الروح.. 🌱
وما أسوء عندما تتلوث تلك الروح
تشعر بأنك حقاً سجيناً خلف قضبان تلك النفس الأمارة..
ما أن تُحرر نفسك حتى تبصر النور بوضوح .. ستشعر بطعم الطُهر والنقاء ما أحلاه. 🌸

#حشرجة_روح.

احذف القناة ؟ 👌
ابقيها؟ 💚

شنو دا تستفادون منها ؟
و شنو الداعي انه ابقيها؟
@Zahraa_3il_bot

💌 لديك رساله جديده :
السلام عليكم حبييتي
قناتج كلش مفيدة وأنتِ تعبتي عليها وانطيتي جزء من وقتج الها أنتِ مو ممهدة لدولة العدل المباركة شلون هسه تتراجعين عن هذه الخط.
تملكين موهبة الكتابة وتعوفيها هالشي مو منطقي، شلون نمهد لدولة الموعود إذا أنتم الكفو تتراجعون، هالقرار مو بمحله أساسا، انتم اتخذناكم كقدوة حتى نتعلم منكم لا تيأسون قناتج كلش نافعة ومتصورين شلون احبهه وادخل واقرأ كلشي بيها.. يكفي انو بيها عطر المحبوب الي خصج وشملج بالدعاء حتى تكونين ذات آثر طيب، أتمنى ما تعوفيها، خلي أحد ينشر مكانج بس لا تتركيها.
⠀⠀⠀⠀⠀⠀

عليكم السلام و الرحمة والحب 💚

حبيبتي اني كلش اتشرف بيكم ، وبكلامكم العذب..
لكن بُعدي عن القناة ليس بُعدي عن الخط!
بالعكس ..

وصحيح أملك موهبة الكتابة لكن هنالك الكثير من الأسباب التي دعتني إلى التفكير بهذا الأمر ..
لا يوجد هنالك يأس او تراجع، هذا محال💚
فقط لعدة أسباب واحببت أن اعرف ماهي اجوبتكم حيال هذا. 🍃

💌 لديك رساله جديده :
رسائلك في قناة..تصل الى روحي ..تنبهني ..توقظني… 💙
لكن انتي قليلة تواجد 🌝
⠀⠀⠀⠀⠀⠀

صحيح قل تواجدي عن قبل ..
ظروف ومسؤوليات وضيق وقت ليس إلا..

وإن شاء الله نرجع بقوة 🌱

💌 لديك رساله جديده :
محتواها مميز و اغلبها تدخل گللبي😅 و دائمًا ارجع للمنشورات القديمة هم اتصفحها ..
من القنوات اللي بقيت مشتركة بيهن لهسه رغم هواي صفيت و صفيت قنوات بس هالقناة بالذات احبها و متابعتها أول بأول ..

موفّقة يا رب 🌼
و انت أعرف بقراراتچ و ضروفچ
دمتِ بحفظ الرحمن
⠀⠀⠀⠀⠀⠀

كل ما أفكر احذفها، مسجاتكم تخليني أتراجع 💕

اتمنى فعلاً تتحقق الغاية من القناة ومن وجودي بيها ، وهي الإفادة والاستفادة 🌷

‏"كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ". 🌱

‏التأمل في هذه الآية يوحي بعدة أمور :
١. الأول .. أن الخطاب للأمة ، لا لفئة معينة منها ولا لرجال الدين ولا لأهل الاختصاص أو لجنة الأمر بالمعروف بل للجميع بلا استثناء.

٢.‏الثاني..أن معيار التفاضل بين الأمم هو مدى التزامها بالامر بالمعروف والنهي عن المنكر .. ليس بالإيمان وحده ولا بالعقيدة وحدها ولا بالشعارات فقط تتحقق الأمة الفاضلة!

٣. ‏الثالث .. تقديم الأمر بالمعروف على الإيمان بالله في الآية..وهو أمر حريّ بتأمل القارئ..لأن الإسلام ليس دين النأي بالنفس والصمت ولا يتبنى مبدأ "عيسى بدينه وموسى بدينه" .. بل هو دين الحركة والإصلاح.."تأمرون .. تنهون"

٤. ‏الرابع .. تعبير "كنتم" الذي جاء بالماضي .. وهو كما يذهب الكثير من المفسرين يفيد التوكيد والتلويح بأن هذا الشيء متحقق الوقوع لا محالة..بكم أو بغيركم ..

٥. ‏الخامس .. الدين ليس علاقة الفرد بربه فقط .. بل هو نظام وسلوك اجتماعي عام لأن الله يريد من الأمة أن يصلح بعضها بعضًا .. بل يريد منها أن تصلح بقية الأمم لا أن تكون عالةً عليهم أو تكون أمة طفيلية تتغذى على ثقافة وأفكار بقية الأمم!


‏من كل ما سبق ، يتضح أن أمة المسلمين هي خير الأمم ما دامت ملتزمة بهاتين الخصلتين..ومتى تركت الأمر بالحق والدعوة إليه..لم تعد كذلك ..

‏وبالنتيجة بعد كل ما سبق ، تبقى مسألة مهمة وهي : لازم نعرف ضوابط الأمر بالمعروف والنهي عن المنكر.. ولازم نعرف شنو هو المعروف ؟ وشنو المنكر ؟ وشروطه ومواطنه حتى لا نقع في المصاديق الخاطئة..

‏كن نفسك، مع محاولة أن تقلّد الآخرين، في أفضل ما عندهم.

‏مأوى الإنسان ... رَبّه.

شكد بيها طمأنينة وسَكينة🍃

‏النضج أن :
تصمت كأنك لم تفهم وتتجاهل كأنكَ لاترى .

طبقها وسترى النتائج💜

لا تخلون نفسكم بزحمة الأسئلة..
لا يبقه بالكم مشوش ..
لا تتراكم بداخلكم اسئلة وما تلكون إلها جواب ..
لا تضيقون على نفسكم

كُلنا يمتلك كم هائل من الأسئلة بداخلهِ..
ولم يجد إلى الآن أجوبتها..

نأجل بحجة من راح أكبر راح اعرف
بعد مو هو هذا الوقت المناسب
ما اعرف شلون اجاوب
ماكو احد يجاوب على أسئلتي
المن اروح؟
والقائمة تطول وتطول..

لا مو من راح اكبر، هو اني راح أكبر من الكي أجوبة لكل سؤال بداخلي
الوقت المناسب اني اصنعه هو مو شي ويجي
اني اروحله
رحلة البحث بداخلي اني، مو أي أحد راح يكدر يجاوب ولا اي احد راح يفهم شنو وشديصير؟

التفكر مو بس معناه افكر بالكون والخالق والخلق
اني بوحدي مجرة! وكون صغير وبداخلي عالم
ليش ما أفكر بي ؟
ليش ما انظم هذا الكون اللي بداخلي
مثل ما رب العالمين نظم الكون الخارجي؟
خو بديع وجميل وخلق الجمال وانطانه القدرة على خلق الجمال أيضاً 🍃

شكد الطبيعة والكون والنظام مرتب ؟
لانه خالقه بديع !
زين اني خليفة الله على الأرض! ونفخ بي من روحه!
ليش مو داخلي مرتب ؟ ليش ماكو طبيعة بداخلي؟ ليش ما ازرع الجمال بداخلي ؟
ليش كل هاي الفوضى؟

لإنه بالأساس احنه مو بس هاملين هذا الكون الصغير ، احنه اساساً ما معترفين بوجوده أو الأصح مافاهمين شنو يعني (وتحسبُ أنكَ جرمٌ صغير وفيك انطوى العالم الأكبر )

يعني كل العالم هو بداخلي
اكو ظلام واكو شمس واكو واكو ..
وهذا اني راح ارتبه واني راح ابدع بي 💕

السعادة مو شي يجي ..
السعادة مو وقت
السعادة شي احنه نصنعه
السعادة تجي من ارتب كل الفوضى اللي بداخلي
السعادة تجي من ازيح حجب الظلام عن نور فطرتي 🌱
السعادة تجي من الشمس تشرق بداخلي
من اتغلب ع شيطاني
من أبرم نفسي
والخ .... الكلام لا ينتهي

رحلة السعي في الحياة لا تنتهي اساساً

اجمل مصاديق الحياة من يجتمع الجمالين سوه
جمال الداخل وجمال الخارج
ترتيب الداخل وترتيب الخارج

ميكفي إنه اني ظاهراً جميلة ومرتبة ، بس داخلي فوضى !
وكلشي أأجله بحجة اكو بعد وقت
بس هذا الوقت من عمري !!
هذا اللي دا اسوي اني ميضر أحد، يضرني اني !


من راح تلكون أجوبة لكل اسئلتكم، ذاك الوقت راح تعيشون السلام الداخلي ..
راح تفهمون شنو الحياة
و شنو الغاية وشلون نعيش 💚

بكل مرة تضيق بي الدنيا ،اكعد اجيب ورقة وقلم ، أو مجرد أتأمل، واسأل نفسي واجاوب ، ازداد سعادة وراحة وثقة هماتين.. واكيد لازم الجواب الصح
وهذا يجي من الدراسة والعلم والبحث وما شابه ..

وبكل مرة اجاوب على مجموعة اسئلة، اتقدم خطوة للأمام وتقل هواي من الفوضى اللي بداخلي
لانه الله ميريد الانسان يكون مشوش ويعيش بقلق
لذلك قال (تفكروا) 💐

وكل هذا بسبب نسيم الفجر وجمال السماء ، خلاني اكعد اسال واجاوب و اكتب كل هذا 😁🌱

واعتذر عن الإطالة
احبتت أن أنقل لكم جمال الشعور 💕

لا يتعافى المرء بصُحبةٍ ، ولا بوجود حب ، ولا بوجود مال ..

بل يتعافى بقدر رضاه ، و بقدر صلته بالله ، و بقدر كونه حقيقي ، بكونه جميل داخليًا لا ظاهريًا فقط ..
يتعافى المرء بقدر صراحته و صدقه ، و لينه و ودّه ، و حنانه على نفسه قبل غيره ، و هوان أخطاء الناس على روحه ..

يتعافى المرء بقدر قربه من روحه ..
يتعافى المرء بكونه مُسالم ، راضٍ، يُدرك صِغر الدنيا فيهون عليه كل أذى ..
و يتعافى المرء أيضًا بكونه مؤمن ، مقاوم ، يُدرك أنه " ليس للإنسان إلا ما سعى". 🌸🌱

احياناً تمر بالإنسان ساعات ضيق ..
حاله يتغير ع ساعة ، يحس روحه تعبانة
ضايكة الدنيا بعيونه، والعبرة ماليه صدره..

بعض هاي الساعات ما راح يغيرها لا سفر ولا طلعة ولا مال ولا اكل ولا زيارة صديق ولا اتصال ولا اي شيء ..

هاي الساعات البُعد عن الله .. الحل بالرجوع والقرب فقط ..
وإلا راح يبقه مختنك والدنيا ضايكة بعينه
و بس يلكي نفسه هو يم الله ، راح يشوف شكد صدره راح ينشرح وراح يرتاح ..

هيج حالات لا نكدر نفضفض بيها لأحد ، ولا راح يهون علينا أحد وحتى لو راد يخفف هم راح تبقه النفسية مخربطة وماله خلك بشي..

بس اذا رجع يم الخالق 💚
وكعد يمه وحجه ويا .. واعتذرله عن البُعد
راح تتغير نفسيته للأحسن
لأن رجع لموطن الأمان الأصلي ولمنبع الحب والحنان.. 🌷